Umukinnyi w'umunyarwanda ukinira Sandvikens IF, Yannick Mukunzi yongeye guhura n'imvune ikomeye izatuma amara hanze y'ikibuga igihe kinini.
Yannick Mukunzi umaze imyaka 5 muri iyi kipe yo muri Sweden ntabwo yahiriwe n'umwaka w'imikino ushize n'uyu bikaba ariko bishobora kumugendekera.
Yannick Mukunzi yagize ikibazo cy'imvune mu Kwakira 2021, iyi mvune yo mu ivi byabaye ngombwa ko bamubaga, yarakiraga akongera agatonekara, yaje gukira neza muri 2024 ari na bwo yatangiye gukinira ikipe ya Sandvikens IF yari yazamutse mu cyiciro cya kabiri.
Muri Mata 2024 ni bwo yakinnye umukino we wa mbere nyuma y'igihe kinini adakina, gusa yaje kongera kugira ikibazo cy'imvune yo mu ivi.
Uyu mukinnyi aheruka mu kibuga tariki ya 16 Kamena mu mukino batsinzemo Oddevold 2-0. Yannick winjiye mu kibuga ku munota wa 62 ntarongera kugaragara akina kubera ko yahise agira imvune.
Amakuru avuga ko agifite byibuze amezi 3 hanze y'ikibuga kubera iyi mvune yo mu ivi.
Source : http://isimbi.rw/siporo/article/yannick-mukunzi-yongeye-guhura-n-imvune-ikomeye
