WebRwanda.com

πŸ”’
❌
There are new available articles, click to refresh the page.
Before yesterdayMurukali.com

Bebe Lyno

By Olexa

hi!!! this is just a note to say how happy happy happy i am with my grocery bag that came today!! it got here faster than anything i've ever seen β€” and i totally loved the free gift, and everything!! i'll be back!! thanks! :o)

  • December 12th 2018 at 08:55

Nyayiha Fiston

By Olexa

Is this made for me? single man like me? hh!
Dear Fabulous People at murukali, I have been perusing your website since about last January, and have finally given in to the amazing veg, wine, etc., and have bought something. I am very happy with my order, and the fact that it came in a timely matter. I just wanted to thank you for the special-surprise-inside as well. The free Rwanda Tea Bag and this free fun gift. Yay! Because of my exciting ordeal I have told all my friends in on my long kept secret of discovering your site, and I will continue to be a avid window (hah it still applies to the web!) and true shopper of Murukali.com . Ferociously Yours,

  • December 12th 2018 at 06:05

Karekezi Theogene

By Olexa

Very excited to get my order within 30 minutes to my house!!! Products are very fresh and good condition. From Today, Murukali is my shop.

  • December 12th 2018 at 04:09

Bimwe umubyeyi utwite yagakoze igihe ari wenyine

By Olexa

Umubyeyi utwite ni umuntu uba akwiye kwitwararika ku buzima bwe ndetse n'ubw'umwana atwite.

Icyo yakora igihe ari wenyine

Kuririmba : ni ikintu cy'ingenzi cyane ku buzima bw'umwana uri munda bimufasha kugubwa neza no gukura neza, abahanga mu by'umuziki bemeza ko ugira akamaro mu mikurire y'ibinyabuzima bitandukanye harimo n'umuntu. N'ubwo dushobora gutekereza ko umwana atabyumva ariko arabyumva kandi bikamugirira umumaro.

Gusoma : ni byiza ko umubyeyi utwite asoma, cyane cyane inkuru zishimishije, amateka meza, ibikorwa by'indashyikirwa …ibi byose bituma umwana akurana icyerekezo no gukunda ibyo wasomaga umutwite.
Ibyo yakora ari kumwe n'abandi

Sport : ni ingenzi cyane ku mubyeyi utwite, uretse no kumufasha kubyara neza ifasha umubiri we gukumira indwara zimwe na zimwe zifata ababyeyi batwite, harimo iz'imitsi, kubyimba umubiri, guhumeka nabi, kunanirwa kugenda.

Urugero rwa sport wakora
: kugenda n'amaguru umwanya munini, guhumeka uzamura umwuka wongera uwumanura ku rugero wumva ko unaniwe.

Kwishima : iyo ugaragaza ibyishimo igihe kinini biragufasha bigafasha n'uwo utwite, by'umwihariko bituma umwana akurana ineza no guhora anezerewe akenshi usanga umwana yumvikana n'abantu bose (sociable).

Kureba imikino : imikino, cyane cyane iy'abana nayo ifasha umwana uri munda, kuko uko ubireba ukabyishimira ndetse ukabikunda nawe niko bigenda, agakura akunda gukina.

Hari n'abavuga ko baganiriza abana igihe batwite inda igeze mu gihembwe cya 2, umubyeyi witwa Isabelle yatubwiye ko yasobanukiwe n'iby'iza byo kuganiriza umwana atwite, yagiye abona resultat( ingaruka) nziza mu mico y'abana.
Ati :" mubwira ko mukumbuye, nkamusengera mu ijwi riranguruye nk'aho turi kumwe, nkamubwira ibintu byiza nzamukorera ni mubona"…
Agasaro.com

  • December 12th 2018 at 02:37

Ese gutanga impano ni ngombwa?

By Olexa

Gutanga impano biba byiza ariko kandi igishimisha cyane ni ukuyihabwa. Mu buzima bwacu bwa buri munsi tujya tugira igihe twumva ari ngombwa gutanga impano nko mu makwe cyangwa mu bindi birori bitandukanye ariko biba byiza gutaha impano umuntu wese ugufitiye akamaro mubuzima bwawe hano turababwira abantu b'ingenzi ushobora guha impano ntibazabyibagirwe kabone niyo wowe waba warabyibagiwe.
1. umukunzi wawe cg uwo mwashakanye
2. umubyeyi wawe
4. umwana wawe
3. umuvandimwe wawe
4. inshuti zawe
hano ushobora kwibaza ati se nazibaha ryari? habaye iki? cg nabivamo?
biroroshye cyane, guha impano umuntu singombwa kumuha impano ihenze.
akantu gato gusa gashobora gushimisha uwo ukunda icyangombwa nukubitekereza no kuba wamutekereje. uhawe impano biramushimisha kabona niyo yaba akwanga ahoho ahita yigarura ahari urwango hakajya urukundo.
hano turakugira inama ya zimwe mu mpano watanga:

1. indabo: Ururabo ni kimwe mu bimenyetso by'urukundo, iyo uhaye umuntu ururabo bituma akwitaho cyane atekereza impamvu umuhaye akantu keza nk'ako cyane cyane gafite ibara asanzwe akunda akaba ari nayo impamvu ugomba guhitamo ibara uzi ko akunda.Ibi bizatuma igihe cyose arubonye agutekereza.

2.ishusho cg umutako: gutanga impano y'ishusho cg umutako bituma uwo uyihaye akomeza ayikwibukira kd akumva ko uhora umutekereza mubuzima bwawe.

3. Kumuha akantu ko kwambara: iyo uhaye(abo twavuze haruguru) akantu gato ashobora kwambara nk'urugero ukamugurira udukomo,isaha,impeta, agakufi cyangwa akandi kantu ubona keza kandi akunda;ibi nabyo bimufasha kumva uri hafi ye kuko iyo agiye kwambara ka kantu yumva ari nkaho yaba ari wowe muri kumwe.

izi tubabwiye ni nkeye kuko hari ubwoko bwinshi bw'impano waha uwo watekereje. umuco wo gutanga impano ni mwiza kuko utuma urushaho kubana nabantu bose neza kandi bakakwishira bakanagushima ko ugira umuco mwiza.

''Aha twabibutsako, Murukali tubafitiye service zitandukanye harimo niyo kubategurira impano igihe wifuje kuyitanga tukaba twanayikugereza kuwo wifuza kuyiha igihe bibaye ngombwa urugero nk'indabo,...
Kubifuza ibindi bisobanuro mwaduhamagara kuri telephone 0788525816 cg mukadusanga aho dukorera munyubako y'isoko rya Nyarugenge B2-88

Uburyo bwiza bwo kwitegura abashyitsi

By Olexa

"Abashyitsi ni umugisha" iyo ni imvugo ikunzwe kuvugwa n'abakirisitu ariko muri rusange urugo ni urugendwa. kwitegura abashyitsi ni kimwe bintu byiza ariko bitewe nuburyo byakozwemo ugasanga nyuma yo kubakira mugize crise(ubukene) bityo bikaba byatera bamwe kutishimira kwakira abashyitsi.
tugiye kubagezaho uko wakwakira abashyitsi kandi ntibihungabanye ingengo y'imari y'igihe runaka mwateganyije.

1. Kugira gahunda

nimba uri umuntu ukunze gusurwa nibyiza ko nimba hari abantu runaka bazagusura bajya gakumenyesha umunsi n'isaha bazagusuriraho bityo nawe ukabasha kubitegura neza.

2. Kwitegura
umunsi n'isaha abashyizi bazagusuriraho wageze. ushobora kugena kimba uri bubakirize ibyo kunywa gusa cg kunywa no kurya. umenya icyo abashyitsi bawe bakunze kunwa no kurya. umenya umubare wabo bantu, umenya uburyo baribwicaramo nimba biri bigusabe gukodesha intebe ukongera izo ufite cg atari ngombwa, ukamenya uza kubakira(kubabaza icyo bafata) kumenya uzabategurira amafunguro(mu gikoni), kumenya uzabaha ikaze nibyiza iyo bikozwe na nyiri urugo.

3. Ingengo y'imari
nibyiza kwicara hamwe ugashyira kuruhande amafaranga wateganyije yo kwakira abashyitsi bitewe nuko wabiteguye, ukirinda gukoresha y'amafaranga mubindi bintu bitagenewe icyo gikorwa(kwakira abashyitsi). Ushobora kwandika kugapapuro ibyo wumva uzakoresha byose, nujya kubihaha ntutandukira ngo ugure byinshi kuko ngo nibisigara uzabikoresha, wirinda kugura igikoresho runaka ngo nuko ufute abashyitsi
urg:ushobora gushaka kugura urufunguzo rwa fanta rushyashya kd harurwo usanganwe ngo nuko ufite abashyitsi kd itwo tuntu duto ugura nitwo turi butume yamafaranga wateguye aba make ukaba wakoresha nayo wizigamiye kd wenda iyo abashyitsi bataza ntabyo wari kugura kuko haribyo usanganwe.
nimba uri buteke andika ibyo uri bukoreshe byose uteka ubigure uko wabyanditse nimba wiyiziho ingeso yo kugenda ugura icyo ubonye cyose, cyangwa wumva unaniwe kugirango bataza kukwiba wicare iwawe uhahire kuri internet babikuzanire.

  • December 11th 2018 at 07:30

Uburyo bworoshye wahamo impano uwo ukunda muri iyi minsi mukuru.

By Olexa

Nkuko bisanzwe kumpera z'umwaka abantu benshi bifuza gutanga mpano ku nshuti zabo cg miyango yabo murwego rwo kubifuriza kugira ibihe byiza. murukali twabashyiriyeho uburyo bworoshye bwo gutanga impano utavuye aho uri, ushobora gukoresha internet ugahitamo mu mapaki arimo imbuto aboneka kurubuga murukali.com cg ugakoresha telephone yawe(Call, SMS, Whatsapp) ukatubwira icyo wifuza ko cyajya mu paki tukakigeza kuwo wifuza guha impano. ushobora kwishyura ukoresheke visa or master card aho tukoherereza link muri email yawe ukabasha kwishyura, cg ukishyura na mobile money uho wishyura utarengejeho ayo kubikuza. ushobora kubikora utunguye uwo ushaka kubiha muburyo bworoshye. tumugezaho ibyo umuhahiye bimeze neza nkaho ari wowe wigiriyeyo. biroroshye, birahendutse, birashimishije. kubindi bisobanuro mwaduhamagara kuri 0788525816.

Kuki abana bato badakunda kurya?

By admin

Abana bato bagitangira guhabwa imfashabere akenshi batangira kwanga kurya bitewe n'amakosa ababyeyi babo baba barakoze igihe babatangizaga ibyo kurya bifasha amashereka ndetse bakaba banabikurana mu gihe badakurikiraniwe hafi.

Dore zimwe mu mpamvu umwana ashobora kwanga kurya

Gutangira guha umwana imfashabere mbere na nyuma y'igihe : Gutangira guha umwana imfashabere mbere y'amazi ane no kubimuha urengeje amezi atandatu bigira ingaruka ku mwana kuko bituma yanga kurya.

Iyo ibimuhaye mbere akenshi aba atarashobora kubyihanganira bigatuma abitinya. Iyo ubimuhaye utinze cyane nabwo hari ubwo abyanga kuko ibyiyumviro bye biba byarashatse kurya byabibura bikivumbura.

Kutabonera ibiryo igihe ; muri iyi minsi aho ababyeyi benshi baba basigiye abana abakozi bashobora kwanga kurya kubera ko bajya bashaka ibiryo ntibabibone mu gihe babishakaga wenda umukozi arangaye cyangwa ahuze, bigatuma bageraho bakivumbura babizana ntibabirye.

Kugaburira umwana umubwira nabi cyangwa se ukamushyiraho agahato : ibi bituma umwana yumva ko kurya ari ikintu kibi bikamuhahamura isaha yo kurya yagera ukabona agize ubwoba kuko yahahamutse. Mu gihe rero umuhaye ibiryo akabyanga ba umuretse gato uze kongera kubimuha nyuma narya bike nabwo ntumutonganye cyangwa se ngo umukange

Kumutangiriza ku bintu bisharira ; kuba umwana utangiye kurya wamutangiza ku bintu bikanga ururimi rwe akumva bitandukanye cyane n'amashereka nabyo bishobora gutuma adakunda kurya. ariko nanone wirinda kumuha ibintu biryohereye cyane kuko abimenyera wamuha ibindi akabyanga. ni byiza rero kumutangirira ku gikoma kitarimo isukari, imboga, n'ibindi bitaryoshye cyane.

