WebRwanda.com

🔒
❌
There are new available articles, click to refresh the page.
Today — January 27th 2020Entertainment

Igihangange Kobe Bryant cyamamaye muri NBA yishwe n’indege:INKURU…

By Uwineza Vanessa

Inkuru y’akababario ituruka muri Leta Zunze Ubumwe za Amerika iravuga urupfu rw’umunyabigwi , Kobe Bryant, wahoze ari umukinnyi w’umukino wa Basketball wabigize umwuga, wamamariye mu ikipe ya Los Angeles Lakers, bivugwa ko yaguye mu mpanuka ya kajugujugu yabaye kuri iki Cyumweru.

Icyamamare muri NBA, Kobe Bryant cyapfiriye mu mpanuka ya kajugujugu yabereye muri Califormia nk’uko byatangajwe . Yari afite imyaka 41 y’amavuko.

Amakuru atangazwa n’ibinyamakuru bitandukanye byo muri Amerika nka New York Times aravuga ko Bryant yari umwe mu itsinda ry’abantu batanu bari muri kajugujugu ye ku giti cye, yari mu misozi ya Calabasas ubwo yafatwaga n’inkongi bigatuma ihananuka mu kirere.

Iyi mpanuka yabaye mu masaha ya saa yine ku isaha yo muri California mu gihe hari igihu ku dusozi twa Calabasas, iteza inkongi mu bihuru by’aho yaguye bituma n’ibikorwa by’ubutabazi bibangamirwa.

Nta muntu n’umwe warokotse iyi mpanuka nk’uko bitangazwa, mu gihe iperereza ku cyaba cyateje iyi mpanuka ryatangiye. Abayobozi bari mu iperereza bemeje ko abantu batanu bari muri kajugujugu bose bapfuye, ndetse umugore wa Bryant, Vanessa, atari ari muri iyo kajugujugu.

Bryant akaba yasigiye Vanessa abakobwa barimo Natalia, Bianca na Capri n’umwana w’umuhungu wavutse muri Kamena umwaka ushize wa 2019 gusa amakuru ya TMZ ataremezwa avuga ko mu baguye muri iyi mpanuka hashobora kuba harimo n’umwana we w’umukobwa ufite imyaka 13 y’amavuko, Gianna Maria Onore.

Uyu mugabo yamenyekaniye mu ikipe ya Los Angeles Lakers yakiniye imyaka 20, akaba umukinnyi wa mbere mwiza inshuro eshanu n’ibindi bigwi yagiye agira mbere y’uko asezera muri mu mukino wa basketball mu 2016.

Kobe Bryant yafatwaga nk’umwe mu bakinnyi b’ibihangange ba Basketball b’ibihe byose. Yatowe nk’umukinnyi urusha abandi agaciro kurusha abandi (MVP) mu 2008, atsindira imidari ibiri ya zahabu akinira ikipe ya Basketball y’abagabo ya Leta Zunze Ubumwe za Amerika mu 2008 na 2012.

Bryant yapfuye nyuma y’amasaha make ashimiye mugenzi we w’icyamamare, LeBron James, wari umaze kumukura ku mwanya wa gatatu ku rutonde rw’abakinnyi bamaze gutsinda amanota menshi mu mateka ya shampiyona ya NBA.

Posted by emmy kuri Rwandapaparazzi.rw/

The post Igihangange Kobe Bryant cyamamaye muri NBA yishwe n’indege:INKURU… appeared first on Rwanda Paparazzi.

Udushya Nudukoryo twaranze weekend,Indaya zarafashwe ku byinshi na Police muri Japan n’ubushinwa,Uganda bimeze gute:AMAFOTO>>

By Uwineza Vanessa

MU BIHUGU BYO MURI AZAZIYA  UBU NABO BAHAGURUKIYE INDAYA ZITEGA ABAGABO KU MIHANDA IGIHUGU CYAJE KWISONGA NU BUYAPANI HAMWE N’UBUSHINWA HASHIZE IMINSI BITANGAJWE KO BAGIYE KURWANYA ABAKOBWA BIGIZE INDAYA BABARA BATEZE ABAGABO KU MIHANDA MYINSI YA BEIJING MURI CHAINA.

MURI JAPAN UMURWA MUKURU TOCYO NAHO IKI GIKORWA KIMAZE IMINSI GIKORWA CYANE N’UBURYO BASHAKA BWO GUCA INDAYA KUGIRANGO ZISHAKE IBINDI BAKORA BITARI UKWIRIRWA KU MUHANDA BATEGEREJE ABAGABO.

MURI UGANDA UMUNYEDINI UKOYE W’UMUSILAMU YAGUWE GITUMO ARIMO GUTERA AKABARIRO UMUGORE WA BANDI NDETSE MURUGO RWUMUGABO UYU MUGABO ASAZWE ARI HAJI WUZUYE AFITE NAKAZI GAKOMEYE AKORA MWIDINI YA ESILAMU MURI UGANDA.

UNDI MUKOBWA NAWE UKOMOKA MURI KENYA KUMUNSI WA 4 YASHIZE HANZE AMAFOTO YAMBAYE UBUSA AYASHIRA KUMBUGA ZA INTERNET BIMUVIRAMO GUTABWA MURI YOMBI KUBERA GUKWIRA KWIZA AMAFOTO YE ATAMBAYE.

UWITWA JOSEPH NAWE BAMUFASHE ARI MUBYUMBA ABANTU BASAMBANIRAMO MURI KENYA KANDI BIRAVUGWA KO NAWE  YARAMAZE IGIHE ASAMBANA N’UMUGORE UTARI UWE AYA MAKURU YATANGIYE GUKWIRAKWIZWA MU GIHUGU CYA KENYA KUWA 5                                                                                                                                                                                                                                                                                                                                                                         

DORE ANDI MAFOTO ATANDUKANYE Y’UDUSHYA TWARANZE WEEKEND HIRYA NO HINO MURI EAST AFRICA>>>

POSTED BY KABANGO DIO HAMWE NA EMMY KURI RWANDAPAPARAZZI.RW/TV

The post Udushya Nudukoryo twaranze weekend,Indaya zarafashwe ku byinshi na Police muri Japan n’ubushinwa,Uganda bimeze gute:AMAFOTO>> appeared first on Rwanda Paparazzi.

Ntabwo bikiri ibanga Rihana ari Murukundo na Drake nyuma yo gutandukana nu muherwe uzwi nka HASSAN JAMEEL:INKURU>>

By Uwineza Vanessa

Rihanna birakekwa ko nyuma yo kuva mu rukundo n’umuherwe Hassan Jameel,  yaba yasubiranye na Drake batacanaga uwaka mu mezi ashize. Ibi byagaragaye ubwo aba bombi bari kumwe mu mujyi wa Ney York bari mu byishimo bigaragarira amaso.

Robyn Rihanna Fenty uzwi kw’izina rya Rihanna yagaragaye ari kumwe na Drake. Muri weekend ishize nibwo hasohotse amakuru avuka ko Rihhana yagaragaye ari gukururana n’umu rapperi Drake ndetse bishimiranye bikomeye. Ibi byagaragaye nyuma y’iminsi mike hatangajwe inkuru y’uko Rihanna yatandukanye na Jameel bari bakundanye imyaka itatu.

Rihanna wamaze kugaragaza ko yakiriye itandukana rye n’umuherwe Jameel, amaze iminsi ari gukururana n’ibyamamare mu muziki bitandukanye. Mu cyumweru cyashize Rihanna yari yagaragaye nanone akururana bya hafi n’umu rapperi A$AP Rocky ubwo bari mu birori byitwa Yams Day Benefits byaberaga mu mujyi wa New York. Iby’aba bombi byaje kuvugwaho cyane byuririye ku umubano wabo mu mwaka wa 2013, ubwo Rihanna na A$AP basomanaga inyuma ya camera bari mu gikorwa cyo gufata amashusho y’indirimbo.

