WebRwanda.com

🔒
❌
There are new available articles, click to refresh the page.
Today — November 16th 2018Bwiza.com

Kamonyi/Kayenzi: Kutagira umuhanda mwiza bishyira mu bwigunge abatuye akagari ka Cubi

By uwambayinema Marie Jeanne

Abaturage bo mu kagari ka Cubi gakungahaye ku mabuye y’agaciro, ubuhinzi cyane cyane ubw’inanasi, bavuga ko kuba batagira umuhanda mwiza, bibabangamira guhahirana n’abandi bo mu tundi duce baturanye natwo. Akagari ka Cubi kari mu murenge wa Kayenzi,mu karere ka Kamonyi,  ni akagari gakora ku rugabano rw’akarere ka Kamonyi, aka Muhanga ndetse na Gakenke, ni agace kagizwe n’imisozi miremire bamwe mu bahatuye bavuga ko kuba badafite ibikorwaremezo byiganjemo imihanda, ikigo nderabuzima amashanyarazi ndetse n’amazi meza bituma abahatuye baguma mu bwigunge. Karekezi Innocent umwe mu bahatuye avuga ko mu byo bifuza byashyirwa mu ngengo y’imari babakorera umuhanda bamaze igihe basaba ko wakorwa kuko  utuma badashobora kugeza umusaruro wabo ku isoko bagahendwa n’abaza kubagurira mu milima yabo. Yagize ati «tweza inanasi cyane ,amashu ndetse n’intoryi nta modoka wabona yaza hano kutugurira kubera umuhanda mubi kandi cyane , kuva hano ujya mu isoko rya Kayenzi bisaba gutega moto ukayishyura 1500 ibaze kwicara kuri moto n’umutwaro ibi bituma abamamyi baza bakaduhenda bakajya kwiyungukira, niba inanasi yari kugura 400 akaguha 200 tukayemera kuko nta kundi twabigenza aho kudupfiraho duhitamo kubitanga kuri macye.» Harambineza Alphonse nawe uhatuye avuga ko kuri uku kutagira umuhanda bituma n’abahuye n’ikibazo cy’uburwayi bibagora kugera ku kigo nderabuzima cya Kayenzi kuko bisaba gutega moto ibintu avuga ko bibangamira n’abarwayi. ati« umugore utwite agafatwa n’inda, ni uguhamagara moto, urumva nawe kugenda kuri moto muri uyu muhanda ugiye kwa muganga ugerayo warushijeho kuremba ,uyu muhanda ukozwe nibura hano hari abakire bahatuye n’abahavuka bashyiramo taxi zikajya zitujyana i kayenzi ku buryo bworoshye.» Umuyobozi wungirije w’akarere ka Kamonyi ushinzwe ubukungu n’iterambere ry’aka karere, Tuyizere Thadée nawe yemeza ko koko aka gace kari  gacyeneye ibikorwaremezo ariko ngo babanje kujyanayo umuriro w’amashanyarazi n’amazi meza nyuma y’ibi hasigaye kubakorera umuhanda ndetse hakazarebwa uko banakubakirwa ikigo nderabuzima ngo biborohereze kwivuza. Yagize ati«  koko umuhanda ujya muri kariya gace ni mubi kandi ni agace kera cyane ,tuzawushyira mu ngengo y’imari amafaranga naboneka ukorwe kugira ngo babone n’uko bageza umusaruro wabo ku isoko ndetse banahahirane n’abaturutse ahandi , ariko na none bakeneye ikigo nderabuzima kugira ngo boroherezwe kubona serivise z’ubuzima biragaragara ko ikigo nderabuzima cya Kayenzi kibari kure ,ibi byose tuzabishyira mu ngengo y’imari gusa na none ibikorwaremezo nk’ibi bikorwa hagendewe ku bikenewe cyane kurusha ibindi .» Akagari ka Cubi gakora kuri Nyabarongo igabanya Kamonyi na Gakenke naho kagabanywa n’umugezi wa Bakokwe ku gice cy’akarere ka Muhanga ahahoze hitwa i Nyabikenke , abahatuye bavuga ko kubera umuhanda mubi hari ubwo imodoka zitwaye imyaka zivuye mu isoko rya Rucyeri mu karere ka Muhanga  zihakorera impanuka bibaza impamvu akarere ka Muhanga ko kakoze igice cyako kibahuza na cubi nyamara Kamonyi yo ikaba itarabakorera uyu muhanda uva aho kuri Bakokwe- Kayenzi centre). Ni ibintu bavuga ko bamaze imyaka 8 bizezwa ikorwa ry’uyu muhanda n’abaza kubasaba amajwi nyamara bamara kubatora ntihagire igikorwa. Uwambayinema Marie Jeanne/Bwiza.com  

The post Kamonyi/Kayenzi: Kutagira umuhanda mwiza bishyira mu bwigunge abatuye akagari ka Cubi appeared first on bwiza.com.

Rusizi: Haravugwa ihungabana ry’ubukungu mu murenge wa Mururu

By sylvestre bahuwiyongera

Abagize njyanama y’umurenge wa Mururu mu karere ka Rusizi bavuga ko  hashize igihe uyu murenge uhanganye n’ihungabana ry’ubukungu rishingiye ku bucuruzi kuva aho aka karere  gafatiye umwanzuro wo gusubiza mu mujyi rwagati bimwe mu bicuruzwa byacururizwaga ku mupaka wa Rusizi ya mbere muri uyu murenge. Bamwe muri aba bacuruzi bafashe ibicuruzwa byabo babijyana ku mupaka wa Rusizi ya mbere hafi y’abakiriya babo b’imena baturuka muri Congo ngo babihafatire, bituma ubuzima mu mujyi rwagati wa Rusizi busa n’ubuhagaze kuko abasigayeyo bacuruza ibisa n’ibyajyanwe hafi y’uyu mupaka batongeye kubonera abakiliya. Bagaragariza akarere ko bakora bahomba, aho gukemura icyo kibazo icyo gihe ahubwo ubuyobozi  bwariho bushishikariza abashoramari kuhubaka inyubako zigezweho z’ubucuruzi. Uko iminsi ihita byaje kugaragara ko ari ikibazo ku bacururiza mu mujyi rwagati  banabyinubira, ari na ko abashishikarijwe kubaka inyubako zigezweho z’ubucuruzi kuri uyu mupaka bazuzuza bizeye kuzungukamo, ubuyobozi busaba abacuruza ibikomoka kuri palasitike bose kubisubiza mu mujyi rwagati, hafi y’umupaka hagasigara ibiribwa gusa, ibintu bitashimishije na gato abari bahujuje izi nyubako. Umunyamabanga nshingwabikorwa w’uyu murenge, Ingabire Joyeux, aganira na Bwiza.com, yavuze ko  uretse gutanga umusoro mwinshi winjiraga mu karere hakagira n’igisigara mu murenge, aba bagiye gucururiza i Bukavu ngo bari n’abafatanyabikorwa b’umurenge  mu buryo butandukanye, kuba umurenge utamenya imikorere yabo n’icyo bawumariraga kikaba cyaragabanutse. Yagize ati’’muri rusange isoko ntirihagaze neza. Abacuruzi benshi bigiriye gukorera muri Congo, inzu nyinshi z’ubucuruzi zisigarira aho kandi zarishyuraga umusoro ku bukode, imisoro yinjiraga iragabanuka  cyane, n’ibindi byinshi byahungabanije ubukungu bwacu,tugasaba akarere ko hagira igikorwa ngo hagire abagaruka iki cyuho gikomeje kugaragara kizibwe. Iki kibazo cyongeye kugaragara nk’igihangayikishije ubwo  njyanama y’uyu murenge yateranaga na yo igasanga isoko ryo ku mupaka wa Rusizi ya mbere n’iryo kuri Rusizi ya 2 yakorerwagaho ubucuruzi bwambukiranya imipaka bahahirana n’abanyecongo ubu asa n’ayasenyutse. Umwaka ushize umurenge ukaba waragombaga kwinjiza Miliyoni 150 aturuka ku misoro hakinjira atagera no kuri miliyoni 70, bivuze ko havuyeho ahita ajya mu karere umurenge wabaye nk’usigarana ubusa. umuyobozi wa Njyanama Nsengiyumva Christophe, ati’’ ni kibazo gikomeye cyane. Twabiganiriye muri njyanama dusanga dukwiye gusaba akarere kakadufasha  gushaka icyakorwa byihutirwa kuko hari byinshi byagombaga gukorwa n’umurenge bidindira kubera  kutagira icyo twinjiza,abubatse inzu z’ubucuruzi na bo bakaba bakomeje kwibza uko bazishyura inguzanyo ku nyubako bubatse zidakorerwa mo kandi bari babishishikarijwe.’’ Iki kibazo cyanatuwe Minisitiri w’ubutegetsei bw’igihugu, Prof. Shyaka Anastase mu ruziduko aherutse kugirira muri aka karere, asaba akarere gusuzumana ubushishozi icyakorwa, abaturage bakavuga ko ubwo yanagizwe imboni y’aka karere hari ikizagikorwaho.  

The post Rusizi: Haravugwa ihungabana ry’ubukungu mu murenge wa Mururu appeared first on bwiza.com.

Abashaka guhungabanya umutekano w’u Rwanda bararota ntibazazikabya-IGP Munyuza

By NTWALI John Williams

Umuyobozi Mukuru wa Polisi y’u Rwanda, IGP Dan Munyuza, aributsa buri muturarwanda wese ko Polisi y’u Rwanda iri maso ku kubungabunga mu buryo bwose bukenewe umutekano w’Abanyarwanda kandi ko n’abashaka kuwuhungabanya barimo kurota. Ibi IGP  Dan Munyuza yabivugiye mu kiganiro Polisi y’igihugu yagiranye n’abanyamakuru kuri uyu wa 16 Ugushyingo 2018, ikiganiro cyabereye ku cyicaro gikuru cya Polisi y’u Rwanda. Nicyo kiganiro cya mbere agiranye n’abanyamakuru kuva yazamurwa mu ntera, akagirwa Umuyobozi mukuru wa Polisi y’igihugu. Umuyobozi wa Polisi yavuze ko Polisi ikomeje gushyira imbaraga mu kurwanya ibiyobyabwenge, kurwanya ibyaha bikoreshwa ikoranabuhanga (cyber security), kandi ko bakomeje kubungabunga umutekano wo mu muhanda. Avuga ku bijyanye n’amahoro n’umutekano IGP Dan Munyuza yagize ati : “Haracyariho abarota ko bazahungabanya umutekano w’u Rwanda, ariko izo ni inzozi nyine, ntibazigera bazikabya, kuko tuwukomeyeho”. IGP Dan Munyuza yasabye abanyamakuru kugira uruhare mu kwigisha abaturarwanda, bakarushaho gusobanukirwa ibituma birinda gukora ibyaha. Yagize ati : “Ibyo mwandika turabikurikirana, muduha amakuru, biradufasha, iyo mudufashije kumenya n’abapolisi bakoze amakosa turabakosora bikarushaho kumera neza” Mu ijambo ry’Umuyobozi w’Urwego rw’Abanyakuru bigenzura RMC, Cléophas Barore yasabye ko hatabaho gukimbirana uko ariko kose hagati y’inzego zombie, abannyamakuru n’abapolisi, aho yatanze urugero ku makimbirane ajya avuka habaye ifatwa ry’amafoto. Cleophas Barore yashimiye Polisi y’u Rwanda imikoranire myiza ifitanye n’Itangazamakuru, asaba ko ikomeza ityo. Umuyobozi wa RMC yakebuye abanyamakuru bakora amakosa aho kuyasobanura bakihutira kuzamura ikarita, abasaba kubicikaho, bakitwara neza.

The post Abashaka guhungabanya umutekano w’u Rwanda bararota ntibazazikabya-IGP Munyuza appeared first on bwiza.com.

Zimbabwe: Abasaga 40 bahiriye muri bus bikekwa ko yatwitswe na gaz

By Nsengiyumva Denis

Byibuze abagenzi 42 nibo bimaze kwemezwa ko baguye mu mpanuka ya bus nyuma y’aho ikigega cya gaz gishwanyukiyemo nk’uko byatangajwe n’Igipolisi cya Zimbabwe cyanashyize ahagaragara amafoto y’iyo bus yahiye igakongoka. Iyi mpanuka yabaye mu masaha y’umugoroba kuri uyu wa Kane, itariki 15 Ugushyingo, yabereye mu Karere ka Gwanda, mu birometero nka 550 mu majyepfo ya Harare, umurwa mukuru wa Zimbabwe. “Kugeza ubu tuzi ko abasaga 42 bapfuye,” uyu ni umuvugizi w’igipolisi, Charity Charamba avugana na AFP nyuma y’iyo mpanuka, aho itangazamakuru rya leta rivuga ko ikigega cya gaz yaturikije iyi bus cyari icy’umwe mu bagenzi bari muri iyi bus. Usibye abavugwa babaruwe bapfuye, abandi benshi nabo bakomerekejwe bikomeye n’ubushye. Uyu muvugizi w’igipolisi akaba yatangarije Ibiro Ntaramakuru by’Abanyamerika, AP, ko byibuze abantu 20 ari bo bahiye, harimo abahiye bikabije.  

The post Zimbabwe: Abasaga 40 bahiriye muri bus bikekwa ko yatwitswe na gaz appeared first on bwiza.com.

