WebRwanda.com

🔒
❌
There are new available articles, click to refresh the page.
Today — September 22nd 2018Sports

Taekwondo y'u Rwanda yungutse undi muterankunga

By Aimable MBARUSHIMANAAimable MBARUSHIMANA

Ishyirahamwe ry'umukino wa Taekwondo mu Rwanda (RTF) ryungutse umufatanyabikorwa mushya ari we Ethiopia Airlines, uzajya atanga amatike abiri y'indege mu guhemba abitwaye neza mu marushanwa atandukanye abera mu Rwanda.

Nyuma yo gushyira umukono ku masezerano kuri uyu wa 21 Nzeri 2018, Roshan Supe ushinzwe ubucuruzi muri Ethiopia Airlines yatangaje ko intego yabo ari ugucuruza ariko banafasha abanyarwanda gutera imbere, haba muri siporo ndetse no mu bindi bikorwa.

Ati “N'ubwo turi sosiyete y'ubucuruzi, ubu ikituraje ishinga ni ugufatanya n'abandi mu guteza siporo imbere ndetse n'ibindi bikorwa byahindura imibereho y'abantu. Twishimiye rero ubufatanye tugiye kugirana n'Ishyirahamwe ry'imikino ya Taekwondo mu Rwanda, kandi si yo gusa rwose turateganya no gufatanya n'abandi bose bazaba babikeneye.”

Bagabo Placide, Umuyobozi w'Ishyirahamwe ry'imikino ya Taekwondo mu Rwanda (RTF) yatangaje ko gusinya amasezerano na Ethiopian Airlines ari n'ikimenyetso cy'intambwe nziza mu iterambere ry'uyu mukino mu Rwanda, gusa ngo imihigo irakomeje.

Ati “Twishimiye kubona umufatanyabikorwa nka Ethiopia Airlines kuko bizafasha mu kuzamura urwego rw'amarushanwa twateguraga dore ko ubu igihembo nyamukuru kizaba ari itike y'indege guhera kuri Ambassador's Cup turimo kwitegura mu kwezi gutaha.”

Uretse ayo matike afite agaciro k'amadolari ya Amerika asaga 1000, ni ukuvuga ayingayinga 900.000 mu mafaranga y'u Rwanda, amakipe ya Taekwondo y'u Rwanda n'abandi bayikina cyangwa bafite aho bahuriye n'uwo mukino, bazajya bagabanyirizwaho 10% ku kiguzi cy'itike y'urugendo igihe bagiye mu mahanga.

Ethiopia Airlines abaye umufatanyabikorwa wa gatatu mu irushanwa rya Ambassador's Cup 2018 rizaba mu kwezi gutaha, uwa mbere akaba Ambasade ya Korea mu Rwanda na Minisiteri ya Siporo n'umuco mu Rwanda.

Ambassador's Cup 2018 iteganyijwe kuba ku itariki ya 6 n'iya7 Ukwakira uyu mwaka, ikazitabirwa n'amakipe atandukanye yo mu Rwanda, Uganda, Tanzania, Kenya na Repubulika iharanira Demokarasi ya Congo.

  • September 22nd 2018 at 05:22
Yesterday — September 21st 2018Sports

Komite Olempike yahuguye abashinzwe Siporo 14 mu Ntara y'Uburengerazuba, hakorwa Siporo Rusange

By Eric Tony UKURIKIYIMFURAEric Tony UKURIKIYIMFURA

Komite Olempike y'u Rwanda ikomeje igikorwa cyo kuzenguruka ibice byose bigize igihugu ihugura abashinzwe guteza imbere siporo ku rwego rw'uturere hagamijwe gukomeza guteza imbere siporo mu Rwanda hagendewe ku ndangagaciro Olempike, akaba ari igikorwa gisozwa no gukorera hamwe siporo n'abatuye mu karere katangiwemo amahugurwa.

Nk'uko byagenze mu ntara y'Amajyaruguru no mu Majyepfo, kuri uyu wa Kane no kuri uyu wa Gatanu, Komite Olempike y'u Rwanda yahuguye abashinzwe guteza imbere Siporo mu turere twose tugize intara y'Uburengerazuba, igikorwa cyabereye mu karere ka Rubavu.


Abitabiriye aya mahugurwa bahawe impamyabushoboziAbitabiriye aya mahugurwa bahawe impamyabushobozi

Eugene Nzabanterura, umwe mu bagize komite Nyobozi ya Komite Olempike y'u Rwamda akaba ari mu batanze aya mahugurwa, yavuze ko mu byo bibanzeho muri iki gihe cy'iminsi ibiri ari ugufasha abashinzwe Siporo gutegura ibikorwa bijyanye nayo, aho bakorera, bikagirira akamaro abaturage.

Eugene Yagize ati:” Tumaze iminsi ibiri hano turi kumwe n'abashinzwe siporo mu turere turindwi tugize intara y'uburengerazuba, ni gahunda dufite mu gihugu cyose, yo guhura abashinzwe siporo ndetse n'abandi babafasha mu ishyirwa mu bikorwa rya siporo zihuza abantu benshi, nta kindi tuganira nabo ni ukubahugura uburyo bajya babitegura neza mu turere.”

“Ubu mu turere twose bimaze kuhagera, hari aho bimaze kugera ku rwego rw'umurenge. Turaganira kugira ngo bijye bitegurwa neza, bikagera ku baturage. Nk'uko tubibona muri Kigali, na hano i Rubavu bimaze gutera intera, turifuza ko byasakara n'ahandi mu gihugu.”

Komite Olempike y'u Rwanda ikomeje urugendo rwo kugeza gahunda ya siporo kuri bose mu gihugu hoseKomite Olempike y'u Rwanda ikomeje urugendo rwo kugeza gahunda ya siporo kuri bose mu gihugu hose

Nzabanterura Eugene yakomeje avuga ko gutanga aya mahugurwa hari ikinini bihindura ku myumvire y'abaturage kuri siporo ndetse bakamenya n'akamaro kayo.

Yagize ati:“Icya mbere gihinduka ni imyumvire abantu bafite kuri Siporo, abenhi bibwira ko Siporo ikorwa n'abantu bafte uko babayeho, icya kabiri ni uburyo byajya bitegurwa, bigashyirwa muri gahunda z'uturere, bitegurwe neza kugira ngo bigirire akamaro abaturage. Ni siporo isaba ubushake n'ubwitange gusa.”

“Siporo ni ubuzima, siporo ifasha kubungabunga ubuzima bwacu, ntabwo siporo ari iy'abantu bafite uko babayeho oya, iyo urebye, uyu munsi abanyarwanda tugenda turwara; umuvuduko w'amaraso ukabije, diabete, umutima, ni indwara abantu bakabaye birinda, ariko kubera ko badakora siporo izo ndwara zibageraho, bajya no kwa muganga, bakabandikira gukora siporo, bakayikora ariko igihe cyararenze. Kwirinda biruta kwivuza."

Hahugurwa abashinzwe guteza imbere siporo mu turere hagamijwe gukomeza guteza imbere siporo mu Rwanda hagendewe ku ndangagaciro OlempikeHahugurwa abashinzwe guteza imbere siporo mu turere hagamijwe gukomeza guteza imbere siporo mu Rwanda hagendewe ku ndangagaciro Olempike

Umwe mu bahuguwe na Komite Olempike; Uwamahoro Agnes waturutse mu karere ka Rutsiro, yagize ati:” Twize ku bijyanye na Siporo kuri bose, kuri ubu byagiye no mu mihigo, bifasha abaturage cyane, twarebaga uko byategurwa neza kandi bikagirira abaturage akamaro.”

“Mu karere kacu biracyari hasi kubera ko ari akarere k'icyaro. Umuturage avuga ko yirirwa aterera imisozi, ahinga,..siporo aba yayikoze. Uretse kuturindra ubuzima twabonye ko siporo ifasha abantu guhura, bagasabana, siporo ni umunezero. Hari byinshi bizahinduka.”

Aya mahugurwa yabaye guhera kuwa Kane, yasojwe kuri uyu wa GatanuAya mahugurwa yabaye guhera kuwa Kane, yasojwe kuri uyu wa Gatanu

Umuyobozi w'akarere wungirije, ushinzwe Imari n'Ubukungu mu karere ka Rubavu yashimiye abaturage bitabiriye Siporo Rusange yabahurije hamwe kuri uyu wa Gatanu, abasaba kuyigira umuco.

Yagize ati:” Ndabona twabaye benshi cyane, ariko hari imapmvu. Ndagira ngo mfate uyu mwanya mbashimire mwe mwaje kuri iri zuba. Iyo mutaza ntabwo byari gukunda, mwabikoze neza. Siporo ikwiye kuba ubuzima, ikwiye kuba umuco. Ni ku nyungu zacu kuyikora, ntabwo ari agahato. Nyakubahwa Perezida wa Repubulika arifuza abanyarwa bazima, bazura umuze. N'ubutaha siporo ni ahangaha.”

Jacques wo Komite Olempike akoresha imyitozo itandukanye abatuye umujyi wa Rubavu bitabiriye Siporo RusangeJacques wo Komite Olempike akoresha imyitozo itandukanye abatuye umujyi wa Rubavu bitabiriye Siporo Rusange

Aya mahugurwa akaba yasojwe na Siporo Rusange yahuje inzego zitandukanye n'abatuye akarere ka Rubavu. Abayitabiriye, bapimwe kandi indwara zitandura.

Biteganyijwe ko Komite Olempike izakomereza iki gikorwa mu ntara y'Uburasirazuba, mu karere ka Rwamagana mbere yo kugisoreza mu mujyi wa Kigali.

AMAFOTO: Komite Olempike y'u Rwanda.

  • September 21st 2018 at 17:43

CAN 2019: Centrafrique iri mu itsinda ry'u Rwanda ishobora gusezererwa mu marushanwa

By Eric Tony UKURIKIYIMFURAEric Tony UKURIKIYIMFURA

Ikipe y'igihugu ya Centrafrique 'Les Fauves' iri mu itsinda rimwe n'u Rwanda, itsinda H, mu gushaka itike yo kujya mu gikombe cya Afurika cya 2019 kizabera muri Cameroun, ishobora kwisanga isezerewe nyuma y'imikino ibiri gusa imaze gukinwa.

Nk'uko bitangazwa n'ikinayamakuru Sport-Ivoire.ci, RuhagoYacu ikesha iyi nkuru, Centrafrique kuri ubu ibarizwa ku mwanya wa gatatu muri iri itsinda, ishobora gukurwa mu marushawa bitewe n'ibirarane by'imishahara babereyemo uwahoze ari umutoza wabo, umufaransa Gilles Acorsi.

Centrafrique yagombaga kwishyura uyu mutoza amafaranga y'ama-CFA angana na miliyoni 996, ariko kugeza magingo aya, Perezida w'Ishyirahamwe rya ruhago muri iki gihugu; Patrice Edouard Ngaïssona amaze kwishyura miliyoni 25 gusa.

Centrafrique ishobora guhagarikwa imyaka ine mu marushanwa mpuzamahangaCentrafrique ishobora guhagarikwa imyaka ine mu marushanwa mpuzamahanga

Ibi, bikaba bishobora gutuma Ishyirahamwe ry'Umupira w'Amaguru ku Isi, FIFA, rijya muri iki kibazo maze rigahagarika ikipe ya Centrafrique imyaka ine yose ititabira amarushanwa mpuzamahanga.

Centrafrique igomba kujya muri Cote d'Ivoire ku munsi wa gatatu w'amatsinda yo gushaka itike ya CAN 2019, tariki ya 12 Ukwakira, ni nyuma y'uko ku munsi wa kabiri yari yatsinzwe na Guinea igitego 1-0.

Les Fauves bari batangiye neza aya majonjora, batsindira iwabo Amavubi y'u Rwanda ibitego 2-1 muri Kamena umwaka ushize.

  • September 21st 2018 at 11:58

Miroplast yikuye mu makipe ahatanira kugaruka muri ARPL- Uko gahunda y'imikino iteye

By Eric Tony UKURIKIYIMFURAEric Tony UKURIKIYIMFURA

Nyuma yo guhabwa andi mahirwe yo kugaruka mu cyiciro cya mbere cy'umupira w'amaguru mu Rwanda, ubwo hazaba hashakwa ikipe isimbura Intare FC zavuze ko zatagikinnye Azam Rwanda Premier League, Miroplast FC yo yamaze gutangaza ko itazitabira imikino ya Kamarampaka.

Iyi kipe yaranzwe cyane no kugira ikibazo cy'amikoro mu mwaka ushize w'imikino, aho yabuze ku kibuga ku mukino wari kuyihuza na Rayon Sports, yamaze no gutakaza abakinnyi benshi bari bayirimo nyuma yo gusoreza mu myanya ibiri ya nyuma, igasubira mu cyiciro cya kabiri.

Nyuma y'uko amakipe atatu: Sorwathe FC, Pepiniere FC na Gicumbi FC yo yemeje kwitabira imikino ya Kamarampaka, tombora yabaye kuri uyu wa Gatanu yasize aya makipe amenye uko azahura mu mikino izatangira tariki ya 25 z'uku kwezi kuri Stade ya Kigali.

Buri kipe izahura n'indi inshuro imwe, aho izabona amanota menshi mu mikino ibiri izaba yakinwe kuri buri ruhande, ariyo izatsindira kuzamuka mu cyiciro cya mbere isimbura Intare FC.

Nibaramuka banganyije amanota bose, hashobora kwifashishwa umubare w'ibitego amakipe azigamye cyangwa amakarita yabonywe kuri buri kipe. Muri iyi mikino, buri kipe izaba yemerewe gusimbuza abakinnyi batanu.

Amakipe abiri nanganya amanota, hazifashishwa ibitego byabonetse mu mukino wayahuje yombi, mbere yo kureba ibyo imwe yatsinze cyangwa amakarita yabonye.

