WebRwanda.com

🔒
❌
There are new available articles, click to refresh the page.
Before yesterdayImirasire.com

Diamond Platnumz yagaragaye atembera muri Kigali Arena

By Welcome Fred

Iki cyamamare cyo muri Tanzania cyageze mu Rwanda mu gitondo cy'uyu munsi aho yari avuye i Burundi yaraye akoreye igitaramo.

Uyu muhanzi wari wanyuze mu Rwanda ku munsi w'ejo akaganira n'itangazamakuru, uyu munsi akihagera yahise atemberezwa Kigali Arena.

Nyuma yo gutembera iyi nzu ari kunwe n'ubuyobozi bwa EAP bwamutumiye mu gitaramo cyo gusoza Iwacu Muzika Festival, yasabye ko yategurirwa igitaramo azaririmbira muri iyi nzu y'imikino n'imyidagaduro.

Biteganyijwe ko igitaramo cya Diamond ari buririmbemo kiri bubere muri Parking ya Stade Amahoro, kwinjira ni ibihumbi 5 n'ibihumbi 20 mu myanya y'icyubahiro.

  • August 17th 2019 at 07:32

CAF yasubije Rayon Sports ku busabe bwo guhindura ikibuga izakirirwaho na Al

By Welcome Fred

Tariki ya 11 Kanama ni bwo umukino ubanza w'ijonjora ry'ibanze ribanziriza amatsinda mu irushanwa rihuza amakipe yabaye aya mbere iwayo ‘Total CAF Champions League' wahuje Rayon Sports na Al Hilal yo muri Sudani warangiye amakipe yombi anganya 1-1 kuri stade ya Kigali i Nyamirambo.

Impuzamashyirahamwe y'Umupira w'Amaguru muri Afurika, CAF, yateye utwatsi ibaruwa Rayon Sports yari yayandikiye iyisaba ko umukino wo kwishyura izakirwamo na Al Hilal-Club mu ijonjora rya mbere rya CAF Champions League utabera muri Sudani.

Tariki ya 11 Kanama ni bwo umukino ubanza w'ijonjora ry'ibanze ribanziriza amatsinda mu irushanwa rihuza amakipe yabaye aya mbere iwayo ‘Total CAF Champions League' wahuje Rayon Sports na Al Hilal yo muri Sudani warangiye amakipe yombi anganya 1-1 kuri stade ya Kigali i Nyamirambo.

Ku wa Kabiri w'iki cyumweru ni bwo Rayon Sports yasabye ko umukino wo kwishyura wagombaga kubera muri Sudani wabera ahandi kuko itari yizeye umutekano wo muri iki gihugu kimaze iminsi kirangwamo imyigaragambyo n'ubwicanyi bitewe n'abaturage badashyigikiye abasirikare bafashe ubutegetsi.

Nk'uko bigaragara mu ibaruwa y'Umunyamabanga wa CAF, Anthony Baffoe yasubije Rayon Sports kuri uyu wa Gatanu, ivuga ko umukino uzakinirwa muri Sudani.

CAF ibinyujije mu Ishyirahamwe ry'Umupira w'Amaguru mu Rwanda, FERWAFA, yijeje Rayon Sports ko umutekano uzaba wose nyuma yo kubisezeranywa n'Ishyirahamwe ry'Umupira w'Amaguru muri Sudani.

Ati ”Bwana Munyamabanga Mukuru, dushingiye ku ibaruwa yanyu igaragaza impungenge mwagize ku mukino twavuze, turabamenyesha ko CAF yakurikiranye iki kibazo yitonze. CAF yasabye Ishyirahamwe ry'Umupira w'Amaguru muri Sudani kurimara impungenge zijyanye n'umutekano kuri uyu mukino, na yo yemeza ko hari ingamba zafashwe kugira ngo umukino uzagende neza. Ku bw'ibyo, umukino uzabera muri Sudani nk'uko byari biteganyijwe ariko tuzakomeza kubikurikirana turebe ko umukino uzaba mu buryo bwiza.”

Rayon Sports yahisemo kuzerekeza muri iki gihugu habura iminsi ibiri gusa ngo umukino nyir'izina ube ku Cyumweru tariki ya 25 Kanama 2019.

Rayon Sports iri gukora imyitozo kabiri ku munsi, aho yatangiye gutozwa na Tekinike, Kayiranga Baptiste guhera kuri uyu wa Gatanu nyuma yo gutandukana na Robertinho waje mu Rwanda yijejwe amasezerano ariko ntayahabwe.

Kugirango Rayon Sports ikomeze ni uko yatsinda Al Hilal cyangwa se bakanganya ku bitego birenze igitego kimwe.

Ikipe izakomeza hagati ya Rayon Sports na Al-Hilal Club, izahura n'izakomeza hagati ya Rahimo FC yo muri Burkina Faso cyangwa Enyimba FC yo muri Nigeria.

  • August 17th 2019 at 07:12

Hamenyekanye indi taliki izaberaho Rwanda Day

By Welcome Fred

‘Rwanda Day' ni umunsi umaze kumenyerwa nk'uhuza Abanyarwanda bo mu gihugu, ababa mu mahanga n'inshuti z'u Rwanda, bagahuzwa n'intego imwe yo kuganira ku cyarushaho guteza imbere igihugu cyabo.

Minisiteri y'Ububanyi n'amahanga n'ubutwererane yari iherutse gutangariza Abanyarwanda bose n'inshuti z'u Rwanda ko Rwanda Day yari iteganyijwe kuba ku wa Gatandatu tariki ya 24 Kanama 2019, yasubitswe kubera impamvu zitunguranye.

Nta cyahindutse ku bijyanye naho yari kubera kuko nubundi yagombaga kubera mu mujyi wa Bonn,uherereye mu Burengerazuba bw'u Budage.Hakaba hari hitezwe ko abarenga 1200 ari bo bagomba kuzayitabira.

Abanyarwanda n'inshuti z'u Rwanda baba mu mahanga bahise bagaragaza inyota bafitiye uyu munsi ndetse banatangira gusaba uburyo batangira kwiyandikisha bakabona uko bazitabira iyi Rwanda Day.

Kuva mu 2010, Rwanda Day yasize amateka akomeye mu mpande zose z'Isi, yaba muri Leta Zunze Ubumwe za Amerika no mu Burayi aho imaze kubera.

Ni ibihe biba bidasanzwe byatangiye mu Ukuboza 2010 nubwo uyu munsi utari wakiswe Rwanda Day, aho Perezida Kagame yahaye impanuro Abanyarwanda basaga 2400 baba mu Bubiligi; abashishikariza ko bakwiye ‘kwiyizera aho gutegereza ak'i muhana'.

  • August 17th 2019 at 06:55

Turasaba abahuguwe gushyira mu bikorwa ibyo bize-Col Ruhunga abwira abakozi ba RIB abahuguwe na FBI

By Welcome Fred

Ni amahugurwa yatanzwe n'impuguke zaturutse mu rwego rwa Leta Zunze Ubumwe za Amerika rushinzwe Iperereza (FBI), ahatanzwe ubumenyi bwimbitse mu gukora iperereza mu buryo bw'umwuga mu kubaza ukekwaho icyaha n'umushinjacyaha.

Ni umuhango watanzwemo seritifika kubarangije amahugurwa, kuri uyu wa gatanu tariki 16 Kanama 2019, aho abahuguwe bemeza ko batahanye impamba ikomeye izabafasha mu gutanga ubutabera bunoze.

