Webrwanda

Uko umukino uri kugenda umunota ku munota;

36' Nyamukandagira ikomeje gukandagira Azam FC nubwo kunyeganyeza inshundura bitari byakunda, uwitwa Byiringiro Gilbert azamukanye umupira ava muri koroneri arekura ishoti umunyezamu wa Azam FC ntiyarifata neza habura usongamo ngo umupira ujye mu izamu

33' Mugisha Gilbert acomekeye umupira mwiza Lamine Bah agiye kuwushyira mu buryo ngo arekure ishoti birangira ba myugariro ba Azam Fc batabaye

31' Ruboneka Jean Bosco yongeye kugerageza uburyo ku mupira waruzamuwe na Niyomugabo Claude ashyiraho umutwe ariko birangira ataboneje mu izamuÂ

25' Dauda Yussif uri kwitwara neza muri uyu mukino arekuye ishoti riremereye ryashoboraga guteza ibibazo Azam FC ariko rinyura hejuru y'izamu gato cyane

18' Ruboneka Jean Bosco akomeje kuzonga abakinnyi ba Azam FC,yarinyongeye kuzamukana umupira maze Cheikh Sidibe amutereka hasi umusifuzi ahita amwereka ikarita y'umuhondo ndetse anatanga kufura itagize ikivamo

17' APR FC ibonye kufura yariteretse mu kibuga hagati ku ikosa ryari rikorewe Ruboneka Jean Bosco aba ari nawe uyitera Dauda Yussif ashyiraho umutwe ariko birangira umunyezamu wa Azam FC afashe umupira

13' Azam Fc ikomeje kugerageza uburyo,Fei Toto afashe umupira ari inyuma y'urubuga rw'amahina arekura ishoti ariko Pavelh Ndzila arifata nta nkomyi

10' Azam FC yarikoze akantu habura gato ku mupira waruzamukanywe na Gibrill Sillah maze agiye kuwuhereza Jhonier Blanco wari wageze imbere y'izamu birangira ba myugariro ba APR FC batabaye

8' Fei Toto urindwa mubi yarazamukanye umupira hagati mu kibuga acenga ariko Dauda Yussif awumukuraho nta nkomyi akomerwa amashyi n'abafana

6' Umunyezamu wa Azam FC,Mohammed Mustafa aryamye hasi ari kwitabwaho n'abagangaÂ

5' Abafana ba APR FC batangiranye umukino morale bitewe nuko ikipe yabo itangiye ikina nezaÂ

3' Mugisha Gilbert yaratunguranye ku ishoti yari arekuye ari mu kibuga hagati

2' Frank Tiesse wa Azam FC aryamye hasi ari kwitabwaho n'abaganga nyuma yuko yaragize ikibazo cy'imvune

1' Ikipe ya Azam FC niyo itangije umukino ndetse ihita inabona koroneri itewe Nshimiyimana Ynussu ahita akiza izamu

Umukino uratangiye

17:57' Uyu mukino ugiye gusifurwa na Kech Chaf Mustapha ukomoka muri Morocco mu gihe Mosatapfa Akarkad uraba ari umusifuzi wa mbere wo ku ruhande na Hicham Ait Abbou wa kabiri wo ku ruhande nabo bakomoka muri Morroco

17:56' Abakinnyi n'abasifuzi barimo barifotoza mbere yuko umukino utangiraÂ

17:39' Abakinnyi basubiye mu rwambariro nyuma yo kwishyushya

17:37' APR FC yakoze impinduka 2 mu bakinnyi babanje mu kibuga ku mukino ubanza aho ,Richmond Lamptey na Dushimana Olivier bahaye umwanya Thaddeo Lwanga na Mugisha Gilbert mu giheÂ ikipe ya Azam FC yo yakoze impinduka imwe mu bakinnyi 11 bari babanje mu kibuga ku mukino ubanza,havuyemo Pascal Msindo hajyamo Cheikh Sidibe.Â

Abakinnyi 11 ba Azam FC babanje mu kibuga;

Mohamed Mustafa

Lusajo Mwaikenda ©

Cheikh Sidibe

Yeison Fuentes

Yannick Bangala

Adolf Mtasingwa

James Akaminko

Franck Tiesse

Jhonier Blanco

Fei Toto

Gibril Sillah

Abakinnyi 11 ba APR FC babanje mu kibuga;

Pavelh Ndzila

Gilbert BYIRINGIRO

Clement NIYIGENAÂ

Yunussu NSHIMIYIMANA

Claude NIYOMUGABO©

Dauda Yussif

Thadeo Luanga

Gilbert MUGISHAÂ

Mamadou SyÂ

Ruboneka Jean Bosco

Mamadou Lamine Bah

17:14 Abakinnyi b'ikipe ya Azam FC binjiye mu kibuga aho bagiye kwishyushya nabo bakomerwa amashyi n'abana bacye baje kuyifana barimo n'abambaye imyenda ya Rayon Sports

17:11' Abakinnyi ba APR FC binjiye mu kibuga aho baje kwishyushya bakiranwa urugwiro n'abafana babo babakomera amashyi banazamura ibirango by'ikipe yabo

16:55' Abafana biganjemo abambaye imyambaro ya APR FC bamaze kwinjira muri Stade Amahoro aho abenshi bicaye mu gice cyo hasi mu gihe igice cyo hejuruÂ kirimo mbarwa

Umukino ubanza wabaye ku Cyumweru gishize ubera kuri Azam Complex Stadium ukaba wari warangiye Azam FC itsinze igitego 1-0 cy'Umunya-Colombia, Jhonier Blanco.Â

Ni igitego cyari kivuye kuri penariti aho Fei Toto yari yinjiye mu rubuga rw'amahina maze kapiteni wa APR FC ,Niyomugabo Claude amutereka. Ubwo bivuze ko kugira ngo ikomeze mu ijonjora rya kabiri biyisaba gutsinda ibitego 2-0 cyangwa hejuru yabyo.

Ubwo APR FC iheruka kwakira ikipe ye yo muri Tanzania muri CAF Champions League, byari taliki ya 12 z'ukwezi kwa 3 muri 2016. Icyo gihe yatsinzwe na Young Africans S.C ibitego 2-1 nabwo bikaba byari muri Stade Amahoro.

Muri rusange amateka yerekana ko APR FC imaze gukina imikino 69 ya CAF Champions League ikaba yaratsinzemo imikino 24,inganya 16 itsindwa 29.Â

Iyi kipe y'Ingabo z'igihugu iheruka gutsindirwa mu rugo muri CAF Champions League taliki ya 2 Mutarama 2017 ubwo yatsindwaga na Zanaco FC igitego 1-0 bikaba byari mu mukino wo kwishyura w'ijonjora ry'ibanze.

APR FC iheruka gutsinda ikonyuranyo cy'ibitego 2 muri iri rushanwa iri mu rugo taliki ya 4/3/2007 ubwo yatsindaga Maranatha FC yo muri Togo ibitego 2-0.

Mu gihe iyi kipe yakomeza mu ijonjora rya kabiri yazahura na Pyramids FC yo mu Misiri yabakoreye ibyamfura mbi ubwo baheruka guhura ibatsinda ibitego 6-1.