Amakipe yemerewe gukoresha abakinnyi bafite ibyangombwa byo kuyakinira mu mwaka w'imikino 2017/18.

Uko gahunda y'imikino iteye

Kuwa Kabiri tariki ya 25 Nzeli

  • Sorwathe Fc vs Pepiniere FC (Stade de Kigali, 15:30)

Kuwa Kane tariki ya 27 Nzeli

  • Gicumbi FC vs Sorwathe Fc (Stade de Kigali, 15:30)

Kuwa Gatandatu tariki ya 29 Nzeli

  • Pepiniere FC vs Gicumbi FC (Stade de Kigali, 15:30)
  • September 21st 2018 at 11:15

Rayon Sports yahagurutse i Lagos mu byiciro yererekeza i Abia ahazabera umukino

By Aimable MBARUSHIMANAAimable MBARUSHIMANA

Nyuma y'uko ikipe ya Rayon Sports igeze muri Nigeria I Lagos ku munsi w'ejo kuwa kane tariki ya 20 Nzeri 2018 mu mukino wa kwishyura wa ¼ cya Caf Confederation cup igomba gukina na Enyimba banganyirije I Kigali, abakinnyi n'ababaherekeje berekeje i Abba muri Leta ya Abia aho umukino uteganyijwe kuri iki cyumweru.

Amakuru ava I Lagos aharaye iyi kipe ngo ni uko abakinnyi n'ababaherekeje bagomba kugenda mu byiciro bitewe n'imyanya y'indege kuko batayiboneye rimwe.

JPEG - 106.6 kb
Abakinnyi ba Rayon barimo Kevin Muhire, Bon Fils Caleb na Prosper Kuka uri inyuma bari mu bagiye mbere

Icyiciro cya mbere cyahagurutse muri iki gitondo, ikindi cyiciro kikaza guhaguruka kuri iki gicamunsi bakitegura kuzakora imyitozo ku kibuga umukino uzaberaho, umukino nyirizina uteganyijwe ku cyumweru saa cyenda (15h00) ku isaha y'i Kigali.

Abakinnyi ba Rayon Sports yahagurukanye n'ababaherekeje:

Abazamu:

Bashunga Abouba
Ndayisenga Kassim

Abakina inyuma:

Nyandwi Saddam
Eric Irambona
Rutanga Eric (Afite amakarita 2 y'umuhondo)
Manzi Thierry
Rwatubyaye Abdul
Mutsinzi Ange
Mugabo Gabriel

Abakina hagati:

Mugisha Francois Master
Niyonzima Olivier Sefu
Prosper Donkor Kuka
Muhire Kevin
Nova Bayama
Yassin Mugume
Manishimwe Djabel

Abataha izamu:

Bimenyimana Bon Fils Caleb
Christ Mbondi
Gilbert Mugisha

Abatoza:

Oliveria Goncalves Robertinho (Umutoza mukuru)
Gatera Moussa (Umutoza wungirije)
Hategekimana Corneille (Umutoza wongera imbaraga)
Lams Ikamba Mpinu (Umutoza w'abazamu)
Mugemana Charles (Umuganga w'ikipe)

Abaherekeje ikipe:

Muvunyi Paul: Perezida w'ikipe
Freddy Muhirwa: V/Perezida
Claude Mushimire: Ari mu bajyana ba Komite
Muhirwa Prosper: Wahoze ari V/Perezida
Ruhamyambuga Paul: Wahoze ari Perezida wa Rayon Sports
Hadji Mudaheramwa: Umwe mu mena z'abafana ba Rayon Sports
Chaffy Mudaheranwa: Wahoze muri Komite ya Rayon Sports
Imbabazi Consolatrice: Umufana

Abanyamakuru:

Nkurunziza Jean Paul: Rayon Sports
Renzaho Christophe: Rwanda Magazine
Theo Nisingizwe: RBA
Bayingana David: RadioTV10

  • September 21st 2018 at 06:08

Grisha Ghead wahawe umukino wa Enyimba na Rayon Sports ni muntu ki? Hari ahandi yasifuriye Abanyarwanda?

By Eric Tony UKURIKIYIMFURAEric Tony UKURIKIYIMFURA

Enyimba FC yo muri Nigeria izakira Rayon Sports yo mu Rwanda mu mukino wo kwishyura wa ¼ cya CAF Confederation Cup uteganyijwe ku Cyumweru muri Nigeria. Uyu mukino wahawe umusifuzi ukomoka mu Misiri; Grisha Ghead.

Ni umukino Rayon Sports izaba isabwa gutsinda cyangwa kunganya ariko habonetsemo igitego kugira ngo ikomeze muri ½.

Impuzamashyirahamwe y'umupira w'amaguru muri Afurika, CAF, yemeje abanya-Misiri Grisha Ghead, Mahmoud Ahmed Abo El Regal na Tahsen Abo El Sadat Bedyer nk'abasifuzi batatu bazayobora uyu mukino uzaba ku Cyumweru.

Ghead Zaglol Grisha uzayobora uyu mukino ni muntu ki?

Uyu musifuzi mpuzamahanga w'umunya-Misiri, ni umugabo ufite ubunararibonye mu gusifura. Afite imyaka 42, akaba amaze imyaka 10 ari umusifuzi mpuzamahanga kuva mu 2008.

Uyu ni umwe mu basifuzi beza Afurika ifite, ndetse yayoboye imikino ya nyuma y'igikombe cy'Isi cya 2018 mu Burusiya, abarebye umukino w'Ubwongereza na Panama baramwibuka. Yasifuye kandi n'Igikombe cy'Isi cy'abatarengeje imyaka 20 mu 2015 na 2017 n'imikino Olempike ya 2016.

Grisha Ghead mu mukino Panama yanyagiwemo n'Ubwongereza ibitego 6-1 mu gikombe cy'Isi cya 2018Grisha Ghead mu mukino Panama yanyagiwemo n'Ubwongereza ibitego 6-1 mu gikombe cy'Isi cya 2018

Ghead Grisha amaze kuyobora amarushanwa yose akomeye hano ku mugabane wa Afurika, yaba igikombe cya Afurika, CAF Champions League na CAF Confedeartion Cup, CHAN, ay'abato na All Africa Games zitandukanye.

N'ubwo afite ibigwi ariko, nta mwiza ubura inenge dore ko yigeze guhagarikwa mu gikombe cya Afurika cya 2013, ni nyuma y'uko yari yatanze penaliti itavugwaho rumwe kuri Zambia mu mukino w'amatsinda banganyijemo na Nigeria igitego 1-1, wabaye umukino wa nyuma asifuye muri iryo rushanwa!

Si ubwa mbere uyu musifuzi agiye gusifurira ikipe yo mu Rwanda kuko yayoboye umukino Amavubi yanyagiwemo na Cote d'Ivoire ibitego 5-0 kuri Stade Amahoro mu 2011, hari mu gushaka itike ya CAN 2012.

Grisha Ghead wahawe umukino wa Enyimba na Rayon Sports Grisha Ghead wahawe umukino wa Enyimba na Rayon Sports

Mu mikino 73 mpuzamahanga yasifuye, Grisha Ghead yatanze penaliti 24, zirimo 17 ku makipe ari mu rugo, amakarita atukura 8, arimo 3 ku makipe ari mu rugo, amakarita y'umuhondo 240, arimo amakarita 110 ku makipe yakiniraga iwayo, aha ubwo harimo abiri yahawe u Rwanda rukina na Cote d'Ivoire!

  • September 21st 2018 at 06:05

FERWAFA izaha igikombe APR ku munsi wa mbere wa shampiyona 2018/2019

By Aimable MBARUSHIMANAAimable MBARUSHIMANA

Ikipe ya APR Fc yatwaye igikombe cya shampiyona cy'umwaka w'imikino wa 2017-2018 ngo izahabwa icyo gikombe yatsindiye mu ntangiriro za shampiyona y'umwaka wa 2018-2019.

Shampiyona yarangiye mu kwezi kwa Kamena tariki 27 aho APR yatsinze Espoir FC 2-0 mu mukino w'umunsi wa 30 wa shampiyona wabereye kuri stade Amahoro I Remera mu gihe AS Kigali bari bagihanganiye yatsikiriye I Musanze ikanganyirizayo na Musanze Fc 1-1.

Iki gikombe kibaye icya 17 ikipe ya APR FC yatwaye kuva yatangira gukina imikino y'icyiciro cya mbere mu Rwanda byavugwaga ko izagihabwa mu mukino wa Gicuti none birangiye igiye kugihabwa hatangiye indi shampiyona izatangira tariki ya 19 Ukwakira 2018.

Perezida wa FERWAFA Rtd. Brig. Gen. Sekamana Jean Damascene aganira na RuhagoYacu muri iki gitondo ntiyemeje cyangwa ngo ahakane aya makuru kuko n'ubwo nta byinshi yabivuzeho yagize ati” ibintu tuba twarabyumvikanye ho uko bizagenda mujye mubaza umuvugizi cyangwa mubaze n'ikipe bireba ariko itangwa ry'igikombe twaryumvikanyeho”

Bonni Mugabe ,umuvugizi wa FERWAFWA yemeje aya makuru avuga ko guha igikombe APR bizakorwa ku mukino wa mbere izaba yakiriye muri shampiyona y'umwaka wa 2018-2019.

APR nayo yemeza ko yamenyeshejwe ko izahabwa icyo gikombe kuri uwo munsi w'itangira rya shampiyona kandi ko ntacyo biyitwaye nk'uko Adolphe Camarade umunyamabanga wayo yabibwiye RuhagoYacu.

Yagize ati” niko Ferwafa yabipanze(yabiteguye) kandi ntacyo bidutwaye bijya bikorwa no mu bindi bihugu”

Si ubwa mbere mu Rwanda ikipe itwaye igikombe cya shampiyona ntihite igihabwa kuko byabaye no kuri Rayon Sports..

Ikipe ya Rayon Sports yegukanye igikombe mbere y'imikino ine ntiyahawe igikombe yatsindiye kuko shampiyona irangiye itagihawe.

Impamvu Rayon Sports itagihawe hajemo ibibazo by'ubukeba hagati yayo ndetse na APR aho Rayon Sports yifuzaga ko yagihabwa ubwo yakinaga na APR ku munsi ubanziriza uwa nyuma w'umunsi wa 29 ubuyobozi bwa FERWAFA bwo buvuga butiteguye kugitanga buvuga ko igikombe kizatangwa ku mukino wa nyuma Rayon Sports yakinnye na Kiyovu.

JPEG - 171.4 kb
Rayon Sports yagitwaye muri 2017 nayo ntiyagiherewe igihe

Icyo gihe Rayon Sports yarabyanze ivuga ko idashaka ghabwa igikombe ku mukino itakiriye ahubwo yo ihitamo ko niba itakibonye ku mukino yahuye na APR igomba kuzagihabwa ku mukino wa Gicuti aho ishobora kuzakina na AZAM Fc yo muri Tanzaniya, umukino utaratangazwa itariki uzaberaho.

Kera kabaye haje gutegurwa umukino wa Gicuti aho rayon Sports yakinnye na AZAM FC yo muri Tanzaniya iza kugihabwa nyuma yo gutsinda Azam FC ibitego bine kuri bibiri umukino wabereye kuri Stade ya Kigali i Nyamirambo tariki ya 8 Nyakanga 2017.

APR FC na Mukura VS zigiye guhatanira igikombe kiruta ibindi mu Rwanda

By Eric Tony UKURIKIYIMFURAEric Tony UKURIKIYIMFURA

Ishyirahamwe ry'umupira w'Amaguru mu Rwanda, FERWAFA, ryamaze kwemeza umukino wa Super Cup uzahuza ikipe ya APR FC na Mukura Victory Sports zegukanye ibikombe bibiri by'amarushanwa yaryo.

APR FC yegukanye igikombe cya shampiyona ya 2017/18 mu gihe Mukura Victory Sports yo yegukanye igikombe cy'Amahoro 2018.

Uyu mukino uhuza ikipe yegukanye shampiyona n'iyatwaye igikombe cy'Amahoro uzabera i Rubavu tariki ya 6 Ukwakira 2018 guhera saa 15:00 kuri Stade Umuganda.

Uyu mukino uzaba, ibyumweru bibiri mbere y'itangira ry'umwaka w'imikino 2018/19 uzatangira tariki ya 19 Ukwakira 2018.

Aya makipe yombi akaba ariyo azahagararira u Rwanda mu mikino nyafurika, APR FC muri CAF Champions League na Mukura Victory Sports muri CAF Confederations Cup.

Mu mwaka ushize, Rayon Sports ni yo yegukanye Super Cup 2017, itsinze APR FC ibitego 2-0 mu mukino wakinwe mu minsi ibiri itandukanye.

APR FC yasinyishije Nsengiyumva Moustapha

By Eric Tony UKURIKIYIMFURAEric Tony UKURIKIYIMFURA

APR FC ifite igikombe cya shampiyona giheruka mu Rwanda, ikomeje kwiyubaka, aho yamaze kugura umukinnyi wo ku mpande usatira izamu Nsengiyumva Moustapha wakiniraga Police FC mu mwaka ushize w'imikino.

Nsengiyumva Moustapha yari amaze umwaka umwe mu ikipe y'abashinzwe umutekano, gusa ku mpera z'umwaka ushize w'imikino ari mu bakinnyi batashimwe n'umutoza w'umunya-Zambia Albert Mphande, arasezererwa.

Uyu mukinnyi wageze muri Police FC avuye muri Rayon Sports, yamaze kugurwa na APR FC ku masezerano y'imyaka ibiri.

