WebRwanda.com

πŸ”’
❌
There are new available articles, click to refresh the page.
Today β€” January 28th 2020Archive

Ingamba Sefu watangiye imyitozo nyuma y'iminsi 37 agarukanye(AMAFOTO)

By Canisius Kagabo

Nyuma y'iminsi igera kuri 37 yamaze hanze y'ikibuga kubera imvune, umukinnyi w'ikipe ya APR FC ukina mu kibuga hagati, Niyonzima Olivier Sefu yatangiye imyitozo aho avuga ko agomba gufasha ikipe ye guhanganira ibikombe bagaha ibyishimo abafana.

Sefu yagize ikibazo cyo mu ivi tariki ya 21 Ukuboza 2019, hari mu mukino w'umunsi wa 15 wa shampiyona batsinzemo Rayon Sports 2-0.

Kuva icyo gihe yari ataragaruka mu kibuga, ku munsi w'ejo hashize ni bwo uyu musore yatangiye imyitozo na bagenzi be i Shyorongi aho basanzwe bakorera imyitozo.

Nyuma y'imyitozo yavuze ko yishimiye kugaruka mu myitozo nyuma y'ukwezi kurenga adakina kubera imvune yo mu ivi.

Yagize atiβ€œ Nishimiye kugaruka mu kibuga gufatanya n'abandi gushaka ibikombe nyuma y'ukwezi n'icyumweru ndi hanze, nari mfite imvune mu ivi biba ngombwa ko abaganga banyuza mu cyuma basanga bidakomeye cyane, nsanze ikipe ihagaze neza itaratsindwa haba muri shampiyona ndetse no mu gikombe cy'Intwari turi guhatanira ubu, kandi ndishimira uko bagenzi banjye bakomeje kwitwara.”

Yakomeje avuga ko intego azanye ari ugufatanya na bagenzi be bagaha abafana ibyishimo ari byo bikombe babatumye.

Yagize atiβ€œ Intego ngarukanye ni ugukomeza kwitwara neza nkafasha bagenzi banjye mu kibuga ndetse no hanze yacyo tugaha ibyishimo abayobozi bacu, abafana ndetse n'umuryango mugari wa APR FC.”

Sefu ni umwe mu bakinnyi APR FC igenderaho mu kibuga hagati, yinjiye muri iyi kipe y'ingabo z'igihugu mu mpeshyi ya 2019 avuye muri Rayon Sports.

Yari amaze iminsi 37 adakina kubera imvune
Ngo yiteguye gufasha ikipe ye ibishoboka byose
Yanyuzagamo agaseka n'umutoza Adil
Yatangiye gukorana n'abandi

AMAFOTO: APR FC

Umutoza wa APR FC, Adil yashimiye bikomeye Gen. James Kabarebe

By Canisius Kagabo

Umutoza w'ikipe ya APR FC, Adil Erradi Muhammed yashimiye bikomeye umujyanama wihariye wa Perezida wa Repubulika mu by'umutekano, Gen. James Kaberebe kubera ko ari we wamugiriye inama yo gukoresha umwana w'imyaka 17 wazamuwe avuye mu irerero ry'iyi kipe, Ishimwe Anicet.

Uyu mutoza ufite agahigo ko kuba nta mukino n'umwe aratsindwa muri shampiyona umwaka w'imikino wa 2019-2020, yemeza ko yagize amahirwe agasanga muri APR FC hari abayobozi bakunda umupira kandi banawukurikirana.

Ubwo yari abajijwe ku myitwarire y'umwaka Ishimwe Anicet wavuye mu irerero ry'iyi kipe, yavuze ko ari umwana udasanzwe ufite impano itangaje, gusa ashimira cyane Gen. James Kabarebe kuko ari we wamumuhaye.

Yagize atiβ€œni umukinnyi wari mu irerero rya APR FC, ndashaka gushimira ubuyobozi bwa APR FC burangajwe imbere na Gen. James Kabarebe mu byukuri ni we wavumbuye iriya mpano, yarambwiye ngo ngiye kohereza umukinnyi w'ikipe y'igihugu w'imyaka 17 mu myitozo umurebe, naramubwiye nti nta kibazo.”

Yakomeje agira atiβ€œmu byukuri abayobozi bose ba APR FC, Gen. James, Lt Gen. Musemakweli, Maj. Gen. Mubaraka mpa agaciro akazi kabo, iyi ni impano ikomeye, ntabwo ari buri wese uyifite, yaje mu myitozo umunsi wa mbere ndamureba nahise mbona ko hari ikintu yifitemo muri we, icyumweru cya mbere, icya kabiri, icya gatatu, icya kane yari amaze kwibona mu bandi.”

Yakomeje asobanura ko umunsi ku munsi uko yagendaga akorana na we ariko yagendaga abona imikinire ye itera imbere, kugeza ubwo atangiye kumuha imikino yoroheje nk'umukino wa Gasogi United muri shampiyona.

Ashimira Gen. James Kabarebe kuba yaramuhaye uyu mwana ngo akomeze amufashe kumuzamurira urwego yizeye ko azavamo umukinnyi ukomeye uzafasha n'ikipe y'igihugu.

Ishimwe Anicet ni umwe mu bana bagaragaza ubuhanga
Yashimiye Gen. James Kabarebe

Meddie Kagere arifuzwa n'ikipe yo mu cyiciro cya mbere muri Espagne

By Our Reporter

Rutahizamu w'umunyarwanda ukinira ikipe ya Simba SC yo muri Tanzania, ngo arifuzwa n'ikipe yo muri Espagne umuhagarariye yirinze gutangaza mu gihe ikipe ya Simba SC itaremeza niba izamurekura.

