WebRwanda.com

🔒
❌
There are new available articles, click to refresh the page.
Yesterday — April 19th 2019Rwanda Paparazzi

Mbere y’uko Pasika itangira abaturage bo mu Bwongereza basinze ku bwinshi bigera naho bamwe burira ibiti abandi bakwira imishwaro[AMAFOTO]>>>>

By Chaba Ally Promo

Mu gihe abatuye isi bose bategereje kwizihiza pasika,Abongereza bo ntibategereje ko umunsi nyirizina ugera,ahubwo bahise birara mu tubari,baranywa barasinda,abagore bataha babarandase kubera ubwinshi bw’inzoga banyoye.

Mu mijyi itandukanye irimo Newcastle, Cardiff na Birmingham,abagore,abagabo,abasore n’inkumi bagaragaye mu gicuku basinze cyane,bari kugwirirana cyane,bituma bamwe barara mu buroko.

Mu ijoro ryakeye ryo kuwa kane tariki 18 Mata,nibwo aba Bongereza biganjemo urubyiruko bagiye mu tubari,banywa inzoga nyinshi barasinga bamwe barara mu mateme,abandi barara muri gereza nyuma yo kurwana na polisi.

Mu gihe hirya no hino ku isi abantu benshi babonye ikiruhuko kirekire kigera ku minsi 4,aba Bongereza bahisemo kuyibyaza umusaruro,bajya kunywa agasembuye kenshi.

Icyatangaje benshi mu mafoto yagiye hanze,n’abantu basinze bigera ubwo burira ibiti kubera inzoga,abandi bitaburiraho imyenda,abandi bataha barandaswe.

Posted by: Chaba Ally promo



‘East Africa’s Got Talent’,Igiye gutanguzwa mu rwanda uzaryegukana azahembwa miliyoni 45 Frw: [REBA INKURU] >>>>

By Chaba Ally Promo

Nibura ushobora kuba wararebye inshuro imwe America’s Got Talent cyangwa Britain’s Got Talent, amarushanwa abamo abanyempano batangaje haba mu mbyino, kuririmba, ubufindo butandukanye n’ibindi.

Aya ni amarushanwa akomeye cyane akurikirwa n’abantu benshi ku Isi bitewe n’impano zitangaje zigaragarizwamo. Habamo abaririmbyi b’amajwi atangaje baririmba abantu bakarira, abanyabufindo bakora ibiteye ubwoba birenze imitekerereze ya muntu.

Mu cyumweru gishize, hatangijwe umushinga w’irushanwa nk’iri ryiswe East Africa’s Got Talent, rizahuza abanyempano bo mu Rwanda, Uganda, Tanzaniya na Kenya.

Iri rushanwa rateguwe n’ikigo cy’itangazamakuru gikomeye mu Karere cya Clouds Media Group, rikazajya ricishwa kuri televiziyo riyobowe n’Umunyarwenyakazi wo muri Uganda Anne Kansiime.

The Citizens yanditse ko hazabanza kuba amarushanwa muri ibyo bihugu bine, nyuma hagakurikiraho irushanwa nyamukuru rizahuza abatoranyijwe i Nairobi muri Kenya bagera ku 120.

Sosiyete yitwa Rapid Blue isanzwe ifite ubunararibonye mu gutunganya ibi biganiro niyo izakorana n’ibijyanye na East Africa’s Got Talent.

Buri gihugu mu bizitabira iri rushanwa kizatanga umuntu umwe mu bazaba bagize Akanama Nkempurampaka. Naho uzahiga abandi banyempano azahembwa ibihumbi $50 asaga miliyoni 45 z’amafaranga y’u Rwanda.

Biteganyijwe ko amajonjora y’ibanze muri gihugu azaba muri Gicurasi.

Iri rushanwa rije risanga andi atandukanye afasha abanyempano mu bihugu byo muri aka karere nka nka ArtRwanda-Ubuhanzi yo mu Rwanda, Bongo Star Search yo muri Tanzania n’andi.

Reba ubuhanga bwa Tokio Myers umwe mu begukanye Britain’s Got Talent kubera impano ye ihambaye mu gucuranga piano

Abanyempano bo mu bihugu bine birimo n’u Rwanda bagiye gufashwa kuziteza imbere

Anne Kansiime uri hagati niwe uzayobora irushanwa rya East Africa’s Got Talent

Lee Ndayisaba umunyarwanda uri mu bategura East Africa’s Got Talent

Umuhango wo gutangiza ku mugaragaro East Africa’s Got Talent wabereye muri Kenya

Posted by: Chaba Ally Promo

Before yesterdayRwanda Paparazzi

Itsinda rishya Direction Music ryinjiye muruhando rwa muzika nya Rwanda n’indirimbo nziza cyane inogeye amatwi – YUMVE HANO>>>>

By Chaba Ally Promo

Abasore babiri Sean’Protae na Mugenzi we Dr Sceintific , bakubiye mu itsinda rya “DIRECTION MUSIC” bashyize hanze indirimbo nshya yitwa IGIHE NI KININI indirimbo yakorewe muri mu gihugu cya Uganda

Umunsi ku wundi mu rwanda hagenda havuka abahanzi bafite impano mu kurimba byumwihariko mu njyana ya RNB dore ko iyi njyana ariyo ikomeje kuza imbere mu njyana zikunzwe cyane kuri iy’Isi.

Itsinda IHANGO MUSIC rikaba ari itsinda ribarizwamo umuhanzi Dr Sceintific ugize itsinda Ihango Music uyu wamamaye cyane mu njyana zitandukanye nka, DAWA, ISI, yakoranye na AmaG the black, ndetse na, SAVE MY LIFE yakoranye na Jay Polly

Dr Sceintific ari nawe directer manager w’amatsinda abiri ariyo ” The legends ibarizwamo umuhanzi “King the winner, na Christier, itsinda rya kabiri “Direction Music” ririmo umuhanzi Sean’proteae,, aya matsinda uko ari abiri company yayo ni Economic for African Talent Ltd(EAT Rwanda) Umuyobozi wayo akaba ari uyu “Sibomana jean bosco, uzwi nka Dr Sceintific, bakaba bakorera mu mujyi wa Kigali mukarere ka Nyarugenge umurenge wa Kimisagara.

Dr Sceintific

iri tsinda rimaze gukora indirimbo nyinshi zakunzwe cyane hano mu rwanda ndetse no hanzwe y’urwanda, muri izo ndirimbo zagiye zikundwa cyane harimo nka Dawa, Humura, Africa, n’Isi. ndetse nizindi nyiinshyi

Rwanda Paparazzi tuganira na Dr Scientific umuyobozi w’iri tsinda akaba ari nawe ukuriye iyi comany yatubwiye ko iyi company ije kuvugurura umuziki nya rwanda ahanini bakazibanda ku bana bato bafite impano

KANDA HANO UREBE INDIRIMBO NSHYA IGIHE ni IKININI YAKOZWE NABA BASORE

Posted by: Chaba Ally Promo

Reba ubutumwa bw’ibyamamare bitandukanye birimo Anita Pendo,Tidjara Kabendera,Nizzo na Fuadi bahumuriza Kimenyi Yves mbere y’uko APR FC ihura na Rayon Sports[AMAFOTO]>>>>

By Chaba Ally Promo
Reba ubutumwa bw’ibyamamare bitandukanye...

Kimenyi Yves ni umwe mu banyezamu bakomeye mu Rwanda muri iki gihe, Kimenyi Yves yahindutse iciro ry’imigani mu ntangiriro z’iki cyumweru ku mbuga nkoranyambaga baramuvuga bitandukanye ku bw’amashusho amugaragaza yambaye ubusa yakwirakwijwe hose.

Inshuti za Kimenyi Yves n’abiganjemo ibyamamare mu ngeri zitandukanye barwaniye ishyaka uyu mukinnyi umaze iminsi yarahindutse ikiganiro mu bakoresha imbuga nkoranyambaga.

Kimenyi Yves, umunyezamu wa mbere w’Ikipe y’Igihugu Amavubi ndetse na APR FC ubu telefone yayikuye ku murongo. Kimenyi amaze iminsi ku gitutu ku bwa video imugaragaza ahagaze mu bwogero yambaye ubusa ndetse n’igitsina kigaragara.

Iyi video yatangiye gukwirakwizwa kuri WhatsApp mu museso wo kuri uyu wa Mbere tariki ya 15 Mata 2019. Yavugishije benshi, bamwe baranenga uyu mukinnyi abandi bakavuga ko ari umupangu w’agatsiko k’abantu banga uyu mukinnyi.

Ku rundi ruhande, inshuti za Kimenyi Yves zamurwaniye ishyaka ndetse zikerekana ko ibyo yakoze nta we bitabaho.

Tidjara Kabendera we yahise yandika kuri Instagram ati “Ndi kwibaza, ese birakwiye ko uyu mwana w’umusore tumwandarika bigeze aha? Satani ni umugome kandi nta muntu w’intungane ubaho, mbisubiremo nta muntu w’intungane ubaho.”

Anita Pendo na we ati “Kimenyi Yves komera, nta mvura idahita, buri muntu agira amabanga ye, ubwo wizeye bakagutenguha komera kandi ibintu byose bibaho kubera impamvu. Ntucike intege nubwo bigukomereye.”

Umunyamakuru w’imikino Fuadi we yagize ati “Ndikubaza ikibazo nkabaza urubyiruko cyane cyane KOKO MWE IBYABAYE KURI @kimenyi_yves NTIMUBIKORA WENDA KO IBYANYU BITARAJYA HANZE?? ubuzima bwihariye ntabatabugira burumwe agira ibyo akora byihariye…. Gusa aracyari umukinnyi mwiza niko byemera be strong goalkeeper 🥇

Nizzo wo muri Urban Boys ati “Bro ntacyahindura icyo uzaba 
Nyuma yibibi haribyiza ntihagire icyiguhungabanya🦏💪@kimenyi_yves mugume muri umwe 👫@didy_dor 
Nta birenze”


Kuri uyu wa Kabiri tariki ya 16 Mata 2019, benshi mu nshuti za Kimenyi ndetse n’ibyamamare bigenzi bye, bagiye bamwandikira ubutumwa bumukomeza bunamusaba kurushaho gukomera muri ibi bihe yahawe amenyo y’abasetsi.

Umugore witwa Diddy D’Or Diane wakundanye na Kimenyi Yves washinjwaga gushyira hanze iyi video yarabihakanye ndetse avuga ko ababimushinja ari abagamije guhindanya isura ye no kumuteza urubwa gusa.

UKURIYE ABAFANA BA KIYOVU SPORT UZWI NKA HEMEDI UBWO YARI YATUMIWE MU KIGANIRO KURI RADIO YAVUZE AMAGAMBO AKOMEYE KURI UYU MUSORE NYUMA YA VIDEO IKOMEJE GUSAKAZWA KU MBUGA NKORANYA MBAGA kanda wumwe amagambo

Posted by: Joyce Umutesi jojo

Uganda irimo gushaka uburyo ikibazo ifitanye n’ u Rwanda cyakemukira mu biganiro: [REBA HANO]>>>>

By Chaba Ally Promo

Minisitiri w’ububanyi n’amahanga muri Uganda yatangaje ko barimo kwifashisha ibiganiro kugira ngo bakemure ibibazo biri ku mipaka y’ibihugu byombi. Ibyo yabivugiye mu kiganiro ubwo yagezaga ingengo y’imari ikenewe mu mwaka w’2019/20, ku kanama gafite mu nshingano ububanyi n’amahanga uyu munsi Ku wa 16 Mata 2019.

Minisitiriw’ububanyi n’amahanga Okello Oryem, yavuze ko bafitanye ikibazo na Leta y’u Rwanda ariko kidakaze kandi ko bizeye ko gishobora gukemurwa mu nzira zisazwe.
Ati” Ku ruhande rwacu turimo gukoresha inzira z’ibiganiro kugira ngo dukemure ikibazo. Imipaka yacu irafunguye ku Banyarwanda bose , abaza mu gihugu ku mpamvu z’ubucuruzi cyangwa gusura abavandimwe b’abo”

Yanaburiye abanyarwanda baba muri Uganda ko Umunyarwanda wese uzagerageza guhungabanya umutekano muri Uganda azahanwa nk’uko amategeko abiteganya.

Ati” Abanyarwanda bafite uburenganzira bwo kuza muri Uganda ariko bakubahiriza amategeko.Nta muntu uzihanganirwa igihe aramutse anyuranyije n’amategeko y’iki gihugu. ”

Iyi nkurudukesha ikinyamakuru cyo muri Uganda,The daily Monitor ivuga ko Ibyo yabivuze mu gihe yarimo asubiza ikibazo cy’umwe mu bagize inteko ishinga amategeko, Jack Wamai Wamanga wabazaga icyo Uganda irimo gukora ngo ikemure ikibazo ifitanye n’u Rwanda.

Perezida w’u Rwanda Paul Kagame akaba n’umuyobozi w’umuryango w’Afurika y’Iburasirazuba, muri Gashyantare yatangaje ko ibibazo biri hagati y’ibyo bihugu bimaze imyaka ibiri kandi ko bishobora gukemuka, mu kiganiro yagiranye n’ikinyamakuru cya The East African.

posted by: Joyce umutesi jojo

Hari amakuru avuga ko Maj Callixte Sankala yafashwe akaba yaranagejejwe i Kigali: REBA HANO>>>>

By Chaba Ally Promo
Hari amakuru avuga ko Maj Sankara...

