WebRwanda.com

🔒
❌
There are new available articles, click to refresh the page.
Before yesterdayUMUSEKE

AS Kigali itsinzwe umukino wa gatatu wa gicuti yitegura KMC

By Ange Eric Hatangimana

Ikipe ya AS Kigali yatsinzwe na Police FC ibitego 3-1, mu mukino wa gicuti wa gatatu yakinnye yitegura KMC mu irushanwa rya CAF Confederations Cup, mu mukino ubanza ikipe zombi zanganyije 0-0.

Umukino watangiye ikipe ya Police iri hejuru cyane mu rwego rwo gukina ugereranyije n’uko AS Kigali yakinaga. Police FC yafunguye amazamu ku munota wa 11 itsindiwe na Iyabivuze Osee.

Ku munota wa 18 Iyabivuze yongeye ubona inshundura atsinda igitego cya kabiri nyuma y’uko habayeho kutumvikana hagati y’umunyezamu wa AS Kigali na myugariro we Bishira Ratif.

Police FC yakomeje kwiharira umukino igice cya mbere kirangira AS Kigali iri inyuma itsinzwe 2-0.

Igice cya kabiri cyatangiranye imbaraga n’ishyaka ku bakinnyi ba AS Kigali bashakaga kwishyura.

Byaje kuba bibi kuri iyi ikipe ubwo Ruhinda Farouk wayifashaga gushaka ibitego yahabwaga ikarita y’umutuku basigara ari 10 mu kibuga.

AS Kigali yakoze impinduka yinjizamo abakinnyi batanu icya rimwe baza no kuyifasha kugombora igitego kimwe, gitsinzwe na Nova Bayama wari ukinjiramo.

Umukino wenda kurangira Uwimbabazi Jean Paul yatsindiye Police FC  igitego cya gatatu cyabonetse ku munota wa kane muri itanu yari yongewe kuri 90 isanzwe y’umukino.

Nyuma y’umukino umutoza wa AS Kigali Eric Nshimiyimana yavuze ko ikipe ya Police FC yabatanze kwinjira mu mukino bituma bagorwa no guikina bashaka kwishyura.

Ati “Abakinnyi bange batinze kwinjira mu mukino bituviramo gustinzwa ibitego byabonetse kare. Mu gice cya mbere twari dufite igihunga Police FC ibasha kubyaza umusaruro amahirwe yabonye.”

Ku rundi ruhande Haringingo Francis utoza Police FC yavuze ko gutsinda ibitego bitatu bitanga ikizere cyo kuzitwara neza muri Shampiyona ndetse no mu marushanwa azahuza amakipe ya Police azabera muri Kenya.

Ati “Gutsinda ibitego bitatu byongera imbaraga ku bakinnyi kandi ni byiza no ku ikipe muri rusange. Ni ikipe turi gutegura kugira ngo turebe ko muri Shampiyona tuzahatana n’izindi kipe.”

Mu mukino wo kwishyura w’irushanwa rya CAF Confederations Cup, AS Kigali izakina na KMC yo muri Tanzania ku wa gatanu tariki ya 23 Kanama 2019, bakinire ku kibuga cya Uwanja wa Taifa.

 

Abakinnyi 11 AS Kigali yabanjemo:

Bate Shamiru (GK,27), Benedata Janvier 10, Ahoyikuye Jean Paul 9, Ntamuhanga Thumaine Tity (C,12), Kalisa Rachid 3, Nsabimana Eric Zidane 30, Kitegetse Bogarde 19, Farouk Ruhinda Saifi 4, Nshimiyimana Ibrahim 20

Abakinnyi 11 Police FC yabanjemo:

Habarurema Gahungu (GK,18), Mpozembizi Mohammed 21, Muvandimwe JMV 12, Nduwayo Valeur 6, Nsabimana Aimable (C,13), Munyakazi Yussuf Lule 20, Ntirushwa Jean Aimée 8, Mico Justin 10, Kubwimana Cedric Jay Polly 5, Hakizimana Kevin Pastole 25, Iyabivuze Osée 22.

Dieudonne NSHIMIYIMANA
UMUSEKE.RW

U Burundi bwangiwe kwinjira mu muryango wa SADC

By Ange Eric Hatangimana

Ikifuzo cy’u Burundi cyo kwinjira mu muryango w’ubukungu uhuza ibihugu bya Africa y’Amajyepfo (SADC) nticyabashije gutambuka.

Perezida wa Tanzania Dr John Pombe Magufuli ni we wavuze ikemezo cyafatiwe u Burundi ku bijyanye n’ubusabe bwo kwinjira muri SADC

U Burundi bwabwiwe ko hari ibyo butujuje kugira ngo bwemererwe kwinjira muri SADC.

Perezida Pombe Magufuli wasoje inama y’Abakuru b’Ibihugu byo muri uriya muryango yaberega i Dar es Salaam kuva ejo hashize, kuri iki cyumweru yavuze ko u Burundi butemerewe kuba umunyamuryango wa SADC.

Magufuli yavuze ko basanze hari intambwe u Burundi butaratera kugira ngo bubashe kwinjira muri SADC, mu byo bwasabwe ngo hari bimwe butaratunganya neza.

Yagize ati “Inama yasabye Ubunyamabanga gusobanurira u Burundi ibyo butaruzuza kugira ngo bubikore, nyuma hazoherezwayo itsinda ry’abagenzuzi rirebe ibindi bikenewe gukorwa.”

Perezida Magufuli aherutse gusaba Amahanga yafatiye ibihano Zimbabwe kubikuraho kubera ko impamvu byari byafashwe zitakiriho, yabivuze afungura iyi nama.

SADC ifite ikicaro Gaborone muri Botswana, igizwe n’ibihugu 16 birimo Angola, Botswana, ibirwa bya Comoros, DR.Congo, ubwami bwa Eswatini, Lesotho, ibirwa bya Madagascar, Malawi, ibirwa bya Mauritius, Mozambique, Namibia, ibirwa bya Seychelles, Africa y’Epfo, Tanzania (ni yo iyoboye umuryango), Zambia na Zimbabwe naho u Burundi bwasabye kwinjiramo ntiburemererwa.

UMUSEKE.RW

 IGP Munyuza yasabye Gicumbi, Burera na Nyagatare gukaza umutekano w’imipaka

By Ange Eric Hatangimana

Uretse kubakira umuturage hanubatswe ibiro bya Polisi mu Mirenge itandukanye

Ku wa gatandatu w’iki cyumweru ku rwego rw’igihugu hasojwe ukwezi kwahariwe ibikorwa bya Police byarimo gufatanya n’abaturage mu iterambere, mu Karere ka Gicumbi bubakiye abatishoboye na nubaka ibiro bishya bya Polisi.

 

Ubumwa bwatanzwe ku Turere duturanye n’umupaka wa Uganda ni ubwo kwitandukanya n’ibiyobyabwenge.

Ukwezi kwahariwe ibikorwa bya Police mu Karere ka Gicumbi bubakiye uwitwa Kayonga Semikizi wari umaze umwaka akodesherezwa n’ubuyobozi bw’Umurenge.

Kayonga Semikizi wavutse mu 1953 yubakiwe inzu, ashima uburyo yongerewe imyaka yo kubaho.

Ati: “Ubu niyongereyeho imyaka 20 yo kubaho, nanahawe inka muri Girinka, mbana n’umufasha wange twenyine, umwana wacu yarashatse, imbaraga Police itwongereye natwe tuzabasha kwiteza imbere.”

Polisi yatashye n’ibiro byubatswe bizajya bifasha mu kazi kabo ka buri munsi mu Mirenge ya  Kaniga na Cyumba yegereye umupaka wa Gatuna, u Rwanda ruhana na Uganda.