Uyu rutahizamu uyoboye abamaze gutsinda ibitego byinshi muri Tanzania umwaka w'imikino wa 2019-2020 aho afite ibitego 11, asigaranye amasezerano y'umwaka n'igice nk'umukinnyi wa Simba SC.

Ibinyamakuru byo muri Tanzania byaganiriye n'ushinzwe gushakaira uyu musore amakipe, Gakumba Patrick, bivuga ko yatangaje ko hari ikipe yo mu cyiciro cya mbere muri Espagne yifuza uyu mukinnyi ariko ikaba ikiri ibanga.

Yagize atiβ€œKagere yabonye ubutumire buturutse mu ikipe yo mu cyiciro cya mbere muri Espagne, ntabwo nayivuga gusa ni iyo muri Espagne, yiteguye kuba yagura Kagere cyangwa ikamutwara ku ntizanyo, icyo ishaka ni igisubizo cyacu.”

Yakomeje agira atiβ€œniyo mpamvu ndi hano kuvugana n'ubuyobozi bwa Simba SC kuko nibo bafite uburenganzira bwo mubuza cyangwa kumwemerera kuko abafitiye amasezerano. Ni babona ari byiza bazamugurisha kuko bazakuramo amafaranga menshi.”

Ku ruhande rwa Meddie Kagere mu magambo make yabwiye ISIMBI ko nta byinshi yabitangazaho kuko umuhagarariye ari we uzi ukuri kose akagira n'amakuru ahagije

Kagere ni kenshi yagiye yifuzwa n'amakipe atandukanye arimo Zamalek yo mu Misiri, TP Mazembe yo muri DR Congo ariko ntiyabashije kuyerekezamo aguma muri Simba SC.

Yinjiye muri Simba SC mu mwaka wa 2018, mu mpeshyi ya 2019 yaje kongera amasezerano n'iyi kipe azarangira muri 2021.

Kagere yaba yifuzwa n'ikipe yo muri Espagne n'ubu ikiri ibanga

Imyitozo ya Rayon Sports y'uyu munsi irishyuzwa

By Canisius Kagabo

Mu rwego rwo gukomeza kwitegura imikino y'igikombe cy'Amahoro na shampiyona, Rayon Sports irakomeza imyitozo kuri uyu wa Mbere mu Nzove, ikaba ari imyitozo abakunzi bayo bashaka kuyikurikirana bagomba kwishyura.

Ni imyitozo iri bubere aho iyi kipe isanzwe ikorera imyitozo mu Nzove ku isaha ya saa 15:00', biteganyijwe ko igaragaramo abakinnyi bose b'iyi kipe uretse Iranzi Jean Claude ukiri mu igeragezwa mu gihugu cya Misiri mu ikipe ya Aswan FC.

Gukurikirana iyi myitozo ni ukwishyura, umukunzi w'iyi kipe wifuza kureba iyi myitozo arasabwa kuza kwishyura amafaranga y'u Rwanda ibihumbi 2 mu cyubahiro n'amafaranga 500 ahasigaye.

Rayon Sports nyuma yo kudakina irushanwa ry'Intwari irimo kwitegura umukino w'igikombe cy'Amahoro izakinamo na Inatre FC tariki ya 4 cyangwa 5 Gashyantare 2020 ndetse n'imikino ya shampiyona izasubukurwa tariki ya 7 Gashyantare hakinwa imikino y'umunsi wa 19 ariko Rayon Sports ikaba izakina na Bugesera FC tariki ya 9 Gashyantare 2020.

Imyitozo y'uyu munsi abashaka kuyikuri barasabwa kwishyura 2000frw na 500frw

Icyo Manzi Thierry yasubije abajijwe kuri Rayon Sports yavuye mu irushanwa ry'Intwari

By Canisius Kagabo

Kapiteni w'ikipe ya APR FC, Manzi Thierry avuga ko kuba Rayon Sports yarikuye mu irushanwa ry'Intwari bitabaha amahirwe yo kuba bakwegukana iki gikombe kuko hajemo Kiyovu Sports kandi akaba ari ikipe nziza ikomyeye.

Ku wa Gatandatu tariki ya 25 Mutarama 2020 ni bwo hatangiye irushanwa ry'igikombe cy'Intwari cya 2020, ni irushanwa ngaruka mwaka rihuza amakipe 4 yarangije imbere y'andi mu mwaka w'imikino uba waratambutse.

Uyu mwaka yagombaga guhuza Rayon Sports, APR FC, Mukura VS na Police FC kuko ari yo makipe 4 yaje imbere y'andi mu mwaka w'imikino wa 2019-2020.

Ku munota wa nyuma ikipe ya Rayon Sports yaje kwikura mu irushanwa bitewe n'uko hari ibyo babonaga bibabangamiye mu mategeko agenga irushanwa kandi babwiwe ko bidashobora guhinduka.

Mu ikiganiro n'itangazamakuru nyuma y'umukino ufungura iri rushanwa APR FC yatsinzemo Mukura VS 3-1, kapiteni w'iyi kipe abajijwe ni ba bitagiye kuborohera kwegukana iki gikombe kuko Rayon Sports mukeba wa bo yavuyemo, yavuze ko atari byo kuko hajemo indi kipe ikomeye.