Gusa ubu inkuru nshya nuko uyu mukobwa wagacishijeho n’icyamamare Chris Brow mu myaka ya 2008, ubu ari mu rukundo na Drake. Drake yakunze kugaragaza urukundo akunda Rihanna gusa bikarangirira aho kuko Rihanna atabyitagaho. Ibi byaje kurangira babwiranye nabi cyane kubera uyu mukobwa yari akiri mu rukundo na Chris Brown, bityo akabona Drake ababangamira.Ibi byatunguye abantu kuko Drake usanzwe akunda Rihanna, yatangarije The Shop ko Rihanna atakiba mu bitekerezo bye. Ese baba bajyiye kwiyunga ? Muri 2018 Drake yagize ati «Nkuko ubuzima buhindura isura bukanakwigisha amasomo yawe ubwawe, njye sinkiri muri ibyo bihe na Rihanna. Kandi ibi ni nkaho ari byo byiza » yongeyeho ati «Ku mpapuro bigaragara neza cyane kuvuga ngo Drake yatangiye kubana na Rihanna nk’umugore n’umugabo. Gusa nanjye nabayeho mbyifuza »

Nubwo ku ruhande rwa Rihanna cyangwa Drake nta n’umwe uragira icyo atangaza, ikigaragara nuko hagati y’aba bombi hazahoramo urukundo nk’uko Drake akunda kubivuga. Ikibigaragaza nuko batajya barekurana kabone nubwo barakaranya barongera bakiyunga.

Mu Ukuboza umwaka ushize nibwo ari kuganira n’umunyamakuru wa Rap Radar, Drake yatangaje ko nta rwango agifitanye na Rihanna. Yagize ati «Mugirira urukundo kandi rwinshi ikirenze kuri ibyo ndamwubaha», yongeyeho ati «Mutekerezaho nk’umuryango kurusha ikindi ibindi byose.»

POSTED BY UWINEZA VANESSA KURI RWANDAPAPARAZZI.RW/TV

The post Ntabwo bikiri ibanga Rihana ari Murukundo na Drake nyuma yo gutandukana nu muherwe uzwi nka HASSAN JAMEEL:INKURU>> appeared first on Rwanda Paparazzi.

Umugore yakoreye ihohotera Umugabo Umukuru Igitsina Umugabo avuza induru umugore atabwa muri yombi!!! inkuru>>>

By Uwineza Vanessa

Polisi yo mu gace kitwa Kapiri Mposhi mu gihugu cya Zambia yataye muri yombi umugore w’imyaka 19 witwa Mulenga Chanda wakuruye igitsina cy’umugabo we John Mwale, w’imyaka 51, kugeza ubwo ataye ubwenge.

Uyu mugore yakoze aya mahano kuwa Kabiri w’iki cyumweru nyuma y’aho uyu mugabo bashakanye amusabye ko batera akabariro undi akabyanga amubwira ko atahahiye urugo,intambara irarota,uyu mugore yitabara amukurura igitsina kugeza ataye ubwenge kubera uburibwe.

Nkuko ibinyamakuru byo muri Zambia bibivuga,uyu mugabo yasabye uyu mugore we ko batera akabariro arabyanga,niko guhita amusumira atangira kumukubita,umugore yumvise inkoni zimurembeje ahita afata igitsina cye aragikurura mpaka umugabo ataye ubwenge.

Umugabo yahise ajyanwa igitaraganya ku bitaro by’akarere bya Kapiri Mposhi yataye ubwenge.Polisi yavuze ko aya mahano yabereye mu rugo rw’uyu muryango mu gace ka Kawama.

POSTED BY KAGABO DEO KURI RWANDAPAPARAZZI.RW/TV

The post Umugore yakoreye ihohotera Umugabo Umukuru Igitsina Umugabo avuza induru umugore atabwa muri yombi!!! inkuru>>> appeared first on Rwanda Paparazzi.

Ibya Oda Paccy na Lick Lick namayobera!! Paccy yakuriye inzira ku murima abamuvugaho gushaka Gusubirana na Lick lick:INKURU>

By Uwineza Vanessa

Umuhanzi mu njyana ya Hip Hop, Oda Paccy avuga ko abumva ko yarekeraho kuvugana na Producer Lick Lick, babyaranye umwana w’umukobwa, basubiza amerwe mu isaho n’ubwo ngo nta rukundo rukiri hagati yabo.

Ku mbuga nkoranyamabaga hamaze iminsi haciciakana amakuru y’abantu bavuga ku butumwa Paccy yahaye Lick Lick ku wa 1 Mutarama 2020. Benshi babifashe nko kuba ari ugushaka kongera kwigarurira umutima w’uyu mugabo wibera muri Leta Zunze Ubumwe za Amerika.

Aganira na KT Radio, Paccy yavuze ko nta kindi agamije kitari ukuvugana na Lick Lick ku buzima bw’umukobwa wabo, Linka Mbabazi. Yateye utwatsi iby’abamushinja gushaka kongera gukundana na Lick Lick. Avuga ko akora ibyo byose kugira ngo uwo mukobwa azakure afite urukundo rw’ababyeyi bombi.

Ati ” Nzakomeza kumwereka [Lick Lick] urukundo mu ruhame kandi nta kintu na kimwe cyabimbuza kuko dufite ikintu kiduhuza kandi kitazapfa kwibagirana. Ibyo ntibivuze ko nshaka ko dusubirana cyangwa ko twongeye gukundana nk’uko abantu babivuga.”

Paccy na Lick Lick bayabyaranye mu 2011 gusa nyuma baje kugirana umubano mubi. Hahimbwe n’indirimbo zitirirwa ko zirimo gucyurirana.

Aba bombi byagaragaye ko bagiye kuzajya bahuzwa n’ibiganiro ku mwana wabo gusa nyuma y’aho Lick Lick (Isaac Mbabazi) agiye kuba muri Amerika ndetse na byinshi mu bihangano birimo iby’abahanzi nka The Ben na Meddy abikorera muri icyo gihugu.

Oda Paccy ni umwe mu bahanzikazi bagaragaje ko bashoboye mu ruhando rwa muzika nyarwanda. Afite indirimbo nka Miss Independent, Touch my Body n’izindi zagiye zikundwa na benshi.

POSTED BY EMMY KURI RWANDAPAPARAZZI.RW/TV

The post Ibya Oda Paccy na Lick Lick namayobera!! Paccy yakuriye inzira ku murima abamuvugaho gushaka Gusubirana na Lick lick:INKURU> appeared first on Rwanda Paparazzi.

Amerika iravuga ko uwasimbuye Gen Soleimani nawe atazamara kabiri adapfuye:INKURU>>

By Uwineza Vanessa

Intumwa idasanzwe ya Leta Zunze Ubumwe za Amerika yatangaje ko uwasimbuye Gen. Qasem Soleimani nawe yiriwe ataraye mu gihe yakomeza kugendera mu nzira nk’iz’uwo yasimbuye nk’uko bitangazwa n’ikinyamakuru Asharq al-Awsat.

Umwuka mubi hagati ya Washington na Tehran warushijeho gufata intera kuva Amerika yakwivugana Gen Qasem Soleimani wari umwe mu bayobozi bakuru b’Ingabo za Iran mu gitero cya drone I Baghdad mu ntangiriro z’uku kwezi. Iran na yo yagerageje kwihimura irasa ku birindiro birimo ingabo za Amerika muri Irak ariko ntihagira umusirikare uhapfira.

Perezida Donald Trump yatanze amabwiriza yo kwicira Soleimani ku itariki 03 Mutarama, ku Kibuga cy’indege cy’I Baghdad avuga ko uyu mugabo wayoboraga umutwe kabuhariwe wa Quds yari arimo gutegura ibitero ku buzima bw’Abanyamerika.

Gen. Esmail Qaani, wari wungirije Soleimani akaba yarahise amusimbura ku buyobozi bwa Quds ashyizweho n’Umuyobozi w’Ikirenga wa Iran Ayatollah Ali Khamenei.

Gen Qaani akaba aherutse gutangaza ko Amerika yishe Soleimani mu buryo bwa kigwari ariko k obo bazamuhorera kigabo.

Intumwa idasanzwe ya Leta Zunze Ubumwe za Amerika muri Iran, Brian Hook, yabwiye ikinyamakuru Asharq al-Awsat ko “Esmail Qaani nakurikira inzira nk’iy’uwo yasimbuye yo kwica Abanyamerika azahura n’urwo Soleimani yahuye narwo”.

