WebRwanda.com

🔒
❌
There are new available articles, click to refresh the page.
Today — September 22nd 2018Gospel

Iyo urugamba rukomeye, ruba rugiye kurangira.

By Adolphe Mitali
Iyo urugamba rukomeye ruba rugiye kurangira. Aya magambo bwa mbere nabanje kuyumva mu ikolasi y’Abarokore. Kimwe rero n’izindi  ndirimbo cyangwa se  ubuhamya aba bantu batanga , hari ibihe umukristo ageramo agakubitwa n’ibigeragezo, bikagera aho yibwira ko ibyo abo “Bene Data” baba bavuga , ari akanyabugabo (morale) baba biha. Ngira ngo mujya mwumva amagambo bamwe babavugaho […]
Yesterday — September 21st 2018Gospel

Bibiliya ivuga iki ku ndangagaciro zikwiye kuranga umukuru w’itorero?

By Onesphore Dushimirimana
Umwepisikopi ni umwigisha mu itorero rya Gikristo. Ijambo ry’Ikigiriki “episkapos” ryaje gusobanurwa mu Kinyarwanda nk’ “Umukuru w’itorero,” “ureberera itorero,” cyangwa se “umushumba.” Aya magambo yose akaba asobanura ikintu kimwe. Mu matorero yabanje, abayobozi babitaga “Abakuru b’itorero.” Nk’urugero, mu byakozwe n’intumwa 20:17 dusoma ko, “Ari I Mileto atumira abakuru b’Itorero ryo muri Efeso.” Mu Abafilipi 1:1, […]
Before yesterdayGospel

Kwizera ni ukugenda utazi aho ugiye / Pastor Desire HABYARIMANA

By Ismael KAYISHEMA

Abaheburayo 11:8 " Kwizera ni ko kwatumye Aburahamu yumvira Imana imuhamagariye kujya aho yari agiye kuragwa, nuko agenda atazi iyo ajya."

Ibanga ry'ubuzima ni ugutinya Imana no kugira umwuka wera / Ev Rwayitare Eric

By Ismael KAYISHEMA

Yesaya yagiye mu Mwuka, ubundi iyo umuntu ari mu Mwuka ntagira igihe cyahise, igihe cyubu cg igihe kizaza, ahubwo ubona ibyabaye imyaka myinshi ishize nkibyabaye ejo, kandi ubona ibizaba imyaka myinshi izaza nkibiri kuba aka kanya.

Niyo mpamvu Imana Ivuga ngo ndi Alufa na Omega arizo nyuguti zikigereki A na Z mu Kinyarwanda bivuga ko kubera Iba mu Mwuka Iteka Iba Ibona Ibyahise n'ibizaba nkaka kanya. Ibyo nibyo bituma Yitwa Ndiho (Bivuga ngo Ndiho ejo hashize ndiho uyu munsi Ndiho n'ejo hazaza). Mbere yuko igihe kibaho Imana Yabagaho kuko Niyo Yaremye igihe Imaze igihe Ibaho. (Yesaya 7:15) (Gutegeka 28:58-59)

Iyo uri mu Mwuka rero Umenya byose, Niko byagenze kuri Mose, Mose yahuye n'Imana ajya mu Mwuka Imana Imwereka byose: Niyo mpamvu yanditse igitabo cy'Itangiriro kivuga ibyabaye mu myaka irenga igihumbi ataravuka. Akamenya ibya Adamu, ba Enoki naba Nowa babayeho kera cyane ataravuka. Yewe kujya mu Mwuka byatumye anamenya ubuzima bwa Sekuruza Aburahamu, Isaka, Yakobo n'abandi.
Rero hano Umurongo twasomye Yesaya yagiye mu Mwuka, mbere y'imyaka 600 yuko Yesu avuka. Abona umwari arasamye, abona arabyaye, mbere yiyo myaka yose abona ibyo Imana yateguye bizatunga uwo mwana ngo abona atunzwe n'amata n'ubuki kugeza aho yamenyeye Ubwenge bwo kwanga ibibi agakunda Ibyiza (Ibaze Imana Iba Yarateguye ikizatunga umuntu mbere y'imyaka 600 ko abaho).

Ubu bwenge ni ubwenge butangaje, ni ubwenge bukoreshwa n'Imana mw'Ijuru burenze ubundi bwenge bwose ushobora kumenya. Kuko nibwo bwaremye: Isi n'ijuru,amabuye ya colta bakoramo izi telefoni dukoresha (touch screen), bwaremye izuba burema ukwezi n'inyenyeri. Nibwo bwaremye amatsinda y'inyenyeri, nibwo bwaremye isanzure nibwo bwaremye ibibaho byose
.
Ubwo bwenge rero nibwo uwo mwana uzavuka azaba afite, ubwenge bwo kwanga ibibi agakunda Ibyiza. Muri Yesaya 11:3 haravuga ngo…Azanezezwa no kubaha Uwiteka, ariko Mucyongereza ho iyo urebye ukabihuza nuyu murongo muri Bibiliya ya King James ubona ko havuga ngo …Azanezezwa, cg se ngo azihutira cg se azagira ubwira bwo kumva mubyo gutinya uwiteka.

Ubu bwenge bw'uyu mwana butandukanye n'ubwenge Eva yashakaga, kuko ibyatumye Eva akora icyaha ngo nuko yashakaga ubwenge:
- Itangiriro 3:6,
Ibi byatumye nkunda Eva kuko byibuze we yashakaga ubwenge ntameze nkatwe uyu munsi: kuko icyatumye yemera kurya kuri icyo giti byibuze yakibonyeho ibintu bitatu (3) byo gushima:
1. Ibyo kurya byiza
2. Cyari iki gikundiro
3. Cyari icyo kumenyesha umuntu ubwenge.

Amaze gushima ibyo bintu bitatu ararya kandi kuko Atari igisambo ahaho n'umugabo we ntiyarya wenyine. Gusa ikosa Eva yakoze nuko yashatse ubwenge kandi abufite kuko Imana yari yarababwiye ngo Ntimuzarye kuri iki giti kandi Yobu 28:28 haravuga ngo “…kubaha Uwiteka nibwo bwenge” (aribyo gutinya Uwiteka mu zindi Bibiliya). Rero ubwenge Eva na Adamu bari barabuhawe icyo basabwaga n'ukubugenderamo.
Ni nka twe uyu munsi dufite Yesu ariwe wa mwana Yesaya yabonye, twahawe ubwenge bwo kwanga ibibi tugakunda Ibyiza:

Kwanga kubeshya, kwanga kurarikira ibitari ibyacu, kwanga kwiba tukanyurwa n'ibyo Imana Iduhaye, kwanga kuriganya amasambu y'impfubyi zasizwe na bene wacu, kwanga ubusambanyi bwose, kwanga kuroga no gusenga ibishushanyo, kwanga gukora ibiteye isoni, kwanga ibyo Imana Yatubujije byose,

Twahawe ubwenge kandi bwo gukunda Ibyiza: Ubwenge
bwo kwizera, ubwenge bwo kugira ingeso nziza, ubwenge bwo kwirinda, ubwenge bwo kwihangana, ubwenge bwo kubaha Imana

Ikibazo niki: Kucyi tuba nka Eva tukajya gushaka ubundi bwenge kandi ubwenge twarabuhawe? Dufite ubwenge ahubwo igikenewe ni ukugendera muri ubwo bwenge twahawe ntituve mu bwenge dufite ngo tujye gushaka ibindi ducyeka ko ari bwo bwenge nka Eva kumbi bituroha.

- Imigani 17:24: Tujya gushakira ubwenge kumpera y'isi tubusize ku musego wacu, kuko Umuntu atega imodoka akajya I Cyangugu agiye guhura na kanaka ngo amufashe uko yariganya imari uwo bakorana kandi asize Bibiliya ku musego imubwira ko Imana yanga uburiganya kandi ko kubaha Uwiteka aribwo bwenge. Kandi uva aha ukajya I Rutsiro gushaka umurozi ukwicira uwo wanga kandi Imana Yakubwiye ijambo ko abicanyi n'abagome batazaragwa ubwami Bwayo

- Daniel 6, kuko yahisemo kubaha Imana no gukora ibyo Imana Ishaka byaramukijije naho ubundi aba yarapfuye kera kubwa bamugambaniraga. Ariko babuze icyo bamutega kuko Yatinyaga Imana. Daniel ntiwamutega ruswa, ntiwamutega zahabu, ntiwamutega inyama kuko barazimuteze ahitamo kurya ibishyimbo arazireka, ntiwamutega icyubahiro no kumuzamura ngo akomere. Ngo babuze icyo bamutega kugeza babonye kumutegera kugukiranuka kwe. Kuko igihe bavugaga ngo tumutegere kugusenga umwami akareka Imana Ye, iyo abikora baribube bahombye. Mbese inyungu zabo zaruko akomeza gusenga Imana kugirango ikirego cyo kudasenga umwami kibeho bamwice. Maze akomeza kubaha Imana abakorera ibyo bashaka.

-Tuvugishije ukuri: Wowe uri Imana wareka gutabara uwo muntu wakwizeye gutyo koko? Kuko icyo tubura n'ukwizera Imana kuko kwizera kugaragazwa n'ibyo dukora si amagambo yacu ngo turizeye. Niba umuntu yizera ko Imana yamugaburira niki gituma yiba ngo yigaburire ? Kuko inzira Imana igaburamo zirazwi yarazitubwiye. ….. “Nzaha umugisha imirimo y'amaboko yawe apana ubujura bw'amaboko yawe”.
Niba wizera ko Imana itanga ibyishimo kuki washakira ibyishimo mu busambanyi cg ubusinzi ?

Gutinya Imana bizana umugisha kandi kutayitinya bizana umuvumo,Ibi turabibona kubwoko bwa Israel bwari bufite umuhamagaro wo Gutinya Imana (Kubaha) bikabuhesha umugisha wo gutunga no gutunganirwa. Kutumvira Imana (gusuzugura) bikabazanira umuvumo no gupfusha ndetse no kurya intumbi z'abantu n'inda zavuyemo bakazirya! Biturutse kukutumvira Imana. Kandi bakabirya n'appetit nyinshi bacuranwa ntawuha undi.

I. Ibyiza byo Gutinya Imana

- Gutegeka2 28:1-9-14 Iryari isezerano ry'igihugu Imana yagiye irisohoza kuri bamwe na bamwe bubahirije ibisabwa, urugero: 1Abami 17:16…igiseke cy'umupfakazi Imana Yagihaye umugisha kivamo ifu idashira mu gihe cy'amapfa ibatungana na Eliya kubwo kubaha Imana. Ibaze haje umuntu akakubwira ngo “mpa iyo bibero uri kunywesha uwo mwana nywe ayo mata niko Imana Ivuze kandi arumugabo umwana wawe ashonje nawe ari uko, ariko kubwo gutinya Imana ukabikora kuko avuze ngo niyo Ibivuze kandi ukaba ubizi ko ari umukozi Wayo”. Ibyo byatumye Imana Iha ikigega (ikibo) cye umugisha havamo ifu ibatunga mu gihe cy'inzara. (Ibi bivuze ikintu kinini: Business (akazi ukora kose) iyo uyishoye mu gukorera Imana mbere na mbere niyo yaba ari igihe ubukungu bumeze nabi yego ntiyiyongera kuko icyo igiseke cye ntibavuga ko cyabaye kinini cyangwa ngo bibe ngombwa ko yagura aho yabikaga ifu nk'umutunzi w'umupfapfa wo muri Luka 12:18 ariko ikomeza kuvamo ibigutunga wowe n'abana bawe n'abashyitsi bagusura)

- “Gutegeka2 28:53-57” -2Abami 6:28-29” Aba bagore bari bariye umwana kuko umuvumo wo kudatinya Imana wabasohoyeho. Kandi urumva ibyo bari babanje gukora mbere yo kurya umwana. Ikindi urumva ko guhita bitura ku mwami ngo bamuregere ni uko bari abantu bakomeye ariko umuvumo wo kudatinya Imana ubageza aho kurya imbuto zo munda zabo.

Isengesho: Data wo mw'ijuru uduhe kugutinya no guhora tunyotewe no kugendera mu nzira yo gukora ibyo ushaka. Mu izina rya Yesu. Amen!

Gukikira mudasobwa mu gihe uyikoresha bishobora kuzana izihe ngaruka mbi ?

By Ismael KAYISHEMA

Mudasobwa ni igikoresho kiza cyane kifashishwa n'abatari bake muri iyi minsi ku isi, aho usanga abantu bayifashisha mu mu kazi kabo ka buri munsi ndetse no mu ngo zabo ariko ugasanga Laptop arizo zifashishwa cyane(mudasobwa igendanwa) kubera uburyo byorohera abantu kuyikoresha ahantu aho bari hose mu ngendo ndetse no mu ngo.