Hashyizweho itsinda rihuriweho rigiye gushakisha abakoze jenoside batarafatwa

By Nsengiyumva Denis

Hashinzwe itsinda rihuriweho n’ibiro by’umushinjacyaha w’urukiko rwashinzwe kurangiza imanza zitarangijwe n’Urukiko Mpuzamahanga Mpanabyaha rwa Arusha, ndetse n’abakora mu nzego zitandukanye z’ubutabera z’u Rwanda bazakorera hamwe mu gushakisha abantu bashinjwa kugira uruhare muri Jenoside yakorewe Abatutsi mu 1994 batarafatwa barimo umunyemari Felicien Kabuga. Uyu mwanzuro wafatiwe mu nama yahuje uru rwego rw’Umuryango w’Abibumbye n’inzego zishinzwe ubutabera n’umutekano mu Rwanda. Serge Brammertz, uhagarariye ibiro by’umushinjacyaha mukuru w’urukiko rwasimbuye TPIR yavuze ko mu bari ku isonga bashakishwa barimo Felicien Kabuga, Major Protais Mpiranya wayoboraga umutwe wari ushinzwe kurinda umukuru w’igihugu na Augustin Bizimana wari minisitiri w’ingabo. Uyu muyobozi yasobanuye ko abagize iri tsinda bagennye umuntu uzajya uba yiteguye kugenzura mu buryo bwihuse amakuru y’ingenzi ku bijyanye n’imanza zarangiye, no kugenzura amakuru ku bijyanye n’abagishakishwa. Yongeraho ko hari akarusho mu gufatanya n’inzego z’u Rwanda. Ati: “Ku ruhande rw’ubutabera mpuzamahanga, ni ukuvuga Umuryango w’Abibumbye, turacyafite abantu 8 bagishakishwa. Nta gihombo rero dufite mu gukorera hamwe kandi umusaruro waruta uwo dufite uyu munsi. Birumvikana ntibyoroshye buri munsi ariko biragaragara neza ko kugera ku makuru no kuyahanahana ari ingenzi cyane ku nzego zitandukanye zahuye uyu munsi.” Ku ruhande rw’u Rwanda, baremeza ko iri huriro rije koroshya imirimo yakorwaga na buri rwego, aho bemeza ko gufatanya bizatuma abakekwaho gukora jenoside bahungiye mu mahanga bafatwa mu buryo bwihuse. Ntete Marius, umugenzuzi mukuru mu bushinjacyaha bukuru bw’u Rwanda yagize ati: “Tugakorana ku buryo ufite amakuru ayahereza undi, noneho mu buryo bworoshye tukaba twabasha kumenya aba bantu baherereye hehe? Ese ni iki cyakorwa kugirango bafatwe? Ese ni iki cyakorwa kugirango nibamara gufatwa baze baburanishwe, haba mu nkiko z’u Rwanda, cyangwa se na mechanism, cyangwa se, habe n’uburyo kuko burya, amasezerano mpuzamhanga ku bijyanye no kwirinda no gukurikirana abakoze jenoside, ateganya inshingano y’uko buri gihugu..niba gifite abantu bakoze jenoside kibohereza bajye kuburanishwa, cyangwa se ubwacyo kibaburanishe.” Bwana Ntete yasobanuye ko iri huriro rizajya rihura kenshi mu gushakisha ko intego yaryo yagerwaho nta nkomyi kandi mu buryo bwihuse. Urukiko Mpuzamahanga Mpanabyaha rwashyiriweho u Rwanda rwavugaga ko rwasize abantu umunani batarafatwa, gusa urwego rushinzwe gukurikirana abakekwaho gukora ibyaha bagahungira mu mahanga, ishami ryarwo rikorera mu bushinjacyaha bukuru bw’u Rwanda rwo ruvuga ko rubarura abasaga 500 bakekwaho uruhare muri jenoside bahungiye mu bihugu byo hanze. Uru rwego ni ubwa mbere rugiyeho, ariko Ntete Marius agasanga nubwo ruje rutinze hari byinshi ruzafasha. Iri tsinda rikaba rigizwe n’inzego zigera ku munani zirimo ibiro by’umushinjacyaha w’urukiko rwasimbuye TPIR, uhagarariye ubushinjacyaha bukuru bw’igihugu, urwego rw’ubugenzacyaha, RIB, ubushinjacyaha bwa gisirikare, uhagarariye polisi, minisiteri y’ubutabera n’uhagarariye Komisiyo y’Igihugu yo Kurwanya Jenoside, CNLG, ari nayo ibitse inyandiko zose zakoreshejwe mu nkiko gacaca.

The post Hashyizweho itsinda rihuriweho rigiye gushakisha abakoze jenoside batarafatwa appeared first on bwiza.com.

P. Diddy yapfushije nyina w’abana be batatu

By Nsengiyumva Denis

Umunyamideri akaba n’umukinnyi wa cinema, Kim Porter wakundanye n’Umuraperi P.Diddy kuva mu 1994 kugeza mu 2007 ndetse bakabyarana abana batatu barimo impanga, yitabye Imana kuri uyu wa Kane, itariki 15 Ugushyingo afite imyaka 47 y’amavuko. CNN ivuga ko Kim Porter yasanzwe mu rugo iwe yapfuye kuri uyu wa Kane mu gitondo nk’uko byatangajwe n’abashinzwe gukora ibizamini byo kwa muganga muri Los Angeles, gusa nta makuru arambuye y’impamvu y’urupfu rwe yashyizwe ahagaragara. Kim Porter yari yarabyaranye na P. Diddy abana batatu barimo impanga z’abakobwa, Jessie James na D’Lila bafite imyaka 11 ndetse n’umuhungu witwa Christian ufite imyaka 20. Ibyamamare byo muri Leta Zunze Ubumwe za Amerika bitandukanye  birimo Rihanna, 50Cent, Missy Elliot byababajwe bikomeye n’urupfu rwa Kim maze byifashisha imbuga nkoranyambaga mu kumusezera. Rihanna yagize ati: “Twabuze uwa nyawe uyu munsi, umwiza imbere n’inyuma. Benshi bazakorwaho n’ibi, bamwe ndetse ntibazamenya n’impamvu”. Mu minsi mikeya ishize, Kim Porter yari aherutse kwandika kuri instagram ye ashimira P Diddy impano iruta izindi yamuhaye ari yo abana babyaranye.

The post P. Diddy yapfushije nyina w’abana be batatu appeared first on bwiza.com.

Espagne ikeneye ko  u Bwongereza na Croatia binganya kugirango irangize mu itsinda ari iya mbere

By Nsengiyumva Denis

Ikipe y’igihugu y’umupira w’amaguru ya Espagne  yatakaje umukino  yakiriwemo na  Crotia , itsindwa ibitego 3:2  mu mukino wishiraniro wabereye mu murwa mukuru Zagreb kuri  Maksimir Stadium imbere y’ imbaga y’abasaga 35000 bya Abanya-Crotia. Ibitego ku mpande zombi byatsinzwe na Andrej Kramaric wa  Crotia watsinze igitego cya 1 ku munota wa 54, naho Isco wa Espagne azamukana umupira ku munota wa 56  awuheraza Daniell Ceballos atsinda igitego cyo kunganya. Nyuma y’iminota  13 Tin Jedvaj yashyizemo igitego cye cya mbere muri uyu mukino cyikaba icya 2 cya Crotia , ku munota wa 74 Espagne  yabonye penality myugariro wa Real Madrid, Sergio Ramos ayitera neza iba igize igitego cya 2 . Ku munota wa 90 Tin Jedvaj yatsinze igitego cye cya 2 cyikaba icya 3 cya Crotia  cyakuye Espagne mu mu mukino. Ni umukino wabonetsemo amakarita  4, y’imihondo 2 ku mpande zombi, Ante Rebic ku munota wa 70  no ku munota wa  88 Ivan Perisic ba Crotia, ku munota wa 88 Daniel Ceballos no ku munota wa 90 Sergio Busquets ba Espagne. Nyuma y’uko ikipe ya Espagne yitwaye nabi muri uyu mukino irasabwa ko Crotia yanganya n’u Bwongereza kugirango ibashe kuzamuka iyoboye  itsinda rya 4 mu irushanwa International – UEFA Nations League A. Uko Amakipe ahagaze mu itsinda rya 4   UMWANYA AMAKIPE AMANOTA IBITEGO IZIGAMYE 1 Spain 6 4 2 England 4 3 3 Croatia 4 3   Paul Mugabe

The post Espagne ikeneye ko  u Bwongereza na Croatia binganya kugirango irangize mu itsinda ari iya mbere appeared first on bwiza.com.

Kayonza: Abarimu ba G.S. Gikaya bateye inkunga umukecuru ufite ubumuga

By Nsengiyumva Denis

Kuri uyu wa kane, tariki ya 15 Ugushyingo, abarimu  bigisha mu Rwuge rw’Amashuri rwa Gikaya(G.S Gikaya) bafatanyije n’ubuyobozi bw’ishuri bashoje umwaka w’amashuri 2018 bagenera imfashanyo igizwe y’ibiribwa bifite agaciro k’amafaranga ibihumbi 40 umukecuru uri mu kigero cy’imyaka 78 banamwemerera kumusanira inzu yenda kumugwira . Uwo mukecuru witwa Barakundwa Costasie  atuye muri metero 35 uvuye aho iryo shuri ryubatse mu Mudugudu wa Kinkoronko mu Kagari ka Gikara mu Murenge wa Nyamirama . Aganira na Bwiza.com mu magambo macye kuko yagaragaraga nk’uwufite intege nke  yavuze ko yishimye  ariko byaba byiza kurushaho afashijwe akubakirwa inzu  kuko iyo abamo yenda kumugwira. Yagize ati: “Ndishimye kubera ko baje kunsura kandi bakanamfasha ,bagize neza kuko bampaye ibyo kurya , kandi ndabashimiye, niba hari ubufasha bwaboneka ababishobora bamfasha kuko iyi nzu nayo irenda gusenyuka ,uwayikora yaba akoze cyane.” Umwarimu witwa Rogers wigisha ku Rwuge rw’Amashuri rwitiriwe Mutagatifu Bernadette , G.S. Gikaya yemeza ko biyemeje gutanga umusanzu wabo wo gufasha abaturiye ishuri bigishaho kugira ubuzima bwiza. Yagize ati: “Tubifashijwemo n’ubuyobozi bwacu  twiyemeje kujya dukora n’ibikorwa byo gufasha abaturiye ishuri kugira ubuzima bwiza kuko abaturiye ishuri n’abaturanyi bacu bitewe nuko ahanini amasaha menshi tuyamara ku ishuri ntabwo twaturana n’abantu bafite ibibazo by’ubuzima ngo turebere ,turashimira abayobozi bacu kuko batuma tugira gahunda nziza zo gufasha kandi tukarenga imbibi z’ikigo tugafasha n’abatuye hafi y’ikigocyacu .” Ubuyobozi bw’ikigo cya GS Gikaya bwijeje Barakundwa kumusanira inzu ye nkuko byemezwa na Nzeyimana Peter  uyobora iryo shuri . Yagize ati: “Igikorwa cyo gufasha uyu mukecuru  cyateguwe muri gahunda yo kumufasha kugira ubuzima bwiza ,bitewe n’ubushobozi bw’abarimu twahisemo kumuha ibiribwa n’amafaranga byose bifite agaciro k’amafaranga ibihumbi 40, ariko twasanze inzu abamo nayo idasanwe yazamugwira niyo mpamvu tuzanamufasha kumusanira iriya nzu kugirango itazamugwira ndetse tuzakomeza kumukurikirana abarimu bakamuba hafi kuko ubona ko aba wenyine kandi nta kintu ashobora kwikorera bitewe n’ubumuga afite .” Nzeyimana Peter  asanga abarezi bakwiye kujya bagira uruhare mu gufasha abaturage bakeneye ubufasha  baturiye amashuri  bigishaho. Yagize ati: “Ni inshingano yacu nk’abarezi gufasha abaturage baturiye ibigo by’amashuri yacu cyangwa n’ahandi  kuko ni umusanzu tuba dutanze mu guhindura ubuzima bw’abaturage n’imibereho yabo kandi abatabikora ndabasaba kujya babishyira muri gahunda kuko nitubikora tuzaba duha urugero abana twigisha.” G.S. Gikaya ifite abarimu 27 bigisha mu mashuri abanza ndetse n’abarimu 9 bigisha mu cyiciro rusange . Iryo shuri ryubatswe na Kiriziya Gaturika mu mwaka w’1937 .   Justin Ngabonziza/Iburasirazuba

The post Kayonza: Abarimu ba G.S. Gikaya bateye inkunga umukecuru ufite ubumuga appeared first on bwiza.com.

RDC: ADF yongeye kwica abasirikare benshi ba Monusco barimo Umunyatanzaniya

By Nsengiyumva Denis

Abasirikare barindwi b’Umuryango w’Abibumbye muri Congo, umutanzaniya umwe n’abanyamalawi 6, biciwe mu gitero izi ngabo za Monusco zagabye ku nyeshyamba z’umutwe wa ADF hafi ya Beni ku bufatanye na FARDC nk’uko itangazo ry’Akanama k’Amahoro n’Umutekano ka Loni kabitangaje kuri uyu wa Kane, itariki 15 Ugushyingo. Umusirikare ukomoka muri Tanzania umwe yishwe mu gihe abandi batandatu bakomoka muri Malawi nk’uko aka kanama kabitangaje. Imibare ikaba yazamutse ugereranyije n’iyari yatangajwe mbere. Iyicwa ry’aba basirikare akaba ari cyo gihombo kinini ingabo za Loni zigize muri Repubulika iharanira Demokarasi ya Congo kuva izi nyeshyamba za ADF n’ubundi zakwica abasirikare ba Monusco 15 ubu hagiye gushira umwaka. Ijwi rya Amerika rikaba rivuga ko abandi basirikare ba Loni bagera mu icumi bakomeretse undi akaburirwa irengero, mu gihe abandi basirikare benshi ba Congo n’umubare utaramenyekana w’inyeshyamba nabo bishwe cyangwa bagakomereka. Gen Bernard Commins wungirije umuyobozi wa Monusco yari yatangaje ko igikorwa cya gisirikare gihuriweho kigamijwe kurwanya inyeshyamba za ADF cyatangijwe kuwa kabiri. Izi nyeshyamba zivuga ko zirwanya ubutegetsi bwa Uganda zikaba zishinjwa kuba zikomeje kugaba ibitero bihitana abaturage.

The post RDC: ADF yongeye kwica abasirikare benshi ba Monusco barimo Umunyatanzaniya appeared first on bwiza.com.