Nsengiyumva Moustapha (wambaye numero 2) yamaze gusanga umutoza Petrovic muri APR FCNsengiyumva Moustapha (wambaye numero 2) yamaze gusanga umutoza Petrovic muri APR FC

JPEG - 2.8 Mb
Nengiyumva Mustapha ntiyigeze ashimwa n'umutoza wa Police FC umunya Zambia Albert Mphande

Nsengiyumva Moustapha aje yiyongera ku bandi bakinnyi bashya nka Rusheshangoga Michel wavuye muri Singida United, Nizeyimana Mirafa muri Police FC na Ntwali Evode wakiniraga ikipe ya AS Kigali.

APR FC ikaba kandi yarazumuye abakinnyi barimo Mugunga Yves na Ntwari Fiacre bavuye mu Ntare FC.

Iyi kipe y'ingabo z'igihugu, izahagararira u Rwanda mu mikino ya CAF Champions League izatangira mu mezi abiri ari imbere.

APR FC kuri ubu iri kubarizwa i Huye, aho iri kwitegura itangira ry'umwaka mushya w'imikino ndetse n'umukino wa Super Cup uzayihuza na Mukura Victory Sports tariki ya 6 Ukwakira 2018 i Rubavu.

Mukura yaguze abakinnyi batatu, yongerera amasezerano babiri

By Eric Tony UKURIKIYIMFURAEric Tony UKURIKIYIMFURA

ikipe ya Mukura Victory Sports et Loisirs yatangaje ko yamaze kugura abakinnyi batatu bashya, inongerera amasezerano abandi babiri bari basanzwe bayikinira, bayifashije kwegukana igikombe cy'Amahoro 2018.

Abakinnyi batatu bashya iyi kipe y'i Huye yaguze, bagahabwa amasezerano y'imyaka ibiri ni Munezero Dieudonne na Ndizeye Innocent bombi bakiniraga Amagaju FC ndetse n'uwari kapiteni w'ikipe ya Musanze FC Munyakazi Yussuf Lule we wahawe umwaka umwe w'amasezerano.

Uretse aba bakinnyi bashya, Mukura Victory Sports yatangaje ko kandi yongereye amasezerano mashya y'imyaka ibiri ba myugariro Twagirayezu Fabien na Rugirayabo Hassan.

Mukura ikaba kandi ishobora gusinyisha abandi bakinnyi bashya barimo Twizerimana Onesme wakiniraga APR FC, watangiye imyitozo muri iyi kipe, ndetse RuhagoYacu yumvise ko impande zombi zamaze kumvikana umwaka umwe w'amasezerano.

Hari kandi n'abakinnyi batatu bavuye i Burundi bari kwitozanya n'abandi kuri Stade ya Huye.

Mukura Victory Sports izahagararira u Rwanda mu mikino ya CAF Confederation Cup 2018/19, ifite kandi umukino wa Super Cup izahuriramo na APR FC tariki ya 6 Ukwakira 2018 i Rubavu.

ARPL: Play-off ties begin on Sept. 25, Miroplast Fc withdraws

By Mugabe

The Rwanda Football Federation (FERWAFA) has released fixtures of the play-off ties, whose winner will replace Intare Fc in the 2018/19 Azam Rwanda Premier League.

The drawing of lots was held on Friday following confirmation of Sorwathe FC, Pepiniere FC and Gicumbi FC to participate in the matches. Miroplast FC withdrew citing lack of interest to take part in the contest.

Action begins on September 25 with Sorwathe FC hosting Pepiniere FC at Stade de Kigali.

Two days later, Gicumbi Fc will host Sorwathe FC at Stade de Kigali before Pepiniere Fc takes on Gicumbi Fc in the final match of the Play-off action on September 29 at Stade de Kigali.

The winning with the highest number of points will be declared the ultimate winner, earning automatic promotion to the 2018/19 Azam Rwanda Premier League, replacing Intare Fc who announced their withdrawal from Azam Rwanda Premier League last month.

As part of the regulations of these play-offs, each team is allowed to a maximum five substitutes, and to determine the winning team, FERWAFA will consider total points garnered by each team.

If there is a tie in points among the three teams, goal difference (GD), Goal for (GF) and Fair play rule will be applicable to determine the winner.

In case two teams tie on points, the following will be followed to determine the winner: head to head between the concerned teams, goal difference (GD), Goal for (GF) and Fair play rule.

Each club will field their legible licenced players who took part in the 2017/18 Azam Rwanda Premier League season.

Play-off Fixtures
September 25

Sorwathe Fc vs Pepiniere FC (Stad ed eKigali, 15:30)

September 27
Gicumbi FC vs Sorwathe Fc (Stade de Kigali, 15:30)

September 29
Pepiniere FC vs Gicumbi FC (Stade de Kigali, 15:30)
Source: Ferwafa.rw

Rwatubyaye: Confed Cup has been an eye opener

By Mugabe

Rayon Sports captain Abdul Rwatubyaye is upbeat their fairy tale run in the second-tier continental can go all the way.

The Blues of Kigali traveled to Aba on Thursday to face Enyimba in the second leg of the quarter-finals on Sunday, and the experienced defender is convinced they can survive at the Enyimba International Stadium despite a barren draw in the first leg last week in Kigali.

“Enyimba is one of the best clubs in Africa. We respect them but we will have to show that we are Rayon Sports, and can do better against big teams,” Rwatubyaye told CAFOnline.com.

“The squad is okay and everyone is looking sharp and wants to help the team. With such commitment I believe we will survive in Aba. We are capable of beating any team having shown that in Kenya against Gor Mahia. We will do our best to win and progress to the last four.

Rayon's campaign only came to light after a 2-1 win over Kenyan champions Gor Mahia away in Nairobi in the penultimate match of the group stage, under tutelage of Brazilian trainer Roberto Oliveira Goncalves de Calmo, who replaced Ivan Minnaert midway.

A hard-fought lone goal victory over Young Africans of Tanzania in the ultimate match will later earn them a historic place at the last eight, becoming the first Rwandan club to achieve that milestone.

“Our journey was very tough. Many of our fans gave us no chance to go through. But the draw away against USM Alger and the win over Gor Mahia really brought us back into contention.

“Being among the quarter finalists is an indication that Rayon Sports is a good team and on the right track.

Personal ambitions
“I want to help Rayon Sports to reach semis finals and I'm looking forward to that. Enyimba cannot stand between my dreams. We will give it our all,” Rwatubyaye noted.

The hard-tackling defender is already counting the blessings of playing in the continental club championship.

“The CAF Confederation Cup is by far the biggest tournament that most of us (players of Rayon Sports) have played in. I believe it's only the first of many bigger competitions to come for me and my colleagues.”

A forward at the early stages of his career, Rwatubyaye shifted to defense upon the advice of his teacher at High School (La Colombiere) in 2008. He has never regretted that decision and like any other African player, a move abroad will serve the climax of his career.

“I would love to one day play in Europe when the right time and right team comes. At the moment, I am happy at Rayon Sports and will give my best to help the cause of the team,” he concluded.
Cafonline.com

FERWAFA Super Cup set for October 6 in Rubavu District

By Mugabe

Rwanda Football Federation (FERWAFA) is set to stage this year's edition of the FERWAFA Super Cup at Stade Umuganda, Rubavu District on October 6, 2018.

The 2018 Super Cup will pit Azam Rwanda Premier League champions APR Fc against Peace Cup champions Mukura VS with kick-off set at 15:00.

APR FC claimed the 2017/18 Azam Rwanda Premier League after finishing the eight-month long season with 66 points, five points ahead of second-placed AS Kigali.

The military side climaxed the season having won 19 matches, drawn 9 and lost 2, scoring 51 goals and only conceded 15 goals in 30 matches respectively.

On other side, their opponents in the Super Cup contest, Mukura VS beat Rayon Sport 3-1 on penalties to win the 2018 edition of Peace Cup in August.

This was the first title for Mukura VS in the knockout competition since 1992.

They were also winners in 1978, 1986 and 1990. Previously, they had lost three finals in a space of 10 years; 4-2 to APR (in 1999), 3-0 to Rayon Sports (in 2005) and then 1-0 to the now defunct Atraco (in 2009).

This is the first time that both sides will be meeting in a Super Cup contest since its establishment two years ago thanks to sponsorship from FERWAFA's host broadcaster Azam TV.

The FERWAFA Super Cup will be staged as a curtain-raiser ahead of the start of the 2018/19 football season, which gets underway on October 19, 2018.

APR FC will play in next year's Total CAF Champions League while Mukura VS will represent Rwanda in next year's second-tier continental club championship, Total CAF Confederation Cup.

Rayon Sports FC won last year's Super Cup edition after defeating APR Fc 2-0.
Source: Ferwafa.rw

Before yesterdaySports

Nyuma ya Nyagatare , APR Fc yakomereje imyitozo mu karere ka Huye

By UWIRINGIYIMANA PeterUWIRINGIYIMANA Peter

APR FC yatwaye igikombe cya shampiyona y'umwaka ushize ikanakatisha itike yo kuzahagararira u Rwanda mu mikino nyafurika umwaka utaha, yakomereje imyitozo yayo mu karere ka Huye aho iteganya kuzakinira imikino ya gicuti mu minsi itandatatu iteganya kuhamara.

Nk'uko urubuga rw'iyi kipe rubitangaza, APR Fc yahagurutse i Kigali kuri uyu wa Kane tariki 20 Nzeli yerekeza mu majyepfo y'u Rwanda aho igiye kumara iminsi itandatatu ikorera imyitzo mu karere ka Huye, ikaba inateganya kuzahakinira imikino ya gicuti.

Ny'uma y'uko iyi kipe y'ingabo z'u Rwanda ikoreye imyitozo mu karere ka Nyagatare ikahamara iminsi igera kuri itatu, ikahava ikina umukino wa gicuti yanganyijemo na Muhanga Fc yazamutse mu cyiciro cya mbere 2-2 irakomereza imyiteguro yayo i Huye aho izanakinira imikino ya Gicuti n'amakipe ataramenyekana.

Dr Petrovic wari umaze iminsi mu biruhuko yajyanye n'abakinnyi ba APR FC i Huye Dr Petrovic wari umaze iminsi mu biruhuko yajyanye n'abakinnyi ba APR FC i Huye

APR FC iherutse kongerera amasezerano abakinnyi 9 bari barayarangije ikaba yaranaguze abakinnyi bashya barimo Nizeyimana Mirafa wavuye muri Police Fc na Ntwari Evode iyi kipe yakuye muri AS Kigali.

Aba bakinnyi bose bakaba baratangiye imyitozo hamwe na bagenzi babo bari basanzwe muri iyi kipe.

  • September 20th 2018 at 04:36

FIFA: U Rwanda rwatakaje umwanya umwe, Ububiligi n'Ubufaransa bayobora Isi ku nshuro ya mbere

By Eric Tony UKURIKIYIMFURAEric Tony UKURIKIYIMFURA

Urutonde ngarukakwezi rushyirwa hanze n'Ishyirahamwe ry'Umupira w'Amaguru ku Isi, FIFA, rwasohotse kuri uyu wa Kane tariki ya 20 Nzeli 2018, rusize ikipe y'u Rwanda y'umupira w'amaguru iri ku mwanya w'137 ku Isi mu gihe ikipe y'u Bubiligi n'iy'u Bufaransa zikoze amateka yo gusangira umwanya wa mbere.

Ikipe y'uRwanda yatakaje umukino iheruka kwakiramo Cote d'Ivoire mu gushaka itike ya CAN 2019 izabera muri Cameroun, ku bitego 2-1, yatakaje umwanya umwe kuri uru rutonde, igera ku mwanya w'137 n'amanota 1093.

Cote d'Ivoire yo yazamutse umwanya umwe igera ku mwanya 66 ku Isi n'amanota 1351.

JPEG - 151.3 kb
Meddie Kagere ashimirwa na Haruna Niyonzima ubwo yari amaze gutsinda impozamarira ku ruhande rw'Amavubi akina na Cote d'Ivoire

Ukraine yageze ku mwanya wa 29 nyuma yo kuba igihugu cyazamutseho imyanya myinshi (6) mu gihe Ghana yatsinzwe na Kenya 1-0 mu mukino uheruka, yo yakataje imyanya myinshi (6) iba iya 51.

Kenya y'107 nicyo gihugu cyazamuye amanota cyane (22) mu gihe Burkina Faso na Ghana ari bo batakaje menshi (17).

Ku rwego rw'Isi, nta mpinduka nini zabayeho uretse Ububiligi bwafashe umwanya wa mbere, buhasanze Ubufaransa bwegukanye igikombe cy'Isi mu mezi abiri ashize. Ni ku nshuro ya mbere uyu mwanya wa mbere usangiwe n'amakipe abiri kuva uru rutonde rushyizweho mu myaka 25 ishize.

JPEG - 100 kb
Ubufaransa n'Ububiligi basangiye umwanya wa mbere ku rutonde rwa FIFA

Ibi bihugu bikurikiwe na Brazil, Croatia, Uruguay, Ubwongereza, Portugal, Ubusuwisi, Espagne na Denmark mu myanya 10 ya mbere ku Isi.


Ibihugu 11 bya mbere muri Afurika

  1. Tunisia (23)
  2. Senegal (25)
  3. Congo Kinshasa (40)
  4. Maroc (45)
  5. Nigeria (48)
  6. Cameroun (50)
  7. Ghana (51)
  8. Burkina Faso (56)
  9. Mali (63)
  10. Misiri (64)
  11. Guinea (65)

Ikarita itukura yahawe Cristiano Ronaldo yamaganiwe kure n'abatari bake barimo mushiki we na Rio Ferdinand

By Aimable MBARUSHIMANAAimable MBARUSHIMANA

Abafana batandukanye, ikipe ya Juventus mushiki wa Ronaldo ndetse na Rio Ferdinand bamaganye cyane ikarita itukura yahawe Cristiano Ronaldo mu mikino y'amakipe yabaye aya mbere ku mugabane w'i Burayi "Uefa Champions League"

Cristiano yahawe iyi karita mu mukino wahuzaga Juventus yo mu Butariyani na Valence yo muri Espagne , aho ku munota wa 29 w'igice cya mbere yahawe ikarita itukura nyuma yo kugongana n'umukinnyi wa Valence Jeison Murillo , yamuhagurutsa umusifuzi agahita amwereka ikarita itukura.

