WebRwanda.com

πŸ”’
❌
There are new available articles, click to refresh the page.
Today β€” April 19th 2019Makuruki

Uwa gatanu mutagatifu muri Filipine wizihizwa babamba abantu ku musaraba nk'uko Yezu/su byamugendekeye-AMAFOTO

By Bikorimana Alexis

Mu gace kitwa san Juan k'Amajyaruguru y'igihugu cya Filipine ku mugabane wa Aziya bizihiza uwa 5 mutagatifu babamba bantu ku musaraba bya nyabyo nkuko Yezu yabambwe nk'ikimenyetso gikomeye cy'ukwemera.

Nk'uko byatangajwe n'ibiro ntaramakuru by'UbufaransA, AFP ngo umugabo Salvador yemeye kubambwa ku musaraba hamwe n'abandi barenga 10 kandi bambaye ibirenge batambagizwa, bakubitwa ikiboko nk'ikimenyetso cyibutsa akababaro Yezu yanyuzemo kugeza apfuye agacungura isi.

Umugabo w'umurobyi wo mu gihugu cya filipine witwa salivador w'imyaka 62 w'ubwanwa burebure ndetse n'imisatsi birimo imvi ngo anezezwa no kubambwa ku musaraba kuri uyu wagatanu mutagatifu kandi ngo yumva bimuhaye amahoro, kuko ngo iyo ari kuri uwo musaraba areba atumbiriye ikirere ndetse agasenga yongorera. Ibi akaba amaze kubikora inshuro zigera kuri 14 yikurikiranya.

Iki gikorwa gikorwa neza nkuko cyabaye mu gihe cya Yezu kuko iyo uyu mugabo ajyanwa kubambwa atotezwa n'abagabo biyambitse neza nk'uko abasirikare b'Abaromani bari biyamabitse ubwo bajyaga kubamba Yezu bambaye ingofero z'ibyuma zifite ibisage by'umutuku hejuru, bafite amacumu maremare ndetse biteye ibishura bitukura, bakamutera imisumari ifite uburebure bwa santimetero 8 ku birenge ndetse no mu biganza maze bakazamura umusaba buhoro ugahagarara bakawumurikira imbaga y'abantu iba iteraniye aho.

Ibi iyo birangiye ahabwa ubuvuzi wihuse harimo nko kumupfuka no kozwa izo nguma, ngo muiri aka gace kandi abandi bagabo bagera ku 9 ndetse n'abagore nabo kuri uyu munsi baba bagomba kubambwa mu tundi duce tw'iki gihugu.

Mugitondo kare cyo kuri uyu wa 5 mutagatifu kandi abantu benshi bambaye ibirenge gusa ndetse n'amakamba y'amahwa hamwe n'utwambaro tugenewe abapfuye bazenguruka bucece ndetse banakubitwa.

mu gihe miliyoni zirenga 80 z'abaturage ba Filipine bamara uyu munsi bari mu rusengero cyangwa se hamwe n'imiryango yabo abandi bo bahitamo kwigira kwirebera iki gikorwa cy'indengakamere mu kwemera.

iki gikorwa cy'indahiro ikomeye ya gikirisitu ngo ni kimwe mu bikorwa bihuruza ba mukerarugendo cyane muri iki gihugu cya Filipine.

Murwanashyaka Jean de [email protected]

Inzu igurishwa muri cyamunara iherereye mu murenge wa Gisenyi I Rubavu

By Makuruki

Umuhesha w'inkiko w'umwuga aramenyesha abantu bose ko ku wa kane tariki ya 25 Mata 2019 guhera saa tanu za mu gitondo(11h00) azagurisha muri cyamunara umutungo utimukanwa wa Uburiyemuye Jean Damascene asangiye na Nyirahabimana Helene ubaruye kuri UPI 3|03|04|05|1208 uherereye mu Mudugudu wa Gikarani , Akagari ka Nengo, Umurenge wa Gisenyi, Akarere ka Rubavu.

Abifuza ibindi bisobanuro mwahamagara kuri 0783285950, 0785584202.

Inzoka zatumye Perezida wa Liberiya, George Weah yimura ibiro

By Makuruki

Inzoka zagaragaye mu biro by'umukuru w'igihugu cya Liberia zituma yimuka mu ngoro y''umukuru w'igihugu ajya gukorera mu nzu yigenga.

BBC dukesha iyi nkuru ivuga ko kuwa gatatu inzoka ebyiri z'umukara zagaragaye mu nyubako y'umukuru w'igihugu ndetse no mu biro bya minisitiri w'Ububanyi n'Amahanga'.

Abayobozi bose babwiwe kuba batagikora kugeza kuwa 22 z'uwezi kwa kane . Ibi ni ukugirango hamenyekane neza ibyakururukaga biva muri iyo nyubako aho byaturutse .

Hahise Hatangazwa amavugurura yihuse mu gihe hataramenyekana icyakuruye izi nzoka kkandi abakozi baba basabwe kuba baretse kuza ku kazi. Kuko izi nzoka ntizigeze zicwa dore ko zifite umwobo muto zifashisha zinjira cyangwa zisohoka.

Police n'abashinzwe umutekano w'umukuru w'igihugu bagaragaye bamurinze mu murwa mukuru Monrovia ndetse n'imodoka irimo abamurinda yari yahagaritswe aho.

Minisitiri w'ububanyinamahanga yatangaje ko bagiye kuvugurura, iyo nyubako yari imaze imyaka myinshi kandi ko byaterwaga nimiyoboro y'amazi mu buryo bushoboka bwo kugirango inzoka zinjire mu nyubako byari kurwego rwohejuru.

Yavuze ko Umukuru w'igihugu azahita asubira mu biro kuwa mbere tariki 22 uku kwezi nyuma y'amavugurura kuko bafite icizere ko inzoka zizaba zishwe.

Nshimiyimana [email protected]

Guverineri Mufuruke yasabye abayobozi b'inzego z'ibanze gukorana bya hafi n'abaturage.

By Bikorimana Alexis

Guverineri w'Intara y'Iburasirazuba, Fred Mufuruke yasabye abayobozi b'inzego z'ibanze gufatanya n'abaturage muri byose hagamijwe kugera ku iterambere.

Ibi Mufuruke yabisabye abayobozi mu mwiherero wo kuri uyu wa 18 Mata wamuhuje n'abayobozi bose b'inzego z'ibanze ndetse n'abavuga rikijyana bose bo mu mirenge uko ar 8 igize akarere ka Nyagatare.

Aha akaba yasabye aba bayobozi kugira imikoranire ya ahafi n'abaturage bayoboye mu bikorwa byose bya buri munsi byaba iby'iterambere ndetse no mugusigasira umutekano w'aka karere dore ko gakora ku imipaka 2( uw'igihugu cya Uganda ndetse na Tanzaniya)
Yakomeje abwira aba bayobozi ko uko bakoranye n'abaturage cyane aribyo bizatuma bamenya ibibazo biri mu baturage byaba iby'umutekano cyangwa iby'ubuzima rusange.

Guverineri Mufuruke Yagize ati" Dufite ibibazo byerekeye imirire mibi, ikoreshwa ry'ibiyobyabwenge, abana bava mu mashuri, abana batwara inda zitateganijwe n'ibindi byinshi ibi byose tuba tugomba kubigaragaza kubw'iterambere ry'urbyiruko rwacu."

Aha kandi yasabye abahinzi n'aborozi, abanyamadini ndetse n'abacuruzi bo mu karere ka Nyagatare bari bitabiriye iyi nama ko bafite inshingano zo gufatanya n'abandi mu iterambere ry'igihugu kandi ko bizahindura imibereho yabo ikarushaho kuba myiza ndetse bakanaguka mu mitekerereze.

Iyi nama kandi yari yitabiriwe n'uhagarariye polisi y'igihugu ikorera mu ntara y'Uburasirazuba ACP Emmanuel Hatali hamwe n'umuyobozi w'akarere ka Nyagatare Mushabe Claudian.

ACP Hatari akaba yagaragaje ko magendu, ikoreshwa n'icuruzwa ry'ibiyobyabwenge hamwe n'iterabwoba nk'ibyaha bikunda kugaragara muri aka karere akaba yasabye ubufatanye bukomeye mu kugira ngo abacuruza ibi biyobyabwenge bajye babasha gutabwa muri yombi.

Hagati y'ukwezi kwa mbere n'ukwa gatatu muri uyu mwaka mu karere ka Nyagatare hafashwe ibiyobyabwenge bitemewe n'amategeko y'u Rwanda bifite agaciro ka milion 32 z'amafaranga y'u Rwanda.

Yakomeje asaba inzego zibanze ko zakwigisha bihoraho abaturage ibibi by'iyobayabwenge by'umwihariko urubyiruruko ndetse rukaba rwanabwirwa imbaraga zarwo mu gucunga umutekano waho batuye no mu kurwanya ibikorwa byose bihabanye n'amategeko.

Murwanashyaka Jean de [email protected]

Ubuhinde: Umugabo yibeshye ku ishyaka yagombaga gutora yihanisha kwica urutoki

By Makuruki

Umugabo wo mu Buhinde yavuze ko yihanishije guca urutoki rwe nyuma yo kwibeshya agasanga yaratoye ishyaka adashaka.

Muri videwo yakwiriye henshi ku mbuga nkoranyambaga, Pawan Kumar avuga ko yibeshye agatora ishyaka riri ku butegetsi ryitwa Bharatiya Janata Party (BJP).

Mu gihe yashakaga gutora ishyaka ryo mu karere k'iwabo, avuga ko yibeshye kubera ibirango byinshi by'amashyaka bigaragara ku mashini batoreraho.

Muri aya matora umaze gutora wese urutoki rwa mukubitarukoko barushyiraho irangi.

Ku munsi w'ejo ku wa kane, uyu mugabo amaze gutorera ahitwa Bulandshahr muri Leta iri mu majyaruguru y'Ubuhinde yitwa Uttar Pradesh yagize agahinda kuko yibeshye.

Muri iyi videwo aragira ati: "Nashakaga gutora ku nzovu ariko ndibeshya ntora ku rurabo".

Inzovu ni ikimenyetso cy'ishyaka ry'iwabo ryitwa Bahujan Samaj Party (BSP) ryifatanyije n'andi yo muri aka gace ngo rihangane n'ishyaka BJP riri ku butegetsi.

BBC ivuga ko Ibirango by'amashyaka biba bivuze byinshi mu matora yo mu bihugu birimo ibice bifite umubare munini w'abaturage batazi gusoma no kwandika.

Kumar nyuma yo kubona ko yibeshye ku kirango cy'ishyaka rye agatora iryo adashaka, yahisemo guca urutoki rwe rwa mukubitarukoko.

Aya matora yo mu Buhinde azamara ibyumweru bitandatu. Abatora bose hamwe bagera kuri miliyoni 900, aya akaba ari yo matora yitabiriwe n'abantu benshi cyane abayeho ku isi kugeza ubu.

Isambu yubatsemo inzu bigurishwa muri cyamunara biherereye I Muhanga.

By Makuruki

Umuhesha w'inkiko w'umwuga aramenyesha abantu bose ko ku wa mbere tariki ya 29 Mata 2019 guhera saa tanu za mugitondo ( 11h00) z'amanywa azasubukura cyamunara agurisha umutungo utimukanwa wa Bizige Francois Xavier na Nyiramatama Laurence batuye Ruhuha , Akagali ka Tyazo , Umurenge wa Muhanga, Akarere ka Muhanga, ubaruye kuri UPI: 2|07|05|05|2398 ugizwe n'isambu irimo inzu .

Soma itangazo ryose hasi

Afurika y'Epfo: Abantu 13 bagwiriwe n'urusengero barapfa abandi barakomereka

By Makuruki

I Johannesburg ho muri Afurika y'Epfo igisenge cyagwiriye abantu mu rusengero 13 bahasiga ubuzima abandi 16 barakomereka mu gihe abantu bari mu materaniro hafi y' iburasirazuba bw'amajyepfo ya Afurika y'Epfo mu muJYi wa Durban.

Iyi mpanuka yabaye ku munsi wejo kuwa kane tariki ya 18 Mata 2019 ,ku mugoroba mu mugi wa Dlangubo mu mujyaruguru ya Durban nyuma y'imvura nyinshi.