Mu butumwa bwatanzwe bwagarutse cyane ku kibazo k’ibiyobyabwenge na magendu byinjirizwa ku mipaka, basaba abaturage kwitandukanya na byo kuko  bibakururira igihombo n’ibihano bitandukanye.

Umuyobozi wa Police ku Rwego rw’igihugu, IGP Dan Munyuza yasabye Uturere twegereye umupaka kuba inzira y’amahoro n’umutekano aho kuba inzira yo kuwuhungabanya, avuga ko abaturage nibakomeza ubufatanye bazarushaho gukumira ibyo bihungabanya umutekano.

IGP Munyuza ati: “Ibikorwa byose twabigezeho dufatanyije n’abaturage, turabashimira. Ibibazo biteza umutekano muke muri aka Karere dufatanye ingamba zo kubikemura. Gicumbi, Burera na Nyagatare tubihagurukire tubikemure mu minsi mike.”

Yongeyeho ko usibye ibiyobyabwenge byangiza ubuzima bw’abaturage bica ku mipaka, ngo hari n’ikibazo cy’abinjiza magendu ihungabanya ubukungu bw’igihugu.

Yakomeje agira ati: “Mureke abacuruza babikore, n’abasoresha bakore akazi kabo, kuko abarembetsi bakora umwuga wo kugenda nijoro twarabahagurukiye, dufite igihugu kirimo imirimo ikorwa habona.”

Minisitiri w’Ubutabera akaba n’Intumwa Nkuru ya Leta, Johnston Busingye na we yashimye abaturage bagira uruhare mu gukumira abangiza umutekano w’igihugu, anabakangurira kuruhashaho gufatanya kubaka iterambere ry’igihugu.

Ati: ”Ikerekezo dufite ni icyo kwihutsisha iterambere rishingiye ku bufatanye, niyo mpamvu Police ibasaba ubufatanye mu kurwanya ibishobora guhungabanya umutekano w’Abanyarwanda, mwitandukanye n’ibiyobyabwenge kuko ibihano byariyongereye.”

Yavuze ko inzu Police yubatse zo gukoreramo abaturage bakwiye kwirinda kuzicumbikirwamo, kuri we ngo byamushimisha yumvise ko hashize umwaka nta muntu ujyiyemo.

Minisitiri w’Ubutabera yanagarutse ku kibazo k’indwaara ya Ebola asaba abaturage kugira isuku bakirinda kuramukanya n’uwo babonye wese bahana ibiganza.

Batambagira ahari inyubako Police yubatse muri Cyumba

Inzu bubakiye Kayonga Semikizi ifite ubwiherero n’ikigega gifata amazi

Inzu ya Kayongabanamuguriye ibikoresho birimo ibigize salon yakiriramo abashyitsi

Kayonga Semikizi n’umufasha we n’abayobozi bari baje kumumurikira inzu

Ibishushanyo mbonera by’inyubako Police yubatse mu Murenge wa Cyumba

EVENCE NGIRABATWARE
UMUSEKE.RW/GICUMBI

Afghanistan: Igisasu cyaturikiye mu bukwe gihitana 63 hakomereka 180

By Ange Eric Hatangimana

Kuri iki cyumweru bahise bashyingura abo bantu bapfiriye mu gitero k’igisasu cyaturikiye i Kabul kigahitana 63 bari batashye ubukwe gikomeretsa abandi 180.

Abageni bari batahiwe ubukwe bo babashije kurokoka ariko bamwe mu bavandimwe babo bishwe n’igisasu

Umutwe wa Leta ya Kisilamu (Islamic State, IS) wigambye kuba inyuma y’iki gitero.

Igisasu cyaturikiye mu bukwe ku wa gatandatu mu masaha y’igicuku ahagana saa ine zishyira saa tanu (22:40), byari saa 18h10 ku isaha ngengamasaha ya GMT.

Perezida wa Afghanistan Ashraf Ghani yamaganye iki gitero avuga ko ari ik’ubunyamaswa. Yashinje umutwe wa Taliban guha urubuga abakora iterabwoba.

Gusa, aba Taliban na bo bamaganye iki gitero bavuga ko nta ruhare na ruto bakigizemo.

Umutwe ufatwa nk’uw’iterabwoba wa IS wasohoye itangazo uvuga ko umwe mu bambari bawo yiturikirijeho igisasu ari mu kivuge cy’abantu benshi, n’aho abandi baturitsa ibisasu byinshi igihe imodoka zitabara zari zihageze.

Minisiteri y’Umuteano w’imbere mu gihugu muri Afghanistan yemeje amakuru nyuma inatangaza imibare y’abapfuye. Amaforo yafashwe agakwirakwira ku mbuga nkoranyambaga agaragaza abari mu bukwe bahunga.

Ubukwe bwo muri Afghanistan bukunze kuba burimo imbaga y’abantu bateraniye ahantu hamwe, ariko abagabo bakicara ukwabo n’abagore n’abana bakicara ukwabo.

Abageni bo muri ubu bukwe, umusore yabashije kuvugana na televiziyo yitwa amazina ye ni Mirwais yavuze ko we n’umuryango we byababaje cyane ndetse ngo umugeni we n’ubu ntabasha kuvuga.

Yavuze ko mu bo igisasu cyahitanye barimo umuvandimwe we, inshuti n’abandi bantu bo mu muryango we.

BBC

UMUSEKE.RW

Nyamasheke: Taxi Hiace yarenze umuhanda hakomereka 18 batanu bararembye cyane

By Ange Eric Hatangimana

Ahagana saa tanu z’amanywa kuri iki cyumweru imodoka itwara abagenzi yarenze umuhanda ubwo yari igeze mu rugabano rw’Umurenge wa Kanjongo na Macuba muri Nyamasheke, biravugwa ko abarimo 18 bakomeretse.

Imodoka yavaga i Rubavu igana i Rusizi

Impanuka yabereye mu Mudugudu wa Munimba, Akagari ka Rugali mu Murenge wa Macuba imodoka Taxi Hiace RAB 936L yari ivuye i Rubavu igiye i Rusizi mabari bayirimo bari batashye ubukwe.

Abantu 18 bari muri iriya modoka barimo n’umwana muto bose bakomeretse bikomeye, batanu bakomeretse umutwe.

Dr Salatiel Kanyarukiko uyobora Ibitaro bya Kibogora yabwiye Umuseke ko bamuhamagaye yagiye mu misa bamubwira iby’iyo mpanuka.

Ati: “Abo bantu twabakiriye ku Bitaro. Hari abakomeretse cyane mu mutwe abandi barataka ahantu hatandukanye.”

Umuyobozi muri Police ushinzwe umutekano mu muhanda, CP. Rafiki Mujiji yabwiye Umuseke ko nta muntu waguye muri iriya mpanuka.

Ati: “Turacyakurikirana amakuru, ntituramenya icyaba cyateye iriya mpanuka ariko turaza kubabwira.”

Hari amakuru Umuseke ufite avuga ko umwe muri bariya batanu bakomeretse cyane yitabye Imana.

Nta minsi myinshi irashira hafi ya hariya habereye impanuka y’ikamyo itwara mazutu yahirimye irashya, uwari uyitwaye apfiramo.

Imodoka yataye umuhanda igwa mu ishyamba

NIZEYIMANA Peter
UMUSEKE.RW

Kenya: Umugabo yatawe muri yombi akekwaho gufata nyina ku ngufu

By Ange Eric Hatangimana

Police y’ahitwa Kericho mu gihugu cya Kenya ku wa gatanu yataye muri yombi umugabo w’imyaka 36 akurikiranyweho gufata ku ngufu nyina w’imyaka 60.