Muri icyo kiganiro yatangiye I Davos, mu Busuwisi, Hook yavuze ko Perezida Trump yari yabisobanuye neza ko igitero cyose ku Banyamerika cyangwa ku nyungu za Amerika kizakurikirwa n’icyemezo gikarishye.

Ati: “Ndatekereza ko ubutegetsi bwa Iran ubu bwumva ko badashobora gutera Amerika ngo babicike.”

Ubwo yamushyiragaho ngo asimbure Soleimani, Ayattolah Khamenei yasobanuye Qaani nk’umwe mu bayobozi b’ingabo bitwaye neza bagahabwa imidari mu Ntambara ya Iran na Irak kuva mu 1980 kugeza mu 1988.

Yongeyeho ko inshingano za Quds zizakomeza kumera uko zari zimeze ku buyobozi bwa Soleimani, asaba abagize uyu mutwe kumufasha gusohoza inshingano ze, amwifuriza amahirwe.

Uku kwezi dusoza kwa Mutarama kwabaye ikigeragezo gikomeye kuri Iran, aho habuze gato ngo ijye mu ntambara na Leta Zunze Ubumwe za Amerika igakora ikosa ryo kurasa indege ya gisivili yo muri Ukraine abantu 176 bari barimo bose bagapfa.

Umwuka mubi hagati y’ibi bihugu ariko wari watangiye kugaragara mu Ukuboza nyuma y’ibisasu byarashwe ku birindiro bya Amerika muri Irak bigahitana umuturage wa Amerika.

Amerika yasubije igaba ibitero by’indege ku nyeshyamba zishyigikiwe na Iran zikorera muri Irak bihitana umwe mu bayobozi ba zo, bituma Ambasade ya Amerika I Baghdad igotwa ndetse yigarurirwa akanya gato n’abashyigikiye izo nyeshyamba.

POSTED BY EMMY KURI RWANDAPAPARAZZI.RW/TV

The post Amerika iravuga ko uwasimbuye Gen Soleimani nawe atazamara kabiri adapfuye:INKURU>> appeared first on Rwanda Paparazzi.

Pasiteri Yakundanye n’umukobwa , Agashyira hanze amafoto Yambaye ubusa agiye gufungwa:AMAFOTO>>

By Uwineza Vanessa

Pasiteri akaba n’umuhanzi Moïse Mbiye, umuyobozi w’itorero rya Cité Bethel riri mu murwa wa Kinshasa, watamajwe n’umukobwa bakundanye witwa Eliane Bafeno, ari gukurikiranwa n’urukiko nyuma yo gushinjwa ibyaha birimo gufata ku ngufu.

Iki cyaha n’ibindi birimo gukangisha kwica, gukuzamo inda byose ashinjwa kubikorera Eliane Bafeno wigeze gushyira hanze amafoto y’igihe bari bakundanye, bombi bambaye ubusa, bigakekwa ko yabitewe n’ibyo yamukoreye bataratandukana, gusa uyu pasiteri yavuze ko ntaho ahuriye nabyo.

Inkuru ya Radio Okapi ivuga ko iby’iki kirego byatangiye gukurikiranwa ku mugaragaro ejo tariki ya 21 Mutarama 2020, gusa ibiro by’ubushinjacyaha bwa La Gombe buvuga ko bwacyakiriye bwa mbere tariki ya 15 Mutarama, gikurikiranwa mu ibanga, nk’uko biteganywa n’amategeko.

Pasiteri Mbiye ari gukurikiranwa ariko hari amakuru aturuka kuri News.CD y’ejo tariki ya 21 avuga ko yamaze gufata indege, ajya i Londres mu Bwongereza, bikaba bishoboka ko ari iby’uru rubanza yahunze.

POSTED BY EMMY KURI RWANDAPAPARAZZI.RW/TV

The post Pasiteri Yakundanye n’umukobwa , Agashyira hanze amafoto Yambaye ubusa agiye gufungwa:AMAFOTO>> appeared first on Rwanda Paparazzi.

NTIBISANZWE: Dr. Besigye urwanya Museveni yaciye agahigo ko kuba uwa mbere ku isi watawe muri yombi Icuro nyinshi:INKURU>>

By Uwineza Vanessa

Umunya-Uganda Col. Dr. Kizza Besigye utavuga rumwe n’ubutegetsi bw’ishyaka NRM rya Perezida Yoweri Kaguta Museveni, yaciye agahigo ko kuba umuntu wa mbere ku isi watawe muri yombi incuro nyinshi.

Ni nyuma yo kwinjira mu gitabo ‘Guiness des Records’ kijyamo abantu bakoze uduhigo twihariye kurusha abandi ku isi.

Muri 2016 ni bwo Dr. Kizza Besigye yinjiye muri iki gitabo, nyuma yo kuba umuntu wa mbere ku isi uzwi watawe muri yombi incuro nyinshi kurusha ababayeho. Ni nyuma y’uko uyu mugabo yari amaze gutabwa muri yombi incuro 15 zose mu mwaka umwe.

Besigye si igisambo, umwicanyi cyangwa undi munyabyaha ruharwa wese, gusa inyota yo gukura Museveni ku butegetsi amaranye igihe ni yo ituma atabwa muri yombi umusubirizo n’inzego z’umutekano muri Uganda.

Ku wa mbere w’iki cyumweru na bwo uyu mugabo yatawe muri yombi n’inzego z’umutekano za Uganda, ubwo yari mu gace ka Jinja hizihizwa isabukuru y’imyaka 15 ishyaka akuriye rimaze rishinzwe.

Nk’umuyobozi w’icyubahiro, Dr. Besigye yagombaga kugeza ijambo ku bari bitabiriye biriya birori, gusa ku masaha y’igicamunsi we n’abarwanashyaka be bisanga bagabweho igitero na Polisi ndetse n’ingabo za Uganda baje babaminjamo ibyuka biryana mu maso, Besigye ajyanwe mu buroko.

Iyi ni incuro irenga iya 50 uyu wahoze ari umutoni wa Perezida Museveni yari atawe muri yombi mu buzima bwe bwose. Izi ncuro zose Dr. Besigye yatawe muri yombi nta na rimwe yigeze akatirwa igifungo kubera ibyaha ashinjwa.

Ubusanzwe mu mateka y’isi hari abafunzwe kenshi kurusha Dr. Besigye nk’Umunyamerika, Henry Earl wafunzwe inshuro zigera ku 1500, gusa bo ntibigeze bandikwa mu gitabo cy’uduhigo (Guiness des Records) nk’uko byabaye kuri uyu munyapolitiki w’Umugande.

Colonel Dr. Kizza Besigye yabaye umutoni wa Perezida Yoweri Kaguta Museveni igihe kirekire, dore ko yigeze kuba umuganga we wihariye. Yanabaye Minisitiri w’umutekano w’imbere mu gihugu cya Uganda, nyuma gato y’intambara ya NRA.

Magingo aya, akuriye ihuriro ry’abatavuga rumwe n’ubutegetsi bwa Perezida Yoweri Kaguta Museveni, bakomeje gukora iyo bwabaga ngo bakure uyu mukambwe ku butegetsi yagezeho mu 1986.

POSTED BY EMMY KURI RWANDAPAPARAZZI.RW/TV

The post NTIBISANZWE: Dr. Besigye urwanya Museveni yaciye agahigo ko kuba uwa mbere ku isi watawe muri yombi Icuro nyinshi:INKURU>> appeared first on Rwanda Paparazzi.

JAY POLLY YIHANANGIRIJE BAD RAMA UVUGA KUMWIRUKANA AMUHORA UBUSINZI

By Uwineza Vanessa

Jay Polly yatangaje ko nta Bad Rama yishe amasezerano bari bagiranye mbere y’uko ajya gukorana na we. Jay Polly ibi yabwiye abanyamakuru  bari barumvikanye gukoresha RWF 2.000.000 kuri buri ndirimbo maze we agashora ibihumbi 250.000 gusa.

Tuyishime Joshua uzwi nka Jay Polly mu ibaruwa yandikiye The Mane, yavugaga ko muri iyi nzu hari ikibazo cy’ubumenyi buke bw’icunga n’ireberera ry’inyungu, (Management) rikennye kuri Aristide Gahunzire. Ubwo yavaga muri America akigera i Kanombe ku kibuga mpuzamahanga ni ho Bad Rama yabwiye itangazamakuru ko Jay Polly yamuhombeje ndetse akanamuhombera mu bikorwa bagiye bakorana.