Col Jeannot Ruhunga, Umunyamabanga mukuru w'Urwego rw'Igihugu rushinzwe Ubugenzacyaha ubwo yasozaga ayo mahugurwa, yavuze ko mu nshingano za RIB zo kugenza ibyaha, harimo no kongerera abakozi ubumenyi, mu kurushaho gukora kinyamwuga. Ngo ni nayo mpamvu bahisemo gutumira urwego rukomeye rwa FBI ngo basangize u Rwanda ubunararibonye bwabo.

Col Jeannot Ruhunga, yasabye abahuguwe kubyaza umusaruro ubumenyi bahawe batanga ubutabera bunoze mu kazi kabo ka buri munsi ko gutahura abakoze ibyaha.
Agira ati “Turasaba abahuguwe gushyira mu bikorwa ibyo bize kugira ngo bigire akamaro. Naho iyo ubyize ukagenda kubirambika ugasubira mubyo wari usanzwe ukora, uba utakaje umwanya n'ibindi byose biba byagiye mu mahugurwa, kandi nta nicyo uba wunguye urwego”.

Akomeza agira ati “Turabasaba ko ni basubira mu murimo wabo bashyira mu bikorwa ibyo bize.

Bize uburyo bukoreshwa kugira ngo ubaze ukekwaho icyaha cyagwa n'umutangabuhamya, kugira ngo ubone amakuru agufasha kugenza icyaha kugira ngo dosiye yuzure igere mu rukiko imeze neza”.

bamwe mu basoje amahugurwa

Umunyamabanga mukuru wa RIB kandi avuga ko, urwo rwego rufite gahunda yo guhugura abakozi bose, kugira ngo barusheho gukora kinyamwuga.

  • August 17th 2019 at 06:34

Mu rwego rwo kurwanya imirire mibi Ubuyapani bwijeje u Rwanda inguzanyo ya miliyoni 91$

By Welcome Fred


Kuva mu mwaka wa 2012 ikibazo cy'igwingira ry'abana bato bari hagati y'amezi 6 kugeza ku myaka 5 cyagiye kigabanuka mu Rwanda kiva ku gipimo cya 42% kigera kuri 35%.

Iri ni igabanuka rya 7% gusa mu myaka 6 ugereranije n'intego ya Leta kugabanya iki gipimo kikagera munsi byibura ya 19% kugeza muri 2024.

Ambasaderi w'u Buyapani mu Rwanda, Takayuki Miyashita yavuze ko aya masezerano y'inguzanyo agamije kugira uruhare mu kugabanya iki kibazo cy'igwingira ry'abana.

Yagize ati ''Tuzi ko u Rwanda rugaragaza izamuka ryo hejuru mu bijyanye n'ubukungu birenga 7% buri mwaka, binatuma iki gihugu gikurura abashoramari benshi bo mu buyapani bishimira uburyo iki gihugu cyorohereza ishoramari. Ariko ntitwakwirengagiza ko hakiri n'ibibazo tugomba gufatanya gushakira ibisubizo kandi nka leta y'u Buyapani twishimiye cyane kugira uruhare mu mbaraga mushyira muharanira kwiteza imbere. Kimwe muri ibyo bibazo ni ukurwanya indyo ituzuye kandi turabizi ko hari ikibazo cy'igwingira mu bana bato, ikibazo gishobora kudindiza iterambere ry'ubukungu...''

Minisitiri w'Imari n'Igenamigambi w'u Rwanda, Dr. Uzziel Ndagijimana yashimiye ubufatanye hagati y'u Rwanda n'u Buyapani anabisanisha n'iyi nguzanyo avuga ko ihendutse kandi ari ingirakamaro muri gahunda za Leta zijyanye n'iterambere ry'abaturage.

Yagize ati "Iyi gahunda izatangirana n'ukwezi kwa cumi uyu mwaka, ikazamara imyaka itatu. Ni inguzanyo ihendutse, ifite inyungu ku nguzanyo iri munsi ya 1% ikazishyurwa mu gihe cy'imyaka 40 harimo n'igihe cy'imyaka 10 tuzamara tutishyura.''

Biteganyijwe ko aya mafaranga azashorwa muri gahunda zitandukanye za guverinoma zo guteza imbere ubuhinzi no kwihaza mu biribwa, by'umwihariko ubuhinzi bw'ibiribwa byakwifashishwa mu kunoza indyo mu miryango.

Skol igiye kujya isanga abakiliya bayo aho banywera bataramirwe n'abanyarwenya ku buntu

By Welcome Fred
Skol lager yahinduriwe ibirango

Ibi byatangajwe n'ubuyobozi bw'uru ruganda mu kiganiro bwagiranye n'itangazamakuru kuri uyu wa Gatanu taliki 16 August 2019 aho bashimangiye ko bagiye gufasha ababagana kunywa ibinyobwa bya Skol ariko banaseka.

Ingingo nyamukuru y'iki kiganiro n'abanyamakuru,ni ukwerekana inzoga ya Skol Ragga yahinduriwe ibirango(Brand) aho uzajya ayireba ainyuma azajya abonaho urwenya bityo bikamufasha kuruhuka.

Mu rwego rwo kurushaho gusakaza iki kinyobwa kuri buri wese,hari intero bise “Live-Laugh-Lager” tugenekereje bisobanura ngo”baho,useka winywera lager).

Emilienne Benurugo ushinzwe gukurikirana inyungu z'ibinyobwa bya Skol (Brand manager) yavuze ko igihe ari iki ngo abakunda ibinyobwa bya Skol babinywe banamwenyura ari nako barushaho kugira amafu aho bari hose.

Comedy knight n'abandi banyarwenya bazajya basusurutsa abanywa skol Lager

Ati”Igihe kirageze ngo abakunda Skol Lager bayinywe ariko banaseka.Ni uburyo Skol yatangije aho tuzajya dusanga abakiliya bacu aho banywere tuyibahe ari nako abanyarwenya babasetsa.

Yongeyeho iyi gahunda izajya ibera mu tubari runaka abanyarwenya bakabasangayo bakabasetsa.Ikindi kandi ngo n'uko hazajya haba gahunda yo guha umwanya abanyarwenya bakizamuka bakagaragaza impano yabo bityo bakaba bafashwa kuyizamura.

Emilieenne ushinzwe guharanira inyungu mu ruganda rwa Skol

Umwihariko wa Skol lager ni uko ubwayo iryoshye kandi ngo ikaba itera amafu ku bayinyweye, ikindi kandi ikaba igura amafaranga macye ahwanye n'ubushobozi bwa buri wese.

Ibi bikorwa byose bizajya bimenyekana hakoreshejwe imbuga nkoranyambaga z Skol Brewery ltd zirimo facebook,instagram n'izindi zitandukanye.

Tuyishimire Kalim ushinzwe itangazamakuru muri Skol niwe wari umuhuza w'amagambo
Anitah Haguma ushinzwe amasoko mu ruganda rwa Skol
  • August 16th 2019 at 12:57

Diamond Platnumz yahaswe ibibazo kuri Tanacha na ShaddyBoo

By Welcome Fred
Diamond akigera ku kibuga i Kanombe

Uyu muhanzi yagarutse i Kigali ku butumire bwa EAP mu gitaramo cya Iwacu Muzika Festival kizabera muri parikingi ya Stade Amahoro kuri uyu wa Gatandatu saa 16h00.
Mu kiganiro yagiranye n'abanyamakuru yavuze ko yiteguye gukora ibishoboka byose agashimisha abakunzi be birenze ku byo yakoze ubwo yaherukaga.