Gushakisha amayeri menshi yo kugira ngo arye : Guha ibihembo umwana kuko yariye cyangwa kumushimira umubwira amagambo meza nka ( bravo, uri umwana mwiza kuko uriye) cyangwa kumuzengurukana urugo ugenda umurangaza kugirango arye si byiza. Nubwo mu minsi ya mbere byamurangaza akarya bigera aho akabimenyera bikagusaba guhora uhimba amayeri cyangwa se akagera aho akajya yivumbura akanga kurya mu gihe yababaye cyangwa yitetesha(caprice). Ni byiza rero kumutoza hakiri kare kwicara hamwe akarya, yarya neza kandi ntubifate nkaho akoze ibitangaza, ukabifata nk' ibisanzwe.

Uburwayi : Iyo umwana arwaye nabyo bishobora kumutera kwanga kurya ariko ibi abikora yari asanzwe arya kuko haba hari impinduka zabaye mu mubiri we. Gusa hari ubwo umwana arwara inzoka kubera umwanda zikaba zamubuza kurya.

Icyo umubyeyi agomba gukora igihe umwana we yanga kurya :
Ugomba kumenya impamvu imutera kwanga kurya kuko akenshi ituruka ku kuba atari wowe wamutangije kumuha impfashabere ngo umenye ibyo yanga n'ibyo akunda.

Iyo umaze kumenya icyabimuteye uratangira ukongera ukabikosora. mu gihe ubona ari ukubura appetit bisanzwe ushobora gukoresha ifu y'ibibabi bya moringa ukajya ufata agace ka kayiko gato ukamuvangira mu biryo cyangwa se ukagashyira mu biryo bikiri ku ziko ariko byamaze gushya byatogota rimwe ugahita ubikuraho

Nyuma yuko umwana atangiye kurya jya ukomeza umukurikirane umenye niba arira ku gihe, uko agaburirwa, n'ibindi byose byamutera kongera kwanga ibiryo.

Gracieuse Uwadata

Indyo nziza ku bana

By Olexa

Indyo nziza kandi iboneye mu bihe bya mbere by'ubuzima bw'umwana ifite uruhare runini mu kongera ubushobozi bw'ubwonko mu gihe cy'ubuzima gisigaye.
Abahanga mu mikurire y'abana bagaragaje ko abana barya cyane imbuto, ibihingwa by'ibinyamavuta n'imboga bamenya ubwenge cyane bakanagira umusaruro mwiza mu ishuri.

Kurundi ruhande ariko ,bagaragaza ko abana barya ibiribwa byongewemo isukari cyane ibikorerwa mu nganda,ibiryo bindo byo mu nganda byiganjemo inyama,ibiryo bikennye kuri proteines, vitamini n'imyunyu ngugu, ngo babona umusaruro mubi mu ishuri.
Mu gitabo cyanditswe na Dr Georges D. Pamplona-Roger mu gitabo Guides d'alimentation pour les meres, les enfants et les adolescents, kugaburira umwana ibiryo byo mu nganda mu myaka ya mbere y'ubuzima bwe, byangiza ubwonko
Dr Georges yagaragaje uburyo umubyeyi ashobora gufasha umwana we kugira ubushobozi buri hejuru bw'ubwonko.

Uburyo bwa mbere kandi bw'ibanze ni uguha umwana igihe cy'ifunguro rya mu gitondo
Abana bafata ifunguro rya mu gitondo ryuzuye bakora neza mu ishuri kuko baba babonye imbaraga zikenewe. Aba bana kandi bagira ubushake bwo kurya (appetit) ku yandi mafunguro y'umunsi.

Gusa ifunguro ryiza rya mu gitondo risaba ko ababyeyi bafata umwanya wo kuritegura. Kugira ngo umwana afate ifunguro rya mu gitondo neza, ni byiza ko arya kare nijoro, kugira ngo abyuke ashonje.

Ni na byiza kuryamisha abana kare kugira ngo mu gitondo babashe kuzinduka basagure byibura iminota 15 y'ifunguro rya mugitondo.
Ubunyobwa n'ibindi biri mu bwoko bwa noix ni ibiribwa bizwiho kongera ubushobozi bw'ubwonko. Ibi biribwa bikungahaye kuri proteines, acides gras, omega 3, vitamini zo mu itsinda rya B n'imyunyungugu.

Babyeyi ni ibyagaciro gufasha abana banyu gukura neza, haba kumubiri,ndetse no mu bwenge.

Dore bimwe mu biribwa mwajya muha abana banyu :
1. Imbuto nyinshi ziganjemo izifite amazi
2. Imboga nyinshi
3. Ibinyampeke
4. Ibikomoka ku mata ariko bidakungahaye ku mavuta
5. Ibikomoka kuri soya
6. Umunyu muke
7. Isukari nke
8. Ibinyamavuta byo mu nda bike cyane cyangwa se ntabyo

Uretse kandi ku bana,imirire myiza ni ingenzi no kubantu bakuru,kuko ibafasha nabo kugira ubuzima buzira umuze.

Ikigero cy'umwana n'ibimuranga

By Olexa

Imikurire y'umwana ni kimwe ababyeyi bitaho;aha bikaba bizwiko igihe runaka umwana yagezemo yagombye kuba afite inyifato iyi cyangwa se iriya,mu gihe umwana arenze icyo gihe bitamubayeho ababyeyi batangira nguhangayika.Ese ni ibiki biranga umwana kuri buri kigero runaka?

Gukurikirana imikurire y'umwana ni ingenzi

Mu gushyiraho ibiranga umwana kuri buri kigero abahanga bahugukiwe n'ubuvuzi bw'abana(Paeditrics mu rurimi rw'icyongereza) bagendera ku duce 3: uburyo ingingo ze zikora(motor function), ukuvuga(speech and language), hamwe nuko abana n'ibimukikije (Adaptive and Social Skills).

Dore ikigero cy'umwana n'ibyakamuranze nkuko tubikesha igitabo Toronto Notes 2011:

Umwana ugeze ku byumweru 6 (nukuvuga ukwezi n'igice): arangwa no kumwenyurira wese(social smile).

Umwana w'amezi 2:ashobora kurambura akaboko(arms extended forward),mu gihe urimo kumuvanamo umwenda arwana akuramo rumwe mu rugingo,kandi uyu mwana amenya ababyeyi be(recognizes his/her patients).

Umwana w'amezi 4
: ashobora kwegura umutwe,igihimba se cyangwa akabasha kwibirindurira ku buriri(rolling over) ariko ijosi rye riba ritarakomera,ushobora kumuhereza ikintu mu ntoki akagicigatira(grasp) akaba yanabasha kukishyirira ku munwa,uyu we aba ataratangira kuvuga nkabo twabonye hejuru ariko iyo umuntu avuze akurikiza amaso aho rya jwi ryaturutse.

Umwana w'amezi 6
:atangira kwicara,akaba yabasha guhererekanya ikintu mu kiganza kimwe agishyira mu kindi,nuyu ntaramenya kuvuga ariko ashobora kumenya ko izina uhamagaye ari irye.

Umwana w'amezi 9
: atangira gushaka uburyo yahagurika ariko gukambakamba aba aribwo buryo akoresha mu kugenda,ashobora kuvuga Mama na Papa kandi akaba yabasha gusubiramo ijambo umubwiye,atangira kandi no kwikinira.

Umwana w'amezi 12( Ni ukuvuga ufite umwaka 1): agenda ariko afashe ku kintu,ashobora gutera icyo afite mu ntoki,ashobora kwinywesha akoresheje igikombe.

Umwana w'umwaka 1 n'amezi 3
: we aragenda ntacyo afasheho,ashobora gushushanya umurongo,uyu abasha no kuvuga icyo ashaka akerekanye(points to his/her needs).

Umwana w'umwaka 1 n'igice: ashobora kuzamuka ingazi(escaliers) ariko afashwe,ashobora kuvuga nibura amagambo 10,wamutegeka icyo akora akagikora,mu kurya ho ashobora kurisha ikiyiko ntawumufashije,ushobora kandi kumubaza akwereke kimwe mu bice by'umubiri akakikwereka,urugero umutwe,ukuboko,amaguru,…

Umwana w'imyaka 2
: ashobora kuzamuka escaliers zitari ndende akanazimanukisha,ashobora gukubita agashoti ku gapira,ashobora kwiyambura,ashobora kandi gukoresha interuro 2 cyangwa 3 mu biganiro bye.

Umwana w'imyaka 3
: ibyo uwibiri akora we abikorana akagufu,ashobora no kwikuriramo inkweto,buretse ko kwikuriramo imyenda kimwe n'uw'imyaka 2 ibifungo byayo biba bikibagora.Uyu we aba azi niba ari umukobwa cyangwa umuhungu,ndetse n'imyaka ye.

Umwana w'imyaka 4:we icyo arusha abo bo hejuru nuko we ashobora kwikorera isuku,agafungura n' imyenda ifite ibifungo.

Umwana w'imyaka 5
:uyu we aba amaze kumenya ubwenge ibyavuzwe byose abikorana ibakwe n'ubwenge,abazi kuvuga neza,ashobora no gutondekanya inyuguti.

Kutabasha kumwenyura ku mezi 3,Kuba kandi yaba atarabasha kugenda,no kuvuga amagambo 3 ku mwaka umwe n'igice ni bimwe byagombye guhangayikisha umubyeyi bigatuma avuza umwana we.

Kumenya imikurire y'umwana rero ni ingirakamaro kuko bituma umubyeyi ajyana umwana kwa muganga mu gihe umwana yagize gukererwa mu gukora ibyo twavuze hejuru hanyuma muganga agashaka impamvu ibitera akayivura hakiri kare.

umuseke.com

  • December 9th 2018 at 02:28

Ubwoko bw'imboga zakurinda indwara.

By Olexa

Imboga ni ikiribwa ntagereranwa, kubera intungamubiri zibonekamo zishobora kurinda indwara zitandukanye bitewe kandi n'uburyo zateguwemo.

Amakuru dukesha urubuga rwa Doctissimo.fr, aratangaza ko kurya imboga mbisi no kuzitekesha umwuka wazo, birinda indwara zirimo na kanseri.

Kubera intungamubiri zitandukanye ziboneka mu mboga twavuga nka vitamine C na 9,PolyphΓ©nols, Fibres, potasiyumu, Karisiyumu, Manyeziyumu n'indi myunyu ngugu, bituma imboga zishobora kurinda zimwe mu ndwara.

Zimwe muri izo mboga

Tungurusumu: ikingira indwara ya kanseri y'amara ndetse n'iyo mu gifu, kandi tungurusumu ishobora no gukingira kanseri y'udusabo tw'abagabo ku rugero rwa 75%, ishobora kandi kugabanya umuvuduko ukabije w'amaraso, ikanakingira kanseri yo mu bwonko. Ubu bushakashatsi bwavuze ko tungurusumu yongera iminsi yo kubaho ku bantu bakunda kuyirya.

Epinari:ubu bushakashatsi bwatangaje ko Epinari nayo, ikingira indwara ya kanseri ndetse ikagabanya umuvuduko w'amaraso.
Epinari ku bantu banywa itabi ishobora kubafasha kugabanya ingano y'iryo banywaga ndetse bakaba banarireka burundu, irinda kanseri yo mu bihaha, kandi ikingira ingirangingo zo mu bwonko ndetse n'imiyoboro y'amaraso.

Inyanya:Inyanya zirwanya indwara zo mu bwonko ndetse no mu bura, hakiyongeraho no kurinda kanseri.
Ishu: abashakashatsi bavuze ko ribonekamo urukingo rwa kanseri yo mu mara ndetse no mu gifu ku kigereranyo cya 34%.
Ishu rishobora no kurwanya kanseri yo mw'ibere. Biba byiza iyo ririwe ari ribisi cyangwa ritahiye ngo risaye cyane(umutura)

Karoti: zirwanya indwara zo mu bwonko ku rugero rwa 68% ndetse zikarwanya na kanseri yo mu bihaha ku rugero rwa 50%
Ubwo bushakashatsi bwagaragaje ko kugabanya inyama zitukura mu mafunguro, kugabanya ibinyobwa birimo umusemburo no kugabanya isukari, bikingira gusaza imbura gihe.

Abashakashatsi benshi batugira inama ko mu gutegura imboga nk'izigomba guhatwa hagomba kubaho kwitonda cyane, kuko intungamubiri nyinshi ziba hafi y'igishishwa.

Murukali uhahiye murukali imboga, zimugeraho zitoshye kandi zifite isuku.

KAROTI igihingwa cy'ingirakamaro kurusha uko abantu babitekereza

By Olexa

karoti(carrot) ni ikimera kiribwa cyane cyane gishyirwa mu bwoko bw'imboga ariko abantu benshi bakaba banakunda cyane kukirya ari kibisi. Iki kiribwa ni ingirakamaro ku mubiri w'umuntu kurusha uko abantu bamwe na bamwe babitekereza .

Soma hano akamaro ka karoti mu mubiri w'umuntu :

Karoti igufasha kurwanya indwara ya diabete:
Karoti ifasha mu gushyira isukari iri mu mubiri ku rugero kubera intungamubiri yifitemo zitwa carotenoids.carotenoids zifasha umubiri guhangana nβ€˜ubwinshi bw'isukari bigatuma haguma isukari nke mu maraso ,kandi nkuko bizwi isukari nyinshi mu mubiri niyo itera indwara ikomeye ya diabetes.