Bad Rama yagize ati”Umuntu yishe amasezerano bwa mbere ava muri akimara kuva muri gereza, naraye ijoro ryose nicaye ansezeranya ariko umuntu umunsi wa mbere asohotse arasinda.” Uyu mugabo watanjyiranye na Jay Polly mu ntangiriro za 2019 akimara kuva muri gereza ho yari afungiye azira gukubita no gukomeretsa umugorewe Sharrif.

Gusa Jay Polly kuri uyu wa mbere ubwo yari kuri Televiziyo yo mu Rwanda, yavuze ko ibyo we arebana na byo ari amasezerano kandi ko Bad Rama na Aristide, ureberera ibikorwa bya The Mane muri rusange, ko bishe nkana amasezerano bari baragiranye batangira gukorana.

Yagize ati”Nk’indirimbo Umusaraba wa Joshua, yayishyuye RWF 250.000. Naravuze nti wenda nuko ari bwo tugitangira ariko yishe amasezerano.” Yakomeje agira ati “Indirimbo ya kabiri ntiyayishoutinze(ntiyayifatiye amashusho). Iya gatatu arambwira ngo ninkore indirimbo ibyinitse arko nayo ntiyayifatira amashusho”

Jay Polly avuga ko yagiye atungurwa n’uburyo Bad Rama yamusebeje mu banyamakuru kandi ko aatari byiza kuko na we afite byinshi amuziho. Mu kiganiro yatanze yakomeje avuga ko Bad Rama akwiye kubanza akagan inkiko mbere yo kuvuga ibyo yiboneye mu ’itangazamakuru.

Akomeza gira ati”Yari kuza akarambura amasezerano dufitanye akavuga ati Jay Polly yarajyiye yishe amategeko dore ngibi ibyo yagombaga kubahiriza yishe kandi agomba kubihanirwa. Nibaza ko Atari akwiye kuza mw’itangazamakuru mbere yo kujya mu rukiko kko mw’itangazamakuru siho baregera yagakwiye kujya mu rukiko akarega abantu ko bamwiciye amasezerano.”Jay Polly wavugaga ariko adasebya The Mane, yagaragaza ko impapuro ari zo z’ibanze hakarebwa ibyumvikanyweho kurusha gusebanya. Yakomeje avuga ko hari indirimbo bamwe mu bahanzi bo muri The Mane biyishyurira kandi ibyo ntibiba biri mu masezerano. Jay Polly akomeza avuga ko Bad Rama akimara kumva ibyo kuva muri The Mane kwa Jay, ko yamwandikiye amagambo mabi ataramushimishije. Yagize ati”Yaranyandikiye ambwira ngo izina ryanjye agiye kurisenya”.

Jay Polly yasoje avuga ko The Mane imurimo umwenda kandi yakagombye kuba yishyuza. Abajijwe icyo abivugaho yagize ati”Nakabaye mwishyuza kuko hari n’ama conerts (ibitaramo) menshi atanyishyuye, ariko naravuze nti umwaka 2020 uratangiye, reka ibibazo bipapare(birangire).” Abajijwe niba hari cyo agomba The Mane yavuze ko niba gihari bakwiye kujya mu nkiko.

Twabibutsa ko Jay Polly avuga ko yashyikirije ibaruwa ye isezera mu nzu ifasha abahanzi ya The Mane tariki ya 13 Mutarama 2020, gusa The Mane yo ivuga ko yamwirukanye atigeze asezera. Jay Polly ni umuhanzi wa kabiri usezeye muri The Mane nyuma ya Safi Madiba.

Posted by emmy kuri Rwandapaparazzi.rw/tv

The post JAY POLLY YIHANANGIRIJE BAD RAMA UVUGA KUMWIRUKANA AMUHORA UBUSINZI appeared first on Rwanda Paparazzi.

Abantu bane bakekwaho ubujura bishwe barashwe Muri Rwamagana:INKURU>>

By Uwineza Vanessa

Amakuru agera kuri Bwiza.com ni uko abaturage bane bataramenyekana amazina, bishwe barashwe n’abasirikare b’u Rwanda bari mu bikorwa byo gucunga umutekano mu Murenge wa Nyakariro mu Karere ka Rwamagana mu rukerera rwo kuwa 20 Muratama uyu mwaka.

Umwe mu baturage batuye muri ako gace ibi byabereyemo yabwiye Bwiza.com ko aba baturage barashwe ubwo bitwikiraga ijoro bakajya kwiba mazutu (mazout) aho Abashinwa bari kubakwa urugomero rw’amashanyarazi.

Avuga ko ubwo abasirikare bari bacunze umutekano w’ijoro, babafataga bashatse kubarwanya bikabaviramo kuraswa.

Aragira ati “ Abo bantu bane bararashwe mu rukerera rw’ejo. Abo bagabo bari abajura ba mazutu ku mushinwa ahari gukorerwa urugomero rw’amashanyarazi. Ubuyobozi bwari bwarabihanangirije. Twumvise ko bari baturutse mu bice bya Bicumbi muri Rwamagana.”

Undi muturage na we yatangarije Bwiza.com ko abarashwe bari mu bikorwa by’ubujura.

Ati “ Twumvise amakuru ko abo bajura bane barashwe. Ntituramenya amazina yabo gusa hari uwo nzi witwa Muberandinda w’umusaza utuye za Rugende aho bita mu Bihembe muri Nyakariro.”

Aba baturage bavuga ko abishwe bari bushyingurwe kuri uyu wa 21 Mutarama 2020.

Kuko iri raswa ry’aba bantu bane bivguwa ko ari abajura rijyanye n’Umutekano, Bwiza.com yabajije Umuvugizi wa Polisi mu Ntara y’Iburasirazuba, CIP Hamdun Twizeyimana avuga ko iraswa ry’abo bantu bane ryabayeho, ariko ko barashwe n’igisirikare, bityo ko bitari mu nshingano ze.

Umuvugizi w’Ingabo z’u Rwanda, Lt. Col. Innocent Munyengango yatangarije Itangaza makuru ko ayo makuru atarayamenya. Twamusabye ko naramuka ayamenye, yayatugezaho, ni ubusabe yemeye.

Byinshi kuri iri raswa Bwiza.com iraza gukomeza kubikurikirana.

Humvikana amakuru hirya no hino avuga abafatiwe mu cyaha bagashaka kurwanya inzego z’umutekano. Ni ikibazo by’umwihariko polisi ikunze kugarukaho ivuga ko abaturage bakwiriye gukomeza kwirinda ibyaha.

Izi nzego z’umutekano kandi zikangurira aba bakekwaho ibyaha gukorana (cooperation) nazo kugira ngo hirindwe inkurikizi.

bwiza.com

POSTED BY KAGABO DEO KURI RWANDAPAPARAZZI.RW/TV

The post Abantu bane bakekwaho ubujura bishwe barashwe Muri Rwamagana:INKURU>> appeared first on Rwanda Paparazzi.

Ibyihariye kuri Kobe Bryant wapfuye arikumwe n’umukobwa we yateguraga kuzaba icyamamare muri Basket(Amafoto)

By Niyomukiza Hirwa Hassan

Icyamamare mu mukino wa Basketball Kobe Bryant hamwe n’umukobwa we Gianna Maria Onore Bryant bari mu bantu icyenda bapfuye mu mpanuka y’indege ya kajugujugu yaguye ahitwa Calabas muri California.

Kobe w’imyaka 41, yagendaga mu ndege bwite ubwo iyi ndege yahanukaga igafatwa n’inkongi.

Umuyobozi wa polisi mu mujyi wa Los Angeles yatangaje ko nta muntu warokotse muri iyi ndege.

Kobe n’umukobwa we baguye mumpanuka

Bivugwa ko iyi ndege yari irimo abantu icyenda, umupilote umwe n’abagenzi umunani.

Katrina Foley, mayor w’umujyi wa Costa Mesa aho iyi mpanuka yabereye yatangaje undi muntu umwe waguye muri iyi mpanuka.