Mudasobwa yo mu bwoko bwa laptop ni mudasobwa yavumbuwe mu mwaka w'1970-1980 biturutse ku gitekerezo cya Alan Kay na Xerox PARAC. Mu rwego rwo guhuriza hamwe ibice biba bigize mudasobwa kugira ngo horoshye uburyo bwo kuyitwara no kuyikoresha, ariko yagiye itera ingaruka zitandukanye kubera uburyo rubanda rwayikoresheje mu buryo butaboneye.

Nkuko bisobanurwa n'abaganga b'uruhu,gushyira mudasobwa yo mubwoko bwa”laptop” ku matako mu gihe kirekire byakwangiza uruhu.
Nubwo laptop yakozwe mu rwego rwo gufasha abakoresha mudasobwa kuyigendana mu buryo bworoshye ariko kuyikoresha amasaha menshi iteretse ku matako bituma, uruhu ruhindura ibara rwari rufite.
Mu gihe ukomeje kumva ubushyuhe bukwinjira ntubyiteho bishobora kuguteza indwara z'uruhu.

Uko indwara iterwa n'ubushyuhe buturutse kuri laptop igufata

Iyi ndwara mu buvuzi muri rusange yitwa”erythema Ab Igne”cyangwa”lap thigh”cyangwa”hot water bottle rash”
Mu gihe abaganga bakomoka mu Busuwisi bayita 'laptop-induced dermatosis'. Dr Anuya Manerkar avugako ari indwara iterwa n'ikorwa ry'utubumbe tunini tw'amabara aterwa n'ubushyuhe bwinshi cyane ariko budatwika

Dr Shreyas Kamath aburira abantu bamara umwanya munini biga, basoma, cyangwa bakina imikino bayikinira kuri laptop ko ari bo baba bafite ibyago byinshi byo gufatwa n'iyi ndwara. Ibi bibazo by'uruhu biba ari rusange kenshi ku bantu bahura n'ubushyuhe bw'umurengera inshuro nyinshi nk'abatetsi,abasudira cyangwa abacuzi. Muri iyi minsi abantu bamara igihe kinini bakikiye laptop bakunze guhura n'ibi bibazo by'uruhu. Kumara umwanya munini umuntu akikiye laptop iyo ubushyuhe buzamutse bukagera kuri dogere 44 bituma uruhu rutukura.

Ingaruka mbi zo gukikira mudasobwa

"uruhu rutangira guhindura ibara bitewe no guhagarara kw'amaraso nyuma bigatera indwara yitwa Erythema (gutukura kudasanzwe k'uruhu bitewe n'ukuntu amaraso yibumbye mu mubiri” Dr Manerkar.
Dr Swati srivastava,inzobere mu guha ubwiza uruhu rw'abagore no kuvura indwara z'uruhu(Cosmeto-dermatologist) yaburiye abantu ko guhora bashyira mudasobwa ku matako inshuro nyinshi bishobora gutuma umubiri utakaza bimwe mu bigize amaraso cyane cyane bitewe no gucika intege kw'ibice bigize umubiri w'umuntu.
Ibyo byose iyo bitinze ukoresha mudasobwa agakomeza kumva uburibwe bwinshi bishobora kudakira,bikaviramo ubirwaye gufatwa na cancer.

Uburyo wakirinda indwara zikomoka ku gukikira mudasobwa

Mbere ya byose ugomba kumenya neza inkomoko y'izo ndwara
Iyo wumvise mudasobwa washyize ku matako itangiye gushyuha ugomba kuyizimya.
Ukoresha mudasobwa agomba kubanza ikintu ku matako ye kinini kugirango ubushyuhe bwayo butamugeraho.
Dr Arsiwala avugako hari utuntu twagenewe gushyirwamo laptop mu gihe uri kuyikoresha.

Uruhu rwafashwe n'impinduka zitewe no kwishyira mudasobwa ku matako rugatangira gucika integer, iyo wivuje hakiri kare uravurwa rugakora uko bisanzwe. Ku kibazo cyo gutukura cyane k'uruhu ubirwaye ashobora gufata ibiribwa byiganjemo amavuta y'inka naho ku kibazo cyo guhindagurika kw'amabara menshi y'uruhu umurwayi anywa umuti wa tretinoin cyangwa vitamin A.
Ariko iyo miti yose ishobora kutagira intege niyo mpamvu wajya kwa muganga bagakoresha imirasire ireba mu mubiri ko ntakibazo kirimo.

Iyo wahawe amahirwe ya kabiri, ugasubizwa mu kibuga, ukwiye gutsinda ibitego birenze ibya Messi

By Ismael KAYISHEMA

“Imana ijya itanga amahirwe ya kabiri”
“Ariko nubwo bari bamwogoshe, umusatsi woku mutwe we, wongera kumera.”
Ndifuza kuvuga ku Mana itanga amahirwe ya kabiri.
Ndifuza kuvuga ku Mana isubiza umukinnyi wakinnye nabi mu kibuga.
Ndifuza kuvuga ku Mana, idakomeza kwibuka ibyo dukiranirwa
Ndavuga Imana isubiza umukinnyi wakinnye nabi mu kibuga.

Ndashaka kukujyana mu kibuga cy'umupira w'amaguru uyu munsi, tugire icyo tuhigira, nyuma yaho ndibukujyane no mu nzu y'umubumbyi naho tuhakure isomo.
Muri iki gihe tugezemo uwavuga ko umupira w'amaguru wasagambye, ukundwa n'abantu benshi , mu mikino yose ibaho ku isi ntiyaba akabije. Nutajya ku bibuga ntuzabura no kumva ababiganira aho unyuze hose.
Tujye mu kibuga rero:Turi buvuge ku mukinnyi, ku bitego no ku mutoza mwiza w'ikipe.

Mu kibuga cy'umupira w'amaguru ushobora kubonamo umukinnyi w'umuhanga: umukinnyi utsinda ibitego, umukinnyi uhesha icyubahiro ba nyiri ikipe n'umutoza we.
Hari igihe ariko bijya bibaho, wa mukinnyi akaza gukina nabi , agahusha ibitego, agatukisha ikipe. Yewe hari n'igihe ashobora kugera aho atsinda mu izamu rye. Maze uwo mukinnyi si ukumwamagana, uko yogezwaga bikibagirana.
Nguko uko byagendekeye umugabo w'intwari Samusoni, umunaziri w'Imana, wakoze iby'ubutwari akogezwa, akaririmbwa, ariko igihe kiza kugera , Samusoni atangira gukina nabi kugeza ubwo yageze aho atsinda mu izamu rye. Ingaruka rero ntizabuze kumugeraho, Samusoni afatwa n'abanzi, yewe ndetse bamunoboramo amaso.
Byashoboka ko nawe waba waranogowemo amaso mu buryo ubu cyangwa buriya.
Undi mukinnyi wabanje gukina neza nyuma akabizambya, ni intumwa Petero. Uyu mugabo yari yarahamije ko Yesu ari Umwana w'Imana, yari yarataye byose aramukurikira, yari yaragendeye hejuru y'amazi, ariko Petero wahamyaga ko atakwihakana Yesu, nyuma yaje kumwihakana inshuro 3.
Ushobora kuba nawe warakijijwe ariko ukaba warakoze ibintu bitukisha Izina rya Yesu, ukaba urukozasoni mu nzu y'Imana, ariko ndagira ngo nkubwire , Ko Imana itararangizanya nawe.

Yesu wari uzi neza ko azamwihakana, yari yarasengeye ukwizera kwe mbere, mu gihe yabonaga ko Satani yabasabye ngo abashungure. Haleluya, Imana ishimwe iteganya kare ibizadutunga, ibizatuzahura, mu gihe twaneshejwe.
Undi mukinnyi tubona wakinnye nabi akabizambya ni umutambyi Yosuwa , tubona ahagaze imbere y'Imana yambaye ubushwambagara, Satani nawe ahagaze amurega. Yosuwa uyu ntacyo yarafite cyo kwireguza. Ariko ndatekereza arimo kuririmba agira ati “Ntacyo nzanye mu ntoki cyabasha kuncungura, simfite icyo naguha, nizeye umusaraba uwo wamfiriyeho, niwo, njya niringira” Ndabona kandi akomeza agira ati :” Dore nambaye ubusa, ndakwinginze, unyambike, sinabasha kwikiza, ndagushakaho ubuntu, unyuhagire ibyaha, Mutabazi ne gupfa.”
Mu kurangiza reka nkujyane mu nzu y'Umubumbyi, ibi wabisanga mu gitabo cy'umuhanuzi Yeremiya, 18: 1-8,
Imana yacu niwe mubumbyi watubumbye, ni Umuremyi, kandi ntiyarangije kurema. Uko waba warangiritse kose, uko waba warahombanye nka ririya bumba, Imana ishobora kukurema bushya, ikaguhindura umukinnyi noneho usinda ibitego, uramutse, wihannye, ukagarukira Uwakuremye.

Hari igihe wangiza ibintu, mu buryo bukomeye, Imana ikakureka ibibazo bikakuzaho, nkuko ibivuga ikaguteza, inzige na za kagungu, arizo ngabo ze.
Sinzi aho kagungu, n'inzige bikugeze, ariko Imana ivuga ko izagarura ibyariwe n'inzige, na kagungu, ingabo yaguteje.
Tuvuge iki Samusoni yakinnye nabi akurwamo amaso ashinyagurirwa n'abanzi.Uko byari bimeze kose ariko, uko bikuriho kose nawe, Bibiliya irambwira ngo Samusoni, agasatsi kari kongeye kumera.,Ndabona nawe agasatsi kawe, uko kogoshwe kose, ariko ndabona katangiye kumera.

Njya ntekereza nti .Abafilistiya iyo baza kubimenya, iyo baza kwibuka ko ari umuyuda, iyo baza gusobanukirwa ko yari umunaziri, reka mvuge ngo iyo babimenya, ntibaba baritabiriye ubutumire bw'icyo kirori. Ikirori ntikiba cyarababereye ikirori?!!, ikirori cyababereye imva n'ababo bose, dore ko bari bakubise bakuzura, ngo bashinyagurire uwasizwe n'Imana.

Samusoni ariko Imana ntiyari yamukuyeho amaboko, Samusoni yagize igihe cyo kwihana, maze asaba Imana ko yamuha umwanya agahorera amaso ye. Imana yarabyemeye Samusoni, icyo gihe yatsinze igitego atari yarigeze gutsinda mu buzima bwe bwose, kuko yishe abafilistiya baruta kure abo yari yarishe mbere.
Ndakubona wongeye kumera agasatsi, Satani n'ingabo ze bari bakwiye gutinya ibyo ugiye kubakorera, uri kumwe n'Umwami wawe. Petero yabanje gukina nabi, ariko nyuma Yesu , umutoza mwiza, (Un bon entraineur), yamusubije mu kibuga, amaze kumubaza inshuro 3 niba amukunda. Amaze no kumukorera Delivrance. Buriya ziriya nshuro 3 ngo zari zihwanye n'inshuro 3 yamwihakanye. Haleluya! Imana irimo kukubohora nawe, irakubwira iti “Subira mu kibuga.”

Ijambo ry'Imana riravuga riti “Ese umuntu yagwa ubutazabyuka? Umukozi w'Imana, umwanditsi w'ibitabo, Zacharias Tanee Fomum, yanditse igitabo cyitwa , Aucun échec n'a besoin d'être final, mu cyongereza ngo, No failure needs to be final, bisa nka biriya twavuze mu Kinyarwanda tuti, Ese umuntu yagwa ubutazabyuka?
Umutambyi Yosuwa yari ahagaze imbere ya marayika w'Imana, Satani nawe amurega, ariko Yosuwa utari afite uko aburana, yiringiye gusa umusaraba, ariko marayika w'Imana yaramubwiye ati:”Ngukuyeho gukiranirwa kwawe, kandi ndakwambika imyambaro myiza cyane” nyuma yaho tubona Yosuwa yambikwa , kandi asubizwa mu kibuga na marayika w'Imana,(Yesu) Imbere ya Satani Yosuwa waregwaga arongera arasigwa, (anointing)arambikwa, ahabwa n'umurimo (Appointed, equipped), muri make yicazwa ku meza imbere y'abanzi be, yuzurizwa igikombe kirasesekara.