Igisenge cy'inyubako cyahanutse bitewe n'imvura nyinshi yari yaguye mu ijoro ryo kuwa kane abantu 13 bahasiga ubuzima.

News24 dukesha iyi nkuru ivuga ko abantu bagwiriwe n'igisenge cy'urusengero rw'Abapantekoti mu gihe bari mu masengesho.

Muri iyi mpanuka abantu 13 bahise bapfa, abandi 16 barikwitabwaho n'abagaga nk'uko byatangajwe na Robert mc kenzie umuvugizi w'intara ya zulu Natal ushinzwe indembe.

Ibi kandi byagarutsweho Lennox Masabo umuvugizi w'iyo ntara ushinzwe imibereho asaba imiryango yaburiye abayo muri iyo mpanuka gukomeza kwihangana.

Nshimiyimana [email protected]

Ibyo wamenya kuri uyu wa gatanu (Good Friday) mutagatifu, umunsi hagaragaye ko isi ibamo akarengane

By Bikorimana Alexis

Nyuma y'uko Yezu agambaniwe n'intumwa ye Yuda bakamusanga aho yasengeraga mu murima w'i Getsimani, uyu munsi nibwo yajyanwe kwa Pilato ngo amucire urubanza, ariko Pilato we yaje gusanga uyu ari umwere ku bw'ibyaha yaregwaga ariko abaturage benshi ba Bayahudi batashakaga ko ukwemera kwe kwazacengera mu batuye isi bakomeza gusaba ko yakwicwa ndetse basaba ko yaguranwa Barabasi warufungiye aho bakagumana Yezu.

Kuri uyu munsi nibwo habaye imapmvu ituma tumenya ishusho ya Yezu tubona ubu.
Ubwo yari ku musaraba yari afite ibyuya byinshi bivanze n'amaraso maze umugore witwaga Veronika abibonye azana agatambaro aramuhanagura.
Aka gatambaro ni nako benshi bagiye bifasisha mugushushanya isura ya Yezu tubona ubu kuko ngo Yezu mu buryo bwo gushimira uyu mugore yamusigiye ishusho ye muri ako gatamaro.

Uyu munsi niho abanyarwanda bakomoye imvugo ngo, "Iririre wowe n'urubyaro rwawe" ivugwa kenshi n'umuntu igihe adashaka ko wivanga mu bibazo bye.

Ubwo yezu yari munzira ahetse umusaraba ndetse anatambirije ikizingo cy'amahwa abagore b'abisiraheli baramubonye birababaza cyane maze bararira bikomeye Yezu ababonye arabwirango "Ntimundirire, nimwiririre ari mwe, muririre n'abana banyu"

Kuri uyu munsi nibwo hagaragaye isano ubutegetsi rusange bw abaturage uko bukoresha amadini.

Pilato akomeje kubona ko imbaga y'abaturage yari ikoraniye aho isaba ko Yezu yakwicwa yahise yibuka igihugu cyabo abaturage bamaze iminsi bahora mu myigaragambyo yagiye igwamo abaturage batari bake batari bishimiye ingoma iriho, nibwo kwemera gutanga Yezu ngo akunde ashimishe abaturage be hato batozongera kwigaragambya.

Uyu munsi habaye ibitangaza bitandukanye

Habaye umutingito ukomeye ari nawe waje gutuma umwenda warukingirije kuri alitari ucika, guhera ubwo hakagaragara, mbere yaho ntawabashaga kuhareba, hajyibwaga n'umutambyi gusa abandi bagasigara inyuma y'umwenda batazi ibiri kuberayo. hari ahantu hatinyitse cyane.

Kuri uyu munsi kandi nibwo imbaga nyamwinshi yahamije ukwemera kwayo ko koko Yezu ari umwana w'Imana nyuma y'ibyo bitangaza byabaye ubwo yatakaga isi nayo igatingita.

Igihe yesu yari amaze guca, (gupfa) hahise haba ubwirakabiri ibi nabyo bikaba byarabereye ikimenyetso gikomeye abantu batamweraga kuko ubu bwirakabiri bwabaye harimo n'umuyaga mwinshi benhi bakeka ko isi irangiye.

Murwanashyaka Jean de [email protected]

Abamotari biyemeje kurwanya bamwe muri bagenzi babo bagikoresha ibiyobyabwenge

By Makuruki

Abamotari bakorera mu mu mujyi wa Kigali mu karere ka Nyarugenge biyemeje ko bagiye guhangana na bamwe muri bagenzi babo bagikoresha ibiyobyabwenge n'ababitwara cyangwa bagatwara ababifite kuko byanduza isura y'umwuga wabo.

Ibi byagarutsweho mu biganiro byo kuri uyu 18 Mata, umunsi wa gatatu ari nawo wa nyuma wo guhugura abakora umwuga wo gutwara abagenzi kuri moto mu mujyi wa Kigali.

Ubu bukangurambaga bwateguwe na Polisi y'u Rwanda kubufatanye n'ikigo cy'igihugu cy'ingoboka ndetse n'ihuriro ry'amakoperative y'abamotari mu gihugu (FERWACOTAMO)umuryango uharanira ubuzima (Health people Rwanda) ndetse n'umuryango urwanya ikoreshwa ry'ibiyobyabwenge (Drug free Rwanda).

Aya mahugurwa yahawe abamotari basaga 1500 bakorera mu mujyi wa Kigali yari agamije guhindura imyumvire y'abamotari bakanguriwa kubahiriza amategeko y'umuhanda , banatanga umusanzu wabo mu kubaka igihugu binyuze mu kurwanya ibyaha bitandukanye.

Asoza aya mahugurwa umuvugjizi wa Polisi ishami rishinzwe umutekano wo mu muhanda, Senior Superintendent of Police(SSP) Jean Marie Vianney Ndushabandi yasabye abamotari gukora kinyamwuga birinda amakosa yateza impanuka.

Yagize ati” Kugira ngo umuntu agere kucyo ashaka ni uko akorera ku ntego bikamufasha kugira ejo hazaza heza. Turabasaba kandi kurwanya bamwe muri bagenzi banyju bagira uruhare mu itunda n'ikwirakwizwa ry'ibiyobyabwenge .”

Umuyobozi wa Drug Free Rwanda, Munyangaju Hubert avuga ko ibiyobyabwenge byangiza ubuzima bw'ubikoresha bityo ntabagishoboye kwiyobora ahubwo akayoborwa nabyo.

Yagize ati” Ibiyobyabwenge nkuko bivugitse ubinyoye bimugwa nabi, iyo rero ari nk'umumotari nkuko utwaye moto biragenda bikangiza ubwonko bwe ahwageze haba nahatanyurwa akahanyura kuko aba atakibasha kwiyobora. Impamvu y'aya mahugurwa rero nukugirango tubakangurire ububi bwabyo tubabwirako ubikoresha yangiza ubuzima bwe ataretse n'ubw'abandi.”

Abamotari bitabiriye aya mahugurwa bavuze ko bari bazi ko ibiyobyabwenge bibi ari kanyanga n'urumogi ariko basobanuriwe Zoke, nguvu, iyo bita akabamfasha n'ibindi ko nabyo biri mu biyobyabwenge bagomba kurwanya.

Musabyimana Frederick ni umwe muri abo bamotari bakorera mu karere ka Nyarugenge yavuze ko hari bamwe muri bagenzi babo bakoresha ibiyobyabwenge ariko bagiye gufatanyirizahamwe bagakumira bene abo bangiza isura y'abo muri rusange.

Ati” Abantu nkabo muri sosiyete ntibabura ariko twese hamwe nk'abakora umwuga umwe tugiye gushyira hamwe turwanye abakoresha ibiyobyabwenge kimwe n'abandi bose bakora ibyaha bihungabanya umutekano”.

Amahugurwa yasojwe umuyobozi w'ihuriro ry'amakoperative y'abamotari mu Rwanda (FERWACOTAMO) Daniel Ngarambe asaba abamotari kwirinda ayo makosa yose kuko ateza impanuka zigahitana ubuzima bw'abantu abandi zikabakururira ubumuga

Inzu igeretse( Etage) igurishwa muri cyamunara iherereye ku Kacyiru mu Mujyi wa Kigali

By Makuruki

Umuhesha w'inkiko w'umwuga aramenyesha abantu bose ko ku wa 26/04/2019 , guhera saa ine azagurisha muri cyamunara umutungo utimukanwa wa Succession Semuhungu Faustin,ubaruye kuri UPI: 1/02/07/01/494 aho uherereye mu Mudugudu wa Kamuhire, mu Kagali ka Kamatamu, umurenge wa Kacyiru, Akarere ka Gasabo.

Ibindi bisobanuro mwahamagara kuri: 0788745193; 0783559118

Soma itangazo ryose hano:

Cyamunara y'umutungo utimukanwa uherereye mu Murenge wa Kabatwa muri Nyabihu

By Makuruki

Umuhesha w'inkiko w'umwuga aramenyesha abantu bose babyifuza ko ku wa 26/04/2019 guhera saa ine za mugitondo azagurisha muri cyamunara umutungo utimukanwa wa Sebahinzi ThΓ©ogene.

Uyu mutungo ubaruye kuri UPI: 3/04/04/02/667 uherereye mu mudugudu wa Murambi, Akagari ka Nyamvumba Umurenge wa Kabatwa , Akarere ka Nyabihu mu Ntara y'iburengerazuba.

Abifuza ibindi bisobanuro babariza kuri 0785011143/0723802872.

Soma itangazo ryose hasi:

Sudani: Abavandimwe ba Omar al Bashir batawe muri yombi

By Makuruki

Leta ya Sudani iyobowe n'igisirikare ivuga ko abagabo babiri bavukana n'umukuru w'igihugu aherutse guhirikwa ku butegetsi, Omar al-Bashir, batawe muri yombi.

Umuvugizi w'igisirikare muri Sufdani avuga ko bakoze ibi muri gahunda bihaye yo kurandura burunda ibifite aho bihuriye n'ubutegetsi bwa Bashir.

Yakomeje avuga ko amashyaka yose atavuga rumwe na leta ubu batangiye kubafunga bahereye ku bayobozi babo.

Abigagaragambya bakomeje gukaza umurego mu murwa mukuru Khartoum aho bavuga ko badateze kuyihagarika mu gihe igisirikare kitaremera gushyira ubuyobozi mu maboko y'Umusivile.

Bavuga ko nubwo igisirikare cyakuyeho Bashir bidahagije ngo bave mu muhanda cyeretse ngo habaye impinduka zigaragara mu miyoborere.

Perezida Bashir yahiritswe ku butegetsi mu cyumweru gishize abanza gucungirwa umutekano iwe mu rugo gusa muri iki cyumweru yimuriwe muri gereza irinzwe cyane mu murwa mukuru Khartoum.

Yesterday β€” April 18th 2019Makuruki

Ibyo wamenya kuwa kane mutagatifu (Jeudi Saint) Yezu/su araye ari bwicwe umunsi waremweho ukarisitiya.

By Bikorimana Alexis

Buri gihe iyo turi muri misa haza igice cyo guhabwa ukarisitiya maze tukabwirwa amagambo agira ati, " Ngo igihe yagambanirwaga, uyu mugati ni umubiri wa kirisitu, iyi divayi ni amaraso ya kirisitu, ngo mujye mubikora uru ni urwibutso rwange.” Ibi byose bifite aho bihuriye n'uwa kane Mutagatifu

Abakirisitu benshi bemera izuka rya kirisitu bafata uyu munsi mukuru nk'uw'igitangaza mu buzima bwabo.

Odette Uwimana aganira na Makuruki.rw yagize ati, β€œNi umunsi twibukaho Yezu arema ukarisitiye, ni umunsi udusaba kwicisha bugufi nkuko Yezu yogeje intumwa ze ibirenge, kandi ko tutagomba kwibagirwa ko mu bo twizera harimo abashobora kuduhemukira nk'uko Yuda yagambaniye Yesu ndetse na Petero wari umwizerwa akihakana Yezu.”

1. Ni iki cyabaye kuri uyu munsi wa 4 mutagtifu?

Mu mahame y'ukwemera kwa gikirisitu, uyu ni umunsi w'ingenzi cyane ndetse n'umwe mu minsi ikomeye yabaye mu buzima bwa kirisitu.

