Peter Okoye uzwi nka Mr P akaba n'umwe mu bari bagize itsinda rya P-Square, yanyomoje ibirego byo kwiba indirimbo yavuzweho n'umuvandimwe aka nimpanga ye, paul Okoye uzwi nka Rudeboy.
Paul Okoye uzwi nka Rudeboy mu minsi mike ishize aherutse gutangaza ko Mr P hamwe na producer Vampire, bibye indirimbo ye. Yavuze ko yanditse kandi aririmba indirimbo yitwa 'Winning,' yateganyagako gushyira ku muzingo we uzajya hanze muri Kamena 2025.
Rudeboy avuga ko yatunguwe ubwo impangaye ye Mr P yasohoraga iyi ndirimbo akayita iye kandi yayimwibye.
Mu gusubiza ibyo birego, Mr P yavuze ko iyi ndirimbo ari iyiwe n'umuhanzi Calypso, ndetse ko bigoye kwiba indirimbo ye bwite nk'uko umuvandiwe we abivuga.
Mr P yasabye umuvandimwe we kumureka agakomeza gukora umuziki, akareka kubiba amakimbirane.
Mu butumwa yashyize kuri Instagram, Mr P yavuze ati,'Nta muntu wiba ibye bwite!'
Producer Vampire yabishyizeho umucyo ubwo yavuganaga na Mr P ku murongo wa telefone yavuze ko Winning yanditswe na Calypso dufatanyije itunganywa na Goldman.
The post Mr P yahakanye yivuye inyuma ibyo yashinjwaga na Rudeboy appeared first on KASUKUMEDIA.COM.
Source : https://kasukumedia.com/mr-p-yahakanye-yivuye-inyuma-ibyo-yashinjwaga-na-rudeboy/