Yagize atiβ€œkuba Rayon Sports yaravuyemo ntabwo navuga ko hari amahirwe biduha yo kuba twakegukana iri rushanwa kuko Rayon Sports yavuyemo hinjiyemo Kiyovu Sports, ngira ngo ikipe zose zinjiyemo cyangwa izari zisanzwe ziri muri shampiyona y'u Rwanda ni ikipe ziri ku rwego rwiza, ziri ku rwego rwo hejuru.”

β€œNtabwo navuga rero kuri Rayon Sports kuba yavuyemo ahubwo navuga ku makipe arimo n'uburyo tugomba kuyitwaraho, icyo turimo gutekerezaho ni aya makipe tugiye gukina na yo, Rayon Sports iri ku ruhande twe turareba kuri Police FC na Kiyovu Sports.”

APR FC izakomeza irushanwa ry'igikombe cy'Intwari ejo ku wa Kabiri ikina Police FC saa 18:00' kuri Stade Regional i Nyamirambo.

Nyuma yo gutsinda Mukura VS ngo ubu barajwe ishinga na Kiyovu Sports na Police FC, Rayon Sports ntibakiyitekereza

Tanasha yateguye igitaramo gishobora guhuza Diamond n'uwo bamaze igihe badacana uwaka

By Our Reporter

Umuhanzikazi ukizamuka akaba umunyamakuru wa radiyo ya NGR yo muri Kenya n'umukunzi wa Diamond wamubyariye umwana, Tanasha Donna agiye guhuza hamwe Diamond na Harmonize bamaze igihe barashwanye mu gitaramo arimo gutegura cyo kumurika zimwe mu ndirimbo ze mbere yo kumurika alubumu.

Muri Kana 2019 ni bwo Harmonize yatandukanye na Wasafi ya Diamond yarebereraga inyungu ze, kuva icyo gihe aba bombi ntabwo bacana uwaka ndetse na Harmonize yatangaje ko adashobora kwitabira ikintu icyo ari cyo cyose Diamond yamutumiramo.

Nk'uko ikinyamakuru Global Publishers kibitangaza, Tanasha arimo gutegura igitaramo cyo kumurika indirimbo ze zitandukanye, ariko ngo ntabwo ari alubumu, iki gutaramo kizabera na Nairobi muri Kenya aho ateganya kuzatumira abahanzi bakomeye muri Afurika y'Iburasirazuba barimo Diamond na Harmonize.

Iki gitaramo biteganyijwe ko kizaba tariki ya 31 Mutarama 2020, ni igitaramo kigiye kuba nyuma y'uko mu cyumweru gishize yasohye indirimbo ikunzwe muri iyi yahuriyemo na Mbosso yitwa La Vie.

Tanasha avuga kuri iri murika ry'indirimbo ze yagize atiβ€œni umushinga munini ukenewe no kumurikwa neza, bizabera muri Nairobi bigenze neza na Tanzania byazahabera. Abahanzi bakomeye bose muri Afurika y'Iburasirazuba ubitege, amazina yabo ndayatangaza vuba.”

Ku kijyanye no kuba yahuriza Diamond na Harmonize muri iki gitaramo, Tanasha yirinze kugira byinshi abitangazaho aho yavuze ko abantu bagomba gutegereza bazabibona nibiba.

Byitezwe ko Diamond na Harmonize bashobora guhurira muri iki gitaramo cya Tanasha
Harmonize kuva yava muri Wasafi yashwanye na Diamond

Nshuti Innocent yavuze ubusobanuro bw'uburyo butangaje yishimiyemo igitego

By Canisius Kagabo

Nyuma y'igitego cya 3 cyashimangiye intsinzi mu mukino ufungura irushanwa ry'Intwari Nshuti Innocent yatsindiye APR FC ku mukino wa Mukura VS, yishimiye iki gitego mu buryo budasanzwe aho yagenda asa nuvangavanga ibintu mu ntoki ze, yasobanuye ko ubu buryo busobanuye ko hari ibyo Imana irimo kumutunganyiriza biri mi nzira.

Hari mu mukino wabaye ku wa Gatandatu w'icyumweu gushize, uyu rutahizamu yari yinjiye mu kibuga asimbuye Danny Usengimana, ku munota wa 87 ku ishoti rikomeye yatereye hanze gato y'urubuga rw'amahina, umukino warangiye ari 3-1.

Mu kwishyimira iki gitego, Nshuti Innocent yirutse agenda agaragaza ikiganza cye kimwe kiri hasi y'ikindi, ikiri hejuru intoki zisa n'aho zirimo kugira ibyo zivangavanga.

Aganira n'ikinyamakuru ISIMBI, Nshuti Innocent yavuze ko uburyo yishimiyemo iki gitego bisobanuye ko hari ibindi byinshi Imana irimo kumutunganyiriza kandi byiza.

Yagize atiβ€œAhahaha! Icyo biriya bisabanuye, bivuze ko hari ibyo Imana irimo gukora, irimo kutunganya biri mu nzira bigiye kuza kandi byiza.”

Uyu musore muri iyi minsi agenda agaragaza ko yegreye Imana cyane mu buryo bwo kwishimira ibitego bye, igitego yaherukaga gutsinda yagitsinze Etincelles mu mukino wa shampiyona w'umunsi wa wa 18, mu kukishimira yazamuye umupira yarimo akinama(jersey) imbere harimo undi wanditseho mu gatuza amagambo agira atiβ€œNshobozwabyose na Christo”.

