WebRwanda.com

🔒
❌
There are new available articles, click to refresh the page.
Before yesterdayNews Sites

Hari akaga gategereje abakoresha basuzuguraga umugenzuzi w’umurimo

By Editor

“Umukoresha ubuza umugenzuzi w’umurimo kwinjira mu kigo, uwanze kumuha amakuru, utitaba ihamagarwa, cyangwa udashyira mu bikorwa imyanzuro y’umugenzuzi w’umurimo, aba akoze ikosa ryo mu rwego rw’ubutegetsi.”

Ibi ni bimwe mu bishya bitari bisanzwe mu itegeko ry’umurimo mu Rwanda, ariko mu itegeko rishya Umugenzuzi w’umurimo akaba yarahawe imbaraga zituma yubahwa n’abakoresha dore ko hari bamwe batamwitabaga igihe yabahamagaje bafitanye ibibazo n’abakozi cyangwa ngo bashyire mu bikorwa inama yabagiriye.

Ingingo ya 120 y’Itegeko rigenga umurimo mu Rwanda, No 66/2018 ryo ku wa 30/08/2018, riteganya ibihano ku mukoresha wangira umugenzuzi w’umurimo kwinjira mu kigo, uwanga kumuha amakuru, wanga kumwitaba cyangwa akanga gushyira mu bikorwa inama yamuhaye, aba akoze ikosa. Icyo gihe Umugenzuzi w’umurimo afite uburenganzira bwo guca umukoresha amande ateganywa n’itegeko muri iyi ngingo.

“Umukoresha ubuza umugenzuzi w’umurimo kwinjira mu kigo, uwanze kumuha amakuru, utitaba ihamagarwa, cyangwa udashyira mu bikorwa imyanzuro y’umugenzuzi w’umurimo, aba akoze ikosa ryo mu rwego rw’ubutegetsi. Ahanishwa ihazabu yo mu rwego rw’ubutegetsi y’amafaranga y’u Rwanda atari munsi y’ibihumbi ijana (100.000 FRW) ariko atarenze miliyoni ebyiri (2.000.000 FRW).” Ingingo ya 120.

Umugenzuzi w’Umurimo mu karere ka Kicukiro, Byamurongo Rutebuka, mu kiganiro yagiranye n’Ikinyamakuru Panorama, yadutangarije ko bakibona iri tegeko risohotse byabongereye imbaraga mu kazi kabo ka buri munsi, kandi bizatuma abakoresha bajya ku murongo.

Agira ati “Nidutangira guhana abakoresha bazagira imyitwarire myiza kandi barusheho kutwumva no kubaha inama tubagira mu rwego rwo gutunganya umurimo. Dutegereje gusa ko uburyo bwo guhana bushyirwamo na Minisitiri ufite umurimo mu nshingano ze.”

Ku wa 11 Ukuboza 2018, abashinzwe guhugura abandi ku mategeko agenga umurimo baturutse mu masendika yibumbiye mu rugaga rw’amasendika y’abakozi mu Rwanda (CESTRAR), mu rwego rwo gusesengura Itegeko rishya ry’umurimo, ubumenyi bahawe bakajya kubusangiza abandi.

Ku birebana n’ingingo ya 120 ivuga ku bihano bihabwa abakoresha ku makosa y’ubutegetsi, bavuga ko bije gukuraho agasuzuguro bamwe mu bakoresha bagiriraga abagenzuzi b’umurimo.

Cyubahiro Christophe ni Umunyamabanga Mukuru wa Sendika y’abakozi bo mu mahoteli, amaresitora n’utubari mu Rwanda –SYNHOREB. Avuga ko umukozi ari amaboko y’igihugu akwiye kuba afite itegeko rimurengera kandi rifite imbaraga. Akomeza avuga ko itegeko rishya bagiye kuryigisha abasendikarisite kuko hari aho rikangura umukoresha. Agira ati “itegeko rigaragaza ko umukoresha uzajya amara iminsi mirongo icyenda adatanze amasezerano y’umurimo yanditse azajya ahanwa. Ni ikintu kizadufasha kugira ngo umukoresha yumve ko kubahiriza amategeko ari ngombwa. Ubundi bumvaga kutubahiriza amategeko ntacyo bibabwiye, kuko hari n’abasuzuguraga umugenzuzi w’umurimo…”

Mukaruzima Dativa ni Umunyamabanga Mukuru wa Sendika y’abakozi bo kwa muganga. Avuga ko itegeko rishyirwaho na bo barigizemo uruhare kandi ririmo byinshi biteza imbere umurimo. Avuga ko kuba abakoresha batubahiriza amategeko bagiye kujya bahanwa agira ati “umukoresha yumva ko itegeko ritamureba, ariko ubungubu rirabareba kandi rirabahana. Ni byiza ko bumvikana umukozi agakora akazi ke neza, umukoresha na we akamufata neza. Ubwo hajemo ibihano na bo bagiye gukanguka kubera gutinya ibihano.”

Bwanakweri Jean Marie Vianney ni umunyamategeko ariko akaba no muri Sendika irengera abakozi bo muri mine na kariyeri (REWU). Avuga ko inshingano za mbere za sendika ari ukurenganura abakozi, akaba ariyo mpamvu bagomba gusobanukirwa amategeko.

Avuga ko kuba mu itegeko ry’umurimo mu Rwanda hatarimo ibihano byatumaga hazamo idindira mu gukemura ibibazo. Agira ati “Itegeko ryarengeye umuturage kugira ngo abakoresha bumve ko umukozi ari umunyagaciro. Hari rero abahemukira abakozi nkana, babima amasezerano y’akazi n’ibindi. Hari abakoresha bajyaga bahamagarwa n’umugenzuzi w’umurimo bakanga kumwitaba ariko ubu ubwo hajemo ibihano baraza kujya batinya gucibwa amande kuko itegeko ryatanze uburenganzira bwo gufunga ikigo by’agateganyo. Umugenzuzi w’umurimo afite imbaraga yahawe zo guhana umukoresha utubahiriza amategeko.”

Itegeko rigenga umurimo mu Rwanda, No 66/2018 ryo ku wa 30/08/2018 ryaje rivugura itegeko No 13/2009 ryo ku wa 27/05/2009, hagamije gukuramo ingingo zitajyanye n’igihe, kuryagura no kongeramo ingingo nshya, kongeramo amasezerano mpuzamahanga mashya u Rwanda rwashyizeho umukono, no kongeramo ibirebana n’umuryango wa Afurika y’Iburasirazuba mu rwego rw’abakozi n’umurimo.

Rwanyange Rene Anthere  

Abashinzwe guhura abandi ku mategeko n’amabwiriza bijyanye n’umurimo baturutse mu masendika ahuriye muri CESTRAR bitabiriye amahugurwa ku itegeko rishya rigenga umurimo mu Rwanda (Ifoto/Panorama)
Bwanakweri Jean Marie Vianney, Umunyamabanga Mukuru wungirije wa REWU asobanura bimwe mu bikubiye mu itegeko rishya rigenga umurimo mu Rwanda (Ifoto/Panorama)

Hatanzwe moto na mudasobwa zo gukurikirana ibikorwa by’ubuzima n’ikingira

By Editor

Ku wa 12 Ukuboza 2018, abayobozi b’ibitari n’ab’ibigo nderabuzima bahawe amapikipiki na mudasobwa bizabafasha mu gukurikirana amakuru ajyanye n’ubuzima mu duce bakoreramo. Uyu munsi hatanzwe moto 217 na mudasobwa 504 n’imodoka ebyiri zizakorera ku biro bikuru bya RBC zishinzwe gutwara inkingo.

Umuyobozi mukuru w’ikigo cy’igihugu cy’ubuzima (RBC), Dr Jeannine U. Condo,  yashimiye abayobozi b’ibitaro n’ibigo nderabuzima akazi bakora ko kujya inkingo ariko hakiri ikibazo cy’abana bataramenya neza aho baherereye, akaba ariyo mpamvu bahisemo kugira icyo bakora kugira ngo baborohereze akazi.

Yavuze ko moto zatanzwe atari iz’abayobozi b’ibitaro cyangwa ibigo nderabuzima, ari izizabafasha gukurikirana ibibazo by’abana badakurikirana inkingo nk’uko bikwiriye.

Yanakomeje yihanangiriza bamwe mu badakora uko bikwiriye, anasaba ko bazirinda kwangiza izo moto bagomba kuzifata neza, asaba ko zigomba kumara nibura imyaka makumyabiri.

Agira ati “ibyo dukora byose ni ukugira ngo turusheho gutanga serivisi nziza duha abaturage bacu, ni yo mpamvu dukwiye kuzitaho. Abayobozi b’ibitaro bakwiye kujya bicarana bagakorana.”

Izi moto na mudasobwa ntizahawe abayobozi b’ibitaro n’ibigo nderabuzima bose kuko hari abaherutse kuzihabwa mu gihe cyashize. Zahawe abari basigaye ariko bigaragara ko bazikeneye bitewe n’aho ibigo nderabuzima byabo biherereye.

Ibikoresho byatanzwe bifite abagico ka miliyoni Magana abiri na mirongo itanu z’amafaranga y’u Rwanda ku bufatanye bwa Leta y’u Rwanda, UNICEF na Gavi.

Umuyobozi w’ibitaro bya Gitwe byo mu karere ka Ruhango, Dr. Rukimba Zacharie, avuga ko moto zatanzwe zigenewe ibigo nderabuzima, zikazabafasha kumanuka bakegera umuturage cyane mu gukingira abana.

Agira ati “nubwo turi hejuru ya mirongo icyenda na kabiri ku ijana ariko hari abana baba basigaye, turamanuka tukabashakisha, tukabasanga no mu ngo. Ibigo nderabuzima bizabidufashamo bifashishije izi moto no muri gahunda zo kuboneza urubyaro. Mudasobwa zidufasha kubika imibare no kuyisesengura kuko imibare ni imwe mu gufata ibyemezo.”

Dr Ayingeneye Violette, umuyobozi w’ibitaro by’Akarere ka Ngororero, yavuze ko zigiye kubafasha mu bikorwa by’ikingira uhereye mu mudugudu harimo no gukurikirana abajyanama b’ubuzima bakurikirana ababyeyi batwite baheze mu ngo zabo no kuvura abana bato no gukurikirana n’ibindi byose by’ubuzima.

Rwasingabo Anicet umukozi mu kigo gishinzwe inkingo, avuga ko imodoka bahawe zidasanzwe kuko zishinzwe gutwara inkingo kandi zitagenda aho zibonye hose. Avuga ko nta cyuho cyari gisanzwe gihari mu gutwara inkingo ahubwo ari ukunoza uburyo bwo kuzitwara.

Munezero Jeanne d’Arc

Dr Condo U Jeannine mu muhango wo gutanga moto, mudasobwa n’imodoka (Ifoto/Panorama)
Abayobozi bakuru b’ibitaro mu muhango wo guhabwa moto na mudasobwa byo kubafasha mu bikorwa byo gukingira no gukurikirana ubuzima (Ifoto/Panorama)
Moto zahawe ibigo nderabuzima mu kubafasha gukurikirana ibikorwa byo gukingira n’ibindi bikorwa by’ubuzima (Ifoto/Panorama)
Imodoka yo gutwara inkingo (Ifoto/Panorama)

Ngoma: Aborozi bahangayikishijwe n’ibura ry’umusemburo urindisha inka

By Editor

Aborozi bo mu karere ka Ngoma bahangayikishijwe n’ibura ry’imisemburo  irindisha inka bikaba bibatera ibihombo, igihe inka yagize ibibazo byo gutinda cyangwa kwanga kurinda. Kugira ngo umworozi abone umusemburo bimusaba kujya kuwugura i Kigali, aho umusemburo urindisha inka imwe ugura amafaranga asaga ibihumbi cumi n’umunani (18,000Frw).

Kuba imisemburo irindisha inka mu karere ka Ngoma  ikomeje kubura, ni  imbogagamizi ku borozi  bavuga ko inka zabo zitinda kwima ntizibyarire igihe.

Bushayija Jean de Dieu ni umworozi utuye mu murenge wa Rukira, avuga ko kuba iyi misemburo yarabuze bibateza ikibazo. Agira ati “Ibijyanye no gutera intanga batubwira  ko  imisemburo yabuze, bigatuma inka zikererwa kwima, nko mu murenge wa Rukira rwose tubonye imisemburo imaze atatu nayirindisha, kuko hari igihe inka ibaho itararinda. Nk’iyo mfite rwose ishobora kumara amezi umunani cyangwa icumi itararinda ariko igakomeza igakamwa.”

Muvunyi Peter na we avuga ko kuba imisemburo itakiboneka yanaboneka ikaza ihenze bibabangamiye, agasaba abashinzwe ubworozi kubafasha. Agira ati “Ni ikibazo kitugoye twasaba abaveterineri batuba hafi igihe umuntu yaba afite inka ikenewe kurindishwa bakabimukorera.”

Umuyobozi ushinzwe ubworozi n’ubuvuzi bw’amatungo mu karere ka Ngoma, Bugingo Girbert, na we yemeza ko mu karere ntawo bafite, akizeza aborozi ko bagiye gukorerwa  ubuvugizi.

Agira ati “Aborozi rero bavuga ko yabuze baduha imisemburo mike hagati ya magana abiri na magana atatu buri mwaka  igenewe inka za Girinka  zifite ibibazo zitabashije kwima, ni yo dukoresha, umuturage rero waba awukeneye yakwegera umukozi ubishinzwe mu murenge bakamufasha kuko abaveterineri bose bahuguwe ku gutera intanga.”

Mu karere ka Ngoma habarurwa inka zigera ku bihumbi mirongo itatu n’umunani. Muri uyu mwaka w’ingengo y’imari 2018-2019 hakaba hazaterwa intanga inka zigera ku bihumbi bibiri magana abiri muri gahunda yo kuvugurura ubworozi.

NKURUNZIZA Theoneste /Ngoma

Ingingo z’ingenzi z’urwandiko rwa Ntakirutimana Alain rusaba guhindura izina

By Editor

Uwitwa NTAKIRUTIMANA Alain mwene RUSANGIZA Isdore na TABU Agnes mu mudugudu wa Kanogo Akagari ka Rwimbogo, Umurenge wa Nyarugunga, Akarere ka Kicukiro, Umujyi wa Kigali, uboneka kuri Telefoni 0788308213;

Yasabye uburenganzira bwo gusimbuza izina NTAKIRUTIMANA mu mazina asanganywe NTAKIRUTIMANA Alain, akarisimbuza RUSANGIZA, maze akitwa RUSANGIZA Alain.

Impamvu atanga ni uko izina NTAKIRUTIMANA rishingiye ku nzangano, bityo bikaba bikaba bimusubiza inyuma.

Akaba asaba kwemererwa binyuze mu nzira zemewe n’amategeko, gusimbuza izina NTAKIRUTIMANA mu mazima asanganywe NTAKIRUTIMANA Alain bityo akitwa RUSANGIZA Alain mu gitabo cy’Irangamimerere kirimo inyandiko ye y’ivuka.

Kacyiru: Abapolisikazi bibukijwe ko bashoboye

By Editor

Abapolisi 102 bayobora abandi mu duce twose tw’igihugu bagiranye inama igamije kwimakaza ihamwe ry’uburinganire mu kazi k’igipolisi, aho abapolisikazi basabwe kurushaho kwiyubakamo icyizere kuko bashoboye.

Ni inama nyunguranabitekerezo yabaye kuri uyu wa 11 Ukuboza 2018, ku kicaro gikuru  cya Polisi ku Kacyiru, abayitabiriye bakaba basabwe kubaka icyizere n’ubushobozi bw’umupolisikazi kugira ngo umubare w’abahabwa inshingano zikomeye urusheho kwiyongera kandi bazuzuze uko bikwiye.

Umuyobozi mukuru wa Polisi wungirije ushinzwe ibikorwa DIGP Felix Namuhoranye yasobanuye ko iyi nama ari kimwe mu byitezweho guhindura imyumvire n’imikorere ya bamwe bagitekereza ko hari ibyo badashoboye, bakabiharira abandi.

Yagize ati “Ntawe udafite ubushozi n’ubwo yenda bwaba burutana. Ikibanze ni ukwiyumvamo ko ushoboye, ubundi ukigirira ikizere kandi ugahabwa umwanya wo kugaragaza ibyo ushoboye.”

Yabibukije ko muri iki gihe ubufatanye aribwo bw’ingenzi mu kugera ku cyo abantu biyemeje, abasaba guhuza imbaraga zigamije kunoza inshingano kandi buri wese abigizemo uruhare.

Ati “Ibi si abapolisi bireba gusa, ni ibya buri wese kuko ubufatanye burakenewe mu nzego zose kugira ngo tugire icyo tugeraho kandi buri wese aterwe ishema n’uruhare y’ikigizemo.”

DIGP Namuhoranye yakebuye abantu badahindura imyumvire bagahora bumva ko umugore n’umugabo badakora akazi kangana, agira inama abameze batyo guhinduka kuko aribyo bizatuma abanyarwanda bagera ku byo bifuza.

Rudasingwa Jean Bosco ushinzwe imishinga n’ibikorwa mu muryango uharanira uburinganire n’ubwuzuzanye hagati y’umugabo n’umugore (RWAMREC), yavuze ko ihame ry’uburinganire ari ikintu kiraje ishinga Isi yose bitewe n’umumaro byagiriye abiyemeje kubigeraho.

“Abantu bari mu byiciro bitandukanye, abatabikozwa, ababyumva gake, abashaka kubyumva, abari mu nzira n’abiyemeje kubigeraho. Buri wese akwiye kubahiriza ihame ry’uburinganire, buri wese agahabwa umwanya akarekana ko ashoboye kuko niduhuza ubushobozi nibwo tuzarushaho kugera heza.”

Muri iyi nama hafatiwemo imyanzuro irimo kubaka ikizere n’ubushobozi by’umupolisikazi kugira ngo arusheho kubera abandi urugera no kubatinyura ko bashoboye.

Panorama

Shyorongi: Abanyeshuri 20 bahawe Noheli yo kurihirwa amashuri

By Editor

Kwishyurirwa ibikenewe byose kugira ngo abana makumyabiri bakomoka mu miryango itishoboye bakomoka mu murenge wa Shyorongi, mu karere ka Rulindo, ni kimwe mu byaranze ibirori byo guha Noheli abana, byateguwe n’ikigo gicukura amabuye y’agaciro (EuroTrade International-ETI-Nyakabingo Mine) muri uwo murenge.