Ibi ni bimwe mu bikorwa byabaye kuri uyu munsi:
- Kirisitu yohereje Yohani na Petero mu nzu yo hejuru ngo bategure kandi bazane ifunguro rya Pasika
- Kirisitu yogeje ibirenge by'intumwa
- Nibwo yatumye intumwa ze gutangira kogeza ivanjili mu mahanga yose.
- Nibwo yasomye misa ya mbere
- Yatangaje ko Yuda araza kumugambanira
- Niwo munsi yangiyeho itegeko ryo gukunda mugenzi wawe nkuko wikunda
- Nibwo yagaragaje ko Petero arusha izindi ntumwa zose umuhamagaro
- Nibwo yatangaje ko Petero azamwihakana
- Nibwo habaye ibikorwa byose biri mw'ivanjili ya Yohana kuva ku mutwe wa 13 kugeza kuwa 18
- Nibwo yatesubiranyije ugutwi kwa Malchus nyuma y'aho Petero yaraguciyeho
- Nibwo yatwawe imbere y'abanyedini bahanitse Annas na Caiaphas
- Nibwo yajyanywe kwa Pilato
wabisanga muri Matayo 26:17-75, Mariko 14:12-72, Luka 22: 7-62, Yohana 13:1-18:27
wabaye umunsi w'ingenzi mu kwemera.

2. Bamwe banawise umunsi w'itegeko cyangwa wa Manda.

Kuri uyu munsi nk'uko twabivuze hejuru nibwo Yesu/zu kirisitu yatanzeho itegeko ry'urukundo ubwo yabwiraga intumwa ze ati " Mukundane nk'uko nanjye nabakunze"

3. Bimwe mu bikorwa by'iyobokamana birakorwa.

Nabyo bimwe twabivuze hejuru, harimo nko:
- Kirisitu yigeje ibirenge
- Yasangiye n'intumwa ze ifunguro rya nimugoroba
- Nibwo umwenda wo kuri alitari watamukago kabiri
- Abashumba bagiye mu misa yo gusigwa amavuta y'umukiro amwe akoreshwa muri batisimu
- Kuri uyu munsi Teberiankuru( akabati kiliziya ibikamo ukarisitiya mu minsi ya none) iba irimo ubusa,

4. Habaho misa ya Kirisima.

Ni misa iba kuri uyu wa 4 mutagatifu ihuza abahereza bitambo ndetse n'abashumba ba za diyoseze zose aho abagiraneza nabo baba bagomba kuyibonekamo kugirango basangire isakaramentu rya Ukuarisitiya. Kikaba ari ikimenyetso gikomeye cyo guhiriza hamwe abakomeye, aboroheje ndetse n'abahereza bitambo cq abshumba hamwe ngo basangire.

5. Kuri uyu munsi nta Ukarisitiya iba iri muri Teberinakulu ( Tebernacle).

Teberinakulu kuri uyu munsi zigomba kuba irimo ubusa mbere y'isangira.
Imigati myinshi cyangwa Ukarisitiya nyinshi ziba zigomba kubanza guhabwa umugisha aribyo kiliziya yita gutagatifuzwa cyangwa kwezwa ngo zize gusangirwa cq guhazwa imbaga nyamwinshi y'abakirisitu baba bitabiriye misa.

6. Habaho umuhango wo koza ibirenge

Kuri uyu munsi nibwo Kirisitu yogeje ibirenge intumwa ze nk'ikimenyetso cyo kwicisha bugufi, abenshi bibaza niba ari ihame ko hozwa ibyabagabo gusa, ariko nyamara burya ngo n'abagore batoranijwe bashobora kozwa ibirenge, imoamvu Kirisitu yogeje ibyabagabo gusa n'uko intumwa ze zari abagabo gusa.

7. Habaho gutegura alitari kuburyo butari busanzwe.

Kuri uyu munsi nibwo umwenda wakingirizaga ku rutambiro cyangwa Alitari (Altar) watamutsemo kabiri, iki gihe imisaraba yose yo mu kiliziya igomba kuba itamirije uwmitero wo mw'ibara ry'umutuku, kandi nta tara cyangwa buje igomba kuba icanye.

Murwanashyaka Jean de [email protected]

Uwakoze Kaspersky azahurira na Robot Sophia mu nama ya Transform Africa i Kigali

By Bikorimana Alexis

Ubuyobozi butegura inama ya Transform Africa bwemeje ko umushoramari akaba n'impuguke mu bwirinzi bw'ikoranabuhanga, Eugene Kaspersky, ari umwe mu bazitabira iyi nama izaba muri Gicurasi uyu mwaka agahurirramo na Robot Yiswe Sophia izwiho kugira ubwenge budasanzwe.

Biteganyijwe ko azatanga ikiganiro mu nama ya Transfprm Africa igiye kubera i Kigali nshuro ya gatanu guhera ku wa 14-17 Gicurasi 2019. Azaba n'umutumirwa ku wa 15 Gicurasi mu kiganiro cyihariye kizibanda ku mutekano w'ikoranabuhanga mu gihe robot idasanzwe yiswe Sophia, yo izatanga ikiganiro ku iterambere ry'ubwenge bw'ubukorano, Artificial Intelligence.

Eugene ni umwe mu bashinze akaba n'umuyobozi Mukuru wa Kaspersky Lab, ikigo cya mbere ku Isi cyigenga, gicuruza ubwirinzi bw'ikoranabuhanga.

Ibyo wamenya kuri Eugene Kaspersky n'ikigo cye abereye umuyobozi

Eugene Kaspersky yarangije mu ishuri ry'ikigo cy'ubutasi cyo mu Burusiya cyitwa β€˜KGB' atangira gukora porogaramu ya mbere ya antivirusi mu 1990.

Eugene Kaspersky w'imyaka 53 yatangiye gukora ubwirinzi bw'ikoranabuhanga mu cyasaga n'impanuka, ubwo mudasobwa ye yafatwaga na virus ya Cascade mu 1989. Iyi yangiza amakuru ikajya iyahindura mu mibare n'inyuguti bigaragara hasi kuri mudasobwa.

Ubumenyi Eugene yari afite mu bijyanye no kurinda itumanaho bwamufashije kumva neza icyo kibazo, atangira guhanga uburyo bwamufasha kuvana iyo virusi muri mudasobwa ye.

Amaze kubigeraho, ubushake n'umuhate we mu bumenyi mu bya mudasobwa byatumye atangira gusuzuma porogaramu zitandukanye zishobora guteza ikibazo, agakora izindi zitanga ubwirinzi.

Uburyo yahanze bukumira virusi mu ikoranabuhanga bwabyaye ububiko bwa Kaspersky Lab, uyu munsi hakaba ari ahantu hizewe habitse ubushobozi bwo kurwanya virusi na porogaramu zisaga miliyoni 500 zakwangiza amakuru abitse mu ikoranabuhanga.

Eugene yatangiye gukusanya abantu b'abahanga bafatanya nawe muri ako kazi, maze mu 1997 Kaspersky Lab irashingwa, Eugene aba ariwe ukurira ishami ry'ubushakashatsi ry'icyo kigo. Mu 2007 yagizwe Umuyobozi Mukuru wa Kaspersky Lab.

Ubu Kaspersky Lab igeza ibikorwa mu bihugu bigera kuri 200 hirya no hino ku Isi, igakoresha abantu bagera ku 4000. Ifite ibiro 35 mu bihugu 31 bitanga ubufasha mu by'ikoranabuhanga.

Ubwirinzi bwa Kaspersky bukoreshwa n'abasaga miliyoni 400 hirya no hino ku Isi. Itsinda ryayo ryanagize uruhare mu iperereza ku bitero by'ikoranabuhanga byamenyekanye birimo Stuxnet na Flame. Inakorana n'ibigo bitandukanye mu kugenza ibyaha by'ikoranabuhanga nka INTERPOL, Europol na Polisi z'ibihugu bitandukanye.

Ibyo wamenya kuri Robot Sophia

JPEG - 53.6Β kb
Robot Sofia ifite ubuhanga butangaje

Ni imashini yakozwe n'Ikigo cyo muri Hong Kong cyitwa Hanson Robotics mu 2015.

Robot Sophia ivuga neza indimi zitandukanye

Ubushobozi bwo kuvuga neza Icyongereza n'izindi ndimi, no kugaragaza ibimenyetso bisaga 50 yifashishije isura yayo.

Robot Sophia ifite isura ebyiri

Iyi mashini yakozwe na David Hanson ayiha isura y'abantu babili: isura imwe niy'umugore we, indi n'isura y'uwahoze akina filime uzwi nka Audrey Hepburn, imbere ikagaragara nk'umuntu ariko igice cy'inyuma.

Robot Sophia ibasha kuganira nabantu

Ibasha kuganira n'umuntu akayibaza ikamusubiza cyangwa ikamwibariza, ikifashisha ikoranabuhanga mu gusesengura amajwi no gushaka igisubizo, ku buryo iyo umuntu avuze ijambo nabi, ubushobozi bwayo ntibutahura icyo ashatse kuvuga bityo ikamureba ntimusubize.

Robot Sophia yahawe ubwenegihugu

Mu Ukwakira 2017 Sophia yabaye robot ya mbere ku Isi ihawe ubwenegihugu bwa Arabie Saoudite. Hari mu nama ikomeye yabereye mu mujyi wa Riyadh, inatangaza ko yishimye cyane kandi ko ari igikorwa kizandikwa mu mateka.

Robot Sophia yitabiriye inama zitandukanye

Yanitabiriye inama y'Umuryango w'Abibumbye yaganiraga ku bwenge bw'ubukorano, iba umwe mu batanze ibiganiro ku ikoreshwa ry'ubu bwenge n'impungenge zirimo ibibazo ku burenganzira bwa muntu n'impungenge ku mutekano we. Icyo gihe yanaganiriye n'Umunyamabanga Mukuru Wungirije w'Umuryango w'Abibumbye, Amina Mohammed.

Robot Sophia ishobora kwerekana amarangamutima nk'abantu

Robot yiswe Sophia kandi ishobora guseka ndetse igatera n'urwenya. Nubwo ifite ubushobozi butangaje ntabwo iragira umutimanama, gusa uwayikoze avuga ko uko igihe kizagenda, azakora izindi robots zishobora guhitamo hagati y'icyiza n'ikibi.

Robot Sophia yagiranye ibiganiro n'ibyamamare bitandukanye

Mu byamamare bimaze kugirana ibiganiro na Robot yiswe Sophia harimo: umunya-Portugale akaba n'icyamamare mugukina umupira w'amaguru ku isi Criatiano Ronaldo, Sophia kandi yaganiriye na Wills Smith, minisitiri w;intebe wa Ethiopia Dr Abiy Ahmed imubwirako Ethiopia ari igihugu kidasanzwe kandi gifite impano nyinshi, ndetse yanaganiriye n'Umunyamabanga Mukuru Wungirije w'Umuryango w'Abibumbye, Amina Mohammed.

Transform Africa Summit iganirirwamo ingingo zigamije iterambere ry'ikoranabuhanga muri Afurika izitabirwa n'abasaga 4500, muri bo harimo abakuru b'ibihugu na za Guverinoma, n'abaminisitiri, abatanga ibiganiro ku rwego mpuzamahanga, abavuga rikijyana n'abandi. Ibihugu birenga 90 bizaba bihagarariwe

Biteganywa ko Transform Africa izitabirwa n'abandi bantu bakomeye barimo Umuyobozi Mukuru wa Smart Africa Lacina KonΓ©, visi Perezida wa Banki y'Isi Makhtar Diop, Umuyobozi Ushinzwe guhanga ibishya muri Mozilla, Katharina Bochert, Perezida wa Banki Nyafurika Itsura amajyambere, Dr Akinwumi Adesina n'abandi.

Nshizirungu [email protected]

Abanyarwanda bitege iki ku mukino Rayon Sports igiye kwakiramo APR FC amakipe yombi akurikirana-Byinshi ku mikino yabahuje

By Bikorimana Alexis

Muri izi mpera z'icyumweru amakipe abiri y'amakebe hano mu Rwanda azaba yacakiranye, uyu mukino uvuze byinshi ku makipe yombi, APR FC imaze imikino ibiri yikurikiranya itsinda ikipe ya Rayon Sports, iyi nayo irashaka kwerekana ko atari akarima k'iyi kipe y'ingabo z'igihugu.

Zigiye guhurira ku mukino wa 32 wa Azam Rwanda Premiere League iyobowe na APR FC ifite amanota 54 ikurikiwe na Rayon Spors irushwa amanota 6 kuko ifite 48.

