WebRwanda.com

🔒
❌
There are new available articles, click to refresh the page.
Before yesterdayIBYAMAMARE.com

Ibirori bisoza irushanwa rya Miss Supranational Rwanda byimuwe kubera igitaramo cyo Kwita Izina

By admin

Ku itariki ya 7 Nzeri 2019 nibwo hari hateganyijwe ibirori byo gusoza irushanwa rya Miss Supranational Rwanda hakanatangazwa uwegukanye ikamba, ariko magingo aya ibi birori byamaze guhindurirwa itariki kuko byahuriranye n’igitaramo cyo kwita izina kizaririmbamo Meddy n’icyamamare Ne-Yo.

Abategura iri rushanwa ry’ubwiza rigamije gushakisha umukobwa uzaserukira u Rwanda mu irushanwa rya Miss Supranational ku rwego mpuzamahanga, batangaje ko bahisemo kwimura final y’aryo bakayishyira ku itariki 8 Nzeri 2019.

Impamvu batanga ngo nuko iriya tariki ya 07 Nzeri mu mujyi wa Kigali hateganyijwe igitaramo cy’imbaturamugabo kizaba kirimo Ne-Yo, Meddy n’abandi bityo ko uwategura ikindi gikorwa bibangikanye na cyo yabihomberamo kuko atabona abantu bakitabira.

Alphonse Nsengiyumva uri mu bategura iri rushanwa, yagize ati “Impamvu nyamukuru ni uko turi mu bihe by’imvura twahisemo kujya muri Serena kuko hari ahatwikiriye hahagije, ikindi ni uko twagize impungenge z’abafana kuko iriya tariki yahuriranaga n’igitaramo cya Ne-Yo na Meddy kandi dukeneye ko abantu bahajya hombi bakidagadura.”

Akomeza avuga ko i Nyarutama aho ibi birori byagombaga kuzabera ari kure kandi hatagendetse bityo ko kukimurira i Nyarugenge babonye hakorohera benshi.

Iri rushanwa rigeze hagati, abakobwa 20 bahataniye ikamba bamaze gutoranywa hasigaye gukurwamo abandi batanu, abasigaye 15 bakajya mu mwiherero.

Umukobwa uzatwara ikamba rya Miss Supranational Rwanda 2019 azahabwa Miliyoni 1Frw aserukire u Rwanda mu irushanwa rya Miss Supranational rizabera muri Poland mu Ukuboza 2019.

Abandi bazahembwa ni Igisonga cya mbere kizahabwa ibihumbi 500 Frw n’igisonga cya kabiri kizahabwa ibihumbi 300 Frw.

 

 

Meddy yijeje Abanyarwanda ibidasanzwe mu gitaramo azahuriramo na Ne-Yo

By admin

Ku itariki ya 7 Nzeri 2019 nibwo muri Kigali Arena hazabera igitaramo ngaruka mwaka cyo kwita amazina abana b’ingagi. Meddy watumiwe nk’umuhanzi w’Imena hamwe n’umunyamerika Ne-Yo, yijeje abanyarwanda kuzabataramira bitandukanye nuko yari asanzwe abikora.

Uretse Meddy na Ne-Yo iki gitaramo kizaririmbamo abandi bahanzi basanzwe mu Rwanda nka Bruce Melodie, Riderman na Charly na Nina.

Mu kiganiro n’itangazamakuru cyabaye kuri uyu wa Gatanu aho igitaramo kizabera, Meddy yavuze ko iki gitaramo ari intambwe ikomeye ku bahanzi bazagihuriramo, ko biteguye kwerekana ibyiza kandi byinshi.

Ati “Ni intambwe ikomeye ku bahanzi kandi nibwo bwa mbere hagiye kuba igitaramo nka kiriya ku rubyiniro nka ruriya, niho tugiye gutangirira kujya dukorera ibitaramo bikomeye nka biriya muri Arena.

Yakomeje avuga ko imyiteguro bayigeze kure ndetse ngo abari bamenyereye ko abyina ibintu bimwe arashaka kubereka n’ibindi byinshi.

Ati “Imyiteguro igeze kure. Mfite itsinda rizamfasha ku rubyiniro ricuranga, ababyinnyi barahari. Dushaka gusogongeza abantu ko ibyo turirimba atari biriya gusa bumva kuko akenshi baba bazi ndirimbo mu buryo bumwe nkanabyina ibintu bimwe ariko nshaka kubereka impande nyinshi za Meddy.”

Bruce Melodie nawe yashimangiye ko imyiteguro imeze neza ndetse ko niba hari ibyo yakwigira kuri Ne-Yo azaba ari umwanya mwiza.

Riderman ari nawe muraperi wenyine uzaririmba muri iki gitaramo, yabanje gushimira RDB izaba yizihiza y’imyaka 15 ishize habaho igikorwa cyo Kwita Izina ingagi. Akomeza avuga ko bambariye kuzashimisha abanyarwanda n’abakunzi ba muzika bose bazitabira iki gitaramo.

Charly na Nina bo ntibashoboye kuboneka muri iki kiganiro n’itangazamakuru bitewe nuko bari hanze y’igihugu ariko bari bahagarariwe. Ne-Yo nawe ntiyahabotse kuko azagera mu Rwanda mu minsi iri mbere.

Kwinjira muri iki gitaramo ni 3000 Frw ku banyeshuri, 10 000 Frw, 25 000 Frw na 50 000 Frw mu myanya y’icyubahiro. Imiryango izaba ifunguye guhera saa kumi n’imwe z’umugoroba.

Amatike ari kugurishirizwa kuri Jumia, Chomad, RDB Gishushu, Kigali na Bourbon Coffee Shops ya Nyarutarama, KCT na UTC. Abantu bose basabwa kuzaza kare kugira ngo hatazaba umubyigano cyangwa se bamwe bagasanga imyanya yashize.

Urupapuro rwamamaza iki gitaramo.
Bruce Melody mu kiganiro n’abanayamakuru.
Riderman nawe ngo yambariye gushimisha abakunzi bamuzika muri iki gitaramo.

 

Papa wa Miss Mutesi Aurore yashyinguwe muri USA

By admin

Kuri uyu wa 28 Kanama 2019 nibwo Ladislas Kayibanda umubyeyi wa Miss Mutesi Aurore wabaye Nyampinga w’u Rwanda 201, yashyinguwe mu cyubahiro muri Leta Zunze Ubumwe za Amerika.