Ku wa gatandatu tariki ya 8 Ukuboza 2018, wari umunsi w’ibirori ku bana bo mu kagari ka Nyakabingo bahuriye mu kigo cya ETI basangizwa iminsi mikuru ya Noheli n’Ubunani, ibintu bivugwa ko ari uburyo bwo kwishimana n’abana no kubafasha gusabana kuko hari imiryango idashobora kubigeraho kubera amikoro.

Muri ubwo busabane, ni bwo abana 20 bakomoka mu miryango itishoboye harimo abacikirije amasomo n’abandi bakiga ariko badashobora kubona ibikenerwa byose kugira ngo bige neza, bahawe inkunga yo kwishyurirwa ibyo bakenera byose mu buzima bw’ishuri. Iyi ikaba ari imwe mu nshingano za ETI mu rwego rwo gufata Leta mu gukemura bimwe mu bibazo byugarije umuryango nyarwanda, nk’uko byagarutsweho na Peet Miiller, Umuyobozi Mukuru wa EuroTrade International, Nyakabingo Mine.

Agira ati “N’ubwo turi hano mu rwego rw’ubucuruzi, nk’imwe mu ntego yacu tugomba no kugira uruhare mu gukemura bimwe mu bibazo abaturage batuye hafi yacu bafite. Twahisemo rero gufata abana makumyabiri tukabagira abacu, tukabafasha kwiga kugeza barangije amashuri yisumbuye.”

Peet akomeza avuga ko abakozi ba Nyakabingo Mine ubwabo aribo bashatse amakuru kuri abo bana bafite ibibazo, banegera ubuyobozi bw’inzego z’ibanze batoranyamo 20 kandi bagomba guhabwa ibyo umunyeshuri akenera byose. Umwana uzajya uba asoje amasomo cyangwa agize ibibazo bituma adashobora gukomeza kwiga azajya asimbuzwa undi. Iki gikorwa kizatangirana n’umwaka w’amashuri 2019.

Umyobozi w’Akarere ka Rulindo wungirije ushinzwe imibereho myiza y’abaturage, Gasanganwa Marie Claire, ashima igikorwa cyakozwe na ETI Nyakabingo Mine, ko gitanga isomo no ku bandi bafatanyabikorwa bakorera muri ako karere, ko bakwiye kugira ibikorwa nk’ibyo bifasha igihugu gukemura bimwe mu bibazo byugarije abaturage batuye aho ibyo bigo bikorera.

Agira ati “Iki ni igikorwa dushima kuko guhuza abana bibafasha ubwabo gusabana hagati yabo. Ni umuco mwiza. Ikindi gishimishije ni uko bemeye gufasha bariya bana mu rugendo rwo kwiga. Ni isomo ibindi bigo bikorera mu karere kacu bikwiye kwigiraho mu kudufasha kubona umuti wa bimwe mu bibazo abaturage bacu bafite, by’umwihariko aho ibyo bigo bikorera. Uyu ni we mufatanyabikorwa twifuza kuko arasubiza ibibazo akarere gafite.”

Abana bahawe inkunga yo kwiga bavuga ko bibakuye mu bwigunge, kuko bamwe bakomoka mu miryango ikennye byari byarabaviriyemo kureka kwiga kubera kubura amafaranga y’ishuri, imyambaro n’ibindi bikoresho.

Dushimimana Alice, afite imyaka 16. Yavuye mu ishuri arangije ibihembwe bibiri mu mwaka wa mbere muri GS Rwahi, bikaba byaratewe no kubura amafaranga y’ishuri, kuko bamwirukanaga n’ubwo bari mu kiciro cya mbere cy’ubudehe. Amaze umwaka wose atiga.

N’ikiniga cyinshi ariko havanzemo n’ibyishimo agira ati “Kuva ngeze mu mwaka wa mbere byambereye ikibazo kubera kubura amafaranga y’ishuri. Sinigeze menya umwanya nagize, sinigeze menya amanita yanjye, mpitamo guhagarika kwiga kuko mama ntabushobozi yari afite. Ubu ariko ubwo ngarutse ku ishuri, ngiye kuziga nshyizeho umwete ku buryo nzajya muri kaminuza ngire icyo marira mama n’abo tuva inda imwe.”

Abijuru Arsène, afite imyaka 13, asoje amashuri abanza. Avuga ko mu rugo ari abana bane kandi batunzwe na mama wabo gusa. Avuga umubyeyi we atazongera kuvunika amushakira uko yiga, na we azabitura kubabera umwana mwiza kugeza ubwo azaba umuntu ukomeye mu gihugu.

Agira ati “Byantunguye cyane kuba bagiye kumfasha kwiga. Numvaga ntazi iherezo ryanjye ariko ubu bimpaye imbaraga zo kwiga nshyizeho umwete, kandi nzabe umuntu ukomeye kuko nziga nkagera kure.”

Binyuze mu Ihuriro ry’akarere n’imiryango itegamiye kuri Leta igakoreramo (DJAF), buri muryango usabwa guhuza ibikorwa byawo n’imihigo y’akarere, kandi ukagira uruhare mu guhindura ubuzima bw’abatugare b’aho ikorera. Ibi byose bikajyana na gahunda yo kwihutisha iterambere rirambye.

Rwanyange Rene Anthere

Abana bitabiriye ubutumire bw’umunsi wa Noheli (Ifoto/Panorama)
Abana basangijwe umunsi mukuru wa Noheli (Ifoto/Panorama)
Pere Noel asangiza abana umunsi mukuru wa Noheli (Ifoto/Panorama)
Ibirori byizihijwe n’abana (Ifoto/Panorama)
Ibirori byizihijwe n’Itorero ry’abana (Ifoto/Panorama)
Ibirori byizihijwe n’Itorero ry’abana (Ifoto/Panorama)
Ababyeyi n’abayobozi bitabiriye ibirori basabanye n’abana (Ifoto/Panorama)
Ababyeyi n’abayobozi bitabiriye ibirori basabanye n’abana (Ifoto/Panorama)
Ababyeyi n’abayobozi bitabiriye ibirori basabanye n’abana (Ifoto/Panorama)
Ababyeyi n’abayobozi bitabiriye ibirori basabanye n’abana (Ifoto/Panorama)
Ababyeyi n’abayobozi bitabiriye ibirori basabanye n’abana (Ifoto/Panorama)
Umuyobozi w’Akarere ka Rulindo wungirije ushinzwe imibereho myiza, Gasanganwa Marie Claire, aganira n’umuyobozi mukuru wa ETI-Nyakabingo Mine, Peet Miiller (Ifoto/Panorama)
Abayobozi batandukanye bitabiriye ibirori byo gusangiza abana umunsi mukuru wa Noheli byateguwe na ETI -Nyakabingo Mine (Ifoto/Panorama)

Abafatanwe ibiyobyabwenge baricuza guhemukira umuryango nyarwanda

By Editor

Bamwe mu bafashwe bacuruza ibiyobyabwenge baricuza ko bahemukira umuryango nyarwanda, bagasaba abagifite aho bahuriye nabyo kwihutira kubireka batarahura n’ingaruka zikomeye zibategereje.

Ibi babitangaje ku wa 11 Ukuboza 2018, ubwo Polisi y’u Rwanda yerekanaga abantu babiri yafashe batunda bakanacuruza urumogi hirya no hino mu mujyi wa Kigali.

Bombi bagaragaza  ko urumogi bakwirakwiza mu mujyi wa Kigali ruturuka hanze  y’u Rwanda, bagahuriza kandi ku kintu cyo kwizerana n’abarubagemurira kuko ngo barubazanira i Kigali.

Munyandamutsa Dominique wafatanwe udupfunyika tw’urumogi dusaga 1500 ngo azanirwa n’umuntu uturuka ku Gisenyi, yemeza ko utarafatwa atamenya uburemere bw’icyaha akora.

“Igitera umuntu  gukora ibintu bitemewe n’amategeko ni amafaranga ku buryo atuma ingaruka utaziha agaciro, gusa iyo bagufashe niho wumva ingaruka z’ibyo ukora.”

Yemera ko yakoraga amahano, akicuza ku buhemu yakoreye umuryngo nyarwanda.

Ati “Nta muntu ukwiye gukina n’amategeko, cyane cyane gukinisha ibiyobyabwenge kuko nange ndicuza. Ubwange nabitekereje numva ndi guhemukira sosiyete Nyarwanda nyizanamo ibiyobyabwenge. Rwose nakoze amahano akabije.”

Uwimpuhwe Solange na we yemera ko yafatanwe udupfunyika tw’urumogi turenga ibihumbi 45, ashimangira ko ucuruza ibiyobyabwenge  amenya ububi bw’ibyo akora iyo afashwe.

Ati “Mu gihe kirenga umwaka ncuruza urumogi, icyo natekerezaga ni uko ndi bubone amafaranga gusa, ingaruka zijyanye no gufatwa, gufungwa ngasiga abana bonyine ntawe ubitekereza ariko ubu nibwo numva uburemere bwo kubifatirwamo.”

Usibye aba babiri bafashwe, mu karere ka Rulindo mu ijworo ryo ku itariki 10 Ukuboza, ku makuru yatanzwe n’abaturage Polisi yafashe Rukundo Samuel w’imyaka 34 y’amavuko atwaye udupfunyika tw’urumogi ibihumbi 10.704 kuri moto yavaga mu muhanda wa Musanze – Kigali.

Polisi itangaza ko yashyizeho uburyo butandukanye bwo gukorana n’abaturage ndetse n’izindi nzego muri gahunda yo gukumira no kurwanya ibiyobyabwenge ku buryo abafitanye isano nabyo bazajya bafatwa byihuse.

Umuvugizi wa Polisi y’u Rwanda Commissioner of Police (CP) John Bosco Kabera ashimangira ko Polisi izakora ibishoboka byose kugira ngo irinde abanyarwanda ibiyobyabwenge.

Yagize ati “Ntituzihanganira na rimwe utunda, ucuruza cyangwa ukoresha ibiyobyabwenge. Usibye ubwacu nka Polisi, tunakorana n’izindi nzego zitandukanye ndetse n’abaturage bakaduha amakuru yaho bakeka ibyitwa ibiyobyabwenge kuko ntabwo tuzemera ko byangiza abanyarwanda.”

Asaba ubufatanye na buri wese mu rugamba rwo guhangana n’icuruzwa netse n’ikoreshwa ry’ibiyobyabwenge kuko ari intandaro y’ibindi byaha.

Ati “Ntibikwiye ko uhishira ucuruza cyangwa ukoresha ibiyobyabwenge, uramuhishira mu kanya gato naza yabihaze akugirire nabi cyangwa yangize umwana wawe. Kuki twahishira inkozi z’ibibi? Tubime ubuhumekero, tubatangaho amakuru ku buryo bafatwa.”

Polisi y’u Rwanda yibutsa ko ibihano bihabwa abacuruza n’abakoresha ibiyobyabwenge byiyongereye, igasaba ko abantu babicikaho burundu kugira ngo birinde ibihano biremereye bibategereje.

Ingingo ya 263 mu gitabo gishya cy’amategeko ahana ibyaha mu Rwanda, iteganya ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.

Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 Frw) ariko atarenze miliyoni mirongo itatu (30.000.000 Frw) ku byerekeye ibiyobyabwenge bihambaye.

Panorama

Se wa Meghan Markle yahisuye ko mu bukwe bwe bwa mbere, abatumirwa bahawe urumogi

By KP

Nyuma yo kutagaragara mu bukwe bw'umukobwa we ubwo yasezeranaga kubana n'igikomangoma Harry, Thomas Markle n'umukobwa we Meghan Markle bakomeje kudacana uwaka dore ko nubwo ku ruhande rw'umukobwa agerageza gusaba se gucururuka, uyu musaza we uburakari bukiri bwose.

Thomas Markle uvuga ko yifuza kwiyunga n'umukobwa we, aherutse kuvuga ko akiri umwana yajyaga amwandikira utubaruwa amubwira ko "Ndagukunda n'umutima wanjye wose ubu n'iteka ryose. (...) Icyo nifuza gusa ni ukugutera ishema."

Kuva Meghan Markle yashyingiranwa na Prince Harry, ntavuga rumwe na se umushinja kumushyira ku ruhande

Nubwo inshuti za hafi za Meghan Markle zihamya ko inshuro imwe gusa ariyo yagiranye ikiganiro na se nyuma yo gushyingiranwa na Prince Harry, ubwo yamubuzaga gukomeza kuvugana n'itangazamakuru, cyangwa se ntazongere kumubona na rimwe mu buzima, uyu musaza ntabikozwa ndetse aherutse kumena andi mabanga ubwo yaganira na Mail.

Meghan Markle n'umugabo we wa mbere

Thomas Markle yavuze ko mu bukwe bwa mbere bw'umukobwa we ubwo yasezeranaga na Trevor Engelson, abatumirwa bahawe impano z'udufuka turimo urumugi.

Uyu musaza yakomeje avuga ko ubu bukwe bwari bwabereye muri Jamaica ndetse nta numwe byatunguye muri ibi birori byari bihagarariwe n'umukobwa we, gusa nyuma y'imyaka ibiri ngo baje gusenya urugo rwabo.

Meghan Markle na se Thomas Markle

Misiri: Bashenguwe n'amashusho y'abakerarugendo bakoreye imibonano mpuzabitsina ku gasongero ka 'Piramide za Gizeh'

By Nizeyimana Selemani

Amashusho y'umugabo n'umugore bakomoka muri Danemark, bari mu gikorwa cy'imibonano mpuzabitsina ku gasongero k'imwe muri piramide za Gizeh, akomeje guca ibintu hirya no hino ku isi ari nako ashengura by'umwihariko Misiri.

Ubusanzwe kuzamuka Piramide ngari za Gizeh mu ijoro birabujijwe, ariko muri aya mashusho y'iminota itatu yashyizwe hanze n'umufotozi w'umunya-Danemark, aba bakunzi bagaragara bari kuzamuka iyi piramide ubona banezerewe mu masaha asatira ijoro.

Uyu mugore ubwo yazamukaga piramide afatwa amashusho n'umukunzi we


Ubwo bari bageze ku gasongero wabonaga bishimye

Nyuma yo kugera ku gasongero kayo bakaruhuka, umugore abanza kugaragara arimo kuhanywera itabi, maze nyuma agaragara asa nkurimo yiyambura imyenda yo hejuru nyuma bakanerekana ifoto basa nk'abari gukora iki gikorwa cyagakwiye kuba mu ibanga rya babiri, ibyashenguye abanya-Misiri bose basanzwe bubaha izi piramide kubera igisobanuro cyazo gikomeye mu mateka y'igihugu cyabo.

Yanahanywereye itabi

Amashusho agaragaza yiyambura

Kugeza ubu iki gihugu cyo mu majyaruguru ya Afurika cyamaze gutangiza iperereza kuri ibi, aho by'umwihariko hazabanza kurebwa niba koko aya mashusho ari ayanyayo.

Src:7sur7

Amerika: Trey Max yasubiyemo 'Roho yanjye' ya The Ben ayigira 'Gospel' -YUMVE HANO

By Nizeyimana Selemani

Nyuma y'imyaka ibiri, The Ben ashyize hanze indirimbo 'Roho yanjye' igizwe n'imitoma y'urukundo, ikanakundwa cyane aho yarebwe ku rubuga rwa youtube n'abarenga miliyoni nyamara nta mashusho ifite, kuri ubu mugenzi we Trey Max yasubiyemo iyi ndirimbo mu buryo bwa 'Cover' ayita Mana yanjye.

Ni indirimbo yakoze mu njyana neza neza ya Roho yanjye anifashisha amwe mu magambo yayo ariko we ayigira iy'ivugabutumwa kuko imitoma The Ben yakoresheje atera inkumi, Trey Max we imwe muri yo yayikoresheje asingiza ubwiza bw'Imana.

Kanda hano hasi wumve Roho yanjye ya The Ben

Mu kiganiro kigufi twagiranye n'uyu musore w'umunyarwanda umaze igihe atuye muri Leta Zunze Ubumwe za Amerika ari naho akorera muzika, yatubwiye ko yabanje kuba umufana ukomeye wa The Ben ashingiye cyane ku buryo yitwara mu buzima busanzwe, ariko bigeze ku ndirimbo ye 'Roho yanjye' biba akarusho.

Kanda hano hasi urebe amashusho y'iyi ndirimbo 'Mana yanjye' ya Trey Max

Trey Max yagize ati "Nabanje kuba umufana ukomeye wa The Ben bitewe n'uburyo yitwara, yicisha bugufi kandi akaba asabana bituma nkunda indirimbo ze cyane, ariko byageze kuri 'Roho yanjye' biba akarusho. Gusa uko nyumvise nkiyumvamo iyobokamana cyane, nibwo natangiye kugenda nkusanya amagambo numva yajyana nayo nyakoresha mu buryo bwa gospel birangira nyikoreye cover muri gospel."

Trey Max

Uyu musore yakomeje atubwira ko yishimiye uburyo iyi ndirimbo yakiriwe, by'akarusho akaba yanejeje n'uburyo nyir'ubwite, The Ben nawe yamugaragarije ko yakoze akazi keza. Trey Max arasaba abakunzi b'umuziki kumva iyi ndirimbo ndetse n'itangazamakuru rikayicuranga kuko ifite ubutumwa bwiza.

Nyamata: Abaturage ba Kinunga bubakiye abamugariye ku rugamba inzu y’ubucuruzi

By Editor

Biratunguranye kandi birashimishije kuba abaturage bavuye mu mujyi wa Kigali, bishakamo ubushobozi bakajya gushyigikira urugendo rw’ubuzima bw’abamugariye ku rugamba rwo kubohora igihugu, mu gihe abaturanyi babo nta gikorwa gifatika babakoreye. Ariko kandi ni isomo no ku bandi baturage.

