Mu kiganiro n'itangazamakuru cyabaye kuri uyu wa Kabiri, Perezida wa Kiyovu Sports, Nkurunziza David, yagaragaje impamvu iyi kipe ikomeje kugorwa n'ibibazo by'imiyoborere, avuga ko amanyanga yakozwe mu myaka ibiri ishize ari yo ntandaro y'ibihe bibi Kiyovu Sports irimo.
Nkurunziza yasobanuye ko ikipe ifite ideni rya miliyoni 64 Frw yo mu 2022 yateje gufatirwa konti ya banki y'ikipe, ariko ubu bakaba bamaze kumvikana na hoteli bari babereyemo umwenda. Yavuze kandi ko hari amadeni y'abakinnyi batishyuye bayireze muri FIFA, bituma CAS (Urukiko Mpuzamahanga rwa Siporo) ibahana kutandikisha abakinnyi bashya.
Abakinnyi nka John Manu na Cojiffa baguzwe ariko ntibakinire ikipe, ndetse hari umukinnyi washyizweho agaciro ka miliyoni 90 Frw, nyamara aguzwe miliyoni 3 Frw gusa. Nkurunziza yavuze ko bagiye gukora ibishoboka byose ngo basubize Kiyovu Sports ku murongo, by'umwihariko mu mukino ukomeye bagiye gucakirana na APR FC ku wa 10 Ukuboza 2024.
Source : https://yegob.rw/kiyovu-sports-mu-bibazo-byatewe-namakosa-ya-mvukiyehe-juvenal/