JPEG - 17.1 kb
Rio Ferdinand wakinanye na Cristiano we yavuze ko Cristiano akwiye kujurira

Iyi karita yamaganiwe kure n'abafana ba Juventus ndetse n'abandi bakunda uyu mukinnyi ukomoka muri Portugal, ndetse na Mushikiwe ndetse na Rio Ferdinand bakinanaye bakaba bavuze ko ari umwanzuro utaziye igihe.

Mushikiwe Katia Aveiro abinyujije kuri Instagram ye yagize ati" ni ikimwaro ku mupira w'amaguru . Ubutabera bugomba gukora"

" Barashaka kwangiza musaza wanjye , ariko Imana ntisinzira. Hagomba kuzabaho ikiguzi cy'aya marira . Barashaka kumusubiza hasi , ariko ntibazabigeraho"

Uretse Mushiki we uwahoze ari myugariro wa Manchester United wanakinanye na Ronaldo, abicishije kuri Twiter we yavuze ko bidakwiye agira ianam Cristiano kubijuririra.

JPEG - 53.6 kb
Abafana batandukanye bagize icyo nabo bavuga kuri iyi karita



N'ubwo Cristiano yasohowe hakiri kare umukino warangiye Juventus itsinze Valence 2-0, byose byatsinzwe na Miralem Pjanic ku munota wa 45 n'uwa 51.

Cristiano naramuka agumishirijwe ho iyi karita y'umutuku azasiba imikino 3 nk'uko Uefa ibitegeka , harimo uwo bazakiramo Young Boys mu mukino wa kabiri, akazasiba kandi umukino Juventus izakinira mu bwongereza na Manchester United Cristiano yahoze anakinira tariki ya 23 Ukwakira 2018 ndetse n'uwo kwishyura uzaba tariki ya 7 Ugushyingo 2018 bazakira i Turin mu Butariyani.

Abakinnyi 19 barimo Rutanga Eric ni bo bajyanye na Rayon Sports muri Nigeria

By Jean Luc IMFURAYACUJean Luc IMFURAYACU

Ikipe ya Rayon Sports irerekeza muri Nigeria mu gitondo cyo kuri uyu wa kane gukina umukino wo kwishyura na Enyimba FC mu gushaka itike ya 1/2 cy'irangiza mu irushanwa nyafurika ku makipe yatwaye ibikombe iwayo, CAF Confederation Cup ya 2018.

Abakinnyi 19 barimo na Rutanga Eric utemerewe gukina uyu mukino ni bo umutoza Robertinho ajyanye muri Nigeria gukina uyu mukino wo kwishyura, nyuma y'uko umukino ubanza wabereye hano mu Rwanda, warangiye amakipe yombi anganyije 0-0.

Uyu mukino uteganyijwe kuri iki cyumweru saa 15H00 ku isaha ya hano mu Rwanda, kuri Enyimba International Stadium iherereye muri leta ya Abia.

Rayon Sports ijyanye na Rwandair ya saa 10H00 za hano mu Rwanda, biteganyijwe ko igera muri Nigeria ku i saa 14H00 z'i Kigali, bikaza kuba ari saa 13H00 zo muri Nigeria, igahita ifata indi ndege y'amasaha y'isaha n'igice iyerekeza muri iyi leta ya Abia.

Abakinnyi 18 na Rutanga Eric, umutoza ajyanye muri iki gihugu:

Abazamu:

  • Bashunga Abouba
  • Ndayisenga Kassim

Abakina inyuma:

  • Nyandwi Saddam
  • Eric Irambona
  • Rutanga Eric (Afite amakarita 2 y'umuhondo)
  • Manzi Thierry
  • Rwatubyaye Abdul
  • Mutsinzi Ange
  • Mugabo Gabriel

Abakina hagati:

  • Mugisha Francois Master
  • Niyonzima Olivier Sefu
  • Prosper Donkor Kuka
  • Muhire Kevin
  • Nova Bayama
  • Yassin Mugume
  • Manishimwe Djabel

ABataha izamu:

  • Bimenyimana Bon Fils Caleb
  • Christ Mbondi
  • Gilbert Mugisha
JPEG - 416.1 kb
Rayon Sports igiye gushaka uko yatsindira Enyimba FC muri Nigeria igakomeza kwandika amateka/Foto Rwanda Magazine

Abatoza:

  • Oliveria Goncalves Robertinho (Umutoza mukuru)
  • Gatera Moussa (Umutoza wungirije)
  • Hategekimana Corneille (Umutoza wongera imbaraga)
  • Lams Ikamba Mpinu (Umutoza w'abazamu)
  • Mugemana Charles (Umuganga w'ikipe)

Abaherekeje ikipe:

  • Muvunyi Paul: Perezida w'ikipe
  • Freddy Muhirwa: V/Perezida
  • Claude Mushimire: Ari mu bajyana ba Komite
  • Muhirwa Prosper: Wahoze ari V/Perezida
  • Ruhamyambuga Paul: Wahoze ari Perezida wa Rayon Sports
  • Hadji Mudaheramwa: Umwe mu mena z'abafana ba Rayon Sports
  • Chaffy Mudaheranwa: Wahoze muri Komite ya Rayon Sports
  • Imbabazi Consolatrice: Umufana
JPEG - 408 kb
Chaffy n'umubyeyi we Mudahiramwa Youssuf baherekeje Rayon Sports/Foto Rwanda Magazine

Abanyamakuru:

  • Nkurunziza Jean Paul: Rayon Sports
  • Renzaho Christophe: Rwanda Magazine
  • Theo Nisingizwe: RBA
  • Bayingana David: RadioTV10
  • September 20th 2018 at 02:39

Niyonzima Jean Paul wakiniraga Police Fc yerekeje muri Musanze Fc

By UWIRINGIYIMANA PeterUWIRINGIYIMANA Peter

Niyonzima Jean Paul wakiniraga ikipe ya Police Fc mu kibuga hagati yamaze gutandukana n'iyi kipe y'igipolisi cyo mu Rwanda yerekeza muri Musanze Fc yasinyiye amasezrano y'imyaka ibiri.

Nyuma y'uko uyu mukinnyi asohotse ku rutonde rw'abakinnyi batifuzwa muri Police Fc n'umutoza wayo Albert Mphande, uyu musore yahisemo kuva muri iyi kipe yari amzemo imyaka ine yose yerekeza muri Musanze Fc yo mu karere avukamo.

Niyonzima Jean Paul yari amaze imyaka ine muri Police FcNiyonzima Jean Paul yari amaze imyaka ine muri Police Fc
Amakuru ava mu ikipe ya Musanze Fc agera kuri RuhagoYacu avuga ko uyu mukinnyi yamaze gusinyira iyi kipe y'i Musanze kuyikinira imyaka ibiri ndetse akaba ategerejwe mu myitozo na bagenze kuri uyu wa kane tariki 20 Nzeli.

Jean Paul Niyoznima yerekeje muri Musanze Fc imaze iminsi ikora imyitozo yitegura shampiyona ya 2018-2019 asangamo abandi bakinnyi bashya barimo; Gikamba Ismael, Kayigamba Jean Paul, Mbonyingabo Regis, Mugenzi Cedric na Tuyisenge Pekeake 'Pekinho'.

  • September 20th 2018 at 02:19

Enyimba FC yamwenyuye mbere yo kwakira Rayon Sports

By Eric Tony UKURIKIYIMFURAEric Tony UKURIKIYIMFURA

Mbere yo kwakira Rayon Sports mu mukino wo kwishyura wa ¼ cya CAF Confederation Cup uteganyijwe ku Cyumweru, ikipe ya Enyimba FC yaraye yitwaye neza mu irushanwa ry'imbere mu gihugu, ibona itike ya 1/8 cya Aiteo Cup itsinze Dynamite FC ibitego 2-0 mu mukino wabaye kuri uyu wa Gatatu.

Chinedu Udeagha yafunguye amazamu ku ruhande rwa Enyimba FC ku munota wa 25, ku mupira wari uvuye kuri Stanley Dimgba mu gihe ikindi gitego cyabonetse mu minota y'inyongera gitsinzwe na Stephen Chukwude.

Enyimba FC yari yasezereye Alabewewe FC mu cyiciro giheruka, muri 1/8 ihasanze andi makipe akomeye nka Enugu Rangers, Kano Pillars, Akwa United na Sunshine FC.

Umutoza w'iyi kipe Usman Abdallah yari yaruhukije bamwe mu bakinnyi babanjemo mu kino ubanza ikipe ye yanganyijemo na Rayon Sports 0-0 ku Cyumweru gishize, i Kigali.

Abakinnyi babanjemo ku ruhande rwa Enyimba FC: 21 Ikechukwu Ezenwa, 16 Dare Ojo, 32 Nasiru Sani, 27 Omar Tofic, 24 Nelson Ogbonanya, 6 Ernest Governor , 8 Abdulrahaman Bolakale Bashir , 9 Stephen Chukwude, 19 Ibrahim Mustapha Yuga, 22 Chinedu Udeagha na 18 Stanley Dimgba

Abasimbura: 1 Theophilus Afelokhai, 14 Isiaka Oladuntoye , 20 Joseph Osadiaeye, 31 Sanni Jean-marie Guera, 7 Freedom Omofoman, 29 Alalade A Wasiu na 28 Ikouwem Udo.

  • September 20th 2018 at 01:09

Uko amakipe yatsindanye muri UEFA Champions League

By Eric Tony UKURIKIYIMFURAEric Tony UKURIKIYIMFURA

Imikino y'umunsi wa mbere w'amatsinda ya UEFA Champions League yakomeje kuri uyu wa Gatatu hakina amakipe yo mu itsinda E kugeza mu itsinda H.

Uko batsindanye

Itsinda E :

  • Benfica 0-2 Bayern Munich (BAY : Lewandowski 10 mn, Sanches 54 mn)
  • Ajax Amsterdam 3-0 AEK Athènes (AJA :Tagliafico 46 & 90 mn, van de Beek 77 mn)


Itsinda F :

  • Manchester City 1-2 Lyon (MAN : Silva 67 mn / Lyon : Cornet 26 mn, Fekir 43 mn)
  • Shakhtar Donetsk 2-2 Hoffenheim (SHA : Ismaily 27 mn, Maycon 81 mn / HOF : Grillitsch 6 mn, Nordtveit 38 mn)

Itsinda G :

  • Victoria Plzen 2-2 CSKA Moscou (VIC : Krmencik 29 & 41 mn / CSKA : Chalov 49 mn, Vlasic 95 mn)
  • Real Madrid 3-0 AS Rome (REA : Isco 45 mn, Bale 58 mn, Diaz 93 mn)


Itsinda H :

  • Valence 0-2 Juventus (JUV : Pjanic (pen) 45 mn, Pjanic (pen) 50 mn)

=> Cristiano Ronaldo yahawe ikarita itukura ku munota wa 29 akoreye ikosa kuri Jeison Murillo .

  • Young Boys 0-3 Manchester United (MAN :Pogba 36 mn & 43 mn (pen), Martial 66 mn)
  • September 20th 2018 at 00:25

Rayon Sports head to Aba for Enyimba return leg

By Mugabe

Rwandan side Rayon Sports FC departed Kigali on Thursday morning to Nigeria's Abia State ahead of Sunday's return leg against Nigerian champions Enyimba FC.

Rayon Sports FC face Enyimba FC on Sunday in the return leg of the quarter final round of the CAF Confederations Cup which be played at Enyimba International Stadium in Abia State of Nigeria at 15:00 local time.

The team departed for Lagos aboard Rwandair on Thursday morning, they will connect to Abe on Friday morning in two batches, one leaving at 7am and the rest at 9am respectively.

The Vice President of Rwanda Football Federation (FERWAFA) Marcel Habyarimana leads the 40-man delegation.

The squad which held Enyimba Fc to a goalless draw in Kigali last Sunday will be aiming to register an away win to be granted a place in the last four of the lucrative CAF Confederation Cup.

The Blues have been boosted by the return of the center back Manzi Thierry who missed two of their previous fixtures due to a two-match suspension imposed by CAF.

Meanwhile, Brazilian tactician Roberto Oliviera has insisted Rayon Sports Caf Confederation Cup hope is alive despite their 0-0 1st leg quarter-final draw.

The hosts blew away plenty of scoring chances as Enyimba's goalie Theophilus Afelokhai was at his best to earn the visitors a point but Oliveira has predicted that his side would fight their way back into the tie in the second leg.

“We will push to score goals and win the game, and we have proved we can score and win matches on foreign soil.

“I have confidence in my players and the coaching staff. We want to register further history and we will do all we can to achieve it,” he said in Sunday's post-match press conference.

Coach Oliviera will miss the services of left back Eric Rutanga who is suspended for Sunday's matches following two accumulative yellow cards and midfielder Yannick Mukunzi who has finished serving his two match ban but has gone to Sweden for trials.

The winner between Rayon Sports and Enyimba FC will face either CARA Brazzaville or Raja Casablanca in the semifinals next month.

