Kuri uyu wa Gatanu nibwo ikipe y'Ingabo z'Igihugu y'u Rwanda, APR FC yatangaje ko yatandukanye na Myugariro Buregeya Prince wari uyimazemo imyaka 7.
Nk'uko ku ruhande rw'Ikipe ya APR FC babitangaje ndetse n'umukinnyi ku giti cye akabitangaza, hashtizweho akadomo k'urugendo rwa Buregeya muri iyi kipe yatwaranye nayo ibikombe bitandukanye by'Imbere mu Gihugu.
Binyuze ku rubuga rwa X rwahoze ruzwi nka Twitter, APR FC yashimiye Buregeya kubw'Igihe cyose yamaze muri iyi kipe iheruka kwegukana igikombe cya Shampiyona.
APR FC yagize iti'Reka Dufate umwanya tugushimire ndetse tunacyeze ibihe byiza twagiranye n'ikipe yacu. Ubwitange, Umuco wa kiyobozi, Umurava no gukunda Intsinzi Nibyo byakuranze Mugihe Cyose twari kumwe mu muryango Wacu. Tukwifurije Amahirwe masa mu kiragano gishya. INTARE RIMWE, INTARE ITEKA!'.
Buregeya Prince wigeze no kuba umwe muba Kapiteni ba APR FC atandukanye nayo amaze gutwarana nayo ibikombe bitanu bya shampiyona y'u Rwanda byikurikiranya.
Ibi birimo bibiri batwaye muri Shampiyona y'u Rwanda badatsinzwe umukino n'umwe ubwo bari kumwe n'umutoza Adil Erradi Muhammed ndetse na Thierru Froger uyiherukamo.
Buregeya Prince w'imyaka 24 atandukanye na APR FC yari amazemo imyaka 7, yageze muri iyi kipe avuye mu ikipe y'abato bayo ya Intare Football Academy.
Usibye gutandukana kw Buregeya na APR FC, iyi kipe y'Ingabo yatangaje kandi ko Mugisha Frank ariwe muvugizi mushya w'Abafana bayo, akaba asimbuye kuri uyu mwanya Kalinda Emile.
The post Nyuma y'imyaka 7 akinira APR FC, Buregeya Prince yatandukanye n'ikipe y'Ingabo z'Igihugu appeared first on RUSHYASHYA.