Uyu mugabo afungiye kuri Polisi ikorera ahitwa Chepseon mu gace ka Kipkelion East akurikiranyweho icyaha yakoreye ahitwa Mosomborik.

Amakuru avuga ko uriya mugabo yakoresheje imbaraga ashaka gufata nyina umubyara ku ngufu, akaba yaramufatiyeho umupanga amukangisha kumwica ndetse amufata ku ngufu mu ijoro ryo ku wa kane tariki 15 Kanama.

Umuyobozi wungirije wa kariya gace witwa Stephen Korir yemeje amakuru y’itabwa muri yombi ry’uriya muntu bivugwa ko yari yasinze ajya gukora biriya.

Ati  “Bivugwa ko yateye urugo rwa nyina ari nijoro, aramubyutsa amutegeka kuryama hasi.

Nyina abyanze, uriya ukekwa yamukubise inshyi amubwira ko amutemesha umuhoro.”

Uyu muhungu ukekwaho gufata nyina ku ngufu yasanze Se atari mu rugo.

Umubyeyi wakorewe icyaha yahise ajya kubibwira umuturanyi we, umuhungu we amaze kugenda assize amukomerekeje.

Stephen Korir ati “Yantekerereje ibyamubayeho mu biro iwange dufatanya n’abandi bayobozi gushakisha uwakoze icyaha dufatanyije n’abaturage. Ukekwaho icyaha yaje gufatwa arimo kunywa inzoga. Twamushyikirije Polisi.”

Uriya mubyeyi yajyanywe ahitwa Londiani kugira ngo yitabweho.

Ukekwaho gukora icyaha azagezwa ibere y’urukiko ku wa mbere kugira yisobanure ku byo aregwa.

Muri kariya gace ko muri Kenya ibyaha byo gufata ku ngufu, gusambanya abana n’ihohotera rikorerwa mu ngo bigenda bifata intera kubera ubusinzi.

The Monitor

UMUSEKE.RW

Amafoto y’igitaramo cya Diamond i Kigali wavuze ko yaririmbanye umunaniro

By Jean Pierre Nizeyimana

Mu gitaramo gisoza Iwacu Muzika Festival Diamond ntabwo yashimishije abafana be nkuko byari byitezwe bitewe n’ikibazo cy’umunaniro nkuko nawe yabyivugiye ari kuririmba…Mu bahanzi Nyarwanda hatunguranye Bushali, Igisupusupu wari witezwe bitandukana biratungurana.

Abakobwa bakunda Diamond banyuzwe no kumubyinisha

Abahanzi bari bitezwe muri iki gitaramo ni Diamond na Nsengiyumva Francois wamamaye nka Igisupusupu.

Igisupusupu ntabwo yakiriwe nkuko abantu babitekerezaga cyangwa hagendewe ku bindi bitaramo yagiye akorera mu ntara byo akishimirwa by’ikirenga.

Kuri Diamond nawe ntabwo byagenze neza nubwo yaririmbye (Semi live) mugihe abandi bahanzi baririmbye umuziki w’umwimere (live).

Diamond yagiye ku rubyiniro saa 23hn’iminota 50′ asoza kuririmba saa 01h n’iminota 50.

Yabwiye Abanyarwanda ko abakunda

Uko igitaramo cyagenze muri rusange…

Ku isaha ya saa kumi n’imwe nibwo abantu bari batangiye kugera ahabera igitaramo kuri Parking ya Stade Amahoro I Remera.

Abahanzi bitezwe muri iki gitaramo harimo Amalon, Marina, Sintex, Bushali, Queen Cha, Safi Madiba, Bull Dog, Masamba, Nsengiyumva na Diamond Platnumz.

18h45: Itorero ry’igihugu Urukerereza nibo babanje ku rubyiniro babyina indirimbo zabo zinyuranye.

Nyuma ya Urukerereza hakurikiye ho Band ya Symphony yacurangiye abahanzi kuva ibi bitaramo byatangira. Umuhanzi bacurangiye bwa mbere ni Kenny Sol wahoze mu itsinda rya Yemba Voice.

Mu bahanzi bamamajwe uwabanjirije abandi ni Sintex, yahereye ku ndirimbo ‘Super star’ akurikizaho ‘Twifunze’ yahagurukije bake mu bafana be.

Yakurikijeho ‘You and I’, mu rwego rwo gushimisha abafana be yahamagaye ababyinnyi ku rubyiniro bamufasha , mu ndirimbo yise ‘Byina’ na ‘Akuka’.

19h50’: Marina yagiye ku rubyiniro,yahereye ku ndirimbo ‘Just like that’, yakurikijeho ‘Ni wowe gusa’, ‘Marina’ n’izindi.

20h14’: Amalon yakurikiye Marina ahera ku ndirimbo ‘Impanga’ akurikizaho ‘Derila’ ‘Yambi’ na ‘Byakubaho’.

20h39’: Queen Cha yagiye ku rubyiniro n’ababyinnyi be, yahereye kuri ‘Promise’ akurikizaho ‘Twongere’, ‘Gentleman’ asoreza kuri Winner.

Mc Buryohe waruyoboye igitaramo yasimbuwe na MC Tino hamwe na Anita Pendo, aba bombi baryohereje abafana baranyurwa bitewe n’amagambo yabo byivanze no kubyina.

21h07’: Intore Masamba yagiye ku rubyiniro arikumwe n’ababyinnyi bakenyeye bya Kinyarwanda, yahereye ku ndirimbo yitwa ‘Kanjogera’ akurikizaho ‘Mama shenge’, ‘Nyaruguru’, ‘Sisi wenyewe’ na Insinzi’.

21h26’ hagiyeho umuhanzi witwa Bushali uri mubagize itsinda rya Kinya Trap riharawe muri iyi minsi, yahereye ku ndirimbo yitwa ‘Zunguzayi’ iri kuri Album bakoze yitwa ‘Agasima’ akurikizaho ‘Ese ni mwebwe’ ikunzwe cyane n’Abanyakigali.

21h42’ Safi Madiba yagiye ku rubyiniro ahera ku ndirimbo yitwa ‘Kimwe kimwe’ akurikizaho ‘Nisamehe’, ‘Got it’, ‘Hero’ na ‘kontwari’ ikunzwe muri iyi minsi yamufashije guhagurutsa abafana.

22h05: Bull Dogg yagiye ku rubyiniro abakunzi b’injyana ya Rap bamweretse urukundo mu ndirimbo ze zakanyujije ho nka ‘Baranzi bose’,’Mechamant’, ‘Cinema’ n’izindi.

22h35 nibwo Nsengiyumva Francois wamamaye nka Igisupusupu yageze ku rubyiniro Yabanje gusaba Abanyamugi kwicanga ku ndirimbo yahereye ho yitwa ‘Icange’.

Yakurikije ho iyitwa ‘Rwagitima’ aheruka gusohora yanyuzagamo akaganira n’abafana be ababwira ko abakunda.

Yasoreje ku ndirimbo ‘Mariya jane’ yamenyekaniye ho ari naho havuye izina ry’akabyiniriro ‘Igisupusupu’, yasoje asabira abafana be kubaho bakaramba.

22h55’: Bruce Melody nibwo yageze ku rubyiniro mu myambaro ishashagira, mu ndirimbo yaririmbye harimo ‘Blocka’, ‘Tuza’, ‘Ikinya’,’Kungola’, ‘Ndumiwe’ n’izindi.

Mbere y’uko Diamond ahamagarwa ku rubyiniro habanje kujya Dj Marnaud ashyushya abitabiriye igitaramo avanga imiziki itandukanye igezweho n’iya kera yakanyujije ho.