Kuva mu gitondo cyo kuri uyu wa mbere hatangiye gukwirakwizwa amakuru ku mbuga nkoranyambaga avuga ko Maj Nsabimana Callite Sankara yafatiwe mu Birwa bya Comores agahita azanwa mu Rwanda n’indege yihariye yari yavuye mu Rwanda.

Aya makuru avuga ko Maj Sankara yari yarinjiye muri Comore nk’umunya-Eritereya, akaba yafashwe na Polisi mpuzamahanga ahita yoherezwa mu Rwanda. Akaba yarafashwe kuwa gatandatu agezwa mu Rwanda ejo ku cyumweru.

Sankara Callixte yumvikanye ku maradiyo mpuzamahanga yigamba ibitero byaberaga mu nkengero za Nyungwe, Kitabi, Nyabimata na Nyamasheke byagiye bigwamo n’abasivili. Yavugaga ko ari umuvugizi w’umutwe FLN usanzwe ukuriwe na Rusesabagina.

Umuvugizi wa Polisi y’u Rwanda yatangarije Umuryango ko aya makuru ntacyo ayaziho ariko yemeza ko nawe yayumvise acicikana ku mbuga nkoranyambaga.

Yagize ati: “ nta makuru mbifiteho (ifatwa rya Sankara), nanjye amakuru nayumvise gutyo”. N’ubwo nta rwego rwa Leta ruremeza itabwa muri yombi rya Sankara, nta n’urwego rurayabeshyuza.

Umuvugizi wa FDRL, ndetse n’uwari ukuriye ibikorwa by’iperereza muri uyu mutwe baherutse gutabwa muri yombi n’inzego z’umutekano za Kongo, zihita zibohereza mu Rwanda ububakaba baratangiye kuburana ibyaha birimo ibyo guhungabanya umutekano w’igihugu.

Leta y’u Rwanda yavuze ko aba bayobozi bari bakomeye muri FDRL batanze amakuru menshi, yise “meza”.

surce: Umuryango.rw

Posted by: Joyce Umutesi Jojo 

KANDA HANO UREBE URUBANZA RW’ABASHINJWA GUKORANA NA FDLR

ISIMBI NOELINE: Dore igitera uyu mukobwa kubunuza: [REBA INKURU]>>>>

By Chaba Ally Promo

Bamwe mu bakurikiranira hafi imbuga nkoranyambaga bavuze ko uyu mukobwa ntakindi agendereye usibye gushaka umubare munini w’abamukurikira kuri Instagram no kugirango akomeze avugwe mu itangazamakuru.

Isimbi Noeline wamenyekanye kubera ubuhamya bukomeye bw’ubuzima yanyuzemo bwagiye hanze ubwo yashakaga guhatana mu irushanwa rya Miss Rwanda 2019 ariko ntahirwe kuri ubu akomeje umurego wo gusakaza ye amafoto hanze yambaye ubusa buri buri.

Mu minsi yashize yashize hanze amafoto atandatu yanyuze kuri konti ye ya Instagram amugaragaza yambaye ubusa, asa n’uri mu cyumba. Harimo aho yifashe ku mabere, aryamye mu buriri ahumirije, yateye umugongo umufotozi, yubitse inda n’andi.

Ni amafoto yatunguranye kuko ubusanzwe abakobwa bahatana muri Miss Rwanda barebwa ku bwiza, ubwenge n’umuco, mu gihe gutangaza amafoto nk’aya bishobora gufatwa na bamwe nko gutandukira indangagaciro z’umuco nyarwanda.

Bamwe mu bahanga mu gukoresha imbuga nkoranyambaga bazwi nk’aba [ Social Influencer ] batifuje kugirango amazina yabo agaragare mu nkuru bavuze ko uyu mukobwa ntakindi agendereye usibye gushaka umubare munini w’abamukurikira kuri Instagram [Followers] no kugirango akomeze avugwe mu itangazamakuru.

Yagize ati “ Uriya mukobwa niwavuga ngo hari ikindi agendereye usibye kwishakira abamukurikira ku mbuga nkoranyambaga no kugirango avugwe rwose…[Ntakindi].”

Ibi byemezwa nuko uyu mukobwa mu gihe yatangiye gushyira hanze aya mafoto yakurikiranwaga n’abantu bagera ku 1000 ,gusa kuri ubu arabarizwa mu bihumbi 26 by’abantu bamukurikira bivuga ngo ashaka ko agera ku nzozi ze z’umubare yihaye w’abantu yifuza ko bamukurikira ku mbuga nkoranyambaga.

Ikindi kigezweho muriki gihe nuko Konte zikurikirwa n’abantu benshi ku mbuga nkoranyambaga zigurwa ,bisobanuye ko ashobora no kuba ayikoresha mu buryo bwa Buzinesi kandi ko igihe cyose ashobora kuygurisha mu gihe imaze kugira abantu benshi bamukurikira.

Posted by: Joyce Umutesi Jojo


RWEZAMENYO: Uwitwa “Rukundo Assouman” ku nshuro ya Kabiri Yongeye gutabwa muri yombi azira amagambo mabi y’Ubushinyaguzi yabwiye uwarokotse Genocide: [REBA INKURU]>>>>

By Chaba Ally Promo

Uyumunsi kuwa 13/04/019 isaha 11h25 umurenge Wa Rwezameyo akagali ka Kabuguru I mumudugudu wa Murambi inzego z’umutekano DASSO n’irondo ry’umwuga bafashe uwitwa Rukundo Assouman w’imyaka 35 kubera kugaragarwaho ni ingengabitekerezo ya Genocide aho yavugaga ko nta narimwe Abatutsi bashobora kuzumvikana n’Abahutu

Uyu musore yabwiye umusaza witwa Kagubari Canisius w’imyaka 65 ukunda gutanga ibiganiro byigisha urubyiruko kumenya amateka ko azamwica akamukurikiza Abatusti benewabo

Uyu musore witwa Rukundo assouman akaba atari ubwambere agaragaweho ningengabitekerezo kuko no muri 2016 ubwo hibukwaga genocide yakorewe Abatutsi nabwo yamugaragayeho arafatwa arafungwa nyuma arafungurwa kumbabazi zumukuru wi gihugu akaba yongeye

Rukundo Assouman Yatawe muri yombi ashyikirizwa RiB Station ya Rwezamenyo kugirango akurikiranwe Nubutabera.

Rukundo Assouman w’imyaka 35 aramutse ahamwe n’iki cyaha yahanishwa n’ingingo ya 135 yo mu gitabo cy’amategeko ahana y’u Rwanda, ivuga ko umuntu wese ukoze icyaha cy’ingengabitekerezo ya Jenoside n’ibindi byaha bifitanye isano na yo ahanishwa igifungo kirenze imyaka itanu kugeza ku myaka icyenda n’ihazabu y’amafaranga y’u Rwanda kuva ku bihumbi ijana kugeza kuri miliyoni imwe.

Posted by: Chaba Ally Promo

Rwamagana: Abandi bantu 70 batawe muri yombi bareba imikino ya Champions League: [REBA INKURU]>>>>

By Chaba Ally Promo

Inzego z’umutekano mu Karere ka Rwamagana zaraye zitaye muri yombi abantu 70 barebaga imikino y’amarushanwa y’amakipe yabaye aya mbere iwabo i Burayi, ‘UEFA Champions League’, mu gihe cy’icyunamo.

Bamwe basanzwe mu cyumba cyerekanirwamo imikino abandi bane basangwa bari gukina imikino y’amahirwe imenyerewe nka ‘Betting’, mu Murenge wa Kigabiro mu gace kazwi cyane ka Buswayirini.

Mu bihe byo kwibuka Jenoside yakorewe Abatutsi mu 1994, ibikorwa byo kwidagadura no kwishimisha mu ruhame ntibyemewe. Aba bafashwe babirenzeho bajya kureba imikino.

Imikino yabaye mu ijoro ryakeye yahuzaga Manchester United na FC Barcelona ndetse na Ajax na Juventus.

Abafashwe bakaba bahise bajyanwa mu kigo ngororamuco ‘Transit Center’ gisanzwe cyakira abantu kugira ngo bagororwe.

Amakuru agera mu bitangaza makuru ni uko mu gitondo cyo kuri uyu wa Kane mu nama yahuje ubuyobozi bw’inzego z’umutekano n’ubw’Akarere ngo bwanzuye ko babanengera mu ruhame ubundi bakabarekura.

Posted by: Joyce Umutesi Jojo

Iyi ndirimbo yashyizwe hanze na “Mani Martin afatanyije n’Umuyapanikazi yakoze beshi ku mutima: -REBA VIDEO

By Chaba Ally Promo

Umusore w’Umuyapani witwa Daisuke Katsumata yakozwe ku mutima bikomeye n’ubuhamya yahawe n’umukozi wo ku rwibutso rwa Jenoside rwa Kigali ruri ku Gisozi, bumugeza ku nganzo yashibutse indirimbo “Imbabazi” yakoranye n’umuhanzi w’umunyarwanda Mani Martin.

Daisuke ni umuhanzi mpuzamahanga ukomoka mu Buyapani. Akunze kumvikana mu ndirimbo zishimangira amahoro. 2018 yari mu Rwanda aho yasuye Urwibutso rwa Kigali ruri ku Gisozi. Yakozwe ku mutima n’ibyo yahabonye bimuha ishusho yeruye y’amarorerwa yabereye mu Rwanda muri Mata 1994.

Ibyo yasobanuriwe n’ibyo yiboneye amaso ku maso byunganiwe n’ubuhamya yahawe n’umwe mu bakozi bo ku rwibutso rwa Kigali wamubwiye ijambo rya nyuma umubyeyi we wishwe muri Jenoside yasize amubwiye.

Uyu mukozi yavuze ko umubyeyi we yasize amubwiye ati “Mwana wanjye nuramuka ubashije kurokoka, uzagire umutima ukomeye, ntuzagire uko aba bagize, uzashinjagire ushira, ntuzihorere, hahora Imana,”

Iyi nkuru yabwiwe n’Umukozi wo ku rwibutso rwa Kigali ruri ku Gisozi yamukoze ku mutima atangira inzira yo kuyihimbamo indirimbo yashyize ahagarara yise ‘Imbabazi’yakoranye na Mani Martin. 

Mani Martin avuga ko yishimiye gukorana n’umuhanzi Mpuzamahanga bavuga kuri Jenoside yakorewe abatutsi mu Rwanda muri Mata 1994.

Mani Martin yabwiye Itangaza makuru ko yahuye n’uyu muyapani, Daisuke, mu gitaramo “Rwanda & Japan Peace concert” cyabereye ku Ishuri ry’Umuco mwiza riherereye ku kimironko mu Mujyi wa Kigali. 

Uyu muyapani yaramwegereye amusaba ko bakorana iyi ndirimbo bise “Imbabazi’ n’uko bahuza ibitekerezo. Yavuze ko ari iby’igiciro kinini kuba yahuriye mu ndirimbo n’umuhanzi mpuzamahanga bahurije ku nsanganyamatsiko yo kwamagana Jenoside kugira ngo itazongera kubaho ukundi. 

Yagize ati “Ni ibintu by’agaciro kuri njye guhurira mu ndirimbo n’umuhanzi uturuka iyo ikantarange by’umwihariko tugahura turirimba inkuru y’urwanda. Isi yose izamenya ukuri k’u Rwanda ari uko kuvuzwe natwe ubwacu.

Yavuze ko yishimiye uburyo umukozi wo ku rwibutso rwa Kigali, yaganirije ubutumwa bwiza umuyapani bwegamiye ku mbabazi nk’inkingi ikomeye mu kongera kwiyubuka k’umuryango nyarwanda.

Ati “Numvishe nshimiye cyane uyu musore ukora ku rwibutso ku butumwa bwiza bw’imbabazi yahaye uyu muyapani bwanamukoze ku mutima bukamugera ku nganzo.”

Muri iyi ndirimbo y’iminota ine n’amasegonda 14’, uyu mupayani aririmba mu Kinyarwanda akanyuzamo akaririmba no mu kiyapani. Ku rubuga rwa Youtube yanyujijeho iyi ndirimbo yanditse ko ‘Jenoside yabaye mu Rwanda mu 1994 yatwaye ubuzima bw’abarenga Miliyoni mu gihe cy’iminsi ijana gusa’.

Yavuze ko yakoranye iyi ndirimbo na Mani Martin nk’umuhanzi ukomeye mu Rwanda no muri Afurika nawe wabuze ababyeyi be muri Jenoside. Yashimangiye ko yakoze iyi ndirimbo atanga umusanzu we kugira ngo Jenoside itazongera kubaho ukundi. 

KANDA HANO UREBE INDIRIMBO ‘IMBABAZI’ YA MANI MARTIN NA DAISUKE

Posted by: Chaba Ally promo

Kwibuka 25 : Ngoma abantu 25 bafashwe barimo kureba UEFA Champions League: [REBA INKURU]>>>>

By Chaba Ally Promo

Umunyamabanga Nshingwabikorwa w’Umurenge wa Rukira muri Ngoma  Francis Bushayija  yabwiye Umuseke dukesha iyi nkuru ko mu mu ijoro ahagana saa tanu inzego z’umutekano zafashe abantu 25 barimo bareba imikino ya 1/4 k’irushanwa rya UEFA Champions League. Ubuyobozi buvuga ko bishe amabwiriza agenga imyitwarire mu gihe cyo kwibuka Jenoside yakorewe Abatutsi. Nyuma yo kubaganiriza bakababwira akamaro ko kwifatanya n’abandi mu kwibuka Jenoside yakorewe Abatutsi babarekuye.

