Nk'uko umaze kubimenyera, buri wa Gatanu w'icyumweru InyaRwanda ikugezaho indirimbo nshya zasohotse muri icyo cyumweru kugira ngo urusheho kuryoherwa n'impera zacyo ari nako witegura kuzatangira ikizakurikiraho umeze neza.
Muri iki cyumweru rero, abahanzi barimo Christopher, Fela Music, King James, Kenny Sol na Nel Ngabo, Yago Pon Dat, Gisa Cyinganzo, Kenny K-Shot n'abandi barimo n'abakizamuka, bashyize hanze umuziki mushya ugiye guherekeza abanyarwanda muri Gicurasi.
1.    Vole â€" Christopher
Kuri wa Mbere w'iki cyumweru tariki 29 Mata 2024 ni bwo Christopher Muneza yashyize hanze indirimbo nshya yise 'Vole'. Avuga ko yari afite indi yari yateguye gusohora, ariko birangira iyi ari yo abanje.
Christopher ashyize hanze iyi ndirimbo mu gihe ageze kure imyiteguro y'ibitaramo afite muri Canada anategura umuzingo mushya agiye gushyira hanze nyuma y'imyaka igera ku 10.
2.    Molomita â€" Gad ft Nel Ngabo & Kenny Sol
Ni ubwa mbere Kenny Sol na Nel Ngabo bahuriye mu ndirimbo nyuma y'imyaka irenga itatu buri umwe ari mu kibuga cy'umuziki; ni ibintu bagezeho bigizwemo uruhare na Nshimiyimana Gad [Director Gad] usanzwe utunganya amashusho y'indirimbo wabahurije mu ndirimbo 'Molomita'.
Mu kiganiro yagiranye na InyaRwnada, Director Gad yavuze ko yagize igitekerezo cyo guhuriza mu ndirimbo aba bahanzi bombi, kubera ko ari abahanga, kandi yabonaga ko ubumwe bw'abo bwatanga umusaruro ushimishije mu rugendo rw'umuziki.
3.    Ejo â€" King James
Umuhanzi Ruhumuriza James [King James] yashyize hanze amashusho y'indirimbo y'urukundo yise 'Ejo' nyuma y'umwaka ayishyize hanze mu buryo bw'amajwi gusa.
4.    Amashagaga â€" Yago Pon Dat
Nyarwaya Innocent [Yago Pon Dat]Â umaze iminsi agaruka mu nkuru zihangana, yakoze mu nganzo asohora 'Amashagaga' yumvikanamo ahamya ko afite ubushake bwo gukora.
5. Uririmbe - Mwiza Zawadi
Umuramyi Mwiza Zawadi yashyize hanze indirimbo yise 'Uririmbe' nyuma y'amezi 7 ashyize ahagaragara iyitwa 'Twarahuye.'Â
6.  Nifundishe - Vumilia Mfitimana
Ni indirimbo nshya y'umurambyi Vumiliya Mfitimana wo mu Badivantiste b'Umunsi wa Karindwi unitegura igitaramo "Nyigisha Live Concert" kiba kuri iyi Sabato tariki 04 Gicurasi 2024 kuri UNILAK kuva saa munani.
7.    On God â€" RunUp ft Pallaso
Abahanzi b'abanyarwanda RunUp na Pallaso bashyize hanze indirimbo bari bamaze igihe bateguje, yitwa 'On God' ikubiyemo ubutumwa bushimira Imana yo ihindura amateka y'umuntu wese uyiringiye.
8.    Inkuru Nziza â€" Sharon Gatete
Umuramyi ukunzwe n'abatari bacye Sharon Gatete uri kuminuza amasomo y'umuziki muri Kenya, yashyize hanze indirimbo nshya yise 'Inkuru Nziza' ikubiyemo ubutumwa buhumuriza imitima y'abantu baremerewe n'ibibazo.
9.    Fadhili â€" Aime Frank
Nyuma y'amezi asaga umunani adashyira hanze indirimbo ye ku giti cye, umuramyi ukunzwe haba mu Rwanda no mu mahanga yamaze gushyira hanze indirimbo ye nshya iri mu rurimi rw'Igiswahili yise 'Fadhili.'
10. Kanani â€" Tumaini Byinshi
Umuhanzi w'indirimbo zo kuramya no guhimbaza Imana, Tumaini Byinshi wamenyekanye mu ndirimbo yise 'Abafite Ibimenyetso,' 'Aracyakora' yahuriyemo na Gentil Misigaro n'izindi, yongeye gukora mu nganzo akumbuza abizera uburyohe bw'ijuru mu ndirimbo yise 'Kanani.'
Mu zindi ndirimbo zagiye hanze muri iki cyumweru na mbere yaho gato, harimo Oya yahuye Gauchi na Eesam, Mwamba Uliopasuka ya Papi Clever na Dorcas, Amaraso ya Eddy Muramyi, Ibya Kera ya True Promises, Singipfuye ya Gisubizo Ministries Rongai, Lala ya Gisa Cyinganzo utari uherutse kugaragara, I Gotta Go y'umuraperi Kenny K-Shot, Forget it y'umuhanzi ukizamuka Tero Razz, Akanyenyeri ya Isha Mubaya, Vanilla ya Yee Fanta n'izindi nyinshi.