Ni mu mudugudu wa Nyabivumu, akagari ka Nyamata, Umurenge wa Nyamata, Akarere ka Bugesera mu ntara y’Iburasirazuba, hafi cyane y’ahubatse La Palisse Hotel Nyamata, hari imiryango icumi y’abamugariye ku rugamba rwo kubohora igihugu. Ku wa 9 Ukuboza 2018, hatashywe inyubako y’ubucuruzi ifite agaciro ka miliyoni zigera ku icumi z’amafaranga y’u Rwanda, bubakiwe n’abaturage bo mu mudugudu wa Kinunga, Akagari ka Kanserege, Umurenge wa Kigarama mu karere ka Kicukiro, Umujyi wa Kigali; bishatsemo ubushobozi mu rwego rwo kuremera abamugariye ku rugamba.

N’akanyamuneza, Bakundukize Janvier, umwe mu bamugariye ku rugamba utuye muri uwo mudugudu, akaba na Perezida wa Koperative Twisungane Nyaruvumu, yishimira cyane igikorwa bakorewe n’abaturage bo mu mujyi wa Kigali, kuko kibafasha gutera indi ntambwe.

Agira ati “Twarabashimiye kandi tuzahora tubashimira. Iki gikorwa mudukoreye ni inkunga ikomeye mu kudufasha kwiyubaka. Turabizeza ko tuzayifata neza kandi tukayibyaza umusaruro.”

Akomeza agira ati “Dushima Leta y’u Rwanda ko ituzirikana kuko yatwubakiye amazu kimwe n’ibindi bikorwa remezo itugezaho. Turasaba abayobozi bacu b’Akarere ka Bugesera, ngira ngo murabona agaciro k’iyi nzu, ko abatwubakiye iyi nzu bazagaruka yuzuyemo ibicuruzwa.”

Gakwerere John ni umukozi wo mu karere ka Bugesera wari uhagarariye Umunyamabanga Nshingwabikorwa w’umurenge wa Nyamata avuga ko bakuyemo isomo ryo gukora birenze imbibi z’umurenge n’akarere kandi biteguye kwitura ababagiriye neza, by’umwihariko abatuye mu mudugudu wa Kinunga.

Murima Janvier, umwe mu baturage ba Kinunga akaba ari na we wakurikiranye ishyirwa mu bikorwa ry’igitekerezo cyabo, yagarutse ku rugendo rw’aho cyavuye avuga kandi kandi bagitekerezo mu rwego rwo kueremera abagenerwabikorwa b’indashyikirwa no kuzirikana akamaro kabo mu rugamba rwo kubohora igihugu. Iki gitekerezo cyavutse mu kwizihiza ku nshuro ya 24 umunsi wo kwibohora.

Abatoni Penninah na we nk’uwagize uruhare mu gukurikirana iki gikorwa, avuga ko bagitangira ku munsi wa mbere bishatsemo miliyoni enye z’amafaranga y’u Rwanda, akaba yishimira ko bashoboye kwesa umuhigo kandi bazakomeza kuba hafi abagenerwabikorwa. Agira ati “twishimiye ko abaturage n’abayobozi bacu badushyigikiye, buri wese igikorwa akakigira icye. Ni ishema kuba twesheje umuhigo wacu. Tuzakomeza kubiba uru rukundo, kuko ubu babaye abavandimwe bacu, tuzakomeza kubasura no kubaba hafi.”

Umyobozi w’Akarere ka Bugesera, Mutabazi Richard, yashimiye abamugariye ku rugamba rwo kubohora igihugu ariko kandi anavuga ko bakimara kumva ko igikorwa kigiye gutangira byabatunguye ariko kandi byanabashimishije, anizeza abaturage ba Kinunga ko na bo bazabitura bajya kubasura aho batuye.

Agira ati “Turashimira umurava mwakoranye, kuba twicaye aha dutekanye ntibyari gushoboka mutaritanze kandi mukabikuramo n’ubumuga. Turabizeza ko tuzabegera ku buryo budasanzwe ibibura kugira ngo mutangize ubucuruzi, tubibahe”.

Akomeza agira ati “byaradutunguye ariko kandi byaranadushimishije kubona abaturage baturutse ahandi baje gukora iwacu igikorwa nk’iki. Iki ni igihango, tuzaza natwe tubasure, dufatanye mu bikorwa by’iterambere mukora aho mutuye.”

Perezida wa Komisiyo y’Igihugu yo gusezerera no gusubiza mu buzima busanzwe abahoze ari abasirikare, Mukantabana Seraphine, yashimye abaturage ba Kinunga anasaba abagenerwabikorwa gufata neza inzu bubakiwe.

Yagize ati “ Turashimira abaturage ba Kinunga kuko igitekerezo mwagize ni kiza kandi turabizeza ko natwe tuzagaruka kureba niba igikorwa cy’ubucuruzi cyaratangiye.  Igihatse ibi ni urukundo, byerekana ko iki gihugu gifite abatumye gitekana. Hari abagiharaniye kandi tubana na bo mu buzima bwa buri munsi, ariko ntitwakwibagirwa ko hari n’abahatakarije ubuzima. Mu baruharaniye harimo cyane cyane abamugariye ku rugamba.”

Mukantabana yasabye abagenerwabikorwa kwita ku nyubako bahawe n’Abanyakinunga, kuyibyaza umusaruro, bakayigirira isuku no guhora bayibungabunga.

Inzu yubakiwe abamugariye ku rugamba batuye mu mudugudu wa Nyaruvumu yuzuye itwaye amaranga y’u Rwanda agera kuri miliyoni icumi, yatangiye kubakwa mu mpera za Nyakanga 2018.

Koperative Twisungane Nyaruvumu, yashinzwe n’abamugariye ku rugamba bahereye ku mafaranga y’ingoboka bahabwa na Komisiyo y’igihugu yo gusubiza mu buzima busanzwe abari abasirikare, aho buri wese yatanze umugabane w’amafaranga ibihumbi cumi na bibiri (12,000Frw). Akarere ka Bugesera kabahaye inkunga ya miliyoni imwe y’amafaranga y’u Rwanda; mu mwaka umwe gusa umutungo wa Koperative ukaba ufite agaciro gasaga miliyoni eshatu z’amafaranga y’u Rwanda (3,000,000Frw).

Kanada hano usome indi nkuru yanditswe ku munsi wo gutangiza igikorwa cyo kubaka iyi nzu

Rwanyange Rene Anthere

Inzu y’uburuzi abatuareg ba Kinunga bubakiye abamugariye ku rugamba batuye i Nyamata ifite agaciro ka miliyoni icumi z’amafaranga y’u Rwanda (Ifoto/Panorama)
Ikimenyetso gishima ubwitange bw’abamugariye ku rugamba rwo kubohora igihugu (Ifoto/Panorama)
Abamugariye ku rugamba batuye mu mudugudu wa Nyabivumu bamaze gufungurirwa inzu y’ubucuruzi bubakiwe (Ifoto/Panorama)
Abaturage ba Nyaruvumu, Ubuyobozi bw’Akarere ka Bugesera n’Ubuyobozi bwa RDRC basoje igikorwa cyo gufungura inzu y’ubucuruzi yubakiwe abamugariye ku rugamba batuye mu mudugudu wa Nyabivumu (Ifoto/Panorama)
Bakundukize Janvier, ahabwa imfunguzo z’inzu (Ifoto/Panorama)
Abatoni Penninah ashima igikorwa bagezeho ku bwitange bwabo (Ifoto/Panorama)
Murima Janvier wakurikiranye ibikorwa kugeza inzu yuzuye (Ifoto/Panorama)
Bakundukije Janvier ashima abaturage ba Kinunga abizeza kuzafata neza inyubako babahaye kandi bakazayibyaza umusaruro (Ifoto/Panorama)
Ibirori by’uyu munsi byaranzwe no gusabana no gucinya akadiho (Ifoto/Panorama)

Rwamagana: Uruganda rw’umuceri rudakora rutuma uwo bahinga utunganyirizwa ahandi

By Editor

Bamwe mu bahinzi b’umuceri mu gishanga cya Cyaruhogo mu karere ka Rwamagana bavuga ko umuceri beza ujyanwa mu nganda za kure aho batazi mu gihe hari urwari rubegereye rwagaze gukora nyamara bataragishijwe inama ngo babure amikoro yo kurushoramo imari.

Ku wa 28 Ugushyingo 2018, ubwo twasuraga bamwe mu bahinzi b’umuceri bo mu gishanga cya Cyaruhoro kiri hagati y’imirenge wa Kigabiro, Munyaga na Rubona yo mu karere ka Rwamagana, batubwiye ko umuceri beza ujyanwa gutunganyirizwa mu zindi nganda za kure ukabagarukaho uhenze, nyamara iyo uruganda rwabo ruri i Gishari ruba rukora batari kugerwaho n’izo ngaruka. Banavuga ko batazi niba umuceri bagura ari uwabo kuko nta n’uzi uburyohe bwawo.

Iyo ugeze mu gishanga cya Cyaruhogo ahahingwa umuceri, wakirwa n’imbuga zanikwaho kandi zigahurirwaho umuceri zashaje ku buryo batangiye kuzisanasana, ukanakirwa kandi n’imashini zigosora umuceri, abahinzi bakavuga ko zitigeze zikora hashize imyaka itanu ziri ahongaho.

Omar Nsabakubaho ni umuhinzi w’umuceri mu gishanga cya Cyaruhogo, akaba umuyobozi wa CORICYA, imwe mu makoperative atatu akorera muri icyo gishanga. Yatubwiye ko umuceri beza ari mwinshi kandi mwiza ariko utunganyirizwa mu nganda za Mayange na Gikonko zo mu ntara y’Amajyepfo, kuko uruganda rwakoreraga i Rwamagana rwahagaze ku mpamvu na bo batamenye.v

Agira ati “Umuceri twejeje ugurwa n’abaturutse ahandi. Ntagihombo tugira ariko byakabye byiza dufite uruganda nk’uko rwahahoze, hanyuma natwe tukarya ku muceri twihingiye. Ikindi ni uko uruganda turamutse turugizemo imigabane byaba byiza kuko koperative na yo yakunguka bityo abanyamuryango na bo bikabageraho.”

Uwimana Claudine afite imyaka 56, yatangiye guhinga umuceri mu gishanga cya Cyaruhogo mu 2011. Avuga ko guhinga umuceri bimuteza imbere, kuko yatangiye gukorana na banki. Yongeraho ko umuceri wabo ujyanwa ahandi kuko yumva ko uruganda rwabo rwahagaze rutagikora.

Agira ati “Nanjye nashimishwa no kurya ku muceri wo nahinze kuko uwo muri iki gishanga uryoha cyane. Bawujyana ahandi watwawe n’abashoramari sinzi uwo ndya uwo ariwo.”

Ubuyobozi bw’Akarere ka Rwamagana buvuga ko umuceri wera muri ako karere ukiri muke kuko utahaza uruganda rwose ari na byo byatumye umushoramari wari urufite yahagaritse imirimo. Ku bijyanye n’uko rwakwegurirwa Koperative z’abahinzi b’umuceri, ubu buyobozi buvuga ko bo ubwabo bonyine nta bushobozi bafite bwatuma urwo ruganda rukora neza.

Mudaheranwa Regis, ni umuyobozi w’Akarere ka Rwamagana wungirije ushinzwe iterambere ry’ubukungu. Mu kiganiro na n’ikinyamakuru Panorama, yadutangarije ko bafite umushinga bazaterwamo inkunga n’abayapani binyuze muri JICA yo kongerera ubushobozi igishanga cya Cyaruhogo.

Agira ati “Ku kibazo kirebana n’uruganda, uyu muyobozi avuga ko umusaruro ari muke icyo bashaka ari ukubanza kongera umusaruro hanyuma uruganda rukazatekerezwaho nyuma. Bazaba bakomeza kugurisha umusaruro wabo mu buryo basanzwe babikoramo. Akomeza avuga ko Koperative ubwazo nta bushobozi zifite zo gukoresha uruganda.

Igishanga cya Cyaruhogo gifite hegitari Magana abiri (200Ha) zihingwaho umuceri, cyatangiye guhingwamo umuceri ahagana mu 1980 gifitwe n’icyitwaga Riziculture, uruganda rwatunganyaga umuceri rw’i Rwamagana mu Byimana rukaba rwari rufitwe n’abashinwa. Nyuma ya Jenoside yakorewe Abatutsi, urwo ruganda rweguriwe abashoramari ariko ntirwakora neza ubu rukaba rwarahagaze bivugwa ko ari umusaruro muke. Muri rusange, ubuso buhingwamo umuceri mu karere ka Rwamagana bugera kuri hegitari 327.

Rwanyange Rene Anthere

Omar Nsabakubaho Umuyobozi wa CORICYA (Ifoto/Panorama)
Iki gice cy’igishanga cya Cyaruhogo gikunze kugira amazi make (Ifoto/Panorama)
Umuceri utangiye kwera mu gishannga cya Cyaruhogo (Ifoto/Panorama)
Umuceri wo mu bwoko burebure iyo umaze kwera uragwa kubera uburemere (Ifoto/Panorama)
Imbuga zisarurirwaho umuceri zaramenaguritse kuko zubatswe n’abashinwa ubwo bakoreshaga iki gishanga mu 1980. Abahinzi batangiye kuzisanira ariko bavuga ko ari ukurushywa n’ubusa zihita zongera kumenagurika (Ifoto/Panorama)

 

 

 

 

Bugesera: Uburyo bwo kuhira imyaka bushoborwa n’abifite

By Editor

Ni ku kiyaga cya Mirayi. Urasanga umurima munini urimo, ku mutwe wawo, urutoki rutoshye cyane cyane nk’aho ari mu mvura yo mukwezi kwa kane. Umwanutse gato urabona ikizenga kinini (Valley dam) kirimo amazi. Nta kindi ni ikijyana amazi mu murima. Hepfo gato hari umurima munini w’imbuto z’amacunga atangiye kwera, imyembe, avoka n’indimu. Agace kose unyuzemo usanga impombo zitwara amazi. Nta kindi zimaze ni ukuhira iyo mirima yose.

Akarere ka Bugesera ni agace kagizwe n’imirambi bituma karangwamo imvura nke ariko kakaba gakize ku mazi kuko gafite ibyaga ikenda, kakaba kandi gakikijwe n’imigezi itatu. Abashoboye kugera ku buryo bwo kuhira imyaka, usanga bakungahaye kuko beza igihe cyose kuko amazi aba ari hafi yabo. Ubu buryo ntibugondwa n’umuntu ubonetse wese, kuko buhenze.

Shyaka William Bakunda, ni umuhinzi ntangarugero wo mu murenge wa Gashora, mu kagari ka Biryogo, hafi y’ikiyaga cya Mirayi, avuga ko uburyo bwo kuhira imyaka bishoboka cyane iyo umuntu afite amazi hafi ariko kandi bigasaba kwihangana.

Agira ati “Ntangira nateye imbuto kuri hegitari eshashatu, byonyine gushyiramo uburyo bwo kuhira byantwaye miliyoni zigera ku icumi z’amafaranga y’u Rwanda. Kubona umusaruro byasabye ko twihangana imyaka ine. Byose byorohejwe no kuba dufite ikiyaga hafi y’imirima, icyaduhenze ni ugucukura idamu idufasha gukwirakwiza amazi mu mirima.”

Shyaka avuga ko kugira ngo nibura umuntu atunganye hegitari imwe na bwo aturiye amazi, byamutwara amafaranga agera kuri miliyoni ebyiri kandi na bwo ubutaka ari ubwe, avuga kandi ko Leta hari ibikoresho by’ibanze itanga ku binjiye muri iyo mishinga n’ubwo we yari afite ahandi akura.

Ndagijimana utuye mu karere ka Bugesera, avuga ko uburyo bwo kuhira ari bwiza kuko iyo aciye ku bihingwa buhiye abona bitoshye cyane kandi akarere kabo karangwamo imvura nke. Avuga ko yakurikiranye agasanga atapfa kubyigondera kuko bisaba ubushobozi buhambaye cyane cyane ku bantu bafite imirima kure y’amazi.

Agira ati “Iyo urebye ubu buryo ni bwiza pe, ariko ntibwapfa gushoborwa na buri wese. Abahinga mu bishanga bashobora kuhira imyaka yabo, na ho abahinga imusozi simpamya ko udafite amafaranga menshi wabishobora. Mbona bihenze bisaba abakire…”

Umuyobozi w’Akarere ka Bugesera, Mutabazi Richard, mu kiganiro n’abanyamakuru ku wa 30 Ugushyingo 2018, yatangaje ko imishinga yo kuhira imyaka atari imishinga yoroshye, ku buryo abaturage bose bayikora biboroheye.

“Kuhira ni ibintu bihenze, turatekereza ko Bugesera yaba ikigega cya Kigali ku buryo mu myaka itandatu twifuza kubyaza umusaruro ibiyaga biri mu karere, tukuhira ku misozi, tukareba ko Bugesera yareka gucungira ku mvura n’ubwo ibihe byaba bibi abaturage bagakomeza bagahinga.

Akomeza agira ati “Birumvikana ko ubu ukora gahunda yo kuhira imyaka ari uwifite. Ariko muri gahunda tuzafatanya na Minisiteri y’ubuhinzi n’ubworozi, abantu benshi bizabageraho ku buryo n’abamikoro make twumva batazasigara inyuma.”

Ku bijyanye n’uko ubutaka bwuhirwa ari buto kandi n’ababukora ari bake, Mutabazi agira ati “Icyo duhiga si hegirati zahinzwe ubu turahiga ubusaruro kuri hegitari,  dukeneye umusaruro kurusha ubutaka buhinzwe.”

Mu mihigo y’Akarere ka Bugesera 2018/2019 hateganyijwe ko hazongerwa umusaruro ukomoka ku rutoki nibura toni 18 kuri hegitari imwe.

Akarere ka Bugesera ni kamwe mu tugize intara y’Iburasirazuba, gaherereye mu majyepfo ashyira Iburasirazuba, duhereye kuri ku ibarura rusange ry’abaturage rya 2012, Akarere ka Bugesera gatuwe n’Abaturage 361,914.

Mu Karere ka Bugesera ubuhinzi bukorwa n’abaturage basaga 80 ku ijana. Aka karere kagizwe n’imirambi, igihe kinini kiharirwa n’izuba. Ibihingwa byihanganira agace gashyuha ni byo byibandwaho.