Avuga ko amakuru y’uko bariya bantu barimo bareba umupira kandi basakuza bayahawe n’ababonye binjira ariko ntibasohoke.

Yagize ati  “Abaturage babonaga abantu binjira ahantu mu kumba ariko ntibasohokemo kandi ari benshi baza kubitubwira dufatanyije na Police, DASSO n’ingabo turaza turabafata kuko bishe amabwiriza yo Kwibuka.”

Mu masaha ya kare muri iki gitondo, baganirijwe ku byerekeye icyunamo nyuma barabarekura.

Nyiri urugo bafatiwemo witwa William Mutabazi ngo yahise yiruka baramubura.

Abafashwe umukuru muri bo afite imyaka 42, na ho umuto muri bo afite 18 y’amavuko.

Bushayija anenga bariya bantu bahisemo kureba umupira ari benshi, bagasakuza, bagaragaza ibyishimo mu gihe Abanyarwanda bari mu bihe byo kwibuka ku nshuro ya 25 Jenoside yakorewe Abatutsi mu 1994.

Ngo ikibabaje ni uko abenshi mu bafashwe bakiri urubyiruko kandi ari rwo mizero y’u Rwanda.

Yasabye abaturage kumva ko ibihe Abanyarwanda barimo byihariye, abishima batagomba kurengera ngo babigaragaze ku karubanda.

Bushayija kandi asaba ababyeyi gukomeza guha abana babo uburere bakabaganiriza ku mateka ya mbere, mu gihe cya Jenoside na nyuma yayo kugira ngo bumve aho u Rwanda rwavuye n’aho rugeze n’akamaro ko kwibuka Jenoside yakorewe Abatutsi.

Amakuru avuga ko ibikoresho bakoreshaga bareba umupira na byo byafashwe. Ibyo bikoresho ngo ni projector, radio n’ibindi.

UBUTUMWA BUKOMEYE BUGENEWE ABASHAKA GUTERA U RWANDA: [reba inkuru]>>>>

By Chaba Ally Promo

Perezida Paul Kagame yavuze ko umuntu wumva ko ibyo u Rwanda rwanyuzemo bidahagije agashaka kongera kurusubiza mu icuraburindi, arushywa n’ubusa kuko rumwiteguye bihagije.

Yabitangaje kuri iki Cyumweru ubwo yatangizaga ibikorwa byo kwibuka ku nshuro ya 25 Jenoside yakorewe Abatutsi.

Perezida Kagame yavuze ko u Rwanda rwababaye, rukabura abantu n’ibintu muri Jenoside yakorewe Abatutsi ariko ntirwazimye.

Yavuze ko nubwo hari abagize uruhare muri Jenoside, abanyarwanda bose atari ko babaye babi kuko hari abagaragaje ubumuntu bakabigaragza bahisha cyangwa batabara abahigwaga.

UBUTUMWA BUKOMEYE BUGENEWE ABASHAKA GUTERA U RWANDA

Ati “Ubu turi abanyarwanda beza kurusha uko twahoze ariko biracyashoboka ko tuba beza kurushaho. Nitwe bantu ba nyuma kuri iyi si twiyemeje kuba twe. Ububabare twabayemo bukwiye gutuma umutima wo guhatana utugumamo.”

Imbere y’abantu bagera ku bihumbi bitatu bari bitabiriye umuhango, Perezida Kagame yaburiye abashaka guhangara u Rwanda, ko batazahirwa n’ibyo bashaka.

Ati “Abari hano cyangwa hanze batekereza ko igihugu cyacu kitanyuze mu bibi bihagije bagashaka kongera guhangana natwe, mu kurengera bariya bana mwabonye n’igihugu cyacu, ndashaka kubabwira ko tuzakomeza guhangana mu buryo bwagutse. Umutima wo guhangana uracyaturimo, ibyabaye hano ntibizongera kubaho na rimwe.”

Perezida yavuze ko ubwoba n’agahinda byasimbuwe n’imbaraga n’intego bituma buri munyarwanda aharanira kujya mbere kw’igihugu cye.

Ati “Turashaka amahoro ariko nta mwanzi ugomba gusuzugura imbaraga zihambaye z’abanyarwanda zashibutse mu byo twanyuzemo. Nta na kimwe gifite ubushobozi bwo kongera guhanganisha abanyarwanda ukundi. Aya mateka ntazisubiramo. Ni uko twiyemeje.”

Yavuze ko abanyarwanda bize kubabarira ariko bidasobanuye kwibagirwa ibyo banyuzemo.

Perezida Kagame yavuze ko icyifuzo cy’u Rwanda ari uko ibyabaye bitazongera kugira ahandi biba, abantu baharanire ibibahuza aho kuba ibitanya.

Ati “Turasenga ngo hatazagira abandi bantu banyura mu byo twanyuzemo by’umwihariko abavandimwe bacu muri Afurika. Ntituzabyemere. Tugomba guhangana n’intumwa z’urwango n’amacakubiri bigaragaza nk’abacunguzi ba demokarasi.”

Perezida w’Umuryango w’Ubumwe bw’u Burayi, Jean Claude Junker yashimye imbaraga n’umurava u Rwanda rwagaragaje nyuma yo gusenywa muri Jenoside yakorewe Abatutsi.

Yavuze ko ari urugero rwiza ko nyuma y’umwijima kubona urumuri biba bigishoboka.

Ati “Nta gishobora gupfuka ibikomeye by’ahahise, nta gishobora kugabanya uburibwe butazibagirana nyamara ni ikigaragaza ko muri uwo mwijima ariho tubonera imbaraga zigana ku rumuri kandi u Rwand ni urugero rugaragara. Ni ubuhamya ko igihugu cyabayemo ubugome nk’ubu gishobora kongera kubyukana imbaraga n’umurava mu bumwe bw’abaturage bacyo.”

Perezida wa Djibouti, Ismail Omar Guelleh, we yasabye ubufatanye bwa Afurika mu gusigasira amahoro no kuyashakisha aho atari kugira ngo ibyabaye mu Rwanda bitazongera kugira ahandi biba.

Ati “Turahamagarirwa gukomeza guteza imbere amahoro no gukomeza gutsura umutekano mu bihugu biri mu bibazo no gukomeza umurimo ukomeye watangijwe n’Umuryango wa Afurika yunze Ubumwe. Ibihugu byinshi bya Afurika biri mu murongo w’iterambere n’impinduka zigamije umutekano usesuye ku baturage bacu. Nicyo gikwiriye kugira ngo twirinde ko amahano u Rwanda rwagize agira ahandi aba ku mugabane wacu.”

Ibikorwa byo kwibuka Jenoside yakorewe Abatutsi mu Rwanda birakomeza mu gihe cy’iminsi ijana, hibukwa abasaga miliyoni bazize Jenoside yakorewe Abatutsi mu gihe cy’amezi atatu guhera muri Mata 1994.

Perezida Kagame yaburiye abashaka gusubiza u Rwanda mu icuraburindi

Umukuru w’Igihugu yagaragaje ko abanyarwanda babanye neza muri iki gihe


Posted by: joyce mutesi jojo 

Kwibuka25: Batewe impungenge na ba ruharwa bari hafi gufungurwa: [REBA IMPAMVU]>>>>

By Chaba Ally Promo

Bamwe mu barokotse Jenoside yakorewe Abatutsi bo mu Karere ka Gisagara bavuga ko batewe impungenge n’ukuntu bazabana n’abicanyi ruharwa babiciye ababo.

Kunamira Abatutsi bashyinguye mu mva i Gishubi ho mu Karere ka Gisagara

Kunamira Abatutsi bashyinguye mu mva i Gishubi ho mu Karere ka Gisagara

Babigarutseho mu gikorwa cyo gutangiza icyunamo cyo kwibuka ku nshuro ya 25 Jenoside yakorewe Abatutsi. Iki gikorwa bakigiriye mu Murenge wa Gishubi, hafi y’irimbi rishyinguyemo imibiri 2,428 y’Abatutsi bishwe mu 1994 mu Kagari ka Gabiro, umudugudu wa Rweza.

Jérôme Mbonirema, yagize ati “Uwacitse ku icumu yumva yikanze iyo yumvise wa muntu wamwiciye umubyeyi abana n’abavandimwe agiye kugaruka ngo bongere babane.”

Mbonirema anavuga ko yaba uwacitse ku icumu akeneye kwegerwa akaganirizwa, ariko ko by’umwihariko kuganirizwa bikwiye urangije igihano kuko hari bamwe mu bakimeze nk’uko bari bameze bagifungwa.

Izi mpungenge ngo azihera ku muntu umwe wafunguwe wo mu Murenge wa Ndora ngo yabwiwe ko afite amagambo atari meza.

Ati “Hari uwo twumvise mu Murenge wa Ndora wari wafunguwe, yahura n’uwacitse ku icumu akavuga ngo ‘cya gihano mwankatiye ndakirangije, nagarutse, bizagenda bite?’”

Yungamo ati “Kugeza ubu ni uwo umwe numvise, ariko ukabona ko byaguha isura y’abandi. Kandi icyo dusabwa ni ugukumira ikibi kitaraba. Twirinde rero ko byatugwirira tugatungurwa kandi twari duhari.”

Benoit Ruzindana, uwarokotse Jenoside utuye mu Murenge wa Ndora, na we avuga ko impungenge ku mibanire n’abakoze jenoside bari hafi gufungurwa zitabura.

Ati “Kugeza ubu abo nabonye bagerageza kwitwara neza. Ikibazo ni uko hagiye kuza benshi kandi bari ba ruharwa bakoze ibyaha bikomeye. Niba batarateguwe neza aho bari muri gereza, mbona byazatera ikibazo kuko kamere ishobora kubyuka.”

Ibi kandi abivugira ko muri aba bari bugufi gufungurwa hari abatemera icyaha, bavuga ko abacitse ku icumu babafungishije.
Ati “Leta ikomeje ikabishyiramo imbaraga, ikigisha, igatuma abantu bongera kubana, byarushaho kuba byiza.”

Umuyobozi w’Akarere ka Gisagara, Jérôme Rutaburingoga, avuga ko ubusanzwe abafunguwe bafashwa mu kubakemurira amakimbirane yavuka hagati yabo n’imiryango yabo, ariko ko banahabwa inyigisho zibafasha kwiyunga n’abo bahemukiye.

Ati “tubafasha kwitabira ibiganiro by’ubumwe n’ubwiyunge, ariko hari n’amatsinda yo komorana ibikomere ari mu midugudu, ahuza abacitse ku icumu n’abarokotse jenoside, kugira ngo umuntu ntahere mu mateka cyangwa undi aheranwe n’agahinda.”

Mu Murenge wa Gishubi ubuyobozi bw’Akarere ka Gisagara bwatangirije icyunamo cyo kwibuka ku nshuro ya 25 Jenoside yakorewe Abatutsi, mu gihe cya jenoside haguye Abatutsi benshi barimo abari bahatuye, ariko n’abandi benshi bagiye baturuka hirya no hino bahashakaga inzira yo guhungira i Burundi kuko hari ibyambu bitatu ku ruzi rw’akanyaru.

Bamwe biciwe imusozi, ariko hari n’abatazwi umubare biciwe ku ruzi bashaka kwambuka.

Kugira ngo na bo batazibagirana, hari ikimenyetso cyashyizwe ku ruzi, ku buryo no gutangiza icyunamo ari ho byari biteganyijwe gukorerwa, ariko kubera ko umuhanda ujyayo utameze neza, bahisemo kugitangirira mu kagari ka Gabiro.

Perezida wa Ibuka muri Gisagara yifuje ko uwo muhanda wazakorwa, ukaba Nyabagendwa, bityo n’abashaka kujya kuhibukira ababo bakazajya babasha kujyayo.

Umuyobozi w’Akarere ka Gisagara avuga ko uyu muhanda uzatunganywa muri uyu mwaka kuko mu Murenge wa Gishubi hari ibirometero 18 bizahatunganywa.

#Kwibuka25:Reba urutonde rwa bamwe mu bakinnyi ba Rayon Sports n’abanyamuryango bayo bazize Jenoside yakorewe Abatutsi: [REBA INKURU]>>>>

By Chaba Ally Promo
#Kwibuka25:Reba urutonde

Jenoside yakorewe Abatutsi muri Mata 1994 yatwaye ubuzima bwa bantu barenga miliyoni, abana, abakuze, abakecuru n’abasaza. Yageze no mu mikino ihitana ubuzima bw’abakunzi b’ imikino batabarika, aha tukaba twagerageje kugukusanyiriza bamwe mu bayobozi, abakinnyi bakiniraga ikipe ya Rayon Sports bahitanywe na Jenoside yakorewe Abatutsi.

Ikipe ya Rayon Sports yashinzwe mu 1968, yakinagamo abanyarwanda ndetse n’abanyamahanga, mu gihe cya Jenoside yakorewe Abatutsi bamwe mu bari Abakinnyi n’abayobozi bayo barishwe bazira uko bavutse.

Dore Abakinnyi ba Rayon Sports bazize Jenoside yakorewe Abatutsi.

