Myugariro Mitima Isaac wakiniraga Rayon Sports, yamaze gusinyira ikipe ya Al-Zulfi yo mu Cyiciro cya Kabiri muri Saudi Arabia.
Uyu mukinnyi utaragaragaye mu muri Rayon Sports kuva yatangira kwitegura umwaka w'imikino wa 2024-25, yasinyiye iyi kipe amasezerano y'umwaka umwe.
Impamvu uyu myugariro ukina mu mutima w'ubwugarizi wari usigaranye umwaka umwe muri Rayon Sports yatangaga, ni uko hari ibirarane iyi kipe yari imufitiye itaramwishyura.
Yamaze kwerekeza muri Al-Zulfi SFC yashinzwe mu 1969 yitwa Markh Club ikaza guhindurirwa izina muri 2006.
Mitima Isaac yari mu ikipe y'Intare FC yegukanye shampiyona y'icyiciro cya kabiri, yavuyemo ajya muri Police FC ariko imvune ntizamubanira ayivamo ajya muri Kenya muri Sofapaka yavuyemo 2021 aza muri Rayon Sports yakiniraga kugeza uyu munsi.
Source : http://isimbi.rw/siporo/article/myugariro-wa-rayon-sports-yamaze-gusinyira-ikipe-nshya