Diamond yabajijwe Abajijwe ku mubano we na Shaddyboo, yatangaje ko Shaddyboo ari inshuti ye amufata nka mushiki we ndetse akaba amufata nk'abandi bakobwa bose bamufana bo mu Rwanda. Yahamije nta mubano wihariye afitanye na Shaddyboo.'

Naho ku byerekeye yavuze ko ameze neza nk'ibisanzwe ariko yirinda kugira byinshi atangaza.

Diamond azataramira abanyarwanda nyuma y'ikindi gitaramo aribukorere i Burundi kuri uyu wa Gatanu tariki 16 Kanama 2019 kirangira agaruka mu Rwanda mu gitaramo gisoza iserukiramuco rya Iwacu Muzika Festival.

Iki gitaramo Diamond yatumiwemo ni icyo gusoza iserukiramuco rya Iwacu Muzika Festival aho azahurira n'abandi bahanzi batandukanye barimo; Intore Masamba, Bull Dogg, Safi Madiba, Bruce Melody, Queen Cha, Nsengiyumva (Igisupusupu), Sintex, Bushari, Marina, Amalon na Sintex n'Itorero ry'igihugu Urukerereza.

Diamond akigera ku kibuga i Kanombe

Kwinjira muri iki gitaramo ni 5 000 Frw ahasanzwe n'ibihumbi 15 000 mu myanya y'icyubahiro ariko bikaba 20 000Frw ku bazagura amatike ku munsi w'igitaramo.

  • August 16th 2019 at 07:48

Wari uziko umubyeyi ashobora gusiga amashereka mu rugo agahabwa umwana?

By Welcome Fred

Umubyeyi agomba konsa umwana agahaga mbere yo kumusiga ngo agende
Ni byiza ko umubyeyi afata nibura isaha yo konsa umwana,mu gihe aziko amusiga buri munsi.

Konsa umwana cyane igihe utashye ndetse na nijoro ukamwonsa kenshi gashoboka
Umubyeyi utiriranwe n'umwana ashobora gukama amashereka akayasigira abiriranwa umwana bakaza kuyamuha.

Amashereka rero yakamwe abikwa gikoresho cyabugenewe gifite isuku kandi gipfundikiye neza, agahabwa umwana hakoreshejwe agakombe gasukuye neza kandi gapfundikirwa.

Ni byiza gukoresha agakombe gapfundikirwa kuko niko gakorerwa isuku neza kurenza ibindi bikoresho.

Amashereka ashobora kubikwa nibura amasaha 8 ahantu hari igipimo cy'ubushyuhe gisanzwe kiri hagati ya dogere 19 na 22°c naho yaba ari muri frigo iri kuri dogere 0 na 4°c, ashobora kumara iminsi 4 kugeza ku minsi 8 akimeze neza ntakibazo aragira.
Ibyo umubyeyi agomba kwitaho igihe yonsa.

1. Umubyeyi wonsa agomba kunywa amazi nibura litiro imwe n'igice kugera kuli litiro ebyiri Ku munsi.

2. Umubyeyi wonsa agomba kwirinda ibintu bimwe na bimwe kuko binyura mu mashereka bikaba byatera umwana ikibazo mugihe yonse,aha twavuga:

3. Itabi n'inzoga.
4. Icyayi cy'ikawa
5. Imiti imwe n'imwe irabujijwe ku mubyeyi wonsa, ni ngombwa kwirinda gufata imiti uko yishakiye atayandikiwe na muganga.

6. Ningombwa gukaraba intoki hakoreshejwe amazi meza n'isabune igihe cyose umubyeyi agiye konsa umwana, akirinda kandi gusiga amavuta ku mabere kugirango umwana ataza kuyonka.Imyenda cyane cyane iy'imbere ikora ku mubiri ndetse n'amasutiye igomba kuba ifite isuku.

Ubu nibwo buryo bwo konsa umwana ukiri mutoya mutiriranwe ukabikora mu buryo bwiza wirinda ikintu cyose gishobora kugira ingaruka ku mwana,kandi akagira ubuzima bwiza nk'ubw'umwana wiriranywa na nyina.

  • August 15th 2019 at 09:00

Umuraperi Pacson yacyuriye KNC nyuma yo kumusabira kujyanwa i Wawa

By Welcome Fred

Ku munsi w'ejo kuwa Gatatu, nibwo inkuru ivuga ko Kakooza Nkuriza Charles KNC usanzwe ari Umuyobozi wa Radio na TV 1 yasabiye umuraperi Ngoga Edson [Pacson] kujyanwa mu kigo ngororamuco kubera imyitwarire ye avuga ko ikabije kuba mibi no gukoresha ibiyobyabwenge ku kigero cyo hejuru.

KNC yabivugiye mu kiganiro ahuriramo buri gitondo na mugenzi we Angelibert Mutabaruka cyitwa ‘Rirarashe' gica kuri iyi radiyo abereye umuyobozi.

Mu kiganiro cyo kuwa kabiri tariki 13 Kanama 2019 bari bafite insanganyamatsiko ivuga ku rubyiruko, aho bagarutse cyane ku bigo ngororamuco n'uko urubyiruko rwishora mu biyobyabwenge kubera ibi bigo rukabasha kubivamo ariko hakaba n'urundi rutabireka ruva muri ibi bigo rukongera rukabijyamo.

Bavuze no ku bahanzi bamwe bagiye bafungwa kubera ibiyobyabwenge bakagaruka barabaye bashya, batanga ingero zirimo urwa P Fla wajyanywe i Mageragere mu minsi ishize akamarayo umwaka ndetse na Gisa cy'Inganzo bose bavuga ko ari abantu baje bagaragaza impinduka zitandukanye n'uko bari bameze mbere yo gufungwa.

KNC yahise avuga ku muraperi Pacson ko we akwiriye kujyanwa i Iwawa kuko afite imyitwarire itari myiza irimo iyo kunywa ibiyobyabwenge.

Yavuze ko hari amakuru aherutse kumwumvaho akumva nibura ajyanywe mu kigo ngororamuco hari ikintu byahindura ku myifatire ye.

Pacson

Pacson akimara kumva aya magambo we yahamije ko KNC ubu yari amukumbuye nyuma yo kumubura igihe kirekire.

Pacson yavuze ko KNC ibintu yatangaje yabitewe nuko yari amukumbuye nyamara yaramubuze.

Pacson yatangaje ko yaburanye n'uwari inshuti ye KNC bakoranye ariko nanone baziranye igihe kinini, muri iki kiganiro Pacson yagarutse ku buzima yabanyemo na KNC ndetse amushinja kuba yihaye inshingano zo kumujyana Iwawa nyamara atazi neza niba ibyo avuga ari ukuri.