Rwanyange Rene Anthere

Umuyobozi w’Akarere ka Bugesera, Mutabazi Richard (Ifoto/Panorama)
Zimwe mu mbuto ziri mu murima wa Shyaka William ukoresha uburyo bwo kuhira (Ifoto/Panorama)
Urutoki rwa Shyaka William ruri i Gashora haruguru y’ikiyaga cya Mirayi rubeshejweho no kuhirwa (Ifoto/Panorama)

Nkombo: Ubwato na Hoteli bahawe byarabahombeye

By Editor

Mu gihe byari igisubizo ku iterambere no kuva mu bwigunge byabo, ubwato butwara abagenzi na Hoteli bubakiwe ku Nkombo bisa n’ibyahombeye abahavuka. Ubwato ntibukora, Hoteli yarafunze. Abaturage barasaba ko hakwigwa uburyo byakongera gukora, aho kugira ngo amafaranga yabitanzweho abarwe nk’igihombo.

Imishinga y’iterambere irimo ubwato bunini (Icyombo) abaturage ba Nkombo bahawe na Perezida Kagame, ndetse na hoteli bubakiwe ku nkengero z’Ikiyaga cya Kivu ngo yinjize amafaranga yabafasha mu iterambere yarahombye, ihagarara no gukora.

Nk’uko abatuye uwo murenge babivuga, icyombo cyakoraga ingendo ziva i Rusizi zigana i Rubavu na Rutsiro, kimaze amezi umunani kidakora. Babajwe n’uko ubwo bwato bahawe n’Umukuru w’Igihugu ngo bubafashe gukemura ikibazo bari bafite cy’ingendo zo mu Kiyaga cya Kivu, bukaba budakora.

Ntirenganya Theogene, umuturage wo ku Nkombo yemeza ko kuba icyo cyombo kitagikora ari igihombo kuri bo. Ati “Kuba cyarinjizaga amafaranga ubu kikaba kibitse ni igihombo, kuko na wa muturage wagafashijwe batabona aho bakura amafaranga yo kumufasha, ndetse n’indi mishinga yari gukorwa mu yo ubwato bwinjizaga ntikorwe.”

Hategekimana Theoneste utwara bumwe mu bwato butatu butoya Umurenge wa Nkombo waguze mu mafaranga yinjijwe n’icyo cyombo, avuga ko ngo cyaba cyaranahagaritswe burundu gukora ingendo, kuko kitujuje ubuziranenge.

Umuhire Neophite, Umunyamabanga Nshingwabikorwa w’umusigire w’Umurenge wa Nkombo, avuga ko ubwo bwato bwashyizwemo moteri ntoya ugereranyije n’imirimo bukora, ubugenzuzi bukaba bwarasabye ko yahindurwa, bityo burahagarikwa.

Ubwo bwato bwatangiye gukoreshwa mu mwaka wa 2012, ku giciro cya miliyoni 188 nk’uko Umuhire Neophite yabidutangarije. Undi mushinga aba baturage bo ku Nkombo bavuga ni hoteli yahubatswe ariko ubu ikaba idakora, ndetse inyubako zirimo kwangirika.

Kimwe mu byo abaturage bakeka ko cyaba ari intandaro yo kudakoresha iyo hoteli, ni uko ikodeshwa amafaranga menshi nk’uko byemezwa n’umwe mu batuye ku Nkombo utarashatse ko amazina ye atangazwa kubera akazi akora. Uwo muturage yagize ati “ziriya nzu barazihenda. Rwiyemezamirimo yarazifashe abura abakiliya arayita arigendera, none yabuze undi wayifata kuko ihenze.”

Bavuga ko iyo hoteli yubatswe ku giciro cya miliyoni 300 z’amafaranga y’u Rwanda, nta kibazo yakemuye kuko n’ubu batarabona ahantu ho kwifashisha mu birebana n’amahoteli n’imyidagaduro nk’uko byateganywaga.

Akomeza avuga ko ubwe yashatse gukodesha iyo hoteli atanga amafaranga ibihumbi Magana abiri, ababishinzwe bakanga bakamuca magana atanu, na we agasanga atayatanga kubera ko abakiriya ari bakeya.

Umunyamabanga Nshingwabikorwa w’Umurenge wa Nkombo we avuga ko abashaka gukodesha iyo hoteli bagira imbogamizi zishingiye ku buryo bwo kuhagera, kuko bisaba kwambuka Ikiyaga cya Kivu, bityo abahagana bakaba bakiri bake, kandi abatuye Nkombo ubwabo badahagije ngo iyo hoteli ikore.

Iyo hoteli yigeze kwegurirwa Abajyanama b’ubuzima bibumbiye mu ihuriro ry’amakoperative yo mu karere ka Rusizi, ariko baza gufata umwanzuro wo guhagarika umushinga wabo, kubera gutinya ibihombo. Bavuga ko bari bamaze kuhatakariza miliyoni 30 z’amafaranga y’u Rwanda, ahanini kubera igiciro cy’ubukode kiri hejuru n’abakiliya bakiri bakeya.

Ubuyobozi buratekereza ku zindi ngamba

Umuyobozi w’Akarere ka Rusizi Kayumba Ephrem, avuga ko barimo gushaka uko iyo mishinga yakongera gukora. Ati “Kiriya cyombo cyahombejwe n’uko umuhanda wa Kivu Belt woroheje ingendo, abagenzi bagakoresha igihe gito n’amafaranga make mu modoka kurusha ibyo bakoreshaga mu mazi.”

Akomeza avuga ko abahanga banagenzuye ubwo bwato bagasanga bufite ikibazo, ati “Turimo gushaka uko twakwegurira ubwo bwato abikorera bakabusana kuko butujuje ibisabwa, cyangwa Leta ikabusana bugasubira mu ngendo bwakoraga.”

Icyakora ngo hari ubundi bwato bwiswe Nkombo ya Kabiri burimo kubakwa, bukaba bwo buzitabwaho bukaza bwujuje ibisabwa kugira ngo buhangane ku isoko n’abandi basanzwe bakora ubwikorezi muri ako gace.

Ku birebana na Hoteli yo ku Nkombo, Kayumba avuga ko hashyizweho komite ishinzwe kwiga uko yakongera gukoreshwa, hakaba harimo kwigwa ku biciro no gushaka rwiyemezamirimo uyikoresha, bityo bakaba bategereje raporo y’iyo komite.

Pax Press

Nyamasheke: Abangirijwe imitungo mu ikorwa ry’imihanda barasaba ingurane

By Editor

Ikorwa ry’umuhanda nubwo risiga rifashije abaturage mu migenderanire myiza kubera ibikorwa remezo byizewe kandi bihamye biba byakozwe ariko kandi risiga n’ibibazo. Muri Nyamasheke, bamwe mu bangirijwe n’iyubakwa ryawo barasaba ingurane na n’ubu batarahabwa.

Bamwe mu baturage bangirijwe imitungo mu ikorwa ry’umuhanda wa kaburimbo uva mu Karere ka Karongi kugera mu ka Nyamasheke ‘Kivu Belt’, n’undi w’igitaka wa Kigoya-Vugangoma amaso yabo yaheze mu kirere nyuma yo gutegereza ingurane bagaheba.

Abo baturage bavuga ko bamaze kubarurirwa imitungo yangijwe, nyamara bagahora bizezwa kwishyurwa ariko ntibikorwe. Ntakiyimana Emmanuel ufite inzu ku muhanda ‘Kivu Belt’ mu Kagali ka Kigoya, Umudugudu wa Museke, Umurenge wa Kanjongo avuga ko we na bagenzi be bamaze imyaka itatu bategereje kwishyurwa bakaba barahebye.

Agira ati “Hashize imyaka itatu banyujije umuhanda aha, bawusatirije inzu zanjye zirasatagurika. Barambaruye bambwira ko bazanyishyura ariko narategereje ndaheba, kandi nta gihe ntabaza ku karere bakambwira ko bagiye kubikemura, ariko ntibikorwe.”

Munyemana Pierre we avuga ko ikibazo gikomeye bafite ari uko baryama mu nzu yasenywe n’iyubakwa ry’umuhanda, bakaba batanemerewe kuyisana. Iki kibazo bagisangiye n’abaturiye umuhanda w’igitaka wa Kigoya-Vugangoma, bavuga ko inzu zabo zihanamye ku muhanda, izindi zikaba zarangiritse, bakifuza kwimurwa vuba cyangwa bagahabwa indishyi z’ibyangijwe maze bakabisana.

Yagize ati “Inzu yanjye haguye imvura yahirima kuko urugo rwo rwamaze kugwa igice kimwe, kandi urusigaye nta butaka burufashe, babumazeho bakora umuhanda. Ubu ndarana muri iyi nzu n’umugore n’abana icyenda ndara mfite ubwoba ko twapfira rimwe.”

Kuri uwo muhanda ngo habaruwe ingo mirongo inani zangijwe, ariko icyenda gusa ni zo zishyuwe, abandi bakaba basaba kwishyurwa batarahura n’ingaruka zikomeye.
Umuyobozi w’Akarere ka Nyamasheke Kamali Aimé Fabien, avuga ko ibyo bibazo byose bizwi kandi ko biri mu nzira zo kubonerwa umuti.

Ati “Abari bafite ibikorwa byangijwe mu kubaka umuhanda wa Kivu Belt bagombaga kwishyurwa barishyuwe, ubu hasigaye abantu bake itegeko ryasanze n’ubundi ibikorwa byabo bikiri mu mbago z’umuhanda, Leta ikaba irimo gushaka amafaranga yo kubimura burundu.”

Ku birebana n’abangirijwe n’umuhanda w’igitaka wa Kigoya-Vugangoma, Umuyobozi w’Akarere avuga ko kubishyura no kwimura abo ubugenzuzi buzasanga babikwiye, biteganyijwe mu ngengo y’imari yo kubaka uwo muhanda.

Akomeza avuga ko hafashwe amafoto y’ibikorwa by’abaturiye aho uwo muhanda urimo kunyura mbere yo kuwubaka, nyuma hakazafatwa andi umuhanda urangiye neza, ari na bwo kwishyura no kwimura abangirijwe bizakorwa hamaze kugenwa agaciro k’ibyangijwe.

Umuhanda wa Kivu Belt ureshya n’ibirometero 185. Watangiye kubakwa mu 2010.

PAX PRESS

Kutavuga ababateye inda bakiri bato bitiza umurindi abazibateye

By Editor

Kuva taliki ya 25 Ugushyingo kuzageza ku ya 10 Ukuboza 2018, u Rwanda rurifatanya n’isi mu minsi 16 yahariwe kurwanya ihohoterwa rikorerwa abagore n’abakobwa. Bamwe mu bakobwa babyariye iwabo bafite munsi y’imyaka 18 y’amavuko, bavuga ko batajya bavuga ababateye inda kuko baba babona batabanye nabi na bo.

Bamwe muri aba bakobwa bo mu murenge wa Byumba, bafite abana bari mu kigero cy’umwaka umwe bavuga ko batavuga abazibateye. Umwe mu bakobwa bo mu karere ka Gicumbi ufite umwana w’imyaka 4, avuga ko yabyaye afite imyaka 17. Agira ati”nabyaye ndi umwana nanjye nkirerwa, noneho ninjira mu buzima bwo kurera umwana ntabibashije,ni ingorane zitoroshye. Iyo uwo mwabyaranye akwitaho birashoboka ko mwakururukana,hakaba havamo no kuba wabyarana na we undi mwana.”

Akomeza avuga ko uwo babyaranye batagombaga kumukurikirana kuko atigeze ashaka ko bamukurikirana. Ati”ntabwo amfasha ariko ntabwo nigeze mbigiramo uruhare ku buryo bari kumukurikirana ni njeye wacecetse. Na none ntabwo ari byiza kugira ngo ufungishe umuntu mwabyaranye; iyo agucaho akagusuhuza uba ubona ko wenda agufiteho nuwo mutima, ntabwo biba ari ngombwa ko baukurikirana.”

Undi mukobwa wabyaye ari munsi y’imyaka 18 y’amavuko, avuga ko uwamuteye inda agihari atakurikiranywe. Ati “arahari, yateye inda undi mwana nuko aramutwara aba ariwe babana, njye ntabwo tubana.”

N’imiryango y’abahohotewe ihishira abahohoteye abana babo

Ibyo aba bakobwa bavuga, binashimangirwa na Angelique MUJAWAYEZU, umunyamategeko wa Haguruka, umuryango ugamije kurengera uburenganzira bw’umugore n’ubw’umwana; aho avuga ko uretse kuba hari abahishira abo babyaranye bakiri bato, ngo hari n’abo usanga bahishira abo mu miryango yabo.

Agira ati “mu bukangurambaga cyangwa se mu biganiro dutanga mu nteko z’abaturage cyangwa se abo twahisemo kuganiriza ku burenganzira bw’umwana, hari ubwo umuntu ahaguruka akavuga ko ariya ari amahano, bitagakwiye kuba yavugwa.”

Akomeza avuga ko hamwe n’ubukangurambaga babasobanurira ko kuba batabivuga ariyo mahano akomeye cyane. Ati”niba umwana wawe yahuye n’isanganya agahohoterwa na mubyara we, se wabo cyangwa se na nyirarume ukumva ko ari amahano akomeye kubivuga, bwa burenganzira bw’umwana turi kurengera ntabwo buzagerwaho, ndetse n’imikurire ye uri kuyangiza akiri muto.”

Imyumvire n’umuco

Madamu Caritas Mukandasira, umuyobozi mukuru wungirije mu rwego rw’igihugu rushinzwe kugenzura iyubahirizwa ry’uburinganire n’ubwuzuzanye hagati y’abagabo n’abagore (GMO) avuga ko ikibazo cy’imyumvire n’umuco bikiri imbogamizi. Ati”haracyarimo cya kintu cya ntiteranya ese ndavuga uriya mugabo ndamuteranya n’umuryango wabo? Bikagaruka no ku babyeyi bati ntituvuga uriya mugabo. Ku buryo iyo umugabo 99 ku ijana atamwigurukije, amuha nk’igihumbi cyangwa akamutangira ubwisungane mu kwivuza, baba bumva icyo ari cyo gisubizo.”

Mukandasira avuga ikindi kizamo ari ukutamenya itegeko rihana icyaha cy’ihohoterwa, kuko rivuga ko ari uwamenye ihohoterwa ryakorewe umwana ntarivuge nawe aba abaye umufatanyacyaha. Ati”nkeka ko bamaze kumenya neza ko baba babaye nka wawundi wamusambanyije, bahita bihutira gutanga amakuru.”

Asoza agira inama abana bakiri bato ko bakwiye gutanga amakuru. Ababwira ko ari bo ingaruka zigeraho cyane, kuko umwana w’imyaka 15 cyangwa 16 watwaye inda, 99 ku ijana ubuzima bwabo buba busa naho burangiriye aho.

Ati “Ni babe aba mbere batange amakuru, barindwe gutwara inda ndetse n’indwara. Umwana natanga amakuru izo nda ntizizaboneka n’indwara ntazazirwara.”

Inkuru dukesha PAX PRESS

Rusizi-Nyamasheke: Abahinzi bahangayikishijwe no kugwa kw’ibiciro by’imyumbati

By Editor

Kweza bakabura isoko ry’imyumbati baruhiye, ni ikibazo gikomereye abahinzi b’imyumbati muri Nyamasheke na Rusizi. Barasaba ko hagira igikorwa ngo badakomeza gukorera mu gihombo.

Bamwe mu bahinzi b’imyumbati mu turere twa Rusizi na Nyamasheke mu Ntara y’Uburengerazuba bahangayikishijwe no guhinga bahenzwe banasarura bagahendwa bitewe n’isoko ry’umusaruro ryabaye rito. Abo bahinzi bavuga ko bafite umusaruro mwinshi ariko bakaba batabona isoko rihagije, bigatuma bahendwa n’abacuruzi ndetse n’abaturage bagura imyumbati yo kurya.

Irihose Japhet wo mu Murenge wa Muganza mu Karere ka Rusizi, avuga ko bibagusha mu gihombo bikanabaca intege. Ati “Nk’ubu twashishikarijwe kongera umusaruro turabikora kandi bidutwaye amafaranga, none tureza tukabura isoko, ku buryo kongera guhinga tugasagurira amasoko bitoroshye. Guhinga birahenze ugereranyije n’ikiguzi tugurirwaho umusaruro wacu.”

Avuga ko ubusanzwe ikilo cy’imyumbati yumye gisanzwe kigura amafaranga hagati ya 200 na 250, ariko ubu kiri hagati y’amafaranga 130 na 150.

Kuba nta ruganda rutunganya imyumbati muri aka karere cyangwa hafi yako, ni kimwe mu byo bavuga ko bituma batakaza ikizere cyo kubona isoko.

Ntakiyimana Emmanuel wo mu Murenge wa Kanjongo muri Nyamasheke, agira ati “Isoko tugerageza kubona ni abakongomani baza kugura imyumbati hano, ariko nk’ubu iyo twejeje ntabwo bashobora kuyigura yose. Uruganda twumva ruvugwa ni uruba mu mayaga ngo za Ntongwe kandi ni kure cyane ntituzi niba bazaza kutugurira umusaruro.”

Avuga ko ubu ikilo cy’imyumbati y’imiribwa bakigurirwa ku mafaranga mirongo ine (40Frw), mu gihe ubundi cyagurwaga amafaranga ijana (100Frw), na ho imyumbati y’ubugari bakayigurirwa ku mafaranga mirongo inani (80Frw) mu gihe ubusanzwe yagezaga muri magana atatu (300Frw).

Akomeza avuga ko mu ihinga riheruka yahingishije amafaranga agera ku bihumbi magana abiri, ubaze igiciro cy’abahinzi, imbuto n’ifumbire. Umusaruro na wo ngo yarawubonye ushimishije ariko igiciro gitoya ku isoko cyatumye akuramo amafaranga ibihumbi ijana na mirongo irindwi, mu gihe iyo igiciro kitagwa yari kugeza mu bihumbi magana ane.

Ubuyobozi muri utwo turere twa Rusizi na Nyamasheke bwemera ko abahinzi bagurirwa umusaruro ku giciro gito, ariko kuri bo basanga nta kibazo gihari cy’isoko ku buryo byaba ngombwa ko hubakwa inganda zitunganya umusaruro w’imyumbati, ndetse ukaba wakurwamo n’ibindi biyikomokaho nka puderi.