1.Murekezi Raphael Alias Fatikaramu.
2.Munyurangabo Rongin
3.Bosco (Mwene Ruterana)
4.Kirangi
5.Misili
6.Abba
7.Rutabingwa
8.Kalisa
9.Kayombya Charles
10.Mazina
11.George
12.Nyirirugo Antoine

Abari bari muri komite y’ikipe ya Rayon Sports

1.Mujejende Benoit
2.Agronome Janvier
3.Kayombya Selesi
4.Munyamasheke
5.Viateur

Abantu 32 biciwe mu ntambara iri kubera muri Libya [INKURU]>>>>

By Chaba Ally Promo

Intagondwa ziyobowe na Gen. Khalifa Haftar ufite imbaraga zidasanzwe zikomeje guhangana n’ingabo ziri ku ruhande rwa Minisitiri w’Intebe wa Libya, Fayez al-Serraj ushigikiwe na UN,aho abantu bagera kuri 32 bamaze kwicirwa muri iyi mirwano.

Mu minsi ishize nibwo Gen. Khalifa Haftar wari uherereye mu burasirazuba bwa Libya, yatangaje ko agiye kurwanya ubutegetsi bushyigikiwe na UN, buyobowe na minisitiri w’intebe Fayez al-Serraj.

Uyu mu jenerali warahiriye kwigarurira umujyi wa Tripoli,ari kugenda awusatira ari nako benshi mu banya Libya bahasiga ubuzima.

AFP yatangaje ko iyi mirwano ihuje intagondwa za Haftar na Leta,zimaze gupfiramo abantu 32,abarenga 50 barakomereka.

Ku munsi w’ejo nibwo ikibuga cy’indege cya Mitiga airport cyarashweho amabombe n’indege,bituma ingendo z’indege zihagarara.

Minisitiri w’Intebe wa Libya, Fayez al-Serraj akomeje gushinja uyu Gen Khalifa Haftar wahoze ayoboye ingabo za Libya,LNA, gushaka gufata ubutegetsi ku ngufu.

Ku cyumweru nibwo intambara ikomeye yabereye hafi y’umujyi wa Tripoli,ibisasu biremereye biraraswa ku mpande zombi zihanganye ari nako inzirakarengane zibigwamo.

Olivier Karekezi ngo iyo ataza kuba umukinnyi nawe ntiyari kurokoka Jenoside yakorewe Abatutsi

By Chaba Ally Promo

Olivier Karekezi wahoze ari rutahizamu wa APR FC n’ikipe y’igihugu y’u Rwanda Amavubi yakiniye kuva mu 2000 kugera mu 2013, ayikiniramo imikino 55 ayitsindira ibitego 24. akaba no mu bakinnyi bagejeje u Rwanda mu gikombe cya Afurika 2004.

Yakiniye APR FC kugera mu 2004 mbere yo kunyura mu yandi makipe yo hanze y’u Rwanda nka; Helsingborgs IF, Trelleborgs FF, Råå IF na Östers IF zo muri Suède, Hamarkameratene yo muri Norvège, na CA Bizertin yo muri Tunisia.

Olivier Karekezi ari mu bashegeshwe na Jenoside yakorewe Abatutsi kuko yayiburiyemo Nyina na bakuru be batatu barimo umwe wishwe areba.

Uyu rutahizamu watsindiye Amavubi ibitego byinshi kurusha abandi, mu buhamya yahaye igitangazamakuru Umuseke, yemeza ko iyo aba atari umukinnyi w’umupira w’amaguru nawe atari kurokoka.

Tariki 7 Mata 1994 ubwo Jenoside yatangiraga, we n’umuryango we bari batuye mu murenge wa Gikondo wo mu karere ka Kicukiro mu Mujyi wa Kigali.

“Ntabwo twashoboraga kuguma mu rugo iwacu. Interahamwe zari guhita zihadusanga kuko umuryango wacu wari uzwi. Twahungiye ku Kiriziya, kuri Paruwasi y’i Gikondo aho twasanze amagana y’Abatutsi bavuye mu bice bitandukanye bahizeye amakiriro.”

Yakomeje avuga ko Interahamwe zateye iyo Kiriziya tariki 9 Mata 1994, benshi mu bari bahahungiye bakicwa, barimo na mama we. Icyo gitero cy’Interahamwe we ngo yarakirokotse kuko yari muto yarirutse arenga uruzitiro rwa Kiriziya.

“Njye n’abandi bana twarirutse tunyura ku mashuri ya Kinunga. Twageze hepfo turafatwa ariko mpahurira n’umwe mu nterahamwe ababyeyi banjye bajyaga bafasha umurango wabo.”

Nyuma yo kurekurwa niyo nterahamwe ngo yahise asubira mu rugo aho babaga, na mukuru we witwaga Karekezi Aimable arahamusanga barabana.

“Baje gusaka mu rugo baradufata kudufata batujyana ku isoko ry’i Gikondo, mukuru wanjye Aimable yigaga i Burundi, Jenoside yabaye yaraje mu biruhuko bavuga ko ngo yari avuye mu myitozo ya gisirikare bamwica mbere bamuta cyobo.”

Hari umuntu umwe wari ufite ikipe y’abana i Gikondo wanshyize ku ruhande sinajya mu bicwa ariko umuvandimwe wanjye yicwa ndeba. Byarandenze. Gusa uwo mugabo yansubije aho twabaga ntishwe nanahahurira n’umwana twiganye twakinanaga umupira, aza afite imbunda arantwara, anjyana ku babyeyi be babaga hakurya mu Gatenga, Jenoside ihagarikwa nkiri kumwe n’uwo muryango.”

Karekezi Olivier yemeza ko kwakira ibyamubayeho nyuma ya Jenoside byamugoye cyane kuko kenshi yumvaga nta mpamvu yo kubaho afite kuko nta byishimo yabubonagamo.

Umupira w’amaguru wongeye kumusana kuko yagaragazaga impano byatumye arushaho kuzamura urwego rwe ndetse agira mahirwe yo gukinira amakipe y’ingimbi ya APR FC nyuma ya Jenoside yakorewe Abatutsi 1994, ayavamo ajya mu ikipe nkuru mu 1999. Ruhago yakomeje kumufasha kwiyubaka, aba umukinnyi w’ikipe y’igihugu Amavubi yanakiniye imikino 55, ayitsindira ibitego 24.

Kwibuka25: Jose Chameleone yunamiye abazize Jenoside yakorewe Abatutsi: [REBA INKURU]>>>>

By Chaba Ally Promo

Umuhanzi Joseph Mayanja waryubatse nka Jose Chameleone, yifatanyije n’abanyarwanda kwibuka ku nshuro ya 25 abazize Jenoside yakorewe abatutsi muri Mata 1994 ndetse anabasabira iruhuko ridashira.

Chameleone ni umuhanzi wo muri Uganda ukora injyana ya AfroBeat. Ni umwe mu bakunzwe mu karere k’Afurika y’Uburasirazuba n’ahandi. Yagiye akora indirimbo nyinshi zakunzwe ziri mu rurimi rw’Icyongereza, Luganda, Igiswahili. Mu gihe amaze mu muziki yegukanye amashimwe atandukanye.

Yanditse kuri konti ya instagram ubutumwa bwo kwihanganisha abanyarwanda asabira iruhuko ridashira inzirakarengane zishwe muri Jenoside yakorewe Abatutsi. Yasabiye umuryango Nyarwanda gukomera muri ibi bihe bitoroshye, ahamagarira isi kuba umwe.

Yagize ati “Turacyazirikana abishwe muri Jenoside yakorewe abatutsi mu 1994. Imana ikomeze kubaha iruhuko ridashira. Turibuka ku nshuro ya 25. Nshuti zanjye z’abanyarwanda, twe isi yose twifanyije namwe.”

Jose Chameleone yavutse kuya 30 Mata 1979. Yashakanye na Daniella Mayanja mu 2008. Yabyaye Abba Marcus Mayanja, Amma Christian Mayanja, Alba Shyne Mayanja na Alfa Jose Mayanja.

Afitanye isano n’umuhanzi Pallaso Mayanja na Weasel. Amaze gukora alubumu ‘Kola zizo’, ‘Njo karibu’, ‘Sorry’, ‘Vumulia’, ‘Bounce’ n’izindi. 

Ubutumwa bwa Jose Chameleone.

Posted by: Chaba Ally Promo

Abakuru b’ibihugu na Guverinoma bakomeje kugera i Kigali mu muhango wo Kwibuka 25: [REBA AMAFOTO]>>>>

By Chaba Ally Promo

Abanyacyubahiro batandukanye bakomeje kugera I Kigali kwifatanya n’Abanyarwanda n’Isi muri rusange mu muhango wo kwibuka ku nshuro ya 25 Jenoside yakorewe Abatutsi.

Umuhango wo gutangiza iminsi 100 yo kwibuka ku nshuro ya 25 Jenoside yakorewe Abatutsi mu 1994, uteganyijwe kuri iki Cyumweru tariki 7 Mata 2019.

Umunyamabanga wa Leta muri Minisiteri y’Ububanyi n’amahanga, Amb Nduhungirehe Olivier aherutse kubwira IGIHE ko uyu mwaka biteguye abakuru b’ibihugu na Guverinoma basaga icyenda bazitabira uyu muhango wo kwibuka Jenoside yakorewe Abatutsi.

Mu banyacyubahiro bamaze kugera mu Rwanda harimo Perezida wa Congo Brazzaville, Denis Sassou-Nguesso, Perezida wa Niger, Mahamadou Issoufou, Minisitiri w’Intebe wa Ethiopia, Dr Abiy Ahmed, Minisitiri w’Intebe w’u Bubiligi Charles Michel, Guverineri Mukuru wa Canada Julie Payette.

Perezida Kagame asuhuzanya na Minisitiri w’Intebe wa Ethiopia, Dr Ahmed Abiy

Perezida Kagame kandi yanagiranye ibiganiro na Dr Ahmed Abiy

Perezida Kagame yaherekejwe n’abayobozi batandukanye mu kwakira abanyacyubahiro baje kwifatanya n’u Rwanda mu #Kwibuka 25

Minisitiri w’Intebe wa Ethiopia, Dr Abiy yazanye n’umugore we

Ubwo Perezida Kagame yakiraga mugenzi we wa Niger, Mahamadou Issoufou

Perezida Kagame yakiriye mugenzi we wa Congo Brazzaville, Denis Sassou-Nguesso

Ubwo Perezida Kagame yakiraga Minisitiri w’Intebe w’u Bubiligi Charles Michel

Posted by: Chaba Ally Promo

Umufotizi yamaze amasaha abiri arangariye Gasumbashyamba yabyaraga- [REBA AMAFOTO]>>>>

By Chaba Ally Promo

Umufotozi witwa Richard Lane w’imyaka 46 y’amavuko avuga ko yamaze amasaha abiri ahanze amaso kuri Gasumbashyamba (giraffe) yabyaraga.

Ni Gasumbashyamba yo muri pariki ya Masai Mara muri Kenya. Richard avuga ko bwari ubwa mbere abonye iyi nyamaswa ibyara.

Yagize ati “Yari amahirwe kuri njye ya mbere yo kubona iki gikorwa cy’umwimerere gishamaje”.

Nk’uko DM ibitangaza, ngo Richard yakomeje kwitegereza na nyuma ubwo iyi nyamaswa yari imaze kugeza hasi icyana cyayo. Mu isaha imwe ngo nacyo cyatangiye guhaguruka ku maguru ane, gitambuka hafi ya nyina yari ikomeje kugikomba.

Posted by: Chaba Ally Promo

Mozambique: Umugore yabyariye mu giti cy’umwembe mu gihe cy’umwuzure: [REBA INKURU]>>>>

By Chaba Ally Promo

Umugore witwa Amelia wo mu gihugu cya Mozambique, yibarukiye mu giti cy’umwembe aho yari yahungiye kubera ikibazo cy’umuyaga n’umwuzure udasanzwe uri muri icyo gihugu aho umaze guhitana abarenga 700.

Uyu mubyeyi wibarutse ari mu giti hejuru, yabyaye umwana w’umukobwa ahita amwita Sara. Akaba yamubyaye ari kumwe n’umuhungu we w’imyaka ibiri aho bari bahungiye mu giti kubera ikibazo cy’umuyaga.

Uyu muryango ukaba watabawe n’abaturanyi nyuma y’iminsi ibiri kugira ngo badahitanwa n’umuyaga.

Uyu mubyeyi yabwiye ishami ry’umuryango w’Abibumbye ryita ku bana UNICEF ati’’ Nari mu rugo n’umuhungu wanjye w’imyaka ibiri, mu buryo butunguranye tubona amazi atangiye kwinjira mu nzu’’

Yakomeje agira ati’’ Nta yandi mahitamo nari mfite usibye kurira igiti. Nari njyenyine n’umuhungu wanjye’’

Kugeza ubu, Amelia n’umwana we bakaba bacumbikiwe mu kigo gishinzwe kwakira abarokotse iki cyiza cy’umuyaga kikaba giherereye mu gace ka Dombe aho bivugwa ko bamerewe neza.

Kubyarira mu giti si ubwambere bibayeho muri iki gihugu, dore ko hashize imyaka 20 mu majyepfo y’iki gihugu havukiye undi mwana mu giti witwa Rosata Mabuiango mu gihe cy’umwuzure.

Ubwo Rosata yavukaga, byaravuzwe cyane mu bitangazamakuru kuko we na nyina Sofia barokowe n’indege ya kajugujugu aho bari bari mu giti hagati mu mwuzure.

Mu Rwanda hatangiye guhingwa imigano iribwa:[REBA AMAFOTO]>>>>

By Chaba Ally Promo

Mu rwego rwo kubungabunga ibidukikije, u Rwanda rwafashe gahunda yo gutera imigano hirya no hino aho ishobora gukura, cyane cyane ku nkengero z’imigezi.