Irwanya indwara y'umutima:
Mu bushakashatsi bwakozwe mu rwego rwo kwerekana agaciro ka karoti, abashakashatsi bo muri laboratoire yitwa Wolfson Gastrointestinal yo muri ecosse(scotland) bagaragaje ko iyo uriye ama garama(grams) 7 ya caroti urwego rw'ibinure mu mubiri rugabanuka kugeza kuri 11 ku ijana. Kandi bivugwa ko indwara y'umutima iterwa n'ibinure byinshi mu mubiri .

Yongera ubwirinzi bw'umubiri:
Karoti ifite imbaraga zirwanya udukoko twa bagiteri biyihindura ingirakamaro mu kongera ubwirinzi .Uretse nibyo karoti ikungahaye kuri vitamine c igenzura imikorere y'abasirikare b'umubiri b'umweru(white blood cells) bimwe mu bice by'ingenzi mu mubiri w'umuntu.

Ifasha mu igogora:
Karoti kimwe n'izindi mbonga nyinshi ifite intungamubiri bita fiber muri irya mizi yayo isa orange kandi iyo fiber ni imwe mu ntungamubiri z'ingenzi mu igogora.

Irinda umuntu gusaza vuba:
Kubera intungamubiri yitwa beta carotene nyinshi isangwa muri karoti bifasha kurwanya iyangizwa ry'ingirangingo z'umubiri bigafasha mu kugabanya gusaza vuba.

Ifasha umuntu kugira uruhu rwiza:

Vitamine A kimwe n'izindi ntungamubiri zizwi nka antioxidants birinda uruhu kwangizwa n'izuba . Iyo umuntu afite vitamine A nkeya cyane mu mubiri bitera uruhu ,umusatsi n'inzara bye kwuma.Vitamine A irinda umuntu kuzana iminkanyari akiri muto no kuzana uruhu rwumye. Kandi karoti ni kimwe mu biribwa bikungahaye cyane kuri vitamine A.

Ifasha kurwanya indwara y'ubwonko izwi nka stroke:
Stroke ni indwara ifata ubwonko mu gihe imiyoboro cyangwa se imiheha ijyana amaraso mu bwonko iba yazibye bigatuma tumwe mu turemangingo tw'ubwonko dupfa. Mu bushakashatsi rero bwakozwe mu kigo cyo muri leta zunze ubumwe za Amerika cyitwa Harvard university bwagaragaje ko abantu barya byibuze karoti eshanu buri cyumweru baba bafite ibyago bike byo kurwara indwara ya stroke kurusha abarya karoti imwe mu kwezi .

ese wari uzi ko inyanya mbisi zifite akamaro kurusha izitetse ?

By Olexa

Inyanya ni ikiribwa kibarirwa mu bwoko bw'imbuto. Zikize ku ntungamubiri nyinshi. Zikize kuri vitamin C ari nacyo gituma zibarirwa mu biribwa byitwa anti oxydants ibiribwa birinda gusaza kw'ingirangingo z'umubiri. Zikize no kuri vitamin A , E , K , B1 , B3 , B9 , Zikize no ku myunyu ngugu nka potassium igira uruhare mu gufasha amaraso kugendera ku muvuduko ukwiye, zikize kuri manganese, phosphore, ubutare bugira uruhare mu kongera amaraso, zinc . Zikize no ku kuri fibre za ndodo zifasha urwungano ngogozi gukora neza.

Inyanya ni ikiribwa gikomoka muri amerika yo hagati kikaba cyarakwiriye ku isi yose bitewe n'abashakashatsi b'abanya Espagne bagiye bagenda bazikwiza mu bihugu bagezemo.

Uburyo bwo kuzitegura ni bwinshi. Harimo kugitegura ari mbiri nka salade, hari kuzikata zigatekwa mu biryo ari nabyo tumenyereye, hari no kuzibyaza umushongi ushobora gutekwa cyangwa ukongerwa ku biryo nk'ibirungo. Hari n'abazikamura bagateka umutobe wazo gusa ibi ntabwo ari byiza cyane kuko abahanga mu by'imirire bemeza ko no muri ziriya mbuto habamo intungamubiri, gusa nyine hari abahitamo isura nziza y'ibiribwa kurusha intungamubiri zaba zibirimo.

Gufata amafunguro ateguwemo inyanya rero bifite akamaro kanini. Inyanya ni ikiribwa kidafite urugimbu na ruke, ari nayo mpamvu abahanga mu by'imirire bagira inama abafite ibinure byinshi mu maraso n'abifuza kugabanya ibiro ko bagomba gufata inyanya kenshi kuko ni kimwe mu biribwa byabafasha.

Inyanya zibarirwa mu biribwa byitwa anti oxidant birinda kwangirika kwa cellule z'umubiri.
Zifite icyitwa lycopene aho ubushakashatsi bwagaragaje ko iyi lycopene irinda uruhu imirasire y'izuba ibi bikarinda cancer y'uruhu. Ni nayo mpamvu umuntu ukunda kurya inyanya yewe n'abazisiga bagira uruhu rwiza.
Inyanya kandi zikize kuri vitamin A aho iyi vitamin ifasha amaso gukora neza. Si byo gusa kuko inyanya zirimo n'izindi element zifasha imikaya y'amaso gutananirwa ibi bikaba bikunze kuba ku bantu bakuze.
Zikize kandi kuri vitamin C . Iyi vitamin twabonye ko igira uruhare rukomeye mu gukomeza ubwirinzi bw'umubiri. Ubushakashatsi bwinshi bwagaragaje ko abantu bakunda kurya inyanya mbisi batibasirwa n'indwara zandura.
Inyanya kandi zikize kuri potassium. Uyu munyu ngugu ufasha umutima gutera neza ndetse ugafasha amaraso kugendera ku muvuduko ukwiye.

Icyitonderwa: Ni byiza kurya inyanya ari mbisi kurusha zitetse cyangwa zateguwemo ibindi bintu kuko nibwo ziba zujuje ubuziranenge bwose ndetse zikaba zagira iyi mimaro yose twabonye.

Mu gihe uziguze ku isoko reba izasaruwe zaramaze gutukura zidafite ibizinga, zidatobotse, kandi zitoroheye cyane.

Ibanga ry'Umugore Ukundwakazwa

By Olexa

Abagore benshi ntibamenya ko kumenya guteka neza ari kimwe mu byabongerera gukundwa n'abagabo babo. nyamara kumenya guteka neza kimwe mu bituma abagabo bishimira abagore babo ku buryo no kurya hanze rimwe na rimwe biba ikizira kuri bo bumva ibiryo bitatetswe n'abagore babo batabirya.

1.Ni uburyo bwiza bwo kwigarurira umutima w'umugabo

Imibonanano mpuzabitsina ntago ihagije kugira ngo umugabo agukunde kurushaho, ahubwo biba byiza iyo hiyongereyeho kumwereka ko umukunze ukita ku ifunguro rye. Akenshi usanga ibi bizirikanwa cyane n'abagore bakuze, ariko ngo iyo umugabo afashe ifunguro ryateguwe n'umugore we urukundo ruriyongera.

2.Bimwereka ko umwubaha kandi umwitayeho

Umugabo afata umugore ushobora kumutekera nk'umuntu umwubashye cyane, ibi bigatuma ngo umukobwa udashobora guteka afatwa nk'utararezwe neza ndetse atanashobora kwita ku muryango we, mu gihe ushobora guteka aba afatwa nk'ushobora kuba umubyeyi.

3.Ifunguro ryateguwe n'umugore rimuhumurira ukwaryo

Ifunguro ryose ryateguwe n'umugore, Umugabo rimugwa neza kabone niyo ryaba ritihariye, umugabo afungura yimva anezerewe kuko aba azirikana ko umugore we yafashe umwanya akarimutegurira, ikindi kandi akenshi rigira impumuro yaryo, ibi bikanatuma umugabo yumva ko ifunguro ryatetswe n'umugore we rifite impumuro yihariye.

4.Bituma umugabo yishimira kuba mu rugo

Uburyo bwiza bwo gutuma umugabo akunda kwicara mu rugo rwe no kumugaburira ifunguro ryiza birimo. N'ubwo kandi ngo yaba ari hanze, ibi bituma yihutira gutaha mu gihe yibutse ko ifunguro umugore yamuteguriye rimutegereje ndetse bigatuma adakunda kurya hanze nko mu tubari, kuko azi neza ko nagera iwe ahasanga ifunguro ryiza rimutegereje.

Burya kandi ngo umugabo ukunda urugo ruhora rumufata nk'umushyitsi murugo. yahagera bakamwakiriza amazimano icyo kunywa cyangwa irindi funguro ryoroshye.

Janet/murukali

Ibintu 5 byagufasha kugira igikoni kiza.

By Olexa

Igikoni ni hamwe mu hantu h' ingenzi hategurirwa amafunguro afasha abantu kubaho no kwiyubakira ubuzima. Nyamara kandi na none igikoni ni hamwe mu hantu hashobora kubika no gutuma udukoko dutera indwara twororoka kurushaho bitewe n'uko hatagiriwe isuku.

Kugirira isuku igikoni kandi ni ingenzi kuko bitera imbaraga urimo guteka bityo agateka neza kandi yuhuse. bigafasha n'ufungura kugira apeti y'amafunguro yateguriwe ahantu hasa neza.

bimwe mubyagufasha kugirango ugire isuku mu gikoni

1. Gusukura igikoni

Igihe uri gukora isuku munzu ibuka no mugikoni uhafate nkaho ari ikindi cyumba kiri munzu, uhakoropeshe amazi nyuma uhacishe agatambara/itorosho, ibuka guhanagura amadirishya no kumanura imirayi mugihe irimo, ibuka guhanagura buri kimwe cyose kirihafi wifashisha muguteka

2. Gupanga ibintu
mugikoni ni ahantu ho kubahwa kuko niho hategurirwa amafunguro atubeshaho kandi buri munsi, gushyira ibintu kumurongo mu gikoni ni ingenzi, kumenya ibikwiye kuhajya nibidakwiye kuhagera. igikoni kigomba kuba ari icyumba kinini gihagije gifite amadirishya byoroshye gufungura kugirango umwuka mwiza winjire, mugikoni hajya ibikoresho wifashisha uteka gusa, ningombwa kwirinda kuhashyira ibintu nkibi"inkweto, Imyenda, ibikoreshyo by'isuku, ibintu bitagikoreshwa n'ibindi.

3. Gupfuka cg Gupfundikira
niba umaze gukeka ibuka gupfundikira ibyo watetse kugirango hatagira udusimba tujyamo cg se ngo bikomeze bizamure umwuka bityo impumuro zitandukanye zibiryo zihumuze igikoni muburyo bwiza cg se bubi bitewe nubyumva.

4. Kwandurura
mugihe dutetse twifashisha ibikoresho bitandukanye yaba ibyo guteka cg bitari ibyo guteka. ibuka kwandura mugihe ukimara gukoresha ikintu ugisubize mu bubiko bwacyo ukimara kugikoresha kugirango wirinde ko biba byinshyi bityo bigateza akavuyo.

5. Gutegura.
iyo igikoni gisa neza ukibonye wese yumva bimunejeje, igikoni naho hagomba gutegurwa. nimba harimo akabati cg imeza ushobora gushyira hejuru yaho ivase irimo ururabo/ indabo, indabo nizo nziza kuko ushyizemo indi mitako uwabibona yagirango nibikoresho byo mugikoni, biba byiza kandi no gutereka ivase nini ahantu munguni irimo urundi rurabo bityo bizatuma mugihe wakoze isuku igikoni cyawe gihora gikeye rwose. ushobora no gushyira tableau/cadre nini iriho ibijyanye n'ibiribwa/ibinyobwa kugikuta kimwe mugikoni.

ibindi: ibuka gutera irangi mugikoni, ibuka gusukura inzugi n'amadirishya no kubirangaza igihe utetse, ibuka gukoresha umwambaro wabigenewe igihe utetse, ibuka koza amasafuriya n'amasahane neza ahorane umucyo,ibuka gusukura amacupa arimo ibyo ukoresha mugikoni(mayonaise, umunyu, ikawa,..) ibuka gupanga neza ibiri mugikoni, ibuka kudashyira icyibonetse cyose mugikoni, ibuka kugira agatambaro kihariye ko guhanaguza ibintu mukoni, ibuka gushyira poubelle ipfundikiye hafi mugikoni wibuke no kumena ibirimo umunsi kuwundi.

Ibi nubikurikiza ukaba wanabitoza umukozi wo mugikoni ntakabuza uzumva ufitiye ishema igikoni cyawe bityo ntugire ipfunwe ryo kugira uhabona.