U Rwanda na Qatar byasinyanye amasezerano y’ubufatanye mu nzego zitandukanye

By Nsengiyumva Denis

U Rwanda na Qatar byasinyanye amasezerano arimo aya serivisi z’ingendo zo mu kirere, kurinda ishoramari ndetse bigirana amasezerano y’ubwumvikane ku bukungu, ubucuruzi, n’ubufatanye mu bya tekiniki. Amasezerano uko ari atatu yashyizweho umukono kuri uyu wa kane, itariki 15 Ugushyingo ahagarikiwe na Perezida Kagame na Sheikh Tamim bin Hamad Al Thani, umuyobozi wa Qatar. Perezida Paul Kagame wari muri Qatar mu ruzinduko rw’akazi rw’iminsi 2, yakiriwe na Sheikh Tamim mu ngoro ye izwi nka Amiri Diwan mu murwa mukuru Doha. Abayobozi bombi nk’uko itangazo ryashyizwe ahagaragara n’ibiro bya perezida rivuga, bagiranye ibiganiro bigamije ubufatanye mu by’ubukungu hagati y’ibihugu byombi, mbere yo guhagarikira ishyirwaho umukono ku masezerano ibi bihugu byagiranye. Mu bijyanye n’ubuhinzi, amasezerano y’ubwumvikane agamije guteza imbere ahatunganyirizwa umusaruro w’ubuhinzi muri Gabiro yashyizweho umukono n’umuyobozi wa RDB, Clare Akamanzi na Mohamed Badr Hashem Al-Sada, Umuyobozi wa Hassad Foods. Hassad Foods yashinzwe mu 2008 niwe mushoramari wa mbere muri Qatar mu bijyanye n’ibyo kurya no mu nzego z’ubucuruzi bw’ibikomoka ku buhinzi. Iki kigo kikaba ari  ishami ry’Urwego rw’Ishoramari rwa Qatar, Qatar Investment Authority (QIA). Ni ikigo cyashoye imari muri Qatar, Australia na Oman, kuri ubu kikaba giteganya gukorera no mu bindi bihugu birimo n’u Rwanda.  

The post U Rwanda na Qatar byasinyanye amasezerano y’ubufatanye mu nzego zitandukanye appeared first on bwiza.com.

Centrafrica: Abapolisi b’u Rwanda bambitswe imidari y’ishimwe

By Nsengiyumva Denis

Kuri uyu wa Kane tariki 15 Ugushyingo2018  abapolisi b’u Rwanda  barenga  431 bari mu butumwa bw’amahoro mu gihugu cya Repubulika ya Centre Africa (MINUSCA) bambitswe imidari y’ishimwe. Ni imidali bambitswe n’intumwa z’umuryango w’ababibumbye (UN) nk’ishimwe ry’ukuntu bagaragaza  umurava,ubunyamwuga  n’ubwitange  mu kugarura amahoro n’umutekano muri iki gihugu. Abambitswe  imidali  bibumbiye mu  matsinda atatu  arimo abapolisi bashinzwe kurinda  abaturage no kugarura ituze ahabaye ibibazo by’umutekano muke(FPU),itsinda ry’abapolisi bashinzwe kurinda abayobozi bakuru mu gihugu (PSU) ndetse n’irindi tsinda ry’abapolisi bihariye bashinzwe  ubujyanama n’amahugurwa, mu bambitswe  imidari harimo  kandi  abategarugori 41. Uyu muhango wabereye ahaherereye abapolisi b’u Rwanda mu murwa mukuru w’iki gihugu Bangui. Hari Minisitiri w’intebe muri iki gihugu, Simplice Sarandji,  umunyamabanga wungirije w’umuryango w’abibumbye mu butumwa bw’amahoro muri Centre Africa, Kenneth Gluck, hari kandi Colonel   Philippe Garcia ushinzwe ibikorwa bya Polisi muri MINUSCA,ndetse n’abandi bayobozi batandukanye muri icyo gihugu. Umuhango kandi wari witabiriwe na bamwe mu banyarwanda baba muri Centre Africa,ndetse n’izindi nshuti z’u Rwanda. Mu ijambo rya Minisitiri w’intebe ,Simplice Sarandji,yashimiye abapolisi bose b’u Rwanda bari mu butumwa bw’umuryango w’abibumbye bugamije kugarura amahoro  muri iki gihugu cya Centre Africa. Yagize ati:”  Turashimira abasore n’inkumi b’u Rwanda ndetse n’abandi bavandimwe babo abene gihugu hano muri Centre Africa turabashimira  umurava bagira mu kugarura  amahoro muri iki gihugu,biturutse  ku bufasha bwihariye bw’abapolisi b’u Rwanda muri Repubulika ya Centre Africa hatangiye kugaruka amahoro.” Umunyamabanga wungirije w’umuryango w’abibumbye muri Repubulika ya Centre Africa ,  Kenneth Gluck, yashimiye guverinoma y’u Rwanda umuhate igira mu mu mirimo y’umuryango w’abibumbye ku isi yose. Yagize ati:” Uyu munsi turabashimira umuhate mugira mu bikorwa by’umuryango w’abibumbye muri  iki gihugu, kandi ndabashimira  akazi mukora n’uburyo mugakora.” Yakomeje avuga ko ari iby’igiciro kuba ari mu muhango wo kwambikia imidali abapolisi b’u Rwanda akabonerahop kubashimira  uruhare ruhebuje bagaragaza mu kugarura amahoro muri Repubulika ya Centre Africa. Yavuze ko uburyo bitwara bikwiye kubera  urugero abandi bapolisi b’ibindi bihugu bari mu butumwa bw’amahoro muri Centre Africa . Yagize ati:”Imbaraga zanyu nizo zibashoboza kurangiza  neza inshingano zanyu, kandi mwizere ko ibikorwa byanyu byagize umusaruro mwiza kubaturage batuye muri iki gihugu.Mwatanze urugero rwiza n’abandi bagomba kubigiraho.” Umuyobozi ushinzwe ibikorwa mu bapolisi bari mu butumwa bwo kugarura amahoro muri Repubulika ya Centre Africa(Minusca) ,Col Philippe Garcia,yashimiye ubunyamwuga buranga abapolisi b’u Rwanda . Ygaize ati :” Mwataze urugero rwiza ndetse  n’abandi bakwiye kubibigiraho, mwagaragaje ubunyamwuga buhebuje namwe  bijye bibatera ishema.” Yakomeje ashimira abapolisi bose b’u Rwanda aho bari  mu butumwa bw’amahoro muri iki gihugu ku musanzu wabo bakomeje gutanga mu kugarura amahoro mu gihugu. Col Garcia yakomeje yibutsa aba bapolisi ko bagomba gukomera ku ntego z’umuryango w’abibumbye cyane cyane muri gahunda yawo yo kutihanganira na gato(Zero tolerance) ku byaha by’ihohotera rishingiye ku gitsina. Umuyobozi w’itsinda ry’abapolisi  b’u  Rwanda bambitswe imidali,  Assistant Commissioner of Police (ACP) Emmanuel Hatari, yashimiye umuryango w’abibumbye, ubuyobozi bw’igihugu cya Repubulika ya Centre Africa ndetse n’abapolisi bose bari mu butumwa bwo kugarura amahoro muri iki gihugu  uburyo babafashije  kugera  ku nshingano zabo zo kugarura amahoro muri iki gihugu. Yagize ati:”  Ni inshingano z’umuntu ku giti cye ndetse no gushyira hamwe  haba kubapolisi cyangwa abasivili, kurinda abaturage ndetse no guhesha agaciro  abaturage twaje gufasha. Nk’abashyitsi muri iki gihugu tugomba kubaha no guha agaciro buri muturage ,tugomba kandi gukomeza ubunyangamugayo n’ubunyamwuga mu mirimo yose dukora.” Abapolisi b’u Rwanda bashinzwe  kurinda amahoro muri CAR bakoze imirimo itandukanye mu baturage harimo  ibikorwa byo kuzamura imibereho myiza y’abaturage, ubuvuzi mu baturage,aho  abana barenga  900 bahawe ubuvuzi bw’ibanze, ndetse hanavurwa abarwayi  ba malariya bagera kuri 250 bo mu karere kagize umujyi wa  Bangui.  

The post Centrafrica: Abapolisi b’u Rwanda bambitswe imidari y’ishimwe appeared first on bwiza.com.

Ibintu 10 byari byakuye umutima Perezida Habyarimana mbere y’uko yicwa

By Itangishatse Theoneste

Ku wa 6 Mata 1994, nibwo inkuru yakwiye i Rwanda n’i Mahanga ko umukuru w’igihugu cy’u Rwanda indege yari arimo irashwe agapfiramo, umwe mu bari kumwe nawe avuga ko hari ibintu byari bagiye biba mbere yabyo ku buryo ngo byari byamuteye amakenga. Umwe mu bari kumwe na Prezida Habyarimana mu nama i Dar es salaam muri Tanzaniya, Bizige Hermenegilde ku itariki ya 06 Mata 1994, umunsi yiciweho hamwe n’abo bari kumwe, avuga ko mbere y’uko indege iraswa hari ibintu byagiye bibaho ku buryo byari byacanze Perezida. Bizige Hermenegilde wari ushinzwe gusemurira Habyarimana mu rurimi rw’Icyongereza, ndetse wakundaga kuba ari kumwe nawe aho yabaga ari hose mu mahanga, aganira n’imwe muri televiziyo zikorera i Burayi, yavuze ko Habyarimana yari avuye mu nama Dar es salaam, mu gihe hari benshi ngo bibeshya ko yari yabereye i Arusha/Tanzania. Dore ibintu 10 avuga ko byabayeho ku munsi yapfiriyeho: 1.Ibura ritunguranye rya Perezida Mubutu mu nama Muri iyi nama yaberaga muri Tanzania yagombaga kubonekamo abakuru b’ibihugu barimo Habyarimana, Museveni wa Uganda, Mobutu (Zaire) ndetse n’uwa Tanzania, Ali Hassan Mwinyi. Ubwo Habyarimana yageragayo ngo yabuze mucuti we Mobutu, bisa nk’ibimutungura. Bizige ati “Perezida Habyarimana yahageze saa tatu z’igitondo kuko inama yagombaga kuba saa yine, ahageze ubwo Perezida Mobutu nawe yagombaga kuza muri iyo nama ariko ntabwo yaje, ariko wararebaga ukabona Perezida Mwinyi we aracyafite icyizere ko aribuze, barategereje gato bageze aho baravuga bati nyamara umenya atakije,…”. 2.Nta n’intumwa Mobutu yohereje: Bizige akomeza avuga ko ubwo Perezida Habyarimana yari amaze kubura mucuti we Mobutu, banategereje ko hari intumwa yakohereza ziza zimuhagarariye baraheba, inama ikorwa n’abari bahari Zaire ibura uyihagararira. Ati “Perezida Mobutu ntabwo yigeze aza muri iyo nama birumvikana ndetse nta na delegasiyo ya Zayire nabonaga aho ku kibuga wenda yari kuba imutegereje”. 3.Ntabwo inama yatangiriye igihe Ati “Saa yine zarageze inama ntiyatangira, icyo nabonaga kigaragara ni uko Perezida Habyarimana asa nuwifuza ko inama yatangira abashinzwe porotokole bakibaza bati ‘bageze he, ko bataza? Bakajya kubaza abashinzwe porotokole bo muri Tanzania, bati ‘turatangira, turatangira ryari? Inama rero yatinze gutangira ku buryo yatangiye nko mu ma saa tanu, wabonaga nyine Perezida Habyarimana atangiye kurambirwa” Akomeza avuga ko Habyarimana yarambiwe, afata umwanzuro wo kujya mu cyumba inama yari irimo kuberamo, ati “yagiyemo atari polotokole ya Tanzania ije kumutwara”. 4.Inama yarangiye itinze: Bizige akomeza avuga ko inama yatangiye ikerewe ndetse no kurangira habaho gutinda kwayo, ati “yarangiye itinze, kuko hari ibintu byayitindije, ku buryo iyo usubije amaso inyuma uvuga uti ‘kuki turiya tuntu twabayeho? 5.Ibyuma by’abasemuzi byarakwamye Ati “Urugero rw’akantu kabaye, ni uko inama igeze hagati baravuze bati ‘ibyuma by’abasemuzi birapfuye, mbese amajwi y’abasemuzi babaga bari muri za kabine, kuko niba Perezida runaka arimo kuvuga ijambo mu Gifaransa, habaga hari abasemuzi bashyira mu zindi ndimi, ubwo rero ibyo byuma byo mu busemuzi byarapfuye, amajwi akaba atakiza, ku buryo uwo usemurira atumva ibyo uvuga”. Avuga ko byabaye ngombwa ko bibanza gukorwa kugira ngo inama ize gukomeza. 6.Perezida Museveni yatindije inama Bizige avuga ko na Perezida Museveni wa Uganda, nawe yagize uruhare mu gutinda inama, ati “Perezida Museveni yarayitindije ariko afatanyije na Perezida Mwinyi kuko hari amagambo batangiye kuganira, ku buryo wibazaga uti ‘aya magambo agamije iki? Bari barimo kuganira ku mibanire y’amoko, y’abaturage,… ibyo nabyo byatindije inama”. 7.Ahagana saa cyenda nibwo yasojwe: Ati “inama yarangiye nka saa cyenda (15:00), ariko inama yagombaga kurangira kare, nka saa saba cyangwa Saa Munani yagombaga kuba yarangiye, yarangiye nyuma yaho rwose yatinze, ubwo abakuru b’ibihugu baravugaga bati ‘igikurikiye noneho ni ugutaha’,… 8.Perezida Mwinyi yifuje ko bafata amafunguro bitari muri gahunda Aravuga uburyo Perezida wa Tanzania yifuje ko bafatana amafunguro, ati “Aho kugira ngo bahite bataha, ubwo Perezida Mwinyi yaravuze ati ‘Dore inama yatinzeho gatoya ariko twese turashonje ibyiza ni uko twagerageza tugafata icyo kurya hanyuma tukagenda, kubera ko inama yari iteganyijwe kurangira kare, ntabwo byari biteganyijwe ko abakuru b’ibihugu bari buze kurya,… ubwo rero abakuru b’ibihugu bafashe amafunguro bitwara igihe, byafashe nk’isaha cyangwa abiri”. 9.Habyarimana ageze ku kibuga cy’indege Avuga ko yari mu bantu baherekeje Perezida Habyarimana ku kibuga cy’indege atashye, batangazwa no kuyigeraho basanga itateguwe. Ati “Icyantangaje njye, ni uko twahageze tugasanga indege ya Perezida Habyarimana ntabwo abapilote bayiteguye, ubwo rero Perezida agera ku kibuga ahongaho abapilote baratangaye, mbese bameze nkaho twabaguye gitumo kuko batari bazi ko turi buhagere, ubwo Perezida yageraga ku kibuga cy’indege ni nabwo abapilote bagiye kureba uko bategura iyo ndege, ibyo nabyo byafashe akanya,… rwose perezida yagiye kuhava bwije rwose, saa kumi n’ebyiri zari zageze”. 10.Perezida yatashye ahangayitse Bizige ati“Rwose na mbere ubwo yari ategereje ko inama itangira wabonaga bimuhangayikishije rwose, n’ibyo byo kujya gufata amafunguro nabyo yari yabanje kubyanga, ubwo rero n’aho ku kibuga cy’indege ubwo yasangaga itateguwe wabonaga bimuhangayikishije, yari ahangayitse rwose byaragaragaraga”. Yakomeje avuga ko we na bamwe mu bo bari kumwe baraye muri Tanzania, inkuru y’urupfu rwe aza kuyibwirwa nyuma ya saa yine z’ijoro zo ku wa 6 Mata 1994, ko sebuja atageze mu rugo amahoro. Perezida Habyarimana yari amaze imyaka 21 ayobora u Rwanda, tariki ya 6 Mata 1994, indege yo mu bwoko bwa Falcon 50 yari imutwaye Habyarimana hamwe na Perezida w’u Burundi Cyprien Ntaryamira, n’abandi bari kumwe, yararashwe igwa hafi y’ urugo rwe i Kanombe. Kugeza magingo aya urupfu rwe rukaba rukirimo amayobera.