Squad: Manishimwe Djabel, Manzi Thierry, Mugabo Gabriel, Mugisha Francois, Nyandwi Sadam, Nova Bayama, Mugume Yasin, Bashunga Abouba, Abdul Rwatubyaye, Eric Irambona, Gilbert Mugisha, Eric Rutanga, Kevin Muhire, Bon Fils Caleb Bimenyimana, Olivier Niyonzima, Ange Mutsinzi, Prosper Kuka Donkor, Christ Mbondi and Kassim Ndayisenga

15th CAF Confederation Cup
Quarter Final Round
Return Leg, September 23, 2018

Enyimba FC vs Rayon Sports Fc (Enyimba International Stadium 15:00)
Raja CA vs CA Renaissance
RS Berkane vs AS Vita
USM Alger vs Al Masry Club
Source: Ferwafa.rw

Volleyball: U Rwanda rwabuze itike y'igikombe cy'isi , rutsinzwe na Maroc rutahana umwanya wa 4

By Aimable MBARUSHIMANAAimable MBARUSHIMANA

Ikipe y'ingimbi z'u Rwanda zitarengeje imyaka 21 zimaze gutsindwa na Maroc amaseti 3-1 rutahana umwanya wa 4.

U Rwanda na Maroc mu irushanwa nyafurika ry'abatarengeje imyaka 21 zakinaga zihatanira umwanya wa gatatu n'uwa Kane, birangira Maroc ariyo yegukanye umwanya wa gatatu.

Iseti ya mbere Maroc yayitsinze ku manota 25-14, u Rwanda ruyigaranzura Ku iseti ya 2 aho rwayitsinze ku manota 29 -27.

Andi maseti 2 yegukanywe na Maroc aho iya Gatatu Maroc yayitsinze 25-16 mu gihe iya Kane Maroc yayitsinze kuri 31-29.

U Rwanda muri 1/2 rwari rwatsinzwe na Misiri mu gihe Maroc yo yari yasezerewe na Tunisa.

Amakipe abiri ya mbere ariyo Misiri na Tunisia zihurira ku mukino wa nyuma ku isaha ya saa kumi n'imwe nizo muri iri rushanwa azahagararira Afurika mu mikino y'igikombe cy'isi kizaba umwaka utaha wa 2019.

  • September 19th 2018 at 09:22

Rayon Sports kimwe na Gor Mahia zaciwe Frw 4,409,125 kuri buri kipe kubera imyitwarire mibi

By Jean Luc IMFURAYACUJean Luc IMFURAYACU

Ishyirahamwe ry'umupira w'amaguru ku mugabane w'Africa CAF amafaranga ryageneye amakipe yageze mu mikino y'amatsinda, rikomeje kugenda riyagabanya kubera imyitwarire ryita mibi iba yaranze aya makipe muri aya marushanwa.

Rayon Sports na GorMahia CAF yazishinje imyitwarire mibi ku mukino wazihuje ku munsi wa 5 w'imikino yo mu matsinda, aho aya makipe yombi yari mu itsinda rya 4 mu gushaka itike ya 1/4 cy'irangiza muri CAF Confederation Cup.

Uyu mukino wabereye Kasarani Stadium warangiye Gikundiro itsinze K'ogalo ibitego 2-1, umukino wabaye nk'urufunguzo ku ikipe ya Rayon Sports mu kugera muri 1/4 cy'irangiza.

Ubwo Caleb Bimenyimana yatsinda igitego cya mbere, bamushinja kuba yarakishimiye ajya imbere y'abafana ba GorMahia akabatera umujinya, aba bafana bakaba baraje gutera nabo amacupa mu kibuga, nyuma y'uko Rutanga Eric yari amaze kubaterekamo igitego cya 2 kuri Coup Franc.

JPEG - 592 kb
Gormahia yaciwe amadorali 5000, abayobozi basaba abafana gukosora imyitwarire yabo

Gormahia ibicishije ku rubuga rwayo yavuze ko ibabajwe cyane no gucibwa aya mafaranga angana na 4,409,125 y'u Rwanda, isaba abafana bayo kujya bagaragaza imyitwarire myiza mu gihe kiri imbere kuko biba bibahombeje cyane.

Rayon Sports nayo yaciwe amafaranga nk'aya bashinja Caleb Bonfils kuba yarasembuye abakunzi b'iyi kipe ajya kubishimira imbere ubwo yari amaze gutsinda igitego.

Mbere gato y'uyu mukino, Gikundiro yari yaciwe amafaranga bavuga ko yatinze kumenyesha igihe izagerera mu gihugu cya Kenya.

JPEG - 565.2 kb
Rayon Sports yongeye gufatirwa ibindi bihano na CAF

Rayon Sports ikomeje imyitozo yo kwitegura umukino wo kwishyura wa Enyimba FC, irahaguruka kuri uyu wa kane i Kanombe yerekeza Abia muri Nigeria gukina umukino wo kwishyura, nyuma yo kunganya umukino ubanza i Kigali 0-0 n'inzovu yabaturage bo muri iyi leta.

Imyitozo ya nyuma iteganyijwe kuri uyu wa gatatu saa 14H00 kuri Stade ya Kigali i Nyamirambo.

  • September 19th 2018 at 04:22

Sefu ni umukinnyi woroshya akazi, Robertinho we ni umubyeyi wacu- Donkor Prosper

By Eric Tony UKURIKIYIMFURAEric Tony UKURIKIYIMFURA

Umunye-Ghana ukina hagati mu ikipe ya Rayon Sports; Donkor Prosper Kuka avuga ko mugenzi we bakinana hagati Niyonzima Olivier ‘Sefu' ari umukinnyi mwiza woroshya akazi mu gihe kandi avuga ko n'umutoza Roberto ari umwe mu beza yahuye nabo.

Donkor Prosper yabitangarije RuhagoYacu mu kiganiro kihariye twagiranye n'uyu mukinnyi umaze ukwezi kumwe mu Rwanda, aho yaguzwe na Rayon Sports mu kwezi gushize.

RuhagoYacu yagiranye ikiganiro kihariye na Donkor Prosper RuhagoYacu yagiranye ikiganiro kihariye na Donkor Prosper
Donkor Prosper hagati y'abakinnyi batatu ba Enyimba FCDonkor Prosper hagati y'abakinnyi batatu ba Enyimba FC

Uyu mukinnyi umaze gukina imikino ibiri muri Rayon Sports, avuga ko abakinnyi bose bakinana ari beza, ariko by'umwihariko Niyonzima Olivier Sefu we ngo yoroshya akazi cyane.

Donkor Prosper yagize ati:” Rayon Sports ifite abakinnyi beza b'abahanga. Sefu ni umukinnyi mwiza w'umuhanga, woroshya akazi kandi azi guhagarara neza. Gukinana na we ntako bisa kuko ukina utuje kandi ufite icyizere.”

Donkor Prpsper avuga ko Sefu ari umukinnyi mwiza woroshya akaziDonkor Prpsper avuga ko Sefu ari umukinnyi mwiza woroshya akazi
Prosper Donkor yagiranye ikiganiro kirambuye na RuhagoYacuProsper Donkor yagiranye ikiganiro kirambuye na RuhagoYacu
Niyonzima Olivier Sefu yagarutse mu kibuga ku mukino wa Enyimba FC akinana hagati na Donkor ProsperNiyonzima Olivier Sefu yagarutse mu kibuga ku mukino wa Enyimba FC akinana hagati na Donkor Prosper

JPEG - 223.5 kb
Sefu yorohereje Donkor akazi ku mukino bahuyemo na Enyimba

Aba bakinnyi bombi bamaze gukinana inshuro imwe, ku mukino wa Enyimba FC wabaye ku Cyumweru. Niyonzima Olivier Sefu ntiyakinnye umukino wari wabanje, wa Yanga SC, kubera ko yari afite amakarita abiri y'umuhondo, habanzamo Mugisha François ‘Master'.

Ku bijyanye n'uko yabonye umutoza Roberto Oliveira Goncalves do Carmo, Donkor Prosper yagize ati:” Ni umutoza mwiza, mu bantoje bose navuga ko ari we mwiza. Ni umubyeyi wacu, buri mukinnyi amuha umwanya aramwumva. Iyo abwiye abakinnyi bagenzi banjye mu gifaransa, nanjye ambwira mu cyongereza. Buri mukinnyi amuha umwanya mu kibuga. Ntawe utamukunda.”

JPEG - 1.1 Mb
Donkor atangaza ko yatunguwe n'imyitwarire y'umutoza Robertinho

Umutoza Roberto Oliveira afatwa nk'umubyeyi Umutoza Roberto Oliveira afatwa nk'umubyeyi

JPEG - 1 Mb
Robertinho aganiriza kenshi abakinnyi ba Rayon Sports akabaremamo ikizere
JPEG - 1.2 Mb
Donkor (mu ruziga) ni umwe mu bashimiye abafana bababaye inyuma ku mukino banganyijemo na Enyimba 0-0

Donkor Prosper Kuka w'imyaka 20, yageze muri Rayon Sports muri Kanama uyu mwaka, avuye muri Accra Young Wise y'iwabo muri Ghana, akaba yarasinye imyaka ibiri muri Rayon Sports.


AMAFOTO: NTARE Julius/ RuhagoYacu

  • September 19th 2018 at 04:13

FERWAFA itsinze icya mbere. Iri ni ihererozo ku buriganya buba muri Ruhago Nyarwanda ?

By Eric Tony UKURIKIYIMFURAEric Tony UKURIKIYIMFURA

Ku nshuro ya mbere, hagiye kuba imikino ya kamarampaka izatanga ikipe izamuka mu cyiciro cya mbere mu Rwanda, ni nyuma y'uko Intare FC zari zatsindiye kuzamuka mu mwaka ushize w'imikino, zitangaje ko bitagishobotse. Ishyirahamwe ry'umupira w'amaguru mu Rwanda, FERWAFA, ryamaze kwemeza amakipe ane azakina iyi mikino ya Kamarampaka.

Ubwo Intare FC zikuraga mu makipe azakina shampiyona Nkuru uyu mwaka w'imikino 2018/19, Gicumbi FC niyo yari yatekerejweho bwa mbere nk'ikipe yabaye iya 15 mu makipe 16 yakinnye shampiyona ishize.

Buri wese yifashishaga ingingo imwe mu mategeko agenga amarushanwa, asobanura uburyo iyi kipe yagaruka mu cyiciro cya mbere cyangwa se na yo itabikwiye ko, ahubwo hazamuka ikipe ya Pepiniere FC yasezerewe n'Intare FC muri ½ cy'imikino ya kamarampaka y'icyiciro cya kabiri.

Inama ya Komite Nyobozi ya FERWAFA yabaye kuwa Mbere, yahisemo ko hakurikizwa itegeko rya 10 mu mategeko agenga amarushanwa mu Rwanda, mu ngingo yaryo ya kane, hagira hati:” Mu gihe umubare w'amakipe yo mu kiciro cya mbere bibaye ngombwa ko yongerwa, Komite Nyobozi ya FERWAFA izakoresha imikino izahuza amakipe abiri yamanutse mu kiciro cya kabiri n'amakipe abiri yatsinzwe muri kimwe cya kabiri mu kiciro cya kabiri."

Itegeko ryakurikijwe si rishya!

Iri tegeko ryakurikijwe ntabwo ari rishya! Ni itegeko ryatowe n'abanyamuryango ba FERWAFA mu 2015, mu nama y'Inteko Rusange yabereye mu karere ka Huye muri Kanama uwo mwaka.

Iri rijya gutorwa, byari bikurikiranye n'uko FERWAFA yari imaze kubona Azam TV nk'umuterankunga, bikaba ngombwa ko amakipe y'icyiciro cya mbere yongerwa.

Isonga FC na Etincelles zamanutse mu cyiciro cya kabiri nyuma yo kurangiza mu myanya ibiri ya nyuma muri shamipiyona y'icyiciro cya mbere yari irangiye, zagombaga guhura na AS Muhanga na Sorwathe mu mikino ya kamaramaka hashakishwa amakipe abiri azazamuka mu cyiciro cya mbere. Sorwathe na AS Muhanga zikaba zari zaraviriyemo muri ½ mu mikino y'icyiciro cya kabiri.

Inama y'inteko rusange ya Ferwafa, yabareye i Huye mu mpera z'ukwezi kwa Kanama 2015, yemeje ko amakipe azajya azamurwa biciye mu mikino ya kamarampaka (play-offs).

Ikipe y'Isonga FC yavuye muri iyi mikino ku ikubitiro kuko gahunda yayo muri uwo mwaka w'imikino 2015/16 byari ugukinisha abakinnyi batarengeje imyaka 16, kandi aba bakaba batemerewe gukina amarushanwa nk'uko amategeko ya FIFA abigena.

Nyuma y'aho, na Sorwathe FC yamenyesheje FERWAFA ko itazitabira imikino yo gushakisha amakipe 2 agomba kuzamuka mu cyiciro cya mbere, amakipe akava kuri 14 akajya kuri 16 muri shampiyona ya 2015/16, aho mu mpamvu zitandukanye zatumye ititabira iyi mikino harimo ko kuba icyemezo cyo gushyiraho iyi mikino cyarafatiwe mu nama y'inteko rusange ku itariki 30/08/2015, hagahita hemezwa ko ikinwa tariki 2/09/2015, ubuyobozi bw'ikipe ya Sorwathe FC bwasanze igihe ari gito cyo kwitegura ngo ikipe ibe yakwitabira iyo mikino.

Indi mpamvu yatanzwe icyo gihe ni uko nta bakinnyi iyi kipe ifite kubera ko benshi bari barangije amasezerano, bakajya mu yandi makipe. Isanga ko mu minsi ibiri itaba yabonye abandi basimbura abagiye ndetse bari ku rwego rwo guhangana, yewe ko n'ubwo bazamuka shampiyona yari gutangira mu byumweru bibiri byari bisigaye itari gusanga bafite ibikenerwa byose.

Icyo gihe, FERWAFA ikaba yarahise ifata umwanzuro wo kwemeza Etincelles FC na AS Muhanga nk'amakipe azakina icyiciro cya mbere mu mwaka w'imikino 2015/16.