Uko wakwirinda gusesagura mu iminsi mikuru

By Olexa

Mu gihe cy'iminsi mikuru usanga ingo nyinshi zikoresha amafaranga ku buryo butateguwe, ndetse bamwe bikabagiraho ingaruka mu ntangiriro z'umwaka kandi baba bafite byinshi bibasaba amafaranga nk'amashuri y'abana. Dore uburyo wakoresha neza umutungo wawe mu gihe cy'iminsi mikuru ukirinda ubukene buyikurikira.

Mwicare mushyire kuri gahunda ibintu byose mukeneye : biba byiza iyo umuryango wicaye hamwe ukaganira ukuntu uzishimira iminsi mikuru. Abana bakabazwa mbere ibyo bakeneye ndetse n'ababyeyi nabo bakabishyira kuri gahunda hakurikijwe amafaranga mufite. Kubaza umwana icyo ashaka mbere bituma umunsi wo kujya kumugurira uzaba uzi icyo uzagura, atari bya bindi byo kujyana n'umwana icyo ashatse cyose ukagura.

Niba mufite uko mutanga impano mu muryango cyangwa hanze yawo biba byiza nabyo mubishyize kuri gahunda y'ibintu byose bizakoreshwa mu minsi mikuru , abashyitsi muzatumira niba mufite ibirori, icyo muzabakiriza n'ibindi.

Genda urenzaho bike bike ku bintu mwapanze : mumaze gushyira kuri gahunda ibintu byose mukamenya amafaranga muzakoresha ni byiza kumenya ko hari amafaranga make usigaranye ashobora kugufasha mu gihe ugize ibintu bigutunguye muri iyo minsi mikuru nko kugira abashyitsi benshi utateganije cyangwa no kujya guhaha mugasanga ibintu byahenze.

Guhaha hakiri kare : Niba umaze gushyira kuri gahunda ibyo uzakenera tangira guhaha hakiri kare kuko akenshi iyo utangiye guhaha iyo minsi yageze usanga hamwe na hamwe ibiciro bizamuka bikaba byatuma ya gahunda mwihaye itagenda neza ngo igende uko mubyifuza.

Kunyurwa n'ibyo mufite : niba mwashyize kuri gahunda ibyo muzakoresha wirebera ku bandi mu gihe muri ku isoko mwagiye guhaha ngo nuko baguze ibi ngo nawe ubigure. Aha turavuga abantu bajya guhaha bakajyana n'abandi b'inshuti zabo ugasanga bagenda biganana ibyo umwe aguze n'undi agahita abigura.

Irinde gukururwa n'amapromosiyo y'iminsi mikuru : Ni byiza niba ugiye guhaha ukabona ikintu mukeneye ukakigura ariko na none jya ushishoza wirinde kwita kuri za promotion ziba ziri mu maguriro kuko zishobora gutuma ugura ibyo utateganije kandi wenda bitari bikenewe cyane.

Hano twabiutsako iyo uhahiye kuri murukali.com bikurinda kugura ibyo udafite muri gahunda igihe utanze comande yawe kuri internet ibyo ushaka bikagusanga aho utuye cg aho ukorera.

Agasaro.com

Ubuki: Umuti w'indwara zirenga 50

By Olexa

Urubuga rwa internet www.honey-health.com, ruvuga ko ubuki ari kimwe mu biribwa no mu binyobwa biryoha, bifite intungamubiri nyinshi, nka vitamini B1, B2, B3, B5, B6, C ndetse na Iode hamwe na zinc, na byo bibubonekamo ku rugero ruto. Bukaba buri mu bivamo imiti ivura indwara nyinshi, harimo indwara y'umwijima, giripe, ibicurane n'izindi.

Dr Paul Juan, umuhanga wakoze ubushakashatsi ku buki avuga ko ibikomoka ku nzuki bikoreshwa mu buvuzi bw'indwara zirenga 50 zirimo asima, indwara zo mu muhogo, iz'uruhu, izo mu kanwa, ubushye, kubabara mu mutwe, inkorora, kugenda buhoro kw'amaraso mu mitsi cyangwa umuvuduko ukabije w'amaraso ( hypotension na hypertension), indwara y'umwijima, giripe, ibicurane, umunaniro n'izindi.

Imisemburo imwe n'imwe umuntu akenera mu mubiri na yo ibubonekamo nk'uko abyemeza. β€œ Uretse kuba ubuki bwakoreshwa nk'ikiribwa cyangwa ikinyobwa, bukanakoreshwa hategurwa ibindi biribwa bifatirwa hamwe na bwo, ni n'umuti ukomeye ku ndwara zimwe na zimwe abantu bahura na zo”.

Imbuga www.benefits-of-honey.com ndetse na www.bees-online.com nazo zisobanura ko ubuki ari umuti ukomeye, kuko bwifashishwa mu kuvura ubushye, aho muri Irak bukoreshwa havurwa ibikomere ku bana. β€œ Bwifashishwa havurwa ibikomere muri rusange, kuko bwica udukoko tunyuranye dushobora kuboneka hejuru cyangwa mu gikomere imbere ”.

Ubuki bushobora gutuma ubwonko bw'umuntu butuza, bikaba byagabanya ububabare umuntu ashobora kuba yiyumvamo, nk'ubwo mu gifu. Kuba udukoko twinshi tutakurira mu buki, Ibyo bituma bukorwamo amavuta menshi yo kwisiga, kuko bushobora kurinda uruhu no gutuma rukura neza.

Ubuki bwifashishwa mu kuvura indwara y'impiswi cyangwa umuntu yagize ikibazo
cyo kuruka bikamuviramo gutakaza amazi menshi mu mubiri. Ubuki rero bufasha kugarura amazi mu mubiri, bugakiza ikibazo cy'umwuma umuntu aba yatewe n'uko gutakaza amazi bitewe n'impamvu zitandukanye.

Ubuki buvura indwara y'umutima, indwara ifata mu myanya y'ubuhumekero ndetse n'indwara yo mu mara, kuko bufite ubushobozi bwo guhindura isukari ya fructose mu yindi yitwa glucose igira akamaro mu gufasha amara n'igifu gukora neza. Ubuki bushobora guhembura umuntu wanyoye inzoga nyinshi zigatinda kumushiramo afashe gusa utuyiko tubiri tw'ubuki akatuvanga n'igice cy'igikombe cy'umutobe w'amacunga ndetse n'igice cya yawurute nyuma akanywa, ubundi mu gihe gito zikaba zimushizemo.

Aurore/ murukali.com

icyayi cy'icyatsi "the vert" ni ingenzi cyane mu mubiri w'umuntu

By Olexa

Icyayi cy'icyatsi "green tea" ni icyayi kidakenera isukari ku bakinywa , ni ingenzi cyane nk'uko bigaragazwa n'abashakashatsi , aho batugaragariza imimaro ikurikira:

1. kigufasha gukomera no kugira ubuzima buzira umuze.
2. gifasha urwungano rw'amaraso gukora neza.
3. Gikungahaye kuri β€˜ polyphenols β€˜igabanya β€˜cholesterol' mbi mumubiri ikongeramo inziza.
4. Gishobora kugabanya amahirwe yo kurwara kanseri y'uruhu ,iy'ibihaha niy'amabere .
5. Gifasha umuntu kugabanya ibiro mugihe abyifuza .
6. Gishobora kugufasha kugabanya stress iturutse ku mihumekere mibi.
7. Gifasha umuntu mu kutibagirwa kikamufsha kwibuka vuba
8. Iki cyayi kinarinda umuntu kurwara indwara zo mu ngingo , kugagara cyangwa guhinara mu ngingo.
Niba rero hari bimwe muri ibi tumaze kurebera hamwe waba wifuza kugera ho ibanga ni uko wakwikoreshereza iki cyayi kuko kiboneka hano i wacu mu Rwanda.

  • December 3rd 2018 at 04:25

Menya akamaro k'ikawa ku buzima bwacu.

By Olexa

Ikawa ifitiye akamaro kanini ubuzima kuko yuzuyemo ibitunga, ibisohora n'ibisukura umubiri biwukuramo uburozi, byose bifasha mu mikorere myiza y'umubiri muri rusange.

Ubushakashatsi butandukanye bugenda bukorwa bwerekana ko abayinywa ibafasha mu kugabanya ibyago byo kurwara indwara zimwe na zimwe zikomeye, nka diyabete n'indwara zibasira umwijima.

Ikawa yatangiye kunyobwa cyera cyane, ikaba ari kimwe mu bihingwa kandi byinjiriza amafranga u Rwanda kuko yoherezwa hanze. Muri rusange ku isi hanyobwa ibikombe birenga miliyari 400 ku mwaka.

Ese ni iki gituma ikawa ikundwa cyane?

Akamaro k'ikawa gatandukanye ku mubiri

1. Yongera imbaraga ikaba yanakongera ubushobozi bw'imitekerereze

Ikawa ishobora gufasha umubiri kutumva ko unaniwe, ikaba yaguha imbaraga zagufasha gukora cyane. Ibi biterwa nuko irimo ikinyabutabire caffeine, gikabura imyakura.

Iyo umaze kuyinywa, yinjira mu maraso, nuko ikagana mu bwonko. Iyo igeze mu bwonko ibuza ihererekanya makuru ry'umusemburo wa adenosine, iyo ibi bibaye bituma urugero rw'indi misemburo nka noradrenaline na dopamine yiyongera. Bityo ugahorana imbaraga, kwibuka cyane, kugira mood nziza n'ubushobozi bw'ubwonko bwo gukora bukiyongera.

2. Ishobora kugabanya ibyago byo kurwara diyabete y'ubwoko bwa 2

Diyabete yo mu bwoko bwa 2, yibasira abantu benshi cyane, igaragazwa no kuzamuka cyane kw'isukari mu maraso nuko umusemburo wa insulin ntubashe kuyikuramo.

Abantu banywa ikawa baba bafite ibyago biri hasi byo kuba barware iyi diyabete. Ubushakashatsi bwakozwe bugaragaza ko ibyago byo kurwara diyabete yo mu bwoko bwa 2 bugabanukaho 25-50%

4. Irinda umwijima kwibasirwa n'indwara zitandukanye

Umwijima ni urugingo rufatiye runini umubiri. Indwara zitandukanye ziwibasira nka hepatite, abanywa inzoga nyinshi n'ibinure byinshi ku mwijima bituma umwijima urwara indwara ya cirrhosis (aho inyama y'umwijima itangira guhindura imiterere igacikagurika).

Ikawa ifasha mu kurinda indwara ya cirrhosis. Ubushakashatsi bwerekana ko kunywa udukombe 2 cg 3 ku munsi bigabanya ibyago byo kwicwa n'indwara ya cirrhosis.

Ikawa ifasha kandi mu kurinda kanseri y'umwijima ku kigero cya 50%.

5. Ifasha mu gutwika ibinure

Ibintu byinshi byo kunywa bicuruzwa, bigabanya ibinure uzasangamo caffeine.

Caffeine ni kimwe mu binyabutabire bisanzwe bishobora gufasha mu gutwika ibinure. Yongera imikorere y'umubiri ku kigero cya 3 kugeza kuri 11% , bityo ku babyibushye cyane umubiri ukaba wakoresha cyane ibinure byabo, ibi kandi biba no mu bananutse.

6. Ishobora kukurinda indwara yo kwigunga, ikongera ibyishimo

Kwigunga ni indwara ikomeye yibasira imitekerereze, ndetse igatera n'ubuzima bwiza kugabanuka bityo ugatakaza ibyishimo.

Ikawa igabanya ibyago byo kurwara kwigunga ikanagabanya bitangaje ibyago byo kwiyahura. Ubushakashatsi bwakozwe n'ishuri rya Harvard mu mwaka wa 2011, bwagaragaje ko abagore banywa udukombe 4 cg hejuru yatwo bigabanya ibyago byo kwigunga bikabije.

7. Abanywa ikawa bagira ibyago biri hasi byo kurwara amoko amwe n'amwe ya kanseri

Kanseri ni imwe mu ndwara zibasiye isi kandi zihitana benshi muri rusange.

Ikawa igabanya ibyago bya kanseri, cyane cyane kanseri y'umwijima n'ifata mu mara aho arangirira (colorectal cancer). Izi kanseri ziza mu myanya y'imbere ya kanseri zihitana benshi ku isi.

Ubushakashatsi bwakozwe bwerekana ko kunywa ikawa bigabanya ibyago byo kurwara izi kanseri.

8. Ikawa ntitera indwara z'umutima ndetse ishobora no kugabanya indwara ya stroke

Abantu benshi bazi ko yongera umuvuduko w'amaraso. Ibi nibyo, kuko yongera hagati ya 3 na 4 mmHg ku muvuduko usanzwe w'amaraso, ibi ariko birongera bigasubira hasi, mu gihe uyinywa buri munsi.

Ariko hari igihe umuvuduko uguma hejuru ntumanuke, ugahora wumva umutima utera cyane, niba ufite ikibazo cy'umuvuduko uri hejuru w'amaraso ntugomba kuyinywa.