Diamond ahinduye isura y’igitaramo…

23h50’: Diamond Platnumz nibwo yageze ku rubyiniro ahera ku ndirimbo ikunzwe muri iyi minsi yitwa ‘Kanyaga’.Uyu muhanzi ukunzwe muri Afurika akoresheje ururimi rw’Ikinyarwanda yababwiye ko abakunda cyane.

Indirimbo ye yitwa ‘Tetema’ yahinduye igitaramo n’abantu bari bicaye barahaguruka baratetema nkuko indirimbo ibivuga nubwo abari imbere bari bacanye camera z’amatelefone yabo bafata amashusho.

The One iri mu ndirimbo aheruka gusohora niyo yaririmbye bwa gatatu abafana be bamufashaga kuyibyina yakurikije ho ‘Inama’ yakoranye na Fally Ipupa biba akarusho.

Yagarutse no ku ndirimbo yakoze mu myaka nk’itatu nka ‘Mbagara’, ‘Utanipenda’, ‘Zilipendwa’ n’izindi abafana be barazishimira.

Ageze hagati ari kuririmba Diamond yanyuzagamo akavuga ko ananiwe bitewe n’ibitaramo amaze iminsi akora harimo nicyo yaraye akoreye I Burundi.

MC Buryohe niwe wayoboye igitaramo

Mu myanya y’icyubahiro hateguwe intebe

Abanyabirori b’i Kigali ntibacikanwe

Muri VIP ni uku hameze ku isaha ya saa moya

Itorero Urukerereza niryo ryabanje gutaramira abitabiriye Iwacu Muzika Fest

Itorero Urukerereza ryaserukanye umucyo

Sintex n’ababyinnyi bamufashije ku rubyiniro

Marina ni uku yaje yambaye

Kuri Stage yari afite umusore umubyinisha

Nta cyaka mu bafana

Amalon yaririmbye indirimbo ze ririmo Byakubaho ikunzwe

MC Tino

Anita Pendo yafatanyije na Tino mu kuyobora igitaramo

Uyu yari yaryohewe n’indirimbo za Masamba

Intore Masamba yishimiwe mu ndirimbo za gakondo

Abakobwa bafashije Masamba

Bushali yaje ku rubyiniro yahishe isura

Ku ndirimbo yakurikiyeho yahise akuramo umwenda wahishaga isura ye

Abakunzi ba Bushali

Umubyinnyi wa Safi Madiba

Safi yanyuzagamo akajyanisha n’umubyinnyi we

Bull Dogg ukunzwe mu bakora Rap abafana bamwishimiye

Ababyinnyi bamufashaga kubyina indirimbo ze

Nsengiyumba Francois ntabwo abafana bamwakiriye nkuko byari byitezwe

Abafana ba Bruce Melody bamweretse ko bishimiye indirimbo yahisemo aririmba

Bruce Melody yahinduranyaga imyambaro

Diamond yakiranywe urugwiro

Yabwiye Abanyarwanda ko abakunda

Inkweto yaje yambaye

Isaha ya Diamond Platnumz

Abafana ba Diamond mu Rwanda bamwishimiye

Abafana ba Diamond bari bafite ibyishimo

Abakobwa baje mu gitaramo banze gutaha batabyinanye nawe

Amafoto: Dodos Patrick

Bonaventure KUBWIMANA

UMUSEKE.RW

Rubingisa Pudence ni we utorewe kuyobora Umujyi wa Kigali

By Jean Pierre Nizeyimana

Rubingisa Pudence ni we utorewe kuyobora Umujyi wa Kigali. Rubingisa atowe asimbura Marie Chantal Rwakazina wagizwe Ambasaderi w’u Rwanda mu Busuwisi. Yagize amajwi 77 atsinda Rose Rutera bari bahanganye we akaba yagize amajwi 22.

Rubingisa Pudence niwe ugiye kuyobora umujyi wa Kigali

Rubingisa Pudence yahoze ari Umuyobozi wungirije wa Kaminuza y’u Rwanda ushinzwe imari n’Ubutegetsi. Yaje gufungwa muri Nzeri 2017 akurikiranyweho ibyaha by’iyezandonke.

Urukiko rwisumbuye rwa Nyamirambo rwamukatiye gufungwa iminsi 30 y’agateganyo, ajuririra Urukiko Rukuru rwaje gutesha agaciro icyo kemezo.

Ubu yakoraga i Rusororo ku ikicaro gikuru cya RPF afite umwanya wa Managing Director wa Intare Investment.

Visi Mayor w’Umujyi ushinzwe Imibereho myiza n’Ubukungu yabaye Umutoni Gatsinzi Nadine naho Visi Mayor ushinzwe Ibikorwa Remezo aba Nsabimana Erneste.

Perezida wa Njyanama y’Umujyi wa Kigali ni Dr Jeannette Bayisenge akaba yatsinze Antoine Mutsinzi wagize amajwi atatu undi agira 8.

Visi perezida wa Njyanama y’Umujyi wa Kigali, ni Didas Muganga Kayihura, watsinze ku majwi 11 ariko akaba ari we wiyamamaje wenyine kuri uwo mwanya.

Umunyamabanga yabaye Baguma Rose.

UMUSEKE.RW

Gasabo-Remera: Umwana w’imyaka 3 yahiriye mu gikoni arapfa

By Jean Pierre Nizeyimana

Mu Mudugudu w’Izuba, Akagari ka Rukiri ya mbere mu Murenge wa Remera mu Karere ka Gasabo, umwana w’imyaka itatu yahiriye mu gikoni arapfa, yari kumwe n’abandi bana bakinanaga mu gikoni ari bo babashije kwiruka babonye inkongi.

Umuriro ngo watewe n’uyu mwana watwitse matelas igahereza intsinga z’amashanyarazi

Uyu mwana yari kumwe n’abandi mu gikoni hanyuma aza gucana ikibiriti akongeza matela, imaze gufatwa ihereza intsinga z’amashanyarazi biteza inkongi ikomeye.

Abandi bana babonye bibaye bariruka barahunga, uwo w’imyaka itatu agira ubwoba yihisha mu nguni umuriro umusangamo.

Umuyobozi w’Umudugudu w’Izuba witwa Samuel Karorero yabwiye Umuseke ko umwana wapfuye yitwaga Sheja Gavanni Prince akaba yari afite undi umwe bavukana.

Ati: “Birababaje ariko nibyo koko uriya mwana yahiriye mu gikoni. Amakuru twahawe n’abandi bana bari kumwe ni uko babonye umuriro watse bakiruka kariya kana ko kakihisha, bajya gutabara bafasanga umuriro wabaye mwinshi.”

Karorero avuga ko muri iki gihe icyo bari gukora ari ukwihanganisha ababuze uwabo, akazashyingurwa. Yavuze ko ubuyobozi buzakoresha inama bukaganiriza ababyeyi bose muri rusange.

Nyina w’uriya mwana ngo asanzwe arwaye paralysie, ariko abana n’umugabo we.

Jean Pierre NIZEYIMANA
UMUSEKE.RW

Ukwezi kwa Polisi gusize hubatswe inzu z’abatishoboye 30 n’ingo 3000 zihawe amashanyarazi

By Martin NIYONKURU

Mu gusoza Ukwezi kwahariwe ibikorwa bya Polisi y’Igihugu, Umuyobozi wa Polisi wungirije DIGP Juvenal Marizamunda yavuze muri uku kwezi mu gihugu hose hubatswe inzu 30 mu gihugu hose, hatangwa amashanyarazi ku ngo 3 000 hanishyurirwa imisanzu y’ubwisungane mu kwivuza abantu 3 000.