Uwo ni umutoza w’ikipe y’abakobwa Christina Mauser. Uyu ni umugore w’umuririmbyi Matt Mauser nawe wemeje urupfu rw’umugore we.

Kobe yatwaye ibikombe bitanu bya shampiyona ya Amerika, NBA, ari mu ikipe ya LA Lakers ari nayo yakiniye yonyine.

Afatwa nk’umwe mu bakinnyi bakomeye babayeho mu mateka ya Basketball ku isi.

Abantu benshi, barimo abakomeye, batangaje ubutumwa bw’akababaro batewe n’urupfu rutunguranye rwa Kobe Bryant bakundaga kwita ‘Black Mamba’.

Mu mikino ya Basketball yose yabaye mu ijoro ryakeye muri Amerika habanje umwanya wo guceceka bamwibuka.

NBA yasohoye itangazo imenyesha ko “ibabajwe cyane n’urupfu rwa Kobe Bryant n’umukobwa we Gianna wari ufite imyaka 13 gusa”.

Kobe n’umuryango we

Asize umugore we Vanessa Laine n’abana batatu b’abakobwa; Bianka Bella Bryant, Capri Kobe Bryant na Natalia Diamante Bryant w’amezi arindwi gusa.

Ibyo wamenya kuri iyi mpanuka

Hari amakuru avuga ko Kobe Bryant n’umukobwa we bari bagiye mu myitozo ku ishuri ryigisha Basketball Kobe Bryant yashinze ryitwa Mamba Sports Academy ahitwa Thousand Oaks.

Kugeza ubu, biracyekwa ko iyi mpanuka yaba yatewe n’ikirere kibuditse ibihu byinshi cyari cyaramutse mu gitondo cyo ku cyumweru i Los Angeles.

Ikinyamakuru cy’imyidagaduro TMZ kivuga ko umupilote wari utwaye indege ya Kobe yazengurutse inshuro zirenga esheshatu mu kirere areba niba indege barimo ishobora gukora urugendo.

Indege barimo yaguye ku isaha ya saa yine z’igitondo muri California, hari saa yine z’ijoro ku isaha yo mu Rwanda . Hari hashize iminota irenga itarenga 30 ihagurutse.

Itangazo rya polisi ya California rivuga ko iyi ndege yaguye ahantu hadatuwe kandi ikaba nta muntu yasanze ku butaka aho yaguye.

Gavin Masak, utuy hafi y’aho iyi ndege yaguye yabwiye ikinyamakuru CBS News uko byagenze.

Ati: “Ntabwo humvikanye guturika gukomeye gusa byumvikanye. Nahise mbyumva ko ari indege ya kajugujugu, nahise njya mu nzu mbibwira data.

Nsohotse nabonye umwotsi ku musozi ntabwo wari umwotsi w’umukara, wari umwotsi ujya kuba umweru”.

Ikigo gishinzwe ubwikorezi mu ndege muri Amerika cyatangaje ko cyohereje abantu bakora iperereza ngo bagenzure iby’iyi mpanuka.

Kobe yari umukunzi w’umupira w’amaguru

Kobe Bean Bryant yavukiye I Philadelphia muri leta ya Pennsylvania, se Joe Bryant yabaye umukinnyi muri NBA mu makipe nka Philadelphia 76ers na Houston Rockets, ubu ni umutoza.

Kobe yatangiye basketball ari umwana muto, ariko agakunda no gukina no kureba umupira w’amaguru, bivugwa ko ari muto yakundaga cyane ikipe ya AC Milan.

Mu byo yagezeho nk’umukinnyi harimo ibikombe bitanu bya shampiyona ya Amerika, MVP inshuro ebyiri mu mikino ya nyuma ya NBA, umukinnyi watsinze amanota menshi muri shampiyona inshuro ebyiri, n’imidari ibiri olempike ya zahabu.

Yibukwa cyane ubwo yatsindaga amanota 81 mu mukino batsinzemo Toronto Raptors mu 2006, wa kabiri mu gutsinda amanota menshi ku muntu umwe mu mateka ya NBA, inyuma ya Wilt Chamberlain watsinze 100 mu 1962.

Yahawe igihembo cya Oscar mu 2018 kubera filimi ntoya ibara inkuru y’ubuzima bwe mu mashusho ashushanyije ishingiye ku ibaruwa yandikiye umukino wa Basketball ubwo yawusezeragaho mu 2015.

Mu 2003 , umukobwa w’imyaka 19 wakoraga muri hoteli yashinje Kobe kumufata ku ngufu.

Kobe yahakanye ibyo yaregwaga yemeza ko baryamanye ku bwuvikane bwa bombi, nyuma uyu wamuregaga yanze gutanga ubuhamya mu rukiko, urubanza rurahagarikwa.

Nyuma, Kobe yasabye imbabazi, avuga ko uwo mukobwa “atafashe ibyabaye nk’uko we yabifashe”. Iby’iki kibazo byakemuriwe hanze y’inkiko.

Ibyo abantu batandukanye bavuga kurupfu rwa Kobe Bryant

Ubutumwa bw’akababaro bukomeje kwisukiranya ku mbuga nkoranyambaga nyuma y’iyi nkuru y’urupfu rw’icyamamare Kobe.

Icyamamare muri uyu mukino Michael Jordan yatangaje ko ababajwe cyane n’inkuru y’urupfu rwa Kobe n’umukobwa we Gianna.

Ati: “amagambo ntiyasobanura agahinda mfite. Nakundaga Kobe, yari murumuna wanjye. Twavuganaga kenshi, nzakumbura ibyo biganiro cyane”.

Shaquille O’Neal, bakinanye muri Lakers hagarti ya 1996 na 2004 yavuze ko “nta magambo ashobora gusobanura agahinda afite”.

Yanditse kuri Instagram ati: “Ndagukunda kandi nzagukumbura”.

Deron Williams batwaranye umudari olempike wa zahabu yavuze ko Kobe ari “umukinnyi ukomeye cyane bakinnye bahanganye kandi bagakina bari kumwe”.

Tony Parker wahoze akina Basketball muri San Antonio Spurs yavuze ko “ashengutse umutima”.

Perezida Donald Trump ati: “Iyi ni inkuru ibabaje cyane”

“Yakundaga umuryango we cyane, kandi yari afite intego zikomeye kuri ejo hazaza. Gupfana n’umukobwa we Gianna, byarushijeho kuba ibintu bibi cyane”.

Barack Obama wahoze ari perezida wa Amerika yanditse kuri Twitter ko Kobe yari “igihanange mu kibuga” ko “yari ari gutangira ikiciro cya kabiri cy’ubuzima”.

Usain Bolt icyamamare mu gusiganwa ku maguru, yatangaje ko yumva atizeye ibyo ari kumva mu makuru.

Kobe Bryant hamwe n’umukobwa we Gianna Maria Onore Bryant bari mu bantu icyenda bapfuye mu mpanuka y’indege

Umuhanzi Kanye West yanditse kuri Twitter ashima ubuzima bwa Kobe no kuba yarabereye benshi ikitegererezo.

Abafana benshi ba Basketball bahise bajya kuri stade ya Staples Center i Los Angeles bahashyira indabo n’imipira ya Basketball bazirikana Kobe.

Rubavu: ‘Superman’ indirimbo ya Sages’B yamaganwe kubera umukobwa wambaye ibisa n’ubusa.

By Ndekezi Jonhson

Sages’B yongeye gukora indirimbo Y’urukundo  “Superman” yifashishije  umukobwa usa nk’uwambaye ubusa mu mashusho aho benshi mu bayibonye bari guhamya ko uyu muhanzi asa nk’uwatatiye umuco.

Sages’B yavuze ko muri iyi ndirimbo nta nka yaciye amabere kuko n’abakobwa bo hambere bambaraga ubusa kandi ntihagire ubarangarira.

“Adam na Eva muri Eden bambaraga ubusa, abakurambere bacu byari uko ariko uyu mukobwa arambaye sinzi abavuga ko nishe umuco icyo bashingiraho”

nG’UYU UMUKOBWA UGARAGARA MU MASHUSHO Y’UYU MUHANZI URI GUKORA CYANE

Ishimwe Sagesse uzwi kw’izina yiyise rya  Sages’B mu muziki n’umuhanzi ukunzwe kuvugwa cyane mu mashusho akunda gukorera mu mujyi wa Goma muri DR Congo benshi bahamya ko ajya arenga ku ndangagaciro ku muco Nyarwanda ibintu we yamaganira kure akavuga ko ababivuga babiterwa n’ishyari.