Uyu mukino uzabera kuri Sitade Amahoro I Remera, ukazatangira ku isaha ya saa cyenda n'igice z'igicamunsi (15h30'). Uyu mukino uzasifurwa n'umusifuzi mpuzamahanga Ishimwe Claude n.

Ibyaranze imikino yagiye ihuza aya makipe y'amakeba hano mu Rwanda

Aya makipe agiye guhura ku nshuro ya 90. Muri iyi mikino ikipe ya APR FC niyo yatsinzemo imikino myinsi kuko yatsinzemo 38, Rayon Sports itsinda 28 zinganya zinganya 23.

Muri iyi mikino yose yabahuje yabonetsemo ibitego 246 harimo 127 byatsinzwe na APR FC ari nayo yatsinze byinshi mu gihe Rayon Sports yinjije ibitego 119.

Mu 1996 n'1997 ikipe ya rayon Spots yasaga n'iyigaruriye APR FC kuko yayinyagiye ibitego 5 inshuro ebyiri APR yinjiza ibitego 2 gusa.

APR FC imaze imyaka 25 gusa ishinzwe niyo imaze gutwara ibikombe byinshi bya shampiyona ugeranije na mukeba wayo kuko ifite 16 mu gihe Rayon Sports yashinzwe mu 1968 ifite 8.

Indi mikino itegerejwe mu mpera z'iki cyumweru

Kuwa gatandatu, tariki 20, 2019
Rayon Sports FC vs APR FC (Stade Amahoro, 15h30)
Musanze FC vs Kirehe FC (Stade Ubworoherane, 15h30)

Ku cyumweru, tariki 21, 2019

Police FC vs Etincelles FC (Stade de Kigali, 15h30)
Sunrise FC vs AS Muhanga (Nyagatare Grounds, 15h30)
Bugesera FC vs AS Kigali (Stade Kicukiro, 15h30)
Gicumbi FC vs SC Kiyovu (Stade Gicumbi, 15h30)
Espoir FC vs Mukura VS (Rusizi, 15h30)

Kuwa mbere, tariki 22, 2019

Amagaju FC vs Marines FC (Stade Nyagisenyi, 15h30)

Angelina Jolie na Brad Pitt bahawe gatanya, bemeranywa ubufatanye

By Bikorimana Alexis

Umukinnyi wa filime Angelina Jolie n'uwahoze ari umugabo we bahuje umwuga Brad Pitt batandukanye byemewe n'amategeko ariko haracyari urugendo kugira ngo gatanya yabo irangire kuberako bazakomeza gufatanya mu bikorwa byo kwita kubana babo ndetse bagakomeza bombi kugira uburenganzira ku mitungo bafitanye.

CNN News yatangaje ko umucamanza Randy Kessler usanzwe ahagararira za gatanya wo mu Rukiko Rukuru rwa Atlanta yafashe uyu mwanzuro ku wa Gatanu w'icyumweru gishize.

Umugore yahise akurwaho izina Pitt yari yarongereweho kubera yari yashyingiwe na Brad Pitt.

Abanyamategeko b'aba bombi bari basabye ko urukiko rutangaza ko buri umwe ari wenyine mbere y'uko hafatwa indi myanzuro kuri gatanya yabo.

Ntiharamenyekana neza ibitarumvikanwaho n'abo bombi ariko Angelina Jolie yatanze ikirego mu rukiko avuga ko Brad Pitt atatangaga indezo ihagije, ibintu umunyamategeko w'uyu mugabo atemeye.

Brad Pitt w'imyaka 55 na Angelina Jolie w'imyaka 43 bakoze ubukwe muri 2014, nyuma y'imyaka 10 bari bamaze bakundana. Nyuma y'umwaka n'igice basezeranye nibwo batandukanye bafitanye abana batandatu.

Muri bo harimo abo bareraga nka Madox w'imyaka 16 bakuye muri Kenya, Zahara w'imyaka 15 bakuye muri Ethiopie na Pax bakuye muri Vietnam.

Mu 2006 Angelina Jolie yabyaye umukobwa we w'imfura Shiloh, mu 2008 abyara impanga Vivienne na Knox.

Angelina Jolie yari yarabanje gushyingiranwa na John Lee Miller mu 1996 batandukana mu 1999, kuva mu 2000 kugera mu 2003 yari umugore wa Billy Bob Thornton, waje gusimburwa na Brad Pitt.

Brad Pitt we yari yarabanje gushakana na Jennifer Aniston batandukanye mu 2005

Nshizirungu [email protected]

Nyagatare: Umugabo yakubiswe n'inkuba arimo gukata icyondo ahita apfa

By Makuruki

Umuntu umwe yapfuye akubiswe n'inkuba, inzu 15 zivaho ibisenge ubwo hagwaga imvura ivanze n'umuyaga ku gicamunsi cyo ku wa 16 Mata 2019.

Uwakubiswe n'inkuba ni Tugirimana Jean de Dieu w'imyaka 35 ukomoka mu mu Murenge wa Matimba, Akagari ka Cyembogo.

Ubuyobozi bw'Umurenge wa Matimba buvuga ko byabaye mu mvura yaguye ahagana saa munani z'amanywa, Tugirimana abonye imvura iguye atangira gukata icyondo cyo guhoma inzu ari na cyo inkuba yamukubitiyemo ahita apfa.

Umurambo we woherejwe mu bitaro bya Nyagatare kugira ngo ukorerwe isuzumwa.

Imvura ivanze n'umuyaga kandi yasize inzu 13 mu Murenge wa Mimuli i Nyagatare zivuyeho ibisenge, ba nyirayo bacumbikirwa n'abaturanyi.

Naho mu Murenge wa Kiyombe imvura ngo yaguye ahagana saa kumi n'imwe z'umugoroba isenya inzu ebyiri n'ibikoni bibiri.

Perezida Kagame yakiriye indahiro z'abayobozi barimo na Gen Mupenzi abibutsa ko hakiri byinshi byo gutunganya

By Bikorimana Alexis

Perezida wa Repubuika y'u Rwanda, Paul Kagame yibukije abacamanza batatu, umudepite umwe n'umugaba w'ingabo zirwanira ku butaka General Major Mupenzi ko n'ubwo hari ibyagezweho hakiri byinshi byo gukora.

Ibi yabivuze kuri uyu wa kane tariki ya 18 Mata 2019 ubwo yarahizaga abacamanza batatu, (Venantie Tugireyezu, Rukundakuvuga Fracois Regis na Hitayezu Alphonse), depite Ndoriyobijya Emmanuel n'Umugaba w'ingabo ziwanira ku butaka Gen. Jean Jacques Mupenzi.)

Perezida Kagame yavuze ko yizera ko amahame agenga umwuga wabo bayazi ahubwo ko bagomba gushyira imbaraga mu guha abaturage ibyo bakeneye hatabayemo kubogama.

Yagize ati, β€œSingombwa ko mbibutsa amahame y'akazi kanyu. Mu butabera hari aho mugeze kandi heza, gusa haracyari byinshi bibategereje. Abanyarwanda babitezeho byinshi bishingiye ku butabera butabogama."

Yunzemo ati, β€œDusaba buri munyarwanda, cyane cyane abo b'abayobozi kuzuza inshingano no gukora bafite intego. Twese tuzi aho tuva ndetse n'aho tugana. Intego yacu ni ugukorera ku gihe, tugakora cyane kugira ngo tugere kubyo twiyemeje vuba.”

Perezida Kagame yakomeje asaba abarahiriye kuzuza inshingano nshya bahawe kudatatira indahiro bagize kandi ko amategeko agomba gufata abaturage bose kimwe

Ibyo wamenya ku barahiye uyu munsi mu mirimo mishya bahawe

Alphonse Hitayezu ni umugabo w'imyaka 52 akaba mu 1997 yarabaye umujyanama wa Minisitiri w'Ubutabera ayobora n'ishami rishinzwe uburenganzira bwa muntu, mu 2000, yakoze muri parike (urukiko) ya Repubulika i Byumba. Mu 2004 yabaye umugenzuzi mukuru w'Ubushinjacyaha , muri 2006 aba umuyobozi wungirije umushinjacyaha mukuru, akaba afite impamyabushobozi y'icyiciro cya gatatu cya Kaminuza mu mategeko mpuzamahanga yakuye mu gihugu cya Ukraine.

Francois Regis Rukundakuvuga asanzwe ari umugenzuzi mukuru w'inkiko, mu 2001 yabaye umucamanza mu rukiko rw'ikirenga mu ishami rishinzwe inkiko gacaca mu 2004 aba umugenzuzi mu rukiko rukuru, aba na perezida w'urukiko rwa Nyamata akaba afite impamyabushobozi y'icyiciro cya gatatu cya kaminuza mu mategeko.

Tugireyezu Venantie afite imyaka 49 yabaye umwarimu muri kaminuza y'u Rwanda, aba umwanditsi mukuru w'urukiko rw'ikirenga, aba umucamanza mu rukiko rukuru rwa Rwamagana ndetse aba n'umucamanza mukuru mu rukiko rwa Kigali, yabaye kandi Minisitiri muri Perezidansi ya Repubulika y'u Rwanda, afite impamyabushobozi y'icyiciro cya gatatu mu mategeko mpuzamahanga yo kurwanya ibyaha no guharanira uburenganzira bwa muntu.

Aba bacamanza bo mu rukiko rw'ubujurire bose bemejwe n'inteko rusange ya Sena yateranye kuwa gatanu mu cyumweru gishize.

Depite Ndoriyobijya Emmanuel afite imyaka 34 yasimbuye Kanyamashuri Janvier uheruka kwegura, yari asanzwe ari umurezi mu mashuri yisumbuye mu kigo cya Nyarutovu kiri mu karere ka Gakenke, akaba asanzwe aba no muri Njyanama y'Akarere ka Gucumbi, afite impamyabushobozi y'icyiciro cya kabiri cya kaminuza mu mibare yayikuye muri Kaminuza y'u Rwanda.

General Jean Jacques Mupenzi afite imyaka 50 y'amavuko yasimbuye Jacques Musemakweli ku mwanya w'Umugaba mukuru w'Ingabo zirwanira ku butaka.

Ikibanza kigurishwa muri cyamunara giherereye i Jabana muri Gasabo

By Makuruki

Umuhesha w'inkiko w'umwuga aramenyesha abantu bose ko ku wa 29/04/2019 saa tanu za mu gitondo(11h:00) hazatezwa cyamunara umutungo utimukanwa wa Musoni Moussa ugizwe n'ubutaka buri mu kibanza gifite UPI: 1/02/05/03/4271 MU MUDUGUDU WA murama, Akagari ka Kabuye, umurenge wa Jabana Akarere ka Gasabo.

Ibindi bisobanuro mwahamagara kuri: 0788885259/0726195588 cg 0784296087 na 0788716171

Soma itangazo ryose hasi:

U Rwanda rwaje ku mwanya wa 155 mu bihugu 180 ku bwisanzure bw'itangazamakuru

By Bikorimana Alexis

Umuryango w'Abanyamakuru batagira umupaka (Repoteurs Sans Frontiers) washyize u Rwanda ku mwanya wa 155 mu bijyanye n'ubwisanzure bw'itangazamakuru rukaba ruri mu ibara ry'umutuku.

Umwaka ushize wa 2018, u Rwanda rwari rwashyizwe ku mwanya wa 155 rukaba rwabonye amanota 52,43.

Ku isi igihugu kiza ku mwanya wa mbere mu kubahiriza ubwisanzure bw'itangazamakuru ni Norvège, aho gifite amanota 7,82. Na ho igihugu kiza ku mwanya wa nyuma mu rwego rw'isi yose ni Turkménistan iri ku mwanya wa 180, ifite amanota 85,44.

Igihugu cya mbere muri Afurika mu kubahiriza ubwisanzure bw'itangazamakuru ni Namibie iri ku mwanya wa 23 ikaba ifite amanota 18,95. Iki gihugu gikurikirwa na Cap-Vert iri ku mwanya wa 25 ifite amanota 19, 81.

Mu bihugu byo mu karere u Rwanda ruherereyemo, igihugu kiza mu myanya ya hafi ni Kenya iri ku mwanya wa 100 n'amanota 32,44. Ehiopia iri ku mwanya wa 110 ikaba ifite amanota 35,11. Tanzaniya yo iri ku mwanya wa 118 n'amanota 36,28.