  • August 15th 2019 at 06:32

Dore ibintu 25 byaziraga mu muco nyarwanda byatumaga uwabirenzeho aba yikururiye amakuba

By christian


1. Umuntu iyo acigatiye isake maze ikamubikira mu ntoki, uwo muntu ni uwo kuzasigwa amase (kuramba, kumara imyaka myinshi)
2. Umuntu iyo akandagiye agashwi k'inkoko kagapfira mu kirenge cye, nawe arapfa, kereka bazanye icyanga cy'amasaka y'amakoma, agatoba mu mazi akanywaho, ubwo rero ntibigire icyo bitwara.
3. Umuntu azira kwica inyamanza, kirazira rwose.N'igi ryayo ntawahirahira ngo arimene, ngo yajya abyarira guhamba.Umuntu burya agize amakuba akayica,aragenda akayijyana ahantu kure imvura itaragera,nko ku rutare akayihambamo.

4. Inyamanza yikungereza bavuga ko iba isura abashyitsi.
5. Iyo umuntu ahinga, maze inyamanza ikagwa ku isuka igapfa, arayibagira,atayibagiye ngo yagira amakuba.Iyo ari umugabo wishe inyamanza,ngo apfusha umwana w'umuhungu;yaba umugore agapfusha umukobwa.Niyo mpamvu yo kuyibagira ngo hatagira umuntu upfa.

6. Umuntu azira kwica umusambi cyangwa ngo awumenere igi,ngo yahora ahamba.Uwishe aragenda agahanisha akanywa n'imiti.
7.Umuntu wishe igikona ni ishyano aba arigushije.Arakiraburira,bakamwogosha amasunzu bakamutega rimwe risa.Ni naho havuye wa mugani ugira uti “Afite isunzu rimwe nk'uwishe igikona “.Icyo gihe aragenda na cya gikona agahagarara ku gasozi agahamagara agira ati “Nishe igikona “.Nuko bakamuha imiti yo kumukiza ayo mahano.

8.Umuntu iyo abonye ibikona 2 cyangwa 3biturutse ku irembo biboneje mu rugo,arishima ngo biramusurira neza.Iyo ari kimwe kiba ari inka imwe ,byaba 2 zikaba inka 2 zitashye muri urwo rugo.

9. Umuntu iyo yumvise igihunyira kivuze,areba ingata,n'urujyo akabitera iyo kivuye, kuko ngo gisura amatongo.
10. Umuntu azira kwica intungura n'inyombya na nyirabarazana na rwungeri, ngo iyo abyishe, nawe arapfa.

11. Umuntu warembejwe n'imisure imwonera, aragenda akazana ihene akayikama, amahenehene akayashyira ku rujyo, urujyo akarujyana mu murima agira ati”Umubandwa wambaye isunzu, ntanywa amahenehene” Icyo gihe imisure ntiyongera kumwonera ukundi.

12. Umuntu iyo azindutse ajya guhaha, maze agahura n'inkware ikagenda itavuga, amenya ko azinduwe n'ubusa akigarukira.Iyo ivuze,ngo aragenda kandi akagaruka amahoro.

Ikindi kandi ngo kirazira hagati y'Umuntu n'ibyo mu rugo n'ibyo mu nzu aho twafata nk'urugero:

13. Umuntu azira rwose gutema igikingi cy'irembo, kirazira rwose no kukigera umuhoro .Biba ari ugusura amatongo.

14. Iyo amazi atungutse mu irembo atuma umuntu atunga.Icyo gihe ahindura irembo akaryerekeza mu gikari.akabyara abakobwa batagira umuhungu ubavukamo.

15. Umuntu yirinda cyane kumena ifu mu rugo, cyangwa se ku buriri, ngo bikenya umugore w'urwo rugo agapfa.Barahanuza ndetse bakahimuka.

16. Iyo umuntu abonye amaraso cyangwa se amavuta mu rugo batazi uwayihamennye,ni ishyano ,barahanuza.

17. Umuntu azira kwitabira mu kigega,ngo nticyuzura.Kwitabira mu kigega ni amakuba mabi.

18. Kwitsamurira inyuma y'urugi rukinze no kwitsamurira iruhande rw'ikirago cyegetse,ni ugupfa nta kabuza.Barahanuza.
19. Umuntu ufita ikigega kikagwa cyari kirimo amasaka, umuzigaba cyangwa se umuse niwe uza kukegura.Undi wundi wakegura byamutera ibyago.

20. Umuntu iyo avuye gutashya inkwi, maze igihe atuye inkwi hasi umugozi ugacika, arishima ngo arahaga.

21. Kirazira kwinjiza inkwi uko zagahambiriwe, babanza kuzihambura, umugozi wazo bakawuhambiriza urukwi rumwe ngo ni umugenzo, kuzinjiza zihambiriye ngo bikenya bene urugo.

22. Umuntu iyo avuye kuvoma amazi, maze yagera mu rugo akamena icyo yavomesheje, ngo nyirurugo arakenyuka kereka iyo bimutse.

23. Umuntu iyo amennye ityazo, ngo ni ishyano.Urimennye araryikorera akarijyana mu mayirabiri agatura, ati “Ntuye ishyano “Akaba yikijije ishyano.

24. Abantu banyuze mu nzira bajugunyemo ityazo bamennye, bazira kuritambuka ngo barirenge, bahira ibyatsi bakabijugunyaho, bakabona gutanbuka, ntibagire icyo baba.Iyo umugabo cyangwa umugore badatereyeho utwatsi, ngo bararitwitwa ntibabyare.Abakobwa bateraho inshinge,abahungu bagateraho uduti ,ngo badahumana.

25.Umuntu iyo amennye urusyo,ararwikorera.Areba ikintu arushyiramo akikorera,nuko yahura n'umuntu akamwinginga ngo arumuture.Iyo amaze kurumutura,uwari urwikoreye ariruka,yagera hirya cyane ati “Untuye urusyo ntacyo untuye “.Yagera mu rugo,agahanuza bakamuha umuti akanywa.Iyo abeza urimutura arisyira mu mayirabiri.

  • August 15th 2019 at 04:43

Skol igiye kujya isanga abakiliya bayo aho banywera bataramirwe n'abanyarwenya ku buntu

By Welcome Fred
Skol lager yahinduriwe ibirango

Ibi byatangajwe n'ubuyobozi bw'uru ruganda mu kiganiro bwagiranye n'itangazamakuru kuri uyu wa Gatanu taliki 16 August 2019 aho bashimangiye ko bagiye gufasha ababagana kunywa ibinyobwa bya Skol ariko banaseka.

Ingingo nyamukuru y'iki kiganiro n'abanyamakuru,ni ukwerekana inzoga ya Skol Ragga yahinduriwe ibirango(Brand) aho uzajya ayireba ainyuma azajya abonaho urwenya bityo bikamufasha kuruhuka.

Mu rwego rwo kurushaho gusakaza iki kinyobwa kuri buri wese,hari intero bise “Live-Laugh-Lager” tugenekereje bisobanura ngo”baho,useka winywera lager).

Emilienne Benurugo ushinzwe gukurikirana inyungu z'ibinyobwa bya Skol (Brand manager) yavuze ko igihe ari iki ngo abakunda ibinyobwa bya Skol babinywe banamwenyura ari nako barushaho kugira amafu aho bari hose.

Comedy knight n'abandi banyarwenya bazajya basusurutsa abanywa skol Lager

Ati”Igihe kirageze ngo abakunda Skol Lager bayinywe ariko banaseka.Ni uburyo Skol yatangije aho tuzajya dusanga abakiliya bacu aho banywere tuyibahe ari nako abanyarwenya babasetsa.