Ikiganza cy'iburyo cyasaga n'aho hari ibyo kirimo kuvanga
Ni uburyo yavuze ko Imana hari ibyo irimo kumutegurira

Umunyezamu wa APR FC, Rwabugiri Umar yasabye imbabazi

By Canisius Kagabo

Nyuma yo kwemera ko ari we watumye ikipe ye ya APR FC ibura amanota 3 mu mukino w'umunsi wa 18 banganya na Etincelles, umunyezamu wa APR FC, Rwabugiri Umar yasabye imbabazi umuryango mugari w'iyi kipe abizeza ko bitazasubira.

Mu kiganiro yagiranye n'ikinyamakuru ISIMBI, Rwabugiri avuga ko zimwe mu ntego ze muri uyu mwaka ari ugufasha ikipe ye ikaba yakwegukana igikombe cya shampiyona n'ibindi bikombe ihanganiye kuko ngo yayikuriyemo banatwarana ibikombe ariko ngo si we wakinaga, byaje no gutuma atandukana nayo.

Yagize atiβ€œintego yanjye ni ugufasha ikipe ya APR FC kwegukana ibikombe muri uyu mwaka, APR FC nayikuriyemo tunatwara ibikombe ariko sinakinaga, nshaka kuyifasha rero tukegukana ibikombe ari njye urimo ukina, bivuze ko nshaka umwanya uhoraho wo gukina muri APR FC.”

Yakomeje avuga ko umwaka ushize ibintu bitagenze neza ndetse n'uyu umwaka akaba awutangiye nabi, gusa ngo ni ukugerageraeza gukosora.

Yagize atiβ€œumwaka ushize ntabwo nawusoje neza nk'uko nawutangiye n'ubwo n'ubu ng'ubu bimeze nabi gake gake tugerageza gukosora kuko twigira ku makossa.”

Yakomeje agira atiβ€œurebye ku mukino uheruka ntabwo byagenze neza twatakaje amanota 3 tubona rimwe biturutse kuri njyewe, ndifuza gusaba imbabazi muri rusange ariko ibyiza ni uko dukosora.”

Uyu mukino yishinja ko yakoze amakosa yatumye batakaza amanota 3 hari mu mukino w'umunsi wa 18 wa shampiyona bakinnye na Etincelles i Rubavu, byageze mu minota ya nyuma APR FC iyoboye n'igitego 1-0 cya Nshuti Innocent, Rwabugiri Umar yaje gufata umupira awutanga na kaboko ariko ntiwagera aho wagombaga kugera (yari afite ubundi buryo bwinshi bworoshye yari kuwutangamo) ufatwa na ba rutahizamu ba Etincelles ari nabwo bahise batsinda igitego cyo kunganya umukino urangira ari 1-1.

Igihangange mu mukino wa Basketball ku Isi, Kobe Bryant yitabye Imana

By Canisius Kagabo

Kobe Bryant wakanyujijeho mu mukino wa Basketball muri shampiyona ya Amerika β€˜NBA' yitabye Imana azize impanuka ya Kajugujugu.

NK'uko ikinyamakuru TMZ kibitangaza, Kobe yabereye Calabasas, muri California hafi na Los Angeles.

Iyi mpanuka yabaye mu gitondo cyo kuri iki Cyumweru, akaba yari mu ndege y'umwihariko β€˜Private Helicopter', amakuru akaba avuga yapfanye n'abandi bantu 5 ku buryo n'imirambo yabo yabuze, icyateye iyi mpanuka kikaba kitaramenyekana iperereza riracyakomeje.

Kobe Bryant yapfanye n'umukobwa we Gianna, akaba a umugore Vanessa n'abakobwa 3, Natalia, Bianca na Capri.

Kobe Bryant ufatwa nk'ikirango cya NBA, yitabye Imana ku myaka 41, yakiniye ikipe imwe mu buzima bwe ari yo Los Angeles Lakers aho yayikiniye imyaka 20 kuva 1996 kugeza 2016 ubwo yahagarikaga gukina.

Muri iyi myaka 20 yegukanye ibihembo n'ibikombe bitandukanye birimo shampiyona ya NBA muri 20020, 2002, 2009 na 2010, yabaye MVP muri 2008, yabaye MVP wa All Star Game inshuro 4 muri 2002, 2007, 2009 na 2011 n'ibindi byinshi bitandukanye,

Yitabye Imana ku myaka 41
Asize umugore n'abana 4

APR FC yahagaritse umuvugizi w'abafana ba yo ushinjwa gutangaza amagambo abiba urwango

By Canisius Kagabo

Kalinda Emile wari umuvugizi w'abafana ba APR FC ku rwego rw'igihugu, yamaze guhagarikwa kuri iyi mirimo bitewe n'amagambo yatangaje asa n'ubiba urwango mu butumwa yohereje akoresheje WhatsApp.

Nyuma y'uko ikipe ya Rayon Sports yikuye mu irushanwa ry'Intwari 2020, ni bwo uyu mugabo yanditse ubutumwa avuga ko perezida wa FERWAFA yagakwiye guhagarika Rayon Sports imyaka igera kuri 5 idakina irushanwa iryo ari ryo ryose mu Rwanda ngo bakabereba ko ijya Mozambique.