The post Ibintu 10 byari byakuye umutima Perezida Habyarimana mbere y’uko yicwa appeared first on bwiza.com.

Nyamasheke: Umusaza w’imyaka 70 yishwe ashinjwa amarozi

By sylvestre bahuwiyongera

Mu mudugudu wa Ryanyagahangara, akagari ka Gasovu, umurenge wa Karambi mu karere ka Nyamasheke, haravugwa urupfu rw’umusaza, Karekezi Jean w’imyaka 70 y’amavuko, wishwe n’umusore w’imyaka 31  witwa Habiyakare Pontien, wamushinjaga  kuroga nyina,  Mukamayira Esther. Mu ma saa mbiri n’igice z’ijoro ryo ku wa Gatatu tariki ya 14 Ugushyingo 2018, ni bwo bumvise induru mu rugo rw’uyu mukecuru Mukamayira Esther, bavuga ko uyu mukecuru yafashwe n’indwara y’amayobera agatangira guhebeba nk’ihene, ngo hakaba hari hashize ukwezi n’ubundi imufashe abahungu be bagahamagara uriya musaza Karekezi Jean ngo umaze igihe kinini cyane avugwaho ingeso yo kuroga ngo naze arogore nyina, bamushinja kururoga. Bakomeza bavuga ko icyo gihe uwo musaza yahageze avuga amagambo batamenye gusobanura, akora n’ibindi bintu batasobanukiwe ibyo ari byo babona umukecuru arazanzamutse, bahita bishyiramo ko ari we wari wamuroze, byongeye kumufata  abahungu be bahamagara n’ubundi uyu musaza ngo aze amurogore. Ngo yarahageze noneho yanga kumurogora nk’uko babivuga, ngo umwe mu bahungu b’uyu mukecuru   witwa Habiyakare Pontien  agira umujinya n’umubabaro wa nyina ngo wahise ajya muri koma no guhebeba ntiyabyongera,  uyu musore afata igiti cy’intusi  arakimukubita, bakavuga ko yamukomerekeje umunwa batazi ahandi yamukubise, umusaza bamujyana iwe  avirirana mu gitondo cyo kuri uyu wa kane basanga umusaza yapfuye. Umwe mu baturage yagize ati’’ nubwo Leta itemera amarozi ariko uyu musaza yari asanzwe yaratujujubije kuko hari n’abandi yagiye aroga bagapfa amarabira, akaba ari ubugira kabiri ashaka kwica uyu mukecuru.  Byose bitubereye akaga kuko uriya musore ntiyagombaga guhita yihanira ariko n’uriya musaza yari yaratuzengereje nta wasigaga umwana ngo ajyane umutima hamwe.’’ Umunyamabanga nshingwabikorwa w’akagari ka Gasovu, Niyonizeye Théogène yabwiye Bwiza.com ko  Hakizimana Pontien ukekwa ho kwica uyu musaza yahise atabwa muri yombi, umurambo wa nyakwigendera wo uhita ujyanwa mu bitaro bya Kibogora gukorerwa isuzuma mbere y’uko ushyingurwa. Iby’uyu mukecuru  wahise ujya muri koma ntiyongere kuvuga na byo ngo ntibivugwaho rumwe, bamwe bagasanga akwiye  kujyanwa kwa muganga,abandi bakavuga ko bakwiye guhamagara abanyamasengesho bakamusengera,aka gasigane kakaba katumye kugeza  ku mugoroba wo kuri uyu wa kane  yari atarajyanwa kwa muganga. Umuyobozi w’akarere ka Nyamasheke wungirije ushinzwe imibereho myiza y’abaturage,Mukamana Claudette, asaba abaturage kureka ingeso yo kwihanira,haba n’ikibazo kikagezwa ku buyobozi bukagikemura,cyane cyane ko uku gukekana amarozi gushobora kuva mo na munyangire umuntu akaba yazira amaherere. Ati’’ si muri uriya murenge gusa havugwa amarozi hari n’indi avugwamo ariko nta we uyapima ngo bavuge ngo kanaka yarozwe. Ashobora kuba agendana indwara itazwi yagira ikibazo bakikoma abaturanyi ngo babarogeye, ni yo mpamvu twibutsa abaturage ko hari ubuyobozi kugira ngo bukemure amakimbirane abantu bashobora kugirana, kwihanira bikaba bihanwa n’amategeko.’’ Bamwe mu baturage bavuga ko nyakwigendera ubwo yafatwaga bavuga ko ari gucuragura yari yashyikirijwe inzego z’umutekano yemera  ko agiye kubireka, akanongera ho ariko ko ataroga ahubwo atanga imiti y’uburozi,iy’amahirwe cyane cyane ku bakobwa babuze abagabo, iy’ubukire n’indi nk’iyo.

The post Nyamasheke: Umusaza w’imyaka 70 yishwe ashinjwa amarozi appeared first on bwiza.com.

Impunzi z’Abarundi ziri mu Rwanda zugarijwe n’uruhuri rw’ibibazo

By Masengesho Fred

Umuryango Mpuzamahanga wita ku Mpunzi (UNHCR) uratabariza impunzi  z’Abarundi ziba mu nkambi ya Mahama uvuga ko zugarijwe n’ibibazo uruhuri. HCR irasaba indi  miryango gutabara mu maguru mashya kugira ngo imibereho y’izi mpunzi ihinduke kuko ngo amikoro ari hafi ya ntayo. Ibi bitangazwa n’umunyamideli,umufotozi kabuhariwe ndetse n’umwe mu bakorana  bya hafi na HCR, Helena Christensen ubwo yasuraga izi mpunzi zo m nkambi ya Mahama, mu burasirazuba bw’u Rwanda. Uyu munyamideli yavuze ko impunzi z’Abarundi zikeneye ubufasha bwihuse kandi ko ikibazo cyazo gikwiriye kwitabwaho ku buryo bukwiriye. Ati”  Ikibazo cy’impunzi z’Abarundi kiri mu bihangayikishije ku isi. Ni ikibazo kitavugwakandi cyitaweho ku rwego ruri hasi kandi birakwiye ko ibi byahinduka. Umubyeyi witwa Alina, umwe mu mpunzi z’Abarundi yagize ati”  Tukigera hano twari dufite icyizere gusa ubu cyarayoyotse,turabona igihe kibaye kirekire. Aha tuhamaze imyaka itatu ariko twatakaje icyizere.” Umuyobozi muri HCR ushinzwe inkambi y’impunzi ya Mahama, Paul Kenya avuga ko impunzi zibayeho mu buryo bugoye bitewe n’amikoro make. Ati” Bidusaba gufata ibyemezo bikomeye bya buri munsi hano bitewe n’amikoro make, hari ibintu byinshi nkenerwa, usanga wabuze icyo wakora. Urugero uravuga uti ese tubahindurire ibiribwa, dusane amashuri,ubwiherero cyangwa tugurirea abana bakivuka imyenda. Aha iyo duhisemo gukora iki tukareka kiriya, bigira ingaruka ku buzima bw’impunzi dushinzwe kwitaho.” HCR ivuga ko nibura inkunga iramutse yiyongereye byafasha impunzi z’Abarundi kubona iby’ibanze mu buzima gusa nk’Uburezi n’isuku. Kuri ubu u Rwanda rucumbikiye impunzi z’Abarundi zigera ku bihumbi 72, inkambi ya Mahama yonyine ikaba ifite impunzi zigera ku bihumbi 46, abandi bakaba bari mu nkambi ya Bugesera(450), Nyanza (260). Mu bice by’imijyi kuri ubu hari impunzi z’Abarundi 24, 831 bigabanyije mu Mujyi wa Kigali (21,888) na Huye (2,943).

The post Impunzi z’Abarundi ziri mu Rwanda zugarijwe n’uruhuri rw’ibibazo appeared first on bwiza.com.

Yesterday — November 15th 2018Bwiza.com

Uganda: Imitungo y’abashinwa igiye kurindwa n’abasirikare

By Itangishatse Theoneste

Perezida wa Uganda, Joweli Museveni yategetse igisirikare gucunga amakompanyi y’Abashinwa kubera ubujura bumaze iminsi buyakorerwa. Mu kiganiro yagiranye n’abashinwa b’abashoramari bagera ku 120, ku wa Gatatu tariki ya 14 Ugushyingo 2018, Perezida Museveni yabamenyesheje ko hagiye kongerwa umutekano hifashishijwe inzego z’umutekano ndetse na za kamera. U Bushinwa bufite ibikorwa byinshi...

The post Uganda: Imitungo y’abashinwa igiye kurindwa n’abasirikare appeared first on bwiza.com.

Messi na Ronaldo si abakinnyi b’ibihe byose- Kylian Mbappe 

By Masengesho Fred

Umukinnyi w’ikipe ya Paris Saint Germain yo mu Bufaransa, Kylian Mbappe Lottin avuga ko Lionel Messi na Cristiano Ronaldo ndetse na Buffon atari abakinnyi b’ibihe byose muri ruhago. Mbappe unakinira ikipe y’igihugu y’Ubufaransa, mu kiganiro na ESPN  yavuze ko umukinnyi w’ibihe byose ari Umunyaburezili, Edson Arantes do Nascimento uzwi nka...

The post Messi na Ronaldo si abakinnyi b’ibihe byose- Kylian Mbappe  appeared first on bwiza.com.

Imirambo ibiri yagaragaye  mu kiyaga kiri hagati y’u Rwanda n’Uburundi

By Masengesho Fred

Imirambo y’abagabo babiri bataramenyekana imyirondoro yabo yagaragaye mu Kiyaga cya Rweru kiri hagati y’u Rwanda n’Uburundi mu ntara ya Kirundo. Igipolisi cy’Uburundi cyemeza  gishimitse ko iyi mirambo yaturutse ku ruhande rw’u Rwanda binyuze mu ruzi rw’akagera nk’uko inkuru dukesha UBM News ibitangaza. Umuvugizi w’igipolisi cy’Uburundi, Pierre Nkurikiye  avuga ko iyi...

The post Imirambo ibiri yagaragaye  mu kiyaga kiri hagati y’u Rwanda n’Uburundi appeared first on bwiza.com.

Guverinoma ya Uganda irateganya kwirukana impunzi z’Abanyarwanda

By Nsengiyumva Denis

Guverinoma ya Uganda irateganya guhagarika status y’impunzi ku Banyarwanda ibihumbi baba muri iki gihugu nk’impunzi. Ibi byatangajwe na minisitiri ushinzwe impunzi mu nshingano ze, Hillary Onek ubwo yabonanaga n’abagize inteko ishinga amategeko ya EAC (EALA) I Kampala. Yasobanuye ko Guverinoma ya Uganda iri guteganya guhagarika status y’impunzi ku banyarwanda ahubwo...

The post Guverinoma ya Uganda irateganya kwirukana impunzi z’Abanyarwanda appeared first on bwiza.com.

USA: Uwari umujyanama muri perezidansi yirukanwe kubera Melania Trump

By Nsengiyumva Denis

Uwari umujyanama wungirije mu by’umutekano w’igihugu muri Leta Zunze Ubumwe z’Amerika, Mira Ricardel, yakuwe kuri uwo mwanya, nyuma y’amakimbirane akomeye hagati ye na Melania Trump, umugore wa Perezida Donald Trump w’Amerika. Umuvugizi w’ibiro bya White House bya perezida w’Amerika, yavuze ko Madamu Ricardel “avuye muri White House yitegurira umwanya mushya...

The post USA: Uwari umujyanama muri perezidansi yirukanwe kubera Melania Trump appeared first on bwiza.com.

APR FC yasabye ko imikino yayo yakwigizwa inyuma

By Nsengiyumva Denis

Umukino wari uteganyijwe kuzahuza APR FC na Rayon Sports ku itariki 23 Ugushyingo 2018 mu Gikombe cyo kurwanya ruswa wimuriwe ku itariki itaramenyekana nyuma y’ubusabe bwa APR FC. Igikombe ngaruka mwaka  kitiriwe kurwanya ruswa gihuza amwe mu makipe meza y’imbere mu gihugu  gitegurwa kigaterwa inkunga n’Urwego rw’Umuvunyi. APR FC na...

The post APR FC yasabye ko imikino yayo yakwigizwa inyuma appeared first on bwiza.com.

Misiri ishobora kuzaba imbogamizi ku mavugurura ya Perezida Kagame muri A.U

By Nsengiyumva Denis

Abakuru b’ibihugu bya Afurika bazahurira mu Nama idasanzwe ya Afurika Yunze Ubumwe muri iyi weekend, aho bazigira hamwe ibijyanye n’amavugurura y’uyu muryango amaze imyaka 2 ashinzwe Perezida w’u Rwanda, Paul Kagame. Abasesenguzi barasanga Perezida Paul Kagame watumije iyi nama asigaranye igihe gito ngo atambutse ayo mavugurura agamije guhindura umuryango wa...