Kamali Aimé Fabien, Umuyobozi w’Akarere ka Nyamasheke, agira ati “Icyo twifuza cya mbere ni uko abaturage bacu bihaza mu biribwa kandi bakanagurisha ku masoko abegereye. Ni byo koko iyo umusaruro wabaye mwinshi ibiciro biragwa bikaba byahombya abahinzi, ariko ntitwakwihutira kwemeza ko dufite umusaruro ukeneye inganda.”

Avuga ko nibimara kugaragara ko umusaruro ari mwinshi bazatekereza uko bakubaka inganda ziwutunganya. Hagati aho ngo bazafasha abahinzi kubona amasoko hanze y’uturere ahakenerwa imyumbati myinshi nk’ahari inganda ziyitunganya. Aha akaba yaratanze urugero rw’uruganda rutunganya imbyumbati rwa Kinazi ruherereye mu Karere ka Ruhango .

Mu myaka itanu (5) ishize mu Rwanda igihingwa cy’imyumbati kibasiwe n’indwara zitandukanye bituma umusaruro wayo mu gihugu uba muke muri rusange. Abahinzi bo mu turere twa Rusizi na Nyamasheke ni bamwe mu bahagurukiye guhinga imbuto nshya y’imyumbati.

Kuri ubu akarere ka Nyamasheke gahinga imyumbati kuri hegitari 12,155; na ho umusaruro ukaba ari toni 19 kuri hegitari imwe. Bivuze ko ku mwaka akarere ka Nyamasheke keza toni 230 945. Akarere ka Rusizi gahinga imyumbati kuri hegitari ibihumbi ikenda, bagasarura toni ibihumbi ijana na mirongo inani, bivuze ko basarura toni 20 kuri hegitari imwe.

Inkuru dukesha PAX PRESS

Nyuma yo kongera kwakirwa nk’abana, biyemeje guca ukubiri no kwiyandarika

By Editor

Ubukangurambaga bw’iminsi itatu bwakorewe abana ijana batewe inda batarageza ku myaka y’ubukure mu karere ka Ngororero, bwatumye ku wa 20 Ugushyingo 2018, ababyeyi b’aba bana bongera kubagirira ikizere no kwakira abuzukuru babo.

Akanyamuneza ku maso, amasoni kuri bamwe, ibinezaneza ku babyeyi, ngibyo ibyaranze uwo munsi ubwo bamwe mu bana basambanyijwe bakiri bato bakabyara bongeraga kwakirwa nk’abana mu rugo aho kuba ibivume, mu gikorwa cyanahuriranye n’umunsi mpuzamahanga w’abana cyabereye mu karere ka Ngororero.

Iki gikorwa cyateguwe n’akarere ka Ngororero n’abafatanyabikorwa bako, hatangwa ubujyanama kuri abo bakobwa hamwe n’ababyeyi babo, mu kubafasha guhangana n’ibibazo bahuye na byo ndetse no kudaha akato abo babyeyi bakiri bato.

Mu minsi itatu ibiganiro byamaze, bahawe ubujyanama n’ubufasha mu by’amategeko kugira ngo bazabashe gukurikirana ababateye inda, no mu mibanire mu miryango yabo hagamijwe gukuraho ubushyamirane cyangwa guhezwa byabakorerwaga.

Iragena Beatrice, umwe muri abo bana avuga bimwe mu byo baruhuwe kuri uyu munsi. Ati “kubyara tukiri bato byatuvutsaga kwitwa abana kandi turibo, ahubwo tukitwa ababyeyi, kandi ugasanga tudahabwa agaciro mu miryango yacu.”

Muri ibyo biganiro, ababyeyi na bo bagaragaje zimwe mu mbogamizi bahura na zo, harimo kuba ba se b’abana batabafasha kubarera, abakobwa baterwa inda, na bo bagahishira abazibateye, nibindi.

“Tubisubiyemo ntabwo tuzasubira ukundi”

Nyuma yo kumva impande zose no kuganirizwa, abana bakaba barasabye imbabazi ababyeyi babo, basezerana kutazasubira gushukwa ndetse no gutanga amakuru ku babateye izo nda. Niyigena Josiane yagize ati “tubisubiyemo ntabwo tuzasubira ukundi. Mutubabarire kandi twiteguye gutanga amakuru mu gukurikirana abaduteye inda, ndetse tukanakurikiza inama n’ibikorwa mwatubwiye byaduteza imbere”.

Ababyeyi bemereye imbere y’imbaga ko bagiye gufasha abana babo hamwe n’abuzukuru babakomotseho kugira ejo hazaza heza, nk’uko Ndikubwimana Andereya yabitangaje.

Minisitiri w’uburinganire n’iterambere ry’umuryango, Nyirahabimana Solina wari umushyitsi mukuru akaba yasabye abo bana hamwe n’ababyeyi babo kwirengagiza ibyabaye maze bagashaka icyateza imbere imiryango yabo.

Yagize ati “twaje kubwira abana bacu ko ubuyobozi bubakunda kugira ngo n’ababyeyi bumve ko batagomba kubatererana maze bafatanye gushakisha icyateza imbere imibereho yabo”.

Mu mwaka ushize wa 2017, mu karere ka Ngororero habaruwe abana 310 batewe inda badakuze, na ho muri uyu wa 2018 hamaze kubaruwa abakobwa 186 harimo 100 bakorewe ubwo bujyanama bw’iminsi itatu.

Inkuru dukesha Umuryango w’Abanyamakuru baharanira amahoro “PAX PRESS”

Rwamagana: Indwara ya Kirabiranya yafashe urutoki yabateje igihombo gikomeye

By Editor

Indwara ya Kirabiranya yafashe urutoki mu karere ka Rwamagana yateje abahinzi n’akarere igihombo gikomeye, ku buryo ibitoki bigera ku masoko byagabanyutse cyane ndetse na bamwe mu babyeyi bahindurira abana babo amashuri bigagamo kubera ubushobozi bwagabanyutse. Muri rusange umusaruro wavuye kuri toni 29 ugera kuri toni 24 kuri hegitari ku mwaka.

Akarere ka Rwamagana ni kamwe mu turere dugize Intara y’Iburasirazuba twari dusanzwe dukungahaye ku rutoki. Ubwo twasuraga aka karere ku wa 28 Ugushyingo 2018, abaturage batugaragarije ko bugarijwe n’ubukene nyuma y’uko intoki zabo zifashwe n’indwara ya Kirabiranya ariko kandi n’amakuru bafite ari make ku buryo batazi niba izacika burundu bakongera kugaragara mu buhinzi bw’urutoki bwari bubakijije.

Nsabakubaho Omar utuye mu murenge wa Kigabiro, avuga ko indwara ya Kirabiranya yabateje igihombo gikomeye, kuko batakibona ibitoki nka mbere itaraduka. Avuga ko we ubwe umusaruro w’urutoki wamuhaga amafaranga ibihumbi ijana ku kwezi, none ubu asigaye atungwa n’ibyo aguze.

Agira ati “Twarahombye bikomeye. Iyi ndwara yaje itunguranye kandi n’abaduha amakuru yayo aba atandukanye. Bamwe bavuga ko iterwa n’umuyaga, abandi bakavuga udukoko tuba mu butaka, hanyuma tukabura icyo dufata. Ntidufite ikizere cyo kongera kubona urutoki rwiza vuba, kuko tutazi ko n’iza kijyambere bazana zitazarwara.”

Muhigirwa Prospere atuye mu kagari ka Mabare, Umurenge wa Rubona. Avuga ko iwabo mu rugo buri cyumweru babaga bafite nibura amafaranga agera ku bihumbi mirongo icyenda. Ntiyari aziko indwara ya Kirabiranya izagera iwabo, kuko abashinzwe ubuhinzi bavugaga ko itazahagera ariko aho iziye nabwo batabahaye amakuru nyayo ku cyayizanye. Na we kimwe n’abandi batuye muri Rwamagana, avuga ko bagize igihombo gikomeye.

Agira ati “Kirabiranya itaraza twari dufite abana babiri biga mu mashuri yisumbuye kandi nta kibazo twari dufite cyo kubishyurira. Ubu ntibitworoheye kuko tubona amafaranga y’ishuri twiyushye akuya kuko urutoki rwacitse. Inzu twarimo kubaka yagaze aho yari igeze habuze ubushobozi bwo kuyikomeza.”

Abaturage bifuza ko bahawe insina zishobora guhangana na Kirabiranya kuko izisanzwe zo babona batazongera kuzibyaza umusaruro.

Umuyobozi w’Akarere ka Rwamagana wungirije ushinzwe iterambere ry’ubukungu, Mudaheranwa Regis, mu kiganiro n’Ikinyamakuru Panorama, yadutangarije ko ikibazo cya Kirabiranya cyagabanyije umusaruro abaturage bakuraga mu bitoki, kandi nta gace na kamwe ko muri ako karere iyo ndwara itagezemo. Umusaruro wabonekaga buri mwaka wari ku mpuzandengo ya toni 29 kuri hegitari ku mwaka, aho insina zirwariye ukaba waragabanyutse ugera kuri toni 24.

Agira ati “Iyi ndwara sinavuga ko nta gace na kamwe k’akarere kacu itagezemo. Tukimara kuyimenya twihutiye kwigisha abaturage uburyo bwo kuyirwanya kugira ngo idakwira hose. Hari intoki zarimbuwe kuko wasangaga zose zarafashwe, izindi hagakurwamo izamaze kugaragaza ibimenyetso.”

Mudaheranwa akomeza avuga ko ubu batangiye guha abaturage insina z’ubwoko bushya buhangana na Kirabiranya ariko kandi no kuyirwanya bitahagaze. Asaba abaturage kujya bakurikirana buri munsi intoki zabo kandi aho iyo ndwara yabonetse bagatanga amakuru. Mu rwego rwo kuvugura ubuhinzi bw’urutoki ubuyobozi bw’akarere buvuga ko bazajya bakoresha ishuri ryo mu murima no kwigira ku bandi bageze ku rutoki rwa kijyambere.

Imibare duhabwa n’ubuyobozi bw’akarere igaragaza ko ubutaka buhinze urutoki mu karere ka Rwamagana bungana na Hegitari ibihumbi cumi na bitatu (13,000Ha), urutoki rwarwaye Kirabiranya rungana na Hegitari 126.2; na ho aharwanyijwe iyo ndwara ni Hegitari 75. Ubuso busigaye burwaye Kirabiranya ni Hegitari 51,2. Ubuso bw’urutoki rwavuguruwe  ni hegitari ibihumbi bitanu (5000Ha), na ho muri iki gihe cy’umwaka w’ingengo y’imari 2018/2019, hateganyijwe kuvugurwa izindi Magana arindwi (700Ha).

Kirabiranya yahungabanyije umusaruro w’urutoki

Source: Akarere ka Rwamagana/FED. Iki gishushanyo cyakozwe na Panorama.

Rwanyange Rene Anthere

Jali: Umuturage yafatanywe caguwa zifite agaciro k’amafaranga arenga miliyoni eshanu n’igice

By Editor

Umuturage utuye mu karere ka Gasabo, Umurenge wa Jali, ku wa kane tariki ya 6 Ukuboza 2018, mu nzu iwe hafatiwe amabaro 35 y’imyenda ya Caguwa, afite agaciro ka Miliyoni zisaga eshanu n’igice z’amafaranga y’u Rwanda. Izo caguwa zinjijwe ku buryo bwa magendu.

Nk’uko tubikesha Polisi y’u Rwanda, ayo mabaro yafatiwe mu nzu ya Ufitinema Caesar Jean Claude w’imyaka 34. Ishami rya Polisi rishinzwe kurwanya magendu rivuga ko uriya mucuruzi yari yanyereje umusoro ufite agaciro k’amafaranga y’u Rwanda arenga miliyoni eshanu n’ibihumbi magana atanu.

Umuvugizi wa Polisi mu mujyi wa Kigali Chief Inspector of Police (CIP) Emmanuel Kayigi avuga ko kugira ngo uriya mucuruzi afatwe, byaturutse ku makuru yatanzwe n’abaturanyi be.

Yagize ati “Abaturanyi be ni bo babimenyesheje inzego z’umutekano ko Ufitinema mu nzu ye afitemo imyenda ya caguwa yinjiza mu gihugu mu buryo bwa magendu. Polisi n’abandi bayobozi mu nzego z’ibanze bagiyeyo koko basanga afitemo iriya myenda.”

CIP Kayigi akomeza avuga ko uriya mucuruzi yari yarakoresheje amayeri yo gucuruza ibirayi, aho yari afite sitoke  y’ibirayi  ari naho yabikaga  iriya myenda ya caguwa za magendu. Ashimira abaturage uruhare bakomeje kugaragaza mu kurwanya abantu banyereza imisoro ya leta.

Yibukije ko imisoro ari yo yubaka igihugu, akangurira abanyarwanda gukomeza kugira uruhare mu kurwanya abantu banyereza imisoro batanga amakuru kandi ku gihe.

Ati “Bariya bantu binjiza mu gihugu imyenda n’ibindi bicuruzwa mu buryo bwa magendu baba banyereza imisoro y’igihugu. Nta muntu uyobewe ko igihugu gitezwa imbere n’imisoro, buri munyarwanda afite inshingano zo kurwanya abanyereza imisoro.”

Ufitinema yashyikirijwe Urwego rushinzwe Ubugenzacyaha kugira ngo akurikiranwe ku cyaha yakoze.

Panorama

Kicukiro: Umugabo n'umugore baketsweho gusambana hitabazwa gupima amakariso yabo

By KP

Umugabo n'umugore bo mu Murenge wa Masaka mu Karere ka Kicukiro, bivugwa ko bose bafite abo bashakanye byemewe n'amategeko baketsweho gusambana biba ngombwa ko hitabazwa gupima amakariso yabo.

Ku wa Kabiri tariki ya 4 Ukuboza 2018, nibwo uyu mugabo n'umugore bivugwa ko bacaga inyuma abo bashakanye baguwe gitumo bari kumwe bavanye ahantu bikekwa ko ari mu icumbi nkuko iyi nkuru dukesha IGIHE ibivuga.

Bivugwa ko abaturage bari barabwiye umugabo w'uyu mugore ko hari umuntu ujya usambana n'uwo bashakanye.

Bavuga ko uyu mugore yabeshye umugabo we ko arwaye, maze undi amutiza imodoka ngo ajye kwivuza ku Bitaro bya Masaka.

Akihagera yinjijemo imodoka arayiparika ahita ahamagara iy'undi [bivugwa ko ari inshoreke ye] araza baragenda.

Ababonye bagenda bahise bahamagara uwo mugabo nawe ahita afata indi modoka ajya kuri ibyo bitaro. Ahageze yahamagaye umugore we ariko ntiyitaba.

Byabaye ngombwa ko ategereza, hashira igihe kigera ku isaha n'igice aba aribwo umugore we n'undi mugabo bari bajyanye baza, akibakubita amaso ati “Ndabafashe muvuye gusambana” atangira gushaka kurwana n'uwo mugabo wundi.

Muri ako kanya umugore ngo yahise abwira uwo bari kumwe ngo agonge umugabo we, abashinzwe umutekano aho barahagoboka.

Abari aho ntibajijinganyije kwitabaza inzego z'umutekano zifata uyu mugore n'uwo bari kumwe.

Umunyamabanga Nshingwabikorwa w'Umurenge wa Masaka, Donatien Murenzi, yabwiye IGIHE, ko abaganga bo ku bitaro bya Masaka bakimara kubapima n'amakariso yabo bombi, yahise yoherezwa ku bitaro bya Kacyiru.

Ati “Nibyo byarabaye ariko hakimara kuza inzego z'umutekano hifashishijwe ibitaro bya Masaka biba ngombwa ko babapima ku buryo nyuma banohereje amakariso yabo ku bitaro bya Polisi n'ibindi bimenyetso.

Uyu mugore n'umugabo bivugwa ko ari inshoreke ye kuri ubu bafungiye kuri Sitasiyo ya Polisi ya Masaka.

Diane Rwigara na nyina bagizwe abere

By KP

Diane Rwigara na nyina Adeline Mukangemanyi bagizwe abere n'urukiko rukuru ku byaha byose baregwaga n'Ubushinjacyaha. Urukiko rwanzuye ko ibimenyetso Ubushinjacyaha bwatanze mu iburanisha byose nta shingiro bifite. (inkuru y'Umueke)

Diane Shimwa Rwigara na Adeline Mukangemanyi Rwigara baregwa ibyaha bahuriyeho byo guteza imvururu muri rubanda, gukurura amacakubiri, no gukwirakwiza ibihuha byangisha abaturage ubutegetsi buriho. Hakiyongeraho icyaha cyo gukoresha inyandiko mpimbano kuri Diane Rwigara.

Batawe muri yombi muri Nzeri umwaka ushize, urubanza rwabo rutangira mu Ukwakira rurimo na Anne Rwigara Uwamahoro waje kurekurwa.

Bakigirwa abere byari ibyishimo bikomeye

Adeline Mukangemanyi utarahwemye kujyana Bibiliya mu rubunza, yashimiye Imana bikomeye

Diane Rwigara na nyina baburanye bahakana ibyaha bashinjwa, Ubushinjacyaha bwo bwaburanye bugaragaza ishingiro ry'ibyo bubashinja buhereye cyane cyane ku biganiro bagiye bagirana n'abo mu muryango wabo cyangwa abandi.

Diane Rwigara yishimiye uyu mwanzuro

Mu iburanisha riheruka Adeline Mukangemanyi yafashe umwanya munini asobanura ibyaha ashinjwa, agaragaza ko ibyo ashinjwa byose bishingiye ku byamubayeho nyuma y'urupfu rw'umugabo we Assinapol Rwigara, we ahamya ko yishwe.

Uyu munsi ku isomwa ry'uru rubanza Inteko y'abacamanza bane (4) yinjiye mu cyumba k'iburanisha saa munani zuzuye nk'uko byari biteganyijwe bahita batangira gusoma urubanza nubwo abaregwa bari batarahagera bose.

Bahageze bakerereweho abacamanza bakomeza isomwa ry'urubanza bahereye mu bihe bishize uko rwagiye ruburanishwa. Umucamanza yahereye kuri Adeline Mukangemanyi.