FERWAFA ya De Gaulle yirengagije itegeko izamura Kiyovu Sports

N'ubwo impaka nabwo zabaye nyinshi, ubwo Isonga FC yikuraga mu makipe azakina icyiciro cya mbere nyuma yo gusezerera As Muhanga muri ½ cya shampiyona y'icyiciro cya kabiri 2016/17, iri tegeko niryo ryari gukurikizwa aho guhita hazamurwa Kiyovu Sports yari yamanukanye na Pepinières FC mu mwaka w'imikino 2016/17.

Mbere byagendaga gute?

Nk'uko twabigarutseho ahabanza, ni ubwa mbere hagiye gukinwa iyi mikino ya kamarampaka kuko ubwo yari kuba bwa mbere mu 2015 bitakunze.

Mu 2013, Entincelles yagaruwe mu cyiciro cya mbere ubwo La Jeunesse yari inaniwe kugumamo.

Mu 2012 Espoir yagarutse mu cyiciro cya mbere ubwo Nyanza FC yari yivanze na Rayon Sports. Ubu buryo bukaba bwarashyizweho akadomo hatorwaga itegeko rya 10 mu marushanwa agenda amarushanwa ya FERWAFA, ingingo yaryo ya kane.

Mu 2006, KIST FC yikuye muri shampiyona. Etincelles yari kumanukana na Flash FC iguma mu cyiciro cya mbere.

Ese iri ryaba ari iherezo ku buriganya buba muri Ruhago Nyarwanda, hagatangira gukurikizwa amategeko ?

  • September 19th 2018 at 02:53

Amagare: Abakinnyi 5 bazahagararira u Rwanda muri Grand Prix Chantal Biya bamenyekanye

By Aimable MBARUSHIMANAAimable MBARUSHIMANA

Umutoza w'ikipe y'igihugu y'umukino w'amagare Sempoma Felix yamaze gutangaza abakinnyi batanu bazahagararira u Rwanda mu irushanwa " Grand Prix Chantal Biya"

Iri rushanwa rizabera mu gihugu cya Cameroon kuva tariki ya 26 kugeza tariki ya 30 Nzeri 2018.

Iri rushanwa ngaruka mwaka ryitiriwe umufasha w'umukuru w'igihugu cya Cameroon Paul biya ryatangiye muri 2001, uyu mwaka rizitabirwa n'amakipe 10 arimo 3 yo muri Cameroon .

biteganyijwe ko ikipe y'u Rwanda izahaguruka i Kigali tariki ya 24/09/2018.

Dore abakinnyi 5 bazaba bagize Team Rwanda:

Nsengimana Bosco
Uwizeyimana Bonaventure
Rugamba Janvier
Manizabayo Eric
Uwiduhaye


Grand Prix Chantal Biya izaba igizwe n'uduce dutanu:

Etape 1: Douala – Douala, 92 km
Etape 2: Yaounde-Nanga-Eboko, 152 km
Etape 3: Yaounde – Ebolowa, 151 km
Etape 4: Samgmelima – Meyomessala, 134 km
Etape 5: Sangmelima – Yaounde, 170 km

  • September 19th 2018 at 02:42

APR FC yaguze Evode wakiniraga AS Kigali, Ali Niyonzima ashobora kumukurikira

By Jean Luc IMFURAYACUJean Luc IMFURAYACU

APR FC ikomeje kwiyubaka mu rwego rwo kwitegura umwaka mushya w'imikino wa 2018/2019, aho izahagararira u Rwanda mu mikino nyafurika ku makipe yabaye a ya mbere iwayo, CAF Champions League izatangira mu mpera z'uyu mwaka.

Ntwari Evode wazamukiye mu ikipe ya AS Kigali akaba yasinye amasezerano y'imyaka 2 nk'uko byatangajwe n'urubuga rw'ikipe ya APR FC,akaba aje akurikira abakinnyi 9 bongerewe amasezerano mu mpera z'icyumweru gishize.

JPEG - 612.6 kb
Evode Ntwari yafashije cyane AS Kigali gusoza ku mwanya wa 2, yari amaze imyaka 4 muri AS Kigali

Uyu mukinnyi wo hagati wigaragaje cyane mu mwaka ushize w'imikino, akaba ari umusore ukina asatira izamu, ashobora gukina inyuma ya ba rutahizamu, akanakina aca ku mpande, yari mu bakinnyi bakinaga bihoraho mu ikipe ya As Kigali.

JPEG - 832.5 kb
Uyu musore ari mu bakinnyi beza bakiri bato, bakina hagati mu kibuga
JPEG - 2.6 Mb
Ali Niyonzima na we APR FC iri gukora ibishoboka byose ngo ibe yamwibikaho

Si uyu musore wenyine APR FC ishobora gukura muri AS Kigali, kuko ikomeje gukora ibishoboka byose ishaka uko yabona na Ally Niyonzima ukina muri iyi kipe y'umujyi wa Kigali, itaramenya akazoza kayo.

  • September 19th 2018 at 01:45

APR FC yongereye amasezerano abakinnyi 9

By Eric Tony UKURIKIYIMFURAEric Tony UKURIKIYIMFURA

Bamwe mu bakinnyi bari bamaze iminsi basoje amasezerano mu ikipe ya APR FC bamaze guhabwa amashya, aho kuri ubu iyi kipe yegukanye shampiyona y'umwaka ushize w'imikino ikomeje kwitegura umwaka mushya w'imikino 2018/19.

Nk'uko bitangazwa n'ubuyobozi bw'ikipe ya APR FC, mu bakinnyi icyenda bamaze kongererwa amasezerano harimo umunyezamu wa mbere Kimenyi Yves n'umunyezamu wa kabiri Ntalibi Steven.

Ba myugariro; Imanishimwe Emmanuel, Buregeya Prince na Songayingabo Shaffi na bo bahawe amasezerano kimwe n'abandi barimo Nshimiyimana Amran, Itangishaka Blaise na Byiringiro Lague.

Buteera Andrew wifuzwaga n'amakipe yo muri Tanzania arimo Azam FC na we ari mu bakinnyi bazaguma muri APR FC. Rutahizamu Issa Bigirimana wamaze kubabarirwa n'ikipe agasubira mu myitozo, ntabwo ari kuri uru rutonde rw'abongereye amasezerano.

Ubwo yasubiraga mu myitozo, Issa Bigirimana yari yahawe miliyoni 5 z'amafaranga y'u Rwanda kugira ngo abashe kongera amasezerano, gusa we akavuga ko ari make ugereranyije n'ayo andi makipe arimo Rayon Sports yamuhaga.

APR FC iheruka gukina umukino wa gicuti yanganyijemo na As Muhanga ku Cyumweru ibitego 2-2 kuri Stade ya Muhanga.

Iyi kipe izahagararira u Rwanda mu mikino ya CAF Champions League ya 2018/19 izatangira mu mezi abiri ari imbere.

  • September 19th 2018 at 01:09

Uko amakipe yatsindanye ku munsi wa mbere w'amatsinda ya UEFA Champions League

By Eric Tony UKURIKIYIMFURAEric Tony UKURIKIYIMFURA

Imikino y'amatsinda ya UEFA Champions League 2018/19 yatangiye kuri uyu wa Kabiri, hakina amakipe yo kuva mu itsinda rya mbere kugeza mu itsinda rya kane.


Uko batsindanye:

Itsinda A :

  • Club Brugge 0-1 Borussia Dortmund (DOR : Pulisic 85 min)
  • AS Monaco 1-2 Atlético de Madrid (MON : Grandsir 18 min / ATL : Costa 31 min, Gimenez 45+2 min)

Itsinda C:

  • Liverpool 3-2 Paris-Saint Germain (LIV : Sturridge 31 min, Milner (SP) 36 min, Firmino 92 min / PSG : Meunier 40 min, Mbappé 83 min).
  • RedStar Belgrade 0-0 Naples

Itsinda D :

  • Galatasaray 3-0 Lokomotiv Moscou (Gal : Rodrigues 9 min, Derdiyok 67 min, Inan (SP) 94 min)
  • Schalke 04 1-1 FC Porto (SCH : Embolo 64 min / POR : Otavio (SP) 75 min)

Itsinda B

  • FC Barcelone 4-0 PSV Eindhoven (FCB : Messi 32, 77 & 88 min, Dembélé 75 min)
  • Inter Milan 2-1 Tottenham (INT : Icardi 86 min, Vecino 92 min / TOT : Eriksen 53 min)
  • September 19th 2018 at 00:32

Muhire Kevin yakoze wenyine, Rayon Sports idafite Rutanga na Yannick ikomeje kwitegura Enyimba

By Eric Tony UKURIKIYIMFURAEric Tony UKURIKIYIMFURA

Ku munsi wa kabiri w'imyitozo itegura umukino wo kwishyura Rayon Sports izakirwamo na Enyimba FC muri Nigeria, iyi kipe yambara ubururu n'umweru ikomeje imyiteguro y'uyu mukino uzaba ku Cyumweru idafite abakinnyi barimo Rutanga Eric na Mukunzi Yannick.

Rutanga wabonye ikarita y'umuhondo ku mukino uheruka, azasiba umukino wo kwishyura bitewe n'amakarita abiri yujuje, kimwe na Mukunzi Yannick wari wamaze gusoza ibihano by'imikino yari yafatiwe na CAF kubera imirwano yabereye muri Algeria. Uyu mukinnyi wo hagati kuri ubu akaba yarerekeje muri Sweden gukora igeragezwa.

Rayon Sports ikomeje kwitegura umukino wo kwishyura izahuramo na Enyimba FCRayon Sports ikomeje kwitegura umukino wo kwishyura izahuramo na Enyimba FC

Irambona Eric ategerejweho gusimbura Rutanga nk'uko byagenze mu mukino wa USM Alger mu Barabu mu gihe mu kibuga hagati, umutoza Roberto ahafite ibisubizo birimo abakinnyi nka Donkor Prosper, Niyonzima Olivier ‘Sefu' na Mugisha François ‘Master'.

Mu gihe gisaga iminota 30 mu myitozo yo kuri uyu wa Kabiri yabereye mu Nzove, umukinnyi wo hagati ukina asatira izamu Muhire Kevin ntiyakoranye na bagenzi be, aho yakoranye n'umutoza Hakizimana Corneille mu myitozo ngororangingo myinshi.

Muhire Kevin yakoze wenyine igihe kinini kubera ikibazo yagize mu mukino ubanza/ Foto: InyarwandaMuhire Kevin yakoze wenyine igihe kinini kubera ikibazo yagize mu mukino ubanza/ Foto: Inyarwanda

Uyu mutoza yabwiye RuhagoYacu ko impamvu yo gukoresha uyu mukinnyi wenyine, ari uko yagize ikibazo ku kirenge mu mukino ubanza ku Cyumweru gishize, bityo imyitozo yakoze uyu munsi ikazamufasha mu mukino wo kwishyura.

Umutoza mukuru; Roberto Oliveira Goncalves do Carmo yizeye ko abakinnyi be hari byinshi bashoboka gukora imbere y'iyi kipe izaba ikinira iwayo, aho asanga uburyo bwinshi bwabonetse mu mukino ubanza, bishoboka gukora icyaburaga, igitego kikaboneka.

Rwatubyaye na Manzi Thierry bazayobora ubwugarizi bwa Rayon SportsRwatubyaye na Manzi Thierry bazayobora ubwugarizi bwa Rayon Sports
Yassin Mugume, Kassim na Sefu mu myitozoYassin Mugume, Kassim na Sefu mu myitozo
Umunyezamu Bashunga mu myitozo yo kuri uyu wa KabiriUmunyezamu Bashunga mu myitozo yo kuri uyu wa Kabiri

Rayon Sports izerekeza muri Nigeria mu gitondo cyo kuwa Kane. Ikipe izakomeza hagati y'izi zombi, muri ½ izahura n'izakomeza hagati ya CARA Brazzaville na Raja Casablanca.

  • September 18th 2018 at 16:52

Amakipe 4 agiye guhatanira gusimbura Intare FC mu cyiciro cya mbere

By Eric Tony UKURIKIYIMFURAEric Tony UKURIKIYIMFURA

Ishyirahamwe ry'Umupira w'Amaguru mu Rwanda ryemeje ko amakipe ane azakina imikino ya kamarampaka mu rwego rwo kwishakamo ikipe izasimbura Intare FC muri shampiyona y'icyiciro cya mbere mu Rwanda, Azam Rwanda Premier League.

Intare FC zari zatsindiye kuzamuka mu cyiciro cya mbere, ariko mu mpera z'ukwezi gushize, zitangaza ko zitakizamutse, biha amahirwe ikipe ya Gicumbi FC.

Nyuma yo kugarukwaho na benshi, aho nta ngingo ihamye yagaragazaga impamvu Gicumbi FC ariyo yaba iya mbere mu gusimbura Intare FC, Komite Nyobozi ya FERWAFA yateranye kuri uyu wa Mbere yemeje ko amakipe ane arimo Gicumbi FC na Miroplast zari mu cyiciro cya mbere mu mwaka ushize, Sorwathe FC na Pepiniere FC zasezerewe muri ½ cy'icyiciro cya kabiri ziahura mu mikino ya kamarampaka zikishakamo ikipe ijya mu cyiciro cya mbere.

Nk'uko tubikesha urubuga rwa Interineri rwa FERWAFA, itegeko ryakurikijwe ni irya 10 mu mategeko agenga amarushanwa, aho mu ngingo ya kane hagira hati:"Mu gihe umubare w'amakipe yo mu kiciro cya mbere bibaye ngombwa ko yongerwa, Komite Nyobozi ya FERWAFA izakoresha imikino izahuza amakipe abiri yamanutse mu kiciro
cya kabiri n'amakipe abiri yatsinzwe muri kimwe cya kabiri mu kiciro cya kabiri.