The post Misiri ishobora kuzaba imbogamizi ku mavugurura ya Perezida Kagame muri A.U appeared first on bwiza.com.

Ntidushobora kwemera ko Gicumbi ihinduka amarembo yo gusenya ibyagezweho – Min. Shyaka

By Nsengiyumva Denis

“Gicumbi yabaye amarembo y’u Rwanda rushya, ntidushobora rero kwemera ko ihinduka amarembo yo gusenya ibyagezweho, ibiyobyabwenge na magendu bigomba gucika burundu”, Ibi Minisitiri w’Ubutegetsi bw’Igihugu, Prof Shyaka Anastase yabisabye abakozi bose b’Akarere ka Gicumbi, guhera ku rwego rw’Akarere kugeza ku rwego rw’Akagari, mu nama yamuhuje na bo mu ntangiriro z’iki cyumweru kuwa 12 Ugushyingo 2018. Ni inama yari igamije kuganira k’uburyo bwo kurushaho kunoza imikorere n’imikoranire hagati y’abo bakozi, yitabiriwe kandi na Guverineri w’Intara y’Amajyaruguru, Hon Gatabazi Jean Marie Vianney, Umuyobozi w’Ingabo mu Ntara, Brig Gen Eugene Nkubito, Umuyobozi wa Polisi mu Ntara, ACP Eric Mutsinzi n’abandi bagize Inama y’Umutekano itaguye y’Intara y’Amajyaruguru. Mu ijambo rye, Minisitiri w’Ubutegetsi bw’Igihugu yasabye abakozi b’Akarere ka Gicumbi kurushaho gusenyera umugozi umwe bagateza imbere Akarere kabo, kuko iterambere ryako ari bo rireba mbere na mbere. Yagize ati, “Akarere ka Gicumbi kari mu biganza byanyu, ni mpamvu mbasaba kurushaho gusenyera umugozi umwe, mugateza imbere Akarere kanyu, kuko iterambere ryako ari mwe rirerba mbere na mbere”. Minisitiri Shyaka yakomeje asaba aba bakozi kwimakaza umuco wo kuvugisha ukuri no kwirinda amatiku hagati yabo, bakaba intangarugero ku bo bayobora. Ikindi Minisitiri w’Ubutegetsi bw’Igihugu yasabye abakozi b’Akarere ka Gicumbi ni ugukorera mu mucyo, kwirinda kubeshya (gutekinika) muri raporo zabo, kurwanya ruswa no kurwanya ibiyobyabwenge na magendu. Minisitiri Shyaka agaruka ku biyobyabwenge na magendu yagize ati, “Gicumbi yabaye amarembo y’u Rwanda rushya, ntidushobora rero kwemera ko ihinduka amarembo yo gusenya ibyagezweho, ibiyobyabwenge na magendu bigomba gucika burundu”. Ku ruhande rwe, Guverineri w’Intara y’Amajyaruguru, Hon Gatabazi Jean Marie Vianney yabwiye Minisitiri w’Ubutegetsi bw’Igihugu ko kimwe mu bibazo iyi Ntara ihanganye na byo, harimo ikibazo cy’ibiyobyabwenge, ko ariko Ubuyobozi bw’iyi Ntara bwafashe ingamba zo kubica burundu, kandi ko kugeza ubu intambwe imaze guterwa mu kurwanya ibyo biyobyabwenge ishimishije. Abakozi b’Akarere ka Gicumbi na bo bakaba bijeje Minisitiri w’Ubutegetsi bw’Igihugu ko impanuro yabahaye bagiye kuzishyira mu bikorwa, cyane cyane birinda gutekinika mu mibare batanga muri za raporo zabo.

The post Ntidushobora kwemera ko Gicumbi ihinduka amarembo yo gusenya ibyagezweho – Min. Shyaka appeared first on bwiza.com.

Rutahizamu wa Rayons Sport akomeje kwitwara neza ku ruhando mpuzamahanga

By Nsengiyumva Denis

Bimenyimana Bon Fils Caleb yitwaye neza mu mukino ikipe Intamba mu Rugamba y’u Burundi  y’abatarengeje imyaka 23 yatsinzemo iya Tanzania 2-0 mu mukino ubanza wo guhatanira itike yo kujya mu gikombe cya Afurika cy’abatarengeje imyaka 23. Ni umukino wabaye kuri uyu wa Gatatu tariki 14 Ugushyingo 2018 kuri Stade Louis Rwagasore. Igice cya mbere cyarangiye bikiri 0-0. Ku munota wa 59 nibwo Bon Fils Caleb yatsindiye Intamba mu Rugamba igitego cya mbere kuri Penaliti yari ikozwe na myugariro wo muri Tanzania mu rubuga rw’amahina. Ku munota wa 65 umutoza w’Intamba mu Rugamba yakoze impinduka avanamo  Caleb  wari watsinze igitego cya 1 asimburwa na Cedric Titi Mavugo . Ku munota wa 77 ku mupira wazamuwe na Kanakimana Bienvenue ahereza Mavugo winjiyemo asimbuye. ahita atsinda igitego cya 2 cy’ Intamba mu Rugamba ari nacyo cyahesheje intinzi ikipe y’u Burundi. Umukino wo kwishyura uteganyijwe  nyuma y’iminsi 6 ku itariki 20 Ugushyingo 2018 muri Tanzania. Izakomeza hagati y’intamba mu Rugamba, ikipe  y’u Burundi na Taifa Stars, ikipe ya Tanzania izahura na Congo Brazaville. Amakipe y’ibihugu umunani azitwara neza kurusha andi muri aya majonjora azahita abona itike yo  kujya mu Gikombe cya Afurika cy’abatarengeje imyaka 23 kizabera mu Misiri umwaka utaha kuva tariki 8 kugeza tariki 12 Ugushyingo 2019, naho ane ya mbere muri iri rushanwa azahita akatisha itike yo guhagararira  umugabane wa Afurika mu mikino Olempike izabera i Tokyo mu Buyapani mu 2020. Caleb ni inshuro ya mbere ahamagawe kuva yava muri Vital’O FC y’i Burundi agasinyira ikipe yo mu Rwanda ya Rayon Sports mu mpeshyi ya 2017. Yaherukaga gukinira ikipe y’igihugu muri 2016. Mu bafana bari ku kibuga, hari abari bazanye ibyapa biha ikaze Bon Fils Caleb bakunda kwita Martial.  Rutahizamu w’Intamba mu Rugamba, Bon Fils Caleb, yatangarije Itangazamakuru ko yishimiye cyane ikaze  yahawe  n’Abarundi. Ati ” Nari maze iminsi ntakinira ikipe y’igihugu. Ni ibintu bikomeye iyo ubonye abafana bakwishimiye kugeza aho bazana ibyapa ku kibuga. Byanshimishije kandi ndabashimiye mbikuye ku mutima. Nashimiye n’Imana yampaye igitego. Nagituye abafana bange by’umwihariko ababyeyi banjye ndetse n’umukunzi wanjye uhora anshyigikira mu mwuga wanjye.” Caleb yakomeje avuga ko ashishikajwe no guhesha ikipe y’igihugu cye itike yo kwerekeza mu Misiri. Uko indi mikino yo muri iri jonjora yagenze: Rwanda 0-0 RD Congo Mauritius 0-5 Kenya Seychelles 1-1 Sudan Ethiopia 4-0 Somalia Uganda 1-0 South Sudan Paul Mugabe  

The post Rutahizamu wa Rayons Sport akomeje kwitwara neza ku ruhando mpuzamahanga appeared first on bwiza.com.

Uvira: Abasaga 10 baguye mu mirwano hagati y’ingabo z’u Burundi na FNL

By Nsengiyumva Denis

Abantu basaga 10 nibo babaruwe baherutse kugwa mu mirwano hagati y’ingabo z’u Burundi n’inyeshyamba z’Abarundi zo mu mutwe wa FNL muri Uvira na Fizi mu Ntara ya Kivu y’Amajyepfo nk’uko amakuru yatangajwe n’igisirikare cya Congo (FARDC) kuri uyu wa Gatatu, itariki 14 Ugushyingo avuga. Imbunda nyinshi n’amasasu kandi byafashwe n’ingabo z’u Burundi mu bikorwa zakoreye mu misozi ya Uvira nk’uko igisirikare cya Congo gikomeza kibyemeza. Urujya n’uruza rw’ingabo z’u Burundi rwagaragaye mu giturage cya Ngendo mu birometero 70 uvuye Uvira, mu kibaya cya Rusizi nk’uko Radio Okapi dukesha iyi nkuru ikomeza ivuga. Mu bibaya bya Kitavyo biravugwa ko ingabo z’u Burundi zaguye gitumo inyeshyamba za FNL bikaba ngombwa ko zihunga zigana ahitwa mu Buzuke. Ni mu gihe muri Teritwari ya Fizi kandi hari ubushyamirane buhuje abahinzi n’abarozi mu giturage cya Metupaeke, aho bivugwa ko aborozi batwitse inzu 2 z’abahinzi. Sosiye sivile muri iki gice ikaba ivuga ko ibitero byinshi by’abitwaje intwaro no gushimuta bikomeje kwiyongera muri iyi minsi muri teritwari 2 zo muri Kivu y’Amajyepfo, igasaba FARDC kugarura amahoro muri iki gice cy’Intara ya Kivu y’Amajyepfo.  

The post Uvira: Abasaga 10 baguye mu mirwano hagati y’ingabo z’u Burundi na FNL appeared first on bwiza.com.

Havumbuwe umugambi w’u Burundi na Uganda wo guhungabanya u Rwanda

By Nsengiyumva Denis

Amakuru yizewe agera ku rubuga Virungapost aravuga Abayobozi b’inzego z’umutekano za Uganda batangiye gufatanya n’igihugu cy’u Burundi mu mugambi wo guhungabanya umutekano w’u Rwanda. Mu gihe abaturanyi beza ubusanzwe bakabaye bashishikazwa n’imibereho myiza ya bagenzi babo, guverinoma z’ibi bihugu zikomeje kugaragaza ubushake bwo gukongeza urugo rw’umuturanyi kandi rushobora gushya rugakongeza n’izabo. Aya makuru aravuga ko kuri ubu u Burundi na Uganda byatangiye ubufatanye bwimbitse bwo gushyigikira agatsiko kwose k’abanyabyaha katangiza ku mugaragaro intambara ku Rwanda, aho bivugwa ko mu gihe ibi bihugu byombi bisanzwe bivugwaho gukorana bya hafi na Kayumba Nyamwasa wa RNC, kuri ubu byatangiye no gufatanya gushyigikira umutwe w’inyeshyamba wa Paul Rusesabagina. Uyu mutwe ni MRCD uvuga ko uharanira impinduka muri demokarasi, ni ihuriro riyobowe na Paul Rusesabagina ubarizwa mu Bubiligi. Mbere y’uko aya makuru ajya hanze, abantu bizewe bari bemeje ko Uganda iri gutegura gufasha umutwe wa RNC wa Kayumba Nyamwasa u Rwanda rufata nk’umutwe w’iterabwoba ahagiye hagaragazwa ibikorwa by’ibanga bigamije gushyigikira uyu mutwe harimo nk’igihe hafatwaga bus yuzuyemo abantu bari bajyanywe mu myitozo ya gisirikare y’uyu mutwe muri Congo. Kuva icyo gihe, ngo imikoranire ya RNC ndetse n’ubutasi bw’igisirikare cya Uganda (CMI) bwagize uruhare mu irekurwa ry’abo bantu bari bajyanywe mu ishyamba nyamara harimo bamwe bari babyiyemereye nk’uko Virungapost ikomeza ivuga. Kuri ubu rero biravugwa ko Rusesabagina na MRCD biyunze kuri RNC ya Kayumba Nyamwasa mu kurindirwa umutekano na CMI no koroherezwa mu bikorwa byo gushaka abarwanyi muri Uganda ahiganje Abanyarwanda nka Mubende, Masindi, Hoima, Kibale, Kagadi, Sembabule, Nakivale n’ahandi. Bivugwa ko Abanyarwanda batuye muri ibi bice bari guhatirwa kohereza abantu babo mu myitozo mu nkambi ziri muri Congo no gutanga amafaranga y’imisanzu y’intambara kandi ngo CMI ikabigiramo uruhare rw’ingenzi. Ngo abanze kohereza abana babo cyangwa gutanga imisanzu, barashinjwa gushyigikira ubutegetsi bw’u Rwanda bakibasirwa kugerwa ubwo basubijwe mu Rwanda bitwa intasi. CMI kandi ngo igira uruhare mu kuvana abarwanyi muri Uganda bajyanwa mu nkambi z’imyitozo mu burasirazuba bwa Congo ibanyujije I Bujumbura, aho bakirwa n’abayobozi b’inzego z’umutekano mbere yo guherekezwa bakanyuzwa mu Kiyaga cya Tanganyika. Mbere yo kuva muri Uganda CMI ngo akaba ari yo ibaha impapuro z’inzira ikanabafasha kunyura ku mupaka. Aba ngo iyo bageze muri Congo bitegurira ibikorwa munsi y’umuyobozi w’ikirenga, Kayumba Nyamwasa ndetse na Gen Laurent Ndagijimana uzwi nka Wilson Irategeka Lumbago wa MRCD wahoze muri EX-FAR ndetse akananyura muri FDLR mbere yo kwitandukanya nayo. Abasirikare bakuru b’u Burundi basura Uganda Abasirikare bakuru b’u Burundi baravugwaho kuba bamaze iminsi bakunda kujya muri Uganda muri gahunda zigamije gupanga guhungabanya umutekano w’u Rwanda. Urugero rutangwa n’uru rubuga dukesha iyi nkuru ni Gen. Prime Niyongabo, umugaba mukuru w’ingabo z’u Burundi, aho ngo yagaragaye I Kampala mu mushyikirano n’abasirikare bakuru ba Uganda barimo umuvandimwe wa Perezida Museveni, Salim Saleh, umuyobozi wa CMI, Col Abel Kandiho. Mu nama zabanje kandi ngo Gen Niyongabo yakoranye inama n’aba basirikare bakuru ariko hari n’uwari minisitiri w’umutekano icyo gihe, Gen. Henry Tumukunde ndetse na Col Kaka Bagyenda ukuriye urwego rushinzwe umutekano w’imbere mu gihugu (ISO). Amakuru kandi anavuga ko ukuriye Urwego rushinzwe ubutasi rw’u Burundi (SNR), Etienne ‘Steve’ Ntakirutimana nawe yagiye I Kampala kenshi, aho ngo buri gihe yakirwaga bitangaje ndetse akarindirwa umutekano n’abasirikare ba CMI bisobanuye ko yabaga ari umushyitsi w’ingenzi kandi waje mu butumwa bufitiye inyungu ibihugu byombi. Hagati aho, biravugwa ko iyi mitwe irwanya ubutegetsi bw’u Rwanda yamaze gushing ububiko bw’ibyo kurya mu Karere ka Kakumiro n’ahitwa Gayaza mu Karere ka Wakiso muri Uganda, aho ngo babitse amatoni y’ibigori yo kugurisha ngo babone amafaranga yo kugura ibikoresho bakeneye mu nkambi zabo no kubona ibyo bagaburira abo binjije.  