Muri iyo gahunda imigano iterwa hagamijwe kurinda ubutaka gutwarwa n’amazi, ariko ntibyari bimenyerewe ko imigano yakorwamo ibyo kurya by’abantu.

Hari Abanyarwanda ndetse n’Abanyafurika benshi batari bazi ko imigano ishobora kuvamo ibiryo by’abantu; ibintu bitandukanye cyane n’Abanya-Aziya, nk’Abashinwa bazi ko imigano ikorwamo imboga ziribwa ari mbisi(salads), isupu (potage), kandi bifite intungamubiri nyinshi.

Ikigo cy’igihugu gishinzwe amazi n’amashyamba, cyatangiye gutegura ingemwe z’iyo migano iribwa, mu gihe cya vuba ikazangira guterwa mu mashyamba no ku nkengero z’imigezi.

Iyo migano iribwa yatangiye guhingwa mu Rwanda, irimo amoko atatu ari yo, “Dendrocalamus strictus”, “Dendrocalamus barbatus”, na “Dendrocalamus latiflorus”.

Mihigo Augustin, umuhanga mu by’imigano, yabwiye Kigali Today ati, “Mu Bushinwa, n’ibindi bihugu nka Indonesia no mu Buhinde , imigano itegurwamo “salads”, zigurishwa muri risitora kandi zirahenda.


Abaturage nibatera iyo migano mu mashyamba yabo,bazayikoramo ibyo kurya, banayikoremo ibindi.

Nk’uko Mihigo akomeza abisobanura, ibindi bikoresho byakorwa mu migano ni nk’impapuro zo gupfunyikamo (packing materials), impapuro z’isuku zikoreshwa mu bwiherero(toilets papers), n’ibindi.

Hari kandi ubwoko bw’imigano bukorwamo ibikoresho byo mu nzu byimukanwa, ni ukuvuga intebe, ibitanda n’ibindi (furniture), iyo na yo irimo amoko abiri ari yo “Thyrsostachys siamensis” na “Bambusa textilis”.

Ikindi kandi, imigano ikoreshwa mu bintu bitandukanye, nko mu bwubatsi bw’inzu zoroheje, ibikoresho binyuranye byo mu nzu, ibikoresho bacurangisha umuziki harimo ibyitwa “flutes”, “dizi”, “Xiao”, “shakuhachi”, n’impapuro.

Mihigo yabwiye itangaza makuru ko, barimo gukorana n’Abashinwa b’inzobere mu bijyanye no gutunganya imigano kugira ngo bigishe Abanyarwanda uko imigano itunganywa, banabikoremo bizinesi, aho kugira ngo bahore mu byo gusaba akazi.

Ingemwe z’ubwo bwoko bw’imigano bwose, zirategurirwa i Nyandungu ,mu Mujyi wa Kigali, zikaba zikurikiranwa na “China bamboo projects”, ariko mu minsi ya vuba, zizatangira gukwirakwizwa mu gihugu hose.

Ahandi hashyizwe inzu zo guteguriramo izo ngemwe, ni mu Karere ka Rwamagana, mu Karere ka Rulindo(Shyorongi), no mu Karere ka Huye. Gusa hari gahunda yo kubaka ahantu ha gatanu hatunganyirizwa izo ngemwe mu Mujyi wa Kigali.

Mihigo yavuze ko gahunda ya leta ari uko muri uyu mwaka(2019), hazaterwa imigano kuri hegitari 300 ku nkengero z’imigezi hirya no hino mu gihugu, ndetse no ku butaka busanzwe mu rwego rwo kurwanya isuri.

Mihigo yavuze ko, “Imigano ifite akamaro, ni yo dushaka kuyinga, yerera imyaka 4, kandi imara imyaka 50 umuntu agisarura”.

Nk’uko bitangazwa na Kaminuza yo muri Amerika yitwa “Northern Illinois University”, ibyiza by’imigano iribwa ku buzima bw’abantu, harimo gutakaza ibiro nta ngaruka, (healthy weight loss),kugabanya ibinure bibi mu mubiri (cholesterol), kongera umubiri ubudahangarwa.

Imigano iribwa kandi, yifitemo imyungugu ifasha mu kurwanya kanseri , ikanafasha mu kugabanyiriza umuntu ububabare no kubyimbirwa.

Imigano iribwa ni myiza ku mikorere y’umutima kandi yifitemo za poroteyine, na vitamine n’ubundi butare ndetse n’ibinure bike,ibyo byose bikaba bikenerwa mu mubiri w’umuntu.

Kigali: Umugabo yateye icyuma umugore we arapfa arangije yishyikiriza Polisi: [REBA INKURU]>>>>

By Chaba Ally Promo

Umugabo witwa Harerimana Thierry usanzwe ari umumotari yishyikirije Ubugenzacyaha i Kinyinya nyuma yo gutera icyuma umugore we babanaga mu buryo bwemewe n’amategeko I Kagugu.

Uyu Harerimana w’imyaka 30 yateye icyuma mu nda umugore we,ku wa mbere tariki ya 1 Mata 2019 ahita ahunga gusa yumvise ko Polisi iri kumuhiga ahitamo kuyishyikiriza.

Umunyamabanga Nshingwabikorwa w’Umurenge wa Kinyinya, Umuhoza Rwabukumba, yahamije ko uyu mugabo ari we wishyikirije Polisi nyuma yo kwica umugore we w’imyaka 31 babanaga mu buryo bwemewe n’amategeko.

Yagize ati “Yamaze kumwica ahita aburirwa irengero. Burya amaraso ni mabi nijoro nibwo we yizanye yishyikiriza Polisi.”

Umuvugizi wa RIB, Mbabazi Modeste, yabwiye IGIHE dukesha iyi nkuru ko uyu mugabo ari we wishyikirije Polisi.

Yagize ati “Ejo mugitondo nibwo twamenye ko uriya mudamu yapfuye, bakurikiranye umugabo arabura, ariko kubera ko bari batangatanze ahantu hose uyu munsi mu gitondo yizanye. Ubu ari mu maboko y’Ubugenzacyaha i Kinyinya.”

Benshi mu baturanyi b’uyu mumotari bavuze ko nubwo yishe umugore we nta kibazo kizwi bari bafitanye ndetse ngo babanaga neza.

Rubavu: Umugore yataye uruhinja mu musarani rutabarwa n’abaturage

By Chaba Ally Promo

Abaturage bo mu karere ka Rubavu batabaye umwana w’uruhinja wajugunywe mu musarani na nyina wari umaze akanya gato amubyaye.

Ku munsi w’ejo taliki ya 02 Mata 2019,nibwo abaturage bakoze ibishoboka byose batabara uyu mwana w’uruhinja ubwo yari ajugunywe mu musarani na nyina wari umaze kumubyara nk’uko byatangajwe n’Umuvugizi wa Polisi mu Burengerazuba, CIP Innocent Gasasira.

Yagize ati: “Kuwa Kabiri ahagana saa munani, polisi muri Busasamana yakiriye telephone iturutse ku baturage b’Umudugudu wa Kinyandaro, bavuga umugore wabyaye akajugunya uruhinja mu musarani uri hafi aho.”

Biravugwa ko uwiteguraga kubyara yavuye mu nzu mu gicuku, akabyara, yarangiza akajugunya iyo nzirakarengane mu musarani. Mu gusubira mu nzu nka nyuma y’isaha, ngo yabwiye murumuna we ko yari arimo kwibyaza uruhinja rwaza rukagwa mu musarani.

CIP Gasasira ati: “Murumuna w’umubyeyi yahise asohoka mu nzu yiruka ahamagara abaturanyi ngo batabare. Kubw’amahirw, abaturage, nubwo bari bahamagaye polisi kuri Station ya polisi ya Busasamana, bakoze ibishoboka byose basenya umusarani bakuramo uruhinja ari ruzima.

Yakomeje avuga ko umubyeyi n’uruhinja bahise bajyanwa ku Kigo Nderabuzima cya Busasamana ngo bitabweho, nyuma boherezwa ku Bitaro bya Gisenyi. Umwana ngo akaba ameze neza ndetse na nyina wagize utubazo ducye dutewe no kutabyara neza nawe ngo arimo koroherwa.

“Turashaka gushima gutabara byihuse kw’abaturage mu gutabara ubuzima bw’inzirakarengane y’uruhinja, ndetse n’ubuzima bwa nyina, uteri umeze neza,” uyu ni CIP Gasasira.

Hagati aho ariko, uyu mubyeyi wabyaye uruhinja akarujugunya mu musarani ategereje gushinjwa mu butabera abaganga nibaramuka bamusezereye yakize.

Source:Bwiza.com

Generali Kayumba Nyamwasa yatangaje impamvu ikomeye ituma yifuza kugaruka mu Rwanda mu mahoro: [REBA INKURU]>>>>

By Chaba Ally Promo

Generali Kayumba Nyamwasa uri mu bantu ba mbere bashinjwa gushaka guhungabanya umutekano w’u Rwanda,yatangaje ko yifuza kugaruka mu Rwanda amahoro kubera ko ikiguzi cy’intambara gihenda ndetse ngo intambara ntabwo ikemura ibibazo.

Kayumba Nyamwasa ushinjwa gushinga umutwe wa RNC ushaka kubangamira ubutegetsi bw’u Rwanda,yabwiye ikinyamakuru eNews cyo muri Zambia ko byamutwara imbaraga nyinshi kuza mu Rwanda arwana ariyo mpamvu ashaka kurugarukamo mu mahoro.

Yagize ati “Inzira y’intambara yantwara imbaraga nyinshi.Turifuza gukora icyo amahoro bivuze. Iyo tuvuze amahoro,ugomba kumenya ko ari urugendo rurerure, kandi ni na byo turimo. “

Gen. Kayumba yakatiwe igifungo cy’imyaka 24 mu 2011 ari mu buhungiro muri Afurika y’Epfo ari na yo akiri , nyuma yo guhamwa ibyaha birimo iterabwoba, gupfobya Jenoside n’ibyaha byibasira inyokomuntu.

RNC ya Kayumba Nyamwasa n’indi mitwe 4 yibumbiye mu cyitwa P5 yatunzwe agatoki na LONI ko ziri kwisuganya mu rwego rwo guhungabanya umutekano w’u Rwanda zibifashijwemo n’Uburundi.

Inyeshyamba za P5 biravugwa ko ziherereye mu ntara ya Kivu y’Amajyepfo mu duce twa Fizi na Uvira

Arabivuze byose Chadia wakundanaga na D’Amour uburyo yanywaga urumojyi n’ibindi byinshi byatumye atandukana nawe: [REBA INKURU]>>>>

By Chaba Ally Promo
Uwahoze ari umukuzi wa D’Amour yavuze...

Uwamariya Uzwi ku izina rya Chadia niwe mugore wa Selemani D’Amour wamurwajijemu bitaro igihe kinini kugera ubwo yorohewe.

Chadia avuga ko yakundaga D’Amour byo hejuru gusa ko icyatumye batandukana aruko uyu musore yari yarabaye imbata y’ibiyobyabwenge ndetse n’ubusambanyi n’abakobwa batandukanye ndetse akagerekaho no kumubeshya kandi afite ibimenyetso bifatika ko aryamana nabo mu ibanga.

Mu cyumweru gishize nibwo ku mbuga nkoranyambaga hakwirakwijwe amashusho agaragaza D’Amour arimo kunywa itabi ndetse avuga ko atarwaye. Ibi bikurikirwa n’amashusho y’abantu bamwe bamufashije gukusanya inkunga yo kumufasha bagiye bavuga ko D’Amour yavuze ko mu bintu arwaye hatarimo umuhogo cyangwa igitsina ahubwo agashimangira ko arwaye impyiko gusa kandi ko zitamubuza gukora ibindi . Chadia yavuze ko yamurwaje igihe kingana n’ukwezi kose muri CHUK nyuma basubira mu rugo atangira kunywa itabi nyuma y’igihe kirekire yaramaze atarinywa.

D’Amour we ubwo yabazwaga ibyo kunywa urumogi n’umukunzi we Chadia yavugaga ko rwanywewe n’abashyitsi baje kumusura Chadia bikamubabaza gusa akabura aho amuhera kuko ntagihamya yari afite icyo gihe ngo amutamaze.

Chadia aganira n’itangazamakuru yakomeje avuga ko mubyo yakoraga byose yashakaga gufata D’Amour anywa urumogi agahita arumukuraho mu kimbo cyo kumujyana kuri Police .Akomeza avuga ko ibyo yashoboraga kubyihanganira gusa icyaje kumushengura umutima we ari uburyo yajyaga aryamana n’abakobwa baje kumusura mu gihe we yabaga yagiye mu kazi mu mujyi.

Ibi ngo yabibwirwaga n’abaturanyi be bababonye gusa kubera akazi kenshi ntabone uko ahagera niko gufata icyemezo cyo gushaka umukozi wo mu rugo kugirango ajye amuha amakuru yose abera aho ngo ibi yaje gusanga aribyo kuko yamenye amwe mu mazina y’abakobwa baryamana nawe ndetse n’abantu yifashishaga ngo bamuzanire urumogi rwo kunywa.

Ese bashwanye bate?