Abanywa ikawa kandi bagira ibyago biri hasi byo gufatwa na stroke.

Ibyo ugomba kwitondera

Kunywa nyinshi bishobora gutera ibibazo bitandukanye. Caffeine nyinshi mu mubiri, ishobora gutera ibibazo byo kudatuza.

Ku bantu bafite ikibazo cy'umuvuduko ukabije w'amaraso kabone n'ubwo waba woroheje, kuyinywa byongera ibyago byo kuwongera no ndetse ishobora gutera umutima guhagarara.

Abantu 10 bashobora guhahira kuri internet bakabyungukiramo

By Olexa

U Rwanda ruza mu bihugu bya mbere muri Afurika mu kugira umubare munini w'abaturage bakoresha Internet aho mu mwaka ushize bari ku kigero cya 32%, umubare ugenda wiyongera uko iminsi igenda ihita biturutse ku kuba leta ikora ibishoboka ngo iyikwirakwize.

Ubu kandi ubwiyongere bw'umubare w'abahahira kuri internet nawo ugenda wiyongera bitewe nuko abantu begenda basobanukirwa, bigaterwa kandi nanone nagaciro baha igihe cyabo. kuko kugeza ubu abantu barenga 5000 batuye mumujyi wa Kigali bamaze guhahira kuri murukali.com iduka ricururiza kuri internet ibyo abantu bakenera mubuzima bwa buri munsi.

Nubwo ushobora kubona itandukaniro rito riri hagati y'ibiciro biri kuri internet nibiri ku isoko igihe wigirireyo ariko urebye neza uzasanga ridahwanye nibyo ushobora kunguka mugihe uhahiye kuri internet.

Hano turababwira abantu bashobora guhahira kuri internet bakabyungukiramo.{{}}


1. Abantu bakora mu bigo bya Leta cg by'abikorera

Abantu nkaba baba bafite akazi bakora kuva kuwa 1 kugeza kuwa 5 cg kuwa 6 akenshi baba bahuze cyane kubera akazi, usanga kandi baba bafite igihe gito kuburyo kubona umwanya wo kujya guhaha aba ari ikibazo kuribo nyamara bagomba kujyayo kuko hari ibyo bakenera kugirango babashe kubaho. aba kandi kuko baba bahembwa ku kwezi haruburyo baba baba bifuza gukoresha amafaranga neza kugirango hato atazajya arenza umushara ahembwa bityo bikaba byamutera ibibazo byo guhora mumadeni, guhahira kuri internet rero byabarinda kujya mumasoko hirya no hino bakaba banagura ibyo badafite muri gahunda cg ngo bagure ibintu byinshi bidakewe ngo nuko bagiye mu isoko bagasanga bigura amafaranga make.

2. Ababyeyi babyaye

ababyeyi nabo cyane cyane abamaze igihe gito babyaye ntibibashobokere gusiga uruhinja ngo babe bajya guhaha, nyamara hari byinshi bakenera byaba ibyabo kugiti cyabo cg iby'umwana wavutse ndetse n'ibyo murugo muri rusange, ugasanga kandi kuba batuma abakozi bo murugo bidahagije kuko usanga hari ibyo yifuza umukozi atazi cg atazi aho babigurira

3. Ababyeyi bashyingije

Mumuco nyarwanda mugihe cy'ubukwe habaho umuhango wo gutwikurura,
Akenshi usanga ababyeyi baba bafite ibintu byinshi bitandukanye baba bagomba kugurira umwana bashyingije ngo abitahane ,muribyo harimo nibyo bakoresha mubuzima bwaburimunsi , mugihe ubusanzwe haruwo babishingaga mugihe kitegurwa ry'ubukwe ngo abihahe rimwe na rimwe ugasanga haribyo yigiwe mugihe uhahiye kuri internet numugeni abasha kwibutsa icyo yifuza kandi bikaza uko abishaka ,Bibafasha kandi kuba bahaha batuje ntakavuyo Bibafasha kutagira nakimwe bibagirwa .

4. Urugo rushya

Aha iyo tuvuze urugo rushya uhite wumva urugo rw'abageni bagi shakana nabo guhahira kuri Internet bibagirira akamaro kuko akenshi ubusanga baba bakeneye kwitanananaho. nabo bahitamo guhaha bakoresheje internet kuko bibasanga murugo bityo bikabagabanyiriza imirimo

5. Ingaragu

Abasiribateri nabo rero guhahira kuri internet bibafitiye akamaro kuko akenshi usanga bataba bazi uko ibiciro bihagaze ku isoko rimwe na rimwe bagahendwa bitewe nuko batabasha gukurikirana iby'isoko cg bakabahangika bitewe nuko batamenyereye guhaha, birabafasha guhaha bakoresheje internet kuko izo ngorane ntaho bahurira nazo

6. Abanyamahanga

Umunyamahanga cg se umushyitsi mu gihugu nawe Guhahira kuri internet bimufitiye akamaro kuko iyo haribyo yakenera ariko akaba atazi aho yabisanga bikaba byamusaba kubwira umuntu kumuherekeza ngo ataza kuzimira nk umuntu utamenyereye ahantu, guhahira kuri internet rero nibwo buryo bwiza bwamufasha kubona ibyo yifuza ntampungenge, abayirinze kandi ko yahendwa kuko hari aho ajya kugura bamubona nk umunyamahanga bakamuhendera icyo kuko baba bizeye neza ko atamenyereye ibiciro.

7. Abayobozi

Abayobozi bakuru nubwo akenshi hari ababa bafite abashwinzwe kubahahira nabo harigihe bifuza kwihahira ibintu runaka ariko kuko aba atajya ahantu hahurira abantu benshi nko mu isoko murwego rwumutekano wabo guhahira kuri internet nibwo buryo bwiza bakoresha kugirango bahahe ibyo bifuza byose biboneka ku isoko. sibyizako bahora mu masoko ngobarahaha ubusanga nabamubonye bashobora kumubwira ibyakazi kandi mubyukuri Atari ngombwa guhaha bakoresheje internet

8. Ibyamamare

Ibyamamare / Abasitari ni abantu, abantu benshi baba bifuza kureba kubwizina baba barubatse iyo rero bahora kwisoko bituma agaciro karyazina kagabanuka kubera guhora barebwa nabantu benshi batandukanye ,guhaha bakoresheje internet bibafasha guhaha ibyo bifuza byose batagiye ahantu hatandukanye bahaha ibyo bashaka bikabageraho aho batuye.

10. Abifuza gutanga impano

Kubantu baba bifuza gutanga impano / guhemba cg se ukundi wabyita nabo guhahira kuri internet birabafasha kuko ashobora guhaha yibereye iwe akoresheje internet akaza kuvvuga ahantu yifuza ko bijya ndetse n isaha yifuza ko bigererayo bityo akaba akoze icyo yifuza kandi bitamugoye hano kandi bifitiye n'akamaro abantu bafite inshingano zo guhahira ababyeyi mugihe batabana nabo bageze muzabuku batakibasha kujya kwihahira, kuko ubahahira ibyo uhashye bakabijyana kubo byagenewe nawe akaba yakishyura mbere cg nyuma auko abo yahahiye byabagezeho.

Baza, Usubizwe kuri service za murukali.com

By Olexa

Baza: Nubuhe bwoko bw'ibicururizwa hano?
Subizwa : hano hacururizwa ibiribwa, ibinyobwa, ibyifashishwa mugukora isuku, amavuta, ibyo abana bakenera nk'amata,impano zitandukanye harimo indabo,..

Baza: ushaka guhahira murukali abigenza ate?
Subizwa : Ushaka guhahira murukali anyura ku rubuga www.murukali.com ushobora kandi gutanga commande yawe ukoresheje Whatsapp.
ushobora gukora list y'ibyo wifuza ikayifotora ukayohereza cg ukatwandikira ubutumwa bugufi(SMS) tukaguhahira kuri murukali.com tukakubwira ibiciro wabyemeza tukakugezaho ibyo wahashye.

Baza: Ese mpahiye murukali byatwara igihe kingana iki kugirango bingereho?
Subizwa : igihe kirekire bitwara kugirango ibyo uhashye bikugereho ni amasaha atatu, bitabujije ko byanakugeraho mu isaha imwe bitewe n'ibyo uhashye naho wifuza ko tubikugereza.

Baza: Byagenda bite muramutse munzaniye ibyo ntishimiye?
subizwa : Twe dukora ku buryo tukugezaho ibyo wahashye ukabibona nk'aho ari wowe wigiriyeyo. Ariko bibayeho ntunyurwe n'ibyo uhawe, ubisubiza umuntu ubikuzaniye akakuzanira ibindi, kandi n'ibindi tukuzanira nta kindi kiguzi.

Baza: kugiciro kibyo nahashye ntayandi mafaranga yiyongeraho?
Subizwa : kugiciro kibyo wahashye hiyongeraho amafaranga yo kubikugezaho (delivery cost) nko kubatuye cyangwa kubifuza ko twabibagereza mu bice bya hafi mu Mujyi hagati, no mu duce tuwukikije(mu Kiyovu, Biryogo, Muhima, kimihurura.. hiyongeraho mafaranga igihumbi (1000 frw), naho mu bindi bice nka za Remera, Kicukiro, Nyarutarama n'ahandi nk'aho hajyaho ibihumbi bibiri gusa (2000 frw).

Baza:izindi service mutanga nizihe?
subizwa : Serivisi zindi dutanga nazo ni izijyanye nabyo. Urugero twaguha:
Abakundana: Wifuza guha umukunzi wawe indabyo, twe turazikora tukazikuzanira wabyifuza tukanazimushyira, icyo ukora ni ukuduha aho address ze, ubundi tukazimukugerezaho ku gihe ushaka.
Ababyaye: wifuje guha indabyo umufasha wawe, Umuvandimwe wawe cyangwa inshuti yawe yabyaye, ariko kubera nta mwanya ufite, turagufasha. turazikuzanira cyangwa tukazimukugerezaho kwa muganga cyangwa aho atuye.
Abana: Abana bizihije isabukuru aho biga babatuma impano kugira ngo babashe kwizihirwa na bagenzi babo bigana, nabo turabafasha tukabagezaho izo mpano n ibindi bikenerwa nk'ibishashi (fireworks), Gateau, n'utundi tuntu tw'abana.
Abagize ibyago: Aha ni igihe bifuza nk'indabo zo kwifashisha mu muhango wo gushyingura, hano si ngombwa ngo ujye ku rubuga rwacu, udusanga aho dukorera cyangwa ukaduhamagara kuri 0788525816.

Baza: kugurira kuri internet se bimfasha iki?
subizwa ; guhahira kuri internet byagufasha gukoresha igihe n'amafaranga byawe neza.
urugero:gutinda munzira ujya guhaha, guhaha ibyo utateganyije, guhenderwa mubiciro, guhaha wizeye ko ibyo uhashye bimeze neza, bikunda kugenda wikoreye imizigo, kugenda wishyura amafaranga ya parking, bigufasha kumenya ibicuruzwa bimwe biri kubiciro bitandukanye, gutanga impano muburyo bworoshye,...

Baza:Nakoresha ubuhe buryo bwo kwishyura?
subizwa : uhitamo uburyo bwo kwishyura bukoroheye, ushobora gukoresha MTN mobile money, ikarita yo kuri banki, kohereza amafaranga kuri banki, cyangwa akishyura ibyo uhashye bikugezeho.

Baza:Niryari nshobora guhaha sibingereho?
subizwa : igihe wiyandikishije kurubuga ntushyireho E-mail na telephone byawe bwite.

baza: Abahahira hano ni abatuye mu mujyi wa Kigali gusa?
subizwa :abatuye hanze y'umujyi wa Kigali(mu ntara) tubagezaho ibyo bahashye kuwa mbere kuwa gatanu. hiyongereyeho amafaranga ibihumbi bitatu yo kubibagezaho, aho uherereye hose mu Rwanda. bitewe nibyo aribyo tubyohereza kuri agence de transport
*N'abari hanze y'igihugu tubagezaho ibyo bahashye bitewe n'ingano yabyo ndetse n'ubwoko bwibicuruzwa dukorana n'iposita y' u Rwanda (N.B Ntago twohereza ibicuruzwa bibora cg biri mumacupa ameneka)

Baza: Ni akahe karusho mufite mukutwitaho nk'abakiriya?
subizwa : Tubitaho neza, harimo nko kubatungura tukaboherereza impano z'ubuntu igihe bahashye, kubagezaho ibyo baguze ku buntu ku minsi imwe n'imwe. akarusho, hari ikarita duha abakiliya babisabye tukagirana amasezerano aho umuntu tumuhahira akaba yazishyura nyuma y'ibyumweru bibiri.