Yongeyeho iyi gahunda izajya ibera mu tubari runaka abanyarwenya bakabasangayo bakabasetsa.Ikindi kandi ngo n'uko hazajya haba gahunda yo guha umwanya abanyarwenya bakizamuka bakagaragaza impano yabo bityo bakaba bafashwa kuyizamura.

Emilieenne ushinzwe guharanira inyungu mu ruganda rwa Skol

Umwihariko wa Skol lager ni uko ubwayo iryoshye kandi ngo ikaba itera amafu ku bayinyweye, ikindi kandi ikaba igura amafaranga macye ahwanye n'ubushobozi bwa buri wese.

Ibi bikorwa byose bizajya bimenyekana hakoreshejwe imbuga nkoranyambaga z Skol Brewery ltd zirimo facebook,instagram n'izindi zitandukanye.

Tuyishimire Kalim ushinzwe itangazamakuru muri Skol niwe wari umuhuza w'amagambo
Anitah Haguma ushinzwe amasoko mu ruganda rwa Skol
  • August 16th 2019 at 12:57

Diamond Platnumz yahaswe ibibazo kuri Tanacha na ShaddyBoo

By Welcome Fred
Diamond akigera ku kibuga i Kanombe

Uyu muhanzi yagarutse i Kigali ku butumire bwa EAP mu gitaramo cya Iwacu Muzika Festival kizabera muri parikingi ya Stade Amahoro kuri uyu wa Gatandatu saa 16h00.
Mu kiganiro yagiranye n'abanyamakuru yavuze ko yiteguye gukora ibishoboka byose agashimisha abakunzi be birenze ku byo yakoze ubwo yaherukaga.

Diamond yabajijwe Abajijwe ku mubano we na Shaddyboo, yatangaje ko Shaddyboo ari inshuti ye amufata nka mushiki we ndetse akaba amufata nk'abandi bakobwa bose bamufana bo mu Rwanda. Yahamije nta mubano wihariye afitanye na Shaddyboo.'

Naho ku byerekeye yavuze ko ameze neza nk'ibisanzwe ariko yirinda kugira byinshi atangaza.

Diamond azataramira abanyarwanda nyuma y'ikindi gitaramo aribukorere i Burundi kuri uyu wa Gatanu tariki 16 Kanama 2019 kirangira agaruka mu Rwanda mu gitaramo gisoza iserukiramuco rya Iwacu Muzika Festival.

Iki gitaramo Diamond yatumiwemo ni icyo gusoza iserukiramuco rya Iwacu Muzika Festival aho azahurira n'abandi bahanzi batandukanye barimo; Intore Masamba, Bull Dogg, Safi Madiba, Bruce Melody, Queen Cha, Nsengiyumva (Igisupusupu), Sintex, Bushari, Marina, Amalon na Sintex n'Itorero ry'igihugu Urukerereza.

Diamond akigera ku kibuga i Kanombe

Kwinjira muri iki gitaramo ni 5 000 Frw ahasanzwe n'ibihumbi 15 000 mu myanya y'icyubahiro ariko bikaba 20 000Frw ku bazagura amatike ku munsi w'igitaramo.

  • August 16th 2019 at 07:48

Wari uziko umubyeyi ashobora gusiga amashereka mu rugo agahabwa umwana?

By Welcome Fred

Umubyeyi agomba konsa umwana agahaga mbere yo kumusiga ngo agende
Ni byiza ko umubyeyi afata nibura isaha yo konsa umwana,mu gihe aziko amusiga buri munsi.

Konsa umwana cyane igihe utashye ndetse na nijoro ukamwonsa kenshi gashoboka
Umubyeyi utiriranwe n'umwana ashobora gukama amashereka akayasigira abiriranwa umwana bakaza kuyamuha.

Amashereka rero yakamwe abikwa gikoresho cyabugenewe gifite isuku kandi gipfundikiye neza, agahabwa umwana hakoreshejwe agakombe gasukuye neza kandi gapfundikirwa.

Ni byiza gukoresha agakombe gapfundikirwa kuko niko gakorerwa isuku neza kurenza ibindi bikoresho.

Amashereka ashobora kubikwa nibura amasaha 8 ahantu hari igipimo cy'ubushyuhe gisanzwe kiri hagati ya dogere 19 na 22°c naho yaba ari muri frigo iri kuri dogere 0 na 4°c, ashobora kumara iminsi 4 kugeza ku minsi 8 akimeze neza ntakibazo aragira.
Ibyo umubyeyi agomba kwitaho igihe yonsa.

1. Umubyeyi wonsa agomba kunywa amazi nibura litiro imwe n'igice kugera kuli litiro ebyiri Ku munsi.

2. Umubyeyi wonsa agomba kwirinda ibintu bimwe na bimwe kuko binyura mu mashereka bikaba byatera umwana ikibazo mugihe yonse,aha twavuga:

3. Itabi n'inzoga.
4. Icyayi cy'ikawa
5. Imiti imwe n'imwe irabujijwe ku mubyeyi wonsa, ni ngombwa kwirinda gufata imiti uko yishakiye atayandikiwe na muganga.

6. Ningombwa gukaraba intoki hakoreshejwe amazi meza n'isabune igihe cyose umubyeyi agiye konsa umwana, akirinda kandi gusiga amavuta ku mabere kugirango umwana ataza kuyonka.Imyenda cyane cyane iy'imbere ikora ku mubiri ndetse n'amasutiye igomba kuba ifite isuku.

Ubu nibwo buryo bwo konsa umwana ukiri mutoya mutiriranwe ukabikora mu buryo bwiza wirinda ikintu cyose gishobora kugira ingaruka ku mwana,kandi akagira ubuzima bwiza nk'ubw'umwana wiriranywa na nyina.

  • August 15th 2019 at 09:00

Umuraperi Pacson yacyuriye KNC nyuma yo kumusabira kujyanwa i Wawa

By Welcome Fred

Ku munsi w'ejo kuwa Gatatu, nibwo inkuru ivuga ko Kakooza Nkuriza Charles KNC usanzwe ari Umuyobozi wa Radio na TV 1 yasabiye umuraperi Ngoga Edson [Pacson] kujyanwa mu kigo ngororamuco kubera imyitwarire ye avuga ko ikabije kuba mibi no gukoresha ibiyobyabwenge ku kigero cyo hejuru.

KNC yabivugiye mu kiganiro ahuriramo buri gitondo na mugenzi we Angelibert Mutabaruka cyitwa ‘Rirarashe' gica kuri iyi radiyo abereye umuyobozi.

Mu kiganiro cyo kuwa kabiri tariki 13 Kanama 2019 bari bafite insanganyamatsiko ivuga ku rubyiruko, aho bagarutse cyane ku bigo ngororamuco n'uko urubyiruko rwishora mu biyobyabwenge kubera ibi bigo rukabasha kubivamo ariko hakaba n'urundi rutabireka ruva muri ibi bigo rukongera rukabijyamo.

Bavuze no ku bahanzi bamwe bagiye bafungwa kubera ibiyobyabwenge bakagaruka barabaye bashya, batanga ingero zirimo urwa P Fla wajyanywe i Mageragere mu minsi ishize akamarayo umwaka ndetse na Gisa cy'Inganzo bose bavuga ko ari abantu baje bagaragaza impinduka zitandukanye n'uko bari bameze mbere yo gufungwa.