Uyu muhango wabereye mu Mujyi wa Portaland, witabirwa n’abanyarwanda batuyeyo n’inshuti zabo. Ladislas Kayibanda yitabye Imana tariki 18 Kanama 2019 azize uburwayi yari amaranye igihe.

Ni umubyeyi wa Kayibanda Mutesi Aurore na Hirwa Henry wari umuririmbyi mu itsinda rya KGB nawe witabye Imana.

Aurore n’abavandimwe be basigaranye n’umubyeyi wabo umwe (mama) nawe babana muri Leta Zunze Ubumwe za Amerika.

Mutesi Aurore n’abo mu muryango we mu gusezera umubyeyi wabo.

 

Linda filime nshya y’Abanyarwanda yari itegerejwe ku isoko iramurikwa kuri uyu wa gatanu

By admin

Ikompanyi yitwa Ultimate Film Ltd yatangaje ko kuri uyu wa Gatanu tariki ya 30 Kanama 2019 aribwo bazerekana ku nshuro ya mbere filime yabo yitwa ‘Linda’ bakazahita bayishyira ku isoko kuburyo n’abandi bayibona.

Gogo Gaudance watangije iyi kompanyi ikiri nshya muri cinema nyarwanda, yabwiye Ibyamamare.com ko igikorwa cyo kumurika iyi filime kizabera muri Quelquepart kwa Rubangura ndetse ngo hazaba hanagurishwa amacd kuburyo uyishaka azahita ayitahana.

Akomeza avuga ko iyi filime yashowemo asaga miliyoni 5 z’amafaranga y’u Rwanda, ikaba igaragaramo bamwe mu bakinnyi basanzwe bamenyerewe muri cinema Nyarwanda nka Nkota, Mama Nick wo muri City Maid n’abandi.

Ngo yizeye neza ko izagaragaza itandukaniro hagati ya filime zakozwe na kompanyi yabo n’izindi zari zisanzwe ku isoko mu Rwanda.

Ati “Twagerageje gukora ibishoboka byose kugirango dukore ikintu kiza kandi gitandukanye n’ibyo dusanzwe tumenyereye hano iwacu. Ndizera ko abanyarwanda bazayikunda kuko n’abakinnyi bayirimo ari abahanga”.

Ibirori byo kumurika iyi filime bizayoborwa na Anita Pendo, guhera saa kumi nebyiri z’umugoroba muri Quelquepar. Kwinjira ni 5000Frw mu myanya y’icyubahiro na 2000Frw ahasigaye ugahabwa n’icyo kunywa.

Gogo Gaudance washoye imari muri inema Nyarwanda abinyujije muri kompanyi ye yitwa Ultimate FilmLtd.

Reba ubutumwa Fresh Gemmy yahaye Meddy,Emmy,Alpha na Kamichi

By Ndekezi Jonhson

“Urugendo rwange muri muzika ruri kugenda ruba rwiza,abantu b’ingeri zitandukanye bishimiye indirimbo zange binyereka ko ibyo ndi gukora babikunze nange ubu gahunda n’ugufatiraho”

Ayo n’amagmbo yatangajwe n’umuhanzi Nyarwanda Fresh Gemmy ubarizwa muri Leta Zunze Ubumwe z’Amerika ubwo yaganiraga n’umunyamakuru wa Ibyamamare.com agaruka kuko yakiriwe mu ruhando rwa Muzika Nyarwanda.

Fresh Gemmy amaze gushyira hanze indirimbo 2 zirimo “Umana wanjye” niyo yise “Urugo ruhire” akaba ateganya gukurikizaho indirimbo azakorana hagati ya Gisa cy’Inganzo cyangwa Aime Bluestone indirimbo yizera ko izazamura urwego rwe.

Fresh Gemmy ukomeje kwigaragaza mu gihe gito amaze mu muziki

Uyu musore yizera ko iyo ukoze ikintu cyiza byanga bikunda ugera kure ari nayo mpamvu asaba Abanyarwanda kumushyigikira kuko amaze kubona ko byose bishoboka kuko iyo yibutse aho yahereye kuva mu bwana akiririmba muri Korali kugeza aho yinjiriye muri Studio yasanze kwitinyuka no gukora neza n’imbaraga nyinshi byakwicaranya n’abakomeye.

Nk’umuhanzi ukorera muzika muri Amerika atangaza ko ba Meddy,Alpha,Kamichi,Kavuyo naba Emmy bakunda kuvugana cyane aho abasaba nk’abahanzi babatanze mu muziki kujya babafasha

“Icyo nababwira nk’abadutanze mu muziki n’ukujya badufata akaboko,bakatugira inama z’uko twakora,bakibuka ko imyaka yabo iri kugenda itambuka bakwiriye gufasha n’abakizamuka kugira ngo bagire n’abo icyo bafasha uruganda rwa muzika Nyarwanda kuko n’abantu b’agaciro twubaha”Fresh Gemmy

Mu kiganiro na Ibyamamare.com yasoje ashimira abakunzi ba Muzika Nyarwanda ndetse n’itangazamakuru ukuntu bakomeje kumufasha abasaba kumuba hafi muri uru rugendo rwa muzika.

Rubavu: Mwitangira rya Rwanda Circus Camp abanyempano bakuriwe ingofero

By Ndekezi Jonhson

Kur’uyu wa mbere taliki ya 26 Kanama 2019 mu karera ka Rubavu mu mujyi wa Gisenyi hatangiye Rwanda Circus Camp igikorwa kizarangira taliki 30 kanama 2019.

Rwanda Circus Camp 2019 mw’itangira ryayo abanyempano batandukanye biyerekanye mu mujyi wa Gisenyi aho ababyinnyi,abagendera ku nkweto z’amapine,abakora amasiporo atandukanye n’abandi bafite ubuhanga butangaje mu kugorora umubiri biyeretse aba nyagisenyi bagatangarirwa ku buryo butangaje.

uzwi nka Maitre Innocent nawe yari ahari
Innocent uherutse muri Senegal nawe ari muri Rwanda Circus Camp

N’igikorwa cyateguwe na Future Vision Acrobat cyirimo amatsinda atandukanye harimo ayaturutse mu mujyi wa Kigali ndetse no muri Repubulika iharanira Demokarasi ya Congo hakaba hari hategerejwe abari kuva muri USA bakagarukira mu nzira kubera kwikanga icyorezo cya Ebola.