Ng'ibyo ibyo Yesu ashaka kugukorera, wowe wari waramuhemuye, wowe wambaye ibihindanye, agiye kugusiga , akwambike, aguhe umurimo, Ni Imana y'amahirwe ya kabiri, ni Imana, isubiza mu kibuga. Yabwiye umugore wari wafashwe asambana ati, nanjye, nta rubanza nguciriye, genda ntugasubire ukundi. Uyu munsi nyuma yo kwihana arakubwira ko ntawe ukigushinja, agira ati:” Ndakubabariye, genda ntugacumure ukundi Reka, sigaho kwicira urubanza, no kwemera ko umwanzi aguca intege, ngo warabizambije, nta mbabazi wabona, cyangwa akubwira ngo , waraneshejwe, n'ubundi ntuzashobora urugendo rwo gukurikira Imana, Uwo mwanzi mubwire ko dushobozwa na Yesu uduha imbaraga, kandi ko iyatangiye uwo murimo, izawusoza, neza. Imana irakubwira nkuko yabwiye Gidiyoni, iti wa Mugabo we w'intwari w'imbaraga”, emera ibyo Imana ikubwira ko ufite imbaraga.

Gira uti ningwa nzabyuka, kandi ngo umukiranutsi nubwo yagwa karindwi, azongera ahaguruke, kuko azahagurutswa n'Ikomeye.

Subira mu kibuga, ukine usinde ibitego., urwane intambara nziza yo kwizera, uhabwo ingororano yawe.

Gendana na Yesu muri urwo rugendo.
Bibe bityo.

MITALI Adolphe.

Igitaramo “Rabagirana Worship Festival” Kitezweho byinshi birimo no kwibutsa abanyempano kongeraho imbuto

By Ismael KAYISHEMA

Rabagirana Worship Festival ni igitaramo gikomeye cyateguwe na Christian Communication ,kikazaba tariki ya 4 Ugushyingo 2018 guhera saa cyenda za nimugoroba kuri Kigali Serena Hotel.

Ni igitaramo kigamije kwibutsa abanyempano ko bidahage kuba ufite impano cyangwa ufite imirimo myinshi ukorera Imana,ahubwo ko ukwiye kongeraho imbuto.Gifite intego iboneka mu Abafilipi 4:17 ”Nyamara burya si impano nshaka ahubwo nshaka ko imbuto zongerwa kuri mwe”.

Biteganijwe ko iki gitaramo kizitabirwa n'abahanzi b'abanyempano batandukanye ndetse n'amatsinda mu ndirimbo zo kuramya no guhimbaza Imana hano mu Rwanda.


Peace Nicodeme Nzahoyankuye uhagarariye Rabagirana Worship Festival

Mu kiganiro n'itangazamakuru, Peace Nicodeme Nzahoyankuye uhagarariye Rabagirana Worship Festival yavuze ko ari ihishurirwa rikomeye Imana yabashyize ku mutima batekereza kuri iki gitaramo.Yongeyeho ko ari umwanya mwiza wo kugaragaza impano zinyuranye ndetse no kumva ibikubiye mu bihangano Imana iba yarashyize ku mutima w'abaririmbyi.

Yashimangiye kandi ko insanganyamatsiko y'uyu mwaka buri wese akwiye kuyitekerezaho kuko ibumbatiye umutima w'iki gitaramo .Yagize ati:”Abanyempano n'abandi bose bafite icyo bakorera Imana binyuze mu mpano bakwiye gutekereza kuri iyi nsangamatsiko .Imana ntabwo ishaka imirimo myinshi twirirwa tuvuga ko tuyikorera ahubwo ikeneye ko dusa n'ibyo dukora. Tuzaba rero turikugendera muri ubwo butumwa nkuko Imana yabudushyize ku mutima”.

Peace Nicodeme Nzahoyankuye avuga ko iyi Festival izajya iba buri mwaka kandi bizera ko ibyateguwe bizahembura imitima y'abazitabira iki gitaramo.Iki gitaramo kandi nicyo cya mbere kibanjirije ibindi bizaba mu myaka izakurikira.Insanganyamatsiko z'ibi bitaramo zo zizajya zihinduka bitewe n'ubutumwa Imana izajya iha abaritegura uko umwaka utashye.


Rabagirana Worship Festival mu Rwanda ibaye iya kabari mu iserukiramuco ry'indirimbo zo kuramya no guhimbaza Imana nyuma ya Himbaza Festival iheruka kuba mu Ukuboza, 2016.

Rabagirana Worship Festival, igitaramo kizagararizwamo impano zikomeye

“Sibo Mana”

By Adolphe Mitali
“Naho yaba igeze kure he njyiye gushaka iyo ntama yanjye”“ “Sinzakuriiza  uburakari bwanjye bukaze, kandi sinzagarurwa no gutsemba Efurayimu , kuko ndi Imana, sindi nk’umuntu” Abantu sibo Mana, kandi Imana si nk’abantu.Inzira zayo zisumba izacu Ndifuza kukubwira ku Mana igucira akari urutega, iyo ntawe ugucira akari urutega. Ndashaka kuvuga ku Mana igucira akanzu, umwanzi agucira […]

Hommage aux oeuvres de Layika Umutanguha Felicite.

By Adolphe Mitali
Layika Umutanguha Felicite, ni umwe mu bagore ba mbere bahagarariye abandi mu ikoraniro ry’i Beijing, ryaharaniraga imizamukire y’abagore. 2e partie du poeme dedie a Yvan et Liliane, en souvenir de Layika Umutanguha Felicite.   Oui, c’est bien vrai, Ce que dit la sagesse populaire Que les œuvres parlent d’elles memes, Pour dire qu’elles expriment mieux […]

Nyuma yo gukira indwara amaranye imyaka 13, Umuhanzi Prince Robert aratangaza iki?

By Niyondora Vedaste

Umuhanzi Prince Robert ubarizwa mu itorero rya ADEPR Ndera, aratangaza ko agiye gukora igiterane kini taliki ya 30/09/2018 kizabera kuri ADEPR Ndera kizaba kigamije gushima Imana kubw'indwara ikomeye yari amaranye imyaka 13 Imana yamukijije.

Umuhanzi prince Robert mu kiganiro yagiranye n'umunyamakuru wa Agakiza.org ku murongo wa terefoni, yatangaje ko ari mu myiteguro ikomeye y'igiterane yenda gukorera mu mujyi wa Kigali mu karere ka Gasabo kuri ADEPR Ndera kizaba kigamije kuzamurira Imana ishimwe kubw'indwara ikomeye yari amaranye imyaka 13 Imana yamukijije, kubw'ibyo rero, ngo yumva atashima Imana muri bwa buryo bw'iminota itatu yo mu rusengero mu materaniro, ahubwo ngo ashaka kuzashima Imana mu buryo burambuye.

Yagize ati: “Nari maze imyaka igera kuri 13, mfite ikibazo cyo kutihagarika neza nk'abandi, cyagiye gikura kugeza ubwo ndembye ndetse nkajya nifashisha amasonde kugira ngo imyanda ibashe gusohoka mu mubiri. Nivuje mu bitaro bikomeye byose bishoboka hano mu Rwanda. Njyeze ku bitaro byitiriwe Umwami Fayisali, ubufasha nari kuhabona bwansabaga amafaranga ntashobora kubona na gato.”


Umuhanzi Prince Robert

Akomeza agira ati: “Mu buryo bw'igitangaza nzasobanurira abantu igihe kigeze, nabonye ubufasha mbuhawe n'umunyamahanga utanzi mu by'ukuri, nyuma y'ibyumweru bibiri ambaze amasonde bayankuyemo ndakira ubu ndi muzima. Rero kumara imyaka ingana ntyo mbabaye nkabona birakize, nahise nibaza nti nk'umuhanzi cyangwa umuramyi nabishimira Imana gute? Nzasabe ya minota ibiri yo mu rusengero? Nti oya, reka ntegure igitaramo cyo gushima Imana nshime mu buryo burambuye wenda byazagirira umumaro n'undi wese waba ufite ikibazo runaka cyangwa n'uwazakigira nyuma.

UBUHAMYA BWA PRINCE ROBERT USHOBORA KUBWUMVA HANO

Uyu muhanzi yateguye igitaramo cyagutse cyo gushima Imana iri shimwe ryo gukira kwe, kizaba taliki 30/09/2018 kuri ADEPR Ndera , mu Karere ka Gasabo ho mu mujyi wqa Kigali kuva saa munani z'amanywa.

Prince Azafatanya na Stella Manishimwe, uzwi cyane nka “ni njye wa mugore” na Claudine Giramahoro, Endrew Byishimo ndetse ibiganiro bikaba bikomeje kubandi bahanzi batandukanye nka Tacien Titus n'abandi. Hazaba hari kandi amakorari atandukanye nka korari Bethesida ndetse na Korari Agape zo ku mudugudu wa Ndera. Abazitabira iki gitaramo kandi bazagezwaho ijambo ry'Imana n'umuvugabutumwa Mama Lionel uzwi nka Maman Rionel


Stella Manishimwe zafatanya Prince


Claudine Giramahoro nawe azaba ahari


Thacien Titus nawe biteganijwe ko azafatanya n'uyu muhanzi


Nyirabagenzi Alice (Mama Lionel) niwe uzabwiriza muri iki giterane

Prince Robert ubusanzwe ni umugabo ufite urugo, umugore n'umwana, ndetse ushima Imana ko igihe cyose yamaze arwaye uburwayi bukomeye gutya izindi nshingano zose4 yabashaga kuzisohoza, keretse amezi make ya nyuma ariko kandi ko ari nabwo yasatiraga igihe cyo gukira. Ngira ngo bifitanye isano na bimwe bivugwa ko ngo “Iyo rukomeye ruba rugiye kurangira.” Asanzwe ari umuhanzi uririmba indirimbo

UMVA HANO IMWE MU NDIRIMBO Z'UMUHANZI PRINCE ROBERT

Kigali:Rabagirana Worship Festival, igitaramo kizagararizwamo impano zikomeye ,kinatangirwemo ubutumwa bukomeye kuri ba nyirazo

By Nicodeme Nzahoyankuye
Rabagirana Worship Festival ni igitaramo gikomeye  cyateguwe na Christian Communication ,kikazaba tariki ya 4 Ugushyingo 2018 guhera saa cyenda za nimugoroba kuri Kigali Serena Hoteijl Ni igitaramo kigamije  kwibutsa abanyempano ko bidahage kuba ufite impano cyangwa ufite imirimo myinshi  ukorera Imana,ahubwo ko ukwiye kongeraho imbuto.Gifite intego iboneka mu Abafilipi 4:17 ”Nyamara burya si impano nshaka […]

Imana y’amahirwe ya kabiri.

By Adolphe Mitali
Iyo wahawe amahirwe ya kabiri, ugasubizwa mu kibuga, utsinda ibitego birenze ibya Messi. “Ariko nubwo bari bamwogoshe, umusatsi woku mutwe we, wongera kumera.” Ndifuza kuvuga ku Mana itanga amahirwe ya kabiri. Ndifuza kuvuga ku Mana isubiza umukinnyi wakinnye nabi mu kibuga. Ndifuza kuvuga ku Mana, idakomeza kwibuka ibyo dukiranirwa Navuze Imana isubiza umukinnyi wakinnye nabi […]

Ruto ruto ubuyobe mu ishusho yo kwera

By Niyondora Vedaste

Muri iyi minsi ya nyuma hari kwaduka ibintu utamenya aho bituruka birasaba cyane kuba maso kuko Satani aragenda yinjira mu itorero buhoro buhoro. Birasa na kumwe abanyarwanda bavuze ngo: “Ruto ruto ni rwo rugendo.

Mu minsi ishize twabagejejeho inkuru igaragaza ibintu bivugirwa mu rusengero bitari bikwiriye bimeze nko kubiba umwuka w'ishidikanyamana. Uyu munsi reka turebe mu bintu bito bito bitoroheye umuntu gutahura ko ari ubucakura bwa Satani. Ku ruhande rumwe uba wumva ntacyo bitwaye ariko wagenzura neza ukabona ntan'icyo bimaze.

Abavugabutumwa benshi barabikoresha, abayobozi b'amateraniro n'ibitaramo bitandukanye barabikoresha, abayobora kuramya no guhimbaza mu bitaramo n'amateraniro barabikoresha n'abandi!

1. Muri bibiliya handitsemo Haleluya, bisobanurwa ngo Imana ishimwe, bagasubiza ngo Amen, bisobanurwa ngo bibe bityo. Ariko uzumva hari aho bongeraho utundi tuntu tumeze nka moral urugero: “Amena-Sawaaa, Amena-Burunduuu…”. Utwo tuntu tumeze nko gutera murari (Moral) mu rusengero wumva, wumva ntacyo twishe ariko kandi sinizeyeko hari n'ubusobanuro cyangwa umumaro watwo.