Naho ibihugu muri Africa byazamutse cyane harimo Ethiopia yazamutseho imyanya 40 kuberako yarekuye imfungwa zose z'abanyamakuru zari zifunze, ikaba iri kumwanya 110 hamwe na Gambia yazamutseho imyanya 30 kubere impinduka nziza yakoze mu byerekeranye n'itangazamakuru, ikaba yaje kumwanya wa 92.

Naho mu bihugu byamanutse cyane kuri uru rutonde harimo Venezualla yamanutse ho imyanya itanu ikaza kumwanya wa 148,Uburusuyiya bwamanutseho umwanya umwe buza kumwanya wa 149.

Leta Zunze Ubumwe za Amerika ziri ku mwanya wa 48 zikaba zamanutseho imyanya 3 kubera ibibazo bikomeye abanyamakuru bari guhura nabyo kuva Trump yafata ubutegetsi.

Ku mwanya wanyuma hariho Vietnam zombi kumwanya wa 176, ubushinwa ku mwanya wa 177 bwa manutseho umwanya umwe, Erythrea kumwanya 178 ikaba yazamutseho umwanya umwe utitaye ko ibanye neza n'umuturanyi wayo Ethiopia muri iyi minsi, ku mwanya wanyuma haza Turkmenistan yamanutseho imyanya ibili.

Uru rutonde rukaba rusohoka buri mwaka guhera muri 2002 kandi rugakorerwa ku bihugu 180.

Nshizirungu [email protected]

BADRAMA agiye gufatanya n'inzego z'ibanze kuzamura urubyiruko rurimo n'abana bo ku mihanda

By Makuruki

Mupenda Ramathan uzwi nka BADRAMA yatangaje ko muri iyi minsi bagiye gutangira gufasha urubyiruko rufite ubuhanzi bushingiye ku gushushanya no gukora ibindi bikorwa by'ubuhanzi byabasha kuruteza imbere.

Avuga ko gukora ibyo bikorwa azajya yegera abayobozi b'inzego z'ibanze kugira ngo bamufashe kumenya urwo rubyiruko rufite izo mpano.

Ati β€œNzajya negera abayobozi b'inzego z'ibanze bamfashe kureba urwo rubyiruko”

Mu gufasha urwo rubyiruko, BADRAMA yavuze ko azareba n'urubyiruko ruba mu buzima bugoranye rurimo uruba mu buzima bwo mu muhanda.

Iki gikorwa avuga ko yiyemeje kugikora nk'uko asanzwe afasha ibikorwa bijyanye n'ubahanzi.

Ubusanzwe The Mane ifasha abahanzi basanzwe bamenyerewe mu muziki Nyarwanda nka Safi Madiba, Queen Cha, Marina na Jaypolly.

Nshizirungu [email protected]

Inzu n'isambu bigurishwa muri cyamunara biherereye i Nyamagabe

By Makuruki

Umuhesha w'inkiko w'umwuga aramenyesha abantu bose ko kuwa 25/04/2019 guhera i saa tanu z'amanwa ( 11 h00) hazasubukurwa igurisha mu cyamunara ry'imitungo ya Byumvuhore Venant na Mukantabana Edoureste igizwe n'inzu ibaruwe kuri UPI: 2/05/16/04/3508 iri mu mudugudu wa Buremera, akagari ka kaganza, umurenge wa Tare n'isambu ibaruye kuri UPI: 2/05/17/03/2623 iri mu kagari ka Kibyagira, umurenge wa Uwinkingi akarere ka Nyamagabe mu ntara y'Amajyepfo

ku bindi bisobanuro mwabariza kuri 0788350947 / 078883 8647/ 07 83 l7 6791

Koreya ya ruguru yongeyekugerageza igisasu gishya igamije ubwirinzi

By Bikorimana Alexis

Koreya ya ruguru yatanagje ko yagerageje igisasu cyo kwirinda umwanzi gifite imbaraga zo ku rwego rwo hejuru, kikaba ari igisasu cya mbere yagerageje nyuma y'ibiganiro yagiranye na mugenzi we wa Leta zunze ubumwe za Amerika Donald Trump.

Abahanga mu bya politike bafashe ibi nko kwihanangiriza igihugu cya Amerika.

Uyu ukaba ari umuhango witabiriwe na perezida wa Koreya ya ruguru Kim Jong-Un wabereye mu kigo cya gisirikare kibamo abasirikare barwanira mu kirere ( Korean People's Army Airforce)

Perezida Kim akaba yatangaje ko iki gikorwa kigamije kwerekana ingufu z'igisirikare cye kirwanira mu kirere.

BBC iravuga ko raporo itagaragaza neza ubwoko bw'iki gisasu, ngo ntibisobanutse niba ari misile cyangwa niba atari yo. Gusa abenshi baremeza ko iriya ari intwaro isanzwe itari kirimbuzi.

Umwaka ushize Koreya ya ruguru ikaba yariyemereye ko izahagarika burundu igerageza ry'ibitwaro kirimbuzi kandi ko itazongera kugerageza misile zishobora kwambukiranya umugabane.

Kuwa 12 Kamena umwaka ushize Donald Trump yahuriye na Kim Jong un wa Koreya ya Ruguru muri Singapore ngo baganire ku kibazo cy'ibisasu bya kirimbuzi ariko bisa nkahio ibi biganiro ntacyo byagezeho.

Aba bayobozi bombi baheruka guhura kuwa 27 Gashyantare 2019, bahurira Vietnam muri Hotel yitwa Metropole iherereye muri Hanoi, iki gihe Trump yakomeje guhakana amakuru avuga ko yisubiyeho ku cyemezo cyo gusaba Koreya ya ruguru gusenya ahakorerwaga hakanageragerezwa ibisasu bya kirimbuzi.

Murwanashyaka Jean de [email protected]

UCL: Tottenham yasezereye Man City bigoranye, Liverpool yandagaza FC Porto-AMAFOTO

By Bikorimana Alexis

Nubwo ikipe ya Tottenham yatsindiwe ku kibuga cya Manchester City ibitego 4-3 ntibyayibujije gusezerera iyi kuipe kuko mu mukino ubanza yari yabashije kuyitsinda igitego 1-0.

Ikipe ya manchester City yatangiye isatira cyane ikipe ya Tottenham byaje kuyifasha kubona igitego hakiri kare, ku munota wa 4' Raheem Sterling yafunguye amazamu.

Ibyishimo bya City ntibyarambye kuko ku munota wa 7 gusa Heung-Min Son yishyuye iki gitego ku, munota wa 10 ahita ashyiramo icya kabiri.

Man City yari inyotewe no kubona ibitego hakiri kare yaje kwishyura ku munota wa 11 gistinzwe na Bernaldo Silva, nyuma y'iminota 10, gusa Raheem Sterling atsinda igitego cya gatatu ari nako igice cya mbere cy'umukino cyaje kurangira.

Mu gice cya kabiri ikipe ya Man City yashyizemo igitego cya kane ku munota wa 59' gitsinzwe na Sergio Kun Aguero, ihita yizera ko ishobora kugera muri 1/2 gusa rutahizamu wa Tottenham, Fernando Llorente yaje kubabwira ko bari kurota abasaba gukanguka ku munota wa 73 ashyiramo igitego cya gatatu.

Ikipe ya Man City yakomeje gusatira izamu rya Tottenham byaje no kuyihesha igitego ku munota wa nyuma hitabajwe VAR gikurwaho, Tottenham ikomeza ityo zinganya ibitego ariko yo ikaba yatsindiye byinshi hanze.

Uko abakinnyi 11 ku mpande zombi batangiye mu kibuga bitwaye

Manchester City: Ederson (6); Mendy (6), Laporte (5), Kompany (6), Walker (6); De Bruyne (9*), D.Silva (7), Gundogan (6); Sterling (9), Aguero (7), B.Silva (7).

Tottenham: Lloris (7); Rose (5), Alderweireld (6), Vertonghen (6), Trippier (5); Wanyama (6), Sissoko (N/A); Eriksen (8), Alli (7), Moura (7); Son (9*).

JPEG - 70.1Β kb
Sterling yafunguye amazamu ku munota wa kane gusa w'umukino
JPEG - 74.2Β kb
Ubwo abakinnyi ba Tottenham bibazaga ibibabayeho mu minota ya nyuma mbere y'uko VAR igaragaza ko igitego cya gatanu cya Man City atari cyo

JPEG - 43.2Β kb
Raheem Sterling yafashije ikipe ya Manchester City gutsinda nubwo batakomeje

JPEG - 61.5Β kb
Umutoza wa Manchester City Pep Guardiora yishimira igitego cya gatanu mbere y'uko hitabazwa VAR

Muri Portugal ikipe ya Liverpool yahaga isomo rya ruhago, ikipe ya FC Porto iyitsindira iwayo ibitego 4-1.

Liverpool yasezereye Porto ku kinyuranyo cy'ibitego 6-1 kuko mu mukino ubanza yari yayitsindiye mu Bwongereza ibitego 2-0.

Virusi itera SIDA iri kwifashishwa mu kuvura izindi ndwara.

By Bikorimana Alexis

Virus itera SIDA abahanga mu by'ubuvuzi muri Leta zunze ubumwe za Amerika bamaze kuyikoresha bakiza abana bagera k'umunani bari bavutse batuzuye.

Umwana uvukanye ubwirinzi bw'umubiri bwo ku kigero cyo hasi cyangwa nta na buke afite ashobora kuvurwa hifashishijwe aka gakoko gatera SIDA maze ubwirinzi bwe bugahinduka nk'ubwumuntu muzima.

Ubu bushakashatsi bwagaragaje ko umwana akivuka, akavukana ikibazo cyo kutagira ubwirinzi bw'umubiri buhagije habaho ikosorwa ryifashishije umusokoro we wo mugufa ndetse no gukosora uturemangingo twe hifashishijwe Virusi ya SIDA akabitangizwa akivuka.

PNG - 635.1Β kb
Gael yishimana na mama we nyuma yo kuvurwa na Virusi itera SIDA

Abashakashatsi bakaba bavuga ko abana bakoreweho igerageza bagiye basezererwa mu bitaro mu gihe kitageze no ku kwezi.

Nkuko tubikesha BBC ngo ubu ni ubuvuzi bumaze iminsi butangirwa mu bitaro byitiriwe mutagatifu Yuda ho muri Leta zunze ubumwe za Amerika.

Murwanashyaka Jean de [email protected]

Before yesterdayMakuruki

Uwahoze ari Perezida wa Peru, Alan Garcia yirashe

By Bikorimana Alexis

Uwahoze ari umukuru w'igihugu cya Peru yirashe ubwo polisi yarije umu iperereza ku byaha akurikiranyweho byerekeranye na ruswa, umunyamategeko we yavuzeko ubuzima bwe butameze neza arimo akurikiranirwa hafi.

Akaba yirashe ubwe mu ijosi ubwo abapolisi bari bageze iwe mu iperereza rijyanye n'ibyaha bya ruswa, Alan Garcia yahise ajyanwa kubitaro bya Casimiro Ulloa biri mu murwa mukuru Lima, ariho ari gukurikiranirwa n'abaganga.

Alan Garcia w'imyaka 69 yari ari gukorwaho iperereza ku mafaranga yanyerejwe hamwe na ruswa ivugwa kuri kompanyi y'ubwubatsi ikomoka muri Brezil Odebrecht, yatsindiye mu isoko ritanyuze mu mucyo nkuko byagiye ahagaragara muri 2016.

Imwe muri Television zikorera muri Peru yatangaje ko yajyanywe kwa muganga afite umuvuduko w'amaraso uri kukigero cyo hejuru kandi akaba yahise ajya muri coma nyuma yo kubagwa.

Urwego rw'ubutabera muri Leta Zunze Ubumwe za Amerika mu umwaka wa 2016 rwatangaje ko kompanyi Odebrecht yishyuye abayobozi muri Amerika y'Amajyepfo (Latin America) akayabo kangana na miliyoni 800 z'Amadorali ngo ibone amasezerano yo kubaka ibikorwaremezo. iyi ruswa ivugwa kuri uyu mugabane yatumwe hafungwa abayobozi benshi muri Amerika y'amajyepho harimo n'uwahoze ari umukuru w'igihugu cya Peru Pedro Pablo Kucyznski kubera isano ya hafi afitanye n'iyi kampani y'ubwubatsi.