Umucamanza yavuze ibyo Ubushinjacyaha bushinja Mukangemanyi yavugiye kuri telephone na bagenzi be cyangwa bene wabo ko ntashingiro bifite kuko bitagize icyaha kuko ibyo yavuze atabivugiye mu ruhame, urukiko rwavuze ko icyaha cyo guteza imvururu muri rubanda yaregwaga kitamuhama.

Umucamanza yavuze ko icyaha Mukangemanyi aregwa cyo gukurura amacakubiri nta bimenyetso bifatika bimushinja bihari kuko ibyo yavuze byose atabivugiye mu ruhame cyangwa mu itangazamakuru ahubwo ari ibyo yavugiye kuri telephone abwira umuvandimwe we. Iki cyaha nacyo kikaba kitamuhama.

Urukiko rurasanga ibyaha ubushinjacyaha buvuga ko DianeRwigara yakoze yarabivugiye mu itangazamakuru, n'uregwa yemera ko yavuganye n'itangazamakuru.

Umucamanza yavuze ko Ingingo ya 19 mu Itegeko Nshinga ivuga ko umuntu wese afite uburenganzira bwe bwo kugaragaza ibitekerezo bye.

Ku cyaha cyo kwangisha abaturage ubutegetsi buriho kiregwa Diane Rwigara Umucamanza yisunze amategeko ahana ibyaha ariho ubu yavuze ko Ubushinjacyaha butagaragaza aho bihuriye no kwamamaza ibihuha bityo iki cyaha kitamuhama.

Urukiko rwavuze ko kugaragaza ibitekerezo by'umuntu biri muburenganzira mpuzazamahanga u Rwanda rwayashyizeho umukono.

Umucamanza yavuze ko kuba Diane Rwigara yaravuze ko ‘ubukungu buri mu maboko y'abantu bari mu ishyaka riri ku butegetsi, kuba hari abantu baburirwa irengero, kuba Komisiyo y'amatora ikora ibyo itegetswe' n'ibindi ngo ntaho bigaragara ko byateje imvururu muri rubanda.

Umucamanza avuga ko mu iburanisha Ubushinjacyaha butagaragaje uko ibyo Diane Rwigara yavuze byakuruye amacakubiri cyangwa bikangisha abaturage ubutegetsi buriho, ko ibyaha ubushinjacyaha bwareze Diane Rwigara nta shingiro bifite.

Umucamanza yavuze ko ibyo Diane Rwaigara yavugiye mu banyamakuru Ubushinjacyaha bukabishingiraho bumurega nta shingiro bufite.

Ku cyaha cy'inyandiko mpimbano, Urukiko ngo rusanga Ubushinjacyaha nta perereza bwakoze ngo bumenye koko ko Diane Rwigara yariganye imikono bamurega, nta n'umuntu wagaragaje ko yamusinyishije ku ngufu kugira ngo yemererwe kwiyamamaza.

Nubwo Kigali Forensic Laboratory yagaragaje ko imikono Diane Rwigara yatanze mu gushaka kwiyamamaza ku mwanya w'umukuru w'igihugu ari imihimbano, ngo nta kigaragaza ko iyo mikono ari Diane Rwaigara wayihimbye. Ubushinjacyaha kandi ngo ntibugaragaza ko yayijyanye kuri Komisiyo y'amatora abizi ko ari imihimbano.

Kandi ko Ubushinjacyaha nabwo bwemera ko Diane Rwigara yari afite abamuhagarariye mu turere, bityo iki cyaha nacyo nta shingiro iri mu kukimurega.

Nyuma y'isaha n'iminota 45 umucamanza asoma uru rukiko, yavuze ko abaregwa bombi ari abere ku byaha byose baregwaga n'Ubushinjacyaha kuko ibimenyetso by'ubushinjacyaha nta shingiro bifite.


Adeline Mukangemanyi yabwiye itangazamakuru ko yishimye cyane

Diane Rwigara yavuze ko agiye gukomeza ibikorwa bya politike

Amafoto:IGIHE

RDC: Loni iri gushakisha abasirikare bayo babiri baburiwe irengero

By Nizeyimana Selemani

Ubuyobozi bw'ingabo z'Umuryango w'Abibumbye, Loni ziri mu butumwa bw'amahoro muri Repubulika Iharanira Demokarasi ya Kongo, zatangaje kuri uyu wa Gatatu ko zirimo gushaka abasirikare babiri bazo baburiwe irengero kuva haduka imirwano i Beni mu burasirazuba bw'iki gihugu.

Ibi ni ibyatangajwe na Florence Marchal umuvugizi w'izi ngabo ubwo yari mu kiganiro n'abanyamakuru i Kinshasa aho yavuze ko bari gukora ibishoboka byose muri iyi minsi ngo aba basirikare babuze babe bakongera kuboneka.

Aba basirikare bari bamwe mu bitabiriye mu kwezi gushize igikorwa cya gisirikare cyari gihuje ingabo ziri mu butumwa bw'amahoro za Loni muri Kongo (Monusco) n'ingabo z'igihugu mu kurwanya inyeshyamba z'abanya-Uganda b'abayisilamu za ADF mu gace ka Beni mu ntara ya Kivu y'Amajyaruguru.

"Ku ruhande rwa Monusco, abasirikare 4 nibo bari babuze ariko ku ikubitiro babiri bahita baboneka ari bazima.", Florence Marchal wakomeje avuga ko ubu imibare bafite igaragaza ko abasirikare babo barindwi aribo bapfuye, 13 barakomereka naho abandi 2 baburirwa irengero nyuma y'iyi mirwano yabaye ku ya 14 Ugushyingo 2018.

Src:BBC

George H.W Bush ushyingurwa kuri uyu wa Kane, yasomewe misa -Amafoto

By Nizeyimana Selemani

Ku mugoroba wo kuri uyu wa Gatatu tariki ya 05 Ukuboza 2018 ni bwo George H.W Bush wabaye Perezida wa 41 wa Leta Zunze Ubumwe za Amerika, yasezeweho bwa nyuma nyuma yo kwitaba Imana ku wa Gatanu ushize.

Ni mu gitambo cya misa cyabereye St. Martin's Episcopal Church i Texas aho uyu mukambwe watabarutse afite imyaka 94 y'amavuko, yakunze gusengera kuva mu myaka 50 ishize, aha akaba ari naho yaraye ijoro ryose mbere yuko aza gushyingurwa kuri uyu wa Kane.

Ubwo indege ya Air Force One yafotorwaga igeze i Houston ivanye umubiri wa Bush i Washington DC habareye umuhango wa Leta wo kumusezeraho



Abo mu muryango wa George H.W Bush bururuka indege

Umuhungu wa nyakwigendera, George W Bush n'umugore we Laura Bush


Bakoze urugendo rw'iminota 45 bava ku kibuga cy'indege berekeza St. Martin's Episcopal Church aho Bush yasengeraga

Ubwo umurambo wa George H W Bush wagezwaga St. Martin's Episcopal Church

Muri uyu muhango, abo mu muryango we ba hafi barangajwe imbere n'umuhungu we George W Bush na we wayoboye Amerika bari mu b'imbere bari bitabiriye, gusa hari n'abandi barimo Perezida wa Amerika Donald Trump n'abandi ba perezida bayoboye iki gihugu nka Barack, Bill Clinton, Jimmy Carter bose bari baherekejwe n'abagore babo.

Nyakwigendera Bush n'umugore we Barbara, imyaka 50 yari ishize umuryango mugari wabo usengera hano


Ingabo nizo zari zitwaye umurambo

Ubwo Perezida Trump n'umugore we Melania Trump bwo bageraga ahabereye umuhango wo gusezera Bush

Perezida Trump na Melania Trump, hamwe n'abigeze kuyobora Amerika n'abagore babo Barack Obama na Michelle Obama, Perezida Bill Clinton na Hillary Clinton, Jimmy Carter na Rosalynn Carter bose bari bunze ubumwe mu gushyigikira George W Bush mu gusezere se George H.W. Bush

Muri rusange uyu muhango witabiriwe n'abagera ku bihumbi 3000 barimo n'abanyacyubahiro batandukanye baturutse mu bihugu by'inshuti nk'igikomangoma Charles cy'Ubwongereza, shansoliye (Chancellor) w'Ubudage Angela Merkel n'abandi.


Rev Russell J. Levenson Jr yashyize ibiganza ku isanduku ya nyakwigendera aramusabira


Umuhungu we Bush yafashwe n'ikiniga ubwo yavugaga ijambo

Perezida Bush wabaye Perezida wa 43 wa Amerika asezera ku mubyeyi we wabaye perezida wa 41 w'iki gihugu cy'igihangage



Umuvandimwe we Jeb n'umugore we Laura Bush bagerageje kumwihanganisha ubwo yari agarutse mu byicaro bye avuye kuvuga ijambo

Yagerageje kwiyumanganya araseka


Igikomangoma cy'Ubwongereza Charles

Source:Dailymail

Miss Akiwacu Colombe yasoje kaminuza mu Bufaransa- Amafoto

By KP

Nyampinga w'u Rwanda 2014, Miss Akiwacu Colombe yasoje icyiciro cya kabiri cya kaminuza mu Bufaransa aho amaze imyaka itatu atuye.

Nkuko yabitangaje ku rukuta rwe rwa Facebook, Miss Akiwacu yasoje muri INSEEC Bachelor.

Miss Akiwacu Colombe hamwe na bamwe mu banyeshuri biganaga bari bishimiye gusoza amasomo yabo

Avuga ko nyuma yo gusoza iki cyiciro ari intangiriro y'urugendo rushya. Yashimiye buri wese wagize uruhare mu iterambere rye by'umwihariko umuryango we wagiye umushyigikira muri buri ntambwe y'ubuzima bwe. Ati "Sinabona icyo mbitura ku byo munkorera ariko ndizera ko mbatera ishema n'ibyishimo."

Tubibutse ko Miss Akiwacu Colombe yabaye Nyampinga w'Iburasirazuba 2014 mbere yo kuzamuka ku rwego rw'igihugu akegukana ikamba rya Miss Rwanda. Ni umwe muri ba nyampinga bakundwa cyane, yanahagarariye u Rwanda muri Miss Supranational 2016.

Uyu Nyampinga yavuye mu Rwanda mu 2015 yerekeza mu Bufaransa aho yakomeje kugaragara ku mbuga nkoranyambaga aho akunze gusangiza abamukurikirana ibikorwa akora harimo umwuga wo kumurika imideri ateza imbere ndetse akaba akunze no kugaragara akora siporo ngororamubiri.

Miss Akiwacu Colombeyasoje kaminuza

Israel: Polisi yongeye gusaba ko Netanyahu n'umugore we batabwa muri yombi

By Nizeyimana Selemani

Polisi yo mu gihugu cya Isiraheli yatangaje kuri iki Cyumweru ko yasabye itabwa muri yombi rya Minisitiri w'intebe w'iki gihugu Benjamin Netanyahu n'umugore we Sara kubera uburiganya na ruswa bashinjwa, icyemezo kije ku nshuro ya gatatu muri uyu mwaka.

Umushinjacyaha Mukuru, ubu agomba kwemeza niba bagomba gutabwa muri yombi aho mu byaha bakurikiranyweho harimo kugerageza kumvikana n'ikinyamakuru cyo muri iki gihugu kwandikwaho inkuru ibabogamiyeho, maze nacyo kikabona ubufasha bwa guverinoma bushobora kuba bwarabyaye amamiliyoni y'amadorali yagombaga kwinjira muri Bezeq, ikigo cy'itumanaho gikomeye cyane muri Isiraheli ari nacyo nyiri Walla.

Benjamin Netanyahu n'umugore we Sara basabiwe gutabwa muri yombi

Benjamin Netanyahu yahise atera utwatsi iyi myanzuro ya polisi. Mu itangazo yashyize hanze yagize ati "Nzi neza ko abayobozi bashoboye, nyuma yo gukora iperereza kuri iki kibazo, bazahuriza ku mwanzuro umwe: ko ntacyigeze kuba kuko ntacyabaye."

Muri Gashyantare uyu mwaka, Polisi nabwo yari yasabye ko Netanyahu yatabwa muri yombi agakurikiranwaho ibirego bibiri yashinjwaga. Bamukekagaho we na bamwe mu bo mu muryango we kuba barakiriye miliyoni y'ama- shekels( asaga miliyoni 280 z'amafaranga y'amanyarwanda) yavuye mu mpano zitandukanye bakiriye harimo amatabi ahenze, amacupa y'inzoga zihenze (champagne) ndetse n'imirimbo bahawe na bamwe mu baherwe nabo bakabizeza ubufasha mu mafaranga cyangwa mu bundi buryo bwihariye.

Impano nyinshi kandi zihenze bahawe nazo zabaye ikirego

Mu kindi kirego, abakora iperereza bari bakurikiranyeho Netanyahu kumvikana na banyiri Yediot Aharonot ko bamwandikwaho inkuru iri mu nyungu ze mu kinyamakuru gikomeye muri Isiraheli.

Ikipe ya Palermo yanyuzemo Cavani na Dybala, yagurishijwe atarenga ibihumbi 10,000Frw

By Nizeyimana Selemani

Ikipe y'umupira w'amaguru y'ababigize umwuga ya Palermo, kuri ubu ibarizwa muri shampiyona y'icyiciro cya kabiri mu Butaliyani, yaguzwe amayero 10 (ni ukuvuga angana n'ibihumbi 10,129Frw) nk'igiciro cyo kurangiza umuhango (un prix symbolique) aho yagurishijwe ikigo kugeza ubu cyagizwe ibanga cy'i London mu Bwongereza.

Aya makuru yahamijwe kuri uyu wa Gatandatu tariki ya 01 Ukuboza 2018 n'uwahoze ari Perezida w'iyi kipe ndetse akaba yari na nyirayo, Maurizio Zamparini.

Iyi kipe y'amateka mu Butaliyani yagurishijwe amayero 10 gusa

Palermo kuri ubu iyoboye urutonde rw'icyiciro cya kabiri mu Butaliyani yaguzwe aya mafaranga nk'igiciro cyo kurangiza umuhango dore ko yari irimo umwenda ukabije ungana na miliyoni 22 n'ibihumbi 800 by'amayero (arenga gato miliyari 23 z'amafaranga y'u Rwanda), aya akaba agomba kwishyurwa n'abaguze iyi kipe.

Maurizio Zamparini wari waguze iyi kipe miliyoni 15 z'amayero(asaga miliyali 15 Frw) mu 2002

Ubwo yatangazaga ko iyi kipe yayigurishije, Maurizio Zamparini w'imyaka 77 y'amavuko, mu butumwa butandukanye busezera yanyujije ku rubuga rw'iyi kipe yagize ati "Mu gutekereza gusa ku hazaza h'ikipe n'abafana ba Palerme, n'ikiniga cyinshi nasinyiye kuyivamo, n'agahinda kenshi cyane... Yagurishijwe amayero 10 kuri nyirayo mushya wanemeye kwishyura imyenda Palerme yari ifite y'amayero miliyoni 22.800.000."

Uyu mugabo yongeyeho ko "Hazaba inama mu cyumweru gitaha, hagati y'abahagarariye ba nyir'ikipe bashya, ikipe ndetse n'umujyi wa Palerme"

Ku buyobozi bwe, Maurizio Zamparini waguze iyi kipe mu 2002 amayero miliyoni 15, yayifashije kugaruka mu cyiciro cya mbere mu Butaliyani (Serie A) mu 2004 nyuma y'imyaka 31 itahakandagira. Nuri Werurwe 2017, umugabo w'umucuruzi w'umunyamerika ufite ikomoko mu Butaliyani yasimbuye ku buyobozi Zamparini bw'iyi kipe yambara ibara ry'iroza.

Paulo Dybala ni umwe mu bakinnyi bo muri Amerika y'Amajyepfo bazamukiye muri Palermo

Ni ikipe muri iyi myaka ya vuba yanyuzemo abakinnyi bamamaye ku mugabane w'Uburayi barimo abanya-Argentine Paulo Dybala na Javier Pastore, umunya-Uruguay Edinson Cavani, umutaliyani Andrea Barzagli, bagiye batwara ibikombe mu zindi kipe bakomerejemo umwuga wabo.

Edinson Cavani nawe yubakiye izina muri iyi kipe mbere yo kwerekeza muri Napoli na PSG

Javier Pastore nawe yagiriye ibihe byiza muri Palermo

Palermo yamanutse mu cyiciro cya kabiri mu 2014, maze mu mwaka ukurikiyeho yongera kuzamuka mbere yo kongera kumanuka mu mwaka w'imikino 2016/2017.

Ngoma: Bibukijwe akamaro ko gufatanya mu kwesa imihigo

By Editor

Abaturage n’abayobozi mu nzego zitandukanye kuva ku mudugudu kugera ku karere  basabwe gukorera hamwe kugira ngo imihigo yeswe neza uko yahizwe. Ibi babisabwe na Minisitiri w’abakozi ba Leta n’umurimo, Kayirangwa  Rwanyindo Fanfan, usanzwe ari imboni y’Akarere  ka Ngoma, ku wa kane tariki ya 29 Ugushyingo 2018.

Kuba abaturage basabwe  kugaragaza uruhare rwabo mu mihigo, bamwe muri bo bavuga ko ibyo basabwa baba babikoze ahubwo batumva ukuntu akarere kabo kataza mu myanya ya mbere mu kwesa imihigo.

Umugwaneza Assoumpta atuye i Kibungo  mu karere ka Ngoma, avuga ko we na bagenzi be baturanye bakora ibyo basabwa byose ari ugutanga ubwisungane mu kwivuza, kunoza isuku no gukora umuganda, akaba yemeza ko uruhare rw’umuturage ruhari igisigaye ari uko babegera buri munsi.

Agira ati “Twebwe nk’abaturage uruhare rwacu turarukora rwose, ibyo ubuyobozi budusaba turabyubahiriza, buri wese aba yarahize ibyo azageraho kandi tubigeraho ahubwo abayobozi nibegere abaturage kurushaho ubundi urebe ko tutazongera kuba mu bambere.”

Rwiririza Jean Marie Vianney, Umuyobozi w’akarere ka Ngoma wungirije ushinzwe iterambere ry’ubukungu, agaruka ku mihigo akarere kahigiye imbere ya Perezida wa Repubulika uyu mwaka, agaragaza  ko hari imihigo iri ku kigero kiza mu kuyesa n’indi igomba kongerwamo imbaraga.