The post Havumbuwe umugambi w’u Burundi na Uganda wo guhungabanya u Rwanda appeared first on bwiza.com.

Perezida Museveni yafashe ingamba zo kurindira umutekano abashoramari b’abanyamahanga

By Nsengiyumva Denis

Perezida Yoweri Museveni wa Uganda yijeje abashoramari b’abanyamahanga kubarindira umutekano nyuma y’aho hari abagizi ban abi bamaze iminsi bagaba ibitero ku bashoramari b’Abashinwa muri iki gihugu. Museveni akaba yijeje ko mu cyanya cyahariwe inganda n’ahandi hari inganda z’abanyamahanga hagiye gushyirwa abashinzwe umutekano. Ibi Perezida Museveni Yabitangaje ubwo yakiraga Ambasaderi w’u Bushinwa muri Uganda, Zheng ZhuQiang, wari wamusuye ku ngoro ye I Entebbe. Uyu mudipolomate akaba yaragaragarije Museveni impungenge bafite nyuma y’ibitero bimaze iminsi bigabwa ku bashoramari b’Abashinwa. Perezida Museveni ati: “Abagizi ba nabi bamaze igihe batera abashoramari b’Abashinwa ariko tuzabatsinda. Ibi ni iby’akanya gato kandi bazatsindwa”. Yakomeje avuga ko habaye ibitero nk’ibi muri Mukono na Mityana ndetse n’igiherutse kubera ahitwa Zirobwe. Perezida Museveni yavuze ko umutekano muri Uganda umeze neza cyane usibye mu mijyi aho ngo bakoze ikosa ryo kutitaho cyane. Ati: “Bwira Guverinoma y’u Bushinwa ko ikibazo ndi kukikemurira ubwanjye.” Iyi nkuru dukesha New Vision ivuga ko Perezida Museveni yategetse abayobozi b’inzego z’umutekano bari muri ibi biganiro yagiranye na Ambasaderi w’u Bushinwa, barimo umugaba mukuru w’ingabo, Gen David Muhoozi ndetse n’umukuru w’igipolisi wungirije, Brig. Sabiiti Muzeyi, gukora komite ishinzwe ibikorwa by’umutekano izajya ifatanya n’Abashinwa baba muri Uganda. Yanavuze ko mu cyanya cyahariwe inganda hagiye kujya hacungwa umutekano n’abashinzwe umutekano byibuze bagera kuri 12 bafite n’imodoka zizajya zibafasha. Naho ahari inganda zitaruye, Perezida Museveni yasabye ko hakoherezwa abapolisi bane kuri buri ruganda, anaburira abapolisi abasaba kwirinda ruswa, ndetse avuga ko abazafatwa bazirukanwa bagasimbuzwa abandi basore bakeneye akazi.  

The post Perezida Museveni yafashe ingamba zo kurindira umutekano abashoramari b’abanyamahanga appeared first on bwiza.com.

P5 iracyategereje igisubizo cy’u Rwanda ku mishyikirano yasabye

By Nsengiyumva Denis

Amashyaka atanu atavuga rumwe n’ubutegetsi yibumbiye mu ihuriro bise P5 aravuga ko yandikiye Perezida wa Repbulika, Paul Kagame, amwibutsa indi baruwa bamwandikiye muri Nyakanga uyu mwaka, basaba ibiganiro na Leta y’u Rwanda. Ayo mashyaka avugwa ni PS-Imberakuri, PDP-Imanzi, FDU-Inkingi, Amahoro na RNC yose atemewe mu Rwanda. Mu kiganiro Umunyamabanga Mukuru wa RNC, Gervais Condo, yagiranye na Ijwi rya Amerika, yasobanuye icyatumye bandikira perezida w’u Rwanda iyo baruwa. Ati: “Murabizi kiriya gihugu cy’u Rwanda gifite ibibazo bicyugarije ni byinshi cyane, twagerageza kubibwira leta iyobowe na perezida kagame, ugasanga barashaka kubyima amatwi, ubwo rero byabaye ngombwa ko mu kwezi kwa karindwi, ku itariki mbese 20 z’ukwezi kwa karindwi kw’uyu mwaka urunani P5 rumwandikira rugaragaza ibyo bibazo byose runasaba y’uko akwiriye gushyira mu gaciro, noneho abantu bakicara hamwe, abatavuga rumwe na leta ndetse n’iyo miryango idaharanira inyungu cyangwa itegamiye kuri leta bakaba bakwicara hamwe bakaganira kuri ibyo bibazo byugarije u Rwanda bakanabishakira n’umuti ukwiye.” Uyu mugabo yakomeje avuga ko bandikiye Perezida Kagame nka Perezida w’u Rwanda ndetse bakanamuha na kopi nka Perezida wa Afurika Yunze Ubumwe muri iki gihe, babonye adasubije biba ngombwa ko bongera kumwibutsa mu yindi baruwa bohereje kuwa 13 Ugushyingo bibutsa bakaba bagitegereje igisubizo. Abajijwe icyo bazakora mu gihe Leta y’u Rwanda yaba ikomeje kutabaha igisubizo, Gervais Condo, yavuze ko wenda ubutegetsi buzageraho bugashyira mu gaciro, avuga ko hari ibintu abantu batatekerezaga ko bishoboka nko kuba u Rwanda rwaricaranye n’u Bufaransa ngo Igifaransa kikagaruka. Ibi iri huriro rirabisaba mu gihe Guverinoma y’u Rwanda yakomeje gushimangira ko idashobora kugirana imishyikirano n’abarigize barimo nka RNC ifata nk’umutwe w’iterabwoba rikaba ryaragiye rishinjwa kugira uruhare mu bitero bya grenades byigeze kwibasira umujyi wa Kigali mu myaka ishize.

The post P5 iracyategereje igisubizo cy’u Rwanda ku mishyikirano yasabye appeared first on bwiza.com.

Rusizi: Umumotari yafatanywe uruhushya rwo gutwara moto rw’uruhimbano

By Nsengiyumva Denis

Ku mugoroba wo  ku itariki 13 Ugushyingo nibwo abapolisi bo mu ishami rishinzwe umutekano wo mu muhanda bafashe umumotari witwa Karangwa Elie ufite imyaka 30 atawaye moto ifite ibiyiranga RC 848Z .Akaba yari afite  uruhushya rwo gutwara Moto(Categorie A)  rw’uruhimbano. Senior Superintendent of Police (SSP) Jean Marie Vianney Ndushabandi  umuvugizi wa Polisi y’u Rwanda ishami rishinzwe umutekano wo mu muhanda yavuze ko abapolisi bari mu kazi kabo ka buri munsi bahagarika uriya mumotari,arahagarara, bamusaba uruhushya rumwemerera gutwara moto. Yagize ati:” Abapolisi bashinzwe umutekano wo mu muhanda bamuhagaritse bamwaka ibyangombwa bimwemerera gutwara moto, ararubereka bararwitegereza  babona ruteye  amacyenga kuko babonaga rutameze nk’izindi,bakomeje kwitegereza neza babona ni uruhimbano.” Uyu mumotari  yiyemereye ko atigeze akorera uruhushya rwo gutwara moto ko hari mugenzi we w’umumotari wamusabye amafaranga ibihumbi 200 akamwizeza ko azamuzanira uruhushya rwo gutwara moto,ari nabwo yabonye icyo gihimbano. SSP Ndushabandi yaboneyeho gukangurira abaturage kwirinda abatekamutwe  babashuka ko bazabaha impushya zo gutwara ibinyabiziga kuko zitangwa na Polisi y’u Rwanda yonyine. Yabashishikarije kujya banyura mu nzira zemewe bagakorera impushya kuko zikorerwa kandi zigatangwa. Muri aka karere ka Rusizi ntihari hakunze kugaragara abantu batwara ibinyabiziga bafite impushya zo gutwara ibinyabiziga  z’impimbano. Kuri ubu Karangwa Elie yashyikirijwe Urwego rw’Igihugu rushinzwe ubugenzacyaha kugirango akurikiranwe ku cyaha akekwaho.  

The post Rusizi: Umumotari yafatanywe uruhushya rwo gutwara moto rw’uruhimbano appeared first on bwiza.com.

Rwamagana :Abashakanye badahuza baragirwa inama yo kwaka gatanya aho kwicana

By Itangishatse Theoneste

Ku wa   kabiri tariki ya 13 Ugushyingo 2018,  mu nteko y’  abaturage ,inzego z’umutekano zasabye abaturage  kudahishira abagabo n’abagore bafitanye ibibazo by’amakimbirane kuko bitera imfu za hato na hato, kugira ngo  bagirwe inama,  abananiwe guhuza bagatandukana  aho kwicana. Chief Inspecter of Police, Mutsinzi uyobora station ya Kigabiro yasabye abaturage kwirinda icyaha no ku gikumira ndetse bakirinda guhishira ingo zirimo amakimbirane. Yagize ati “Mufite ibibazo by’amakimbirane muhisha kandi aribyo bivamo imfu za bamwe cyangwa induru ,ahanini amakimbirane mu ngo araturuka ku mitungo no ku bukene ,urugo mubonyemo amakimbirane mutange amakuru dukurikirane”. CIP Mutsinzi yakomeje agira inama abashakanye kujya batandukana aho gutemana. Ati “Niba umugore washatse ugeraho ukamuhararukwa wamusezerera aho gufata umuhoro ,nawe mugore kuki utekereza gusohoka umugabo afashe umuhoro? kuki umwihambiraho ugategereza ko akumena uruguma ,kuki utamuhunga iby’imitungo ukazabikurikirana nyuma ,niba ubona urukundo rwarashize ntuzategereze umuhoro”. Mu kiganiro cyatanzwe Rtd Col. Mugema Donath  umuyobozi w’inkeragutabara mu karere ka Rwamagana,  yasabye abaturage kujya batanga amakuru kugira ngo hakumirwe icyaha kitaraba anasaba abaturage kujya bagaragaza imiryango irimo amakimbirane kugira ngo iganirizwe.   Bamwe mu baturage baganiriye na Bwiza.com bavuga ko ibibazo by’amakimbirane yo mu ngo bigira ingaruka  ku muryango ndetse ko bagiye kujya batanga amakuru bagaragaze ingo zifitanye ibibazo by’amakimbirane. Mukandayisenga Denyse yemeza ko hari aho bajyaga babona amakimbirane bakicecekera kugira ngo batiteranya. Yagize ati “hari ingo nyinshi zirimo amakimbirane kandi izo ngo usanga aribo bafite ibibazo by’imibereho kubera kudakoresha neza umutungo w’urugo ,unasanga abana babo nabo nta burere babatoza ,niyo mpamvu dusanga bakwiye kwigishwa ariko twebwe tudatanze amakuru ngo izo ngo zimenyekane abayobozi ntibashobora kumenya ibibazo bafite”. Mu karere ka Rwamagana hagiye havugwa imfu hagati y’abashakanye zikomoka ku makimbirane aba amaze igihe ashingiye ku bibazo by’ubuharike ndetse n’ubwumvikane buke hagati y’abashakanye, bunakururwa n’imitungo. Ngabonziza Justin/Bwiza.com  

The post Rwamagana :Abashakanye badahuza baragirwa inama yo kwaka gatanya aho kwicana appeared first on bwiza.com.

Before yesterdayBwiza.com

Diamond yatangaje amafaranga adashobora kujya munsi ku wifuza kumutumira mu gitaramo

By Itangishatse Theoneste

Umuhanzi Diamond Platnumz wo muri Tanzania atangaza ko adashobora kujya munsi y’amadolari ibihumbi 70 by’amadolari ya Amerika mu gihe hari uwamutumiye kuririmba mu gitaramo. Uyu muhanzi umaze kwandika izina haba muri Afurika ndetse no ku yindi migabane, avuga ko mu gihe hari uwifuje ko aririmba mu gitaramo cye, adashobora kumuca amadolari ari munsi y’ibihumbi 70. Yagize ati “ Ibiciro byanjye ntibishobora kujya munsi ya US $ 70,000 (asaga miliyoni 60 z’amanyarwanda)”. Yakomeje avuga ko mu gihe ari igitaramo cyabereye muri Tanzania nabwo adashobora kujya munsi ya 48,090,000 z’amashilingi ya Tanzania [agera kuri US $ 21159) ubwo ni asaga miliyoni 18 z’amanyarwanda. Diamond ni umuhanzi umaze kwagura impano ye kugera aho irenga imbibi za Tanzania, yakoranye indirimbo n’ibyamamare bikomeye muri Muzika ku mugabane wa Afurika nka Davido n’ itsinda rya P-Square (Nigeria), … ku mugabe wa Amerika, uyu muhanzi amaze gukorana na Ne-yo, Rick Ross,… Naseeb Abdul Juma, yamenyekanye ku izina rya Diamond Platnumz muri muzika, ni umugabo w’imyaka 29 y’amavuko, akaba afite abana batatu yabyaranye n’abagore babiri batandukanye, babiri yabyarenye n’umuherwe Zari Hassan ndetse n’undi umwe yabyaranye n’umunyamideli wo muri Tanzania, Hamisa Mobetto.