Baza: mugihe ndangije guhahira kuri internet, niki kimpamiriza ko ibyo nahashye ndibubibone?
subizwa : iyo umaze guhaha tuguhamagara kuri telephone yawe tukumenyesha ko ibyo wahashye byateguwe bigiye kukugeraho. ukanatubwira uburyo uhitamo bwo kwishyura, ndetse naho wifuza ko bijya

Baza: nkoresheje uburyo bwo kwishyura na mobile money ntibanca amafaranga yo kohereza?
subizwa : uhisemo kwishyura ukoresheje MTN mobile money wohereza amafaranga kuri iyi numero 0781460736. Wohereza ho amafaranga ugomba kwishyura ntayandi wongeyeho.

Baza : nkeneye ubundi bufasha nabaza nde?
subizwa : ukeneye ubundi bufasha watwandikira kuri address e-mail [email protected] cyangwa ukaduhamagara kuri telephone 0788525816.

Murukali,Market smart.

Imbuto n'imboga byagufasha kugira uruhu rukeye

By Olexa

Imbuto n'imboga bisanzwe bifatiye runini umubiri wacu bitewe n'ibyo zikungahayeho, ariko ibyo byiza bigera no ku ruhu binyuze mu kuzirya ndetse no kuzisiga ku ruhu. Ubusanzwe imboga n'imbuto hafi ya zose ni ingenzi ku ruhu ariko hari nizo usanga ari ingenzi kurusha izindi arizo tugiye kubagezaho.

Urunyanya : Urunyanya ni ingenzi cyane mu gukesha uruhu cyane cyane ku bafite uduheri duto two mu maso tuba twarabazengereje. Ni rwiza kandi no ku bafite uruhu rw'amavuta rukunze kuyaga cyane kuko iyo uzisizeho ari mbisi bigabanya ibinure bigatuma uruhu rutayagirana. Urunyanya kandi rufasha uruhu gukira inkovu. Fata udusate duto tw'urunynya urambike ku ruhu iminota 15 ku munsi irahagije ngo umumaro warwo ugire ingaruka nziza.

Indimu : indimu nayo ikoreshwa mu gukuraho amabara y'umukara ku ruhu aho ufata agasate k'indimu y'icyatsi ikiri nshya ugakuba aho ufite amabara y'umukara ku ruhu. Indimu ituma untwenge uruhu rukoresha mu guhumeka dufunguka. Mu gihe kandi hari agakoko kakurumye ku ruhu ukumva ubabara cyane gusigaho indimu byagabaya ubwo bubabare no kukurinda kubyimbirwa.

Cocombre
: cocombre ni imboga zizwi cyane mu bijyanye n'ubwiza no kwita ku ruhu, ikaba ikize cyane kuri vitamin C ariyo mpamvu ikoreshwa mu gutuma uruhu ruhorana itoto kandi rugacya. Ku bafite uruhu rw'amavuta bahorana utuntu tw'umweru duto dusohoka mu ruhu, Cocombre ituma dushiramo uruhu rugasa neza.

Umutobe wa karoti
: umutobe wa karoti wikoreye ukawikamurira utuma uruhu rudasaza vuba bitewe na beta carotene iba muri karoti. Buri gitondo uramutse unyoye umutobe wa karoti wikoreye akarahure 1 byazarinda uruhu rwawe gusaza vuba. Ushobora kandi kurapa karoti ikiri nshyashya mo duto ugasiga mu maso umutobe wayo ukamaraho iminota iri hagati ya 15 na 20 ukabona kubikaraba.

Pamplemousse
: pamplemousse nayo iba nziza mu gusukura uruhu rukongera kuba rushya kandi rugacya. Yakoreshwa cyane ku bafite uruhu ruvanze ( urwumutse ruvanze n'urw'amavuta) no ku bafite urw'amavuta.

Izi no zimwe mu mbuto n'imboga wakoresha bigatuma ugira uruhu rukeye kandi rudasaza vuba.

'Imboga' Kimwe mubiribwa birinda gusaza vuba

By Olexa

Kuva mu myaka ya za 1930, abahanga mu buvuzi bagiye bagaragaza uburyo kugabanuka kw'ibiribwa byiganjemo calories bigabanya amahirwe yo kurwara indwara zihitana abantu, nk'izifata imiyoboro iganisha ku mutima, guhungabana mu mutwe, guta umutwe ku bantu bakuze ndetse n'indwara ya kanseri.

Nk'uko byatangajwe n'abashakashatsi bo muri Kaminuza ya California babinyujije ku rubuga rwa interineti www.NaturalNews.com, bagaragaje uburyo imirire ishobora kugabanya gusaza ndetse n'indwara zikunze kwibasira abantu nk'umutima, Alzheimer (ifata mu bwonko) ndetse n'ubwoko butandukanye bwa kanseri.

Mu bihugu byateye imbere usanga umuntu umwe kuri batandatu afite hejuru y'imyaka 65 kandi bakaba bakunda kurwara indwara zidakira ndetse zimwe zikabahitana.

Ibi ngo ni byo byatumye abashakashatsi barebera hamwe uburyo calories zigabanutse byagira uruhare mu kongera uturemangingo no kurinda uburwayi harimo no kongera icyizere cyo kubaho (life span).

Mu gihe igabanuka rya kalori (calories) ku kigero cya 20% rishobora kuba intandaro y'ubuzima bwiza, abahanga bavuga ko iyo umuntu amaze igihe adafata izo kalori umubiri utangira gukora uruvangitiranye rw'ibishobora kuwangiza, ariko zagabanuka bigatuma uturemangingo tutananirwa, bityo umuntu akabaho neza no kuramba akaramba.

Nk'uko byatangajwe na Dr. Eric Verdin wayoboye itsinda ry'ubushakashatsi, urwo ruvangitirane rukorwa mu gihe umubiri wakiriye kalori nyinshi, ruri mu bituma umubiri ugira imbaraga mu gihe umuntu akora imyitozo ngororamubiri cyangwa yiruka.

Uru ruvangitiranye rwa BOHB kandi rukumira ibishobora gutera umunaniro (enzymes), bityo bigatuma umuntu adasaza vuba.

Nubwo bitaremezwa neza ko indyo zigamije kugabanya za kalori zizwi nka CRON zigiye kujya zifashishwa mu kongera icyizere cyo kubaho, ariko ubushakashatsi buragaragaza ko indyo yiganjemo ibyitwa ketogenes byo bigabanya umuvuduko ukabije w'amaraso, uburwayi bw'umutima ndetse n'amasukari mu mubiri, ku buryo umuntu wabikurikiza neza ashobora kubaho kugeza ku myaka 120.

Mu gusoza, Dr. Verdin aragira ati: β€œHari isano iri hagati yo kugabanya kalori mu mubiri no kwirinda umunaniro ukabije, kuko iyo zagabanutse binagabanya indwara zitandukanye mu mubiri. Abantu baragirwa inama yo gutangira kugabanya nibura kuva ku 10% kugeza kuri 20% bya kalori mu mubiri buri munsi, kuko bizabarinda gufatwa n'indwara zidakira, akenshi zifata abantu begereje iza bukuru.”

Ibintu 10 bibangamira abantu mu guhaha

By Olexa

Mu buzima bwacu bwa buri munsi hari ikintu abantu duhuriramo mubyiciro bitandukanye akaba ari uguhaha waba woroheje cg ukomeye urabikenera,hakaba hari rero bimwe mu bintu bibangama mu guhaha ndetse akaba ari nibintu bibaho kenshi.

Twabajije bantu benshi batandukanye batubwira bimwe mu bintu bibabangamira mu guhaha,hano hari ibyo benshi bagiye bagarukaho;

1.Gushakisha: benshi bemeza ko kuba ushaka igicuruzwa runaka ukazenguruka amaduka arenze 3 ugishakisha bitesha umwanya kandi bikanabangama cyane,aho winjiye hose bati ibyo ushaka byarabuze dore ko hari ni igihe ubu ushaka icyo igicuruzwa ku buryo bwihutirwa.

2.Umurongo: abandi bati uzi kuba usimbutse mu kanya gato k'ikiruhuko ukajya guhaha ukajya kubona umuntu ukuri imbere afite ibyo yaje guhaha bisaga 30 cg mugahurira aho bishyurira….!!!ibi nabyo bikaba bituma uwaje guhaha bimutera kwinuba.

3.Kubaza: ikindi kibangama ni ukuba winjira mu iduka ukabanza ukabaza uti mufite igicuruzwa runaka? Kigura angahe? Hari abantu benshi nabo bategereje rimwe umucuruzi akanagusubirishamo rimwe ugasanga cyanashize muri stock.

4.Guciririkanya: kimwe mu bibangamira cyane cyane igitsina gabo ni uguciririkanya ibiciro n'umucuruzi kuko bamwe basanga ari ibi batwarira umwanya w'ubusa bikarangira n'ubundi bahenzwe cg babyihoreye.kandi aha akenshi binatera guhendwa kuko umuntu akubwira igiciro cyambere bitewe nuko uhagazo cg se akubona ukaba wajya guciririkanya ukavuga menshi kurusha uko asanzw akigurisha..

5.Abacuruzi: bamwe bavuga ko hari igihe umucuruzi aba asa nkaho ananiwe yahuye afite stress, avuga nabi, atazi niba ibyo bamusaba abifite cyanga ntabyo afite, ugasanga aravuga nabi gusa cg yibereye mu bye aho kwakira neza umuguzi.

6.Ibiciro: rimwe na rimwe harigihe ujya guhahira muri aya maduka Manini (super market) ugasanga nk'ibicuruzwa nta giciro kiriho wajya nko kubaza cg wagera aho wishyurira ukabona kirahenze cyane!!kandi wenda haraho wari kukibona kuri make

7.Kwibagirwa: ikindi kintu kibangama cyane ndetse, ni ukujya guhaha ibintu byinshi wagera murugo ugasanga hari ibyo ukeneye utaguze ukumva nabyo biguciye intege, cg se ugeze aho wishyurira ugasanga hari ikintu wibagiwe kandi ari ingenzi,nko kuba wasize I kofi (wallet) mu modoka cg ugasanga wibagiwe kugura ikicuruzwa runaka ugomba gusubirayo.

8.Gutwara ibyo wahashye: ikindi kibazo abantu bajya bahura nacyo iyo bagiye guhaha ni ukuba wahashye ibintu byinshi kandi byose ugomba kubyitwaza,rimwe ugasanga byakwanduje cg bikakuvuna cg bigatuma ugaragara nabi bitewe nuko wikoreye imizigo kandi uri umuntu wiyubashye.

9.Abajura: kenshi na kenshi iyo ugiye guhaha uba witwaje amafaranga menshi abajura nabo rero barabizi ko uje guhaha aba arifite, ukajya mu isoko hari umuntu wakugenzeho warangara gato akaba agutwaye isakoshi cg ikotomoni nawe ukagenda uzi ngo uracyayafite ugahanuza ibintu wajya kwishyura ugasanga bakwibye ntiwanabimenya.

10.Kugura ibyo idafite muri gahunda: ibi bikunze kuba kubantu bigitsina gore aho usanga bagura burikimwe cyose kibashimishije cg cyamake ugasanga nibyo waje ufitiye gahunda utashye utabihashye kuko amafaranga wayamariye mubyagushituye cg ibyo abacuruzi bakwingingiye.

Hari ninzindi mpamvu nyinshi zihurirwaho nabenshi...

ariko ibi byose ariko bikaba bishobora gukemurwa no guhaha ukoresheje ikoranabuhanga kuri www.murukali.com aho ujya kuriyo website ugahitamo ibyo wifuza ukenera mubuzima bwa burimunsi bikakugeraho aho wifuza hose kd igihe wifuza.

Murukali.com tukaba twizeza abaclient bacu kubagezaho ibicuruzwa byiza kd kugiciro kiza.

Akamaro k'ishu ku buzima bw'umuntu

Ishu ni ibyo kurya bagiye babeshyera ngo nta ntungamubiri rigira nyamara kandi ubundi ni kimwe mu bifitiye akamaro kanini umubiri wacu. Amashu aboneka mu mabara anyuranye harimo icyatsi, umutuku n'andi, gusa zogoraakamaro kamwe.

Muri 75g z'Ishu (ubwo ni nk'ishu ryuzuye agakombe gato) dusangamo

17Calories
1g ya poroteyine
2g isukari
1g fibre
47% za vitamini C ukeneye ku munsi
102% za vitamini K ukeneye ku munsi
8% za Manganese
6% za vitamini B9
Harimo kandi na vitamini B6, B1, Calcium na Potassium

akamaro k'ishu ku buzima bw'umuntu:

- Amashu abamo ikinyabutabire cyitwa DIM (diindolylmethane) kiyaha ubushobozi bwo kuturinda ingaruka ziterwa n'imirasire mibi y'izuba (UVna IR) kimwe n'iva mu cyuma cya radiographie (X rays). Iki ikinyabutabire iyo gifatanyije n'ikindi cyitwa sulforaphane bifasha mu kurwanya cancer.

- Habamo anthocyanins zifasha mu kubyimbura bityo bikaba birinda indwara z'umutima zinyuranye.