Batashye inzu zubakiwe abatishoboye

Muri buri karere hubakiwe umuntu umwe utishoboye, hatangwa amashanyarazi ku bantu 100 n’ubwisungane mu kwivuza ku bantu 100.

Mu Ijambo rye Umuyobozi wungirije wa Polisi, DIGP Juvenal Marizamunda avuga ko mu nshingano harimo kubungabunga umutekano w’abantu n’ibyabo, kuri ubu bashishikajwe no gushaka uko abaturage barushaho kugira Imibereho myiza.

Police yanubatse ibiro bitandatu by’imidugudu itarangwamo ibyaha.

DIGP Marizamunda yasabye Abaturage kwirinda ibyaha birimo gusambanya abana, gukubita no gukomeretsa, ubujura n’ibindi kugira ngo bakoreshe amahirwe bahawe n’Igihugu.

Nzabamwita Speciose wo mu Mudugudu wa Mabanza, Akagari ka Gishweru mu Murenge wa Mwendo mu karere ka Ruhango Umwe muri aba baturage  bahawe Inzu irimo amashanyarazi ndetse n’Inka, avuga ko  aho yari atuye ari mu manegeka ko yahoraga yikanga ko ishobora kumugwaho.

Ati “Ndashimira Polisi impaye inzu nkanashimira Perezida wa Repubulika Paul Kagame  ukunda twe Abaturage.”

Guverineri w’Intara y’Amajyepfo, CG Gasana Emmanuel  izi gahunda arizo umukuru w’Igihugu ashyize imbere, akavuga ko n’Inzego zindi z’Ubuyobozi zikwiye gufatiraho urugero zikayobora Abaturage bafite Ubuzima bwiza, amahirwe angana n’Umutekano.

Ibikorwa byahariwe Polisi y’Igihugu byatangiye kuwa 15 Nyakanga, Polisi y’Igihugu n’Intara y’Amajyepfo bavuga ko ibyo byose byagezweho ku bufatanye basaba ko ubu bufatanye bwagumaho.

Babubakiye inzu zigezweho

Bazitashye ku mugaragaro

Hari n’aborojwe inka

DIGP Marizamunda avuga ko Police ubu iri no gufasha abatishoboye kuzamuka

MUHIZI ELISEE
UMUSEKE.RW/Ruhango

Gicumbi: Avugwaho kwiba mudasobwa 39 z’ishuri yayoboraga ageze Uganda arabyigamba

By Jean Pierre Nizeyimana

Pacifique Byaruhanga wayoboraga ikigo cy’amashuri abanza kitwa Ecole Primaire Bushingamuheto kiri mu murenge wa Manyagiro aravugwaho kwiba mudasobwa 39  z’abana zatanzwe na Perezida Kagame muri gahunda ya One Laptop per Child acikira muri Uganda agezeyo ahamagara ku kigo ababwira ko ariwe wazitwaye.

Umuyobozi w’Ikigo cy’amashuri abanza ngo yibye izi mashini 39 n’imigozi yazo 50 acikira muri Uganda

Iki kigo kiri mu mudugudu wa Bushingamuheto, akagari ka Remera mu murenge wa Manyagiro.

Umuyobozi w’Umurenge wa Manyagiro Bonaventure Nzamurambaho yabwiye Umuseke ko umuzamu wa kiriya kigo ariwe wabibonye mbere abimenyesha Polisi n’ubuyobozi baraza barebye basanga akabati imashini zari zibitwemo kararangaye ariko zo ntazirimo.

Kubera ko urugi rw’inzu zari zibitsemo rwari rufunze byabaye ngombwa ko barwica barebye basanga hibwe mudasobwa z’abana 39, imigozi yazo 50 n’indi mudasobwa imwe yakoreshwaga mu biro yo mu bwoko bwa Hp.

Amakuru avuga ko yageze  Byaruhanga yageze muri Uganda ahamagara abo bakorana abamenyesha ko ariwe wibye ziriya mashini.

Ku wa Kane taliki 15, Kanama, 2019 umukozi ushinzwe isuku muri kiriya kigo witwa Godelive Nyirahakuzimana ngo yabonye diregiteri wa kiriya kigo( Pacifique Byaruhanga) azanye n’umunyonzi amusaba( asaba Godelive) kujya gukora isuku mu bwiherero hanyuma asigarana n’uwo munyonzi wari ufite igikapu.

Nyirahakuzimana avuga ko icyo aribwo ziriya mashini zigomba kuba zaribwe.

Umuvugizi wa Polisi mu Ntara y’Amajyaruguru CIP Alexis Rugigana yabwiye Umuseke ko byabaye koko ariko ikibazo ubugenzacyaha buri kugikurikirana.

Akabati zarimo ngo basanze karangaye karimo ubusa

Byabereye mu mudugudu wa Bushingamuheto, Akagari ka Remera mu murenge wa Manyagiro muri Gicumbi

Evence NGIRABATWARE

UMUSEKE.RW/Gicumbi

Kenya: Umugabo yatawe muri yombi akekwaho gufata nyina ku ngufu

By Ange Eric Hatangimana

Police y’ahitwa Kericho mu gihugu cya Kenya ku wa gatanu yataye muri yombi umugabo w’imyaka 36 akurikiranyweho gufata ku ngufu nyina w’imyaka 60.

Uyu mugabo afungiye kuri Polisi ikorera ahitwa Chepseon mu gace ka Kipkelion East akurikiranyweho icyaha yakoreye ahitwa Mosomborik.

Amakuru avuga ko uriya mugabo yakoresheje imbaraga ashaka gufata nyina umubyara ku ngufu, akaba yaramufatiyeho umupanga amukangisha kumwica ndetse amufata ku ngufu mu ijoro ryo ku wa kane tariki 15 Kanama.

Umuyobozi wungirije wa kariya gace witwa Stephen Korir yemeje amakuru y’itabwa muri yombi ry’uriya muntu bivugwa ko yari yasinze ajya gukora biriya.

Ati  “Bivugwa ko yateye urugo rwa nyina ari nijoro, aramubyutsa amutegeka kuryama hasi.

Nyina abyanze, uriya ukekwa yamukubise inshyi amubwira ko amutemesha umuhoro.”

Uyu muhungu ukekwaho gufata nyina ku ngufu yasanze Se atari mu rugo.

Umubyeyi wakorewe icyaha yahise ajya kubibwira umuturanyi we, umuhungu we amaze kugenda assize amukomerekeje.

Stephen Korir ati “Yantekerereje ibyamubayeho mu biro iwange dufatanya n’abandi bayobozi gushakisha uwakoze icyaha dufatanyije n’abaturage. Ukekwaho icyaha yaje gufatwa arimo kunywa inzoga. Twamushyikirije Polisi.”

Uriya mubyeyi yajyanywe ahitwa Londiani kugira ngo yitabweho.

Ukekwaho gukora icyaha azagezwa ibere y’urukiko ku wa mbere kugira yisobanure ku byo aregwa.

Muri kariya gace ko muri Kenya ibyaha byo gufata ku ngufu, gusambanya abana n’ihohotera rikorerwa mu ngo bigenda bifata intera kubera ubusinzi.

The Monitor

UMUSEKE.RW

Live: Bambariye ikirori muri Iwacu Muzika Festival…Ahategerejwe Diamond

By Jean Pierre Nizeyimana

Ibitaramo bya Iwacu Muzika Festival biri gusozwa mu bahanzi bitezwe cyane harimo umunya-Tanzania Diamond Platnumz, Nsengiyumva Francois ‘Igisupusupu’, Intore Masamba n’abandi.