FERWAFA ivuga ko mu minsi iri imbere izatangaza uburyo amakipe azahura n'igihe imikino izabera.

  • September 18th 2018 at 14:42

Niteguye gutoza Gicumbi Fc kabone n'iyo yakina icyiciro cya 10 –Bekeni

By UWIRINGIYIMANA PeterUWIRINGIYIMANA Peter

Umutoza wa Gicumbi Fc, Bizimana Abdou bakunda kwita Bekeni yavuze ko ntakibazo atewe n'icyiciro ikipe atoza izakina kuko we yiteguye kuyitoza kabone n'iyo yakwisanga mu cyiciro cya 10 cyangwa ikisanga ikina amarushanwa y'imirenge.

Ibi Bekeni yabitangaje nyuma y'imyitozo ikipe ya Gicumbi Fc yitegura umwaka mushya w'imikino wa 2018-2019 yakoze kuri uyu wa Kabiri tariki 18 Nzeli, imyitozo yabereye kuri stade Amabati mu karere ka Gicumbi.

Uyu mutoza yabwiye itangazamakuru ko n'ubwo hataramenyekana icyiciro ikipe atoza izakina we yiteguye kuyitoza kandi ikitwara neza kuko ari nabyo abayobozi b'ikipe ya Gicumbi Fc bamusabye mbere yo kumuha amasezerano mashya y'imyaka ibiri.

Yagize ati: “Njye ndi umutoza wa Gicumbi Fc, yaba mu cyiciro cya 10 ndacyari umutoza wa Gicumbi. Gusa ikiriho cyo wenda umuntu yakwizera ni uko Gicumbi ifite amahirwe menshi yo gukina icyiciro cya mbere cyangwa ikazakina imikino ya kamarampaka.”

“Icyo nzi ni uko turimo kubaka ikipe ishobora gukina icyiciro cya mbere cyangwa se icyiciro cya kabiri. Ntakibazo kuko njyewe amasezerano namaze kuyasinya ndi muri Gicumbi, ijya mu cyiciro cya mbere cyangwa se mu cya kabiri ndimo, ijya mu mirenge ndimo.”

Uyu mugabo ukunda kuvuga amagambo asekeje mu itangazamakuru avuga ko kuri we yifuza gushyira Gicumbi Fc mu myanya myiza cyane cyane iya mbere kuko aribyo ubuyobozi bwa Gicumbi Fc bwamusabye gukora.

Bekeni ati: “Amasezrano mfite muri Gicumbi Fc ni ayo kuyigeza aheza nk'uko ariko bigomba kumera kuko umugabo mu bisanzwe umugabo agomba kugira imigabo n'imigambi agenderaho. Ni ukuvuga ngo ntabwo yakongera kuba mu rwego yari irimo umwaka washize. Umwanya nifuza kuyishyiraho rero ni umwanya mwiza utarenze uwa cumi muri uyu mwaka w'imikino.”

Imyitozo yo kuri uyu munsi yitabiriwe n'abakinnyi benshi bivanzemo abashya barimo batatu baturutse muri Ghana, abo mu bihugu nka Congo n'u Burundi ndetse n'abandi bakinnyi b'abanyarwanda nabo baje kugerageza amahirwe ya bo muri iyi kipe mu gihe uwitwa Gasongo na Olivier wari kapiteni wayo mu mwaka ushize bakiri mu biganiro n'iyi kipe ngo bagaruke mu myitozo.

Gicumbi Fc yamanutse muri D2 umwaka ushize yiteguye neza undi mwaka w'imikino ushobora kuba uw'amatekaGicumbi Fc yamanutse muri D2 umwaka ushize yiteguye neza undi mwaka w'imikino ushobora kuba uw'amateka

Kugeza ubu ikipe ya Gicumbi ifite amahirwe menshi yo gukina icyiciro cya mbere n'ubwo hataramenyekana umwanzuro wa nyuma wa FERWAFA kuri iki kibazo, ariko igishoboka ni uko iyi kipe yakina imikino ya kamarampaka aho hashobora gushyirwaho irushanwa rihuza amakipe abiri yageze mu mikino ya ½ cy'imikino y'icyiciro cya kabi umwaka ndetse n'andi abiri yamanutse mu kiciro cya kabi umwaika ushize.

  • September 18th 2018 at 14:01

ARPL: Play-off Ties to decide Intare FC's Replacement

By Mugabe

The Rwanda Football Federation (FERWAFA) Executive Committee Session of September 17, 2018 resolved to have play-off ties staged to determine the possible replacement of Intare Fc in the 2018/19 Azam Rwanda Premier League.

The Play-Off matches which will be staged in the upcoming days will pit four teams namely: Pepiniere FC, Gicumbi FC, Miroplast FC and Sorwathe FC respectively.

The Rwanda Football Federation will announce the fixtures, timing and venue of the play-off matches.

In July, Intare Fc alongside AS Muhanga reached the final of the national second division league to seal promotion to the top flight league. Intare FC also defeated AS Muhanga 2-1 in final match.

On August 30, 2018, Intare FC announced their withdrawal from Azam Rwanda Premier League.

The Executive Committee took the decision to have the play-off matches played to determined the eventual replacement based on article 10.4 of the competitions regulations which state that, “In case the number of teams in D1 is to be increased, the Executive Committee of FERWAFA shall organize play off matches between the teams relegated in the second division and the losers of the semi-final matches of the second division.

Based on that article too, Intare Fc will not be considered for promotion to the top flight league for the next two seasons, instead it's runner-up will be promoted.

Miroplast FC and Gicumbi FC were relegated 2017/2018 Azam Rwanda Premier League season while Sorwathe and Pepiniere were losing semi-finalists of the second division league.

The 2018/19 Azam Rwanda Premier League season will start next month.
Source: Ferwafa.rw

Rwandan Mutuyimana excels in CAF Young Referees' Course

By Mugabe

Rwandan FIFA/CAF Assistant Referee Mutuyimana Dieudonne was given a special recognition after excelling in the 2018 class of the CAF Young Referees' Course which climaxed at Sheraton Hotel in Kampala on Friday afternoon.

Mutuyimana who was among the 41 participants taking part in the five-day course excelled with good marks in theory and practical evaluations.

‘I'm very delighted to have passed as the best in the class. It was a good course which helped me and my colleagues to learn a lot in ways of improving our careers. We have learnt many new things and I believe they will be pivotal in helping me improve my performances on the field,” added Mutuyimana.

The participants underwent medical and physical tests before being involved in practical sessions.

The course was facilitated by CAF Instructors, An Yan Lim Kee Chong (Mauritius), Felix Tangawarima (Zimbabwe), Constance Catherine Adipo (Uganda), Cherifi Nasradine (Algeria), Pierre Alain Mounguengui (Gabon) and Eddy Maillet (Seychelles).

Mutuyimana became a FIFA Assistant Referee in 2007, three years after he started his refereeing career in Rwanda's first division league.

Last year, he officiated at last month's CAF U-17 Cecafa Qualifying tournament held in Dar es Salaam, Tanzania.

The 29 year-old referee, has also been appointed as the first assistant referee to handle next month's 2019 Africa Cup of Nations Qualifier between Egypt and Eswatini or formerly Swaziland. He will be assisting fellow Rwandan referees namely centre referee Louis Hakizimana, second assistant referee Honore Simba and fourth official Abdul Karim Twagirumukiza.

The participants included:
Referees:
Nabil Boukhalfa (Algeria), Ligali Adissa Abdoul Raphiou (Benin), Tirelo Mositwane (Botswana), Georges Gatogato (Burundi), Daurte Fabricio (Cape Verde), Bilal Abdallah Ismael (Djibouti), Mahrous Mahmoud A. H. Ahmed (Egypt), Mogos Teklu Tsegay (Eritrea), Atcho Pierre (Gabon), Huraywidah Abdulwahid (Libya), Dahane Beida (Mauritania), Ali Moussa Mohamed (Niger), Artan Omar Abdulkadir (Somalia), Christopher Harrison (South Africa), Haythem Guirat (Tunisia) Oloya William (Uganda)

Assistant Referees: Mutuyimana Dieudonne (Rwanda), Eric Aymavo Ayamr (Benin), Kitso Sibanda Madondo (Botswana), Habib Sanou Judicael Oumar (Burkina Faso), Herve Kakunze (Burundi), Brahim Ahmat Adam (Chad), Martin Mukala (DR Congo), Ditsoga Boris Marlaise (Gabon), Babajee Ram (Mauritius), Akerkad Mustapha (Morocco), , Dos Reis Montenegero Miro (Sao Tome and Prinicipe), Van Wyk Mervin John (South Africa), Soud Iddi Lila (Tanzania), Hassan Khalil (Tunisia), Isa Masembe (Uganda), Okello Dick (Uganda), Katenya Ronald (Uganda).

Female Referees: Atman Lamia (Algeria), Abebe Tsehaynesh (Ethiopia), Madu Ndidi Patience (Nigeria), Amara Hedia (Tunisia), Shamirah Nabadda (Uganda) Nantabo Lydia (Uganda).
Source: Ferwafa.rw

Rayon can eliminate Enyimba away from home, says Robertinho

By Mugabe

Rayon Sports head coach Roberto ‘Robertinho' Oliveira has warned Nigeria's Enyimba FC that nothing is decided yet and his men are able to get work done on foreign soil as the two sides prepare to face off in the return-leg of their Caf Confederation Cup's last eight tie.

The Brazilian's remarks come just a day after his side was held to a goalless draw by the former African champions in the first-leg at Kigali Stadium. Both sides are in the quarter-finals of the continent's second-tier club competition for the first time.

“It was a very difficult game. They played long balls while we maintained our ball possession football. Overall we were the better side, but their defense and goalie were solid. It's now time to go back to the drawing board and prepare for the return-leg,” Roberto said.

Following their goalless draw, it was left for all to be decided come September 23 at Enyimba International Fc Stadium in the second-leg. A scoring draw will see Rayon through to the semis.

“We will push to score goals and win the game, and we have proved we can score and win matches on foreign soil.”

“I have confidence in my players, and the coaching staff. We want to register further history and we will do all we can to achieve it. Thankfully we didn't concede on Sunday,” he added.

The Blues were inefficient in the attack with Kevin Muhire, Djabel Manishimwe, Bonfils Caleb Bimenyimana, and Eric Rutanga all squandering clear chances to break the deadlock.

“I would say my first three months could not be better, I have changed the club's football landscape and instilled a sense of responsibility, confidence and ownership in players. In football, change starts with attitude and because of that, other teams have started to fear and respect us,” the Brazilian explained.

With Burundian Bimenyimana leading the hunt for goals, Rayon had several chances to find the back of the net but Man-of-the-Match goalkeeper Theophilus Afelokhai was alert to thwart them.

Meanwhile, Enyimba coach, Usman Abdallah, said that a goalless draw away from home is not a bad result as they gear up to host the return-leg on Sunday.

“We gave it our best in the first-leg; otherwise, the result could have been worse. I would say we have advantage since we are hosting the decider but we can't afford to underrate Rayon Sports, we have seen what they are capable of,” Usman said.

In other first-leg fixtures of the quarter-finals, DR Congo's AS Vita Club edged closer to the last four after thumping Morocco's RSB Berkane 3-1 in Kinshasa; USM Alger lost 1-0 to El-Masry of Egypt in Cairo, while title favorites Raja Casablanca defeated CARA Brazzaville 1-0 in the Republic of Congo's capital.

Rayon Sports advanced to the quarter-finals along with USM Alger at the expense of Kenyan giants Gor Mahia and Tanzania's Young Africans.
[email protected]

Mutsinzi Ange yemeye kongera amasezerano muri Rayon Sports

By Eric Tony UKURIKIYIMFURAEric Tony UKURIKIYIMFURA

Myugariro wo hagati Mutsinzi Ange wifuzwaga n'amakipe atandukanye yaba hano mu Rwanda n'i Burayi agiye kongera amasezerano mu ikipe ya Rayon Sports amazemo imyaka ibiri kugeza ubu.

Mutsinzi Ange, umwe mu bakinnyi bakina inyuma beza kandi bakiri bato hano mu Rwanda, yasoje amasezerano yari afitanye n'iyi kipe ari gukinira muri CAF Confederation Cup ku mpera z'umwaka ushize w'imikino.

JPEG - 260.7 kb
Mutsinzi Ange (ibumoso) acungira hafi Osadiaye Joseph wa Enyimba FC mu mukino wabaye ku Cyumweru kuri Stade ya Kigali. /Foto: Ntare Julius

Ange wifuzwaga n'ikipe ya FK KEK (Klubi Futbollistik) yo muri Kosovondetse bikaba byaragiye bivugwa ko APR FC yamwegereye kugira ngo ayerekezemo, yamaze kwemera kongera amasezerano muri Rayon Sports ndetse arashyira umukino ku masezerano muri iki Cyumweru.

Uyu mukinnyi yemereye RuhagoYacu ko ibiganiro na Rayon Sports byagenze neza ndetse nta gihindutse ashyira umukino ku masezerano muri iki Cyumweru, mbere y'umukino wo kwishyura bazakina na Enyimba FC ku Cyumweru.

Mutsinzi Ange yagize ati:” Ntabwo ndasinya. Nta gihindutse ndasinya mbere y'umukino wa Enyimba FC.”

JPEG - 924.3 kb
Ange Mutsinzi ni umwe mu bafashije Rayon Sports kubona itike ya 1/4 aho yatsinze Yanga i Kigali 1-0

Mutsinzi Ange mu byishimo ubwo Rayon Sports yari imaze kubona itike ya 1/4 cya CAF Confederation Cup itsinze Yanga SC/ Foto: Ntare JuliusMutsinzi Ange mu byishimo ubwo Rayon Sports yari imaze kubona itike ya 1/4 cya CAF Confederation Cup itsinze Yanga SC/ Foto: Ntare Julius

Mutsinzi Ange w'imyaka 21 yakiniye United Stars yo mu Kabagari mu gihe cy'umwaka umwe, amenyekana cyane ari mu ikipe ya As Muhanga mu mwaka w'imikino 2015/16, aho yavuye yerekeza muri Rayon Sports amazemo imyaka ibiri.