Ati “Hari imihigo ishingiye ku buhinzi, gukora amaterasi no gukora imiringoti, kuhira ku buso buto, gutera  intanga inka makumyabiri n’enye, guhanga imirimo ibihumbi bitandatu, ubwisungane mu kwivuza, ariko hari imihigo igomba gushyirwamo imbaraga harimo nko kuboneza urubyaro aho kuri ubu uyu muhigo uri ku kigero cya mirongo itanu na gatatu ku ijana.”

Minisitiri Kayirangwa Rwanyindo avuga ko abaturage n’abayobozi muri aka karere, ko guhitamo ari ukwabo gukomeza kuba ku mwanya bariho mu kwesa imihigo cyangwa kuza imbere. Agira ati “Kuza imbere cyangwa inyuma ni amahitamo yacu, ntitwakora cyane  ku buryo twaza mu myanya icumi ya mbere”.

Minisitiri Kayirangwa asaba abayobozi muri aka karere gushyira buri gihe umuturage ku isonga y’ibyo bakora, kandi bakajya bahura rimwe buri kwezi kugira ngo baganire ku iterambere n’uko imihigo ihagaze.

Kuba hakwiye ubufatanye mu kwesa imihigo binagaragazwa ni uko imirenge igize akarere ka Ngoma  yesheje imihigo y’uyu mwaka, aho umurenge waje ku isonga ari Rurenge ahagaragaye agashya kahanzwe ku bufatanye bw’abayobozi n’abaturage kazwi ku izina rya Nkwiture iki Rwanda. Umurenge waje ku mwanya wa nyuma ni Mutenderi.

Nkurunziza Theoneste/Ngoma

Cameroun yambuwe uburenganzira bwo kwakira igikombe cya Afurika (CAN 2019)

By Nizeyimana Selemani

Impuzamashyirahamwe y'Umupira w'amaguru muri Afurika (CAF) yamaze kwambura igihugu cya Cameroun uburenganzira bwo kuzakira igikombe cya Afurika (CAN 2019) ndetse kuva kuri uyu wa Gatandatu amarembo arafunguye ku bindi bihugu byifuza kuyisimbura.

Hari hamaze igihe hari ugushidikanya kuri iki gihugu cy'umupira w'amaguru aho cyakunze kunengwa kuba kigenda biguruntege mu kubaka no kuvugurura ibikorwa remezo mu mijyi yagombaga kuzakira iyi mikino harimo n'amasitade.

Iyi ikaba ari nayo mpamvu nyamukuru yatumye Cameroun yamburwa aya mahirwe nkuko byatangajwe na CAF ku mugoroba wo kuri uyu wa Gatanu tariki ya 30 Ugushyingo 2018 nyuma y'inama yabereye i Accra muri Ghana.

Ahmad Ahmad, Perezida wa CAF yavuze ko igihugu kizasimbura Cameroun kizamenyekana mu mpera z'uyu mwaka

Ibi bije nyuma yaho komisiyo yihariye yari yashyizweho na CAF yo kureba aho imyiteguro igeze, yasuye iki gihugu ubugira kane ariko baza guhamya ko babona kititeguye kwakira iri rushanwa rizaba rihuza ku nshuro ya mbere mu mateka amakipe 24 ya Afurika.

Igihugu cya Maroc ni kimwe mu bikomeje guhabwa amahirwe yo kuba cyakwakira iyi mikino.

Cameroun niyo ibitse iki gikombe

George H.W Bush wabaye Perezida wa Amerika, akanayibyarira undi, yatabarutse -Incamake y'amateka ye

By Nizeyimana Selemani

Ku myaka 94 y'amavuko umukambwe George H.W Bush wabaye perezida wa 41 wa Leta Zunze Ubumwe za Amerika yatabarutse nkuko umuryango we wabibitse muri uru rukerera rwo ku wa Gatandatu, bikandikwa n'ibinyamakuru bitandukanye byo muri iki gihugu.

George W. Bush umuhungu wa nyakwigendera nawe wabaye Perezida w'umu-Repubulike wa Leta Zunze Ubumwe za Amerika yahamije urupfu rwa se mu itangazo yasomye mu izina ry'umuryango we. Ati "Jeb, Neil, Marvin, Doro hamwe nanjye ubwanjye dufite agahinda ko gutangaza ko nyuma y'imyaka 94 yamuranze, umubyeyi wacu yapfuye. George H. W. Bush yari umugabo wubashywe cyane akanaba umubyeyi mwiza buri muhungu cyangwa umukobwa yakwifuza."

George H. W. Bush yayoboye CIA anayobora Amerika

Ahagana ku isaha ya saa yine z'ijoro z'i Dallas, Umuvugizi w'uyu muryango, Jim McGrath nawe yari yatangarije Associated Press ko uyu mugabo yapfuye nyuma y'amezi 8 gusa umugore we Barbara Bush nawe avuye ku isi y'abazima.

Yabaye Perezida wa Amerika kuva 1989 kugeza 1993

George Bush yabaye Perezida wa 41 wa USA hagati ya 1989 na 1993 nyuma yo kuva Visi-Perezida ku bwa Perezida Donald Reagan. Yanagize amahirwe adahirwa na benshi yo kubona umuhungu we George W. Bush nyuma y'imyaka 8 na we ateye ikirenge mu cye akinjira muri White House nka Perezida wa 43 w'iki gihugu cy'igihangage.

Intambara yo mu kigobe (guerre du Golfe)

George H. W. Bush yayoboye ndetse atsinda intambara yo mu kigobe muri Irak mu 1991. Ubwo yiyamamariza mandat ya kabiri, uyu mugabo wanayoboye CIA yatsinzwe n'umu-Démocrate Bill Clinton mu matora yabaye mu mpera z'umwaka 1992.

Inkuru irambuye ku mateka ye iracyakorwa...(ukomeze gusura iyi nkuru)

Siti True Karigombe yasohoye indirimbo ikomatanyirije hamwe ubuhanga bwa muzika bw'abo ku Nyundo -Yumve hano

By KP

Siti True Karigombe ni umwe mu bahanzi b'abaraperi bari kuzamuka, babikora baranabyize ku ishuri rya Muzika ryahoze ku Nyundo. Kuri ubu akaba yashyize hanze indirimbo nshya yise 'Urudashoboka' yanakozweho na Might Popo umuyobozi w'iri shuri rya muzika.

Ni ndirimbo usangamo uruhurirane rw'ubuhanga n'ubumenyi bwo ku ishuri rya Muzika ryo ku Nyundo, ubu ryimukiye i Muhanga. Inyikirizo yayo yaririmbwe na Neema Rehema nawe wize kuri iri shuri mu gihe yanacuranzwe mu buryo bwa live muri studio na Sebeya Band nayo igizwe n'abizi kuri iri shuri.


Siti True Karigombe ni umuraperi ukunze kuvanga injyana igezweho n'injyana gakondo

Akomoza ku mwihariko w'iyi ndirimbo, Siti True Karigombe yagize ati "Twayicuranze live muri studio mbifashijwemo na SEBEYA Band, undi mwihariko nuko umuyobozi w'iri shuri ryadufashije kwiga umuziki, Might Popo nawe yamfashije, yacuranzemo guitar na Igor Mabano ashyiramo ingoma, maze producer Trackslayer ahuza ibyo bicurangisho byose."

'Urudashoboka' ni ndirimbo ishingiye ku nkuru mpamo y'urukundo rw'umwe mu nshuti z'uyu muraperi Siti True Karigombe.

Kanda hano hasi wumve iyi ndirimbo

Siti True avuga ko nyuma yo gushyira hanze iyi ndirimo anateganya guhita ayikorera amashusho mu minsi ya vuba ndetse akaba yifuza gukomeza gukora cyane ngo ashinga imizi mu ruhando rwa muzika.

Ku bakunzi b'uyu muhanzi, tubibutse ko ari umwe mu bazagaragara mu gitaramo cyo kumurika album ya Mc Tino giteganijwe kuba ku ya 08 Ukuboza 2018 muri Wakanda Kabeza.

Kigali: Babou na Mutu bateguye igitaramo cya Electro Acoustic Live Concert kuri uyu wa Gatanu

By KP

Umuraperi Babou n'umuhanzi Mutu bateguriye abakunzi ba muzika n'abanyeshuli by'umwihariko bari mu biruhuko igitaramo bise "Electro-Acoustic-Live-Concert" mu rwego rwo kubinjiza neza mu mpera z'umwaka.

MUTU (Mutuzo) asanzwe azwiho ubuhanga mu gucuranga gitari utibagiwe no kuririmba neza dore ko yasoje amasomo ya muzika ku Nyundo akaba anabarizwa mu itsinda rya Sebeya ricurangira abahanzi mu bitaramo bitandukanye birimo Primus Guma Guma Super Star mu gihe Babou ari umuhanzi n'umuririmbyi w'injyana ya Rap/Hip-Hop aho kuva afite imyaka umunani yakomeje kwigaraza neza ku rubyiniro akaba ari no mu bahanzi baririmba imbonankubone.

Icyapa cyamamaza iki gitaramo

Paterson uri gutegura iki gitaramo yatubwiye ko aba bahanzi Mutu & Babou biteguye bihagije kandi bari bushimishe cyane abitabira iki gitaramo kibera kuri Mamba-Club kimihurura kuva 18h30 kugeza 22h00 aho kwinjira ari ubuntu.

Reba indirimbo "African Child" by Mutu feat. Babou

Abaguzi barasabwa gushishoza igihe bagiye kugira icyo bagura

By Editor

Polisi y’u Rwanda iraburira abagura ibintu bitandukanye kujya bitondera ibyo bagura, kuko bimaze kugaragara ko hari igihe biba ari ibyiganano bitujuje ubuziranenge, ku buryo bishobora no kuba byanagira ingaruka mbi ku wabikoresheje.

Ni nyuma y’aho Polisi mu karere ka Rubavu ku bufatanye n’abaturage, yakoze ibikorwa byo gufata abakora inzoga zitemewe, bagafata  Mukamutesi Alphonsine w’imyaka 32 y’amavuko wenga divayi (Vin Rouge) akayigemura ku masoko yo mu mujyi wa Kigali no mu tubari two mu mujyi wa Gisenyi.

Uyu mugore utuye mu kagari ka Umuganda mu murenge wa Gisenyi, mu karere ka Rubavu, yafashwe arimo avomera iyi nzoga y’inkorano mu bikarito biba byarashizemo divayi (Vin Rouge) ngo akura mu tubari dutandukanye two mu mujyi wa Gisenyi, agamije kubeshya abayigura kugira ngo bagirengo ni divayi (Vin Rouge) y’umwimerere.

Umuvugizi wa Polisi mu Ntara y’Iburengerazuba Chief Inspector of Police (CIP) Innocent Gasasira, avuga ko uyu mugore yafashwe amaze gushyira iyo vin rouge itujuje ubuziranenge mu dukarito dutandatu (6) utundi 13 atarayishyiramo.

Yagize ati “Twasanze arimo ayikura mu ndobo nini ashyira mu bikarito bya shizemo vin rouge aba yatoraguye mu bice bitandukanye ku buryo utamenya n’ibyo ayikoramo ndetse naho akura ibyo bikarito ntawahamenya kuko ntaho abirangura hazwi.”

CIP Gasasira yashimiye abaturage batanze amakuru kuri iyi bita divayi (vin rouge) itizewe ubuziranenge kuko yari ibateye impungenge agasaba abaguzi cyane cyane b’ibinyobwa kujya bagira amakenga y’ibyo banywa kuko bishobora kubagiraho ingaruka igihe byakozwe mu buryo butizewe.

Yagize ati “Kuba yapfunyikaga mu bikarito bya vin rouge zisanzwe zimenyerewe, ni amayeri yo kujijisha abantu ngo bagire ngo ava kuzirangura ku ruganda ariko ni ibyo yikorera ubwe. Abaguzi rero basabwa kuba maso bakamenya imvano y’ibyo bagura kugira ngo birinde ibyabagiraho ingaruka.”

Polisi y’u Rwanda kandi yaburiye abakoresha amayeri bagamije gukora ibintu binyuranyije n’amategeko ko ku bufatanye n’abaturage bazafatwa kandi bagahanwa, kuko birengagiza amategeko n’amabwiriza nkana.

Ikigo cy’igihugu cy’ubuziranenge (RSB) cyafashe urugero rw’iyi divayi (vin rouge) y’inkorano ngo kiyipime, harebwe ko ibyo ikorwamo bidashobora kugira ingaruka ku buzima bw’uwayinyoye.

Panorama

Itangazo rya Cyamunara y’inzu

By Editor

Mu rwego rwo gushyira mu bikorwa icyemezo cy’urukiko mu rubanza RC000390/2017/TB/KGRMA rwaciwe n’Urukiko rw’Ibanze rwa Kagarama ku wa 25/1/2018,

Umuhesha w’Inkiko w’Umwuga aramenyesha abantu bose ko ku wa gatanu tariki ya 7/12/2018 guhera saa tanu z’amanywa (11H00), azagurisha muri cyamunara umutungo wa  Ruzindana Regis na Uwimana Angelique,  ku nshuro ya gatanu.

Uwo mutungo ugizwe n’inzu yo guturamo ibaruye ku kibanza  gifite Nomero UPI: 1/03/07/03/88 giherereye mu mudugudu wa Kabeza, Akagari ka Kigarama, Umurenge wa Kigarama, Akarere ka Kicukiro, Umujyi wa Kigali.

Abifuza ibindi bisobanuro babariza kuri telefoni igendanwa 0788297106, bakanareba ku rubuga www.pba.co.org rw’Urugaga rw’Abahesha b’Inkiko b’Umwuga.

Bikorewe i Kigali, ku wa 28/11/2018

Me Mufanzara Leonce

Umuhesha w’Inkiko w’Umwuga

Central Africa: Abapolisi b’u Rwanda bashimiwe ubwitange n’umurava bibaranga mu kazi

By Editor

Umuyobozi w’ibikorwa by’inzego zishinzwe umutekano muri Central Africa  (MINUSCA) Brig. Gen. Mouhamed Selloum  yashimiye abapolisi b’u Rwanda bari mu butumwa bw’amahoro muri iki gihugu  umurava, ubwitange n’ubunyamwuga bibaranga mu kazi kabo ka buri munsi.

Ku wa Kabiri tariki ya 27 Ugushingo 2018, ni bwo Brig. Gen. Mouhamed Selloum yasuye abapolisi b’u Rwanda (RWAFPU1) bari i Bangui mu murwa mukuru wa Central Africa, bashimirwa umurava n’ubwitange bagaragaza mu bikorwa byo kubungabunga umutekano no kugarura amahoro muri iki gihugu gikomeje kurangwamo umutekano muke.

Yagize ati “Tunezezwa no gukorana n’abanyamurava, barangwa n’ubwitange no kwita ku nshingano nk’uko mubikora. Ubushake, ubunyamwuga n’ubushobozi mwifitemo bizadufasha gukuraho bidatinze inzitizi zigihari zibangamiye amahoro n’umutekano.”

Yashimangiye ko imyitwarire y’abapolisi b’u Rwanda bari mu butumwa bwa Loni bwo kubungabunga amahoro muri Central Africa yanyuze benshi, ku buryo Umuryango w’Abibumbye wishimira gukomeza gukorana n’u Rwanda mu bikorwa nk’ibi.

Ati “Loni na MINUSCA by’umwihariko, bishimira imyitwarire itagira amakemwa y’abantu boherezwa n’u Rwanda mu butumwa bw’amahoro muri iki gihugu. Turabasaba gukomeza kugaragara muri iyo shusho tubabonamo ku buryo n’abandi babigiraho.”

Brig Gen Mouhamed Selloum asoza avuga  ko Umuryango w’Abibumbye ahagarariye mu bikorwa byo kugarura amahoro n’umutekano muri Central Africa, uzakomeza ubufatanye n’u Rwanda muri ibi bikorwa, kuko abo rwohereza mu butumwa nk’ubu baba barahawe amasomo aboneye kandi bakayakoresha uko babisabwe.

Assistant Commissioner of Police (ACP) Sam Rumanzi, yagarutse ku bikorwa byaburi munsi bakora kuva bagera muri iki gihugu mu kuboza umwaka ushize.

Yagize ati “Itsinda ry’abapolisi b’u Rwanda, rikorera mu bice bine by’umurwa mu kuru Bangui aho dufite inshingano zo kurinda umutekano w’abaturage bakuwe mu byabo n’intambara, kurinda abakozi b’umuryango w’abibumbye ndetse n’ibikoresho. ”

U Rwanda rwatangiye kohereza abapolisi mu butumwa bwa Loni bwo kubungabunga amahoro n’umutekano ((MINUSCA) muri Central Africa muri 2014, nyuma y’uko ubushyamirane hagati y’imitwe ya Séléka na Anti-balaka bwatangiye mu 2012 bumaze gufata indi ntera y’ubwicanyi, ubu muri iki gihugu hakaba hari abapolisi b’u Rwanda bagera kuri 430 bari mu butumwa bw’umuryango w’abibumbye  buzwi nka MINUSCA.

Panorama

Gatsibo: Abayobozi basabwe kurushaho kubungabunga umutekano mu bihe by’iminsi mikuru

By Editor

Mu nama y’umutekano yaguye y’Akarere ka Gatsibo yateranye ku wa 27 Ugushyingo 2018, abayobozi basabwe kurushaho kubungabunga umutekano mu gihe cy’iminsi mikuru isoza umwaka bakaza amarondo, mu rwego rwo gukumira ibyaha birimo urugomo n’ubujura bikunze kugaragara muri iyo minsi.

Nk’uko tubikesha Polisi y’u Rwanda, iyi nama yitabiriwe n’umuyobozi w’Akarere ka Gatsibo Gasana Richard, umuyobozi wa Polisi mu Ntara y’Iburasirazuba Assistant Commissioner of Police (ACP) Benoit Sindayiheba Kayijuka ari kumwe na Colonel Albert Rugambwa uyobora burigade ya 402 y’ingabo z’u Rwanda zikorera muri aka karere, Komite nyobozi y’akarere,  n’Abanyamabanga Nshingwabikorwa b’imirenge n’utugari bikagize.