KNC yahise avuga ku muraperi Pacson ko we akwiriye kujyanwa i Iwawa kuko afite imyitwarire itari myiza irimo iyo kunywa ibiyobyabwenge.

Yavuze ko hari amakuru aherutse kumwumvaho akumva nibura ajyanywe mu kigo ngororamuco hari ikintu byahindura ku myifatire ye.

Pacson

Pacson akimara kumva aya magambo we yahamije ko KNC ubu yari amukumbuye nyuma yo kumubura igihe kirekire.

Pacson yavuze ko KNC ibintu yatangaje yabitewe nuko yari amukumbuye nyamara yaramubuze.

Pacson yatangaje ko yaburanye n'uwari inshuti ye KNC bakoranye ariko nanone baziranye igihe kinini, muri iki kiganiro Pacson yagarutse ku buzima yabanyemo na KNC ndetse amushinja kuba yihaye inshingano zo kumujyana Iwawa nyamara atazi neza niba ibyo avuga ari ukuri.

  • August 15th 2019 at 06:32

Dore ibintu 25 byaziraga mu muco nyarwanda byatumaga uwabirenzeho aba yikururiye amakuba

By christian


1. Umuntu iyo acigatiye isake maze ikamubikira mu ntoki, uwo muntu ni uwo kuzasigwa amase (kuramba, kumara imyaka myinshi)
2. Umuntu iyo akandagiye agashwi k'inkoko kagapfira mu kirenge cye, nawe arapfa, kereka bazanye icyanga cy'amasaka y'amakoma, agatoba mu mazi akanywaho, ubwo rero ntibigire icyo bitwara.
3. Umuntu azira kwica inyamanza, kirazira rwose.N'igi ryayo ntawahirahira ngo arimene, ngo yajya abyarira guhamba.Umuntu burya agize amakuba akayica,aragenda akayijyana ahantu kure imvura itaragera,nko ku rutare akayihambamo.

4. Inyamanza yikungereza bavuga ko iba isura abashyitsi.
5. Iyo umuntu ahinga, maze inyamanza ikagwa ku isuka igapfa, arayibagira,atayibagiye ngo yagira amakuba.Iyo ari umugabo wishe inyamanza,ngo apfusha umwana w'umuhungu;yaba umugore agapfusha umukobwa.Niyo mpamvu yo kuyibagira ngo hatagira umuntu upfa.

6. Umuntu azira kwica umusambi cyangwa ngo awumenere igi,ngo yahora ahamba.Uwishe aragenda agahanisha akanywa n'imiti.
7.Umuntu wishe igikona ni ishyano aba arigushije.Arakiraburira,bakamwogosha amasunzu bakamutega rimwe risa.Ni naho havuye wa mugani ugira uti “Afite isunzu rimwe nk'uwishe igikona “.Icyo gihe aragenda na cya gikona agahagarara ku gasozi agahamagara agira ati “Nishe igikona “.Nuko bakamuha imiti yo kumukiza ayo mahano.

8.Umuntu iyo abonye ibikona 2 cyangwa 3biturutse ku irembo biboneje mu rugo,arishima ngo biramusurira neza.Iyo ari kimwe kiba ari inka imwe ,byaba 2 zikaba inka 2 zitashye muri urwo rugo.

9. Umuntu iyo yumvise igihunyira kivuze,areba ingata,n'urujyo akabitera iyo kivuye, kuko ngo gisura amatongo.
10. Umuntu azira kwica intungura n'inyombya na nyirabarazana na rwungeri, ngo iyo abyishe, nawe arapfa.

11. Umuntu warembejwe n'imisure imwonera, aragenda akazana ihene akayikama, amahenehene akayashyira ku rujyo, urujyo akarujyana mu murima agira ati”Umubandwa wambaye isunzu, ntanywa amahenehene” Icyo gihe imisure ntiyongera kumwonera ukundi.

12. Umuntu iyo azindutse ajya guhaha, maze agahura n'inkware ikagenda itavuga, amenya ko azinduwe n'ubusa akigarukira.Iyo ivuze,ngo aragenda kandi akagaruka amahoro.

Ikindi kandi ngo kirazira hagati y'Umuntu n'ibyo mu rugo n'ibyo mu nzu aho twafata nk'urugero:

13. Umuntu azira rwose gutema igikingi cy'irembo, kirazira rwose no kukigera umuhoro .Biba ari ugusura amatongo.

14. Iyo amazi atungutse mu irembo atuma umuntu atunga.Icyo gihe ahindura irembo akaryerekeza mu gikari.akabyara abakobwa batagira umuhungu ubavukamo.

15. Umuntu yirinda cyane kumena ifu mu rugo, cyangwa se ku buriri, ngo bikenya umugore w'urwo rugo agapfa.Barahanuza ndetse bakahimuka.

16. Iyo umuntu abonye amaraso cyangwa se amavuta mu rugo batazi uwayihamennye,ni ishyano ,barahanuza.

17. Umuntu azira kwitabira mu kigega,ngo nticyuzura.Kwitabira mu kigega ni amakuba mabi.

18. Kwitsamurira inyuma y'urugi rukinze no kwitsamurira iruhande rw'ikirago cyegetse,ni ugupfa nta kabuza.Barahanuza.
19. Umuntu ufita ikigega kikagwa cyari kirimo amasaka, umuzigaba cyangwa se umuse niwe uza kukegura.Undi wundi wakegura byamutera ibyago.

20. Umuntu iyo avuye gutashya inkwi, maze igihe atuye inkwi hasi umugozi ugacika, arishima ngo arahaga.

21. Kirazira kwinjiza inkwi uko zagahambiriwe, babanza kuzihambura, umugozi wazo bakawuhambiriza urukwi rumwe ngo ni umugenzo, kuzinjiza zihambiriye ngo bikenya bene urugo.

22. Umuntu iyo avuye kuvoma amazi, maze yagera mu rugo akamena icyo yavomesheje, ngo nyirurugo arakenyuka kereka iyo bimutse.

23. Umuntu iyo amennye ityazo, ngo ni ishyano.Urimennye araryikorera akarijyana mu mayirabiri agatura, ati “Ntuye ishyano “Akaba yikijije ishyano.

24. Abantu banyuze mu nzira bajugunyemo ityazo bamennye, bazira kuritambuka ngo barirenge, bahira ibyatsi bakabijugunyaho, bakabona gutanbuka, ntibagire icyo baba.Iyo umugabo cyangwa umugore badatereyeho utwatsi, ngo bararitwitwa ntibabyare.Abakobwa bateraho inshinge,abahungu bagateraho uduti ,ngo badahumana.

25.Umuntu iyo amennye urusyo,ararwikorera.Areba ikintu arushyiramo akikorera,nuko yahura n'umuntu akamwinginga ngo arumuture.Iyo amaze kurumutura,uwari urwikoreye ariruka,yagera hirya cyane ati “Untuye urusyo ntacyo untuye “.Yagera mu rugo,agahanuza bakamuha umuti akanywa.Iyo abeza urimutura arisyira mu mayirabiri.

  • August 15th 2019 at 04:43

Minisitiri Busingye yavuze uburyo yaciwe amande ya frw 50,000 kubera umuvuduko ukabije mu muhanda

By Welcome Fred

Uyu muyobozi yabwiye abamukurikira kuri Twitter ko imodoka ye yafashwe na camera yo ku muhanda ifite umuvuduko mwinshi,ahita yandikirwa amande,yemera ko yiteguye kuyatanga.