Ni ubutumwa bigaragara ko yohereje mu itsinda rya WhatsApp (group WhatsApp) ahuriyemo n'abandi bantu benshi batandukanye.

Ubu butumwa bukaba butakiriwe neza n'abakunzi b'umupira w'amaguru by'umwihariko abakunzi ba Rayon Sports yatunzwe agatoki, abakunzi b'umupira w'amaguru bakaba bashinje uyu mugabo gushaka kuzana amacakubiri mu banyarwanda.

Ubutumwa bwa Kalinda n'ibyo abantu bagiye babuvugaho

Nyuma y'ibi byose, binyuze ku rubuga rwa yo, APR FC yatangaje ko yahagaritse Kalinda Emile wari umuvugizi w'abafana b'iyi kipe ku rwego rw'igihugu bitewe n'imyatwarire ye mibi irimo amagambo aherutse gutangaza kuri WhatsApp batabasha kwihanganira.

Uretse guhagarikwa, uyu mugabo yabujijwe kongera kugaruka ku kibuga muri iyi mikino y'igikombe cy'Intwari yatangiye tariki ya 25 Mutarama 2020 ikazasozwa tariki ya 1 Gashyantare 2020.

Bwakomeje busaba abafana bayo gukomeza kurangwa n'ikinyabupfura kuko butazigera bwihanganira umufana wese ugaragaza imyitwarire mibi, bukaba bwatangaje ko mu minsi ya vuba buzatangaza umuvugizi mushya w'abafana b'iyi kipe.

Ubuyobozi bw'iyi kipe kandi bukaba bwiseguye ku bantu bose bababajwe n'imvugo ya Kalinda Emile.

Kalinda Emile si ubwa mbere ahagaritswe kuko no muri Gicurasi 2017 yari yahagaritswe azira gutangaza ko batazigera baha icyubahiro Rayon Sports yegukanye igikombe bayikomera amashyi, yaje gusubizwa mu mirimo muri Nzeri 2018.

Kalinda Emile wari umuvugizi w'abafana ba APR FC yahagaritswe

Patriots yikuye mu irushanwa ry'igikombe cy'Intwari

By Canisius Kagabo

Ikipe ya Patriots BBC yamaze kwikura mu irushanwa ry'igikombe cy'Intwari nyuma yo kwangirwa gukinisha umukinnyi Nijimbere Guibert iheruka gusinyisha.

Patriots ifashe uyu mwanzuro nyuma y'uko ku wa Gatanu yatewe mpaga na IPRC Kigali kubera ko banze ko ikinisha umurundi Nijimbere Guibert ivuga ko yasinyishije ni mu gihe IPRC Kigali nayo yamutanze ku rutonde kandi ayifitiye amasezerano.

Ibinyujije ku rukuta rwayo rwa Twitter, Patriots yemeje ko itari bukomeze gukina irushanwa ry'igikombe cy'Intwari mu rwego rwo guhagarara ku kuri.

β€œTurabamenyesha ko n'uyu munsi tudakina muri #BasketballHeroes2020. Nka Patriots (abakunda igihugu), icyo dukora ni icyo Intwari zacu zakoze ari cyo guhagarara ku kiri ukuri kuri twe no ku gihugu cyacu.”

β€œAbafana bacu turabagira inama yo kwitabira indi mikino mu rwego rwo guha agaciro Intwari zacu.”

Patriots ikaba yari mu itsinda B iri kumwe na Shoot For The Stars na RP-IPRC Kigali aho hagomba kuzamuka ikipe imwe.

Guibert Nijimbere (ufite umupira) atumye Patriots isezera mu irushanwa

Mama wa Wema Sepetu yatanze gasopo

By Our Reporter

Mariam Sepetu, mama wa Wema Isaac Sepetu wabaye nyampinga wa Tanzania 2006, yatanze gasopo ku bantu bakomeza kugenda bamubaza ibibazo byerekeranye n'umwana we uko arimo yitwara, yavuze ko afite ubuzima bwe na we akagira ubwe.

Ibi yabitangaje ubwo yari abajijwe n'ikinyamakuru Global Publishers icyo avuga ku kuba umukobwa we yarinanukishije cyane akaba ari umwe mu bantu bahorose.

Yagize atiβ€œsinshaka kugira ikintu icyo ari cyo cyose mvuga kerekeye kuri Wema, yamaze gukura afite ubuzima bwe nanjye mfite ubuzima bwanjye. Ariko kuki ubundi mumbaza ibimwerekeyeho? Ntacyo nshobora kubivugaho ntihazagire n'uwongera kubimbaza.”

Kunanuka kwa Wema Sepetu ntibyavuzweho rumwe cyane cyane ku mbuga nkoranyamabaga aho bamwe bagiye bamunenga cyane iki gikorwa yakoze cyo kwinanura.

Wema Sepetu we ntahwema gutangaza ko yishimiye uko angana kuko abona bimubereye kandi nta n'umuntu ugomba kumumenyera ibimubereye, ikindi kandi ngo byatumwe muri we yumva abangutse.

Uko yanganaga mbere atarinanura
Uko asigaye angana

AMAFOTO +VIDEO: Mu marira n'agahinda kenshi, Dr Vuningoma yashyinguwe

By Our Reporter

Ku gicamunsi cy'ejo hashize ku wa Gatandatu, ni bwo uwari Umunyamabanga Nshingwabikorwa w'Inteko Nyarwanda y'Ururimi n'Umuco, Dr Vuningoma James yashyinguwe mu cyubahiro mu muhango waranzwe n'amarira menshi ndetse n'agahinda ku nshuti n'abavandimwe.