Iyi Rwanda Circus Camp ifite intego zitandukanye nk’uko twabitangarijwe na Rucamihigo Mupenzi Issa

“Intego nyamukuru yacu n’ukurwanya ibiyobyabwenge mu bana no mu rubyiruko,ihohoterwa rishingiye ku gitsina rikorerwa abana b’akobwa n’inda zitateguwe, guhashya ubuzererezi n’ubukene dukoresheje impano zacu” 

Abantu bari bakubise buzuye
Umuhanda wo ku isoko rya Gisenyi wari wuzuye abantu

Mupenzi aganira na ibyamamare.com yakomeje avuga ko bishimye cyane bitewe n’ukuntu abantu bo muri Gisenyi babacyiriye kandi ko byabateye ishema kuza gushyikirwa n’abantu b’ingeri zitandukanye.

Ride on Gisenyi

Umuyobozi w’urubyiruko n’umuco na Sports mu karere ka Rubavu Bwana John yashimiye uru rubyiruko arusaba kurushaho kurwanya ibiyobyabwenge n’ubuzererezi ndetse no kwirinda inda zitateguwe kandi bakarushaho gukora no kwiteza imbere.

Abakora amasiporo biyerekanye

Rwanda Circus Camp izarangira kuwa 30 Kanama 2019 aho Future Vision Acrobat isaba ababyeyi kuboherereza abana bakabigisha imikino itandukanye kandi ku buntu aho Camp iri kubera ku cyigo cyaba SCOUT i Gisenyi bakarushaho no gusabana n’abandi aho banakangurira urubyiruko guharanira gutungwa n’impano zabo.

KIVU AWARDS2019,ibihembo bigiye guhabwa ababa mu myidagaduro ku turere dukora ku kiyaga cya Kivu

By Ndekezi Jonhson

Kivu  Awards ni ibihembo bigiye gutangwa bwa mbere mu ntara y’uburengerazuba by’umwihariko ku turere dukora ku kiyaga cya kivu, Rusizi,Rubavu,Nyamasheke,Karongi na Rutsiro mu rwego rwo gushyigikira no gutera iteka ababa mu ruganda rw’imyidagaduro muri iyi ntara.

N’igikorwa cy’indashyikirwa muri iyi ntara cyateguwe na KIVU ENTERTAINMENT ihagarariwe na Masunzu Pax usanzwe ar’umunyamakuru wa RBA ishami rya Rusizi kikaba ar’igikorwa cyitezweho gufasha no kwerekana ko no mu ntara hari ibikorwa by’imyidagaduro kandi ababikora bagomba gushimirwa.

N’uko twabitangarijwe na Masunzu Kivu Awards 2019 izaba irimo ibyiciro bigeze kuri 15 mu bisata bitandukanye by’imyidagaduro akaba yahamije ko bari kubitegura neza ku buryo ibihembo bizahabwa ababishoboye nta marangamutima

“Ikijyanye n’amarangamutima ntabwo kizabaho pe,kuko tuzabikorana ubushishozi,dukeneye ko bizatwarwa n’abantu bakoze ibintu bigaragara ku buryo n’uwakumva ngo kanaka yatwayeawards yajya gushaka ibikorwa bye yabireba akabona ko yari abikwiriye” Masunzu

Masunzu avuga ko nyuma yo kubona Code yo gutoreraho bazahita batangira pre nomines mu turere twose mu byiciro bitandukanye nyuma y’agahe gato hakavamo 5 muri buri cyiciro ari nabo bazahatanira ibihembo.

Pax Masunzu uhagarariye abateguye KIVU AWARDS 2019

Masunzu aganira na Ibyamamare.com yakomeje avuga ko gutegura Awards atari ibintu byoroshye ariko ubu ibintu bimwe na bimwe bimaze kujya ku murongo ku buryo mu mataliki ya nyuma y’ukwezi kw’Ugushyingo Awards zizatangwa ku buryo ubu n’ibikombe biri gutunganywa.

Ku bijyanye n’ubushobozi mur’iki gikorwa Masunzu avuga ko nta buhari buhambaye ariko bazategura neza ku buryo bizera ko umwaka utaha bizagenda neza bakaba bazabona n’abafatanyabikorwa.

“Nta mafaranga menshi arimo,ariko icya mbere n’ubushake no gutegura ibintu neza bikajya ku murongo,twizeye ko uwadutera inkunga uwo ari wese ibyo akora byamenyekana kuko tuzanyura mu turere twose dukora ku kiyaga cya KIVU buri wese amarembo arafunguye”

 

Ibyiciro biri muri KIVU AWARDS 2019

Dore ibyiciro biri muri KIVU AWARDS 2019

Artist of The Year, Choir of the Year, Suporter of the Year, Best Audio&Video Producer of the Year, Best female of the year, song of the year, promoter of the year,best model of the year, best diaspor of the year, best ambassador of the year, Group of the year, Radio or website, DJ/VJ of the year,Best Journalist na Best Football player of the year.

Gisenyi Summer Festival,igitaramo kizahuriramo abahanzi Nyarwanda ku nkengero za Kivu.

By Ndekezi Jonhson

Kuwa 31 Kanama 2019 mu karere ka Rubavu ku nkengero z’ikiyaga cya Kivu mu mahumbezi ateye ubwuzu ya El Classico Beach kuri Brasselie hazabera Festival y’imbaturamugabo yiswe “Gisenyi Summer Festival”

Iyi Festival igiye kuba Ku nshuro yayo yambere izaba irimo Abahanzi batandukanye nka Danny Nanone, The Same,Khalidy,Maylo umuraperi wahamije ibirindiro muri Musanze,UNIIK,Pacifica,Shafty,Ben Adolph,Holly Gigi,Bexx,Nandy,N TZIYO,OG Guys,Rich Doxx na El Kenedy.

S’abahanzi gusa bazataramira abakunzi ba Muzika kuko n’abahanga mu kuvangavanga imiziki ku buryo bugezweho bazaba babucyereye harimo Selecta Daddy umaze kubaka izina mur’uyu mwuga, DJ Arafat ndetse na Shamy Shift guhera isaa munani zuzuye bazaba bari gususurutsa abazitabira Gisenyi Summer Festival.