Chadia avuga ko yasabye D’Amour igihe kinini ko yakizwa bagasenga maze D’Amour arabyemera ndetse amubwira ko bajya basengera mu rusengero rwa Assamble de die maze aramwemerera gusa ngo ibi byose yabikoraga mu buryo bwo kugirango yishakire umugabo gusa ngo D’Amour yabikoze igihe gito nyuma aza gucika intege bituma Chadian awe ata umurongo kuko we yari asanzwe asenga cyane bigatuma ahamagaza abavugabutumwa ngo basengere D’Amour nawe bareke ubusambanyi gusa ngo uyu musore yanga gucika ku cyaha

Akomeza avuga ko uyu murongo w’amasengesho D’Amour yawuvuyemo agatangira kujya azana abakobwa mu majoro we akamwita indaya ishaje kandi yaramurwaje igihe kingana n’amezi 2 amwitaho aho yarari kwa muganga ndetse no mu rugo I Nyamirambo.

Ese imodoka D’Amour agendamo yarayiguze cyangwa ni ukubeshya?

Chadia avuga ko iriya modoka ariyo D’Amour agendamo ariyo yaguze gusa ahamya ko nubwo ayigendamo atarabona ibyangombwa byose bimwemerera ko ayegukana neza. Ngo kuko yigeze kumutumaho umukobwa w’inshuti ye amubwira ko amafaranga ayakenyereheho ndetse ko agiye kugura imodoka ,Ikindi ngo yigeze kuza kumureba iwabo kwa Nyina I Nyamirambo aje kumuratira imodoka maze Chadia yanga gusohoka amwibutsa ko yamuharabitse ko ari indaya ishaje bityo ngo D’Amour asubirayo atageze ku ntego ye yo kumwereka imodoka yaguze.

Ese D’Amour yarabayeho gute mbere yuko arwara?

Chadia avuga ko yamenyanye na D’Amour aba mu nzu itagira icyumba [ Chamburete] yari irimo uburiri ndetse n’igikoresho bifashisha batungana ibyo kurya [ Gaz Cooker] ndetse ngo yamufashije byinshi birimo kumugaburira mu rugo ndetse no kumugurira bimwe mu bintu nkenerwa mu rugo nk’irasiyo ya buri munsi ya 3000frw ndetse ngo bakundaga gusohokana cyane bagakoresha amafaranga Atari hasi y’ibihumbi 15,000frw.

Ese amaze kurwara byagenze gute ?

Avuga ko uburwayi bwe byaje nkuko abandi barware gusa usibye ko yazanyemo amarangamutima ye agahita yibagirwa abantu. Ngo kuko we yakoze uko ashoboye kugirango avuze D’Amour yabikoze n’umutima ukunda kandi Atari ategereje inyishyu kuko yabikoraga nk’umukunzi we bakundana.

Ese Televiziyo ,Igitanda ,Air Condition bivugwa ko afite byavuyehe ?

Chadia avuga ko ibi byose yabiguze nyuma yuko ahawe amafaranga y’inkunga yavuye muri ‘Let’s Save Damour ‘ ndetse n’ayandi bagiye bakusanya binyuze mu bitaramo ,kuri konte ze za banki ndetse na Telefone ya Mobile Money ngo aya yose niyo yaguzemo ibyo bikoresho ndetse agahita ayimuka aho yari atuye ahazwi nko kuri Cosmos I Nyamirambo akajya I Gikondo mu midugudu yo kwa Rujugiro.

D’Amour ngo iyo ageze mu kabari akanywa ka Petite Mitsingi ahita avuga ko yakize.

Chadia yavuze ko ibi aribyo kuko yabivugaga kenshi bari kumwe amaze kunywa icupa rimwe aho wamubwiraga ngo wagabanyije kunywa inzoga nyinshi maze agahita agusubiza ko yakize ,ngo icyo gihe yafataga imiti ya kampanyi ivana imiti hanze y’u Rwanda.

Ese niki kifuzo cya Chadia kuri D’Amour?

Chadia avuga ko aramutse afite ubushobozi ko yahita ajyana D’Amour mu kigo cy’Iwawa kuko ngo yabaye imbata y’ibiyobyabwenge kandi byamangije mu mutwe ati “ Ni gute wambwira ko umuntu watangiye kunywa urumogo ku myaka ye 15 kugera ubu afite 41 akirunywa atamaze kwangirika? “.

Yaboneyeho kuvuga ko ibintu akomeje kubwira itangazamakuru ko ariya mashusho yagiye hanze ari amashusho yafashwe kera ko ibyo ari ukubeshya no kwihagararaho ndetse yanahishuye ko bamukurikiranira hafi kuko ubwe yamubwiye ko yatangiye kunywa urumogi afite imyaka 15 y’amavuko ngo kuri arabarizwa mu myaka 41 aho asaba ko inzego z’umutekano zamukurikirana kuko yamaze kwangirika cyane.ZWE

KANDA HANO UREBE UKO IBIHEMBO BYA SALAX AWARDS BYATANZWE

Posted by: Joyce Mutesi jojo @Rwandapaparazzi.rw

Umugabo yafunzwe azira kwaka umupolisi telefoni ye ayita mu ruzi

By Chaba Ally Promo
Umugabo yafunzwe azira kwaka umupolisi...

Umugabo w’umujura ukomoka muri Kenya yakatiwe igifungo cy’amezi 6 nyuma yo kwambura umupolisi wari mu kazi telefoni ye igendanwa ayijugunya mu ruzi rwa Nairobi.

Mohamed Ali Hassan w’imyaka 32 yatawe muri yombi kuwa 23 Werurwe azira gusuzugura umupolisi,amwambura telefoni ye igendanwa ayijugunya mu ruzi rwa Nairobi.

Uyu mupolisi ukorera mu gace kitwa Kariokor,yarimo agenda mu muhanda ari guhamagara,nibwo uyu Hassan yamuturutse inyuma amushikuza iyi telefoni ashaka kuyiba,undi amwirukaho birangira ajugunye iyi telefoni mu ruzi.

Ubwo uyu mupolisi yirukaga kuri uyu Hassan usanzwe ari umujura yananiwe kumukurikira afata moto bamwirukaho abonye bamuzengereje ajungunya iyi telefoni yari yibye mu mazi.

Umucamanza wo muri Kenya yakatiye igifungo uyu mujura igifungo cy’amezi 6 nyuma yo guhamwa n’iki cyaha cyo kwambura umupolisi telefoni ye ifite agaciro k’ibihumbi 15 by’amashilingi ya kenya akayita mu ruzi.

Posted by: Joyce Mutesi jojo @Rwandapaparazzi.rw

DRC: Iseru imaze kwica abantu 761 guhera muri Mutarama 2019: [REBA INKURU]>>>>

By Chaba Ally Promo

Ishami ry’umuryango w’Abibumbye ryita ku buzima (OMS), ryasabye Repubulika Iharanira Demokarasi ya Congo (DRC), kwitwararika ku ndwara y’iseru irimo koreka imbaga kuko mu mezi atatu imaze kwica abantu 761.

Itangazo riburira OMS yasohoye ku wa 29 Werurwe 2019, ryagaragaza ko guhera mu ntangiriro z’uyu mwaka abantu bagaragayeho iyi ndwara babarirwa muri 41 720, mu gihe ibigo by’ubuzima 22 bifite ikibazo cy’iki cyorezo nk’uko byemejwe na laboratwari zo mu ntara 14 muri 26 zigize igihugu.

Radio Okapi yatangaje ko OMS yavuze ko izakomeza gufatanya na Leta ya Congo n’abafatanyabikorwa mu gukumira ko iyi ndwara ikomeza gukwirakwira henshi no gufasha abo yagaragayeho.

Iryo tangazo rivuga ko “OMS izakomeza gukurikirana, kugenzura no kwitegura gufasha abaheruka kwandura. Gukingira hamwe no gutanga imiti by’iseru bizakorwa na Minisiteri y’Ubuzima n’abafatanyabikorwa ku wa 11-15 Mata, bigakorerwa mu bigo by’ubuzima 59.”

Abazayobora igikorwa cyo gukingira batangiye amahugurwa y’iminsi ibiri guhera kuri uyu wa 2 Mata 2019.

Abantu 761 bamaze kwicwa n’iseru muri RDC

Posted by: Joyce Mutesi jojo @Rwandapaparazzi.rw

Abadepite batabarije abazunguzayi b’abagore bajyanwa mu bigo ngororamuco: [REB INKURU]>>>>

By Chaba Ally Promo

Abadepite bagize komisiyo y’ububanyi n’amahanga, ubutwererane n’umutekano, basanga hari ibikwiye guhinduka mu bijyanye no gutwara abantu mu bigo ngororamuco, kuko hari ubwo bitera ibibazo kuruta kubikemura.

Babigarutseho ubwo basobanurirwaga imikorere n’imicungire y’ibigo ngororamuco.

Umuyobozi mukuru w’ikigo cy’igihugu gishinzwe Igororamuco (NRS), Bosenibamwe Aimé, agaragaza ko mu bajyanwa mu bigo ngororamuco harimo n’abagore bacururiza ku gataro (abazunguzayi).

Depite Ruku Rwabyoma John, asanga hakwiye kugira izindi ngamba zifatwa zitari ukujyana umugore utwite cyangwa uhetse umwana mu bigo ngororamuco ‘Transit Center’.

Ati “Iyo mutwaye abagore bacururiza ku dutaro hirya no hino muri ‘Transit Center’, mutazababonera igishoro igihe bavuye muri ibyo bigo ngo bajye gukora ubucuruzi bwemewe, n’ubundi bazajya bongera bagaruke muri wa muhanda kuko nta mikoro bafite. Iyo uganiriye nabo bafite ibitekerezo byinshi by’ibindi byiza bashobora gukora, ariko bari mu muhanda kubera kubura amikoro.”

Undi ati “Abarebwa n’igororamuco harimo n’abazunguzayi hakazamo na ba babyeyi baba bikoreye udutaro. Uriya mubyeyi kugira ngo yikorere agataro ntabyishimiye ahubwo ni imibereho y’abana be arimo gushaka.”

“Uburyo bafatwamo barahutazwa bamwe usanga bahetse abana, abandi batwite, bakabajyana muri ‘Transit Center’. Igikwiye gukorwa ni ukubafasha bakamenya gahunda Leta yashyizeho zibafasha kuva muri bwa buzima, bakerekwa amahirwe bahawe, kuko kubajyana muri biriya bigo bitera ibibazo aho kubikemura”.

Umunyamabanga wa Leta muri Minisiteri y’ubutegetsi ushizwe imibereho myiza y’abaturage, Dr Mukabaramba Alvera, yavuze ko ikibazo cy’abagore bacururiza ku gataro kimaze kugabanuka, naho ikijyanye n’uburyo bamwe bahutazwa n’ababafata avuga ko nawe yakibwiwe.

Ati “Ndabyemera ko baba bashaka ubuzima, ariko buriya bucuruzi ntibwemewe. Mu Mujyi wa Kigali navuga ko byahawe umurongo kuko bubatse amasoko hirya no hino aho abo bagore bacururiza.”

“Ku bijyanye n’uburyo bamwe mu ba DASSO, babafata nabi babirukankana, natwe hari ibirego bitugeraho ko bafatwa nabi, ariko nanone biterwa na ya myumvire ya bamwe muri ba DASSO”.

Mukabaramba yavuze ko bitemewe kujyana umugore n’umwana mu kigo cy’igororamuco, ariko ikibabaje nuko twagiye tubasangamo.

Ati “Tugiye kuzabiganiraho ku buryo umugore ufite umwana atajyanwa hariya hantu, ajye aganirizwa agirwe inama mu bundi buryo”.

Umuyobozi wungirije w’ikigo ngororamuco, ACP Gilbert R. Gumira, yavuze ko bamwe muri aba bagore b’abazunguzayi, abana baba bafite atari ababo.

Ati “Hari n’igihe usanga abahetse abo bana atari ba nyina. Ubu usigaye umufata agahita atuma iwabo bakamutiza umwana kuko aziko nibasanga ahetse umwana bahita bamurekura.”

Yakomeje avuga ko kuba umuntu afite umwana bitamuha ubudahangarwa bwo kudahanwa cyangwa kugororwa igihe bibaye ngombwa.

Mu mategeko, ibigo ngororamuco bijyanwamo inzererezi n’abandi bantu bakora ibikorwa bibangamiye umuco nyarwanda nko kunywa ibiyobyabwenge, uburaya n’ubwomanzi n’ibindi. Abarenga 50% bajyanwa muri ibi bigo akaba ari urubyiruko.

Abadepite bavuze ko bamwe muri ba Dasso bahutaza abagore bacururiza mu muhanda iyo bagiye kubafata

Posted by: Joyce Mutesi jojo @Rwandapaparazzi.rw

Amakuru mashya: dore icyateye Bruce Melody guhagarika umuziki bitunguranye [REBA HANO]>>>>

By Chaba Ally Promo
Bruce Melodie warumaze kwigarurira imitima ya benshi yahagaritse umuziki

Itahiwacu Bruce uzwi nka Bruce Melodie muri muzika nyarwanda yatangaje ko ahagaritse kuririmba nyamara yari yarigaruriye imitima ya benshi binyuze mu bihangano bye.

Ibi yabitangarije mu mashusho yanyujije kuri konti ye ya Instagram, yavuze ko ari icyemezo yafashe ku mpamvu zitamuturutseho.

Akomeza yivugira ko ari inkuru ibabaje. Yagize ati “ Ni Bruce Melodie mbafitiye inkuru ibabaje uyu munsi. Mbafitiye inkuru ibabaje uyu munsi ariko nyine sinjye ugenga ibihe. Bibaye ngombwa ko nyine ku bwi’impamvu zitanturutse ko mpagarika ibintu byo kuririmba.”