Sage’B mu ndirimbo Superman

Amashusho yiyi ndirimbo yafatiwe ku mucanga wo ku Kivu ahazwi nko kuri Brasselie muri Gisenyi ayoborwa na Julien Wenga uri mubakomeye mu mujyi wa Goma.

Reba amashusho yindirimbo Superman ya Sages’B

Rippy Knoss umuhanzi ufitanye isano na Kitoko Bibarwa wifuza kwamamara mu muziki

By Ndekezi Jonhson

Gahunda mfite muri muzika n’iyo kwaguka nkanamenyekanisha ibikorwa byanjye ku bantu benshi bikaba byanangirira akamaro cyangwa bikanyinjiriza muyandi magambo.”

Ndungutse Innocent n’umuhanzi Nyarwanda uzwi kw’izina rya Rippy Knoss mu muziki, afite indirimbo zisaga 14 amaze gushyira hanze, yatangiye muzika mu mwaka wa 2012 ubwo yari afite imyaka 13 y’amavuko. N’umunyamuziki wihebeye uyu mwuga.

Mw’itangira inzozi z’urugendo mu muziki, ku myaka 13 yahereye mu kwandika uturirimbo turi mu njyana ya Hip Hop aha yaririmbiraga abana biganaga ndetse ku kagoroba yataramiraga bagenzi be bikamuruhura umutima.

Rippy Knoss avuga ko gukunda kwandika indirimbo yabikomoye ku njyana ya Rap yakuze akunda ngo hari n’ubwo yumvaga Radiyo icuranze indirimbo zo muri iyi njyana no kurya akabihagarika akiyumvira injyana icyesha roho nk’uko yitwa n’abayikora.

Rippy Knos ufite inzozi zo kuzaba icyamamare mu muziki

Uyu muhanzi avuga ko mu muryango avukamo harimo abandi banyamuziki barimo mukuru we akurikira uzwi nka Russel banakoranye indirimbo yitwa ‘Marigarita’ akaba anafitanye isano rya bugufi na Kitoko Bibarwa uyu arazwi cyane mu muziki wo mu Rwanda mu njyana ya Afrobeat.

Rippy Knoss amaze gushyira hanze indirimbo 14 zose ziri ku rubuga rwa youtube, usibye Marigarita yakoreye amashusho izindi zose ni Audios harimo ‘Dorral two’, ‘Fort retour’ , ‘Amateka yanjye’ , ‘Velozo’, ‘ Gagnant’ , ‘Queen of my heart’ n’izindi.

Avuga ko ibyamamare birimo Fireman,Riderman, Khaligraph Jones bari mubo afatiraho icyitegerererezo ku buryo hagize uwo bakorana indirimbo byasa nk’amata abyaye amavuta.

Rippy Knoss avuga ko ataratekereza kumurika umuzingo ku mugaragaro kuko ari umushinga ugomba gutegurwa usaba ubufasha bw’abantu batandukanye barimo Itangazamakuru, aba Producers beza ndetse n’abamufasha kuyimenyekanisha kinyamwuga.

Marigarita indirimbo ya Rippy Knoss yakoranye na mukuru we Russel

Ushobora kuba warabonye iyi foto!Amaze kuba ikimenyabose kubera ifoto yafotowe amaze gukina urusimbi bamuriye ibiceri 520frw bya nyirakuru

By Niyomukiza Hirwa Hassan

Abakoresha imbugankoranyambaga, abenshi ndizera ntashidikanya ko babonye iyi foto, ni ifoto imaze kwamamara cyane yakwiriye isi yose iturutse muri Nigeria.

Ni ifoto igaragaza umwana w’umuhungu ababaye cyane, arikurira, yazanye utumwira mu mazuru, yuzuye ibyunzwe ubona n’imitsi yireze.

Benshi bakoresha iyi foto nka emoji bashaka kugaragaza umuntu wababaye cyane, nubwo abantu benshi bayikoresha ntibazi inkomoko yayo.

Iyi foto nawe ushobora kuba uyizi cg uyikoresha nka emoji

Iyi foto n’iyu’umwana w’umusore wo mugihugu cya Nigeria, yitwa Olade, yafotowe muri 2009.

Abenshi bibaza icyo yari yabaye, Olade yari umwana w’imfubyi wibaniraga na Nyirakuru utishoboye, Nyirakuru yamutumye ku isoko guhaha, bari bamaze iminsi itatu batarya, amuha amafaranga 200 y’ama Naira(N200) uyashyize mu mafaranga y’u Rwanda ni (523frw)

Uyu mwana, Olamide yagiye aherekejwe n’inshuti ze, bageze ku isoko, babona ahantu hari abasore bari gukina urusimbi(kazungu nalala), babagenzibe barikumwe bamusaba ko yashyiraho ayo mafaranga bagakina, bamwizezako baribwunguke, ya mafaranga Olamide yarayakinywe yose bahita bayarya.

Abenshi bibaza icyo yari yabaye

Uyu musore amaze kuribwa, amafranga ya nyirakuru, yatekereje uburyo bari bamaze gatatu batarya, uburyo nyirakuru amafranga yari amuhaye, yari ayahawe n’umugiraneza wari uvuye ahantu kure, ni uko ahita yifata mu mutwe ararira, ifoto yafotowe uyu munsi, niyo irigukwira isi yose.

Abakunda gukoresha iyi foto bavugako, umutwe w’uyu mwana ari Passports itembera isi yose.

Ubu uyu musore yiga mu mashuri yisumbuye akina comedy muri Nigeria

Umutwe we wagiye ukoresha ku mafoto mesnhi

 

Kigali : Umusore yasabye umukobwa numero azimwimye arapfukama ararira ngo namugirire impuhwe (VIDEO)

By Niyomukiza Hirwa Hassan

Ntibisanzwe!ibi byabereye ku isoko rya Kimisagara mu mujyi wa Kigali, aho umusore yabonye umukobwa witambukiraga agiye guhaha akamwirukaho amusaba numero ya telephone.

Uyu mukobwa wabonaga ko afite gahunda yihuta, yahuye n’isanganya ubwo yahuraga n’umusore bivugwako yari yamukunze agashaka uburyo amukuraho numero ya telephone ngo bajye bakomeza kuvugana.

KANDA HANO UREBE VIDEO

Mu mashusho ikinyamakuru Ibyamamare.com twafashe, uyu mukobwa yatambutse kubasore babiri nabo wabonaga basa nabaje mu kazi kuri iri soko rya Kimisagara, uyu mukobwa yabanyuzeho barasigana ubona basa naho bashaka kumukurikira bose, umusore umwe muri aba wari wambaye ikabutura we yahise amurya inyomeko akura telephone mu mufuka ahereza umukobwa ngo namuhe numero ariko uyu mukobwa amubera ibamba kuko wabonaga yihuta.

Abari kuri irisoko bahise babatera imboni bitewe nuburyo uyu musore yagendaga yihuta, ni uko batangira kuvugira hejuru basaba uyu mukobwa kugira impuhwe akemera ibyo uyu musore yasabaga, ubwo nibwo umusore yahise ahagarara imbere yuyu mukobwa ni uko arapfukama, birangira umukobwa atanze numero, umusore asubira inyuma amwenyura.

Umusore yasabye numero bigera aho apfukama

Ntitwagize amahirwe yo kuvugisha uyu musore ngo tumubaze icyo yari agendereye.

Twegereye uyu mukobwa, tumubaza ibimubayeho nawe avugako abibonye nkuko natwe tubibonye, uyu mukobwa yatumbwiyeko yitwa Jossy Katness, ubusanzwe ngo ni umuhanzikazi.

Yagize ati “Uriya musore yansabaga numero abwirako ari umukunzi w’ibihangano byanjye, gusa uburo azinsabyemo nibyo ntakunze ninayo mpamvu wabonaga nanze kuzimuha, ariko kubera ukuntu yakomeje guhatiriza nagezeho aho ndazimuha, gusa ntiyigeze ambwira icyo azishakira.”