Umuyobozi mukuru wa MSMG Shamy Hategekimana yatangaje ko bafatanyije na El Classico bateguye iyi Festival mu rwego rwo gushyigikira Abahanzi bakorera Muzika mu Karere ka Rubavu no mu Ntara muri rusange

Yagize ati: “Impamvu twahisemo aba bahanzi b’iwacu n’ukubatera ingabo mu bitugu, kugira ngo tugere kure tugomba kubanza gukora cyane iwacu maze n’abahandi bakabona ko dukora kandi duhagaze neza, aya n’amahirwe twahaye abahanzi bacu kugira ngo biyereke abakunzi babo icyo dusaba abantu n’ukuzaza kudushyigikira” Shamy

Shamy akomeza avuga ko guhitamo gukorana n’abahanzi benshi bo muri Gisenyi ko mbere na mbere icyo bareba ar’uguteza imbere umuziki muri rusange ari nayo mpamvu batumiye n’abahanzi bi Musanze ndetse n’umuraperi Danny Nanone kugira ngo barusheho guhuza imbaraga no kumenyana bihagije.

Gisenyi Summer Festival 2019 iteganyijwe kuzaba tariki 31 Kanama 2019, ikazabera muri El Classico Beach benshi bazi nko kwa West aho kwinjira azaba ar’amafaranga igihumbi ukagihabwamo icyo kunywa cya mbere ibintu abenshi mu mujyi wa Gisenyi bahamije ko ar’ubusabane bateguriwe.

Young Grace yise umwana we amazina atangaje

By admin

Mu mpera z’icyumweru dusoje nibwo Young Grace yibarutse imfura ye y’umukobwa. Uyu mwana wahawe akabyiniro ka Diamante na nyina akimutwite, kuri ubu yamaze gutangaza amazina ye nyakuri ko ari ‘Amata Anca Ae’eedah Ai’.

Uyu muhanzikazi wamenyekanye mu njyana ya Hip Hop, yatangiye kugaragaza akanyamuneza atewe n’iyi mfura ye.

Mu butumwa uyu muhanzikazi yanyujije ku rukuta rwe rwa instagram buherekeje ifoto y’uyu mwana, yahishuye ko yamwise Amata Anca Ae’eedah Ai n’akabyiniriro ka Diamante.

Nyuma y’amasaha make yongeye gushyiraho ifoto y’uru ruhinja barupfumbatije inote y’amadorali 100 maze arenzaho amagambo ko uyu mwana ari Baby Boss.

Young Grace yabyaye uyu mwana amaze kumukorera indirimbo ebyiri iyitwa ‘Diamante’ na ‘Arashoboye’ yasohotse habura iminsi mike ngo avuke. Ni mu gihe kandi yemeza ko yamaze gutandukana na se w’uyu mwana bari bafitanye gahunda yo kurushinga.

Young Grace ngo yaraze umwana we ubukire amupfumbatisha amadorali.

 

Amavubi yahamagaye abakinnyi 25 bazahangana na Seychelles

By admin

Umutoza Mashami Vincent uheruka guhabwa ikipe y’igihugu Amavubi mu gihe cy’amezi atatu ari imbere, yahamagaye abakinnyi 25 azifashisha mu mukino u Rwanda rwitegura kuzacakiranamo na Seychelles mu gushaka itike y’igikombe cy’Isi cya 2022.

Mu gitondo cyo kuri uyu wa mbere nibwo umutoza Mashami Vincent yamurikiye itangazamakuru urutonde rw’abakinnyi azifashisha harimo 10 bakina hanze, umunani ba APR FC, bane ba Rayon Sports, babiri ba AS Kigali n’umwe wa Police FC.

Uru rutonde kandi rwongeye kugaragaraho Haruna Niyonzima n’umunyezamu Ndayishimiye Eric ‘Bakame’ batari baherutse guhagarwa mu ikipe y’igihugu. Umutoza Mashami kandi yemeje ko Haruna ariwe uzakomeza kuba kapiteni kuko atigeze asezera.

Biteganyijwe ko aba bakinnyi bazatangira umwiherero kuri uyu wa Kabiri ari nabwo bazatangira gukora imyitozo kuri stade ya Kigali i Nyamirambo.

Umukino ubanza uzabera muri Seychelles ku itariki ya 5 Nzeri naho uwo kwishyura ukazabera i Kigali ku itariki ya 10 Nzeri 2019.

Dore urutonde rw’abakinnyi bose bahamagawe

Abanyezamu: Rwabugiri Umar, Kimenyi Yves na Ndayishimiye Eric Bakame

Ba myugariro: Rwatubyaye Abdul, Emery Bayisenge, Manzi Thierry, Fitina Omborenga, Imanishimwe Emmanuel, Rutanga Eric, Nirisarike Salomon na Iradukunda Eric

Abakina hagati: Buteera Andrew, Muhire Kevin, Mukunzi Yannick, Niyonzima Olivier Sefu, Bizimana Djihad, Niyonzima Haruna na Iranzi Jean Claude

Ba rutahizamu: Kagere Meddie, Tuyisenge Jacques, Manishimwe Djabel, Sibomana Patrick, Hakizimana Muhadjiri, Mico Justin na Sugira Ernest

Umutoza mukuru Mashami Vincent (Ibumoso) na Seninga Innocent umutoza wungirije (Iburyo) batangariza abanyamakuru abakinnyi bahamagaye mu ikipe y’igihugu.

 

VIDEO – Agahinda k’umubyeyi witwa Maman Mugisha, wacurujwe n’umugore wamuvanye mukigo cy’imfubyi bakamutera inda akabyarira umwana muri Ruhurura.

By admin
Maman Mugisha ni umubyeyi utuye Kimisagara, twamusanze kumuhanda aho yari ategereje uwamuha akazi ko gufura kuko aribyo bimitunze, yari kumwe n’umwana we w’umuhungu yise Mugisha.
 
Mukiganiro twagiranye yatubwiye inzira itoroshye yanyuzemo kuva akivuka, yavuzeko atazi Nyina umubyara ndetse atazi na Se kuko yavutse Nyina ngo akamushyira mu ishashi akajya kumujugunya aho bamena imyanda, yaje gutoragurwa n’abagiraneza maze bamujyana mukigo cy’imfupfi, aho yavuye afite imyaka 4 y’amavuko, atwarwa n’umubyeyi wifuzaga kumurera, uyu wifuje kumurera ngo yahise amugira umukozi wo murugo, umukobwa nawe abona ntakundi yabigenza akora akazi, amaze kugira imyaka 12, avugako yatangiye gucuruzwa n’uyu mugore, aho ngo uyu mugore yazanaga abagabo bakamwishyura bagasambanya uyu mukobwa, kuburyo kumunsi yashoboraga gusambana n’abagabo babiri.
Uyu mukobwa yaje gutwita, ntiyigeze amenya uwamuteye Inda kuko yasambanaga n’abagabo benshi, inda imaze kugira amezi 5, Nyirabuja yaramwirukanye, yamaze amezi 4 arara muri rigori munsi y’ibiraro Kimisagara, yahavuye amaze kubyara umwana yise “Mugisha” abagira neza bahamagaye Amburance imujyana, mubitaro bya Muhima bamwitaho nk’umubyeyi wabyaye, amaze kumererwa neza yarasezerewe abura ubwishyu afungirwa mubitaro nyuma aza kurekurwa ahawe imbabazi, yahise asubira aho yararaga akibyara.
 