2. Ubwoko bwa Haleluya. Ibi nabyo ni kimwe mu bikorwa na benshi ariko bidafite inkomoko mu ijambo ry'Imana. Ngo hari Haleluya y'ubutsinzi, ngo hari haleluya yo kwibuka, ngo hari haleluya yo kwica igini, ngo hareruya y'umurambararo yo sinzi n'icyo isobanuye, n'izindi nyinshi zisa n'izo yewe hari n'abatera izirenze imwe zikaba zagera no kuri zirindwi cyangwa zirenze, z'urusaku rwinshi cyane.

Uwateze umutego ukomeye ni uwigishije ko haleluya nyinshi zirema ibitangaza. Ariko abantu bakwiye kumenya Imana ikora ibitangaza bakayikurikira bayizi kandi bayizera, utwo dutekinike tundi sinizera ko duturuka ku Mana. Kuko Imana ntigira uburyo bumwe bwo gukora ibintu, uko yanyigaragarije siko yigaragariza undi. Umurongo duhuriraho twese ni uwo gukizwa no kwizera ibindi ni ibinyoma no guteka imitwe.

3. Gutukana no gushira isoni ku ruhimbi. Uzumva umuvugabutumwa cyangwa undi muntu avugira mu materaniro imvugo z'urukozasoni mu by'ukuri zitari zikwiriye. Urugero1.: “Niba nyoko ataroga tera Haleluya eshatu.”
Bavandi, naho umuntu yatera haleluya zirena ijana, ntibyakwemeza ko Mama we ataroga, kandi uretse na mama we n'uroga bwite yatera izishoboka zose.

Urugero2.: “Abadafite ishyari nibakore ibi n'ibi” Abantu b'Imana bajya mu rusengero bashaka kubona ahantu hera hatuje hari amahoro ho kuruhukira. Ariko birababaje ko mu rusengero hahindutse hamwe mu hantu haba iteshamutwe (Stress) kuruta ahandi.

Mu by'ukuri abantu bari mu rusengero baba batandukanye kuri byinshi n'ibibagenza biba bitandukanye. Niba umuntu yajwe kwegera Imana ngo ayibwire nayo imubwire, iyo utangiye kumutegeka ibindi akora bitandukanye n'ibyamuzanye, uba uri kumuvangira, uba umuhemukiye, ikibabaje kurutaho nuko ubimukoresha ku ngufu kubera amagambo mabi waturiye kubatabikora.

Ikintu cyose umuntu akora kubw'icyubahiro cy'Imana cyakagombye guturuka mu mutima umenekeye Imana atari kubw'igitugu. Uzabona umuntu aguwe neza mu rusengero ubone arahagurutse, ararize, avugije akaruru, arabyinnye, akomye mu mashyi… Ibyo ni ibigaragaza ibimuri ku mutima, kandi nibyo Imana yishimira, naho ibiri gutera ubu biteye urujijo ni ukuba maso.

Tuvuze bikeya ugereranije n'ibisigaye bibera mu nsengero zitandukanye. Ibi ntibivugirwa guharabika, gusebanya, gupinga n'ibindi. Kuko nzi neza ko ababizana baba bazi icyo bazanye, ariko abenshi mu babikora ni ababyigana kuko babibonanye abandi bakabikora bagira ngo ni ugufasha abantu. Ahubwo ibi mbivugira kugira ko tube maso twirinde ibintu by'inzaduka bidafite inkomoko mu ijambo ry'Imana Bibiliya.

Ibi kandi bifitanye isano ya bugufi na ba bavugabutumwa basigaye bitwa abasatuzi, ndetse ibyinshi nibo babyadukana, bibeshya ko ibihe byiza bigaragazwa n'urusaku rwinshi n'akavuyo.

Dore impamvu nabyise ubuyobe.

1. Bishyushya abantu bagasakuza cyane, ukagira ngo ibintu bimeze neza Mwuka wera yaje, ariko bikarangirira mu buhanuzi bw'ibinyoma, ntihagire abihana kuko nta jambo bumvishe batinze muri ya morale gusa.

2. Binaniza abantu cyane bigatuma abenshi babihirwa no kujya mu nzu y'Imana kuko babona ntaho bitandukaiye no kujya ahandi hose habera imyidagaduro.

3. Bituma habaho urusaku n'akavuyo mu rusengero bigatuma utabasha gutandukanya ibihe byiza by'umuka n'ibyishimo bishingiye ku marangamutima gusa.

4. Bishyigikira ivangirwa ry'impano cyane, kuko n'iyo umwuka w'Imana yaza bigoye ko yakorera mu muvurungano ungana kuriya.

Ababikora babizi n'ababikora batabizi, abigisha n'abigishwa twese dukwiye kuba maso tukirinda inzaduka mu nzu y'Imana kugira ngo tudaha abanzi b'Imana urwaho rwo kuyituka ndetse n'ubugingo bwa benshi bukahangirikira!

Nuko rero bakundwa, ubwo muburiwe hakiri kare, mwirinde mutayobywa n'uburiganya bw'abanyabyaha mukareka gushikama kwanyu. 2Petero: 3: 17
Mwirinde hatagira umuntu ubayobya! Yohana: 24:4

Vedaste [email protected]

Inyama zitunganyirizwa mu nganda zaba zitera kanseri?

By Ismael KAYISHEMA

Kurya inyama zitunganyirizwa mu nganda zizwi ku izina (processed meat) zingana n'amagarama 50 byongera ibyago byo kwandura impyiko.

Abashakashatsi ku ndwara ya kanseri (cancer) bavuga ko izi nyama zongera ibi byago byo kwandura iyi ndwara ku kigereranyo cya 19%. BBC dukesha iyi nkuru ivuga ko mu kurwanya iki kibazo, umuntu agomba kwirinda kurya amagarama arenze 70 y'izi nyama.

Prof Susanna Larsson, wayoboye abanyeshuri mu gukora ubu bushakashatsi mu ishuri rikuru Karolinska muri Suwede avuga ko ubu bushakashatsi bwabatwaye igihe kinini kugira ngo bemeze ko izi nyama zitera iyi ndwara.

Ababashakashatsi bagaragaza ko usibye n'iyi kanseri izi nyama zitera kanseri ifata amara manini, indwara y'umubyibuho ukabije (obesity).
Mbere y'uko ubu bushakashatsi bushyirwa ahagaragara hakorewe bwakorewe ku bantu 6,643 barwaye iyi ndwara muri aba 11 ababakurikirana bemeza ko iyi ndwara ari izi nyama zayibateye. Abashakashatsi bagaragaje bimwe mu bimenyetso umuntu agira igihe amaze kurya izi nyama harimo;
• Kumva nta kindi warya usibye izo nyama gusa
• Gucika intege
• Kubabara mu mugongo
• Kuribwa ku ruhu.

Indwara ya kanseri muri ibi bihe iri mu ndwara zisigaye zihitana abantu benshi, muri izo kanseri harimo iy'ibihaha, iy'umwijima, iy'ibere ifata cyane abagore ndetse n'iyi gifu kuri ubu abantu bagera ku 177.800 bitaba Imana buri mwaka bazize iyi ndwara.

Inkuru dukesha UMUGANGA.com

Dore bimwe mubyagufasha kunesha ibigeragezo

By Sophie Bakwiye

Abakristo b'uyu munsi ntibashobora kugerageza kwihanganira ibibagerageza. Bumva batabasha kubaho ubuzima bwose Imana ibasaba ko babamo kuberako bahura n'ibintu byinshi bibaca intege.

Ese ujya wumva uhura n'ibigeragezo mu mibereho yawe ukagerageza kubirwanya kugira ngo ushobore gukora icyo Imana ishaka ko ukora? Niba dukurikiye Kristo by'ukuri tuzabishobora.

Uko byamera kose, ibigeragezo ni kimwe mu bitubuza kubaho ubuzima bunesha buri muri Kristo.

Bibiliya igira iti “Nuko natwe ubwo tugoswe n'igicucu cy'abahamya bangana batyo, twiyambure ibituremerera byose n'icyaha kibasha kutwizingiraho vuba, dusiganirwe aho dutegekwa twihanganye.” (Abaheburayo12:1) dukwiye kureka ibituremerera bitubuza gukurikira Kristo.

Aha hari ibintu dukeneye kwibuka no gukora mu mibereho yacu niba dushaka kunesha ibigeragezo:

Si twe twenyine duhuye n'ibigeragezo.

“Nta kigeragezo kibasha kubageraho kitari urusange mu bantu,…”( 1Abakorinto 10:13)

Nubwo duhura n'ibigeragezo bitari bimwe, tugomba kwibuka ko tutari aba mbere bahuye n'ibigeragezo cyangwa tutari aba mbere batabonye ibyo twari twiteze mu buzima bwacu.

Imana ica inzira ituma tunesha

Mu 1Abakorinto10:13 hakomeza hagira hati:
“…..kandi Imana ni iyo kwizerwa kuko itazabakundira kugeragezwa ibiruta ibyo mushobora, ahubwo hamwe n'ikibagerageza izabacira akanzu, kugira ngo mubone uko mubasha kucyihanganira.”(1Abakorinto10:13)

Igihe duhuye n'ikintu aho twumva bitugoye, dukwiye kwibuka ko ikigeragezo cyose gishobora kwihanganirwa.

Imana ntizadukundira kugeragezwa ibiruta ibyo dushobora. Izaducira akanzu maze dushobore no kureka gukora icyaha: Tureke ubusambanyi,dushobore gufunga iminwa yacu mu gihe ishobora kuvuga ibikomeretsa cyangwa ibinyoma, cyangwa guhunga ikintu cyose gishobora kugukoresha amakosa,… Ahubwo icyiza kuruta, dukwiye guhora dusenga:

“Mube maso, musenge mutajya mu moshya. Umutima ni wo ukunze, ariko umubiri ufite intege nke.”(Matayo26:41)

Dukwiye kuneshereza muri Kristo

Ese muziko ubwo Kristo yarangije umurimo, dushobora kunesha kuko icyaha cyidashobora kutugira umucakara? Mu by'ukuri niba turi muri Kristo, icyaha nticyabona aho kimenera:

“Nuko rero bene Data, turi mu mwenda ariko si uwa kamere y'imibiri yacu ngo dukurikize ibyayo, kuko niba mukurikiza ibya kamere y'umubiri muzapfa, ariko nimwicisha Umwuka ingeso za kamere muzarama.”( Abaroma 8:12-13)

“Ni we wadukijije ubutware bw'umwijima, akadukuramo akatujyana mu bwami bw'Umwana we akunda. Ni we waducunguje amaraso ye ngo tubone kubabarirwa ibyaha byacu.”(Abakolosayi 1:13-14)

Niba uri muri Kristo,wakuwe mu bubata bw'icyaha, ntiwemerewe gukora icyaha n'igihe cyose ugeragezwa ukwiye guhora unesha.

Ukwiye kunesha kuko Kristo yatanze umudendezo.

“Ariko mwebwe ntimuri aba kamere, ahubwo muri ab'Umwuka niba Umwuka w'Imana aba muri mwe. Ariko umuntu wese utagira Umwuka wa Kristo ntaba ari uwe.
Niba Kristo aba muri mwe, nubwo umubiri uba upfuye uzize ibyaha, umwuka uba uri muzima ku bwo gukiranuka.
Ariko niba Umwuka w'Iyazuye Yesu aba muri mwe, Iyazuye Kristo Yesu izazura n'imibiri yanyu ipfa ku bw'Umwuka wayo uba muri mwe.” (Abaroma8:9-11)

[email protected]

Simon Kabera na True Promises batumiwe mu gitaramo "Hari amashimwe Live Concert” cya Aime uwimana

By Ismael KAYISHEMA

Iki gitaramo kizabera mu ihema rya Camp Kigali saa kumi z'umugoroba, ku Cyumweru tariki 14 Ukwakira 2018. Simon Kabera na True Promises Ministries nibo batumiwe kugirango bazafatanye na Aime Uwimana guhembura imitima yabazitabira iki gitaramo.

Mu kiganiro n'itangazamakuru, Aime Uwimana yavuze ko iki gitaramo yateguye gifite intego yo kuzamura amashimwe, aho abantu bazashimira Imana ibyo yabakoreye bishingiye ku byo umutima wa buri muntu uzirikana ko washimira Imana.

Yavuze ati :” Ni igitaramo cyo gushima Imana binyuze mu kuyiramya kandi tuyiramisha umutima icyubahiro cy'Imana kikuzura aho hantu. Ahari amashimwe har'icyo Imana ikora, Uwami Yehoshafati yaramije Imana igira icyo ikora abanzi b'Abisirayeli bari babateye bamarana ubwabo. Turizera ko uriya uzaba umwanya wo guha Imana andi mashimwe nayo ikagira ibindi idukorera.”
Muri iki gitaramo azafata umwanya munini wo kuririmba , kandi hari umwanya wagenewe abandi baririmbyi bazafatanya nawe.