Uyu mukobwa twaje kumenyako ari umuhanzikazi witwa Jossy Katness

Umupadiri wo muri Diocese ya Kabgayi, kwifata byaramunaniye ahitamo kuva mugipadiri yishakira umugore

By Our Reporter

Padiri Habyarimana Andre Avellin ni Umupadiri wahoze akorera muri Diocese ya Kabgayi, ubu akaba yaravuye muri izo nshingano ajya gushinga urugo aho amaze kubyara abana 5.

Mu ijwi rituje rya Gipadiri, uyu mu Padiri aratanga ubuhamya bw’ubuzima yanyuzemo, ndetse n’icyamuteye guhindura inzira yari yararahiriye akiyemeza kujya gushaka.

Ni umupadiri usubizanya ubwitonzi, imwe mu mpamvu nyamukuru yatumye ava muri uyu murimo w’Ubusaseridoti ni uko umutima we wamukomanze ubwo yari amaze gusoma Missa, maze akiyemeza gusohoka akigendera.

Padiri Habyarimana Andre Avellin ni Umupadiri wahoze akorera muri Diocese ya Kabgayi

Ati” Nasomye Missa umunsi umwe , nuko ntekereza ku ivanjiri nari maze gusoma aho ijambo ry’Imana rivuga ngo Muharanire kwinjira mu muryango ufunganye , kuko benshi bazaza bambwira ngo Nyagasani Nyagasani, twakoreye ibitangaza imbere yawe, twaririye mu maso yawe, twakijije abarwayi mu izina ryawe…. ntabwo ijuru rizinjiramo abavuga ngo Mwami Mwami , ahubwo abakora icyo nshaka…….”

Iryo jambo ryaransinze mu mutima wanjye , mpitamo gusohoka ndigendera.

Padiri Andre avuga ko yahawe Ubupadiri ku itariki ya 25 Nyakanga mu mwaka wa 2000, aza guhabwa kuyobora Paroisse zirimo nka Kinazi, Cyeza, Mushishiro ndetse no kuyobora ibitaro bya Kabgayi mu Majyepfo.

Mu magambo ye avuga ko we atinya kugenda yihishira mu byo akora . Ati” Abari bankuriye barimo Mgr Smaragde Mbonyintege yampamagaye kenshi akambaza ku makuru yamvugwagaho ko mfite abana, kuri njye sinigeze mbimuhakanira , kuko byari byo”

Padiri Andre avuga ko yari amaze kugira abana 2 yabyaye hanze, icyintu kitigeze cyimuha amahoro mu mutima we cyo gukomeza guhagarara imbere y’imbaga ababwira ko gusambana ari icyaha kandi nawe anyuzamo akabikora.

Padiri abajijwe niba kubaho umuntu adashaka atari ibintu bikomeye yasubije ko abantu badateye kimwe, buri wese agira aho intege nke ze zigarukira.

Ati” Mu ba Padiri twabanye rwose hariho ab’intahemuka bakomera ku ubumanzi bwabo, kandi bakabishobora. Gusa mbere yo kuba Padiri ubu uri umuntu kandi imbaraga nke ushobora kuzigira, nkuko nanjye byambayeho ngahitamo kureka gukomeza kwanduza isura yanjye na Kiriziya nari mbereye umupadiri”

Twababwira ko uwinjiye muri uyu murimo w’ubu Padiri kugira ngo yiyambure uwo mwamburo abanza kwandikira abakuriye Kiriziya Gatorika , ibaruwa ikagezwa i Roma akaba aribo bamwemerera cyangwa bamwangira kubireka nk’uko ingingo ya 399 mu gitabo kigenga amategeko ya Kiriziya Gatolika ibiteganya.

Ibi ni mu gihe Kiriziya Gatolika ivugwamo iki cyibazo cy’Abapadiri batihanganira isezerano ryabo ryo kutarongora, ahubwo bagahitamo kubyara, ndetse n’ikibazo cy’ubutinganyi cyidahwema kubavugaho.

Padiri Andre ubu ni umugabo ufite umugore n’abana batanu akaba atuye i Gihara, ndetse akaba akora mu Kigo kimwe cy’ubwishingizi mu Mujyi wa Kigali.

Rihanna, Dj Khaled, T.I, Beyonce na Jay Z bahuriye mu birori bitangiza Grammy Awards(Amafoto)

By S T O N E P a p a r a zz i

Abahanzi b’ibyamamare bari mu bakunzwe muri Leta zunze ubumwe za Amerika, bahuriye mu birori byo gutangiza itangwa ry’ibihembo bya Grammy Awards.

Grammy Awards ni ibirori ngaruka mwaka bihuriza hamwe abahanzi, abakinnyi ba cinema n’abandi bantu bafite aho bahuriye n’imyidagaduro.

Aba bahanzi bahuriye hamwe barasabana

Grammy Awards, nibyo bihembo biruta ibindi, mubihabwa abanyamuziki ku isi, bigiye gutangwa kunshuro yabyo ya 60.

Abahanzi b’ibikomerezwa barimo Jay Z, Beyonce, T.I, Rihanna, Dj Khaled n’abandi, ku mugoroba wo kuri uyu wa Gatandatu taliki ya 25 Mutarama 2020, bahuriye hamwe mu musangiro utangiza itangwa ry’ibi bihembo.

Beyonce n’umugabo we Jay Z

Biteganyijweko ibihembo bya Grammy Awards bizatangwa taliki ya 27 Mutarama 2020, mu muhango uzabera munyubako ya STAPLES Center mu mujyi wa Los Angeles, California muri Leta zunze ubumwe za Amerika, bizayoborwa na Alicia Keys

Dj Khaled na Rihanna
T.I na Rihanna

 

Fresh Gemmy afatanyije na Gisa Cy’Inganzo basohoye indirimbo nshya ‘Njye nawe’.Yumve

By Ndekezi Jonhson

Gisa Emma [ Fresh Gemmy] yasohoye indirimbo ye nshya yakoranye na Gisa Cyinganzo, n’indirimbo y’urukundo bise ‘Njye nawe’ iganisha ku rukundo rwa nyarwo ruzira umuvundo.

‘Njye nawe’ indirimbo nshya ya Fresh Gemmy yasohotse mu buryo bw’amajwi yumvikana Fresh Gemmy abwira umukunzi we ko bazibanira ubuziraherezo buzira gutandukana.

Gisa Cyinganzo mu nyikirizo ati :

“Ngaho mpereza dutembere kure nkwereke imisozi n’ibibaya Mamy, twibere muri Paradizo ya twembi ,twibere muri Paradizo ya twembi “

Fresh Gemmy nawe ati :

“Njyewe nawe n’ubuziraherezo , njyewe nawe ntituzatandukana, njyewe nawe n’ubuziraherezo njyewe nawe ntituzatandukana “

N’indirimbo yagiye hanze kuri uyu wa gatandatu kuwa 25 Mutarama 2020 yakozwe mu buryo bw’amajwi na Danny Beat umwe muba Producer bo mu Rwanda umaze kuzamura izina mu bijyanye no gutunganya Muzika.

Fresh Gemmy utuye muri Leta Zunze Ubumwe z’Amerika ashyize hanze iyi ndirimbo’Njye nawe’ nyuma yiyitwa ‘Ni Yesu’ aheruka gushyira hanze mu mpera za 2019 yinjije abakunzi be muri Noheli n’Ubunani.

Avuga ko afite intego yo kuzamura izina rye muri Muzika kandi ko yishimira uko ibihangano bye byacyirwa mu Rwanda ndetse no muri Amerika aho Abanyarwanda batuyeyo basigaye bamutumira mu birori bitandukanye.

Fresh Gemmy yasohoye indirimbo ‘Njye nawe’ yakoranye na Gisa Cyinganzo

Umva hano Njye nawe Fresh Gemmy yakoranye na Gisa Cyinganzo

 

Nyamasheke: NKUNDA urugero rw’Umuhanzi Nyarwanda witeje imbere

By Ndekezi Jonhson

Nkundineza Donatien n’umuhanzi wo mu karere ka Nyamasheke mu muziki azwi nka Nkunda.amaze imyaka 2 mu muziki n’umugabo wubatse witeje imbere byinshi abicyesheje impano ye, n’icyitegererezo mu gace atuyemo.