Ab’inkwakuzi babibonye bahise batanga igitekerezo ku byo yari amaze gutangaza maze bamwibutsas ko uyu munsi ari uwo kubeshya usanzwe uba tariki ya mbere Mata.

Umunyamakuru Anita Pendo wa RBA yamubwiye ko ibyo avuga atari byo, ati ‘Hoshi twakuvumbuye’.

Umuhanzi Passy Kizito na we yamwibukije ko uyu munsi tariki 01 Mata ari umunsi wahariwe kubeshya, amwibutsa ko bafitanye gahunda muri studio kuya 02 Mata 2019. Ati ‘Umunsi wo kubeshya ejo duhurire muri studio musaza.’

Bruce Melodie ni we muhanzi wegukanye ibihembo byinshi mu irushanwa rya Salax Awards, byatanzwe mu ijoro ry’iki Cyumweru tariki 31 Werurwe 2019. Yatwaye igihembo cya Best Artist, Best Male Artist na Best R&B Artist.

VIDEO:UKO IBIHEMBO BYA SALAX AWARD BYATANZWE

Abanyeshuli ba Kenyatta University bavugirije induru Museveni banatwika ibendera rya Uganda ubwo yasuraga kaminuza yabo: [REBA AMAFOTO]>>>>

By Chaba Ally Promo
Abanyeshuli ba Kenyatta
Abanyeshuli ba Kenyatta University bavugirije induru Museveni banatwika ibendera rya Uganda ubwo yasuraga kaminuza yabo

Abanyeshuli bo muri Kaminuza yo muri Kenya ya Kenyatta University bumvikanye baririmba indirimbo zamagana Perezida wa Uganda, Yoweri Kaguta Museveni,ubwo yinjiraga muri iyi kaminuza aje kuhatangira ikiganiro ku kwihuza kwa Afurika muri kaminuza yabo.

Perezida Museveni yavugirijwe induru n’aba banyeshuli bavugaga ko mu myaka amaze ku butegetsi yasubije inyuma ubukungu bwa Uganda ndetse basingizaga bikomeye umuhanzi Bobi Wine batavuga rumwe.

Perezida wa Uganda, Museveni,yatanze iki kiganiro ku kwihuza kwa Afurika ku munsi wa nyuma usoza uruzinduko rw’akazi rw’iminsi itatu yagiriraga mu gihugu cya Kenya.

Ubwo Museveni yarimo atanga ikiganiro muri Salle y’iyi kaminuza,Ku munsi w’ejo Taliki ya 29 Werurwe 2019,abanyeshuli bakoze imyigaragambyo bamuvugiriza induru, bituma abashinzwe umutekano babateramo ibyuka biryana mu maso.

Bijya gutangira umunyamakuru witwa Boniface Mwangi uzobereye mu byerekeye gufotora yanditse kuri twitter ye ati “Umunyagitugu Museni umaze imyaka 33 ayobora Uganda azatanga ikiganiro muri Kenyatta University.

Abanyeshuli bavugije induru bavuga ko bababajwe no kuba ibizamini byabo byasubitswe hagahabwa umwanya umunyagitugu Museveni ndetse bamwe bahise batangira gutwika amabendera ya Uganda.

Ubwo Museveni yinjiraga muri iyi kaminuza,abanyeshuli bahise bavuza induru bati “Bobi Wine! Bobi Wine! Bobi Wine!”,umwe ahita atwika ibendera rya Uganda Museveni areba.

Aba banyeshuli bavugije induru basaba Museveni kurekura umushakashatsi muri kaminuza ya Makerere witwa Stella Nyanzi ufungiwe muri gereza ya Luzira.

NYARUGENGE: abajura bitwaje ama Trounovise batawe muri yombi bazira gushaka kwica umuntu bamunize: [REBA INKURU]>>>>

By Chaba Ally Promo

Agatsiko k’abajura babiri bitwaje trounovise batawe muri yombi n’abashinzwe umutekano mu murenge wa rwezamenyo ya mbere mu kagari k ‘Intwari ubwo bashakaga gutera trounovise umusore witwa “Eric” dore ko babanje kumuniga bashaka ku mwambura utwo yarafite.

Amakuru dukesha bamwe mu bashinzwe umutekano muri aka kagari batangarije Rwanda Paparazzi ko uyu musore yatabawe ataragirirwa nabi, dore ko yatatse cyane umusore witwa “Nzuli Veda” wari hafi aho yumvise umuntu atatse ahita akora uko ashoboye ahita ahamagara abashinzwe umutekano bagota abo bagizi ba nabi impande zose maze babata muri yombi

Uyu musore wambaye umwenda uri mumabara y’umweru si ubwambere atawe muri yombi azira ubujura kuko abaturage batubwiye ko asanzwe yitwikira ijoro akajya kuniga abantu abambura utwabo.

Mu gihe bahamwe n’icyaha  cyo gucura umugambi wo gukora icyaha cy’ubujura bukoresheje intwaro, igitabo cy’amategeko ahana ibyaha mu Rwanda mu ngingo ya 305, iyo bwakozwe n’umuntu urenze umwe agatsiko bahanishwa igihano cya burundu.

Posted by: Chaba Ally Promo @RwandaPaparazzi.rw

Amashusho ya ShaddyBoo ari kugirana ibihe byiza n’umuhanzi wo muri Tanzania mu rwego rwo gukora mujisho Diamond yaciye ibintu[AMAFOTO]

By Chaba Ally Promo
Amashusho ya ShaddyBoo ari kugirana...

ShaddyBoo wamamaye cyane ku mbuga nkoranyambaga cyane cyane Instagram yagaragaye ari kugirana ibihe byiza n’umuhanzi Ommy Dimpoz wo muri Tanzania.

Ku mbuga nkoranyambaga benshi batunguwe no kubona Mbabazi Chadia uzwi nka ShaddyBoo ari kubyinana n’umuhanzi Ommy Dimpoz uri mu bahanzi bakomeye muri Tanzania.

Nyuma yo kubona uko aba bombi bakaraga umubyimba, benshi bahise batangira kuvuga ko mu by’ukuri Dimpoz wari umaze iminsi arembye yaba agenda amera neza ari nako akora mu jisho Diamond byavugwaga ko ariwe ufitanye ubucuti bwihariye n’uyu munyarwandakazi.

Indirimbo aba bombi bagaragaye babyina ni iyitwa ‘You are The Best’ iri muzo Dimpoz amaze iminsi ashize hanze nyuma yuko avuye mu bitaro. Mu butumwa Ommy Dimpoz yashyize hanze kuri uyu wa gatatu yashimiye ShaddyBoo wamufashije kubyina indirimbo ye .

Yagize ati “Uwo tubyinana ni agatangaza, gusa njye ikibazo ndacyarwaye bavandimwe. Shyiraho hashitagi [hashtag]. Sinaryama ntatangije iyi carenji [challenge], wabyina wowe ubwawe cyangwa ugashaka undi mubyinana…, uwanjye ni Shaddy Boo. Wowe ni nde muri bubyinane? Ndibutangaze ibihembo vuba aha.”

Nyuma yaya mashusho bari kugirana ibihe byiza, bamwe babifashe nko kugirango Ommy Dimpoz akore mu jisho mugenzi we Diamond kuko ariwe muhanzi wenyine rukumbi wigeze kuvugwa mu rukundo n’uyu mugore ShaddyBoo w’abana 2

Umugore yiyemeje kubana mu nzu imwe n’abasore babiri bahoze bamutereta [AMAFOTO]

By Chaba Ally Promo
Umugore yiyemeje kubana mu nzu imwe...

Umukobwa witwa Ali Jones w’imyaka 29 usanzwe ashushanya ku mibiri y’abantu yatunguye benshi kubera umwanzuro yafashe wo kubana mu nzu imwe n’abagabo babiri bigeze kumutereta nyuma bakaza gutandukana.

Uyu mukobwa yemeye kubana n’aba bagabo babiri Damien Grundy w’imyaka 30 na Matty Ruchton w’imyaka 26 ubwo bahuriraga mu kabari,akababwira ko bose abakunda.
Uyu mukobwa ukomoka muri Afurika y’Epfo yemeye kubana n’aba bagabo be uko ari babiri,biyemeza kumufasha kurera abana 2 afite.

Uyu mugore yabanje kubana na Damien muri 2013 babyarana abana 2,nyuma baza gutandukana yibanira na Matty Ruchton nawe baza gutandukana mu gihe gito.

Aba bagabo babiri bahuriye mu rugendo baba inshuti,uyu mugore wari waragiye gutemberera I burayi aza guhura nabo nyuma agarutse muri Afurika y’Epfo.

Ijoro rimwe aba bagabo bombi batumiye uyu mugore basangira inzoga nibwo ngo bemeranyije kubana mu nzu imwe ari 3 ndetse ngo biyemeje gusangira byose birimo no gutera akabariro.

Uyu mugore yabwiye abanyamakuru ko aba bagabo bafite ibyo batandukaniyeho ndetse imico ya buri umwe aba ayikeneye ariyo mpamvu yishimira kubana nabo bombi.

Ku munsi w’Umuganda Abanyarwanda bateguriwe igitaramo cyo koga ku buntu kizahuriramo ibyamamare: [REBA HANO]>>>>

By Chaba Ally Promo

Ushobora kwibaza uti” nzatemberera he nyuma yaho uzaba umaze gusoza umuganda dore ko bamwe basoza umuganda nyuma bakabura aho batemberera bitewe no kutamenya aho ibyiza biri cyangwa se aho watemberera hakagufasha kuruhura mu mutwe ndetse ukabona ibyiza bitandukanye

“POOL PARTY” ni igitaramo cyateguwe n’Izobere mu gushimisha abantu ndetse iki gitamo kwinjira bikaba ri ubuntu ndetse no koga bikaba ari ubuntu.

Aba ni bamwe mu bazagufasha gususuruka

“Mc Anita Pendo” Uyu usanzwe azwiho gususurutsa abantu akaba ari umwe mu bateguye iki gitaramo aganira na Rwanda Paparazzi yatubwiye ko iki gitaramo kigamije guha abantu ibyishimo ndetse anasaba abantu ku zitabira iki gitamo dore ko hari ibyiza byishi muzahasanga

“Dj Lenzo” Uyu usanzwe azwiho kunyuranya imiziki nawe azaba hari ndetse nawe arizeza abantu ko azabashimisha bikomeye

“Mc Phil Peter “ nkuko bisanzwe uyu azaba ahari Phil peter Uyu usanzwe uzwiho gushimisha abantu mu bitaramo bitandukanye hano mu Rwanda

Iki gitaramo kizabera ahazwi nka “Aura ahahoze “Beirut kibagabaga” guhera ku isaha ya saa 01:00pm kwinjira ni ubuntu ndetse no koga ni ubuntu!!

Posted by: Chaba Ally Promo @RwandaPaparazzi.rw

Nyarugenge: Ukekwaho kwiba ibirayi mu modoka igenda yarashwe arapfa [INKURU]>>>>

By Chaba Ally Promo

Mu ijoro ryacyeye ku muhanda Kigali-Shyorongi, Polisi yarashe umugabo ukekwaho ubujura bw’ibirayi mu modoka igenda, aho bivugwa ko yari afite n’umupanga.

Mu muhanda umanuka mu ishyamba i Shyorongi werekeza i Kigali, mu Kagari ka Nyamweru mu Murenge wa Kanyinya, niho uyu mugabo yarasiwe.

Umuvugizi wa Polisi mu Mujyi wa Kigali, CIP Marie Goretti Umutesi, yabwiye Itangaza makuru ko uyu warashwe hatamenyekanye umwirondoro we kuko nta byangombwa yari afite.

Ati “Twari dufite amakuru ko aho hantu abajura bahategera imodoka zipakiye ibirayi, polisi yari ihari rero icunga umutekano. Abajura babiri bitwaje imihoro babonye Daihatsu ipakiye ibirayi, batangira guca ihema bakoresheje imipanga bari bafite, ibirayi bitangira kunyanyagira mu muhanda.”

“Shoferi yahagaze, umujura umwe yahise atema ibirahure by’imodoka akoresheje umupanga, Polisi iba yababonye igerageza kumubuza birananirana, mugenzi we abonye Polisi yahise yirukanka, uwasigaye araraswa.”

CIP Umutesi yakomeje agira inama abaturage kurushaho kwicungira umutekano, ashimangira ko Polisi n’izindi nzego z’umutekano ziri maso.

Umupolisikazi wo muri Ghana ufite ubwiza budasanzwe yatitije imbuga nkoranyambaga [AMAFOTO]

By Chaba Ally Promo

Umupolisikazi ukomoka muri Ghana yatumye benshi bacika ururondogoro ku rubuga rwa Instagram kubera ubwiza bwe bwatangaje benshi mu babonye amafoto yashyize hanze.

Uyu mupolisikazi yatumye benshi bacika ururondogoro bavuga amagambo nk’aya abagombozi kubera ubwiza bwe ndetse bose bavuze ko ariwe mupolisikazi ufite uburanga kurusha abandi muri Ghana.

Uyu mupolisikazi yifotoje yambaye imyenda y’akazi y’umukara ndetse n’iy’umweru bituma abafana be batandukanye bamubwira amagambo yo kumutaka.

Gafotozi wafotoye aya mafoto yayakwirakwije ku mbuga nkoranyambaga ndetse avuga ko uyu mugore ari umupolisikazi ndetse benshi barabyemeza kubera imyenda y’akazi yari yambaye.

