Rutahizamu w'ikipe y'igihugu Amavubi, Gitego Arthur ukinira AFC Leopards yo muri Kenya, agiye gukora igeragezwa muri Israel mu ikipe ya Hapoel Nof Hagalil FC.
Gitego yabengutswe n'iyi kipe isanzwe ikina mu cyiciro cya kabiri akaba agiye gukorayo igeragezwa ry'ibyumweru bibiri.
Biteganyijwe ko agomba kuba yageze muri Israel bitarenze tariki ya 14 Nyakanga 2024, akazakorera igeragezwa ry'ibyumweru bibiri muri iyi kipe yo muri Israel.
Nk'uko ikinyamakuru Mozzart Sports cyo muri Kenya kibitangaza, cyo kivuga ko uyu mukinnyi aya makuru amukura muri AFC Leopards yayahakanye avuga ko nta gahunda afite akiri umukinnyi wa AFC Leopards azayikinira umwaka utaha w'imikino.