Tariki nya 20 Mutarama 2020 inkuru mbi yatashye mu muryango wa Dr. Vuningoma ubwo yitabaga Imana azize kanseri y'Ibihaha aguye mu bitaro byitiriwe umwami Faisal.

Umuhango wo gusezera kuri Dr. Vuningoma wabaye ku wa Gatandatu iwe mu rugo Kacyiru, yuma haba igitambo cyo kumusabira cyabereye ku rusengero rw'Abangilikani i Remera mu Mujyi wa Kigali, mbere y'uko ashyingurwa mu irimbi rya Rusororo.

Ni umuhango witabiriwe n'abantu benshi banyuranye barimo abo mu muryango we, inshuti, abo bakoranye, abayobozi bakuru b'igihugu barimo Perezida wa Sena Dr Iyamuremye Augustin n'abandi.

Mu gahinda kenshi n'umubabaro, ubuhamya bwatanzwe kuri Dr. Vuningoma bwose bwagarukaga ku butwari bwe n'ibikorwa by'indashyikirwa yakoze ataritaba Imana.

Asezerwaho iwe mu rugo
Amarira n'agahinda ni byo byaranze uyu muhango
Mu gitambo cya misa bamusezeraho
Byari akababaro ku bo mu muryango wa Dr. Vuningoma
Umunyamabanga wa Leta muri Minisiteri y'Urubyiruko n'Umuco, Bamporiki Edouard na Minisitiri w'Urubyiruko n'Umuco, Rosemary Mbabazi bashyira indabo ku mva ishyinguyemo Dr Vuningoma James

Reba hano umuhango wo gushyingura Dr. Vuningoma James

Ubutwari Cup 2020: Police FC itsinze Kiyovu Sports

By Canisius Kagabo

Mu mukino wa kabiri w'irushanwa ry'igikombe cy'Intwari cyatangiye uyu munsi, Police FC yatsinze Kiyovu Sports 2-1.

Wari umukino wa kabiri w'umunsi wa mbere y'irushanwa ry'igikombe cy'Intwari wahuje Kiyovu Sports na Police FC. Umukino wabanje APR FC yatsinze Mukura VS 3-1.

Police FC yatangiye igice cya mbere isatira cyane biza kuyihira ibona ibitego hakiri kare, ku munota wa 3 Ngendahimana Eric yayitsindiye igitego cya mbere kuri kufura yari itewe na Mpozembizi Mohammed.

Ku munota wa 7 ku burangare bw'umunyezamu Bwanakweli Emmanuel, Iyabivuze Ose yatsinze igitego cya kabiri.

Police FC yakomeje kurusha Kiyovu Sports kugeza aho umutoza Ruremesha Emmanuel akoze impinduka havamo Ishimwe Saleh hajyamo Nizeyimana Jean Claude, Kiyovu Sports yatangiye gusatira cyane ndetse igenda ibona n'amahirwe menshi ariko kwinjiza umupira mu rushundura biranga igice cya mbere kirangira ari 2-0.

Mu gice cya kabiri Police FC yakomeje gushaka ibindi bitego ariko bagorwa cyane n'ubwugarizi bwa Kiyovu Sports.

Kiyovu Sports yakomeje kotsa igitutu Police FC mu mukino wari ufunguye ku mpande zombi, ku munota wa 73 Saba Robert yatsindiye Kiyovu Sports igitego cya mbere.

Ku munota wa 90 kapiteni wa Police FC yahawe ikarita itukura nyuma yo kubona ikarita ya kabiri y'umuhondo. Umukino warangiye ari 2-1.

Irushanwa rizakomeza tariki ya 28 Mutarama 2020 APR FC ikina na Police FC mu gihe Mukura VS izaba ikina na Police FC, ni ku munsi wa kabiri w'irushanwa ry'igikombe cy'Intwari.

APR FC itangiye irushanwa ry'igikombe cy'Intwari itsinda Mukura Victory Sports

By Canisius Kagabo

APR FC itangiye irushanwa ry'igikombe cy'Intwari 2020 itsinda Mukura VS ibitego 3-1.

Wari umunsi wa mbere w'irushanwa ry'igikombe cy'Intwari 2020, umukino wabimbiriye iyindi ni uwo Mukura VS yakinnye na APR FC.

APR FC ntabwo yari ifite Sefu na Mugunga bamaze iminsi bafite ikibazo cy'imvune na Nizeyimana Djuma wagize ikibazo mu nda.

Mukura Victory Sports ntabwo yo yari ifite rutahizamu Iradukunda Jean Bertrand wari umaze iminsi ayitsndira ibitego.

Amakipe yombi yatangiye umukino ashakisha igitego hakiri kare, wari umukino ufunguye ku mpande zombi, wabonaga unogeye ijisho.

Ntwari Evode wahoze akinira ikipe ya APR FC, ni we wafunguye amazamu atsindira Mukura VS igitego ku munota wa 35.

Ibyishimo bya Mukura VS ntabwo byamaze kabiri kuko ku munota wa 37, Byiringiro Lague yahise yishyura iki gitego.

Mukura yari yizeye ko byibuze bashobora kujya kuruhuka banganya 1-1, gusa siko byaje kugenda kuko ku munota wa 2 w'inyongera w'igice cya mbere Danny Usengimana yatsindiye APR FC igitego cya kabiri n'umutwe ku mupira wari uhinduwe imbere y'izamu na Manishimwe Djabel.