Kuri ubu uyu mwana Mugisha yarakuze, afite imyaka 4, we na Nyina babayeho mubuzima butaboroheye aho no kubona icyo kurya ari ingume, Mama Mugisha atunzwe no gufura akazi ashobora kubona nka rimwe mucyumweru.
 
Twakozwe k’umutima n’ubuzima butoroshye uyu muryango ubayemo.
 
Uyu muryango ukeneye ubufasha, umuntu wese ufite umutima ufasha kucyo yaba afite cyose Mama Mugisha akeneye inkunga yawe kugirango nawe abashe kubaho neza yishimye, akeneye kurya akeneye mutuel, nibindi byamufasha kubaho nawe anezerewe.
 
NIBA HARI UBUFASHA WIFUZA GUTANGA HAMAGARA IYI NUMERO :: 0788727110 USHOBORA GUTANGA UBUFASHA BWAWE UBUCISHIJE KURI MOBILE MONEY CG SE UKABA WANAMUSURA NABYO NTAKIBAZO.
KANDA HANO UREBE VIDEO

Ishuri rya KFTV kubufatanye na kompanyi ya Canon bari guhugura abifuza kunoza umwuga wo gufotora no gutunganya amashusho

By admin

Canon Central and North Africa ku bufatanye n’ishuri rya Kigali Film and Television School (KFTV) rimaze kubaka izina mu kwigisha urubyiruko iby’ubumenyingiro, barimo gutanga amahugurwa ku banyeshuri n’abarimu bigisha gufotora no gufata amashusho.

Aya mahugurwa arimo gukorwa mu rwego rwo guteza imbere umwuga wo gufotora,gukora video no gukora ibijyanye na sinema byose hagamijwe kandi no gutanga imyidagaduro kuri rubanda nyamwinshi nkuko abateguye aya mahugurwa babigarutseho.

Ni amahagurwa yatangiye taliki 19 Kanama 2019, atangirira mu mujyi wa Kigali akazamara icyumweru cyose.

Guhanga udushya, gushakisha impano no gushaka kuhatana ku isoko ry’umurimo ni zimwe mu zindi ngingo aya mahugurwa arimo kwibandaho aho buri wese wayitabiriye yitezweho kunguka ubumenyi bwiyongera kubwo KFTV ibaha.

Abasaga 50 baturutse muri Kigali nibo barimo guhugurwa n’inzobere z’abatekinisiye ba Canon Central and North Africa (CCNA) aho byitezwe ko abazayasoza bazaba bafatwaho ingero ku bandi basanze ku isoko ry’umurimo.

Umunya Uganda Sumy Sadurni akaba ari n’impuguke y’igenga mu gufotora , niwe urimo gusangiza ubumenyi abitabiriye amahugurwa hifashishijwe cyane cyane camera izwi nka DSLR anabaha ubuhamya bw’ibyo gufotora byamugejejeho, mu gihe umunya Kenyan filmmaker Ben Mwangi ariwe uhugura abakurikirana iby’amashusho(Video). Ibi bikazaba biri gukorwa umuholand Frans van Aken nawe ahugura abarimu .

KFTV isanzwe igirana ubufatanye na Canon bw’igihe kirambye aho mu 2014 aribwo yatangije ibikorwa byayo mu rwego rwo gutanga umurage w’ubumenyi mu rubyiruko rwo muri Afurika, kubongerera ubushobozi mu ikoranabuhanga ndetse no kubashishikariza guhanga udushya.

Kugeza ubu muri gahunda yiswe Miraisha Sustainability Program, Canon imaze guhugura urubyiruko rw’abanyeshuri basaga 4500 ku byerekeye amafoto, gukora sinema n’andi mahugurwa arenga 300 agendeye ku mikoranire.

Aya mahugurwa azarangira hahembwa abitwaye neza ariko abahuguwe bose bakazahabwa impamyabumenyi (Certificates).

Katie Simmonds, uyoboye gahunda ya Miraisha Programme asobanura iby’iyi gahunda yagize ati “Gufatanya na KFTV bigamije guhuriza hamwe iterambere riva mu kwigisha ibyerekeye gufotora bya kinyamwuga, gukora no gutunganya amashusho, gushaka ihuzanzira ry’imikoranire n’izindi nzego tunimakaza ikoranabuhanga ryo ku rwego mpuzamahanga ariko by’umwihariko twibanda ku rubyiruko”.

Theodore Ishimwe, umuyobozi wa KFTV avuga ko kuba iri shuri rigira imikoranire na Canon ari iby’ingenzi kuko abanyarwanda bahungukira bakamenyekana ku ruhando mpuzamahanga ari naho urubyiruko rugomba kubonera uburyo bwo kurushaho kwagura ubumenyi bwabo mu guhatana mu ruhando rwo kwihangira imirimo no guhanga udushya mu Rwanda.

Ubusanzwe CANON , ni ikigo gikomeye gikora kikanacuruza ibikoresho by’ikoranabuhanga birimo Camera, Printer computer, ibikoresho byo kwa muganga n’ibindi. Iki kigo kikaba gifite icyicaro gikuru mu mujyi wa Tokyo mu Buyapani.

Tubibutse ko muri iyi minsi ku nshuro ya gatanu KFTV yongeye gutanga scholarship yo kwiga mashami akurikira,

*Photography and graphic design (week end)
*Music audio production ( ay)
*Acting for film and Television ( week end)
*Cartooning and visual effects ( day)
*Filmmaking and Television production (day, evening na week end).

Iyi niyo Link wakoresha wuzuza imyirondoro yawe
https://form.myjotform.com/90983237442563?fbclid=IwAR2nKjEELHuy5hYvbgSUKJo1fCQLhd74WT3GBOe153jusOKvFhCAIOB2jqM

 

East Africa Got Talent yahamije ko abarundi bateje impaka muri irirushanwa batoherejwe na Leta

By admin

Kompanyi ya Clouds Media International FZ itegura amarushanwa ya East Africa Got Talent yatangaje ko abavuza ingoma z’i Burundi muri iri rushanwa baje ku giti cyabo batoherejwe na Leta.

