Umukinnyi w'umupira w'amaguru ukomoka mu gihugu cya Brazil, Vinicius Junior, we ubwe yavuze ko ahura n'ivanguramoko rikomeye mu kibuga, yavuze cyane ko hakenewe ingamba zikomeye zo gukemura ibi bibazo byose birangwa mu kibuga.
Uyu mukinnyi ukina imbere mu ikipe ya Real Madrid yavuze ko kurwanya ivanguramoko mu mupira w'amaguru ari intambara ya buri wese kandi ko atari ikintu yashobora gukora wenyine.
Ati: 'Buri gihe mvuga ko ari intambara ya buri wese. Ni mu gihe cy'umukino, abakinnyi mu kibuga bagaragaza bimwe mu bimenyetso biherekejwe n'ibitutsi byinshi bishingiye ku ivangureamoko, hanyuma ibyo byose umusifuzi akabireba akabyirengagiza mu rwego rwo gushyigikira ivanguramoko.
Uyu mukinnyi yabwiye bamwe mu basifuzi barangwa niyi mico ko icya mbere ari guhagarika umukino kugeza igihe ihohoterwa rirangiye.
Vinicius yashimangiye ko kurandura ivanguramoko bisaba gukorwa na buri wese. Ati: 'Abirabura bababaye kuva kera, kandi igihe kirageze byose bigomba kurangira'.
Yavuze ko FIFA, hamwe n'ishyirahamwe ry'umupira wamaguru muri Brazil bafashe zimwe mu ngamba zizajya zifatirwa izajya urangwahoiyi mico y'ivanguramoko mu kibuga. Ati: 'Reka dukomeze gushyira hamwe, kugira ngo abana bacu mu bihe biri imbere bazabeho neza'.
Source : https://kasukumedia.com/vinicius-junior-yakomoje-ku-ivanguramoko-rikorerwa-abirabura-mu-kibuga/