APR FC yihariye iminota myinshi y'igice cya kabiri ndetse inabona amahirwe aba yavuyemo ibitego hakiri kare ariko kuyabyaza umusaruro biranga.

APR FC yagiye ikora impinduka Danny aha umwanya Nshuti Innocent, Djabel awuha Anicet, Buteera Andrew asimburwa na Mushimiyimana Mohammed, umunyezamu Rwabugiri Umar asimburwa na Hertier ni mu gihe Ngabonziza Gylain yaje gusimbura Byiringiro Lague.

Mukura VS nayo yakoze impinduka myugariro Jacques aha umwanya Umwungeri Patrick, Kigeme aha umwanya Congolais, Mamadou asimbura Evode, Gael aha umwanya Munezero Dieudonne mu gihe Ramadhan yasimbuye Mutabazi.

Mukura VS yashatse kwshyura na APR FC ishaka ikindi gitego, byaje guhira APR FC maze ku munota wa 87 Nshuti Innocent ayitsindira igitego cya 3 ku ishoti rikomeye yatereye hanze gato y'urubuga rw'amahina ku mupira yari ahawe na Ishimwe Kevin. Umukino warangiye nta zindi mpinduka zibaye.

Nyuma y'uyu mukino hagiye gukurikiraho umukino Police FC iri bukine na Kiyovu Sports saa 18:00'.

APR FC izagaruka mu kibuga tariki ya 28 Mutarama 2020 ikina na Police FC mu gihe Mukura VS izaba ikina na Police FC, ni ku munsi wa kabiri w'irushanwa ry'igikombe cy'Intwari.

Yesterday β€” January 27th 2020Archive

Mama wa Wema Sepetu yatanze gasopo

By Our Reporter

Mariam Sepetu, mama wa Wema Isaac Sepetu wabaye nyampinga wa Tanzania 2006, yatanze gasopo ku bantu bakomeza kugenda bamubaza ibibazo byerekeranye n'umwana we uko arimo yitwara, yavuze ko afite ubuzima bwe na we akagira ubwe.

Ibi yabitangaje ubwo yari abajijwe n'ikinyamakuru Global Publishers icyo avuga ku kuba umukobwa we yarinanukishije cyane akaba ari umwe mu bantu bahorose.

Yagize atiβ€œsinshaka kugira ikintu icyo ari cyo cyose mvuga kerekeye kuri Wema, yamaze gukura afite ubuzima bwe nanjye mfite ubuzima bwanjye. Ariko kuki ubundi mumbaza ibimwerekeyeho? Ntacyo nshobora kubivugaho ntihazagire n'uwongera kubimbaza.”

Kunanuka kwa Wema Sepetu ntibyavuzweho rumwe cyane cyane ku mbuga nkoranyamabaga aho bamwe bagiye bamunenga cyane iki gikorwa yakoze cyo kwinanura.

Wema Sepetu we ntahwema gutangaza ko yishimiye uko angana kuko abona bimubereye kandi nta n'umuntu ugomba kumumenyera ibimubereye, ikindi kandi ngo byatumwe muri we yumva abangutse.

Uko yanganaga mbere atarinanura
Uko asigaye angana

AMAFOTO +VIDEO: Mu marira n'agahinda kenshi, Dr Vuningoma yashyinguwe

By Our Reporter

Ku gicamunsi cy'ejo hashize ku wa Gatandatu, ni bwo uwari Umunyamabanga Nshingwabikorwa w'Inteko Nyarwanda y'Ururimi n'Umuco, Dr Vuningoma James yashyinguwe mu cyubahiro mu muhango waranzwe n'amarira menshi ndetse n'agahinda ku nshuti n'abavandimwe.

Tariki nya 20 Mutarama 2020 inkuru mbi yatashye mu muryango wa Dr. Vuningoma ubwo yitabaga Imana azize kanseri y'Ibihaha aguye mu bitaro byitiriwe umwami Faisal.

Umuhango wo gusezera kuri Dr. Vuningoma wabaye ku wa Gatandatu iwe mu rugo Kacyiru, yuma haba igitambo cyo kumusabira cyabereye ku rusengero rw'Abangilikani i Remera mu Mujyi wa Kigali, mbere y'uko ashyingurwa mu irimbi rya Rusororo.

Ni umuhango witabiriwe n'abantu benshi banyuranye barimo abo mu muryango we, inshuti, abo bakoranye, abayobozi bakuru b'igihugu barimo Perezida wa Sena Dr Iyamuremye Augustin n'abandi.

Mu gahinda kenshi n'umubabaro, ubuhamya bwatanzwe kuri Dr. Vuningoma bwose bwagarukaga ku butwari bwe n'ibikorwa by'indashyikirwa yakoze ataritaba Imana.

Asezerwaho iwe mu rugo
Amarira n'agahinda ni byo byaranze uyu muhango
Mu gitambo cya misa bamusezeraho
Byari akababaro ku bo mu muryango wa Dr. Vuningoma
Umunyamabanga wa Leta muri Minisiteri y'Urubyiruko n'Umuco, Bamporiki Edouard na Minisitiri w'Urubyiruko n'Umuco, Rosemary Mbabazi bashyira indabo ku mva ishyinguyemo Dr Vuningoma James

Reba hano umuhango wo gushyingura Dr. Vuningoma James

Ubutwari Cup 2020: Police FC itsinze Kiyovu Sports

By Canisius Kagabo

Mu mukino wa kabiri w'irushanwa ry'igikombe cy'Intwari cyatangiye uyu munsi, Police FC yatsinze Kiyovu Sports 2-1.