The post Diamond yatangaje amafaranga adashobora kujya munsi ku wifuza kumutumira mu gitaramo appeared first on bwiza.com.

Perezida Kagame yagendereye igihugu cya Qatar

By Itangishatse Theoneste

Perezida wa Repubulika, Paul Kagame yagendereye igihugu cya Qatar, mu ruzinduko rw’akazi rw’iminsi ibiri rugamije gushimangira umubano hagati y’ibihugu byombi. Binyujijwe ku rukuta rwa Twitter rwa Perezidansi y’u Rwanda, kuri uyu wa Gatatu tariki ya 14 Ugushyingo 2018, batangaza ko Perezida Kagame yageze i Doha kuri uyu wa Gatatu, akaba azagirana ibiganiro n’umuyobozi wa Qatar, Sheikh Tamim bin Hamad Al Thani. Umubano w’u Rwanda na Qatar: Qatar ituwe n’abaturage bagera kuri miliyoni 2.639 (2017), iki gihugu kikaba gifitanye umubano n’u Rwanda cyane cyane ushingiye ku bintu bitandukanye, nk’ubutwazi bw’abantu n’ibintu, kurwanya ibiyobyabwenge,… Mu mwaka wa 2015, u Rwanda na Quatar byashyize umukono ku masezerano y’ubufatanye mu birebana no kurwanya ibiyobyabwenge. Aya masezerano yari yahujwe n’inama yigaga ku bibazo biterwa n’ikwirakwizwa ry’ibiyobyabwenge (Qatar International Anti-Drug Forum) yaberaga i Doha mu murwa mukuru w’icyo gihugu. yashyizweho umukono nyuma y’aho mu mpera z’umwaka wa 2014 na mbere y’aho hagaragaye abacuruza ibiyobyabwenge ndetse bamwe bafatiwe mu Rwanda kandi bahageze baciye ku Kibuga cy’Indege Mpuzamahanga cya Doha muri Qatar bavuye muri Amerika y’Epfo. Ku wa 4 Gicurasi 2017 u Rwanda na Qatar byashyize umukono ku masezerano, yo gushyiraho imikoranire mu bya dipolomasi. Ni amasezerano yashyizweho umukono na Ambasaderi w’u Rwanda mu Muryango w’Abibumbye, Valentine Rugwabiza n’uwari ahagarariyeyo Qatar, Alya Ahmed S. Al-Thani. Aya masezerano akaba yarashimangiraga kurushaho kunoza umubano w’ibihugu byombi, inyandiko iyasobanura ikaba igaragaza ko azongera ibijyanye n’ubuhahirane hagati y’u Rwanda na Qatar. Si ibi gusa, kuko Sositeyeti y’indege y’iki gihugu ‘Qatar Airways’ yagiranye amasezerano na leta y’u Rwanda yo gukorera mu Rwanda ku bijyanye n’ingendo zo mu kirere.  

The post Perezida Kagame yagendereye igihugu cya Qatar appeared first on bwiza.com.

Nyanza: Abaturage barakemanga imicungire y’imitungo yabo mu makoperative

By Itangishatse Theoneste

Bamwe mu baturage bo mu murenge wa Muyira mu karere ka Nyanza baranenga imicungire igaragara muri amwe mu makoperative bikabaviramo kuyareka kuko usanga imitungo yazo yitungiye abaziyobora ndetse no kubakurikirana bikabananiza. Ibyo byagarutsweho mu kiganirompaka cyateguwe n’Ihuriro ry’abanyamakuru baharanira amahoro (PAX PRESSE) hagati y’abaturage n’ubuyobozi taliki ya 17 Ukwakira 2018, ku nkunga ya Transparency International Rwanda na kaminuza ya Aga Khan ishami ryo muri Kenya. Nyabyenda Madelene wo mu murenge wa Muyira mu karere ka Nyanza avuga ko yaretse kwitabira amakoperative kuko byagaragaye ko ahanini imitungo yayo usanga yiharirwa n’abayobozi bazo aribo yitungiye umunyamuryango ntagire icyo abonamo. Agira ati: “Buriya byagiye bibaho ko abantu bibumbira mu makoperative bikagera aho abayobozi bazo bahemukira abanyamuryango bakayitwara umutungo ariko kugira ngo abasigaye babone intege zo kugaruza no gukurikirana ibyo batwaye bikabaca intege”. Nyabyenda avuga ko ubwo buhemu bukunze kugaragara hafi mu makoperative akora ibintu bitandukanye akabona biterwa n’uko abanyamuryango benshi baba badasobanukiwe n’imicungire ya koperative. Agira ati: “Hari igihe tuba twibumbiye mu matsinda tukiyemeza gukjya dutanga ibiceri 300 ku kwezi kugira umwaka nushira tugiye kwinjira mu gikorwa cyo kugabana umutungo wareba ugasanga ibyo uhawe ntaho bihuriye n’ibyo watanze. Ibyo rero bituma ducika intege no kuba mu makoperative no mu matsinda umuntu akiyemeza gukora wenyine kubera ko mu makoperative nta nyungu tubonamo abaziyobora baturiganya”. Habimana Aphrodis utuye muri uwo murenge wa Muyira avuga ko kwibumbira mu makoperative ari byiza ariko hari abagiye bacibwa intege no kuba basabwa imigabane bikagorana, no mu gihe ibonekeye bakazabura inyungu zayo bityo bagahitamo kwiviramo kuko zikiza abayobozi baziyoboye. Abo baturage bahuriza hamwe ko mu gihe habayeho uburiganya mu micungire yak operative gukurikirana umuyobozi uyiyoboye wabukoze bibagora bikabaviramo no kubyihorera ahubwo bagasaba ubufasha ubuyobozi bw’ibanze bubegereye kuko byazaca intege n’abakizirimo. Agoronome w’uyu murenge, Dusengimana Jacques avuga ko ikibazo cy’uko hari bamwe mu baturage batakitabira kwibumbira mu makoperative nk’abandi babitewe n’uko hari izifite imicungire itanoze ugasanga imitungo yazo yitungiye abayobozi bazo gusa. Agira ati: “Nibyo koko hari amakoperative yagaragaweho gucungwa nabi nk’iyitwa Urugangazi na koperative z’abahinzi b’umuceri kuko mu igenzurwa dukora tureba ishusho y’umutungo zifite usanga inyungu n’ubushobozi zifite ari bikeya ari nabyo byatumye zimwe zihagarara. Ariko si zose zicunzwe nabi kuko hari n’izindi z’intangarugero mu kugira imicungire myiza harimo nk’ayo usanga agizwe n’abajyanama b’ubuzima ariko ugasanga anahinga. Hari n’indi igerageza y’ikusanyirizo y’amata”. Dusengimana avuga ko nk’akarere iyo basanze ikibazo kimeze gutyo bakora ubuvugizi ku kigo cy’Igihugu cy’amakoperative(RCA), abashinzwe kugenzura imitungo n’abagenza icyaha ku bayinyereje izo nzego zikaboherereza abagenzuzi. Umuyobozi w’akarere ka Nyanza, Ntazinda Erasime asubiza ku kibazo cya koperative zisa nizahagaze kubera imicungire mibi, avuga ko bafatanyije n’umushinga wa MINAGRI PASPA bari kongera guhuriza hamwe abanyamuryango b’izo koperative kugira ngo uruganda bari bafite rwongere rukore kandi bitarenze uyu mwaka wa 2018 koperative urugangazi ruzaba rukora kandi neza. Meya akomeza avuga ko ubuyobozi bwa koperative bwigenga ariko abayobozi bazo badashobora gukora amakosa ngo birangirire aho ngaho kuko icyo gihe nk’akarere kabakurikirana gafatanyije n’ubuyobozi bwa RCA. Asaba abanyamuryango ba koperative kudategereza ngo ibintu bigere iwandabaga kugira ngo ikibazo kibone kugaragara ndetse bikagira ingaruka kuri bamwe bakarinda iyo bayavamo. Avuga ko ubuyobozi bw’akarere bukomeza kwigisha no guhugura abaturage kugira ngo bakurikirane imikorere ya koperative yabo hakiri kare kuko hari aho bigera ugasanga amafaranga yabo yarayatwaye yanagaragara akaba ntayo agifite. Asaba abaturage gukurikirana amakoperative yabo umunsi ku wundi kugira ngo hirindwe kwangirika byinshi. Muyira niwo murenge wabaye uwa mbere mu yindi yose mu kwesa imihigo y’umwaka wa 2017/2018, mu gihe akarere ka Nyanza ubarizwamo ariko kaje ku mwanya wa nyuma. Sezibera Anselme  

The post Nyanza: Abaturage barakemanga imicungire y’imitungo yabo mu makoperative appeared first on bwiza.com.

Minisitiri w’Ingabo wa Israel yeguye ku mirimo ye

By Itangishatse Theoneste

Minisitiri w’ingabo wa Israel, Avigdor Lieberman yeguye ku mirimo ye nyuma yaho inama y’Abaminisitiri yemeje agahenge mu mirwano n’intagondwa zo muri Palestine yari imaze iminsi ibiri ibera muri Gaza. Avigdor Lieberman, unakuriye ishyaka rya Yisrael Beiteinu, yamaganye ako gahenge avuga ko ari “ukugamburuzwa n’iterabwoba”. Yananenze ibikorwa byo kugerageza kugera ku gahenge k’igihe kirekire n’intagondwa zo mu mutwe wa Hamas. Abantu umunani barishwe ku wa mbere no ku wa kabiri muri iki cyumweru ubwo intagondwa zarasaga ibisasu bya roketi 460 byerekezaga muri Israel, na Israel ikohereza ibisasu ahantu 160 muri Gaza. Hamas igenzura igice kinini cya Gaza  n’indi mitwe y’intagondwa yo muri Palestine, ku wa kabiri nyuma ya saa sita yatangaje ko yemeye amasezerano y’agahenge agizwemo uruhare n’igihugu cya Misiri ndetse ivuga ko izayakurikiza Israel nayo niramuka yemeye kuyakurikiza. Inama y’umutekano ya Israel ku ikubitiro yari yavuze ko yatanze amategeko ku gisirikare ngo gikomeze ibikorwa byacyo nkuko bisanzwe, ariko Bwana Lieberman n’undi muminisitiri babaye nk’abemeza ko Israel yemeye agahenge mu gihe bo bavuga ko batagashyigikiye. Kuri uyu wa Gatatu, aka gahenge kubahirijwe ahantu henshi ndetse amashuri n’ibikorwa by’ubucuruzi mu majyepfo ya Israel byongeye gufungura imiryango kuko nta bisasu bya roketi byatewe mu ijoro ryacyeye. Ariko igisirikare cya Israel cyavuze ko cyarashe ndetse kigata muri yombi umugabo wo muri Palestine wageragezaga kurenga uruzitiro rwo ku mupaka wa Israel na Gaza atera ibisasu bya gerenade. Hagati aho, abaturage babarirwa mu macumi bo ku mupaka wa Israel bafunze imihanda binubira icyo bavuga ko ari “kutagira icyo leta ya Israel ikora” ku nkeke zitewe n’ibisasu bya roketi biva muri Palestine. Benjamin Netanyahu, Minisitiri w’intebe wa Israel, yashyigikiye icyo cyemezo cy’agahenge, avuga ko “mu bihe bidasanzwe, iyo hafatwa ibyemezo by’ingenzi bijyanye n’umutekano, rubanda ntabwo iteka ishobora kubwirwa ibiri kugenderwaho bigomba guhishwa umwanzi”. Muri Gaza, abantu bishimiye aka gahenge, Hamas ikaba igafata nk’intsinzi. Ubu bushyamirane buheruka bwatangiye ubwo igikorwa cyo mu ibanga cyo muri Gaza cy’abasirikare kabuhariwe ba Israel cyatahurwaga ku cyumweru, hagahita haduka imirwano yaguyemo intagondwa zirindwi zo muri Palestine n’umusirikare umwe wa Israel.    

The post Minisitiri w’Ingabo wa Israel yeguye ku mirimo ye appeared first on bwiza.com.

Nabonye bitwara igihe- Kizito Mihigo avuga ku ngingo yo gushaka umugore

By Masengesho Fred

Umuhanzi Kizito Mihigo avuga ko yasanze ibintu byo gushaka umugore ari ibintu bitwara igihe gusa ngo aracyafite iki  icyifuzo. Ni nyuma yaho uyu muhanzi ukunzwe n’abatari bake hano mu Rwanda kubw’indirimbo ahanini zigisha ubumwe n’ubwiyunge akimara gufungurwa yatangaje ko afite gahunda yo guhita ashinga urugo. Mu kiganiro na Large TV kuwa 12 Ugushyingo 2018, Kizito yavuze ko Hakiri kare kuba yabona uwo bazabana kuko amaze amezi abiri hanze ya gereza. Ati” Nabonye bitwara igihe, icyifuzo kiracyahari gusa ni ibintu umuntu atahita (aricamo kabiri), ntabwo wahita ubona uwo muntu mu mezi abiri. Icyo cyifuzo, igitekerezo kiracyahari. Ntiwakora uwo mushinga utarahura n’uwo muntu. Ikifuzo kirahari ndi tayari(…).” Uyu muhanzi yemeza ko ingingo yo gushaka ayifitemo ubushake ariko kugira ngo umuntu abone uwo bazabana bisaba kwirinda kumuhiga. Aha yagize ati” Numva mfite ubushake bwo gushaka ariko kubona uwo muzabana ni ukwirinda kumuhiga. Iyo uhize ushobora kubona ubonetse wese. Ntekereza ko iriya ari projet (umushinga) iri serious (ifatika). Mihigo kandi muri iki kiganiro yagiriye inama abandi basore n’inkumi bashobora kwihutira gushaka. Ati” Abantu benshi babikora nk’ikintu cya (umunyamakuru amuca mu ijambo). Ikintu cyo kubaka ubuzima bwawe forever (ubuziraherezo) ni icyo kwitondera.” Kizito Mihigo yavutse ku wa 25 Nyakanga 1981. Yavukiye i Kibeho mu Karere ka Karere ka Nyaruguru, mu yahoze ari Perefegitura ya Gikongoro [ubu ni mu Ntara y’Amajyepfo]. Uyu muhanzi azwiho kuririmba indirimbo z’Imana by’umwihariko muri Kiliziya Gatolika. Yatangaje ko afite igitekerezo cyo kurushinga kuwa 15 Nzeri 2018 ubwo yafungurwaga nyuma yo kumara imyaka ine n’igice afunze maze agahabwa imbabazi n’Umukuru w’igihugu.