Alan Garcia yayoboye ishyaka rya Apra rikomeye muri Peru imyaka myinshi, aza no kuba umukuru w'igihugu cya Peru kuva muri 1985 kugeza muri 1990.

Nshizirungu [email protected]

Imitungo itimukanwa igurishwa muri cyamunara iherereye mu karere ka Burera

By Makuruki

Umuhesha w'Inkiko w'Umwuga aramenyesha abantu bose babyifuza ko tariki ya 25 /04/2019 saa tanu za mugitondo (11h00) azagurisha muri cyamunara imitungo itimukanwa ya Mukakamanzi Claudine.

Iyo mitungo ibaruye kuri nimero 955,3591,5955,3565,3563,5117 na 3752. Iherereye mu kagari ka Gatare, umurenge wa Buhunde, Akarere ka Burera mu ntara y'Amajyaruguru.

Ukeneye ibindi bisobanuro wahamagara kuri nimero 0788690256 cyangwa 0732041974

Kigali: Umugabo yafatanwe impapuro mpimbano na Kashe z'amoko asaga 70 zirimo n'iza banki

By Bikorimana Alexis

Umugabo utuye mu Kagari ka Kigarama mu Murenge wa Gitega mu Karere ka Nyarugenge yafatanwe kashi 77 ndetse n'impapuro mpimbano zitandukanye.

Muri kashe uyu mugabo yafatanywe harimo iz'amabanki akomeye, ibigo by'amashuri, inkiko, polisi,...

Kayisire David wafatiwe iwe mu rugo mu Gitega ku makuru yatanzwe n'umuturage, yiyemereye icyaha cyo gukora impapuro mpimbano anagisabira imbabazi.

yavuze ko indangamanota yayikoreraga abanyeshuri bakamuha amafaranga ari hagati y'ibihumbi 10 na 15 mu gihe impamyabushobozi yayikoreraga ibihumbi 30.

Umuvugizi wa polisi y'u Rwanda mu mujyi wa Kigari, CIP Goreth Umutesi, yashimiye uruhare rw'abaturage mu gutangira amakuru ku gihe anabasaba kugira amakenga no kwitondera abantu babaha serivisi n' izindi nyandiko batabazi.

JPEG - 49.9Β kb
Umuvugizi wa polisi y'u Rwanda mu mujyi wa Kigari, CIP Goreth Umutesi yashimye abaturage batangira amakuru ku gihe

CIP Goreth yakomeje agira ati, "Gufatwa kwe ni uko hari uwatanze amakuru, bivuze ko yamutereraga kashi, birumvikana impapuro mpimbano zirahari"

Ingingo ya 276 yo mu gitabo cy'amategeko ahana ibyaha mu Rwanda ivuga ko umuntu wese ukoze inyandiko mpimbano, iyo icyo cyaha kimuhamye ahanishwa igifungo cyo kuva ku myaka itanu kugeza kuri irindwi n'ihazabu ya miliyoni eshatu kugeza kuri eshanu z'amafaranga y'u Rwanda

JPEG - 205Β kb
David yafatanwe impapuro mpimbano na kashi 77

Kenya: Halima Adan Ali yashyizwe ku rutonde rw'abantu 7 batera inkunga umutwe wa (ISIS)

By Bikorimana Alexis

Umunya-Kenyakazi, Halima Adan Ali uvugwaho ibikorwa bitandukanye bifitanye isano n'iterabwoba mu gihugu, Leta Zunze Ubumwe za Amerika zamushyize ku rutonde rw'abantu barindwi batera inkunga umutwe wa Leta ya cy'Isilamu ukorera muri Iraq na Syria.

Leta ya Amerika ikaba yamushyiriyeho ibihano kubera ibikorwa byo gutera inkunga ISIS akorera muri kenya, aho bivugwa ko yashyizeho ihuriro rikorera mu Burayi, uburasirazuba bwo hagati , muri America ndetse na Afurika y'Uburasirazuba. Amerika ikaba yafatiriye imitungo ye n'ibindi bifitanye isano n'ubukungu ashobora kuba atunze muri Leta Zunze Ubumwe za Amerika.

Ibi byatangajwe mu itangangazo ryasohowe na Leta Zunze Ubumwe za Amerika, rivugako Halima Adan Ali atera inkungu muburyo bw'ibikoresho, amafaranga cyangwa uburyo bw'ikoranabuhanga n'izindi serivise zitandukanye umutwe w'iterabwoba ugendera ku matwara akomeye ya cy'Isilamu. Kandi bagaragaje ko yinjiza akanafasha kwinjira kw'abarwanyi bashya mu mutwe w'iterabwoba wa Al-Shabaab.

Leta ya Amerika ivugako ko uyu mugore yakiriye amafaranga agera kuri miliyoni 5 z'Amashilingi ziturutse mu bihugu bitandukanye ku isi.

Amerika ikaba itangaza ko byakozwe kugirango bafunge amayira yose aturukamo inkunga zifasha uyu mutwe w'iterabwoba mu rwego rwo kuwutsinda burundu.

Bivugwa ko uyu mugore Halina mu mwaka wa 2014 yagerageje gutembera ava muri Afurika y'Uburasirazuba agana Syria, umugambi ukaza kuburizwamo ubwo yatabwaga muri yombi.

Muri Mata, 2018, Halima yafunzwe n'ishami rya Polisi rishinzwe kurwanya iterabwoba ubwo yari munzira agana Somalia. Aho yaje kurekurwa abifashijwemo na mwenewabo utuye muri Syria bigatuma aguma kugira imikoranire ya hafi na ISIS.

Igipolisi cya Kenya cyo gitangaza ko inshuro zose yagiye agera mu maboko ya polisi yabaga ashinjwa ibyaha bifitanye isano n'iterabwoba. Nko mu mwaka wa 2015 yafunzwe akekwaho gutwara abagore batatu b'abanya-Kenya muri Somalia ngo binjire muri Al-shabaab.

Abandi banya-Kenyakazi aribo Khadijah Abubakar Ahmed na Mariam Said hamwe n'Umuny-Tanzaniyakazi bafunzwe nabo berekeza muri Somalia aho bivugwako bari mubagize itsinda rikorerera ku mbuga nkoranyamba ryitwa Ghurab rishinzwe kwinjiza abayoboke bashya mu mitwe y'iterabwoba.

Abandi bari kumwe ku rutonde ni Abanya-Iraq batanu hamwe n'umunya-Turikiya umwe ; Mushtaq Talib Zughayr al-Rawi, uyobora iri tsinda , Walid Talib Zughayr al-Rawi, Muhannad Mushtaq Talib Zughayr al-Rawi, Muhammad Abd-al-Qadir Mutni Assaf al-Rawi, Umar Talib Zughayr al-Rawi na Abd-al-Rahman β€˜Ali Husayn al-Ahmad al-Rawi.

Si ubwa mbere umunya-Kenya ashyirirwa ku rutonde ashinjwa gukorana n'imitwe y'iterabwoba kuko muri Nzeri 2018, Waleed Ahmaed Zein nawe yashyiriweho ibihano na Leta ya Amerika, aho yashinjwaga kurema umuyoboro unyuzwamo ubufasha bwa ISIS, akaba yarabitsaga amafaranga menshi kuri konti ajyanwa mu mitwe y'iterabwoba akavugako arayo akura mu bucuruzi bwase umubyara bw'ibyuma by'imodoka acuruza.

Nshizirungu [email protected]

Omar al Bashir yimuriwe muri gereza I Khartoum, mu gihe abaturage bakishimira ihirikwa rye

By Bikorimana Alexis

Uwahoze ari perezida wa Sudani, Omar al Bashir yimuriwe muri gereza ya Kabar I Kharthoum ahabwa abarinzi bakomeye kugira ngo atagerageza kuba yacika nyuma yo kumuvana mu rugo yari arindiwemo.

Ibi bije nyuma y'icyumweru kimwe ahiritswe ku butegetsi n'igisirikare cy'iki gihugu kigahita kinatangaza ko kimufunze by'agateganyo.

Ibintu ntibimeze neza na gato muri Sudani nyuma y'ihirikwa rye, kuko uwari watangaje iyegura rye yeguye nyuma y'umunsi umwe gusa asigira ubuyobozi Lt. Gen Abel Fattah Abdelrahman Burhan nyuma yo kotswa igitutu n'imiryango mpuzamahanga n'ibindi bihugu bitishimiye gahunda iki gihugu cyari cyafashe yo gushyiraho ibihe bidasanzwe no gutegura amatora y'umukuru w'igihugu nyuma y'imyaka ibiri.

N'ubwo ubutegetsi bwahiritswe, abigaragambyaga ntibigeze bashaka kubyumva kuko batishimiye na gato gutegekwa n'umusirikare bakaba bifuza ubuyobozi bwa gisivile.

Omar al Bashir afunzwe nyuma y'aho Minisitiri w'Ububanyi n'Amahanga wa Uganda, Henry Oryem Okello atangarije Ibiro Ntaramakuru by'Abongereza, Reuters ko iki gihugu cyari kiteguye guha ubuhungiro uyu mugabo batitaye ko yahigwaga n'urukiko mpuzamahanga mpanabyaha, ICC.

N'ubwo kugeza magingo aya hari abanze kuva mu mihanda batabonye Perezida w'umusivile, abatavuga rumwe n'ubutegetsi muri sudani kuri uyu wa kabiri 16 Mata 2019 bifatanyije n'abatagira ingano mu kwishimira ihirikwa k'ubutegetsi k'uwari umuyobozi w'iki gihugu imyaka igera kuri 30, Omar al-Bashir.

Utavuga rumwe n'ubutegetsi yabibwiye AFP ati:β€œInka n'intama byateranyirijwe hamwe ngo bibagwe kuri uyu munsi n'abatavugaga rumwe n'ubutegetsi, mukwizihiza uwo munsi hafi y'inyubako ngari y'ingabo.

Abandi bati: β€œTurakwirakwiza izi nyama mu barwanyaga ubutegetsi twishimira ihirikwa ry'umunyagitugu”.

JPEG - 16Β kb
Abaturage babaze inka n'intama mu kwishimira ihirikwa ku butegetsi rya Omar al Bashir

Itsinda ry'abagabo bahageze mugitondo cya kare ngo babaga ayo matungo kandi bakwirakwiza inyama zayo mu batavuga rumwe n'ubutegetsi aho baribateraniye bishimira uwo munsi.

Perezida Omar al Bashir yari amaze imyaka 30 ku butegetsi bw'iki gihugu aho ashinjwa gutegekesha igitugu no guteza intambara mu gihugu.

Nshimiyimana [email protected]

Abagera kuri 3 bahitanywe n'impanuka y'ubwato yabereye mu Kivu abasaga 150 bo bakomeza kuburirwa irengero.

By Makuruki

Mu gihugu cya Repuburika Iharanira Demokarasi ya Kongo mu kiyaga cya Kivu habereye impanuka y'ubwato bwarohamye aho kugeza ubu abasaga 150 baburiwe irengero naho abagera kuri 33 batabawe, abagera kuri 3 bo bahasize ubuzima.

Ubwato bwakoze impanuka bwavaga muri Kituku bwerekeza muri Komine Mpinga.

Umuyobozi wa Sosiyete Sivele muri Kongo, Bulimbi Delphine yunze mury'abatangabuhamya ahamya ko ubu bwato bwari butwaye abantu basaga 150.

Ikiyaga cya kivu ni hamwe mu nzira nyabagendwa zikoreshwa n'igice cy'uburasirazuba bwa Repuburika iharanira demokarasi ya Kongo.

Perezida wa Kongo Felix Tshiskedi yagaragaje akababaro yatewe n'iyi mpanuka akaba yasabye ko hakorwa ibihsoboka byose ngo aba baburiwe irengero baboneka.

Murwanashyaka Jean de [email protected]

Ibanga ryihishe mu bimera ryavumbuwe na Dr. Murugu yiyemeje kurisangiza Abanyarwanda nyuma yo kubyerekana muri Kenya.

By Makuruki

Dr. Murugu Macharia Peter ni umugabo ukomoka mu gihugu cya Kenya akaba amaze imyaka isaga 20 akora akazi ko kuvura abantu akoresheje ibanga yavumbuye nyuma yo gukora ubushakashatsi bwimbitse mu bimera Imana yaremye.