MC Buryohe niwe wayoboye igitaramo

Ku isaha ya saa kumi n’imwe nibwo abantu bari batangiye kugera ahabera igitaramo kuri Parking ya Stade Amahoro I Remera.

Abahanzi bitezwe muri iki gitaramo harimo Amalon, Marina, Sintex, Bushali, Queen Cha, Safi Madiba, Bull Dog, Masamba, Nsengiyumva na Diamond Platnumz.

18h45: Itorero ry’igihugu Urukerereza nibo babanje ku rubyiniro babyina indirimbo zabo zinyuranye.

Nyuma ya Urukerereza hakurikiye ho Band ya Symphony yacurangiye abahanzi kuva ibi bitaramo byatangira. Umuhanzi bacurangiye bwa mbere ni Kenny Sol wahoze mu itsinda rya Yemba Voice.

Mu bahanzi bamamajwe uwabanjirije abandi ni Sintex, yahereye ku ndirimbo ‘Super star’ akurikizaho ‘Twifunze’ yahagurukije bake mu bafana be.

Yakurikijeho ‘You and I’, mu rwego rwo gushimisha abafana be yahamagaye ababyinnyi ku rubyiniro bamufasha , mu ndirimbo yise ‘Byina’ na ‘Akuka’.

19h50’: Marina yagiye ku rubyiniro,yahereye ku ndirimbo ‘Just like that’, yakurikijeho ‘Ni wowe gusa’, ‘Marina’ n’izindi.

20h14’: Amalon yakurikiye Marina ahera ku ndirimbo ‘Impanga’ akurikizaho ‘Derila’ ‘Yambi’ na ‘Byakubaho’.

20h39’: Queen Cha yagiye ku rubyiniro n’ababyinnyi be, yahereye kuri ‘Promise’ akurikizaho ‘Twongere’, ‘Gentleman’ asoreza kuri Winner.

Mc Buryohe waruyoboye igitaramo yasimbuwe na MC Tino hamwe na Anita Pendo, aba bombi baryohereje abafana baranyurwa bitewe n’amagambo yabo byivanze no kubyina.

21h07’: Intore Masamba yagiye ku rubyiniro arikumwe n’ababyinnyi bakenyeye bya Kinyarwanda, yahereye ku ndirimbo yitwa ‘Kanjogera’ akurikizaho ‘Mama shenge’, ‘Nyaruguru’, ‘Sisi wenyewe’ na Insinzi’.

21h26’ hagiyeho umuhanzi witwa Bushali uri mubagize itsinda rya Kinya Trap riharawe muri iyi minsi, yahereye ku ndirimbo yitwa ‘Zunguzayi’ iri kuri Album bakoze yitwa ‘Agasima’ akurikizaho ‘Ese ni mwebwe’ ikunzwe cyane n’Abanyakigali.

21h42’ Safi Madiba yagiye ku rubyiniro ahera ku ndirimbo yitwa ‘Kimwe kimwe’ akurikizaho ‘Nisamehe’, ‘Got it’, ‘Hero’ na ‘kontwari’ ikunzwe muri iyi minsi yamufashije guhagurutsa abafana.

22h05: Bull Dogg yagiye ku rubyiniro abakunzi b’injyana ya Rap bamweretse urukundo mu ndirimbo ze zakanyujije ho nka ‘Baranzi bose’,’Mechamant’, ‘Cinema’ n’izindi.

22h35 nibwo Nsengiyumva Francois wamamaye nka Igisupusupu yageze ku rubyiniro Yabanje gusaba Abanyamugi kwicanga ku ndirimbo yahereye ho yitwa ‘Icange’.

Yakurikije ho iyitwa ‘Rwagitima’ aheruka gusohora yanyuzagamo akaganira n’abafana be ababwira ko abakunda.

Yasoreje ku ndirimbo ‘Mariya jane’ yamenyekaniye ho ari naho havuye izina ry’akabyiniriro ‘Igisupusupu’, yasoje asabira abafana be kubaho bakaramba.

22h55’: Bruce Melody nibwo yageze ku rubyiniro mu myambaro ishashagira, mu ndirimbo yaririmbye harimo ‘Blocka’, ‘Tuza’, ‘Ikinya’,’Kungola’, ‘Ndumiwe’ n’izindi.

Mbere y’uko Diamond ahamagarwa ku rubyiniro habanje kujya Dj Marnaud ashyushya abitabiriye igitaramo avanga imiziki itandukanye igezweho n’iya kera yakanyujije ho.

Diamond ahinduye isura y’igitaramo…

23h50’: Diamond Platnumz nibwo yageze ku rubyiniro ahera ku ndirimbo ikunzwe muri iyi minsi yitwa ‘Kanyaga’.Uyu muhanzi ukunzwe muri Afurika akoresheje ururimi rw’Ikinyarwanda yababwiye ko abakunda cyane.

Indirimbo ye yitwa ‘Tetema’ yahinduye igitaramo n’abantu bari bicaye barahaguruka baratetema nkuko indirimbo ibivuga nubwo abari imbere bari bacanye camera z’amatelefone yabo bafata amashusho.

MC Buryohe niwe wayoboye igitaramo

Mu myanya y’icyubahiro hateguwe intebe

Abanyabirori b’i Kigali ntibacikanwe

Muri VIP ni uku hameze ku isaha ya saa moya

Itorero Urukerereza niryo ryabanje gutaramira abitabiriye Iwacu Muzika Fest

Itorero Urukerereza ryaserukanye umucyo

Sintex n’ababyinnyi bamufashije ku rubyiniro

Marina ni uku yaje yambaye

Kuri Stage yari afite umusore umubyinisha

Nta cyaka mu bafana

Amalon yaririmbye indirimbo ze ririmo Byakubaho ikunzwe

MC Tino

Anita Pendo yafatanyije na Tino mu kuyobora igitaramo

Uyu yari yaryohewe n’indirimbo za Masamba

Intore Masamba yishimiwe mu ndirimbo za gakondo

Abakobwa bafashije Masamba

Bushali yaje ku rubyiniro yahishe isura

Ku ndirimbo yakurikiyeho yahise akuramo umwenda wahishaga isura ye

Abakunzi ba Bushali

Umubyinnyi wa Safi Madiba

Safi yanyuzagamo akajyanisha n’umubyinnyi we

Bull Dogg ukunzwe mu bakora Rap abafana bamwishimiye

Ababyinnyi bamufashaga kubyina indirimbo ze

Nsengiyumba Francois ntabwo abafana bamwakiriye nkuko byari byitezwe

Abafana ba Bruce Melody bamweretse ko bishimiye indirimbo yahisemo aririmba

Bruce Melody yahinduranyaga imyambaro

Amafoto: Dodos Patrick

Bonaventure KUBWIMANA

UMUSEKE.RW

Rubingisa Pudence ni we utorewe kuyobora Umujyi wa Kigali

By Jean Pierre Nizeyimana

Rubingisa Pudence ni we utorewe kuyobora Umujyi wa Kigali. Rubingisa atowe asimbura Marie Chantal Rwakazina wagizwe Ambasaderi w’u Rwanda mu Busuwisi. Yagize amajwi 77 atsinda Rose Rutera bari bahanganye we akaba yagize amajwi 22.

Rubingisa Pudence niwe ugiye kuyobora umujyi wa Kigali

Rubingisa Pudence yahoze ari Umuyobozi wungirije wa Kaminuza y’u Rwanda ushinzwe imari n’Ubutegetsi. Yaje gufungwa muri Nzeri 2017 akurikiranyweho ibyaha by’iyezandonke.