- Kuba harimo vitamini C byongerera ingufu ubudahangarwa bw'umubiri. Kubura vitamini C bitera kubyimba ishinya no kuva mu menyo. Amashu ni umuti wabyo.

- Kuba harimo fibre bituma afasha mu igogorwa ry'ibiryo akarinda kwituma impatwe.

- Harimo sulfur ikaba igira uruhare mu kwihutisha gukira kw'ibisebe no kurinda kurwara ibisebe. Ibisebe byaba ibyo ku ruhu cyangwa mu gifu.

- Ishu Rifasha mu buzima bw'amaso kuko harimo beta_carotene.

- Kuba ririmo calories nkeya bituma Rifasha abifuza kunanuka.

- ririmo vitamini K y'ingenzi mu gutuma amaraso akama iyo wakomeretse.

- Imyunyungugu ibamo ni ingenzi ku buzima bw'amagufa.

- Kuba harimo potassium bifasha mu kurwanya umuvuduko udasanzwe w'amaraso.

-Ni uruboga rwiza ku ruhu no kururinda gusaza.

-Rifasha kandi mu gusohora imyanda n'uburozi mu mubiri.

-Harimo iodine ikaba igirira akamaro ubwonko ikanafasha mu ikorwa ry'imisemburo imwe n'imwe.

Uko amashu akwiye kuribwa:

Nubwo akenshi tuyateka ariko burya si byiza kuko byangiza vitamini zibamo.
Ibyiza ni ukuyarya ari mabisi, akenshi kuri salade, mbere y'uko turya ibitetse.
Ku kuvura ibisebe mu gifu cyangwa kuva imyuna, usabwa kunywa umutobe ukozwe mu mashu. Udafite agakoresho kabugenewe wayasekura ugakamura.

Icyitonderwa:

Ku bantu bari gufata imiti y'amaraso nka Warfarin ntibyemewe kurya amashu. Ku barwayi b'umwingo nabo cyangwa bafite thyroid idakora neza nabo si byiza kurya amashu.

Ibyiza byo kurya Inanasi

By Olexa

Inanasi ni bumwe mu bwoko bw'imbuto ziboneka hirya no hino ku isi. No mu Rwanda izo mbuto zirahaboneka, nubwo bikunze kuvugwa ko zihenda.

Nubwo bihenze ariko, ubuzima bwo buhenda kurusha Inanasi. Niyo mpamvu kubwitaho ugura inanasi byoroshye kurusha gutanga amagana y'ibihumbi wivuza.

Hano twabazaniye imwe mu mimaro ikomeye yo kurya inanasi ku buzima bwa muntu.

Inanasi yifitemo imisemburo(enzymes) yitwa Bromelain ifasha koroshya igogora ry'ibiryo mu gifu. Iyo misemburo kandi ikaba ishwanyaguza ibishobora gutera Kanseri n'ibishobora kwangiza tumwe mu nyangingo.

Ubushakashatsi bukaba bwarerekanye ko umuntu urya inanasi buri munsi, afite amahirwe yo kudahura n'ibibazo by'igogora no kwandura inzoka zo mu mubiri.

Inanasi ni isoko ya Vitamini C iha ubudahangarwa ku mijyana n'imigarura nyamaraso, ubudahangarwa bw'uruhu, n'amagufa.Kurya inanansi buri munsi, byongera ubudahangarwa bw'umubiri.

Inanasi kandi ni isoko ikomeye ya Vitamini A ifite ubushobozi bwo kugira amaso mazima abona. Iyo Vitamini ituma uruhu ruhora rutoshye. Kurya Inanasi kandi buri munsi, bigabanya ibyago byo kurwara Kanseri y'ibihaha.

Mu nanasi habonekamo bimwe mu bigize Vitamini B, ari naho habonekamo Potasiyumu ifasha mu kugenzura umuvuduko w'amaraso.

Nubwo ibyiza by'inanasi ari byinshi , twahisemo kuba tubagejejeho iby'ibanze. Ubuzima burahenda kurusha inanasi, kandi hari byinshi dutakazaho amafaranga, bifite akamaro gake ugereranyije n'inanasi.Amagara araseseka ntayorwa.

Menya impamvu ugomba kurya Avocat buri munsi

By Olexa

Inyigo nshya yakozwe n'abashakashatsi mu by'ubuzima bo muri Leta zunze Ubumwe z'Amerika igaragaza ko kurya avoka buri munsi ari uburyo bwiza bwo kurwanya ibinure byinshi bidakenewe mu mubiri w'umuntu cyane iyo ifashwe ku buryo buhoraho kandi neza. Iyi nyigo igaragaza ko avocat ifite ubushobozi bwo guhindura umubiri buruta ubwo kurya salade n'isupu. Ubwo bushobozi ngo avoka ibukura ku kuba yifitemo ibishongesha ibinure biba bisanzwe mu mubiri w'umuntu hamwe na Vitamini E.

kurya avoka buri munsi ari uburyo bwiza bwo kurwanya ibinure byinshi
Ikinyamakuru cy'umuryango w'Abanyamrika wita ku Buzima (Journal of the American Heart Association) dukesha iyi nyigo, kivuga ko uretse ibyo kandi ngo avocat igira n'akamaro kihariyeho ko kurwanya gusaza k'uturemangingo ndetse ikanarwanya kanseri zimwe na zimwe.

Kugira ngo bagere kuri ibyo, aba bashakashatsi bagenzuye amafunguro y'abantu 45 muri bo harimo abafite umubyibuho ukabije mu gihe cy'ibyumweru 2; baje gusanga abantu barya avoka buri munsi barabashije kugabanya ibinure mu mibiri yabo ku buryo bufatika kandi mu gihe gito.

Menya uburyo ibishishwa by'indimu byagufasha kurwanya diabete!

By Olexa

Ibishishwa by'indimu nubwo benshi bakunda kubijugunya, nyamara byuzuyemo intungamubiri, enzymes n'ibindi binyabutabire bifitiye akamaro gatandukanye umubiri wacu. Hari ubushakashatsi bumwe na bumwe bwerekana ko binakize cyane ku ntungamubiri kurenza indimu ubwayo.

Ibishishwa by'indimu byuzuyemo vitamin C, calcium, potasiyumu ifasha mu kuringaniza umuvuduko w'amaraso, limonene, ikinyabutabire kirinda kanseri ndetse n'ibindi ibirinda n'ibisohora uburozi mu mubiri ndetse n'izindi ntungamubiri zifasha umubiri.

Akamaro k'ibishishwa by'indimu ku buzima:

1.Bifite ubushobozi bwo kurwanya bagiteri

Mu bushakashatsi bwakozwe , hatangajwe ko amavuta aboneka mu gishishwa cy'indimu afite ubushobozi bukomeye bwo kwica mikorobe (microbes). Aya mavuta afite ubushobozi bwo kwica imiyege, bagiteri (bacterias) na virusi. Ibi bivuze afasha mu kurwanya ibicurane, ibibazo mu gifu bituruka kuri mikorobe kimwe n'ubundi bwandu bwose buturuka kuri bagiteri.

2.Bituma igogorwa rigenda neza

Ibishishwa by'indimu bifasha mu igogorwa, bigabanya gutumba n'ibyuka uba wumva mu mara. Ibinyabutabire byitwa limonene biboneka cyane mu gishishwa bifasha mu kugabanya ikirungurira, ifasha kandi mu kugabanya kugaruka kwa aside yo mu gifu, ikongera uburyo amara agenda, bityo ibiryo bikanyura neza mu rwungano ngogozi.

3.Bigabanya igipimo cya cholesterol mu maraso

Ibishishwa by'indimu bifasha mu kurinda ibyago byo kwandura indwara z'umutima. Bimwe mu binyabutabire biboneka mu bishishwa by'indimu bifasha mu kugabanya igipimo cya cholesterol iyo ubishyize mu byo urya byawe.

4.Bifite ubushobozi bwo gusukura no gusohora uburozi mu mubiri

Ibishishwa by'indimu bikungahaye cyane ku birinda n'ibisohora uburozi (antioxidant) mu mubiri bifasha mu kurinda uturemangingo fatizo (DNA) kuba twakwibasirwa na kanseri. Kimwe mu binyabutabire biboneka mu gishishwa cy'indimu, mandarine cg se pamplemousse/grapefruit bigabanya kwangirika k'uturemangingo biturutse ku mirasire.

5.Birinda bikanarwanya diyabete

Ibishishwa by'indimu birimo PolyMethoxylated Flavones (PMF) ubushakashatsi bwerekanye ko bifasha mu kurinda diyabete no gutuma umusemburo wa insulin ukora neza. Ibi bishishwa kandi bigabanya urugero rw'ibinure na cholesterol, bizwiho gutera ibibazo bitandukanye nka diyabete n'umubyibuho ukabije.

Ibishishwa by'indimu bikoreshwa bite?

Ushobora kubikuzaho intoki ku ndimu cg se udukoresho twabigenewe (zester).

Ufata ibyo bishishwa ukaba wabivanga n'imitobe ugiye kunywa cg yoghurt cg ukaba wabyongera kuri salade zitandukanye.

Icyitonderwa :

Ni ngombwa gukoresha indimu nzima kandi zahinzwe mu buryo busanzwe. Indimu zihinzwe kijyambere ziba zarakoreshejweho imiti itandukanye ishobora kuba irimo ibindi binyabutabire byakwangiza ubuzima.

Niba ufite ikibazo cya kalisiyumu nke mu mubiri, cg utubuye mu mpyiko ni ngombwa kubanza kugisha inama muganga mbere yo kuba wakoresha ibishishwa by'indimu.

murakoze.

  • November 13th 2018 at 07:05

Ibintu 5 wakitwararika k'umukunzi

By Olexa

Ubusanzwe urukundo akenshi usanga ari impano abantu bavukana gusa urukundo ruvugwa aha ni rumwe rwabaye hagati ya Adam na Eva ubwo bivuzeko ari urukundo ruba hagati y'umuhungu n'umukobwa cg umugabo n'umugore . rero akenshi usanga abahungu bafite uburyo bagaragazamo urukundo, n'abakobwa nabo bafite ubwabo usanga akenshi bitandukanye. Aha rero twabateguriye bimwe mu bintu 6 umusore/umukobwa uzi gukunda akorera umukunzi we

1.Kubwirana amagambo meza ajyanye n'igihe mugezemo

Buri muntu wese ahava akagera yishimira umuntu umuzirikana habe mubyiza cg ibibi, niyo mpamvu uzasanga abantu batazi kugaragaza amaranga mutima yabo bataryoshya urukundo. nibyiza burya kubwirana amagambo meza uwo ukunda kuko azirikana ko umutekereza kd umuzirikana kenshi. si amagambo akomeye arimo imitoma myinshi, usibye kandi kuba byongera urukundo hagati yanyu binagaragaza ikinyabupfura. urugero: nimba mugiye kuryama ibuka kumubwira ijoro ryiza/ibitotsi byiza, nimba asitaye ibuka kumubwira Komera, nimba agiye gufungura ibuka kumwifuriza kuryoherwa, nimba afashe urugendo ibuba kumwifuriza urugendo ruhire, nimba yababaye ibuka kumwihanganisha, nimba wamukoshereje ibuka gusaba imbabaza kandi abone ko ukomeje(uri serious), nimba yambaye umwenda mushya ibuke kumubwira ko aberewe, n ibindi n'ibindi. ku bakobwa bo bakunze kugira umwihariko w'utuntu bakunda, nko kumufata akaboko igihe muri murugendo, kumwereka ko umwitayeho igihe muri kumwe n'abandi, kumuhamagara utuzina dutetesha dutandukanye, kumubwira umwinginga...

2.Gutanga Impano

Impano ni ikintu gikomeye hagati y'abakundana, singombwa ko urindira guha umukunzi wawe impano kumunsi mukuru runaka, gira gutya umutungura ntanicyabaye umuhe impano kandi yoroheje kandi biba byiza iyo ari impano iramba gusa n'impano zitaramba(ibiribwa/ibinyobwa) nazo niziza cyane iyo uziko icyo umuhaye agikunda, hano twabibutsa ko rwose umuntu ufite inshuti akaba atazi gutanga impano aba abishya, cyane cyane igitsina gore gishimishwa n'impano yahawe n'umukunzi we kuko akenshi usanga babyirata muri bagenzi babo, niyo aziko afite umusore/umugabo utazi gutanga impano usanga yigurira ibintu akajya avuga ko ari impano yahawe n'umukunzi we, ibi ntakindi biba byerekana ni kagaciro k'impano yatanzwe n'uwo mukundana. abasore benshi ntibabona umwanya wo kujya guhaha impano zo guha abakunzi babo, hano twabagira inama ko murukali.com wahahahira impano yoroheje yo guha umukunzi wawe wanabyifuza bakayikugereza kuwo wayigeneye.