Uyu mugabo Dr Murugu w'igikwerere avuga ko uyu mwuga yawinjiyemo adahubutse kuko yabanje kwiga ku bimera byose nyafurika n'akamaro byagirira umubiri w'umuntu, atangaza ko Imana yashyize ibanga rikomeye muri ibi bimera kuko nta ndwara n'imwe itavurwa nabyo usibye kubura ubumenyi buhagije kuri byo.

Atangirira ku ndwara y'amibe yavuze ko ari indwara ikomeje kuzengereza Abanyarwanda muri rusange akaba ari ikintu kimubabaza kuko iyi ari indwara yoroshye kuvura kandi ikaba igomba kuba amateka mu Rwanda.

Mu magambo ye Dr. Murugu yagize ati” U Rwanda ni igihugu ukikinjiramo uhita ubona itandukaniro n'ibihugu byinshi kuko ari igihugu kirangwamo isuku ku rwego njye ntarabona n'ahandi. Ni ukuri Abanyarwanda murasobanutse pe, mugaragara ko mukeye haba ku mibiri, imyambarire, aho mutuye” Gusa ahita yibaza ati” Nonese ni kuki mu Rwanda hakirangwa indwara ya Amibe”?

Dr Murugu yadusobariye bihagije iyi ndwara ya Amibe

Indwara ya Amibe ni inzoka yo munda ituruka ku mwanda w'ibyo dushyira mu nda cyane cyane nk'amazi tunywa ndetse n'ibiribwa bidasukuye neza. Ikaba iterwa n'udukoko duto twitwa β€œ Entamoeba Histolytica” twinjira mu mubiri iyo uriye cyangwa unyoye ibyandujwe n'amagi yazo.

Aka gakoko ni kabi kuko kagenda kakibera mu mara , aho gatungwa n'amaraso kanyunyuza mu muntu bityo rero kakaba gashobora guca ibisebe cyangwa kakaba gashobora guteza ibibyimba mu mara.

JPEG - 19.4Β kb
Uyu muganga ahangana n'indwara zo mu nda

Ariko kandi ako gakoko gashobora no kwinjira mu maraso kagatemberamo bityo bigatuma gashobora no kugera mu mwijima maze nawo kakahateza ibibyimba. Aka gakoko kandi kagenda kigabanyamo ibice bibiri kuko ari bwo buryo kororoka mu mubiri w'umuntu.

Dr Murugu ni umuvuzi ukureba akamenya uburwayi ufite atagushyizeho igipimo.

Uyu mugabo nyuma yo gukora ubushakashatsi bwinshi ku ndwara zirenga 200 twavuga nk'indwara zifata mu nda : Umwijima, umutima, igifu cyazahaje umuntu… indwara z'imyanya myororokero, indwara ya asima, diyabete, gukumira indwara zirimo Kanseri , umubyibuho ukabije n'izindi nyishi avuga ko amavuriro ye Dr Murugu Herbal Clinic avura izi ndwara ku kigero cya 95% zigakira nk'uko imibare ibigaragaza y'abantu barenga ibihumbi 50 bamaze kubagana ku mavuriro ye yose.

Si ukuvura gusa kuko ivuriro rya Dr Murugu Herbal Clinic hatangirwa inama ku buzima n'uburyo indwara zazengereje abantu zigomba gukumirwa hakiri kare. Ati” Niba ugaragaza bimwe muri ibi bimenyetso menya ko urwaye iriya ndwara ya Amibe maze ugane iwacu tuguhe imiti irandura burundu iyo ndwara mu mubiri wawe”.

Ibimenyetso biranga indwara ya Amibe:

. Kuribwa mu kiziba cy'inda bya hato na hato cyane cyane ku gitsina gore no mu gihe batari mu bihe byabo

. Kuribwa igihe ugiye mu bwiherero

. Kuribwa umugongo wo hasi

. Kumva mu nda harimo inzoka zihuma

. Kubura ubushake bwo gufata amafunguro( Appetit)

. Kugira ikiziba- kanwa gihoraho

. Guhorana umunaniro udashira

. Kwibagirwa bya hato na hato

. Kwituma impatwe

Nyuma yo kuguha umuti w'iyi ndwara atanga inama agusaba kwirinda kunywa amazi adasukuye kuko ariyo nkingi ya mwamba iyi ndwara yinjiriramo. Mu magambo ye yuzuye impanuro no gutebya kwinshi Ati” Iyo dusukura amenyo yacu twifashishije umuti w'amenyo , ku nshuro ya mbere urayacira, ku ya kabiri nabyo nuko, ariko iyo umaze kumva ko umwanda washizemo ntihabura amazi amanuka akajya munda , irinde rero amazi adasukuye haba no gusukura amenyo”

Kanda muri iyi Link wirebere ibimenyetso bya Amibe:
https://www.youtube.com/watch?v=aM1GzljrJj4

Ivuriro rya Dr Murugu Herbal Clinic rikaba rije mu Rwanda guhangana n'izi ndwara zananiranye no gutanga umusanzu we ku Rwanda nku'uko ugiye ku rubuga rwabo bakoresha uhasanga ubuhamya bw'abagaruriwe umunezero wabo mu buzima n'uyu mugabo w'umuhanga mu kuvurisha ibimera gakondo.

Kubifuza kureba ibikorwa by'iri vuriro Dr Murugu Herbal Clinic basura urubuga rw'ibitaro byabo ari rwo www.Muruguclinic.com ukamenya amakuru yose n'ubuhamya butangwa n'abarwayi yavuye .

Iri vuriro mu Rwanda rikaba ryahafunguye ishami ryabo rya mbere mu Kabuga ka Nyarutarama ndetse ukaba wanabahamagara kuri numero : 0781000143, 0783786569.

Reba hano Videwo igaragaza uko Dr. Murugu yiyemeje kubavurira kuri make:https://www.youtube.com/watch?v=-Y9ikY70jWg

Inzu igurishwa muri cyamunara iherereye Nduba mu Karere ka Gasabo.

By Makuruki

Umuhesha w'inkiko w'umwuga aramenyesha abantu bose ko ku wa kane tariki ya 25/04/2019 saa ine za mu gitondo hazagurishwa muri cyamunara umutungo utimukanwa wa Nagapfura Brigitte na Habineza Donath ubaruye kuri UPI: 1/02/12/04/1255

Uyu mutungo uherereye mu Kagari ka Gatunga , Umurenge wa Nduba, Akarere ka Gasabo.

Ibindi bisobanuro mwahamagara kuri 0788304132

Soma itangazo ryose hasi:

Rwandair yatangiye ingendo muri Repubulika Iharanira Demokarasi ya Kongo

By Makuruki

Kuri uyu wa Gatatu, taliki 17, Mata, 2019 nibwo indege ya mbere ya Rwandair yageze ku kibuga cy'indege i Kinshasa muri Repubulika Iharanira Demukarasi ya Kongo.

Rwandair izajya ikora ingendo inshuro eshatu mu cyumweru, ikaba inateganya kongeraho izindi ngendo 3 z'ijoro mu kwezi gutaha nkuko Umunyamabanga wa Leta ushinzwe ubwikorezi, Uwihanganye Jean de Dieu yabitangaje.

Ibiganiro byo gutangiza ingendo za Rwandair byatangiye ku mugaragaro uyu mwaka muri Werurwe, 2019 ubwo itsinda ry'u Rwanda ryajyaga i Kinshasa kuganira na Perezida Tshisekedi kuri iyi ngingo.

Itsinda ry'u Rwanda ryari ririmo umuyobozi wa Rwandair Mme Yvonne Makolo n'abo mu kigo cy'indege za gisivili mu Rwanda.

Umujyanama wa Perezida Tshisekedi witwa Nicole Ntumba Bwatshia wari muri itsinda ryaganiriye n'iry'u Rwanda yavuze ko igihe kigeze ngo ibihugu byombi bisanzwe ari ibituranyi bitangire bihahirane bikoresheje inzira yo mu kirere.

Ubu buhahirane yavuze ko bwaba intandaro y'amahoro arambye.

Nka kompanyi ya Leta y'u Rwanda, Rwandair yatangiye gukora bushya (nyuma y'icyahoze kitwa AirRwanda) mu Ukuboza 2002, ubu imaze kugira indege 12 zirimo Boeing (4) 737-800NG, Boeing(2) za 737-700NG, Bombardier ebyiri za CRJ900NG, Bombardier ebyiri za Q-400NG na Airbus A330 ebyiri zigezweho.

Iyi kompanyi ubu ijya mu migi 27 muri Africa, mu burasirazuba bwo hagati, Aziya n'Uburayi. Ubu ikaba yatangiye ingendo i Kinshasa ndetse isanganywe umugambi wo gutangira ingendo no muri Leta zunze ubumwe za Amerika.

Ubutaka bwubatsemo inzu bugurishwa muri cyamunara buherereye I Munyiginya mu Karere ka Rwamagana

By Makuruki

Umuhesha w'inkiko w'umwuga aramenyesha abantu bose ko ku wa kane tariki ya 18/04/2019 saa tanu (11h00) za mugitondo azateza cyamunara ku nshuro ya kane umutungo wa Mujyambere Celestin na Mukakanyemera Marie Gorette .

Uwo mutungo ukaba ugizwe n'ubutaka bwubatsemo inzu bufite UPI: 5/01/08/04/1293.

Uwo mutungo ukaba uherereye mu mudugudu w'Akabuye, Akagali ka Cyimbazi, Umurenge wa Munyiginya mu Karere ka Rwamagana.

Kubindi bisobanuro wahamagara: 0788809951, 0733236025

Soma itangazo ryose hano:

Facebook yabaye igikoresho cyo kwikiza abakekwaho ibyaha n'amabandi

By Bikorimana Alexis

Polisi ya Kenya ikoreramo umutwe witwara gisirikare ushinzwe kwica abacyekwaho gukora ibyaha bitandukanye ukoresheje facebook, ibi bikaba byatangajwe n'abakomoka mu miryango yababuze ababo bicyekwako bicwa rwihisha na HESSY

Ubwo bari mu nama ahitwa Kayole, umwe mu bagore ukiri muto yatangaje ko amaze kubura abagabo babiri mu mwaka umwe, hakaba hagiye haza n'abandi batandukanye batangaza inkuru zisa bavugako na bo babuze abavandimwe babo bari mu kigero cy'imyaka 15 na 24.

Abari aho barimo umushinjacyaha wa leta, abapolisi bakuru, impirimbanyi z'uburenganzira bwa muntu, bumvishe ukuriye ako gace iyo nama yabereyemo asobanura uko itsinda rishinzwe kugenzura abanyabyaha n'inkozi z'ibibi bazitoranya mu matsinda ya facebook (facebook groups).

Ushinze ubutabera muri ako gace ka Kayole wilfred Olal abwira abitabiriye inama yagize ati β€œ Tugenzura umwirondoro wabo neza, nyuma y'icyumweru cyangwa ukwezi tukabarasa, amafoto yabo tukayashyira kuri facebook”

Akomeza avuga ko amwe mu mafoto ashyirwa kuri facebook aba agaragaza neza aho barashwe neza, akaza aherekejewe n'amagambo agira ati β€œN'abandi bakora nk'aba ni ibi bibategereje”

Abaturage ba Kayole batangaje ko hari amatsinda atandukanye ya facebook ashyirwaho ayo mafoto buri munsi.

Umushakashatsi muri kamunuza ya Moi muri Kenya, Duncan Omanga, umaze imyaka itatu agenzura facebook, yavuzeko iryo tsinda ry'abapolisi rikoresha imyirondoro itazwi mu kunekera igipolisi.

Uwahoze ari umukuru wa polisi muri kenya, Boseph Boinnet, avugako abantu bagenzura izo konte zo kuri facebook atari abapolisi ahubwo ari abaturage basanzwe barajwe ishinga n'umutekano w'igihugu.

Imwe muri konte itemewe ya polisi igaragara mu mazina ya β€˜Hessy wa Kayole'
Hessy akaba yaramamaye cyane mu kwivugana abacyekwaho gukora ibyaha muri Kenya akoresheje facebook.