Itorero Himbaza

Leta y’u Burundi kuwa kabiri yatangaje ko izakurikirana itorero – ryiganjemo Abarundi b’impunzi ziba mu Rwanda – ryagaragaye rivuza ingoma muri iri rushanwa mu mpera z’icyumweru gishize.

Minisitiri w’imico n’inkino mu Burundi yasohoye itangazo rivuga ko “banegura ingendo y’umurwi w’abantu bashatse kwiba no kwiyitirira umurisho w’ingoma z’Uburundi”.

Muri iri tangazo bavuga ko iryo tsinda ryoherejwe na Leta y’u Rwanda muri ariya marushanwa.

Itangazo ryashyizwe hanze n’abateguye East African Got Talent

Clouds Media International FZ yaraye itangaje ko kwinjira muri iri rushanwa byari bifunguriwe buri wese utuye muri Kenya, Rwanda, Tanzania na Uganda hatitawe ku bwenegihugu bwe.

Iri tangazo rivuga ko “abarushanwa biyandikisha ku giti cyabo, nta woherezwa na guverinoma iyo ariyo yose cyangwa ngo aseruke nk’uhagarariye igihugu mu buryo bwemewe”.

Iyi kompanyi ivuga ko yisegura kuri buri wese wababajwe no kuba bariya bakaraza barinjiye mu irushanwa, ariko yo ishimishijwe n’urunyurane rw’impano cyane cyane izerekana imico y’aka karere.

Itorero Himbaza ryagaragaye muri iri rushanwa rica kuri za televiziyo, ryabwiye BBC ko ntacyo ririfuza gutangaza ku byarivuzweho kuko rikiri mu irushanwa.

Got Talent’ ni amarushanwa aca kuri za televiziyo (reality TV show) yo kugaragaza impano nta vangura, yatangijwe mu 2006 n’umwongereza Simon Cowell.

Mu 2014 igitabo cya Guinness World Records cyanditse ko ibiganiro bica kuri televiziyo by’iri rushanwa aribyo biganiro bigaragaza ibintu by’ukuri birusha ibindi byose byabayeho kwamamara.

Ku nshuro ya mbere ubu byaje mu karere k’ibiyaga bigari batoranya abafite impano muri Kenya, Rwanda, Tanzania na Uganda bakarushanyiriza hamwe.

Amashusho y’irushanwa ari kugaragara kuri za televiziyo yafashwe mu kwezi gushize kwa karindwi i Nairobi muri Kenya, ubu yarekanwa icya rimwe kuri televiziyo zimwe na zimwe zo muri ibi bihugu.

Umuyobozi muri Wasafi yemeje ko Harmonize yabandikiye abasezera

By admin

Sallam Mendez ushinzwe gukurikirana inyungu za label ya Wasafi yemeje ko Harmonize uri mubo batangiranye, atakiri umuhanzi wabo kuko yamaze kubandikira asaba ko basesa amasezerano yose bafitanye.

Hari hashize iminsi bivugwa ko Harmonize wiyita Konde Boy atakiri umwe mu bahanzi ba Wasafi bitewe nuko yari atakigaragara mu bikorwa bimwe na bimwe by’iyi label ariko impande zombi zikabitera utwatsi.

Kuri uyu wa Gatatu tariki ya 21 Kanama 2019 mu kiganiro Block 89 gitambuka kuri Wasafi FM, niho Sallam yatangarije ko Harmonize yamaze gusezera muri Wasafi.

Yagize ati “Harmonize uyu mwanya ku mutima we ntabwo akiri muri WCB, ariko mu mpapuro Harmonize aracyari muri WCB. Impamvu mvuze ibyo nuko yamaze kohereza ibaruwa yo gusaba guhagarika amasezerano ye, binyuze ku bindi bice byose bijyanye n’amategeko. Twarabyishimiye kandi nawe yarabyishimiye…”

Sallam akomeza  asobanura ko ikintu cyabashimishije nuko babanye na Harmonize neza yubahiriza amategeko akaba abona ko igihe kigeze ngo nawe akore ibindi byamuteza imbere.

Ati “Ikintu cyadushimije ni ukubona umuntu wahagaze agakurikiza amategeko ubundi akabona ko igihe kigeze ngo ahitemo kugenda, mu gihe abona hari ibintu bitamushimishije cyangwa abona hari ibyo yakora bindi bikamuteza imbere”

Sallam ubwo yari mukiganiro kuri Wasafi FM.

Harmonize yinjiye muri Wasafi mu 2015 ari nabwo yahise atangira kumenyekana cyane. Biravugwa ko asezeye muri iyi label kubera ibibazo yagiranye na Diamond bikaza no gutuma yirukanisha umurinzi wa Diamond bivugwa ko yaryamanye n’umukunzi we Sarah, nyuma Diamond akaza no kubiririmba mu ndirimbo ‘Inama’ agira ati “Penzi Limefanya Harmonize amfukuzishe Mwarabu”.

Hari amakuru avuga ko uyu musore nyuma yo kuva muri Wasafi agiye gutangiza label ye yitwa Konde Gang.

Harmonize n’umuyobozi we muri Wasafi Diamond bari babanye nk’abavandimwe mbere yuko umubano wabo uzamo agatotsi.
Harmonize ngo yaba agiye gutangiza label yeizitwa Konde Boy.

 

Fally Ipupa agiye gutaramira mu Rwanda ku nshuro ye yambere

By admin

Fally Ipupa umuhanzi w’icyamamare mu njyana ya Rumba ukomoka muri Congo Kinshasa, yatumiwe kuzataramira mu Rwanda ku nshuro ye ya mbere mu gitaramo kizwi nka ‘Kigali New Year Countdown’ kizaba gisoza umwaka wa 2019.

Nkuko bisanzwe mu gusoza umwaka mu mujyi wa Kigali habera ibitaramo bitandukanye bifasha abatuye uyu mujyi n’abawugenda gusoza umwaka bizihiwe ndetse bakanatangira undi bameze neza.

Muri ibi bitaramo harimo icyitwa ‘Kigali New Year Countdown’ kiba cyitezwe na benshi byumwihariko abifite bitewe nuko usanga itike yo kukinjiramo iba ihenze, kikaba kibera kuri Kigali Convention Centre.