Ukigera kwa Nkunda uhita ubona ko ari mu rugo rushyitse utacyekera umuhanzi wo mu ntara. n’ubwo atuye mu gice cy’icyaro iwe n’ibuzungu ntawashidikanya ko mu gace atuyemo ari mu bakungu baho kandi igishimishije abana neza n’ abaturanyi be.

Nkunda utuye ahitwa mu Kirambo mu murenge wa Kanjongo mu karere ka Nyamasheke amaze kuba ikimenyabose kuko bamwe bamwita Jay Polly,abandi umuhanzi wo ku ivuko,biratangaje cyane n’abana bato bazi indirimbo ze ! iyo avuye iwe mu rupangu rwiza  abana b’abaturanyi be bamuherecyeza basubiramo indirimbo ze harimo iyo yakoranye na Fireman yitwa “Amahitamo Twafashe”

Nkunda uririmba indirimbo zitsa cyane ku burere mboneragihugu no guharanira ishema ry’Ubunyarwanda, n’umugabo wasezerewe mu Ngabo z’Urwanda ,avuga ko umusanzu we mw’iterambere ry’igihugu yawukomereje mu guhanga indirimbo nziza zuje impanuro.

“ Ndi Reserve Force,nahoze mu Ngabo za RDF umusanzu ku gihugu cyanjye s’uwo kujya ku rugamba gusa. Ubu umusanzu ukomeye n’ukubaka Igihugu no guharanira iterambere ry’abagituye. Ubu itafari ku gihugu cyanjye ndi kurinyuza mu ndirimbo zanjye ”

Nguru urugo rwa Nkunda umuhanzi witeje imbere

Nkunda umaze gushyira hanze indirimbo zisaga 10 avuga ko guhitamo umwuga wo kuririmba Atari ibintu byamugwiririye cyangwa ngo yihingemo

“Kuririmba ntago ari ibintu nshakisha ,n’impano yanjye, nahisemo gusakaza ibihangano byanjye kugira ngo ndusheho kugeza ibitecyerezo byagutse ku bantu benshi kandi mu gihe gito,ikindi kandi umuziki n’akazi gatunga uwagakoze neza “

Mu rugamba rwo kwiteza imbere Nkunda avuga ko hari byinshi amaze kugeraho birimo uruganda rutunganya ibikomoka ku bisheke. Aha akoramo umutobe uryoshye ndetse n’inzoga y’umwimerere ateganya kugeza hose mu Rwanda no mu mahanga  kugira ngo bamenye agaciro k’igisheke cy’I Nyamasheke.

Kubijyanye n’uru ruganda Nkunda yagize ati :

“Naje gusanga benshi mu baturage banywa inzoga zitujuje ubuziranenge zibangiriza ubuzima,nafashe umwanzuro wo kubyaza umusaruro igisheke cy’iwacu , ubu dukora umutobe mwiza cyane(Jus) ndetse n’inzoga y’umwimerere iryoshye cyane idateza ikibazo na cyimwe. N’ugushyigikira ibikorerwa Iwacu”

Zimwe mu mashini Nkunda akoresha mu gutunganya ibisheke

Uru ruganda rwa Nkunda avuga ko hari byinshi ruzacyemura mu gace atuyemo by’umwihariko mu karere ka Nyamasheke

“Uru ruganda n’igisubizo ku bibazo twahuraga nabyo by’amayoga atujuje ibisabwa yangizaga ubuzima bw’abaturage,n’uruganda ruzatanga umusoro mu kubaka Igihugu ndetse rugatanga n’akazi ku bantu batandukanye hirya no hino. Turi muri gahunda nziza ya leta yo guhanga no gutanga imilimo”

Usibye uru ruganda Nkunda mu gace atuyemo yiyemeje gufasha abatishoboye aho kur’ubu yoroye ingurube nawe azajya yoroza abo baturanye. Iki n’igikorwa cy’Indashyikirwa uyu mugabo asanga hari abo kizafasha ku buryo bukomeye.

“Urabona hari ukuntu uba uturanye n’umuntu utifashije agorwa n’ubuzima bwa buri munsi aho kugira ngo ahore asaba njye nashatse ikintu cyatuma nawe yiteza imbere mpitamo kugura ingurube ubu ngiye gutangira kworoza abaturanyi kugira ngo turusheho kuzamurana”

Ngizi ingurube agiye kworoza abaturanyi be

Uyu muhanzi avuga ko iki gikorwa cyo koroza abaturanyi batishoboye ingurube kizabafasha cyane kuko zororoka vuba kandi zifite n’amafaranga ku buryo bizacyemura ibibazo by’ubucyene dore ko iri tungo mu bice byo mu cyaro rifatiye benshi runini haba mu kubaha ifumbire ndetse n’amafaranga kuko ryororoka vuba.

Mu kiganiro na IBYAMAMARE.COM Nkunda yatangaje ko uyu mwaka wa 2020 ari umwaka yifuza impinduka mu muziki wo muri Nyamasheke ukava ku rwego rwo kumvwa mu ntara abahanzi baho bakumvikana mu gihugu hose yihereyeho

“Uyu mwaka wa 2020 n’umwaka numva abahanzi bo muri Nyamasheke twagera ku rundi rwego,tukava ku rwego rw’intara tukumvikana mu gihugu hose. Nihereyeho ndashaka kwagura izina ryanjye ku buryo bukomeye”

Muri icyi cy’umweru cyahariwe ubutwali uyu muhanzi avuga ko buri Munyarwanda akwiriye gutera ikirenge mu bikorwa by’intwali aho atuye

“ Iki n’icyumweru gikomeye cyane ‘n’igihe cyo kuzirikana ibikorwa byiza by’Intwali z’igihugu cyacu kugira ngo turusheho kubaka Urwanda rwiza. Buri munyarwanda akwiriye kuba intwali aho atuye.aharanira icyateza imbere Igihugu cyacu”

Nkunda yasoje ashimira Ubuyobozi bw’Urwanda burangajwe imbere na Perezida wa Repubulika Paul Kagame kubyiza n’iterambere bakomeje kugeza ku Banyarwanda anashimira akarere ka Nyamasheke gakomeje gushyira itafari rikomeye mu gufasha no guteza imbere impano zaho anasaba abahanzi kugira icyerecyezo mu bikorwa byabo bya buri munsi.

Nguru urugo rwa Nkunda umuhanzi witeje imbere
Umunyamakuru wa Ibyamamare.com ubwo yageraga mu rugo kwa Nkunda

Umuraperi Maylo agiye gukora ubukwe na Hollandine

By Ndekezi Jonhson

Muhirwa Issa  wamenyekanye nka Maylo muri muzika nyarwanda ari mu myiteguro y’ubukwe bwe n’umukobwa witwa Bazimana Hollandine  buzaba kuwa 01 Werurwe 2020.

Uyu muraperi wamenyekanye cyane mu ndirimbo zitandukanye zirimo ‘Nturanyenabo’, ‘hari undi waje’, ‘Ishavu’, ‘Amakuru’,’Mureke agende’ n’izindi nyinshi, yamaze gushyira ahagaragara ubutumire bw’’ubukwe bwe na Hollandine buzaba ku wa 01 Werurwe 2020.

Gusaba no gukwa bizabera i Musanze muri Muhabura (MIPC) ku isaha yi saa saba ndetse abitabiriye bakirirwe mu busitani bwa Muhabura.

Ubutumire bw’ubukwe bwa Maylo na Hollandine

Maylo n’umwe mu bahanzi barambye muri Muzika Nyarwanda by’umwihariko uyuboye injyana ya Hip Hop mu ntara y’amajyaruguru, yamamaye cyane ubwo yabarizwaga mu nzu yafashaga Abahanzi muri Musanze ya Top 5 Sai.

Akimara gushyira hanze integuza y’ubukwe bwe benshi mu bahanzi ndetse n’abafite aho bahuriye n’imyidagaduro ntibahishe amarangamutima yabo aho bifurije bikomeye uyu muryango mushya ishya n’ihirwe.

 

 

❌