Wari umukino wa kabiri w'umunsi wa mbere y'irushanwa ry'igikombe cy'Intwari wahuje Kiyovu Sports na Police FC. Umukino wabanje APR FC yatsinze Mukura VS 3-1.

Police FC yatangiye igice cya mbere isatira cyane biza kuyihira ibona ibitego hakiri kare, ku munota wa 3 Ngendahimana Eric yayitsindiye igitego cya mbere kuri kufura yari itewe na Mpozembizi Mohammed.

Ku munota wa 7 ku burangare bw'umunyezamu Bwanakweli Emmanuel, Iyabivuze Ose yatsinze igitego cya kabiri.

Police FC yakomeje kurusha Kiyovu Sports kugeza aho umutoza Ruremesha Emmanuel akoze impinduka havamo Ishimwe Saleh hajyamo Nizeyimana Jean Claude, Kiyovu Sports yatangiye gusatira cyane ndetse igenda ibona n'amahirwe menshi ariko kwinjiza umupira mu rushundura biranga igice cya mbere kirangira ari 2-0.

Mu gice cya kabiri Police FC yakomeje gushaka ibindi bitego ariko bagorwa cyane n'ubwugarizi bwa Kiyovu Sports.

Kiyovu Sports yakomeje kotsa igitutu Police FC mu mukino wari ufunguye ku mpande zombi, ku munota wa 73 Saba Robert yatsindiye Kiyovu Sports igitego cya mbere.

Ku munota wa 90 kapiteni wa Police FC yahawe ikarita itukura nyuma yo kubona ikarita ya kabiri y'umuhondo. Umukino warangiye ari 2-1.

Irushanwa rizakomeza tariki ya 28 Mutarama 2020 APR FC ikina na Police FC mu gihe Mukura VS izaba ikina na Police FC, ni ku munsi wa kabiri w'irushanwa ry'igikombe cy'Intwari.

APR FC itangiye irushanwa ry'igikombe cy'Intwari itsinda Mukura Victory Sports

By Canisius Kagabo

APR FC itangiye irushanwa ry'igikombe cy'Intwari 2020 itsinda Mukura VS ibitego 3-1.

Wari umunsi wa mbere w'irushanwa ry'igikombe cy'Intwari 2020, umukino wabimbiriye iyindi ni uwo Mukura VS yakinnye na APR FC.

APR FC ntabwo yari ifite Sefu na Mugunga bamaze iminsi bafite ikibazo cy'imvune na Nizeyimana Djuma wagize ikibazo mu nda.

Mukura Victory Sports ntabwo yo yari ifite rutahizamu Iradukunda Jean Bertrand wari umaze iminsi ayitsndira ibitego.

Amakipe yombi yatangiye umukino ashakisha igitego hakiri kare, wari umukino ufunguye ku mpande zombi, wabonaga unogeye ijisho.

Ntwari Evode wahoze akinira ikipe ya APR FC, ni we wafunguye amazamu atsindira Mukura VS igitego ku munota wa 35.

Ibyishimo bya Mukura VS ntabwo byamaze kabiri kuko ku munota wa 37, Byiringiro Lague yahise yishyura iki gitego.

Mukura yari yizeye ko byibuze bashobora kujya kuruhuka banganya 1-1, gusa siko byaje kugenda kuko ku munota wa 2 w'inyongera w'igice cya mbere Danny Usengimana yatsindiye APR FC igitego cya kabiri n'umutwe ku mupira wari uhinduwe imbere y'izamu na Manishimwe Djabel.

APR FC yihariye iminota myinshi y'igice cya kabiri ndetse inabona amahirwe aba yavuyemo ibitego hakiri kare ariko kuyabyaza umusaruro biranga.

APR FC yagiye ikora impinduka Danny aha umwanya Nshuti Innocent, Djabel awuha Anicet, Buteera Andrew asimburwa na Mushimiyimana Mohammed, umunyezamu Rwabugiri Umar asimburwa na Hertier ni mu gihe Ngabonziza Gylain yaje gusimbura Byiringiro Lague.

Mukura VS nayo yakoze impinduka myugariro Jacques aha umwanya Umwungeri Patrick, Kigeme aha umwanya Congolais, Mamadou asimbura Evode, Gael aha umwanya Munezero Dieudonne mu gihe Ramadhan yasimbuye Mutabazi.

Mukura VS yashatse kwshyura na APR FC ishaka ikindi gitego, byaje guhira APR FC maze ku munota wa 87 Nshuti Innocent ayitsindira igitego cya 3 ku ishoti rikomeye yatereye hanze gato y'urubuga rw'amahina ku mupira yari ahawe na Ishimwe Kevin. Umukino warangiye nta zindi mpinduka zibaye.

Nyuma y'uyu mukino hagiye gukurikiraho umukino Police FC iri bukine na Kiyovu Sports saa 18:00'.

APR FC izagaruka mu kibuga tariki ya 28 Mutarama 2020 ikina na Police FC mu gihe Mukura VS izaba ikina na Police FC, ni ku munsi wa kabiri w'irushanwa ry'igikombe cy'Intwari.

❌