Urukiko rwisumbuye rwa Nyamirambo rwamukatiye gufungwa iminsi 30 y’agateganyo, ajuririra Urukiko Rukuru rwaje gutesha agaciro icyo kemezo.

Ubu yakoraga i Rusororo ku ikicaro gikuru cya RPF afite umwanya wa Managing Director wa Intare Investment.

Visi Mayor w’Umujyi ushinzwe Imibereho myiza n’Ubukungu yabaye Umutoni Gatsinzi Nadine naho Visi Mayor ushinzwe Ibikorwa Remezo aba Nsabimana Erneste.

Perezida wa Njyanama y’Umujyi wa Kigali ni Dr Jeannette Bayisenge akaba yatsinze Antoine Mutsinzi wagize amajwi atatu undi agira 8.

Visi perezida wa Njyanama y’Umujyi wa Kigali, ni Didas Muganga Kayihura, watsinze ku majwi 11 ariko akaba ari we wiyamamaje wenyine kuri uwo mwanya.

Umunyamabanga yabaye Baguma Rose.

UMUSEKE.RW

Gasabo-Remera: Umwana w’imyaka 3 yahiriye mu gikoni arapfa

By Jean Pierre Nizeyimana

Mu Mudugudu w’Izuba, Akagari ka Rukiri ya mbere mu Murenge wa Remera mu Karere ka Gasabo, umwana w’imyaka itatu yahiriye mu gikoni arapfa, yari kumwe n’abandi bana bakinanaga mu gikoni ari bo babashije kwiruka babonye inkongi.

Umuriro ngo watewe n’uyu mwana watwitse matelas igahereza intsinga z’amashanyarazi

Uyu mwana yari kumwe n’abandi mu gikoni hanyuma aza gucana ikibiriti akongeza matela, imaze gufatwa ihereza intsinga z’amashanyarazi biteza inkongi ikomeye.

Abandi bana babonye bibaye bariruka barahunga, uwo w’imyaka itatu agira ubwoba yihisha mu nguni umuriro umusangamo.

Umuyobozi w’Umudugudu w’Izuba witwa Samuel Karorero yabwiye Umuseke ko umwana wapfuye yitwaga Sheja Gavanni Prince akaba yari afite undi umwe bavukana.

Ati: “Birababaje ariko nibyo koko uriya mwana yahiriye mu gikoni. Amakuru twahawe n’abandi bana bari kumwe ni uko babonye umuriro watse bakiruka kariya kana ko kakihisha, bajya gutabara bafasanga umuriro wabaye mwinshi.”

Karorero avuga ko muri iki gihe icyo bari gukora ari ukwihanganisha ababuze uwabo, akazashyingurwa. Yavuze ko ubuyobozi buzakoresha inama bukaganiriza ababyeyi bose muri rusange.

Nyina w’uriya mwana ngo asanzwe arwaye paralysie, ariko abana n’umugabo we.

Jean Pierre NIZEYIMANA
UMUSEKE.RW

Ukwezi kwa Polisi gusize hubatswe inzu z’abatishoboye 30 n’ingo 3000 zihawe amashanyarazi

By Martin NIYONKURU

Mu gusoza Ukwezi kwahariwe ibikorwa bya Polisi y’Igihugu, Umuyobozi wa Polisi wungirije DIGP Juvenal Marizamunda yavuze muri uku kwezi mu gihugu hose hubatswe inzu 30 mu gihugu hose, hatangwa amashanyarazi ku ngo 3 000 hanishyurirwa imisanzu y’ubwisungane mu kwivuza abantu 3 000.

Batashye inzu zubakiwe abatishoboye

Muri buri karere hubakiwe umuntu umwe utishoboye, hatangwa amashanyarazi ku bantu 100 n’ubwisungane mu kwivuza ku bantu 100.

Mu Ijambo rye Umuyobozi wungirije wa Polisi, DIGP Juvenal Marizamunda avuga ko mu nshingano harimo kubungabunga umutekano w’abantu n’ibyabo, kuri ubu bashishikajwe no gushaka uko abaturage barushaho kugira Imibereho myiza.

Police yanubatse ibiro bitandatu by’imidugudu itarangwamo ibyaha.

DIGP Marizamunda yasabye Abaturage kwirinda ibyaha birimo gusambanya abana, gukubita no gukomeretsa, ubujura n’ibindi kugira ngo bakoreshe amahirwe bahawe n’Igihugu.

Nzabamwita Speciose wo mu Mudugudu wa Mabanza, Akagari ka Gishweru mu Murenge wa Mwendo mu karere ka Ruhango Umwe muri aba baturage  bahawe Inzu irimo amashanyarazi ndetse n’Inka, avuga ko  aho yari atuye ari mu manegeka ko yahoraga yikanga ko ishobora kumugwaho.

Ati “Ndashimira Polisi impaye inzu nkanashimira Perezida wa Repubulika Paul Kagame  ukunda twe Abaturage.”

Guverineri w’Intara y’Amajyepfo, CG Gasana Emmanuel  izi gahunda arizo umukuru w’Igihugu ashyize imbere, akavuga ko n’Inzego zindi z’Ubuyobozi zikwiye gufatiraho urugero zikayobora Abaturage bafite Ubuzima bwiza, amahirwe angana n’Umutekano.

Ibikorwa byahariwe Polisi y’Igihugu byatangiye kuwa 15 Nyakanga, Polisi y’Igihugu n’Intara y’Amajyepfo bavuga ko ibyo byose byagezweho ku bufatanye basaba ko ubu bufatanye bwagumaho.

Babubakiye inzu zigezweho

Bazitashye ku mugaragaro

Hari n’aborojwe inka

DIGP Marizamunda avuga ko Police ubu iri no gufasha abatishoboye kuzamuka

MUHIZI ELISEE
UMUSEKE.RW/Ruhango

FBI yahuguye RIB ku buhanga bwo kubaza abarebwa n’idosiye

By Jean Pierre Nizeyimana

Kuri uyu wa Gatanu abakozi ba RIB barangije amahugurwa bahabwaga n’ ikigo cy’ubugenzacyaha cya USA kitwa Federal Bureau of Investigation ( FBI). Umuhango wo kuyasoza wabereye mu karere ka Musanze ku kigo gihugura abapolisi( National Police College). Bahuguwe kuri techniques zo kubaza abafite aho bahuriye n’idosiye ivugwamo icyaha.

Col Jeannot Ruhunga yasabye abakozi ba RIB bahuguwe na FBI kuzashyira mu bikorwa ibyo bahuguwe

Aba barimo ukekwaho icyaha, umutangabuhamya n’urega.

Umunyamabanga mukuru wa Rwanda Investigation Bureau (RIB) Col Jeannot Ruhunga wari wagiye gusoza ariya mahugurwa yashimye ubufatanye FBI ifitanye na RIB avuga ko butuma abakozi bayo barushaho gukora kinyamwuga.

Yashimiye abahuguwe umurava bagaragaje mu kwiga kandi abasaba kuzashyira mu bikorwa ubumenyi bahawe.

Ati: “Ndashimira abahuguwe ku murava bagaragaje ariko nkabasaba kuzashyira mu bikorwa ibyo bize kugira ngo dushobore guhangana n’ibibazo byo mu kazi kacu bityo haboneke ubutabera buboneye kurushaho.”

Col Ruhunga yabwiye Umuseke ko basanzwe bakorana na FBI mu nzego nyinshi harimo kugenza ibyaha byambukiranya imipaka ndetse n’iby’iterabwoba.

Umuyobozi muri Ambasade ya USA mu Rwanda ushinzwe umutekano mu karere  witwa Burford Tony wari waje ayihagarariye nawe yasabye abahuguwe kuzakurikiza ibyo bigishijwe kugira ngo akazi kabo kagende neza kurushaho.

