Ku gicamunsi cyo kuri uyu wa Kane tariki 13 Kamena 2024, Nibwo mu Mudugudu wa Birama, mu Kagari ka Kimisagara, mu Murenge wa Kimisagara, Akarere ka Nyarugenge, hatangiye kumvikana inkuru y'incamugogo y'urupfu rw'umugabo wasanzwe mu mugozi yiyahuye bikekwa ko yabitewe no gusambanya umwana we yibyariye.
Bamwe mu baturage batandukanye basanze uyu nyakwigendera akiri mu mugozi, babwiye ibitangazamakuru bya BTN dukesha iyi nkuru na Bplus TV ko byamenyekanye nyuma y'uko umwana we avuye guhuruza abaturage abamenyesha ko se wamubyaye witwa Baranyeretse Theoneste uzwi ku izina rya Kavamahanga wacuruzaga imisego amaze kumusambanya noneho yagaruka agasanga yimanitse mu mugozi yamaze gushiramo umwuka.
Umuturage umwe ati: 'Twatunguwe no kumva umwana atubwira ngo se arapfuye kandi aribwo yaramaze kutubwira ko amaze kumusambanya'.
Undi ati: 'Bibaye rwose ku isaha ya Saa Munani n'Igice, ndi umwishywa we kugirango mbimenye ni uko bampamamagaye bambwira ko musaza wa mama yapfuye, ubwo rero nanjye nje mpuruye'.
Umunyamakuru ubwo yatunganyaga iyi nkuru, yagerageje guhamagara ku murongo wa telefoni, Umunyambanga Nshingwabikorwa w'Umurenge wa Kimisagara, Kalisa Jean Sauver aramwitaba ariko amubajije ku bijyanye n'iyi nkuru y'urupfu rwa nyakwigendera wiyahuye, ahita ava ku murongo. Iyo aza kumuganiriza yari bumubaze icyo abana asize bari bufashwe.
Abaturage banavuze ko ibyabaye ari ubukunguzi cyangwa amarozi.
Inzego zitandukanye z'ubuyobozi zahise zihagera, RIB yatangiye iperereza ku cyihishe inyuma y'urupfu rw'uyu mugabo.
The post Bahuruye umwana wari umaje gufatwa ku ngufu basanga uwabikoze yapfuye appeared first on KASUKUMEDIA.COM.
Source : https://kasukumedia.com/bahuruye-umwana-wari-umaje-gufatwa-ku-ngufu-basanga-uwabikoze-yapfuye/