The post Nabonye bitwara igihe- Kizito Mihigo avuga ku ngingo yo gushaka umugore appeared first on bwiza.com.

Meddy yahishuye icyatumye akorana na Diamond akareka Ali Kiba

By Masengesho Fred

Umuhanzi Ngabo Medard Jobert uzwi nka Meddy  atangaza ko yumvise  yahita akorana  hafi n’umuyobozi wa Wasafi, Diamond  Platnumz kuko ngo nta buryo bwo gutumanaho na Ali Kiba yari afite. Uyu muhanzi ari mu gihugu cya Tanzaniya bakunda kwita ‘Bongo land’ mu rwego rwo gukorana indirimbo n’abahanzi batandukanye bakomeye bo muri iki gihugu. Mu kiganiro na Bongo 5, Meddy yatangaje ko bitamworoheye guhita akorana na Ali Kiba kuko ngo nta nimero ye cyangwa iy’abamuhagarariye yagiraga gusa akavuga ko bombi baziranye mu ruhando rwa muzika.   Ati” Ahh urabizi, nta nimero ye ngira (Ali Kiba). Yewe habe n’iy’abantu be ba hafi cyangwa iya manajimenti ye (management). Ubusanzwe turaziranye, azi umuziki wanjye nanjye uwe ndawuzi, na we aziko mukunda.” Meddy yakomeje asobanura ko kuri Diamond bitandukanye kuko we yigeze no kugera aho aba muri Leta Zunze Ubumwe za Amerika mu mujyi wa Dallas. Ati” Uziko Diamond yigeze gukorera igitaramo i Dallas, icyo gihe twarabonanye. Bose ndabakunda kandi bose bazi ibyo bakora.” Uyu muhanzi kandi ko umuziki wo muri Afurika y’Iburasirazuba urimo kugenda utera imbere buhoro buhoro bityo bigatanga icyizere ko mu myaka mike iri imbere uzaba ugeze ku rwego rwa Nijeriya bitewe n’uko n’ibihugu bigenda bitera imbere. Meddy yavukiye i Bujumbura mu Burundi, taliki ya 7 Kanama 1989. Ni umuhanzi nyarwanda umaze kubaka izina mu buryo bukomeye ukora mu njyana ya R&B na Pop akaba akorera umuziki we aho yiga muri Leta ya Texas muri Amerika.        

The post Meddy yahishuye icyatumye akorana na Diamond akareka Ali Kiba appeared first on bwiza.com.

Tuzabashiririza -abo muri CNDD-FDD babwira abatavuga rumwe na Leta

By Masengesho Fred

Abarwanashya b’ishyaka riri ku butegetsi mu Burundi, CNDD-FDD batangaza ko bazashiririza abatavuga rumwe n’umurongo wa politiki w’ishyaka ryabo kandi ko bazakora ibishoboka byose bagahindagura ibijyanye n’amatora kugira ngo babone insinzi. Aya ni amagambo yumvikana mu karirimbo kuje ibyishimo by’a barwanashyaka ba CNDD-FDD  kagenda gakwirakwiza ku mbuga nkoranyambaga zitandukanye. Mu magambo y’Ikirundi atoroshye gusobanurwa na buri wese, baririmba bagira bati” Tuzobashiririza kandi tuzogahinyanyura (…).” Umwe muri aba barwanyashyaka utarashatse ko amazina ye atangazwa yabwiye  ikinyamakuru UBM News  icyo aya magambo asonbanura. Yagize ati” Gushiririza bivuga guhindura umuntu utari uwo muri CNDD-FDD akaba umunyamuryango. Aha ni naho hava ya magambo ngo injavyi, ibipinga. Ni ukuvuga bo bose batumva umugambi wa  CNDD-FDD.” Mu gusobanura ‘guhinyanyura’, ntiyagize byinshi ashaka gutangaza ariko iki kinyamakuru kivuga ibi bivuga ko hazakorwa ibishoboka byose kugira ngo ishyaka riri ku butegetsi ritsinde amatora. Ku rundi ruhande, abatavuga rumwe na Leta mu Burundi ntibahwemye kuvuga ko aya mavidewo nta kindi aba agamije kitari ukubatera ubwoba.

The post Tuzabashiririza -abo muri CNDD-FDD babwira abatavuga rumwe na Leta appeared first on bwiza.com.

Isinzi ry’abasirikare bagaragaye mu mujyi wa Kampala

By Masengesho Fred

Igisirikare cya Uganda cyigabye ku bwinshi mu mujyi wa Kampala no mu Karere ka Wakiso. Kuri ubu nk’uko ikinyamakuru Chimpreports kibitangaza, abasirikare kabuhariwe baragaragara kuri buri sitasiyo ya polisi muri utu duce twavuzwe haruguru ndetse hakiyongeraho n’uburinzi bwo mu ijoro. Ku rundi ruhande, abatavuga rumwe na Leta ya Museveni  bavuga ko ibi bintu bikwiye kwibazwaho. Umuvugizi w’Ishyaka  Forum For Democratic Change (FDC), Ssemujju Nganda yagize ati” Twebwe nk’ishyaka rya politiki duhangayikishijwe no kubona  abasirikare bakora akazi ubusanzwe gakora abapolisi.” Uyu mugabo avuga ko biteye inkeke kubona ibi byarakozwe abaturage ntibasobanurirwe impamvu ibitera. Ati”  Uku kugaba abasirikare kwabayeho abashinzwe gusobanurira abaturage nta mpamvu bababwiye uburyo bumva ko iby’umutekano bireba igisirikare gusa.” FDC ivuga ko nyuma yaho aba basirikare bakwirakwije mu mujyi wa Kampala, abayoboke bayo bagiye batabwa muri yombi mu gihe abandi baburiwe irengero. Umuvugizi w’igisirikare cya Uganda (UPDF), Brig. Richard Karemire avuga ko kuba abasirikare bari mu mujyi wa Kampala nta muntu bikwiye gutera mpungenge. Ati”  Nta mpungenge bikwiye gutera . Aho ari ho hose bikenewe, UPDF yiteguye gufasha polisi kurinda umutekano no guhangana n’abanyabyaha.” Andi makuru avuga ko igisirikare kiri kugaragagara cyane muri Kampala na Wakiso nyuma yaho abakomeje kwivugana abayobozi bakuru mu gipolisi batangaje ko bagiye kugaba ibitero simusiga muri iyi minsi mikuru y’umwaka.  

The post Isinzi ry’abasirikare bagaragaye mu mujyi wa Kampala appeared first on bwiza.com.

Kayumba Nyamwasa ashobora kwisanga i Kigali

By Itangishatse Theoneste

Leta y’u Rwanda iratangaza ko ubushinjacyaha bwatangiye imyiteguro yo gusaba Afurika y’Epfo igicumbikiye Kayumba Nyamwasa ndetse n’abandi bacyekwaho kuba barasize bakoze ibyaha mu Rwanda kuba bagarurwa mu gihugu. Mu nama yahuje abashinjacyaha bose bo mu gihugu yo ku wa 13 Ugushyingo 2018, igamije  kurebera hamwe ibikorwa byakozwe mu mwaka ushize, imbogamizi zagaragaye no gushakira hamwe ingamba zo gukosora ibitaragenze neza, nibwo Umushinjacyaha mukuru, Mutangana Jean Bosco, yatangaje ko inama akuriye iri muri gahunda yo kohereza muri Afurika y’Epfo impapuro zisaba itabwa muri yombi rya Kayumba. Izi mpapuro zo kumuta muri yombi akoherezwa mu Rwanda, ngo ni ukugira ngo akurikiranweho ibijyanye n’ibikorwa by’iterabwoba by’umutwe RNC yashinze, gusa Umushinjacyaha mukuru ntiyatomoye ngo avuge andi mazina y’abandi bantu baba bacyekwaho hamwe na Kayumba Nyamwasa. Yagize ati “ntabwo ari ibanga rero turabakurikirana ndetse usibye n’abo, n’abandi bose bahungabanya umudendezo w’igihugu twiyemeje kubakurikirana kandi tukabashyikiriza inkiko, twakubwira rero ko turimo tubakurikirana, dukorana n’ibihugu baherereyemo mu buryo bwa Dipolomasi, kugira ngo bazashyikirizwe inkiko”. Ibi bibaye mu gihe mu minsi ishize Minisitiri w’Ububanyi n’amahanga wa Afurika y’Epfo, Lindiwe Nonceba Sisulu, hamwe na mugenzi we w’u Rwanda bashinzwe n’ibihugu byombi kongera kuzahura umubano w’u Rwanda na Afurika y’Epfo. Uyu mubano wahungabanye mu mwakwa 2014, ubwo Afurika y’Epfo yirukanaga abadipolomate b’u Rwanda batatu nyuma y’igerageza ryabayeho ryo kwica Gen. Kayumba Nyamwasa wahose ari umugaba mukuru w’ingabo z’u Rwanda ndetse n’iyicwa rya Col. Partick Karegeya wahoze akuriye iperereza ry’u Rwanda. RNC ya Kayumba Nyamwasa yasabye Afurika y’Epfo kuyihuza na Guverinoma y’u Rwanda U Rwanda narwo ryashinje Afurika y’Epfo kuba indiri y’abaruhungabanyiriza umutekano, bityo umubano w’ibihugu byombi uzamo agatotsi utyo.          

The post Kayumba Nyamwasa ashobora kwisanga i Kigali appeared first on bwiza.com.

Uganda: Umugabo yacakiwe amaze gusambanya umwana yashukishije amashilingi 500

By Itangishatse Theoneste

Polisi yo muri Wakisoro yafashe umugabo w’imyaka 32 yafashwe ubwo yari amaze gusambanya umwana w’imyaka irindwi amushukishije amashilingi 500 ya Uganda. Uyu mugabo witwa Daniel Kasule, umuturage wo mu gace ka Ganda Nansana yafashwe afungirwa kuri sitasiyo ya Polisi ya Nansana, nyuma yo gucyekwaho gufata ku ngufu umwana w’umukobwa w’uwitwa Teddy Nakimbugwe. Amakuru agera kuri Chimpreports avuga ko ubwo nyina w’umwana yari amaze kugenda amusize mu rugo, ngo nibwo Kasule yamuhamagaye amujyana mu cyumba cye aramusambanya ndetse ngo anamuha aya 500 kugira ngo azabiceceke. Amakuru yaje gutangwa n’undi mugore w’umuturanyi witwa Margaret Kobusingye, wumvise aka kana kabiganiriza abandi bana. Nyina w’umwana, Teddy ati “ubwo nageraga mu rugo, Kobusingye yambwiye ko yumvise umukobwa wanjye avuga ko Kasule yamusambanyije, najyanye umwana wanjye kuri sitasiyo ya Nansana akorerwa ibizamini n’umuganga w’umupolisi,…”. Kasure ngo yaje gufatwa na Polisi aho ngo yakorewe ibisamini by’indwara mu gihe bikekwa ko yaba yanduje uyu mwana VIH/SIDA nyuma akaba agomba kugezwa mu rukiko.

The post Uganda: Umugabo yacakiwe amaze gusambanya umwana yashukishije amashilingi 500 appeared first on bwiza.com.

Ngoma: Umumotari yafashwe agerageza guha ruswa umupolisi

By Itangishatse Theoneste

Mu gitondo cyo ku wa Kabiri Tariki 13 Ugushyingo 2018, Polisi y’u Rwanda ikorera mu karere ka Ngoma yafashe Tumukunde Patrick w’imyaka 21 y’amavuko ukora akazi ko gutwara abagenzi kuri moto mu murenge wa Kibungo mu karere  ka Ngoma. Uyu mumotari yafatiwe mu cyuho aha ruswa y’amafaranga ibihumbi makumyabiri (20 000 frw) umupolisi ushinzwe umutekano wo mu muhanda. Chief Inspector of Police (CIP) Theobald Kanamugire umuvugizi wa Polisi mu Ntara y’Iburasirazuba avuga ko Tumukunde yafashwe agerageza guha ruswa umupolisi ubwo yari amuhagaritse ngo amusabe ibyangombwa. Yagize ati “ Umupolisi wo mu ishami rishinzwe umutekano wo mu muhanda wari mukazi yahagaritse umumotari utari wambaye ingofero yabugenewe (Casques) mu guhagarara yasanganwe andi makosa arimo kuba adafite uruhushya rwo gutwara moto”. CIP Kanamugire akomeza avuga ko mugihe uyu mu polisi yabazaga umumotari impamvu atwara moto adafite ibyangombwa byuzuye we yahise akora mu mufuka akuramo amafaranga ibihumbi makumyabiri ya ruswa ayaha wa mupolisi wari umufashe ku gira ngo amureke agende. CIP Kanamugire akomeza asaba abaturage kwirinda gutanga cyangwa kwaka ruswa kuko Polisi n’inzego zitandukanye zayihagurukiye. Yagize ati’’Polisi n’inzego zitandukanye zafashe ingamba zikomeye zo kurwanya  ruswa  kuko  imunga ubukungu bw’Igihugu,ikimakaza akarengane n’itonesha, bityo uwagombaga kubona serivisi ntabe ariwe uyibona kuko adafite amikoro yo kuyigura. CIP kanamugire asoza asaba abaturage kuba maso bakarwanya ruswa  batanga amakuru y’aho igaragaye ku nzego z’ubuyobozi zibegereye. Yagize ati’’ Uruhare rwanyu mu kurwanya abakomeje gutanga ruswa rurakenewe mukwiye kurushaho kuyirwanya mutanga amakuru y’aho igaragaye binyuze mu guhamagara imirongo itishyurwa yashyizweho cyangwa kwegera inzego z’ubuyobozi zibegereye mukazitungira agatoki.’’ Kuri ubu Tumukunde Patrick yashyikirijwe Urwego rw’Igihugu rw’Ubugenzacyaha kugirango hakorwe iperereza ku cyaha akurikiranyweho.  

The post Ngoma: Umumotari yafashwe agerageza guha ruswa umupolisi appeared first on bwiza.com.

❌