Kwinjira muri iki gitaramo n'ibihumbi bitanu by'amafaranga y'u Rwanda ( 5,000 Frw ) mu myanya isanzwe ndetse n'ibihumbi icumi by'amafaranga y'u Rwanda ( 10,000 Frw ) mu myanya y'icyubahiro.

Album y'indirimbo zo mu gitabo Aime yashyize hanze iriho zimwe mu ndirimbo zakunzwe nka “Nyuzwe n'ubucuti , Ni Yesu wangize kuba umuvandimwe we , Gitare cy'Imana ,Ntabwo nkwiye kujya niganyira ‘ n'izindi.
Uretse izo kandi ; Aime Uwimana yamenyakanye cyane mu ndirimbo zitandukanye zikubiye kuri album zirindwi zirimo [ Muririmbire Uwiteka , Une lettre d'amour , Ndi umwana mu rugo kwa data , Ngwino mukiza twibanire, Nyibutsa, Urwibutso ‘ n'izindi .

Aime Uwimana yaherukaga gukora igitaramo cyo kumurika album y'indirimbo zo mu gitabo mu kwezi k'Ugushyingo 2014 i Nyarutarama kuri Christian Life Assembly ( CLA ).

Umva zimwe mu ndirimbo za Aime Uwimana

Umva "Uko mbishoboye" ya True Promises

Umva "Hari inshuti" ya Simon Kabera

Ibintu 4 abakirisito bakigira ku isengesho rya Eliya

By Ismael KAYISHEMA

Dore Eliya yari umuntu umeze nkatwe asaba cyane ko imvura itagwa, imvura imara imyaka itatu n'amezi atandatu itagwa. Arongera arasenga, nuko ijuru rigusha imvura, ubutaka bumeza imyaka yabwo. (Yakobo 5:17-18)

Eliya yabagaho ubuzima butangaje. Yagaburiwe n'ibikona. Yatuburiye umupfakazi amavuta n'ifu mu buryo bw'igitangaza. Yazuye umwana w'umuhungu wari wapfuye, yishe abahanuzu ba bali ku musozi Karumeli

Isengesho rya Eliya ryari rigizwe ni iki? Ni iki cyamuheshaga imbaraga ? Ni iki twakigira kuri Eliya gishobora gutuma natwe isengesho ryacu rigira imbaraga?

1.Eliya ibyo yakoraga byose yabikora yishingikirije ku Mana: Nyuma yuko Eliya ashyamirana n'umwami Ahabu, Imana yahise imwohereza ku kagezi kitwa Keriti, Eliya nta yaricaye nta biryo afite ariko Iman a yaramwitegereje imenya ibyo akeneye, Imana imwoherereza igikona cyo kumutunga. “Nuko aragenda agenza uko Uwiteka yavuze, ajya kuri ako kagezi Keriti ahateganye na Yorodani, agumayo. Ibikona bikajya bimuzanira umutsima n'inyama uko bukeye uko bwije, kandi akajya anywa amazi y'ako kagezi.” 1Abami 17:5-6

Eliya yari yishije umwami Ahabu, aho byari bigoye kugera kucyo yifuza uretse ubuntu bw'Imana gusa bwaribumubeshejeho. No mu gihe akagezi kakamye yakomereje ku mupfakazi w'I Sarefati naho Imana ikomeze kubana nawe, Kubera ko Eliya yari yarakoze ibishimwa n'Imana.

Iyo dukoze ibishimwa n'Imana nayo ibana natwe kandi ntabwo ishobora kugutererana ikubonamo umumaro. Ahubwo iguha icyerekezo gikwiriye , ikakurinda ibishobora kubera imbogamizi inyungu zayo igufitemo zo kwagura ubwami bwayo mu isi.

2.Eliya yasabaga ibitangaza bikomeye bivuye ku Mana: Eliya ntabwo yigeze asaba ibintu byoroheje kuko yariyizeye imbaraga z'Imana . Eliya yasabye ikintu gikomeye umuntu wese atapfagusaba atizeye imbaraga z'Imana., Eliya yasenze asabako habaho amapfa, akiza umwan aw'umupfakazi, yamanuye umuriro mu ijuru utwika ibitambo ku musozi Karumeri. “Nuko agejeje igihe cyo gutamba igitambo cya nimugoroba, Eliya umuhanuzi yegera igicaniro aravuga ati “Uwiteka Mana ya Aburahamu na Isaka na Isirayeli, uyu munsi bimenyekane ko ari wowe Mana mu Bisirayeli kandi ko ndi umugaragu wawe, nkaba nkoze ibyo byose ku bw'ijambo ryawe.” 1 Abami 18:36

Eliya yari intwari , yasabanye ibyiringiro bikomeye, yizeye ko Imana ishoboye. Yarizi neza ko Imana ariyo kwizerwa kandi ko isubiza gusenga.

Birakwiyeko dusaba Imana ibifatika kandi tuyizeye kuko Imana ishoboye byose, Imana niyon kwizerwa kandi ntakijya cyiyaninira. Hari abanga gusaba Imana ibintu bikoye kuko baba bayigiriye impuwe ariko si uko bimeze kuko isi n'ibiyuzuye byose ari iby'Imana.

3.Amesengesho ya Eliya yaguruye abantu ku Mana: Eliya yarafitanye ubusabane n'Imana. Yumvise ijwi ry'Imana aririkurikira yubaha Imana. Yakoze ibyo Imana yamusabye gukora byose.

“Nyumvira, Uwiteka nyumvira kugira ngo aba bantu bamenye ko ari wowe Mana, kandi ko ari wowe ugarura imitima yabo.” 1 Abami 18:37

Eliya yahamagaye umuriro ukamya amazi Atari ukugirango we yubahwe ahubwo yari ukugirango abantu bamenye ko Imana ishoboye , kandi nta yindi Mana ibaho ihwanye n'Uwiteka, ibyo Eliya yakoreye ku musozi Karumeli byatumye abantu bongera kumenya ko Imana ariyo kwizerwa.

Imana ijya ishyigikira umugambi uwo ari wose wo kwagura ubwami bwayo, umugambi umuntu afite uzagira icyo wangura Imana.

4.Eliya yasenganye umwete kugeza abonye igisubizo: Eliya yarasobanukiwe nezako rimwe na rimwe igisubizo kidahita kiza uwo mwanya. Yarasobanukiwe ko agomba gusenga kugeza ubwo abona impinduka

“Eliya na we arazamuka ajya mu mpinga y'umusozi w'i Karumeli, yicara hasi yubika umutwe mu maguru. Abwira umugaragu we ati “Zamuka witegereze ku nyanja.” Arazamuka aritegereza aragaruka aravuga ati “Nta cyo mbonye.” Amubwira gusubirayo agira karindwi. Agezeyo ubwa karindwi aravuga ati “Dore mbonye igicu gito kingana n'ikiganza cy'umuntu kiva mu nyanja.” Eliya aramubwira ati “Genda ubwire Ahabu uti ‘Itegure igare ryawe umanuke imvura itakubuza” Hashize umwanya muto, ijuru ririhinduriza ryuzura ibicu n'umuyaga, hagwa imvura ya rukokoma. Nuko Ahabu yurira igare rye ajya i Yezerēli. Imbaraga z'Uwiteka zijya kuri Eliya, aracebura arirukanka, yiruka imbere ya Ahabu amutanga ku irembo ry'i Yezerēli.” 1 Abami 18:42 -45

Eliya yasabye amapfa aratera ariko kuri iyi nshuro yasabagako Imana igusha imvura. Yatangiye gusaba ko imvura igwa kandi haguye imvura nyinshi. Eliya yasabye imvura ko inshuro zigera kuri zirindwi(7), agenda yohereza umugaruwe kureba,bwa nyuma yohereje umugaragu kureba abona agacu gato., icyo cyari ikimenyetso gito ko Imana yumvise gusenga kwe.

Eliya yakomeje gusenga kugeza ubwo abonye igisubizo, nawe ntabwo ukwiye gucika integer, hari abantu benshi cyane bibiliya ivuga bagiye basenga bagatitiriza Imana ikabasubiza, Daniyeli yasenze iminsi makumyabiri n'umwe nyuma marayika yohereza igisubizo reba abantu benshi bibiliya ivuga batabyaraga ariko bagiye bomatana n'Imana ikabaha urubyaro. Tumbira Imana ushake icyatuma ugirana ubusabane ibindi byose uyibiharire.

“Mwaturirane ibyaha byanyu kandi musabirane, kugira ngo mukizwe. Gusenga k'umukiranutsi kugira umumaro mwinshi, iyo asenganye umwete.” Yakobo 5:16

Dukwiye kugira umwete wo kwezwa no gukiranuka twihana , tukihana amakosa n'intege nke zacu.

“Mwami wanjye, Mana yanjye, Tyariza ugutwi ijwi ryanjye ngutakira, Kuko ari wowe nsenga.” (Zaburi 5:3).

Dukwiye kwizerako Imana duhamagara ko ariyo kwizerwa

Ukwezi k'ubumwe

By Ismael KAYISHEMA
  • September 17th 2018 at 05:48

Ukwezi k'ubumwe

By Ismael KAYISHEMA

Niba waravuganye n'Imana byange bikunde bizasohora

By Ismael KAYISHEMA

Ibi mugiye kumva ni inkuru yibyabaye ku musore witwa Emmanuel, wabayeho igihe kinini ababaye ariko afitanye ubusabane n'Imana, imuha amasezerano urebye n'amaso y'umubiri ntaho byari kunyura ngo bisohore nkuko uwamuyoboye muri Groupe y'amasengesho aho basengeraga mu cyumba cy'amasengesho mu Gatsata abyemeza.

Uyu Emmanuel yaje gukunda umukobwa witwa Chantal basenganaga muri icyo cyumba ariko kuko chantal we yari yarize afite n'akazi akora muri CHUK , ntayamukunze kuberako Emmanuel yari umukene. Igihe cyagezeho Chantal yigira iburayi ahunga Emmanuel ngo atazakomeza kumubwirako amukunda kandi ari Imana ibimubwiye.

Ijambo ry'Imana , Yesaya 46: 9 “Mpera mu Itangiriro nkavuga iherezo, mpera no mu bihe bya kera nkavuga ibitarakorwa nkavuga nti ‘Imigambi yanjye izakomera kandi ibyo nzashaka byose nzabikora.”

Gutegeka kwa kabiri 18:20-22 “Tuzamenya dute ijambo Uwiteka atavuze?” Umuhanuzi navuga mu izina ry'Uwiteka hanyuma icyo yavuze ntikibe, ntigisohore, icyo kizaba ikitavuzwe n'Uwiteka. Uwo muhanuzi azaba ahangaye kucyihimbira, ntuzamutinye.”

Umva uko byagenze nyuma yuko chantal yigiriye mu mahanga. Ese ibyo Emmanuel yavugaga koko byari bivuye ku Mana cyangwa yabiterwaga n'urukundo?

Poeme dedie a Liliane et Yvan, en souvenir de Layika Umutanguha Felicite, C’est un poeme et aussi un louange a l’Eternel pour sa protection envers ses enfants,Yvan et Liliane.

By Adolphe Mitali
Je prie celui (celle) qui aurait des photos de Liliane et Yvan de me les envoyer afin que je puisse les inserer dans ce poeme.Merci. Félicité, Comme ton nom l’indique, Dans la félicité perpetuelle,désormais , tu demeures. Oui, c’est bien là, que résident, Les gens de ta trempe, Dans la vraie présence de l’Eternel. Oui, […]

Reka ntungire agatoki Nyakubahwa Prezida wa Repubulika:Umusaruro muke mu mikino ngororamubiri(Athletisme), ubazwe izi minisiteri 3, ishinzwe iby’imikino, iy’Ubutegetsi bw’igihugu, n’iy’Uburezi.

By Adolphe Mitali
Disi Diyedone, wamamaye mu gusiganwa ku maguru, bikaba bimubeshejeho neza.Dukeneye abandi nkawe. Reka ntungire agatoki Nyakubahwa Prezida wa Repubulika ngira nti Nyakubahwa Prezida, nkuko uhora uvuga ikibazo giterwa no kudakorana kw’inzego zitandukanye, cyangwa kudakorana nk’ikipe ku bantu basarurira umugozi umwe; ndagira ngo nanjye ntere mu ryawe, nongeraho ko bamwe uretse no kudakorana neza n’izindi nzego […]

Ngo abakobwa nabo bagiye bakwa abasore, byaba ari umuco mwiza, w’iringaniza, gushyira mu gaciro, no kwimakaza ubufatanye.