Niyongera amasezerano, Mutsinzi azaba yiyongereye kuri Manishimwe Djabel, Bashunga Abouba na Irambona Eric bamaze guhabwa amasezerano mashya mu Bururu n'Umweru.

  • September 18th 2018 at 07:48

Icyo Haringingo avuga kuri Onesme n'abandi bakinnyi bashya Mukura yaguze

By Eric Tony UKURIKIYIMFURAEric Tony UKURIKIYIMFURA

Mukura Victory Sports yegukanye igikombe cy'Amahoro uyu mwaka, yatangiye kwitegura umwaka mushya w'imikino kuri uyu wa Mbere, aho iyi myitozo yitabiriwe n'abakinnyi 12 gusa.

Iyi kipe y'i Huye, izahagararira u Rwanda mu mikino ya CAF Confederation Cup y'umwaka utaha wa 2019, yakoreye imyitozo yayo kuri Stade ya Huye, idafite abakinnyi bari mu ikipe y'igihugu y'u Rwanda n'iy'u Burundi zakinaga imikino yo gushaka itike ya CAN 2019, bazatangira kuwa Kane ndetse na bamwe mu bakinnyi bashya iyi kipe yaguze.

Abajijwe ku bakinnyi bashya baguzwe n'iyi kipe barimo na Twizerimana Onesme wakiniraga APR FC, umutoza w'iyi kipe Haringingo Francis Christian yirinze kugira byinshi abitangazaho.

Haringingo yagize ati:” Ni ibintu nababwiye ko tuzababwira nyuma kuko sinababwira ibintu bitararangira. Ndizera ko tuzabona akanya ko kubiganiraho ejo cyangwa ejo bundi.”

Mu bandi bagaragaye mui iyi myitozo harimo Munyakazi Youssuf Lule wakinaga muri Musanze FC mu mwaka ushize w'imikino n'abandi bakinnye bavuye i Burundi. Umutoza avuga ko abakinnyi bazaguma mu ikipe ari abagaragaye mu myitozo, ariko hari n'abandi bazaza bavuye mu yandi makipe.

Yagize ati:” Abo tuzagumana ni bariya mwabonye, ariko nk'uko bigenda hari abakinnyi bashya bazaza bavuye mu yandi makipe atandukanye. Nzababwira nibirangira, ubu turacyashaka uko twakomeza kuba ikipe.”

Abandi bakinnyi bashya bagaragaye muri iyi myitozo harimo umunyezamu Ismail, abakinnyi babiri bakina hagati: Idi na Asouman ba LLBS4A na Vital'O, bose bavuye mu Burundi. Haringingo avuga ko ari abakinnyi beza yizeye ko bashobora kubafasha mu mikino Nyafurika bazakina mu mwaka utaha.

  • September 18th 2018 at 00:50

Ikipe ya Olivier na Kavalo ndetse niya Charlotte begukanye irushanwa rya Beachvolley 2018.

By Yvonne IradukundaYvonne Iradukunda

Ikipe igizwe na Ntagengwa Olivier ndetse na Akumuntu Kavalo Patrick mu bagabo ndetse n'ikipe ya Nzayisenga Charlotte na Hakizimana Judith mu bagore niyo makipe yegukanye irushanwa rya Volleyball yo kumucanga ya 2018.

Ni irushanwa ritegurwa n'ishyirahamwe ry'umukino wa volleyball mu Rwanda ryakinwe guhera kuwa Gatandatu tariki 15 Nzeri risozwa kuri iki cyumweru tariki 16 Nzeri 2018 ryakinirwaga mu karere ka Rubavu ku kiyaga cya Kivu.

Amakipe yose yari yitabiriye mu byiciro bigiye bitandukanye haba mu bana bakiri bato ,abasanzwe bakina shampiyona ndetse n'abakuze bahoze bakina volleyball haba mu bagabo ndetse no mu bagore.

Habanje gukinwa imiino yo mu majonjora amakipe agenda azamuka muri ¼ ari naho bakomeje bagera muri ½ kugeza bageze ku mikin ya nyuma.

Mu cyiciro cy'abakiri bato ikipe ya Munezero Valentine afatanyije na Kabatesi Judith begukanye igikombe batsinze ikipe ya Teta Zulfat na Muhoza Emerence ku mukino wa nyuma.

Mu basanzwe bakina shampiyona mu bagore ikipe ya Nzayisenga Charlotte na Hakizimana Judith basanzwe bakinana mu ikipe ya RRA VC begukanye irushanwa batsinze ikipe ya Uwimbabazi Lea &Irakoze Belyse ku mukino wa nyuma mu gihe mu bagabo ikipe ya Ntegangwa Olivier na Akumuntu Kavalo Patrick bo batsinze ikipe igizwe na Iradukunda Pacifique afatanyije na Muyuku Fleury.

JPEG - 102.5 kb
Charllotte na Judith bashyirizwa ibihembo na Gustave uyobora ishyirahamwe ry'umukino wa volleyball mu karere ka 5
JPEG - 94.2 kb
Ntagengwa Olivier na Akumuntu Kavalo Patrick bashyikirizaw ibahasha irimo 150.000 by'amafranga y'u Rwanda

Mu bakanyujjeho ikipe ya Nyirimana Fidele na Kansiime Julius yongeye kwisubiza igikombe itsinze ikipe ya Lt. Col. Rugambwa Patrice na Mihigo Albert mu gihe mu bagore ikipe ya Ndasaba Dorcas na Mukamurenzi Providence yatsinze Kubwimana Gerturde na Bitukuze Scholastique.

Mu gusoza iri rushanwa perezida w'ishyirahamwe ry'umukino wa volleyball mu Rwanda (FRVB) Karekezi Leandre avuga ko bishimira uko irushanwa ryagenze ko kandi bagiye gushyiraho uburyo bwo kongera amarushanwa aho buri kwezi hazajya habaho irushanwa rya volleyball ikinirwa ku mucanga.

Yagize ati “Irushanwa ryaritabiriwe ryitabirwa n'amakipe menshi kandi biragaragara ko hari harimo guhangana gukomeye hagati y'amakipe nubwo amakipe yegukanye ibikombe umwaka ushize amenshi yongeye kubyisubiza biragaragara ko habayeho guhangana bahatanira igikombe, ni ikintu rero gishimishije tukaba twishimira uko amakipe yitabiriye nuko abakinnyi bitwaye bagaragaza guhangana, turabona rero hari icyizere tuzakomeza kwitwara neza muri uyu mukino wa Beachbolleyball aho u Rwanda runahagaze neza muri Afurika.”

Birasaba ko twongera amarushanwa tukagira menshi kuko mu bihe bitambutse twagiye tugira amarushanwa menshi wasangaga dufite irushanwa rimwe mu mwaka cyangwa se abiri ubu rero turashaka ko buri kwezi nibikunda nkuko twabipanze tuzajya dushakamo impera z'icyumweru duharira Volleyball yo ku mucanga kugirango bikomez kudufasha kwitwara neza.” Karekezi uyobora FRVB

Ni mu gihe kandi u Rwanda rukomeje n'imyiteguro yo kuzakira igikombe cy'isi cya beachvolley kizaba umwaka utaha wa 2019.

Uko ibihembo byatanzwe:

Abasanzwe bakina shampiyona

Abahungu

  1. Ntegangwa Olivier & Akumuntu Kavalo Patrick (150000 FRW)
  2. Iradukunda Pacifique & Muyuku Fleury(100000 FRW)
  3. Dusabimana Vincent & Ndagijimana Uziel Masizo (80000 FRW)

Abakobwa

  1. Nzayisenga Charlotte &Hakizimana Judith(150.000 FRW)
  2. Uwimbabazi Lea &Irakoze Belyse (100.000 FRW)
  3. Mukandayisenga Benitha & Musanabageni Claudine(80.000 FRW)

Abakiri bato

Abakobwa

  1. Munezero Valentine & Kabatesi Judith(90.000 FRW)
  2. Teta Zulfat & Muhoza Emerence(70.000 FRW)
  3. Musabyimana Peneloppe & Nice (50.000 FRW)

Abahungu

Muhire & Danny(90.000 FRW)
Muhamoud &Protais(70.000 FRW)

Abakanyujijeho

Abagabo

  1. Nyirimana Fidele & Kansiime Julius(80.000 FRW)
  2. Lt Col Rugambwa Patrice &Mihigo Albert(60.000 FRW)
  3. Gahima Ismail & Valentin(40.000 FRW)

Abagore

  1. Ndasaba Dorcas &Mukamurenzi Providence(80.000 FRW)
  2. Kubwimana Gerturde & Bitukuze Scholastique(60.000 FRW)
  3. Kabila Marie Chantal & Mwiseneza Nadine(40.000 FRW)
JPEG - 103 kb
ikipe igizwe na Teta Zulfat afatanyije na Muhoza Emerence begukanye umwanya wa 2 mu bakiri bato
JPEG - 100.1 kb
Uwimbabazi Lea &Irakoze Belyse begukanye umwanya wa 2 mu basanzwe bakina shampiyona nyuma yo gutsindwa n'ikipe ya Charlotte ku mukino wa nyuma
JPEG - 93.9 kb
Nyirimana Fidele & Kansiime Julius begukanye umwanya wa mbere mu basheshakanguhee

JPEG - 95.6 kb
Iradukunda Pacifique & Muyuku Fleury begukanye umwanya wa kabir mu bagabo basanzwe bakina shampiyona
JPEG - 87.5 kb
Ikipe ya Ntagengwa Olivier na Kavalo Patrick begukaye iri rushanwa ku nshuro ya kane bikurikiranya
JPEG - 72.9 kb
Irakoze Belyse asanzwe akainira ikipe ya Ruhango VC

JPEG - 80.8 kb
Uwimbabazi Lea(Wicaye iburyo) usanzwe akinira Ruhango VC umwaka utaha w'imikino azaba abarizwa mu ikipe ya UTB y'abagore
JPEG - 98.4 kb
Munezero Valentine & Kabatesi Judith (Bambaye umuhondo) nyuma y'umukino wa nyuma batsinzemo Teta Zulfat & Muhoza Emerence



JPEG - 100.6 kb
Nyirimana Fidele na Kansiime Julius (Nambaye Urucaca )bongeye kwisubiza igikombe itsinze ikipe ya Lt. Col. Rugambwa Patrice na Mihigo Albert

AMAFOTO:Uwihanganye Hardi

  • September 17th 2018 at 03:38

FIBAWC: U Rwanda rwasoje imikino ibanza yo gushaka itike y'igikombe cy'isi rudatsinze

By Yvonne IradukundaYvonne Iradukunda

Nyuma yo gutsindwa imikino itatu yose, ikipe nkuru y'igihugu ya Basketball yakinnye mu mikino ibanza y'ijonjora rya kabiri ryo gushaka itike y'igikombe cy'isi kizaba umwaka utaha, yarangiye u Rwanda rutabonye instinzi n'imwe.

Ni imikino ibanza yakinirwaga mu gihugu cya Nigeria yanasize ikipe y'igihugu ya Nigeria kuri ubu yo yamaze kubona itike y'igikombe cy'isi cya 2019 kizabera mu Bushinwa.

U Rwanda rwatangiye rutsindwa umukino wa mbere n'ikipe y'igihugu ya Senegal amanota 94-89 ruza kongera gutsindwa n'ikipe y'igihugu ya Cote d'Ivoire mu mukino wa kabiri amanota 71-53 mbere yuko rusoza imikino rutsindwa na Central Afrique amanota 68-61.

Ikipe y'igihugu ya Nigeria n'ikipe y'igihugu ya Tunisia niyo makipe ya mbere yamaze kubona itike y'igikombere cy'isi nyuma yo gusoza imikino ibanza badatsinzwe na rimwe aho muri Afurika hasigaye imyanya itatu yo guhatanirwa kugira ngo amakipe atanu yuzure azahagararira Afurika mu gikombe cy'isi.

JPEG - 139.1 kb
Nigeria yamaze guhabwa ikaze mu Bushinwa

Uko amakipe yasoje imikino ibanza akurikiranye mu itsinda F:

  1. Nigeria amanota :18
  2. Senegal amanota: 16
  3. Central Afrique amanota:13
  4. Cote d'Ivoire amanota :13
  5. Rwanda amanota :12
  6. Mali amanota :12
  • September 17th 2018 at 03:36

U Rwanda rwatsinzwe na Misiri rubura itike y'igikombe cy'Isi

By Yvonne IradukundaYvonne Iradukunda

Ikipe y'igihugu y'u Rwanda y'abatarengeje imyaka 21 mu mukino wa Volleyball kuri iki cyumweru tariki 16 Nzeri 2018 batsinzwe n'ikipe y'igihugu ya Misiri muri ½ mu mikino y'igikombe cya Afurika cy'abatarengeje imyaka 21 ikomeje kubera mu gihugu cya Nigeria.

Ni umukino u Rwanda rwatsinzwemo amaseti 3-0 (25-18,25-16 na 25-22).

Kuwa kabiri tariki 18 Nzeri 2018 ingimbi z' u Rwanda n'umutoza wazo Paul Bitok bazakina n'ikipe y'igihugu ya Morocco mu guhatanira umwanya wa Gatatu mu gihe umukino wa nyuma uzahuza ikipe ya Misiri na Tunisia.

Misiri na Tunisia nizo zizahagararira umugabane wa Afurika mu mikino y'igikombe cy'isi cy'abatarengej imyaka 21 kibaza umwaka utaha.

  • September 17th 2018 at 03:30
❌