Omanga atangaza ko ubu ari uburyo polisi ikoresha kugirango ibere hose icyarimwe kandi inabe ijisho rya rubanda mu mugi wa Nairobi

Ushinzwe ubugenzacyaha George Kinoti, wabunze amarira mu maso yumvise ubuhamya bwatangwaga n'abaturage yavuzeko nta makuru afite kuri uwo muntu witwa Hessy ushinzwe kwivugana abantu.

Atangaza ko nta n'umwe uzihisha polisi ngo ahonyore amategeko, abaturage bamusubiza basakuza cyane ko kuri facebook bariho ndetse no kuri twitter.

Iyi nama ikaba yari yateguwe n'umushinjacyaha mukuru nyuma yaho imprimbanyi y'uburenganzira bwa muntu zavugaga ko nta kintu bari gukora ku iyicwa ry'abantu.

Ubushakashatsi bwa Omanga bwerekana ko muri rusange abacyekwa batandatu batahuwe, ibyaha bateguraga gukora biramenyekana, hamenyekana agace bakoreramo n'intwaro batunze ziramenywa.

Muri icyo gihe amabandi 12 yarishwe ashyirwa kuri facebook yitwa (Nairobi Crime Free), ugenekereje bivuga Nayirobi itaragwamo ibyaha. Iryo tsinda rifite abanyamuryango ibihumbi 300, rifite insanganyamatsiko igira iti β€œkubabarira abagizi ba nabi n'iby'Imana ariko gushyira mu bikorwa isezerano ry'Imana nizo nshingano zacu” biri mu rurimi rw'icyongereza (Forgiving a terrorist is left to God, but fixing their appointment with God is our responsibility)

Omanaga avugako gushyira aya mafoto kuri facebook ari ugutanga gasopo kubijandika mu byaha.

Iyo bamwe bamaze gufatwa imyirondoro yabo bategerejwe kuraswa bahita bajya mu bwihisho abandi bagashaka ubuhungiro mu miryango yita kuburenganzira bwa muntu.

Nshizirungu [email protected]

Padiri Consolateur yagaragaje inzira itoroshye u Rwanda rwanyuzemo ngo rugere ku bumwe n'ubwiyunge

By Makuruki

Padiri Consolateur Innocent yagaragaje inzira itoroshye Leta y'Ubumwe yaciyemo mu kongera kubaka ubumwe n'Ubwiyunge nk'ishingiro ry'imibanire myiza y'abaturage n'iterambere.

Yabigarutseho mu kiganiro yahaye imiryango igize sosiyete sivile n'amadini n'amatorero akorera mu Rwanda, bibuka ku nshuro ya 25 Jenoside yakorewe Abatutsi, mu rwego rwo kugira ngo bisuzume, barebe icyakorwa mu guhangana n'ingengabitekerezo ya Jenoside.

Padiri Consolateur yavuze ko Jenoside ikimara guhagarikwa, hakurikiyeho kujya gucyura impunzi z'Abanyarwanda zari hirya no hino, Leta yihutira kubanisha Abanyarwanda no kugarura ubumuntu mu bantu icyaha kitagomba gusimbuzwa ikindi kandi ushaka kubaka abaturage barimo n'abakoze icyo cyaha nkuko Imvaho ibitangaza.

Ingabo zarwanaga (FAR na RPA) na zo mu mwaka wa 2002 zarahujwe zikora ingabo zimwe, RDF, aho kurasana ziyemeza kurasanira igihugu.

Akomeza agira ati β€œHabayeho kwihutira guca ikintu cyose gisa n'icyakurura amacakubiri; kuvana amoko mu ndangamuntu, abana bose bariga. Hari gukemura ibibazo dukoresheje uburyo bw'iwacu, nka Gacaca. Mwumva ko twari tuyifite kera, tujya kuvoma iwacu; iyo tutayigeraho nta bwo twari gukora. Ntiyakemuye byose ariko 90% irenga yarabikemuye kuko ni ubutabera bwunga kandi kunga Abanyarwanda ni cyo cyari gikenewe.”

Padiri Consolateur yakomeje avuga ko hanagiyeho Komisiyo y'ubumwe bw'Abanyarwanda, uburenganzira bw'ikiremwamuntu n'ibindi bifasha abaturage, bagahura, Gahunda ya Girinka itarobanura, gukorera mu makoperative, ubwisungane mu kwivuza n'ibindi bigamije kongera kugarura ubumwe bw'Abanyarwanda.

Yakomeje agira ati β€œNyakubahwa Perezida wa Repubulika Paul Kagame yabikubiye mu ngingo eshatu, yaragize ati β€˜Twahisemo ibintu bitatu, icya mbere twahisemo kuba umwe. Arongera ati tugomba kwigenera imibereho yacu, nta wundi ugomba kutugenera, ubundi ati turebe kure; uko kureba kure ni ukuvana mu nzira icyo ari cyo cyose cyazagarura amateka mabi. Byari ukugira ngo tubohoke twe gukomeza kuba imbohe z'amateka mabi, twubake ameza abacu bazabamo ibyabaye ntibizongere kuba ukundi.”

Padiri Consolateur yakomeje agira ati β€œIbyo byose byavuye kuri politiki y'ubumwe n'ubwiyunge, aho abahagaritse Jenoside n'Abanyarwanda bicaye bakareba icyakongera kubaka igihugu.”

Yasabye abanyamadini by'umwihariko gukomera ku nshingano zabo, zo kubanisha neza Abanyarwanda bafite amateka nk'ayo kugira ngo imitima yabo irusheho kubohoka bityo inzira y'ubumwe n'ubwiyunge ikomeze kuba nziza, igipimo bagezeho cya 92.5% gikomeze kuzamuka.

Abakobwa bashushanyije ku ifoto ya Perezida nkurunziza birukanwe burundu ku ishuri.

Abakobwa 3 b'abanyeshuli b'Abarundikazi bari bafunzwe kubera gushushanya mu ifoto y'umukuru w'igihugu cy'Uburundi Perezida Petero Nkurunziza, baje gufungurwa maze ishuri ryabo naryo ntiryabemerera kuryinjiramo bahita birukanwa burundu.

Aba bana b'abakowa bose bari bataruzuza imyaka y'ubukure n'ubwo bari bafungiwe muri gereza ya Ngozi kubera guhamywa icyaha cyo kwandagaza umukuru w'igihugu.

Ugufungwa kwabo kwaje gukwira ku isi hose maze bamwe bo ku mbuga nkoranyambaga bafata umwanzuro wo gusigiriza amafoto ya nkurunziza bakayashyiraho bavuga bati Fungura abakobwa bacu.

Nk'uko byatangajwe ngo ni amakuru meza y'uko barekuwe ariko ibihano byo biracyakomeje kuko bahise birukanwa ku mashuri yabo. Abahanga mu bya politike babibonamo nk'ishusho ikomeye y'amashuri uko yijanditse mu bya politike.

Imiryango Mpuzamahanga yaba iyikorera mu Burundi cyangwa hanze yabwo yamaganiye kure iki gikorwa cyo gufunga aba bana bavuga ko binyuranije n'amategeko agenda uburenganzira bw'ikiremwamuntu

Si aba banyeshuri gusa kuko no muri 2016 abashinzwe ubutasi aho mu Burundi bataye muri yombi abakobwa 8 bashinjwa kwandika ku ifoto ya Nkurunziza.

Twababwira kandi ko abanyeshuri basaga amagana nabo bagiye birukanwa ku bigo by'amashuri atandukanye hariya mu Burundi bashinjwa gusebya umukuru w'igihugu.

Murwanashyaka Jean de [email protected]

UCL: Lionel Messi yafashije Barcelona kunyagira Manchester United, Ajax isezerera Juventus ya Ronaldo-AMAFOTO

By Bikorimana Alexis

Ikipe ya Barcelona yihereranye Manchester united iyitsinda ibitego 3-0 ihita inayisezerera mu mikino 1/4 ya Champions League, ku kinyuranyo cy'ibitego 4-0 mu mikino yombi.

Mu ijoro ryakeye umukinnyi Lionel Messi yongeye kwerekana ko ari igihangange afasha ikipe ya Barcelona kwandagaza Manchester United kuko mu bitego bitatu iyi kipe yatsinze bibiri ni ibye.

Umukino watangiye Manchester United igaragaza ko ishaka igitego ariko ntibyakunda kuko ku nshuro ya mbere Barca yageze ku izamu yahise ihabwa penaliti gusa hifashishijwe VAR igaragaza ko nta kosa ryabaye.

Nyuma y'iminota mike, ku munota wa 16 gusa Messi yaje gucenga ba myugariro ba Manchester United atsinda igitego cya mbere, nyuma y'iminota ine gusa yaje kongeramo ikindi gitego ku makosa yakozwe n'umuzamu wafashe umupira ukamucika.

Mu gice cya kabiri ikipe ya Barcelona yagarukanye inyota yo kubona ikindi gitego byaje kuyihira ku gitego cyiza cyatsinzwe na Philippe Coutinho ku ishoto yateye ari inyuma y'urubuga rw'umuzamu ku munota wa 61 w'umukino.

Ikipe ya Barcelona yakomeje ku kinyuranyo cy'ibitego 4-0 kuko mu mukino wabanje wabereye Old Trafford yari yatsinze Manchester United igitego 1-0.

Abakinnyi 11 babanjemo ku mpande zombie n'uko bagiye bitwara

Barcelona FC: Ter Stegen (6); Roberto (6), Pique (7), Lenglet (7), Alba (7); Busquets (6), Rakitic (7), Arthur (7); Messi (8*), Suarez (7), Coutinho (7)

Manchester United: De Gea (4); Lindelof (6), Smalling (6), Jones (6), Young (5); McTominay (6), Fred (7*), Pogba (4), Lingard (6); Rashford (6), Martial (6).

Mu Butaliyani habaye gutungurana

Ikipe ya Juventus yahabwaga amahirwe yo gukomeza ndetse no kuba yatwara iki gikombe yatunguwe na Ajax Amsterdam yo mu Buhorandi iyitsinda ibitego 2-1 ihita inayisezerera .

Cristiano Raonaldo niwe wafunguye amazamu ku munota wa 28' w'igice cya mbere ku mupira yari ahawe na Miralem Pjanic, gusa ibyishimo bye ntibyatinze kuko ku munota wa 34 Dan Van de Beek yishyuye igitego ku mupira yari ahawe na Hakim Ziyech.

Mu gice cya kabiri, Ajax yakomeje kwerekana ko izi icyo ishaka ku munota wa 67' ishyiramo igitego cya kabiri cyatsinzwe na Matthijs de Ligt.

Ikipe ya Ajax imaze kugaragaza ko iyo yasohotse aribwo yitwara neza kuko muri 1/8 yasezereye Real Madrid iyitsindiye ibitego 4-1 muri Espagne mu gihe mu mukino ubanza wabereye mu Buhorandi yari yatsinzwe ibitego 2-1. Yongeye kubigaragaza itsindira Juventus mu rugo kandi umukino ubanza wari warangiye amakipe yombi anganya igitego 1-1.

JPEG - 52.9Β kb
Rashford ma Lindgard bagerageje biba iby'ubusa
JPEG - 69.6Β kb
Umutoza wa Manchester United kuva yahabwa amasezerano ntari kwitwara neza kuko yatsinzemo umukino umwe kandi nabwo bigoranye
JPEG - 56.9Β kb
Lionel Mess na Coutinho nibo batsindiye Barcelona
JPEG - 112.1Β kb
De Gea ntiyitwaye neza muri uyu mukino
JPEG - 56.3Β kb
Paul Pogba yagerageje biranga

Abakinnyi 11 babanje mu kibuga ku mpande zombi n'uko bitwaye

Juventus: Szczesny (8*); De Sciglio (6), Bonucci (6), Rugani (6), Alex Sandro (6); Can (5), Pjanic (7), Matuidi (6); Bernardeschi (6), Dybala (5), Ronaldo (6).

Ajax: Onana (6); Veltman (6), De Ligt (8), Blind (7), Mazraoui (N/A); Schone (7), De Jong (7); Ziyech (8*), Van De Beek (8), Neres (7); Tadic (7).

JPEG - 38.1Β kb
Byari ibyishimo ku ikipe ya Ajax Amsterdam igeze muri 1/2 ntawayihaga amahirwe
JPEG - 110.5Β kb
Ajax yasezereye Juventus ku kinyuranyo cy'ibitego 3-2
JPEG - 80.2Β kb
Ronaldo niwe wafunguye amazamu
❌