By Adolphe Mitali
Ubukwe. Niba mu muco wo hambere w’Abanyarwanda umusore ariwe wakwaga umukobwa ashaka ko barushingana, byaba byiza ko umukobwa nawe ubu yazana inkunga ye ,mu kubaka urugo ruteganywa; birimo no gutanga inkwano, muri iki gihe bigaragara ko umukobwa (gore) yasubijwe agaciro ke, akarenganurwa , agashobora kuba yazungura iby’ababyeyi be, akabona imirimo ubundi yaharirwaga abagabo, akaminuza mu […]

Mu Butaliyani, inzu yagenewe ihuzabitsina hagati y’abantu n’ibipupe imaze kuba nto kubera ubwitabire buri hejuru.

By Adolphe Mitali
Mu Butliyani: Inzu yagenewe ihuzabitsina hagati y’abantu n’ibipupe itangiye kuba nto kubera ubwitabire bwinshi bw’abantu. Ibyumba byo mu nzu  yagenewe ihuzabitsina hagati y’abantu n’ibipupe (poupees, puppets), yafunguwe kuwa mbere w’icyumweru gishize hariya mu gihugu cy’Ubutaliyani, ubu byose byamaze gufatwa Iyo nzu rero yiswe Lumi Dolls. Iherereye mu mugi w’I Turino, ifite kugeza ubu ibipupe 7 […]

Umugore witwa Mukeku atunzwe n’abagabo babiri,kandi ngo arabyishimiye, nabo ubwabo ngo ni Amena!

By Adolphe Mitali
Kenya: atunzwe n’abagabo babiri kandi ngo arabyishimiye. Uyu uvugwa ni  Mukeku, umunyakenyakazi, w’imyaka mirongwitatu n’itanu;  washakanye n’abagabo babiri bakaba bafitanye abana , umwe barindwi, undi bane. Mukeku utuye mu cyaro cyo mu ri parike  y’igihugu ya  avuga ko yarongowe bwa mbere afite imyaka 10. “Nagize amahirwe yo guhita mbyara nyuma y’umwaka, bidatinze nkurikizaho abana bagera […]

Aime Uwimana agiye gukora igitaramo cy’amateka yise “HARI AMASHIMWE LIVE CONCERT”

By Onesphore Dushimirimana
Aime Uwimana umuhanzi uzwi cyane mu ndirimbo zo kuramya no guhimbaza Imana agiye gukora igitaramo cy’amateka yise “HARI AMASHIMWE LIVE CONCERT”, giteganijwe tariki ya 14 Ukwakira 2018, mu ihema rya Virunga ribarizwa muri Kigali Conference and Exhibition Center hazwi nka Camp Kigali guhera i saa kumi n’imwe z’umugoroba.  Ni igitaramo  azifatanyamo n’abandi baramyi bakunzwe cyane […]

Kizito Mihigo yavuze ko nyuma yo kuva muri gereza agiye kwiyubaka agashaka umugore.

By admin
Ahagana ku isaha ya saa yine za mugitondo cyo kuri uyu wa Gatandatu tariki 15 Nzeri 2018, nibwo umuhanzi Kizito Mihigo yasohotse muri gereza ya Nyarugenge iri i Mageragere, mu byo yavuze ko ateganya gukora nyuma yo gufungurwa hakaba harimo kwiyubaka agashaka umugore. Kizito Mihigo wababariwe na Perezida Paul Kagame nk’uko byemejwe mu myanzuro y’Inama […]

Kumara igihe abitegura kurushinga bakundana

By Ubwanditsi

1. Kumara igihe abitegura kurushinga bakundana cyangwa se ‘'fiançailles'', n'iki ?

Urebye mu nkoranyamagambo, fiancaille ni igihe kiba hagati yo kwemeranwa kuzashakana no gushakana nyirizina. Fiancé : Bivugwa kumuntu wemeye kuzubakana urugo n'undi, bombi bakabyemeranwaho.

Ubwo busobanuro bubiri burumvikana neza, ni nabwo bwemewe muri Bibiriya(Mariya Yosefu bari abafiance mbere yuko Mariya atwita Yesu kubwo imbaraga z'umwuka Wera. Luka 2:5)

2. Ni kuki hagomba kubaho igihe hagati yo guhana amasezerano yo gushakana hamwe no gushakana ubwabyo ?

Nkuko benshi bakeka, gufata umwanya mukundana mbere yo kubaka urugo, ntabwo ari kugirango mugerageze urukundo rwanyu ngo murebe nibabyashoboka ko muzubakana. Ahubwo ni igihe cyo kwitegura gushinga urugo, ni intangiriro y'urugo ubwarwo.

Umuntu yemera gukundana n'undi badahuje igitsina mu gihe yipfuza kuzubakana na we. Ni igihe cyangombwa kubashaka kubakana kugirango bategure urushako rwabo. Gutegura urushako ni gutegura uburyo ki bazaba nanyuma yo gushinga urugo.

Ni igihe kandi abipfuza kurushinga bamenyana, bakamenyerana, ariko bitari kugerageza kureba niba bazashobokanwa.

3. Ni ryari icyo gihe gitangira?

Twibanze kw'ijambo ryo mu rurimi rw'igifaransa « Fiançailles »,twavuga ko icyo gihe gitangira mu gihe habayeho isezerano hagati y'umuhungu n'umukobwa ryo kuzubakana urugo.

Mu micyo imwe n'imwe, abifuza kuzubakana bagomba kwiyereka ababyeyi baba bose n'abakuru b'amadini yabo, mbere yuko bitwa ‘'fiances''.Ariko icyo tugomba kumenya nuko iyo hariho kwemeranwa kuzubakana urugo hagati y'umuhungu n'umukobwa, baba bitwa abafiances.

4. Umukristu ashobora kugira fiance utarihana?

Ntimukifatanye n'abatizera kandi ntaho muhuriye. Mbega hari isano riri hagati yo gukiranuka no gukiranirwa ? Cyangwa umucyo n'umwijima hari aho bihurira? » 2 Abakorinto 6 : 14
Hamwe n'iki cyanditswe, turabona ko umukristu adakwiye gushakana n'utariwe. Ibi ntabwo ari kurobanura amadini, ahubwo ni itegeko riri mw' ijambo ry'Imana.

Mugomba gusobanukirwa neza ko ntabwo mukwiye kuba mwashakana n'umuntu utari umukristu mwe muri we. Niba ukunda mu byukuri umuntu utarakira Kristu, ukaba wipfuza ko mwakubakana, urwo rukundo rwakagombye mbere na mbere kukuganisha kumusengera akakira Kristu, mbere yo kuba wakwipfuza ko mwubakana.

5. Ni iki umuntu yakwibandaho mu guhitamo uwo muzubakana ?

Tujya tubona abantu basaba Imana ibimenyetso byabereka abo bazabana, ariko nyuma bakaza gutandukana nabo. Ibimenyetso ntabwo ari inshingiro ryiza, ndetse n'ubuhanuzi, inzozi n'ibindi.
Mwari muzi ko inzozi zanyu akenshi ziterwa nuburyo imitima yanyu imerewe cyangwa se n'ibyo mwiriwemo kumanwa? Ushobora kuba wakunda umuntu cyane kuburyo umurota. Aha nukuhabera maso ! (Umubwiriza 5:2).

Mbere yo kwiyemeza kuzubakana n'umuntu, ni byiza kwitonda ukabanza ukagera ubwo ubyiyumvamo utagishidikanya, wizeye neza ihitamo ryawe.

Mu gihe ugifite gushidikanya, ntampamvu nimwe yo kwiyemeza gukundana n'umuntu. Imana irumva amasengesho yanyu, kandi izabamenyesha ubushakebwayo, ibinyujije ku Mwuka Wera, ariko mukomeze gutegereza mwihanganye, mufite umutima witeguye kwakira ubushake bw'Imana kugira mubone gusubizwa nayo.
Ni ngombwa ko habaho urukundo hagati y'abipfuza kuzubakana, ari nacyo kintu cy'ibanze mbere yo kwiyemeza kwemerera uwo muzubakana kugana muri urwo rugendo.

Ni na ngombwa kandi ko umuntu ugiye kwiyemeza kuzubakana n'undi agira ihishurirwa ry' umwihariko rituruka ku Mana mbere yo kwiyemeza. « Kuko ibyo nibwira atari byo mwibwira, n'inzira zanjye atarizo nzira zanyu, niko Uwiteka avuga (Yesaya55:8).

NB: Kwihutisha ibintu no kutihangana bishobora gutuma umuntu ahitamo nabi bikamuganisha no mu nzira mbi, ni byiza rero gutegereza ijwi ry'Imana mbere yo kwiyemeza mu rukundo.

6. Ni gute abakundana babaho mbere yo kurushinga

Muri iki gihe abakundana bitegura kuzarushinga, bagomba gufata umwanya wo kumenyana, gusurana, ariko batinya Imana kugirango birinde badakora ibizira ku Mana.

Bagomba kumenyana bihagije bakanamenyerana. Abitegura kurushinga baba bameze nk'abubakanye, usibye ko baba bataryamana. Nukuvuga ko ibyo abashakanye bakora n'abitegura kubakana babikora usibye ibyabaganisha kukuryamana .Bashobora gusangira, gusengera hamwe, gusohokana, ni igihe kandi biga kuba inshuti nyazo no gushigikirana.

7. Biremewe Kwishimisha hagati y'abitegura kurushyinga?

Kwishimisha tuvuga ahangaha ni ibikorwa bitegura umugabo n'umugore kuba bakora imibonano mpuzabitsina, nko gusomana cyangwa kwagazanya no gukoranaho.

Mu gusubiza iki kibazo, twavuga ko uko kwishimisha hagati y' abitegura kurushinga ari uburiganya bwa Satani kugirango abe yabagusha mu cyaha. Muri rusange, uko kwishimisha bikorwa n'abashakanye, rero iyo abitegura kurushinga batangiye ibyo gushaka kwishimisha, baba bishyira mu bigeragezo.

8.Kurambagizanya no kumenyana (Fiançailles et copinage)

Abakundana ntagahunda bafitanye batandukanye n'abitegura kuzubakana, kubera ko abo bambere ntamasezerano yo kuzubana baba bafitanye. Abakundana muri ububuryo baba bagirango bagumane gusa bamarane irungu. Ibyo bihabanye n'ukuri kuri muri bibiliya, ni nabyo binashora benshi mu busambanyi, bituruka mw'isi. Mube maso mutajya mu busambanyi, icyaha gikorerwa mu mubiri kandi kizimya Umwuka Uwera. (1 Abakorinto 6 :18)

9. N'iki abitegura kurushinga bakora mu gihe baguye mu busambanyi?

Icyambere bakora ni kwegera Imana n'umutima wicuza, bakatura, bakaturira n'imbere y'abakozi b'Imana, kugirango satani ntagire urwitwazo ngo abavogere.

« 1 Yohani 1:9 Nitwatura ibyaha byacu, niyo yo kwizerwa kandi ikiranuka kugirango idukureho gukiranirwa kwacu. »

Cyane bakibuka aho bagwiriye kugirango batongera kurwa. « Ibyahishuwe 2:5 Wibuke rero aho waguye, ihane ukore ibikorwa byawe bya mbere; nutabikora nzaza aho uri nkureho igitereko cy' itabaza cyawe ahacyo nutihana »

Ntimukavuge ngo : « Kuko twamaze gukora icyaha, dukomeze tubikore ». Uko mukomeza muri izo nzira, muba muriho muha satani urwaho, mukaba no kure y'Imana. Ibyaha byacu nibyo bidutandukanya n'Imana « Abaheburayo13:4 Urushako rwubahwe na bose……. »

10. Mbega umuntu yagirana umushinga wo kubakana urugo n'abantu benshi ?

Oya, kubera ko bibiliya iravuga ngo umugabo agira umugore umwe, n'ukuvuga ko n'abitegura kurushinga aba ari umugabo umwe n'umugore umwe. Ntabwo wasezeranira abantu barenze umwe ko muzashakana uri umukristu.

« 2 Abakorinto11:2 Kuko mbafuhira ifuhe ryo muburyo bw' Imana, kuko nabakwereye umugabo ari we Kristo, kugira ngo mubashyingire mumeae nk' umwari utunganye (Car je suis jaloux de vous d'une jalousie de Dieu, parce que je vous ai fiancés à un seul époux, pour vous présenter à Christ comme une vierge pure). »

Umwanzuro

Biragaragara ko ibyo bitekerezo bitandukanye buri muntu ashobora kugira icyo abivugaho, ariko ndakeka ko izo ngingo cumi zizafasha benshi gusobanukirwa ibijyanye na ‘'fiancailles''.
Tugomba kumenya ko dukwiye kugumana umutima ukingutse imbere y'Imana kandi twihanganye mu gihe turi muri iki gihe.