Amazina y’uyu mupolisikazi ntiyigeze amanyekana ndetse ntibizwi neza niba ari umupolisikazi cyangwa atari we gusa benshi ntibabitinzeho kubera ko yari yambaye imyenda y’abapolisi ba Ghana.

Benshi mu bakunze aya mafoto y’uyu mupolisikazi babajije amazina ye kugira ngo bamumenye kurushaho nyuma yo gutangarira ubwiza bwe.

Harmonize yatunguranye ahishura uburyo ShaddyBoo ariwe mukobwa azi akomoza n’ibyo akundira u Rwanda birimo abakobwa beza

By Chaba Ally Promo
Harmonize yatunguranye ahishura uburyo...

Umuhanzi Harmonize yatangaje ko akunda u Rwanda n’abanyarwanda ngo kuko iki gihugu agifata nko mu rugo nyuma ya Tanzania akomokamo.

Ubwo yari mu kiganiro ku 102.3 Kiss FM yatangaje bimwe mu bituma akunda u Rwanda, ngo ku isonga haza abakobwa beza ndetse n’isuku ibarizwa mu mujyi wa Kigali.

Umunyamakuru Uncle Austin wari wamwakiriye muri Studio yamubajije uko yatekerezaga u Rwanda mbere y’uko ahagera maze, Harmonize asubiza muri aya magambo: “Urabizi, ko buri twese tuzi ko u Rwanda ari igihugu cyiza, gifite abakobwa beza….(ahita aseka).

Yavuze ko mu bakobwa azi mu Rwanda harimo na Shaddy Boo (wamamaye kubera amafoto n’amashusho anyuza ku rubuga rwe rwa instagram).

Ntabwo bitangaje cyane kuba uyu muhanzi Harmonize azi Shaddy Boo cyane ko mugenzi Diamond baririmbana mu itsinda rya Wasafi ari incuti y’uyu mugore kuko hari amafoto yakunze gusakara bari kumwe.

Uyu Shaddy Boo kandi akunze kugaragara ari kumwe n’ibyamamare byaje mu Rwanda, ndetse mu bihe bishize yagaragaye yifotozanije na Davido ubwo aheruka mu Rwanda.

Uyu mugore w’abana babiri yigeze kwihandagaza avuga ko ibi byamamare byose biza mu Rwanda bimuzi ngo we atabizi, ibintu byafashwe na bamwe ko ari kwiyemera kuko indirimbo z’aba bahanzi inyinshi nizo akunze kwifotoza abyina.

Ibintu wakora mu kugaragariza uwo mwashakanye ko umukunda nyabyo [REBA HANO]>>>>

By Chaba Ally Promo
Ibintu wakora mu kugaragariza uwo...

Mu gice cya mbere cy’iyi nkuru isobanura ibintu wakora mu kugaragariza uwo mwashakanye ko umukunda nyabyo, twari twagarutse ku mbaraga z’amagambo yo gushima mu kubaka urukundo rw’abashakanye. Muri iki gice cya kabiri turareba izindi ngingo za ngombwa mu kubaka urukundo n’imibanire myiza hagati y’abashakanye.

Uretse amagambo yo gushimira hagati y’abashakanye, ikindi cy’ingenzi ku bashakanye ni ukuvuga amagambo meza kandi ukanamenya kuyavuga mu buryo bwiza, ukagenzura uririmi rwawe mu gihe ubwira uwo mwashakanye kuko abashakanye ari ngombwa kuvugana amagambo yuzuye urukundo, ari nayo mpamvu ubanza kugenzura amagambo ugiye kubwira mugenzi wawe kandi n’uburyo ugomba gukoresha mu kuyamubwira ukabwitondera kuko akenshi iyo utabyitondeye bishobora kugabanya ikigero cy’urukundo uwo mwashakanye agukunda cyangwa se bikagusenyera.

Burya hari amagambo amwe ariko asobanurwa mu buryo butandukanye bitewe n’uburyo uyavuzemo. Urugero uvuze ngo Ndagukunda undi akavuga ngo Ndakwikundira, bijya gusobanura kimwe ariko ubibwirwa abona ko kimwe kirimo akarusho.

Ikindi kandi amagambo avuzwe mu ijwi ryo hejuru cyangwa se amagambo agaya ntabwo agaragaza urukundo ahubwo aba yerekana kumucira urubanza cyangwa kumwereka ko yaciye inka amabere. Uburyo uvuga ubwira umugabo wawe cyangwa umugore wawe biba ari ngenzi cyane. Bibliya itubwira ko “amagambo yoroheje yegizayo uburakari”.

Mu gihe umugabo wawe cyangwa umugore wawe yarakaye cyangwa afite ibyamutesheje umutwe (stress), ntukamwongerere umuriro ahubwo mubwize ijwi ryoroheje. Kandi niba hari icyo wakoze kibi kuri we, biragusaba kumusaba imbabazi kandi ukabyihana ubwawe ukanatera intambwe yo kumwegera ukamusaba imbabazi utitaye ku cyubahiro cyawe kuko ikiba kigamijwe ni ukurangiza icyo kibazo ntabwo ari ukwerekana uko wowe ubibona. Ibyo nibyo byerekana gukura mu rukundo.

Urukundo ntabwo rugarura amakosa yashize kuko nta n’umwe umeze nka malayika. Muri buzima bw’abashakanye ntabwo igihe cyose dukora ibintu neza cyangwa mu buryo bwiza, ntabwo dushobora gusiba ibyashize ahubwo kimwe dushobora gukora ni ukwihana kandi tukemera ko atari byiza tugahanga amaso iby’ahazaza.

Dushobora gusaba imbabazi kandi tukagerageza gukora ibitandukanye n’ibyashize mu gihe kiri imbere. Iyo umwe ahisemo ubutabera (Justice) kandi agashaka ko yisyhurwa ibyo yakorewe urukundo ruba rubaye ikidashoboka. Iyo umwe ahisemo kubabarira mugenzi we, urukundo rurakomeza kandi rukongera rukabyuka. “Kubabarira niyo nzira urukundo runyuramo”.

Hari imvugo cyangwa intekerezo zigaragaza uko kutihangana no kutababarira, izo zikaba zisenya urugo mu buryo bworoshye. Muri izo twavugamo: ”Siniyumvisha ukuntu wabikoze, ndumva ntazabyibagirwa, ntushobora kumva uko wambabaje, Sinshobora gukomeza kubana nawe nibikomeza gutya; N’iyo wampfukamira gute sinzi ko nshobora kukubabarira…” .

Ayo magambo yose ntabwo ari amagambo y’urukundo, ikintu cy’ingenzi kandi cyiza ni ukureka ibyo byakubabaje bibi bikaba amateka. Nibyo byarabaye kandi byarakubabaje kandi biracyakubabaza ariko icy’ingenzi ni ukubisabira imbabazi kandi ugatanga izo mbabazi.

Nk’uko nabivuze haruguru ntushobora gusiba ibyashize ariko ushobora kubyemera nk’amateka ntukomeze kubyubakiraho. Dukeneye guhitamo kubaho uyu munsi tubohotse kubyo twakoze ejo hashize. Kubabarira ntabwo ari uko wiyumvamo cyangwa umerewe ahubwo KUBABARIRA nicyo usabwa gukora nk’uko ijambo ry’Imana ribivuga. Ni uguhitamo kwerekana impuhwe ntabwo ari ukugumana ibyo wakorewe ubikoresha mu guhangana n’uwabigukorereye.

Kubabarira ni uburyo bwo kwerekana urukundo ugira uti: (Ndagukunda , I love you, Je t’ aime, Nakupenda.) bishaka kuvuga ngo “Nkwitayeho kandi mpisemo kukubabarira, ntabwo nzongera kwemera ko bigaruka kuri twe, ndizera ko ibi bitubayeho tuzabyigiraho, ntabwo waciye inka amabere kubera biriya byatubayeho. Uri umutware wanjye cyangwa se uri umufasha wanjye kandi twese tugiye gukora urugendo rushya duhereye hano”.

Biravugwa:Sacha yari yarahengamiye umuhanzi Meddy[AMAFOTO]

By Chaba Ally Promo
Biravugwa:Sacha yari yarahengamiye...

Umwe mu bagore bagiye bavugwaho byinshi hano mu Rwanda uzwi ku izina rya Sacha wigeze no kuririmba nyuma akaza kubireka ndetse akaba yaramenyekanyeho kuba yarigeze no kuba umukunzi w’umuhanzi nawe ubarizwa mu itsinda rya Urban Boys nyuma bakaza gushwana nabi..aho byavuzwe cyane ko Sacha yacaga inyuma ya Nizzo bigera naho atwara inda atazi,ubu biravugwa ko akunda urukundo rudasanzwe umuhanzi Meddy.

Sacha ni umwe mu bakobwa bacye hano mu Rwanda bafite abantu batari bake babakurikirana ku rubuga rwa Instagram ndetse akaba ari no mu bakobwa bacye bafite imiterere ikurura abagabo,ubusanzwe amakuru y’urukundo agirira umuhanzi Meddy yagiye ava mu nshuti z’uyu mukobwa za hafi gusa ntibihabwe agaciro.

Sacha na Nizzo bagiranye ibihe bidasanzwe
Gusa Sacha yaje kugaragaza amarangamutima ye ubwo yashyiraga ifoto ya Meddy ku rukuta rwe rwa Instagram avuga ko kuri ino si ya rurema nta muhungu numwe usa na Meddy,mbese we ahamya ko kuri ino si ntawasimbura Meddy mubwiza no kugira igikundiro.

Kugeza ubu umuhanzi Meddy afite umukunzi

Gusa amakuru ahari nuko kugeza ubu Meddy afite umukunzi ndetse anaherutse kuzana i Kigali kumwereka umuryango,bivuze ko bidashoboka ko yakundana n’uyu mukobwa nubwo we amugirira urukundo rudasanzwe kuko atahwemaga kumuposting ku rukuta rwe rwa Instagram uko bwije nuko bukeye,uretse ko Meddy nyuma yo kuzana umukunzi we i Kigali kumwereka Maman we Sacha yahagaritse ibyo kongera kumushyira ku mbuga nkoranyambaga nkuko yari asanzwe abikora anamuvugaho amagambo adasanzwe yuzuye amarangamutima amutakagiza.

Sacha Kat biravugwa ko yari yararwariye indege Meddy

Umukobwa wiga muri Kaminuza yahemukiwe bikomeye n’indwara y’ibitotsi yamurembeje [REBA AMAFOTO]>>>>

By Chaba Ally Promo
Umukobwa wiga muri Kaminuza yahemukiwe...

Umwongerezakazi witwa Rhoda Rodriguez-Diaz w’imyaka 21, ukomoka mu mujyi wa Leicester arwaye indwara y’ibitotsi bimufata ari ahantu hose ndetse ngo ku munsi ashobora gusinzira amasaha 22.

Mu minsi ishize uyu mukobwa wiga muri kaminuza yahuye n’uruva gusenya ubu burwayi bwe bumufata ari mu kizamini arasinzira karahava,akanguka cyarangiye kare,abanyeshuli nabo batashye bimuviramo kwirukanwa ku ishuli.

Uyu Rhoda Rodriguez-Diaz ufite uburwayi budakunze kubaho bwo gusinzira igihe kirekire,ngo hari igihe asinzira icyumweru kirenga atarakanguka bikamuviramo gucikwa amasomo ndetse na bimwe mu bizamini.

Rhoda Rodriguez-Diaz iyo asinziriye abyuka gusa ari uko ashatse kurya,kujya mu bwiherero no kunywa amazi ariko ngo iyo ibyo atabikeneye arasinzira ntakanguke.
Mu minsi ishize Rhoda aherutse gusinzira ibyumweru 3,asiba ibizamini byo gusoza umwaka wa kabiri wa kaminuza yigagamo birangira yirukanwe ku ishuli.

Rhoda uhorana intimba kubera iyi ndwara arwaye yananiwe kuvurwa n’abaganga,yavuze ko ababazwa n’uko abantu bamwita umunebwe kandi ntacyo yakora ngo akire ubu burwayi.

Yagize ati “Birambabaza cyane iyo abantu banyita umunebwe.Ntabwo nashobora guhangana n’ingaruka nterwa n’ibitotsi.Gusinzira ni kimwe mu bigize ubuzima bwanjye ntabwo ari njye ubwanjye.Birambabaza ariko ntacyo nabikoraho.”

Rhoda akiri umwana,abaganga bamusanganye uburwayi bukomeye bwa hyper insomnia bwatumaga ahorana umunaniro ndetse agahora asinziriye kugeza mu mwaka ushize aho basanzeubu burwayi bwaramurenze.

Ubwo Rhoda yari afite imyaka ine n’itanu yamaraga ibyumweru 3 adakangutse,bigatuma benshi batekereza ko yapfuye.

Indwara ya Kleine-Levin syndrome (KLS) idakunze kubaho,ikunze gufata urubyiruko ndetse abayirwaye nibura bamara amasaha 20 ku munsi basinziriye.

Iyi ndwara ikunze gufata urubyiruko ndetse 70 by’abayirwara ni abasore.ibiranga ubu burwayi ni uguhorana umunaniro no kugira ubushake budasanzwe bwo kuryama.

Ubu burwayi ntibuhoraho buri munsi, ariko buza mu byiciro aho iyo bufashe umuntu ashobora kumara ibyumweru byinshi asinziriye ngo ndetse hari n’abageza ku kwezi batabyutse.

❌