Abategura iki gitaramo mu kiganiro bagiranye n’itangazamakuru kuri uyu wa Kane, bemeje ko mu mpera z’uyu mwaka ku itariki ya 31 Ukuboza abazakitabira bazataramirwa n’icyamamare Fally Ipupa. Nta bahanzi bo mu Rwanda bigeze batangazwa ko bazafatanya n’iki cyamamare gusa ngo baracyatekerezwaho.

Nubwo birinze gutangaza ibiciro byo kwinjira muri iki gitaramo, amakuru agera ku kinyamakuru Ibyamamare.com avuga ko itike ya make izaba igurishwa ibihumbi 50 by’amafaranga y’u Rwanda.

Fally Ipupa uherutse gukorana indirimbo na Diamond bakayita ‘Inama’ ikaba iri no mu zikunzwe cyane, ni ku nshuro ya mbere azaba ataramiye mu Rwanda. Iki gitaramo azaririmbamo cyigeze no gutumirwamo mugenzi we wo muri Congo, Koffi Olomide, Yemi Alade, Sauti Sol n’abandi.

Reba indirimbo Fally Ipupa aheruka gukorana na Diamond Platnumz

 

Ibiciro byo kwinjira mu gitaramo cya Meddy na Ne-Yo byamenyekanye

By admin

Ku itariki ya 7 Nzeri uyu mwaka i Kigali hategerejwe igitaramo gikomeye cyatumiwemo icyamamare Ne-Yo n’Umunyarwanda Meddy, kikazaba giherekeza umuhango wo Kwita Izina 2019. Ibiciro byo kuzinjira muri iki gitaramo byameneyakanye aho itike ya menshi izagurishwa arenga miliyoni naho iya make akaba ari 15.000Frw.

Umuhango wo Kwita Izina ni kimwe mu birori ngarukamwaka by’ubukerarugendo bihuruza abavuye mu bice bitandukanye ku Isi bakaza guha amazina abana b’ingagi.

Muri uyu mwaka ibi birori bizaba ku itariki ya 6 Nzeri 2019, bikazaba ari ku nshuro yabyo ya 15. Bucyeye bwaho nibwo hazaba igitaramo gikomeye kizaririmbamo icyamamare mu njyana ya R&B ku Isi, Ne-Yo uzafatanya na Ngabo Medard Jobert uzwi nka Meddy.

Iki gitaramo cyitezwe na benshi, aho kizabera ntiharamenyekana neza gusa hashobora kuba muri Kigali Arena cyangwa se Kigali Convention Centre.

Amakuru agera ku Ibyamamare.com nuko ibiciro byo kwinjira muri iki gitaramo biri mu byiciro bitandukanye bijyanye n’ubushobozi bwa buri wese.

Kwinjira mu musangiro (Dinner) no mu gitaramo ku meza y’abantu 10 ni ukwishyura $1200 asaga miliyoni imwe n’ibihumbi 200 mu mafaranga y’u Rwanda, hari itike y’abantu babiri bashobora kwishyura ibihumbu 230 by’amafaranga y’u Rwanda cyangwa se ibihumbi 130 ku muntu umwe.

Kubafite ubushobozi bwo kwinjira mu gitaramo gusa mu myanya y’icyubahiro ni amafaranga ibihumbi 50 Frw, ibihumbi 25 Frw mu myanya ikurikira n’ibihumbi 15 Frw mu myanya isanzwe.

Belise Kaliza umuyobozi-ukuriye ubukerarugendo muri RDB mu kiganiro n’itangazamakuru asobanura byinshi ku birori byo Kwita Izina19.

 

Umupasiteri watutse ‘Igisupusupu’ yabwiwe ko nadasaba imbabazi ingaruka azazirengera

By admin

Ku mbuga nkoranyambaga zitandukanye hakwirakwijwe amashusho ya Pasiteri Zigirinshuti Micheal wo muri ADEPR yibasira umuhanzi wamamaye mu ndirimbo ‘Igisupusupu’. Umunyamategeko Alain Mukuralinda unahagarariye inyungu z’uyu muhanzi yatangaje ko ibi batazabyihanganira, uyu mupasiteri nativuguruza ingaruka azazirengera.

Aya mashusho yakwirakwijwe ku mbuga nkoranyambaga agaragaza pasiteri Zigirinshuti Micheal arimo kubwiriza mu rusengero maze aterura yibasira umuhanzi Nsengiyumva Francois wamamaye mu ndirimbo ‘Igisupusupu’ amushinja gukorana n’imbaraga za satani.

Yagize ati “sha igiki? Igisupusupu Kiragatsindwa, syii… Ikintu, ubonye ukuntu Cyamamaye, Murakibonye ukuntu Cyamamaye mu mezi angahe atatu?… ariko ubundi nta kintu mubonamo mwebwe… Ikintu nka Kiriya kikava Rwagitima cy’igisupusupu uwo mwanya Kikaba Kigize … mujye mumenya imbaraga zamamaza ibintu nka biriya izo ari zo. Kuki ibintu bya Satani byihuta ariko ibyacu bikagenda gahoro?”

Hari naho Pasiteri Zigirinshuti yumvikanishaga ko hari ama Chorales menshi yo muri ADEPR yaririmbye imizingo myinshi y’indirimbo ariko ntizimenyekane, ndetse nawe ubwe yitangaho urugero aho yagiraga ati “Jyewe se nabwirije gacye? Nabwirije ahangana iki? Ko bitarenze hano?”

Alain Mukuralinda unahagarariye inyungu z’uyu muhanzi yagaragaje ko yababajwe n’amagambo y’uyu mupasiteri, amwibutsa ko ibyo yavugiye mu rusengero bikamamara ku mbuga nkoranyambaga, ari icyaha gihanirwa n’amategeko.

Mu itangazo Alain Muku yanyujije mu itangazamakuru, agaragaza ko uretse icyaha cyo gutukana mu ruhame, Pasiteri Zigirinshuti ngo yakoze ikintu gikomeye cyo guca ibice mu bantu aho agaragaza ko hari igice cy’abantu bakorera Imana, badakwiye gucana uwaka na Nsengiyumva Francois yise ko akoreshwa na shitani.

Uyu munyamategeko akaba asaba Pasiteri Zigirinshuti kwivuguruza ku magambo yatangaje bitaba ibyo ingaruka akazazirengera kuko yishe itegeko agatukana ku karubanda kandi si ibyo kwihanganira.