FBI yatangiye gukorana na RIB kuva igitangira imirimo yayo umwaka ushize.

Kugeza ubu ngo imaze guhugura abakozi ba RIB inshuro eshatu.

RIB kandi ngo isanzwe ikorana n’ibindi bigo by’amahanga bigenza ibyaha ariko byose bigakorwa binyuze muri Polisi mpuzamahanga, InterPol.

Bishimira ko bongerere ubumenyi mu kubaza abantu bose bafite aho bahuriye n’idosiye ivugwamo icyaha


Burford Tony yasabye abahuguwe kuzakurikiza ibyo bigishijwe kugira ngo akazi kabo kagende neza kurushaho.

Abahuguwe ni 25 bakazafatanya na bagenzi babo mu kugenza ibyaha kinyamwuga

Jean Pierre NIZEYIMANA

UMUSEKE.RW

Abarangije muri Mopass biyemeje gukora film zishobora kujya no kuri Netflix

By Martin NIYONKURU

Mopass Film Academy ikigo kigisha ibijyanye na Cinema cyatanze impamyabumenyi ku banyeshuri 69 bavuga ko bize ibigezweho kandi bijyanye n’igihe ku buryo ubumenyi bavomye muri kiriya kigo bazabwifashisha mu gutunganya film zigezweho zishobora no kuzaca rubuga rwa Netflix.

Abarangije muri Mopass bavuga ko ubumenyi bahavomye buzabafasha kwiteza imbere

Mopass Film Academy yafunguye imiryango muri 2017 bigisha imyuga itandukanye irimo Photography, Video Production na Graphic Design.

Tariki 15 Kanama 2019 batanze impamyabumenyi ku banyeshuri 69 basoje amasomo muri icyo kigo hatangwa n’imidali ku bakoze neza.

Niyibizi Jean Claude uyobora Mopass yavuze ko bari kugera ku byo biyemeje bajya gutangiza iki kigo.

Ati “Twashakaga gukemura ibibazo by’abakozi biri mu ruganda rwa Cinema Nyarwanda mbere wasangaga tujya kubashakira za Uganda n’ahandi ariko ubu ntibikibaho kuko natwe tubafite bahagaze neza kandi bakora ibigezweho.”

Avuga ko abahawe impamyabumenyi bafite ubumenyi buhagije kandi bize iby’ingirakamaro byatuma bajya no mu bindi bihugu bagahatana ku isoko ry’umurimo.

Uruhare rwabo ni ugukora film zo ku rwego rwiza kandi nziza ngo bazajya bohereza bamwe mu banyeshuri babo mu mahugurwa muri Amerika kugira ngo naho bahigire ibindi.

Ati “Twifuza ko mu myaka iri imbere abana bize muri Mopass bazajya bakora film zikagurwa kuri Netflix ari na yo mpamvu hari abo tuzajya twohereza hanze ngo biyongere ubumenyi.”

Netflix ni urubuga rw’Abanyamerica rutambukaho film zikomeye ruba rwaguze na rwo rukazicuruza ku bakiriya batandukanye batuye ku Isi hose.

Muziranenge Daniella warangihe muri Mopass agahita anahabwamo akazi, yanahawe n’umudali w’ishimwe mu bakoze neza.

Avuga ko nk’umukobwa ukora ibyo gutunganya amafilime bituma agirirwa ikizere.

Ati “Ku bakobwa harimo andi mahirwe kuko abantu baba bafite amatsiko yo kureba ubwiza bw’ibyo nakoze bigatuma mbona akazi mu buryo ntateganyije.”

Avuga ko abakobwa bakora uyu mwuga bisaba kuwukora bawukunze no kwihangana kubera amagambo bakunze kubavugaho.

Ati “Bamwe bumva ko umukobwa ubijemo aba agiye mu burara cyangwa atangiye imico mibi.”

Basabwe kuzababera ba ambasederi beza

Daniella yambitswe umudari w’ishimwe

Bahawe impamyabushobozi

Bonaventure KUBWIMANA
UMUSEKE.RW

Gihozo ukizamuka yiyambaje Urban Boys bakorana indirimbo ngo amenyekane

By Martin NIYONKURU

Umuhanzikazi ukizamuka Gihozo Pacifique yasohoye indirimbo yitwa ‘Go Low’ afatanyije n’itsinda rya Urban Boys avuga ko yabiyambaje mu rwego rwo gukomeza kuzamura izina rye.

Gihozo ngo yizeye ko iyi ndirimbo yakoranye na Urban Boyz izatuma amenyekana

Gihozo Pacifique watangiye kuririmba muri 2017, ubu yasohoye indirimbo nshya ari kumwe n’itsinda rya Urban Boys rigizwe na Nizzo Kaboss na Humble Jizzo.

Indirimbo yabo bayise ‘Go Low’ ni iy’urukundo aho umwe aba abwira uwo bakundana ko inshingano ze ari ukumwitaho kuko amukunda.

Kuva yatangira umuziki iyi ni yo ndirimbo ya mbere akoranye n’undi muhanzi (Collabo).

Avuga ko yahisemo gukorana na Urban Boys kuko ari itsinda rikomeye kandi rikunzwe mu Rwanda.

Ati “Ni iby’agaciro kuri njyewe kuko ni abahanzi b’abahanga kandi bakunzwe, ibi bizamfasha nanjye kuzamura izina ryanjye nk’umuhanzi ukizamuka.”

Mu buryo bw’amajwi iyi ndirimbo yatunganyirijwe muri Studio ya Urban Records naho amashusho yayo atunganywa na The Benjamins.

Bonaventure KUBWIMANA
UMUSEKE.RW

Kenya: Abashinwa 2 bafunzwe bakurikiranyweho ‘kwenga inzoga z’inkorano’

By Jean Pierre Nizeyimana

Polisi ya Kenya kuri uyu wa Gatanu yaguye gitumo Abashinwa babiri batuye ahitwa Athi River isanga benga inzoga y’inkorano bise chang’aa n’indi bita  busaa. Basanganye litiro zirenga ibihumbi bitatu. Aba bashinwa babiri aribo Wang Yalan na Wang Haijian babasanganye kandi litio 1 000 z’ikinyobwa gitera ubuhumyi bita methanol.

Ngo bakoraga inzoga y’inkorano itemewe muri Kenya

Iyi methanol niyo ishyirwa mu nzoga z’inkorano zica cyane abazinyweye bagakora amahano.

Ikind kibi cyayo ni uko ituma umutsi uvana amashusho ku bwonko uyagarura mu jisho upfa bityo umuntu akazahuma buhoro buhoro.

Umwe mu bakora mu bugenzacyaha bwa Polisi ya Kenya avuga ko basatse bariya Bashinwa babasangana imifuka myinshi y’amasaka n’umuceri, ibi binyampeke bikaba byifashishwa mu kwenga inzoga.

Abakurikiranyweho gukora ziriya nzoga zitemewe bazagezwa imbere y’ubutabera ku wa Mbere taliki 19, Kanama, 2019.

Polisi kandi irimo iraperereza ngo imenye niba aba banyamahanga barageze muri Kenya mu buryo bwemewe n’amategeko.

Abashinwa bo muri Kenya si ubwa mbere bavugwaho gukora ibikorwa bitemewe n’amategeko y’igihugu kuko Kamena, 2019 hari abandi barindwi birukanywe mu gihugu bitegetswe na Minisitiri w’ubutegetsi bw’igihugu kubera gucuruza mu buryo bwa forode mu gace kitwa Gikomba.

Daily Nation

Jean Pierre NIZEYIMANA

UMUSEKE.RW

❌