Busingye yabwiye abamukurikira kuri Twitter ko bakwiriye guhindura imyumvire kuko nubwo ari Minisitiri nawe akwiriye gucibwa amande igihe yishe amategeko ndetse ngo izi kamera ntizirobanura ngo zimenye umuyobozi n'utari we.

Bamwe mu bakoresha imbuga nkoranyambaga batangajwe n'aya mande yaciwe Busingye aho umwe yavuze ati‘ubwo ntabwo bamenye ko uri Minisitiri'.

Hashize amezi 4 umujyi wa Kigali ushyize kamera ku muhanda zifasha mu guca amande umushoferi zifatiye mu ikosa.

Izo kamera zandika ikosa n' amande iryo kosa rihanishwa zigahita zica amande uwo mushoferi nyiri imodoka akabona ubutumwa bugufi kuri telefone bumumenyesha ko yaciwe amande agahabwa n' igihe ntarengwa cyo kuba yamaze kwishyura.

Minisitiri Busingye uvuga ko atari we wari utwaye imodoka ye ubwo yafatirwaga mu ikosa ry' umuvuduko mwinshi agomba kwishyura aya mande y' ibihumbi 50 bitarenze tariki 18 Kanama 2019.

Mu buryo buziguye FERWAFA yatangaje ko yamaze gutandukana na AZAM TV

By Welcome Fred

Mu ibaruwa FERWAFA yandikiye abanyamuryango (Amakipe) yababwiye ko tariki ya 5 Kanama 2019 bakiriye ibaruwa ivuye muri Azam Media Ltd bavuga ko bazahagarika gukorana na FERWAFA guhera tariki 21 Kanama 2019.

Ibi bivuze ko guhera kuri iyo tariki nta mukino n'umwe w'umupira w'amaguru w'u Rwanda uzongera kugaragara kuri Azam TV ishami rya Kigali (Azam TV Rwanda).
Azam TV ishami rya Kigali ishobora kuva burundu mu mupira w'u Rwanda

FERWAFA yateguje amakipe ko agomba kwitegura izo mpinduka mu mwaka w'imikino 2019-2020 kuko ngo mu gihe nta cyaba gihindutse inkunga bagenerwaga na Azam Media Ltd yahita ihagarara.

  • August 15th 2019 at 03:27

Inkuru ndende y'urukundo “Amaherezo” igice 2

By Machad


Amaherezo Igice cya 2

Ubwo duherukana Sifa na Jado bari bamaze iminsibadaheruka kuganira ku rubuga rwa Facebook gusa nyine muri icyo gihe umwe iyo yajyaga kuri Facebook ntago yavagaho atagaragarije undi ko yahageze cyane ko ngo Jado yajyaga akunda kugira icyo avuga ku mafoto Sifa yabaga yashyize kurubuga rwe rwa Facebook ibyo rero byagaragazaga ko buri umwe agaragariza undi ko ahari. Rero mu gice gikurikiraho urumva uko byakomeje kugenda.

Umunsi umwe Sifa yaje gukora nk'icyo nakwita ishotorana hanyuma yoherereza Jado ifoto ye ariko ayimwoherereza aciye aho bandikira ubutumwa bugufi(Message) rero ako kanyana Jado yahise amwoherereza ifoto ye ari kumwe n'undi mukobwa nuko abwira Sifa ati uwo ni ngewe n'umukunzi wange gusa Sifa ntago yahise amusubiza ariko nyine bakajya bakomeza kuganira umunsi ku munsi gusa ariko aba bombi ntago bari barahanye numero za telephone gusa kuko nyine Jado yari umunyeshuli muri kaminuza naho Sifa yigaga mu mashuli yisumbuye ubwo Jado yiganaga n'umuhungu uziranye na Sifa

Rero umunsi umwe ngo Jado yari mu nzira atembera hamwe n'uwo mu hungu witwa Gerrard nibwo Jado yamubwiye ati shahu mfite umukobwa tumeranye neza muri iyi minsi kuri facebook ariko nyine ntago nari namwaka aka numero ka telephone ngo nze muvugisha kuri fone sasa nyine Gerrard ahita amubaza ati wanyeretse amafoto nkareba niba koko aza avuna?, nuko Gerrard akibona ayo mafoto ya Sifa ahita amubwira ati uyu nguyu wangu ni umuntu nziranye nawe cyane ahubwo mbwira mpite nguha na numero ye niba uyishaka kbsa ndayiguha kuko nge uriya ndamuzi kwishuli n'umu tipe bakundana ni ishumi yange.

Ubwo nyine ariko Jado aba afashe numero ya Sifa gusa yirinze ku muhamagara muri iyo minsi sasa rero nyuma nibwo Jado na Sifa bongeye guhurira kuri Facebook baraganira nibwo Jado yahise amusaba numero gusa agiye kuzimuha amuha numero…….

Agace gakurikira ntucikwe

Richard Nshimiyimana

Perezida Kagame yabwiye urubyiruko kureka ibiyobyabwenge rukita ku byazamura imibereho yarwo

By Welcome Fred

Muri ibi biganiro byabereye mu Karere ka Gasabo muri Intare Conference Arena,Nyakubahwa perezida Kagame yavuze ko inka iyo ijya kurisha ihera ku rugo ariko itarya buri byatsi byose ahubwo itoranya ariyo mpamvu bakwiriye kureka ibiyobyabwenge bakarinda ubuzima bwabo.

Yagize ati “Buriya iyo inka irisha ugira ngo irya buri byatsi ariko iratoranya,irisha ibyatsi runaka iby'amahwa ikabireka.Ntabwo irya buri cyatsi cyose.Namwe bato mukwiriye guhitamo ibibafitiye akamaro ku giti cyanyu bikanabafasha kubaka umuryango muri kumwe.

Ibijyanye n'ibiyobyabwenge murabizi.Mubisanga ahantu hose, mu mashuli,mu mihanda,hano hanze ho hari byinshi birenze mu gihugu.Abantu bamwe bibangiriza ishoramari bakoraga mu gihugu.Ibyo ni ibishobora kwirindwa.Mushobora kubyirinda kandi buri wese arabizi ko mwabishobora.Buri wese arabizi ko ubigiyemo atakaza buri kimwe.Hari ibyoroshye n'ibikomeye ariko n'ibyoroshye mukwiriye kubyirinda.”

Nyakubahwa perezida Kagame yabwiye urubyiruko ko hari abashaka kwangiza isura y'igihugu ariyo mpamvu rugomba gukora cyane kugira ngo igihugu kigere ku iterambere ndetse kigire umutekano.

Yagize ati “Ntabwo ukwiriye gutegereza ko undi muntu aza ngo agukorere ibigufitiye akamaro.Ntabwo wakura hanze agaciro,ntabwo wakura ahandi gukora cyane.Ibyo byose ukwiriye kubishaka ukabikora.Ariko mukwiriye kumenya isi tubamo,isi tubamo nta mbabazi igira.Nta muntu uri hariya hanze utekereza ikibazo cyawe ngo akigukemurire.Hariya hanze hari abantu, iyo akubonyemo ikibazo aragufasha kugira ngo kikuremerere.