Mu kurangiza, tumenye ko urukundo nyakuri ari uguhitamo, atari amarangamutima, ahubwo ni ukwiyemeza nk'uko ijambo ry'Imana ritubwira.

Pst Rukundo

ADEPR Kicukiro Shell: Chorale zigera 9 n' Abashumba 6 nibo bagiye kuzahembura imitima yabazitabira igiterana kizamara icyumweru

By Ismael KAYISHEMA

Iki giterane cy'ivugabutuma cyateguwe na Korali Abaragwa ya Kicukiro ifatikanije n'ubuyobozi bw'umudugudu wa Kicukiro Shell, kikazangira kwa 17 kizarangire ku cyumweru taliki ya 23 Nzeri 2018, kizajya. Iki giterane gifite intego iboneka muri Yohana 9:4 “Nkwiriye gukora umurimo wuwantumye hakiri ku manywa ,bugiye kwira mu gihe umuntu atakibasha gukora”

Iki giterane cyatumiwe abakozi b'Imana batandukanye, bakunze kumvikana hirya no hino mu Rwanda ku maradiyo no mu biterane byivugabumwa bikomeye. Muri iki giterane hazaba harimo Rev.Nzabonimpa Canisius uzaturuka mw'itorero rya ADEPR Rusizi ,Rev.Masumbuko Josue umushumba wa ADEPR mu karere ka Kicukiro,Rev.Mutima Jonathan umushumba wa ADEPR Kicukiro Shell ,Pastor Rudasingwa Jean Claude ushinzwe ivugabutumwa muri ADEPR hamwe n'abavugabutumwa batandukanye nka Ev.Hakizimana Justin ndetse na Ev.Barakagira Pascal

Kugirago abantu bazarushesho kuva mu bwiza bajya mu bundi mu gihe kingana n'icyumweru iki giterana kizaba, cyanatumiwemo amakorali atandukanye nka Sion ya ADEPR Nyakabanda,Naiyoth ya ADEPR Rwampala Segem , Horebu ya CEP SBI ahahoze ari SFB, Korali Bethefage ya ADEPR Karambo ho mu Gatenga ,Korali Rubonobono ya ADEPR Gatsata ku mudugudu wa Rubonobono , Worship Team ya ADEPR Nyarugenge ,Worship Team ya ADEPR Kicukiro Shell hamwe n'andi makorali yose akorera umurimo w'Imana aha kuri Shell nka Iriba ,Yakini n'izindi .

Mu minsi isanzwe kizajya gitangira kuva kw'isaha ya saakumi n'imwe n'igice z'umugoroba kugera saa tatu z'ijoro(17h30-21h30) , kuwa gatanu gikomereze mu masengesho yo kwirirwamo, kuwa gatandatu gitangire kw'isaha ya saa munani kugera saa moya z'umugoroba (14h00-19h00) , kucyumweru habe amateraniro asanzwe mu gitondo ,nyuma ya saa sita habe igitaramo cyo gusoza iki giterane ku mugaragaro.

Abakozi b'Imana bazitabira iki giterane


Rev Nzabonimpa canisius uzaturuka muri ADEPR Rusizi

PastorBwate David umuyobozi w'umudugudu wa ADEPR kicukiro


Ev.HAKIZIMANA Justin


EV. Barakagira Pascal BARAKAGIRA


Pastor Rudasingwa Jean Claude ushinzwe ivugabutumwa muri ADEPR_


Rev.Masumbuko Josue umushumba wa ADEPR mu karere ka Nyarugenge

Burundi: Za mpunzi ziyirukanye mu Rwanda kubera imyizerere idasanzwe, zavuye ku izima zisubira kubyo zitaga ikizira.

By admin
Umukobwa witwa Zebiya Ngendakumana ufite imyaka ikabakaba muri mirongo itatu, wamenyekanye mu mabonekerwa ya Bikiramariya ku Musozi wa Bukagwe akaba azwi ho kuba yarateje ibibazo by’uruhuri abamukurikiye, kuri ubu ngo yaba yatangije Itorero i Bujumbura.   Amakuru agera kuri isange.com avuga ko nyuma yo kwihakanwa n’idini Gatulika yari yararahiye ko atazarivamo yaba yiyemeje kureka iyi nzira agashinga […]

“Abanyamadini babuza abayoboke babo kujya kwivuza ni abicanyi mu bandi, tugiye kubafatira ingamba” Dr.Mukabaramba Alivela

By admin
Mu kiganiro cyahuje umunyamabanga wa leta ushinzwe imibereho myiza y’abaturage muri Minisiteri y’ubutegetsi bw’igihugu Dr.Alivera Mukabaramba yagiranye n’itangazamakuru ku bijyanye n’icyumweru cy’ubukangurambaga umwaka wa 2018 na 2019 mu by’ubwishingizi mu kwivuza Mutuelle de Sante, yakomoje ku kibazo cy’abanyamadini babuza abayoboke babo kwivuza kobakwiriye guhanwa nabo kuko ngo ari abicanyi mu bandi.   Kuwa  12 Nzeli […]

Sobanukirwa byinshi kuri antioxidants

By Martha

Muri iyi nyandiko, tugiye kubagezaho ikinyabutabire kizwi cyane mu rurimi rw'amahanga, icyo kinyabutabire kikaba kitwa Antioxidant, mu rurimi rw'icyongereza, turavuga icyo aricyo, umumaro wacyo mu buzima bw'ikiremwamuntu, ndetse turanagaragaza, bimwe mu bimera bikungahaye kuri antioxidant.

Antioxidant ni ijambo rikunze gukoreshwa cyane, nubwo ari ijambo ryo mu rurimi rw'icyongereza, ariko iyo rikoreshwa mu biganiro by ‘abantu, wumva rikoreshwa nk'ijambo ry'ikinyarwanda, ahanini biterwa nuko bigoye kubona ijambo ryo mu kinyarwanda, risobanura neza, antioxidant icyo aricyo.
Antioxant ni ibinyabutabire, byororokera mu mubiri ,ariko kenshi tubibona iyo twabiriye mu biribwa, bifasha umubiri kugira ubuzima bwiza mu buryo butandukanye turi bugaragaze hasi, antioxidant kandi zifasha umubiri mu kurinda kwangirika k'uturemangingomfatizo tw'umubiri(Cells), gushobora guterwa n'uruhurirane rw'ibintu bibi bidakenewe mu mubiri(Free radicals), izi free radicals, iyo zibaye nyinshi ziteza ibibazo n'indwara zitandukanye mu mubiri, cyane cyane indwara zidakira(Chronic diseases), indwara zinzaduka ndetse n'iziterwa n'imirire mibi.
Dore imwe mu mimaro itangaje, izanwa nuko antioxidant zihagije mu mubiri.


Antioxidant zifasha umubiri kugira ubuzima buzira umuze.

 Antioxidant yongerera ubushobozi ubwirinzi kamere bw'umubiri, bityo umubiri ukabasha guhangana n'indwara ziterwa nuko umubiri udafite udafite ubwirinzi bufite imbaraga .
 Antioxidant zifasha mu kuzamura ubuzima bwiza bw'ingingo zitandukanye, mu kuzirinda kwangirika,ibibazo ndetse n'uburwayi butandukanye cyane cyane umutima, amaso n'ubwonko.
 Antioxidant zirinda umuntu gusaza imburagihe no kwangirika k'uruhu.
 Antioxidant zifasha mu gusohora mu mubiri uhurirane rw'ibintu bidakenewe mu mubiri(Free radicals) ahubwo biteza ibibazo bitandukanye mu mubiri.
 Antioxidant zigira uruhare mu kurinda no gukumira kanseri zitandukanye.


Dore uburyo bwiza bwo kubona antioxidant

Nubwo umubiri ubwawo ubasha kwikorera Antioxidant nkeya, kugirango ubashe kugabanya free radicals mu mubiri, ni byiza ko turya ibiribwa bikungahaye kuri antioxidant, kugirango byongerere umubiri ubushobozi, bwo guhangana nabiriya bibazo bwabonye bitandukanye haruguru.
Ibiribwa bikungahaye kuri antioxidant rero, bigenda birutana mu ngano ya antioxidant byifitemo, ariko tugiye kubagezaho ibyo twavuga ko bifite ingano itubutse,muribyo twavugamo ibi bikurikira:
 Imbuto n'imboga zikungahaye, by'umwihariko izikungahaye kuri vitamine C na E, ni isoko nziza ya antioxidant, muribyo twavugamo nka brocoli, avoka, amashu, ibihaza, inyanya, epinari, indimu, amacunga, ipapayi, ibijumba, amashaza n'ibindi
 Ibiribwa bikungahaye kubinyabutabire bizwi nka beta -carotene na carotenoids, mbese bimwe biba bisa umuhondo,umutuku imbere, nka karoti,wotameroni(wotermelon), ibihaza bimwe na bimwe, brocoli, imyembe n'ibindi
 Ibikunyahaye ku myunyungungu nka Zinc, muribyo twavugamo, inyama zitukura, ubunyobwa, ibiribwa bikuriramu mazi,ibikomoka ku matungo nk'amagi n'amata, ibinyamenyetse bitadnukanye byongerewe intungamubiri(Fortified Cereals) n'ibindi

Dore n'ibindi biba bikungahaye kuri antioxidant: ibitunguru, tangawizi, ibishyimbo, pome, n'ibindi

Mu gihe utabshije kurya imboga n'imbuto ku kigero gihagije biewe n'impamvu runaka, ushobora kwegera muganga, akakwandikira multivitamin/ suplement zishobora kugufasha,aha umuntu aba akwiye kuzirikana ko atari byiza kunywa imiti, ntamuganga wayikwandikiye, kuko bishobora gutera ingaruka mbi mu buzima.

Source: www.nutrex-hawaii.com
[email protected]

Twige gukora ibyiza By Pastor Desire HABYARIMANA

By Ismael KAYISHEMA

Imigani 17:13 “Uwitura ibyiza ibibi,ntabwo ibibi bizava mu rugo rwe”

Impamvu 7 zituma dukwiriye gushima Imana/ Pastor Desire HABYARIMANA

By Ismael KAYISHEMA

Abefeso “Mubwirane zaburi n'indirimbo n'ibihimbano by'Umwuka, muririmba mucurangira Umwami wacu mu mitima yanyu. Mujye mushima Imana Data wa twese ku bw'ibintu byose, mubiyishimira mu izina ry'Umwami wacu Yesu Kristo”

Ndagirango turebe hamwe impamvu zituma abantu b'Imana bari bakwiye kuyishima, nafashemo 7 gusa ariko impamvu zituma dushima Imana ni nyinshi cyane.

Nouvel article N° 6382

By Ismael KAYISHEMA
  • September 13th 2018 at 05:26

Eliya yari umuntu nkatwe / Pastor Desire HABYARIMANA

By Ismael KAYISHEMA


Eliya yari umuntu umuntu usanzwe ariko hari ibintu bigera 12 tugiye kwiga kuri Eliya byadufasha kwiga umubano w'umuntu yagirana n'Imana bigatuma azana impunduka nziza mu isi. Iyo umuntu afitanye umubano wihariye n'Imana ashobora kuzana impinduka nziza mu isi.

Yakobo 5: 17-18 “Dore Eliya yari umuntu umeze nkatwe asaba cyane ko imvura itagwa, imvura imara imyaka itatu n'amezi atandatu itagwa. Arongera arasenga, nuko ijuru rigusha imvura, ubutaka bumeza imyaka yabwo.”

Yesu ni Urutare

By Martha

KUVA 33.21-22
21. Kandi Uwiteka ati “Hariho ahantu bugufi bwanjye, nawe uzahahagarare ku rutare »
Bugufi bw'Imana ni ku rutare, kandi urwo rutare nta rundi, ni Kristo!{}

Iyo wageze ku rutare, ibyananiranye birashoboka, ukanukirwa n'ibyo wakundaga; uburaya burashira, icyaka kigashira, n'ibindi nkibyo.

Iyo umuntu yinjiye mu gitare, abona Imana: iyo uri mu nzira neza, muri Yesu, uhingukira mu kuri, ugahabwa ubugingo.
Abisirayeli bava muri Egiputa, ntibagiraga inyota, "Kuko banywaga ku gitare cy'Umwuka cyabakurikiraga, kandi icyo gitare cyari Kristo" (1Kor 10.4).
Yesu na we yigisha abantu, yababwiye ko umuntu wumva amagambo ye akayakomeza "Asa n'umuntu wubaka inzu, agacukura hasi cyane akageza urufatiro ku rutare. Nuko umugezi wuzuye uhururira kuri iyo nzu ariko ntiwabasha kuyinyeganyeza, kuko yubatswe ku rutare (Luka 6.48)."