Mukuralinda Alain uhagarariye inyungu z’umuhanzi Nsengiyumva Francois.

 

Wema Sepetu wigeze gukundana na Diamond, yishimiye umwana wa Tanasha

By admin

Umukinnyi wa Cinema muri Tanzania, wigeze kukanyuzaho murukundo n’umuhanzi Diamond, Uyu mukobwa yavuzeko yishimiye umwana uyu muhanzi agiye kubyarana n’umunyakenya kazi Tanasha Dona.

Wema watangiye kumenyekana muri 2006 ubwo yabaga Miss Tanzania, yatunguye benshi ubwo yatangazaga amagambo asa naho ashimagiza umukunzi mushya wa Diamond.

Diamond aritegura kubyarana umwana na Tanasha

Kuri ubu Diamond aritegura kubyara umwana w’imfura ku mukobwa wo mugihugu cya Kenya witwa Tanasha, ni nyuma yuko atandukanye n’umugore wo mugihugu cya Uganda, Zari, babyaranye abana babiri na Hamissa Mobeto wo muri Tanzania nawe babyaranye umwana umwe, aba bose akaba abafasha ariko batabana nawe.

Hari abantu benshi bagiye bandika bagaragaza ko Diamond azagira Tanasha nkuko yagize abandi bagore bamubanjirije ko nibamara kubyarana nawe azahita amujugunya.

Wema Sepetu yigeze gukundana na Diamond

Wema Sepetu wahoze akundana na Diamond yahumurije uyu mukobwa amubwira ko we yishimiye kuba atwite kandi ko yizeye ko na se w’umwana atazamutererana kuko akunda abana.

Yagize ati“Mu by’ukuri Tanasha ndamwishimiye cyane, ndetse ndanamusabira ku Mana kugira ngo azabyare neza, nubona umubyeyi umeze kuriya musabire ku Mana kugira ngo bizagende neza. Ikindi kishimishije ni se w’umwana akunda cyane abana, ni ibintu byiza cyane.”

Ubwo Diamond aheruka mu Rwanda yatangaje ko we na Tanasha bitegura kubyara umwana wabo w’umuhungu muri uku kwezi, ni mu gihe aherutse gutangaza ko ari we uzamubera umugore.

Ne-Yo na Meddy bategerejwe i Kigali mu gitaramo cyo kwita izina

By admin

Umunyamerika w’icyamamare muri muzika ku Isi, Shaffer Chimere Smith uzwi nka Ne-Yo yatumiwe mu Rwanda mu gitaramo cyo kwita amazina abana bashya b’ingagi. Akazafatanya n’umunyarwanda Meddy.

Kuri uyu wa Kabiri tariki 20 Kanama 2019 nibwo ikigo cy’igihugu gishinzwe iterambere RDB cyagiranye ikiganiro n’itangazamakuru maze gitangazako aba bahanzi bazataramira Abanyarwanda mu ntangiriro za Nzeri 2019.

Belise Kaliza, Umuyobozi ushinzwe ubukerarugendo muri RDB yavuze ko  igitaramo cyo kwita izina cy’uyu mwaka cyatumiwemo abahanzi barimo Meddy na Ne-Yo wo muri Leta Zunze Ubumwe za Amerika ndetse ngo nabo bazita amazina abana b’ingagi.

Iki gitaramo kizaba ku itariki ya 7 Nzeri, ni nyuma y’umuhango wo Kwita Izina uzaba tariki ya 6 Nzeri 2019. Muri uyu mwaka hazitwa abana 25 b’ingagi bavutse.

Ne Yo w’imyaka 39, ni umubyinnyi, umuririmbyi n’umwanditsi w’indirimbo, afite umugore n’abana 4, yamenyekanye mu ndirimbo zitandukanye nka Miss Independent, One In A Million n’izindi.

Abandi bashyitsi b’ibyamamare ku isi batumiwe mu Kwita Izina uyu mwaka harimo Tonny Alexander Adams wakiniye Arsenal Fc mu gihe cy’imyaka 22 akaba na kapiteni wayo mu gihe cy’imyaka 14 ndetse yanabaye na kapiteni w’ikipe y’u Bwongereza, na Louis Van Gaal watoje amakipe akomeye ku isi nka FC Barcelona, Manchester United, Bayern Munich, Ajax Amsterdam n’ikipe y’igihugu y’u Buholandi.

Ne-Yo azataramira Abanyarwanda ku nshuro ya mbere.
Meddy azahurira ku rubyiniro n’icyamamare Ne-Yo.

Safi Madiba amaze amezi 6 atabonana n’umugore we

By admin

Safi Madiba yeruye avuga ko aherukana n’umugore we Juduth mu kwezi kwa 2 ndetse ko ari naho hashobora kuba hava igihuha cy’uko we n’umugore baba baratandukanye.

Umuhanzi wahoze mu itsinda rya Urban Boys, ubu akaba asigaye akora wenyine aho abarizwa mu nzu ityunganya umuziki ya The Mane, Safi Madiba hari hamaze iminsi igihuha kivuga ko yatandukanye n’umugore we Juduth.

Safi aherukana n’umugore we mu mezi 6 ashize

Aganira n’umunyamakuru wa Isango Star, Safi yavuze ko amezi abaye 6 atabonana n’umugore we, gusa ngo nta kibazo kirimo kuko bavugana buri munsi.

Yagize ati“ameze neza duherukana mu kwa 2, biranyorohera rwose, umuntu aba yaravutse wenyine akabasha kuba umugabo, ntabwo rero iyo umaze gukura ari bwo wabura umuntu ngo uhangayike, ahubwo ugerageza gushaka uburyo wakoresha ibyateye imbere mukuvagana, ibintu nk’ibyo.”

Yakomeje agira ati“Ushohobora kubaka urugo n’udahari rukaba rwiza kuruta uwo mwaba muri muri kumwe, ibyo nta kibazo kirimo, ibyo gutandukana simbizi ni ibintu by’ibihuha, twatandukanye nabikubwira ariko sibyo.”

Judith na Safi

Tariki ya 1 Ukwakira 2017 ni bwo Safi Madiba na Niyonizeye Judith basezeranye imbere y’amategeko bemeranya kubana akaramata, kuri uwo munsi ni nabwo hakurikiyeho umuhango wo gusaba no gukwa ababyeyi babiha umugisha, uyu mukobwa wabaga muri Leta Zunze Ubumwe za Amerika ari ho akorera, amaze amezi 6 atabonana n’umugabo we kubera impamvu z’akazi.

❌