Imivuno abakobwa b'ikigihe bakoresha ngo babone amafaranga mu buryo bworoshye

By Machad


Ibi uzabibonera kuri bamwe muri abo bakobwa usanga badafite akazi cyangwa bakiri ku ntebe y'ishuri bafite ibikoresho bihenze nk'amaterefone cyangwa imyenda bahora bahinduranya kurusha abakorera amafaranga bizwi neza.Aha uhita wibaza aho bakuye ubushobozi bwo kwigwizaho iyo mitungo ndetse n'ababyeyi babo ugasanga barayobewe aho abana babo bakura ubushobozi bwo kugura ibyo byose baba bafite bagahitamo kwinumira baka ruca bakarumira.

Nubwo bamwe batabivumbura hakiri kare iyo bakundana n'abakobwa bameze nk'aba, hari abandi babifata nk' ubutekamutwe bukorwa n'urwo rubyiruko rw'abakobwa kugira ngo babashe gukuraho umusore amafaranga.

Iyi niyo mitwe basigaye bakoresha ngo bacyucyure umuhungu utwe asigare amara masa:

1.Abwira uwo abeshya ngo arakunda ngo sheri “Ndatwite”

Abakobwa bakura ibyinyo bakunze kubeshya abasore ko batwite kugira ngo babone uko babasaba amafaranga yo kujya kwa muganga, cyangwa se kugira ngo babone uko bagura ibyo kurya kugira ngo umwana azakure neza. Iyo umusore adafite gahunda yo gufasha uwo yateye inda, akora uko ashoboye akamuha amafaranga yo gukuramo iyo nda. Hari abakobwa baka abasore amafaranga yo gukurishamo inda kandi badatwite.

2.Tugiye gutandukana kuko utanyitaho

Hari abakobwa babura aho bahera ngo babashe kubona amafaranga bifuza ku musore cyangwa umugabo bacuditse, maze bagahitamo kumubwira ko igisigaye ari ubutandukana urukundo rwabo rugasenyuka kuko ngo nta kintu gifatika umusore amukorera. Hari bamwe mu basore bahita barekura akayabo kugira ngo urukundo rudasenyuka.

3.Ndarwaye nabuze uko njya kwa muganga

Hari bamwe mu bakobwa babeshya abakunzi babo ko barwaye indwara nabo bayobewe iyo ari yo, bigatuma babasaba ubufasha bw'amafaranga ngo babashe kujya kwivuza kandi nyamara batarwaye. Iyo umusore abyumvise rero hari uhita amwoherereza amafaranga ngo ajye kwivuza, ayo akaba arayariye.

4.Banyibye cyangwa natakaje telefone yanjye

Aya mayeri bayakoresha akenshi igihe yivanye ku murongo abishaka aho ashobora guhindura indi nimero umuhungu atarasanzwe azi maze yamushaka akamubura,cyera kabaye agatira telefone akamubwira ibyago yahuye nabyo ko yayitaye akaba abonye aho ahera agusaba ko niba umukunda koko wamufasha akabona indi bityo kubera kugira impuhwe kw'abahungu no kudashishoza akamuha amafaranga akagura indi kugirango babashe kujya bavugana.Nyuma wamara kumuha amafaranga yo kugura indi, iya mbere akayigurisha cyangwa akazakubwira ko yaje kuyibona.

5.Nabuze amafaranga yo kwishyura inzu

Hari n'abakobwa bikodeshereza amazu nk'abanyeshuri cyangwa batari abanyeshuri nabyo birashoboka,ugasanga igihe akeneye amafaranga, ariyambaza umukunzi we ngo amufashe kubona ayo kwishyura ubukode.yabyumva akumva koko ko umukunzi we bamusohoye munzu cyaba ari igisebo cyangwa yahita amwanga akayamuha.Ariko iyo bimaze kuba akamenyero hari ubwo umukobwa asaba umukunzi we amafaranga kandi ukwezi ko kwishyura kutaragera, ubwo akaba ayamukuyeho mu buryo bworoshye akoresheje amayeri.

6.Hari umushinga nateguye nshaka ko umfashamo

Hari abandi bakobwa babeshya abakunzi babo ko babonye imishinga yo gukora kugira ngo ibinjirize amafaranga. Akaba yabwira umukunzi we ko yamufasha kubona amafaranga kugira ngo ayashore muri uwo mushinga, akamwizeza ko azayamwishyura buhoro buhoro, noneho bikarangira atayamwishyuye,rimwe n'umuhungu ntayamwishyuze kubera kugira isoni cyangwa kwanga ko bashwana maze akamubeshya ko yahombye.

7.Nta mafaranga yo guhamagara mfite muri telephone

Rimwe na rimwe abakobwa bakunda gusaba cyane abakunzi babo amafaranga yo kwifashisha mu guhamagara, kandi atari cyo ayashakira, cyangwa yanayabona akayakoresha mu guhamagara abandi batari umukunzi we nk'ayo yamuhaye akayamuhamazamo rimwe cyangwa ntanarimwe.Hari bamwe mu basore baba barashyizwe n'abakunzi babo b'abakobwa ku kamenyero ko kubagurira amakarita yo guhamagara ya buri munsi.Ubwo umusore ubashije gutekereza yafata ayo amaze kumuha mu kwezi agasanga ni kimwe cya kabiri cy'ayo ahembwa.

8.Nta tike mfite yo kuza kugusura kandi ndagukumbuye

Akenshi hari abakobwa bakoresha ubu buryo ngo bakure ibyinyo abasore cyangwa abagabo babeshya ngo barakunda.Hari igihe ibyo abikora yaje muzindi gahunda nko gusura uwundi muhungu hafi y'aho umukunzi we atuye atari uko yabuze uko ahagera ahubwo ari ukwishakira amafaranga.Umusore yabyumva akamvu ko umukunzi we amukunda cyane n'ikimenyimenyi ahora yifuza kumusura maze agahita aya mwoherereza.

Ntibivuze ko hatari abakobwa bafite urukundo rwa nyarwo rudashingiye kuri ibi twabonye haruguru ahubwo ni uko abenshi muri iyi minsi bakoresha ubwo buryo kugira ngo babashe kwicyemurira bimwe mu bibazo baba bifitiye.

Rimwe abahungu iyo babonye umukobwa wakijijwe n'ayo mayeri cyangwa ubwambuzi bukoreshejwe ikoranamutwe,bose batinya kuba bamubaza amazina iminsi igahita indi igataha wawundi nawe yajyaga ashushanya bikarangira amuvumbuye bityo nyamukobwa bikaba byamuviramo no kubura umugabo kuko buri wese agenda avuga amabi y'uwo mukobwa ndetse n'uwo yabikoreye hari igihe kwifata ngo abike ibanga bimugora akabibwira abandi basore,bikamenyekana hose hanyuma umukobwa bikarangira abuze umugabo agasariza iwabo kandi yitwa ngo ni mwiza.

Inama:Muri ibi bihe rero umusore wese agambo kureba kure ndetse akaba maso hakanakoreshwa ubushishozi buhambaye kuko utabyitondeye wasanga utwawe tuhashiriye cyangwa bikagutera kuzinukwa igitsina gore burundu.ariko ku rundi ruhande usanga bamwe mu bagabo ibyo ntacyo bibabwiye icyo bapfa gusa ari uko amutekaho iyo mitwe ariko akamukorera icyo aba amwifuzaho mbega bikamera nko kugura.

❌