Nta bwo umuntu acukura ngo abashe kugera ku rutare atiyushye akuya, Uko gushyiramo agatege, umuntu yihana, yiyeza ku gato no ku kanini, ni ko gucukura.
Ariko hari ahandi abantu bajya bubaka hatari ku rutare, ahubwo ari mu manegeka;nk' abubaka ku bwiza, ku miryango, ku butunzi, ku mugabo,akazi n'ibindi nkibyo.

Cukura wubake ahakomeye, ku rutare, kuko ibyo bindi byose nta cyo byakumarira ku munsi mubi!
Uwiteka, duhe kubaka ku rutare

Mwakire neza, ijambo ry'Imana
[email protected]

Waruziko kwirinda gusaza imburagihe bishoboka?

By Martha

Muri iyi nyandiko, twifuje kubagezaho, ubusobanuro bwo gusaza, gusazimburagihe, impinduka zizanwa no gusaza, turanagaragaza kandi uburyo bwiza, bwakoreshwa hagamije kwirinda gusazimburagihe.{}

Gusaza ni urugendo karemano, ruba ku binyabuzima byose(umuntu, inyamaswa n'ibimera), gusaza kandi ni inyito ikoreshwa hagamijwe gusobanura ubukure mu myaka, mu migaragarire, imyitwarire, mitekerereze n'ibindi.

Gusaza kenshi bishobora kuba imbarutso y'uburwayi butandukanye,ndetse n'ibindi bibazo bitandukanye by'ubuzima, gusaza imburagihe nabyo rero bibaho iyo habayeho impamvu zitari nziza mu buzima, zigatuma umuntu asaza mbere y'igihe cyari gikwiye, ugasanga umuntu afite imyaka mike ariko imyitwarire, imitekerereze, imigaragarire n'ibindi, bikaba nk'iby'umuntu ushaje.

Zimwe mu mpindukazizanwa no gusaza.

Gusaza n'ubwo ari inzira karemano, ariko hariho ibimenyetso n'impinduka zibigaragaza, ndetse bimwe muribyo bikaba atari byiza, muribyo twavugamo nko:

 Gutakaza ubushobozi bwo gukora imirimo ivunanye.
 Gukuka amenyo.
 Kurwara indwara z'umutima.
 Gutakaza ubushake bwo gukora imibonano mpuzabitsina
 Gutakaza ubushobozi bwo kwibuka n'ibindi bibazo bitandukanye byibasira ubwonko.
 Kuzana iminkanyari ku ruhu.
 Gucika no gupfuka kw'imisatsi.

Izi mpinduka zizanwa no gusaza rero, zishobora no kuza ku muntu wagize ikibazo cyo gusaza imburagihe, mbese umuntu akaba afite imyaka mike ariko bakagira nka biriya bibazo twavuze haruguru.

Tugiye kugaraza ibintu bishobora kurinda umuntu gusaza imbura gihe, nkuko tubikesha igitangazamakuru kitwa,www.health.com, gikora ubushakashatsi ku bijyanye n'ubuzima, gitangaza ibyo wakora ukirindagusaza imburagihe, muri ibyo harimo:

 Kuboneza imirire, mu buryo buhoraho.
 Kuzibukira ibiyobyabwenge ndetse n'ibindi bisindisha
 Kugira igihe gihagije cyo kuruhuka
 Kwimenyereza gukora imyitozo ngororangingo
 Kwirinda kwisiga amavuta, n'amapuderi bitujuje ubuziranenge
 Kwirinda gutekereza cyane, kwigunga no kugira stess kuko bishajisha imburagihe.
 Kwirinda kugira agahinda gakabije, ibi nabyo iyo bibayeho mu buryo buhoraho, bishobora gushajisha umuntu imburagihe.

Kubantu bagira ikibazo cyo gusaza imburagihe, bidatewe n'imyitwarire bagira mu buzima, ahubwo babikomora mu miryaryo(akoko), ni byiza ko babikumira, baboneza imirire cyane cyane, mu mafunguro yabo bakibanda ku kurya ibiribwa bitanga ubuzima nk'imbuto n'imboga, ndetse no gusanga abanga bakabafasha mu kubandikira supplement n'indi miti irinda gusaza imbura gihe.

Source: medlineplus.gov
[email protected]

Namenya gute ko nakunze by'ukuri

By Niyondora Vedaste

Urukundo ni ibyiyumviro byo mu muntu bikomeye cyane. Hari imyanzuro myinshi y'ingenzi dufata ishingiye kuri ibi byiyumviro, ndetse no kwanzura gushaka (Gushyngirwa)biterwa n'uko twiyumvamo kuba turi mu rukundo.

Iyi yaba n'imwe mu mpamvu zituma umubare utari muto wabashyingiranwa, ingo zabo zisenyuka vuba. Bibiliya itwigisha ko urukundo nyakuri atari ibyiyumviro biza ubundi bikagenda, ahubwo ko ari icyemezo.

Ariko rero mfite icyo nkugaya, ni uko waretse urukundo rwawe rwa mbere. Ibyahishuwe: 2:4. Urukundo rwakabaye icyemezo kidahindagurika mu buzima bw'umuntu. Urukundo watangiranye ugomb kurugumana byaba akarusho rugakura aho kugabanuka.

Urukundo rurihangana, rukagira neza, urukundo ntirugira ishyari, urukundo ntirwirarira, ntirwihimbaza, ntirukora ibiteye isoni, ntirushaka ibyarwo, ntiruhutiraho, ntirutekereza ikibi ku bantu, ntirwishimira gukiranirwa kw'abandi ahubwo rwishimira ukuri, rubabarira byose, rwizera byose, rwiringira byose, rwihanganira byose.” (1 Abakorinto 13:4-7.)

Ntabwo wahamya niba wamwihanganira mu gihe hataraba impamvu ituma umwihanganira. Niba umuntu ugukunda atakubaha, akaba agusaba kugira ibyo mukora ariko ukumva byagutera isoni muramutse muri ahagaragarira bose ugenzure neza niba utibeshya.

Ese umuntu uvuga ko ukunda, ushobora kumukorera ibi byose Imana idusaba?
Ndababwiza ukuri ko urukundo ukunda umugore/umugabo wawe, rwakagombye kuba ishusho nyayo y'uko Christo yakunze itorero cyangwa Imana yakunze Isiraheli mbere yo kuza kwa Yesu
“Bagabo, mukunde abagore banyu nk'uko Kristo yakunze Itorero akaryitangira.” Abefeso: 5:25

Uku niko wamenya niba umukunda koko.

Biroroshye cyane ko ukunda umuntu, ariko hari ibibazo bimwe tugomba kwibaza mbere yuko twanzura ko ibyo twiyumvamo koko ari urukundo nyakuri.
1. Mbere na mbere, mbese uyu muntu ni umukristo? Bisobanuye ngo mbese yeguriye ubuzima bwe Yesu? Mbese yizera Kristo kubw'agakiza gusa? Mbese Imana ifite umwanya wa mbere mu buzima bwe?

2. Niba wemera ko uzamushyira hejuru y'abandi bose ndetse ubucuti bwanyu bukaba ubwa kabiri nyuma y'Imana. Ibi bishatse kuvuga ko ntawe ugomba gusimbura Imana mu mutima wawe. Umukunda utisigarije na gato, ariko mwembi nk'umubiri umwe mukongera mugakunda Imana by'umwihariko, kandi bituma na rwa rugo rwanyu rukomezwa n'Imana.

Bibiliya itubwira ko iyo abantu babiri bashyingiranywe, bahinduka umubiri umwe (Itangiriro 2:24; Matayo 19:5). Nuko rero mugomba kurwanirana ishyaka kandi mugafatanya kunezeza Imana nk'umuntu umwe.

3. Mbese ashoboye kwitanga mu kubaka umubano wo kubaka urugo? Nta rugero runaka twafatiraho mu kwemeza ko mugeze ku rwego rwo kubana, ariko ni ngombwa kwitondera ibyiyumviro byanyu, mugasuzuma neza tmubifashijwemo n'Umwuka Wera niba muri gukurikira ibyiyumviro byanyu gusa cyangwa niba muri mu bushake bw'Imana.

Urukundo nyarwo ni icyemezo, si ibyiyumviro gusa. Urukundo Bibiliya itubwira ni urukunda umuntu ibihe byose, si urukunda umuntu igihe “dufite ibyiyumviro byo kumukunda” gusa ngo nyuma y'igihe runaka rube rurashize. Ibyo byitwa guharara, kandi ni bibi cyane, kuko uwaguharaye iyo aguhararutswe mubana biba bibi kuruta ko mutari kuba mwaranamenyanye.

Abari mu nzira y'urukundo mbifurije kuyoborwa n'Imana!

Imirimo 6 yo kwizera

By Martha

MARIKO 5.21-34 “Aramubwira ati "Mwana wange, kwizera kwawe kuragukijije, wigendere amahoro ukire rwose icyago cyawe.”

"Mwigisha twongerere kwizera" (Luka 17.5)

Icyatumye aba kera bahamya neza ni uko bari bafite kwizera (Heb 11.2).
Kwizera ni bwo butunzi bukomeye dufite; ni yo mari abakijijwe dufite iruta ibindi byose.

Imirimo itandatu(6) yo kwizera:

1. Kwizera ni ko kuduhesha agakiza:
twakijijwe ku bw'ubuntu tubiheshejwe no kwizera.
"Mwakijijwe n'ubuntu kubwo kwizera" (Ef 2.8).

2. Kwizera kuzanwa no kumva ijambo ry'Imana: uriya mugore wakoze ku mwenda wa Yesu agakira icyago cye, yabitewe n'uko yari yumvanye abantu inkuru ze, bituma yizera ko naca ku bantu agakora ku mwenda we ari bukire(Mar 5.27; Rom 10.17)

3. Kwizera kurakiza: ibyo wizeye kuri Yesu biragukiza, kandi kwizera ni uk'umuntu ku giti cye!"Kwizera kwawe kuragukijije ... (Mar 5.34)"
▶ Umugabo witwa Namani w'i Siriya na we yarizeye, ajya muri Yorodani karindwi, arakira (2Abami 5.14).

4.Kwizera gutuma ugira ibyo wanga: umuntu ugufite amera nk'umugore utwite, kuko agira ibyo ahurwa. Iyo ugikunda ibintu byose, utarobanura ikiza ngo ureke ikibi, uba utari wagira kwizera!
"Kwizera ni ko kwatumye Mose ... yanga kwitwa umuhungu w'umukobwa wa Farawo (Heb 11.24)."

5. Kwizera ni ko kutuyobora: Imana ntikorana n'abicaye, ahubwo ikorana n'abizeye, bagatinyuka kurwana intambara nziza.
"Kwizera niko kwatumye Aburahamu ... agenda atazi iyo ajya (Heb 11.8-9)."

6.Kwizera kurageragezwa:
kwizera gutera kwihangana, kandi kwihangana ni ko gutera kunesha, kunesha kugatera ibyiringiro; kwizera kurapimwa kandi kukageragezwa (Yak 1.3).

Kwizera gutura ahantu hatatu(3) ariho:

1. Mu byo twibwira: uriya mugore yibwiye ko nakora ku mwenda wa Yesu ari bukire (Mar 5.27).
2. Mu byo dutekereza: Ese Imana ingana ite muri wowe? "Kwizera ni ko kwatumye na Sara abashishwa gusama inda nubwo yari acuze, kuko yatekereje ko Iyasezeranije ari iyo kwizerwa (Heb 11.11)"

3.Mu byo twatuza akanwa kacu:
Iyo wiyaturiyeho nabi, urapfa! Ntukavuge ko birangiye, ahubwo ujye wizera, ushikame muri Yesu,Yosuwa na Kalebu baratuye ngo "Niba Uwiteka atwishimira, azatujyana miri icyo gihugu akiduhe... (Kub 14.8)," koko baragihewe!

Iyo umubiri w'umuntu ujya gupfa, ukuboko gutuma ku kuguru ngo "Wapi byananiye nimureke kurwara dupfe!". Ukuguru kukabwira umutima n'ubwonko ngo "Hano byanze tugiye gupfa!". Iyo ubwonko bwakiriye ubwo butumwa, bukabwira izindi ngingo ngo dupfe, umuntu ahita apfa.

Kwizera ni ukwatura neza; ntidufite gusubira inyuma ngo turimbuke, ahubwo dufite KWIZERA ngo tuzakize ubugingo bwacu.
Imana itwongerereb kwizera.


[email protected]

❌