Ingingo zagarutsweho zirimo umutekano w’abaturage harimo ubuzima, kurwanya imirire mibi n’igwingira ry’abana, kurwanya ubuzererezi mu rubyiruko, abana bata ishuri no kurwanya ibiyobyabwenge n’icuruzwa rya magendu.

Umuyobozi w’akarere ka Gatsibo, Gasana Richard yabwiye abayobozi bitabiriye iyi nama ko umutekano uhera mu muryango. Ati “Umuturage iyo afite ubuzima bwiza akihaza mu biribwa, abana biga neza, aryama agasinzira ntacyo yikanga icyo gihe umutekano uba usesuye kuri buri wese.”

Gasana yasabye abayobozi  gukangurira abaturage kwirinda  gusesagura mu bihe by’iminsi mikuru bagiye kujyamo ko ahubwo barushaho kwizigamira no kubahiriza gahunda za Leta zirimo kwibumbira mu makoperative, ndetse n’ubwisungane mu kwivuza (Mutuelle de santé)

Umuyobozi wa Polisi mu Ntara y’Iburasirazuba, Assistant Commissioner of Police (ACP) Benoit Sindayiheba Kayijuka, yasabye abo bayobozi ko bakangurira abaturage kwirinda no kurwanya ibyaha binyuranye, birimo ikoreshwa ry’ibiyobyabwenge n’ibindi.

Yagize ati “Tumenyereye ko mu gihe k’iminsi mikuru abantu bidagadura bishimira ko bashoje umwaka amahoro; ni nacyo gihe kandi kigaragaramo ibyaha byinshi binyuranye muri uko kwishimira iyo minsi mikuru. Ni yo mpamvu dusaba abayobozi gukangurira abaturage kwirinda gukoresha ibiyobyabwenge n’inzoga zitemewe kuko muzi ingaruka mbi zabyo.”

ACP Kayijuka yanasabye ko amarondo yarushaho gukora  kugira ngo umutekano urusheho kubungabungwa, buri muyobozi akagenzura irondo ko rikora neza kandi ko bafite ibisabwa byose bibafasha gukora neza, igihe babonye igishobora guhungabanya umutekano bakihutira kwitabaza inzego z’umutekano.

Mu rwego rwo gukomeza ku bungabunga umutekano hagamijwe iterambere n’imibereho myiza y’abaturage, hafashwe imyanzuro itandukanye harimo usaba abayobozi kuva mu biro bakarushaho kwegera abaturage, bakabasobanurira uko bagira  uruhare mu gukumira ibyaha birimo ibiyobyabwenge ndetse no kumenya ibibazo abaturage bafite bigakemurwa ibindi bigahabwa umurongo.

Panorama

Rwamagana: Abakora mu birombe by’amabuye basabwe kwirinda ibikorwa bihungabanya umutekano

By Editor

Ku wa 27 Ugushyingo 2018, Polisi y’u Rwanda ikorera mu karere ka Rwamagana yasabye abacukura amabuye y’agaciro ya ‘Gasegereti’ mu murenge wa Mwurire, kwirinda ibyaha cyane cyane ubujurura bugaragara muri uyu murenge kandi bagatanga amakuru ku bo bakeka ko babugiramo uruhare.

Ni nyuma y’uko mu murenge wa Mwurire hamaze iminsi hagaragara ibikorwa bihungabanya umutekano birimo ubujura bw’amatungo magufi, gucukura amazu y’ubucuruzi no gushikuza abantu ibyabo, abaturage bagashyira mu majwi abakora mu birombe.

Nk’uko tubikesha Polisi y’u Rwanda, ibi bivugwa ko biraturuka ku mubare munini w’abantu bava mu bice bitandukanye bahuriye muri uyu murenge baje gucukura amabuye y’agaciro ku buryo haba harimo n’abanyangeso mbi bagira uruhare muri ibyo bikorwa bihungabanya umutekano.

Ubwo umuyobozi wa Polisi mu karere ka Rwamagana Superintendent (SP) James Rutaremara yaganiraga n’abasaga 400 bakora ubucukizi bw’amabuye ya gasegereti mu murenge wa Mwurire, yabasabye kwirinda ingeso mbi zishobora guhungabanya umutekano no gutamaza abashobora kuba bafite bene izo ngeso.

Ati “Kuba muri benshi kandi muturuka ahantu hatandukanye n’imico itandukanye ntibyababuza kwicungira umutekano no gukumira ikibi gishobora kuba muri uyu murenge kandi mugatanga amakuru yabo mukeka ko bafite ingeso z’ubujura no gukoresha ibiyobyabwenge kuko ntituzabyihanganira na rimwe.”

SP Rutaremara yaburiye abacukuzi bafite ingeso mbi ko nibatazigendera kure bazafatwa kandi bagashyikirizwa inzego zibishinzwe ku buryo n’abandi bazabafatiraho urugero.

Ati “Abafite imico mibi ndabasaba kuyicikaho kuko bizabagora cyane nitubafata. Abakora ubujura, urugomo, abakoresha ibiyobyabwenge niba barimo n’abandi bafite ingeso mbi kubafata ntibizadutwara akanya, kuko abo mukorana ni bo bazaduha amakuru ya buri umwe.”

Aba bacukuzi basabwe kwitwara neza cyane cyane muri iki gihe cy’impera z’umwaka, bagira uruhare mu kubungabunga umutekano no gutanga amakuru kubashobora gukora ibikorwa biwuhungabanya.

Ikindi aba bacukuzi bibukijwe ni ukwicungira umutekano bakurikiza amabwiriza agenga umucukuzi w’umwuga kugira ngo birinde impanuka zishobora guturuka ku kazi kabo k’ubucukuzi.

Kugeza ubu abantu batatu (3) mu bakora ubucukuzi bamaze gufatwa na Polisi bakekwaho ubujura bw’amatungo magufi bukorerwa mu murenge wa Mwurire, bashyikirijwe Urwego rw’Ubugenzacyaha (RIB) kugira ngo hakorwe iperereza ryimbitse ku byo bakekwaho.

Panorama

A thousand women entrepreneurs will be trained on business development and finance

By Editor

As part of its Affirmative Finance Action for Women in Africa (AFAWA) program, the African Development Bank is partnering with Entreprenarium Foundation to train 1,000 women entrepreneurs in Africa.

Over the next four months, Entreprenarium will roll out training sessions on business development and financial management in five countries, beginning with Cote d’Ivoire (Abidjan) and Gabon (Libreville) on 10 December; followed by sessions in Kenya (Nairobi), South Africa (Johannesburg) and Tunisia (Tunis). The most promising projects will have the opportunity to receive funding. Alongside the training, The Bank and AFAWA will strengthen policy dialogue on the legal, policy and regulatory reforms necessary to promote women’s entrepreneurship and economic empowerment.

“This initiative truly represents AFAWA’s holistic approach to support women’s entrepreneurship…We are not only providing businesswomen the critical knowledge and skills they need to boost their businesses, but also facilitating their access to financing, while establishing dialogue with governments to create business environments that unleash their entrepreneurial capacity,” said Vanessa Moungar, Director of the Bank’s Gender, Women and Civil Society Department. The African continent hosts the highest percentage of women entrepreneurs in the world.

According to the Global Entrepreneurship Monitor (GEM) 2016/17 Women’s Report, female entrepreneurship rate in sub-Saharan Africa reaches 25.9 percent of the female adult population. Women typically reinvest up to 90 percent of their income in the education, health and nutrition of their family and community -compared to 30 to 40 percent from men, demonstrating greater development impact.

Despite this dynamic entrepreneurial attitude and the key role that women entrepreneurs play in Africa’s economic development, they face a number of challenges and often lack necessary business and financial skills that will enable them to access funding based on the maturity of their businesses. While the small and medium enterprise (SME) sector in Africa is the cornerstone of inclusive development, women have a harder time in gaining access to financing with an estimated US$42 billion financing gap for entrepreneurship across business value chains, including US$15.6 billion in agriculture alone.

Affirmative Finance Action for Women in Africa, or AFAWA, was launched at the African Development Bank’s Annual Meeting in May 2016 in Lusaka, Zambia. It is a pan-African initiative with an overarching objective of bridging the finance gap for women in Africa and unlocking their entrepreneurial capacity.

AFAWA adopts a holistic approach through three pillars: strengthening access to financing for women-owned and women-led businesses, building the capacity of women entrepreneurs and financial institutions, as well as engaging with and supporting African governments to ensure legal, policy and regulatory reforms required to accelerate women’s entrepreneurship.

Entreprenarium is the first pan-African foundation that invests philanthropic capital in the training and financing of women and young entrepreneurs. It designs and carries out programs with the objective of equipping entrepreneurs throughout Africa with the necessary skills, knowledge and resources to succeed in the creation and development of their small and medium-sized enterprises.

Since 2014, over 2,000 entrepreneurs have been trained and US$2.1 million initial capital invested in technical assistance and funding of 52 projects. Special attention is paid to women entrepreneurs through dedicated programs.

Panorama.rw 

Ubuhinzi buhujwe n’ubucuruzi buzangana n’ikibazo k’inzara n’imirire mibi

By Editor

Mu muhango wo gutangiza inama mpuzamahanga ku kwihutisha ingamba zo guca burundu inzara n’imirire mibi, Minisitiri w’Intebe Dr Edouard Ngirente, yavuze ko kugira ngo bigerweho hagomba kuvugururwa ubuhinzi bugahuzwa n’ubucuruzi bw’ibibukomokaho, ndetse no kongera agaciro k’umusaruro wabyo. Ibi bikajyana kandi no kwita ku bagore batwite n’impinja no gushyira gahunda zigamije kwihaza mu biribwa no kugeza amazi meza ku baturage.

Iyi nama y’iminsi ibera i Bangkok-Thailand kuva ku wa 28 kugeza ku wa 30 Ugushyingo 2018 ku ngamba zo Kwihutisha ingamba zo guca burundu inzara n’imirire mibi, mu ijambo rye yavuze mu muhango wo gutangiza iyi nama ku mugaragaro, Minisitiri w’Intebe yasobanuye ko guhangana n’ibibazo by’imirire mibi bisaba by’umwihariko kwita ku bagore batwite n’impinja, gushyiraho gahunda zigamije kwihaza mu biribwa no   kugeza amazi meza kuri bose.

Yagize ati “Mu rwego rwo kurandura burundu inzara no kwihaza mu biribwa, mu Cyerekezo 2063 cy’Afurika, imirire myiza iri mu bigomba kwitabwaho cyane. Kugira ngo ibi bizagerwaho, hazavugurwa ubuhinzi buhuzwe n’ubucuruzi bw’ibikomoka ku buhinzi ko yongerera agaciro k’ibikomoka ku musaruro w’ibikomoka k’ubuhinzi.”

Avuga ku byo u Rwanda rwagezeho mu mu rwego rwo guca burundu inzara no kugwingira mu mwaka wa 2025, ndetse no kurandura imirire mibi mu mwaka wa 2030, Dr. Ngirente yasangije abitabiriye iyo nama zimwe mu ngamba u Rwanda rwafashe zirimo kwigira ku bikorwa by’indashyikirwa by’ahandi ku Isi ndetse n’ibisubizo by’umwimirere Abanyarwanda bishatsemo kugira ngo bidufasha kwigira no kwibeshya agaciro.

Itangazo dukesha ibiro bya Minisitiri w’Intebe rigaragaza zimwe muri izo ngamba zirimo,

Gahunda y’ibikorwa bijyanye n’ivugurura ry’ubuhinzi, yita cyane ku mirire myiza. Ishyira mu bikorwa gahunda zigamije kongera urugero rwa za poroteyine ndetse n’ikorwa ry’imfashandyo.

Gahunda yo kwihutisha iterambere ry’ubuhinzi igamije kongera umusaruro w’ubuhinzi cyane cyane uw’ibihingwa ngengabukungu.

Guhuza ubutaka no kurwanya isuri byagize uruhare rukomeye mu kwihaza mu biribwa.

Gushora imari mu bikorwaremezo byo kurwanya isuri byatanze amahirwe yo kubona imirimo ku ngo nyinshi z’abatishoboye.

Gushora imari muri gahunda zo kuhira imyaka mu rwego rwo kongera umusaruro.

Minisitiri w’Intebe yanaboneyeho umwanya wo kugaragaza bimwe mu byo Guverinoma y’u Rwanda yakoze mu rwego rwo gushyira mu bikorwa ingamba zo guhanga n’ikibazo cy’imirire mibi. Zimwe muri  byo ni ibi bikurikira:

Hanogejwe ishyirwa mu bikorwa rya gahunda zose zigamije gukemurabonezamikurire y’Abana bato (ECD).

Ubufatanye bwa Leta n’Inzego z’abikorera bwagize uruhare rukomeye mu kongera ishoramari mu ikorwa ry’ibiribwa bifite intungamubiri.

Hashyizweho Politiki y’Igihugu Ihuriwe n’Inzego nyinshi ku biribwa n’imirire, iyi gahunda ishyirwa mu bikorwa ku bufatanye n’abafatanyabikorwa mu iterambere mu buryo buhiriweho n’inzego nyinshi mu kurwanya kugwingira

Abajyana b’ubuzima b’abakorerabushake 58,000 bashyizwe mu midugudu yose kugira ngo bakurikiranire hafi ibibazo by’imirire mibi.

Leta yashyizeho kandi inatera inkunga gahunda ya Girinka Munyarwanda yatangiye mu 2006 ikaba imazekugeza inka zirenga 330,00 ku banyarwanda bari abakene.

Twashyizeho gahunda y’Inkongoro y’Umwana kandi kugeza ubu abana bagera ku 75,000 biga mu bice by’icyaro bamaze kugerwaho n’iyi gahunda.

Hashyizweho gahunda y’«Akarima k’Igikoni» kuri buri muryango, mu rwego rwo gushishikariza Abanyarwanda bose kugira akarima k’imboga aho batuye.

Iyi nama yahurije hamwe abagira uruhare mu gufata ibyemezo, abasanzwe bakora muri gahunda zo kurwanya inzara, abashakashatsi n’abandi bafatanyabikorwa baturutse imihanda yose ku isi. Yateguwe n’Ikigo Mpuzamahanga gishinzwe ubushakashatsi ku biribwa (IFPRI) gifatanyije n’Ishami ry’Umuryango w’Abibumbye ryita ku Biribwa, Ubuhinzi n’Ubworozi (FAO).

Iyi nama yitabiriwe n’abayobozi bakomeye batandukanye arimo: Perezida w’Inteko Ishinga Amategeko ya Bangladesh, First Lady wa Etiyopiya, Visi Perezida wa Repubulika ya Zambiya, n’Umuyobozi Mukuru w’Ikigo Mpuzamahanga gishinzwe ubushakashatsi ku biribwa(IFPRI), n’Abaminisitiri.

Minisitiri w’Intebe, Dr. Edouard Ngirente kandi yanakurikiranye umuhango wo gushyira umukono ku masezerano hagati ya Dr. Shenggen Fan, Umuyobozi Mukuru w’Ikigo Mpuzamahanga gishinzwe ubushakashatsi ku biribwa (IFPRI) na Minisitiri w’Ubuhinzi n’Ubworozi Dr. Mukeshimana Gérardine.

Panorama

Minisitiri w’Intebe, Dr. Edouard Ngirente akurikirana umuhango wo gushyira umukono ku masezerano hagati ya Dr. Shenggen Fan, Umuyobozi Mukuru w’Ikigo Mpuzamahanga gishinzwe ubushakashatsi ku biribwa (IFPRI) na Minisitiri w’Ubuhinzi n’Ubworozi Dr. Mukeshimana Gérardine (Ifoto/Serivisi z’ibiro bya Minisitiri w’Intebe)

Burera: amakimbirane mu muryango yatumye umugabo yivugana umugore we

By Editor

Mu gitondo cyo ku Cyumweru tariki ya 25 Ugushyingo 2018, mu murenge wa Rwerere, akagari kitwa Gashoro, mu mudugudu wa Gashoro, hamenyekanye amakuru y’urupfu rw’umugore witwa Mujawamariya Marceline wishwe n’umugabo we amutemesheje umuhoro.  Abaturanyi bavuga ko bari basanganywe amakimbirane ashingiye ku mutungo. Uyu mugabo yashatse gutoroka ariko afatwa atarabigeraho.

Nk’uko tubikesha inkuru yatangajwe n’umuseke.rw, Umuyobozi w’Umurenge wa Rwerere Aloys Nsengimana yavuze ko ikivugwa kuba nyirabayazana ari uko ngo Nshimiyimana yasabye umugore we icyangombwa cy’ubutaka kugira ngo abone uko ajya kwaka inguzanyo ku Umurenge SACCO undi akakimwima.

Mujamariya ngo yakimwimye kuko yumvaga ko ariya mafaranga nayafata azayashyira inshoreke ze. Ngo mu mezi umunani ashize Nshimiyimana n’umugore we bigeze gushyamirana cyane nyuma ariko ubuyobozi burabunga.

Amakimbirane yabo ngo amaze igihe kandi ashingiye cyane ku mitungo ‘umugore ashinja umugabo gusesagura ajyana mu nshoreke ze.’

Umuyobozi w’Umurenge wa Rwerere yemeza kandi ko uriya mugabo yigeze kujya kwivuza indwara zo mu mutwe mu bitaro byazo biba i Ndera mu karere ka Gasabo.

Mujawamariya yari afite imyaka 35, umugabo we afite imyaka 36, bari bamaranye igihe babana ndetse baranasezeranye bafitanye abana bane (4).

Urwego rw’igihugu rw’ubugenzacyaha (RIB) buvuga ko uvugwaho gukora kiriya cyaha yafashwe muri iki gitondo agerageza gutoroka.

Nyuma y’uko buriya bwicanyi bumenyekanye, mu mudugudu wa Gashoro hahise haba inama y’umutekano y’ikitaraganya yarimo Ubuyobozi bw’akarere ka Burera, Polisi n’Urwego rw’igihugu rw’ubugenzacyaha.

Abayobozi basabye abaturage kongera ingufu mu kwicungira umutekano, kwirinda amakimbirane mu muryango ashingira kuri byinshi bitandukanye harimo ubushoreke, imitungo n’ibindi.

Basabwe kandi gukomeza kwitabira umugoroba w’ababyeyi kugira ngo abafitanye amakimbirane bagirwe inama.

Panorama

❌