3.Kumenya Kuganira

Kumenya kuganira nabyo n'ingenzi igihe uri murukundo, abakobwa bamwe bibwirako guceceka aribyo bigaragaza umuntu ko yitonda, kereka iyo ariko umuntu ateye kuva mubwana bwe, kuko akenshi iyo aribyo yihanzemo usanga abantu bakuvuga ukundi, abasore benshi nabo hari abavuga cyane ugasanga aravuga nibitari ngombwa cg nimba ari umuntu ukunda urugero umupira cyane yaba yagiye nko gusura umukobwa bakundana agasanga abandi iwabo aho kugirango muhuze ibiganiro we agashaka kubinjiza muby'umupira kandi wenda batawukunda cg ataribyo bari biteze ko mwaganira. nibyiza rero k umusore/umukobwa kumenya guhuza ibiganiro nabo muri kumwe ukirinda kuvuga byinshi ndetse no gutandukira kd nanone ntube igifura cg ngo ube uri kumwe n'abandi ube uwo kubumva gusa.

4.Ndagukunda ntabwo bihagije

Hari abantu benshi bibwirako kuvuga ndagukunda kesnhi uwo ukunda azabona ko umukunda byukuri, ntibishoboka urukundo niko ruteye rurigaraza ubwarwo, ibikorwa ukorera uwo mukundana nibyo byonyine bishobora kuzamura intera y'urukundo rwanyu, umwanya uha uwo mukundana, agaciro umuha, ibyo byose iyo urengejeho ndagukunda iza ishimangira rwa rukundo noneho bikarushaho kuryoshya urukundo rwanyu.

5.Kunyurwa n'uwo mukundana

Kwishimira uwo mukundana bigaragaza kunyurwa, nimba unyzwe nuwo mukundana wibyihererana bimubwire unabibwire n'inshuti n'umuryango, bityo nuwashaka kubinjirira murukundo rwanyu azatinya azumva ko hari ibanga mufitanye ridasanzwe, nufata ijambo waba uri hagati yabakomeye cg aboroheje wibuke kumukomoza ho umushiimira cg umuvugaho byoroheje. kugirango wishimire umuntu twabagira inama ko bisaba umuntu uzirikana, uha agaciro ibyiza yakorewe kurusha kwita kubibi, kwirinda guhuzagurika ugereranya incuti yawe n'abandi, gusenga ushimira Imana umukunzi yaguhaye nabyo birafasha bikurinda gutekereza abandi, gutekereza ko bitakorohera igihe yaba atariho...

Hari ibintu byinshi twakitwararira murukundo, hano twabahitiyemo 5 by'ingenzi ibindi tuzagenda tubibagezaho....

MUGENI Olexa/ Murukali ltd

Urwibutso rukomeye mu rukundo

By Olexa

Mu rukundo hari ibihe bikomeye ugirana n'umukunzi wawe ntazakwibagirwe, haba hari ibihe byiza mwagize mwasohotse, amagambo meza wamubwiye, iminsi mikuru mwizihije, impano nziza mwahanye.
hano tugiye kurebera hamwe bimwe mubintu bitajya byigabirana murukundo kuburyo niyo mwatandukana umwe adashobora kwibagirwa ibyo bihe.

Indabo ni imwe impano nziza waha umukunzi wawe ntazakwibagirwe.

Murukali, turagufasha kumenya ubusobanuro bw'amabara y'indabo waha umukunzi wawe.

Burya rero buri rurabo n'ibara ryarwo biba bifite icyo bisobanuye.

Ururabo rw'iroza : umuntu aha umukunzi we indabo z'iroza ashaka kumwereka urukundo mufitanye ari rwiza cyane kandi ko umwishimiye.

Gusa uru rurabo nanone si aha honyine rukoreshwa ahubwo rukoreshwa no mu birori by'isabukuru y'amavuko cyangwa mu bukwe,kuko rusobanura ibyishimo bidasanzwe.

Indabo z'amabara atukura :Indabo zitukura zo zivuga urukundo rurenze ku buryo iyo umuntu aziguhaye aba akweretse ko urukundo agufitiye rwamurenze. Cyakora nazo ntizitangwa zonyine ahubwo uvanga n'andi mabara ariko umutuku ukiganza

Indabo z'ibara ry'umweru : Izi ndabo nazo zigaragaza ibyishimo ufitiye umuntu bitewe n'impamvu runaka ariko akenshi zikoreshwa mu makwe.

Indabo z'amabara avanze :Ntizikunda gukoreshwa n'abakundana kuko ziba zivuga ko hari ubutumwa runaka bugenewe abantu bugomba gutangwa, zikunda gukoreshwa n'abanyabukorikori iyo hari icyo bashaka kuvuga nk'ubutumwa bashaka guha abantu runaka. ariko ntibyakubuza kuziha uwo ukunda mugihe uziko akunda amabara waba wamuhitiyemo.

Indabo zirimo amabara y'idoma(move) : Izi ndabo zivuga amahoro n'ubugwaneza izi zo uziha umuntu kubera ibyiza yagukoreye kandi zigatanwa zivanze n'iz'ibara ryera ndetse n'iz'iroza

Murukali, turakwibutsa ko mugihe uhaye umuntu impano y'indabo umunyuriramo muri make icyo washatse kumubwira.

[email protected]

Ibanga ryo kugira ubuzima bwiza

By Olexa

Burya β€œkwirinda biruta kwivuza.” Icyakora, hari indwara umuntu adashobora kwirinda. Nubwo bimeze bityo ariko, hari ibintu wakora ntuzahazwe n'indwara cyangwa ukazirinda burundu. Dore ibintu bitanu byagufasha kugira ubuzima bwiza.

KUGIRA ISUKU

Abaganga b'inzobere muby'ubuvuzi bakunze kugira abantu inama igira iti β€œbumwe mu buryo bw'ingenzi bwo kwirinda indwara cyangwa kuzanduza abandi” ni ukugira isuku" ku mubiri wawe, aho utuye, ndetse no mubyo ukoresha mubuzima busanzwe. urugero ruto twatanga. igihe umuntu azirikana gukaraba intoki hari byinshi aba yirinze kuko utabikora abafite amahirwe mesnhi yo kwandura indwara zitandukanye. nk' ibicurane byakwandurira mukwikora ku zuru cyangwa ku maso, mu gihe intoki ze ziriho virusi ibitera. Uburyo bwiza bwo kubyirinda ni ugukaraba intoki buri gihe. Nanone kandi isuku ishobora gutuma n'indwara y'igikatu itaba icyorezo, urugero nk'umusonga n'indwara z'impiswi. Izo ndwara zihitana abana bari munsi y'imyaka itanu basaga miriyoni ebyiri buri mwaka.

GUKORESHA AMAZI MEZA

Mu bihugu byinshi biri munzira y'amajyambere, kubona amazi meza ahagije abagize umuryango ntibyoroshye. Ariko kandi, hari impamvu zishobora gutuma kubona amazi meza biba ikibazo cy'ingorabahizi aho ari ho hose ku isi. Amazi ashobora kwandurira aho aturuka cyangwa ku isoko bitewe n'umwuzure, inkubi y'umuyaga, itiyo yatobotse n'ibindi. Iyo ibigega bidafite isuku cyangwa isoko ikaba yanduye, mikorobe zishobora kororokera muri ayo mazi mu buryo bworoshye. Ibyo bishobora gutera indwara zitandukanye nka korera, macinya, tifoyide, indwara z'umwijima n'izindi. Buri mwaka, ugereranyije abantu miriyari imwe n'ibihumbi magana arindwi bandura indwara z'impiswi bitewe no kunywa amazi mabi.

KURYA INDYO YUZUYE

Kurya neza ni ukurya indyo yuzuye, ni ukuvuga ikungahaye ku ntungamubiri. Jya urya umunyu, ibiribwa birimo ibinure n'isukari biri mu rugero kandi wirinde kugwa ivutu. Ifunguro ryawe ntirikaburemo imbuto n'imboga kandi ntugahorere indyo imwe. Mu gihe ugiye kugura imigati, ibituruka ku binyampeke, makaroni cyangwa umuceri, jya ubanza usome ibibigize cyangwa akamaro bifitiye umuburi biba byanditse ku kintu bipfunyitsemo cyangwa nimba uhahiye murukali/isoko kuri internet usome neza ibyanditse kuricyo gicuruzwa. Ibiribwa nk'ibyo biba bikungahaye ku ntungamubiri kurusha ibyatungayirijwe mu nganda. Kugira ngo umubiri wawe ubone poroteyine, ujye urya inyama nke kandi zidafite ibinure byinshi, urye n'izikomoka ku biguruka. Mu gihe bigushobokera, ujye urya amafi incuro nibura ebyiri mu cyumweru. Nanone mu bihugu bimwe na bimwe hashobora kuboneka imboga zikungahaye kuri poroteyine.

Kurya ibintu birimo isukari nyinshi n'amavuta menshi bishobora gutuma ugira umubyiho ukabije. Kugira ngo ubyirinde, ujye unywa amazi aho kunywa ibinyobwa biryohera. Mu gihe urangije kurya, jya urenzaho imbuto aho kurenzaho ibirimo isukari nyinshi cyane. Gabanya ibyokurya birimo amavuta urugero nka za sosiso, inyama, za keke, amavuta y'inka, foromaje na biswi. Aho gutekesha amavuta yongera ibinure byinshi mu mubiri, jya utekesha amavuta atuma urushaho kugira ubuzima bwiza.

Umunyu w'igisoryo na wo ushobora gutuma umuvuduko w'amaraso uzamuka, bikaba byagutera uburwayi. Niba ufite icyo kibazo, ujye usuzuma amabwiriza aba yanditse ku bintu bapfunyikamo kugira ngo utarya umunyu mwinshi. Aho gukoresha umunyu, jya ukoresha izindi ndyoshyandyo cyangwa ibindi birungo.

Ni iby'ingenzi kumenya uko ibyo ugomba kurya biba bingana n'ubwoko bwabyo. Bityo rero, mu gihe wumva uhaze ujye urekera aho.

Nanone jya uzirikana ko hari ibyokurya bishobora kwangiza ubuzima. Ibyokurya bidateguye neza kandi ntibibikwe neza, bishobora kwangiza ubuzima.

GUKORA SIPORO

Umuntu ahitamo siporo akurikije imyaka afite, cyangwa uko ubuzima bwe bumeze. Byaba byiza rero ubanje kugisha inama muganga mbere yo gutangira gukora siporo iyo ari yo yose. Hari abantu batandukanye batanze inama zigaragaza ko abana, abangavu n'ingimbi bagombye nibura gukora siporo mu gihe cy'isaha imwe buri munsi, yaba ikomeye cyangwa iringaniye. Abantu bakuru bo bagombye kumara amasaha abiri n'igice bakora siporo iringaniye, cyangwa se bakamara iminota 75 bakora siporo ikomeye mu gihe cy'icyumweru kimwe.

KURYAMA IGIHE GIHAGIJE

Kudasinzira igihe gihagije bishobora gutera umubyibuho ukabije, ihungabana, indwara z'umutima na diyabete cyangwa bigateza impanuka zikomeye. Ibyo bigaragaza neza ko kuruhuka bihagije ari iby'ingenzi.

Theophile/ Murukali

  • November 9th 2018 at 08:21

Uko bategura Potage y'ifi

By Olexa

Iyo ugiye hirya no hino muri za resitora zikomeye no mu mahoteli, usanga abantu ari urujya n'uruza bifuza kwifata neza, cyane cyane bigurira bimwe mubyo badakunze kubona imuhira.

Nyamara ntibikiri inzozi kuko birashoboka ko n'iwawe wakwitegurira ifunguro ryiza kandi ryuzuye intungamubiri, Niyo mpamvu tugiye kubagezaho uko wakwitegurira Potage y'ifi.

Ibirungo

β€’ Ifi (filets) 500 g
β€’ Karoti ebyiri
β€’ Igice cy'umweru cyo ku gitunguru cya poireaux
β€’ Ibihumyo (champignons) 100g

β€’ CΓ©leri imwe & Tungurusumu
β€’ Ibirayi 300 g
β€’ Agafu ka fumet de poisson
β€’ 10 cl de cidre brut

β€’ Margarine 20 g;
β€’ 1 pincΓ©e de noix de muscade.
β€’ Umutobe w'indimu
β€’ Umunyu, poivre

Hakunze kubaho ikibazo cyo kubura bimwe mu birungo byavuzwe haruguru, ariko uhahiye kuri murukali.com ushobora kubona ubwoko butandukanye bw'ibirungo mugihe wabuze bimwe ugakoresha ibindi. urug: ushobora kwitabaza Crème flesh na Cube Maggi mu gihe habuze pincée de noix de muscade, cidre brut cyangwa bikaba nta cyo byatwara cyane ku buryohe wifuza.

Uko wategura ibirungo

β€’ Vanga yafu ya fumet y'ifi muri litiro y'amazi nubona byivanze neza, shyira ku muriro.

β€’ Kata ya fi yawe mo udusate duto cyane maze ube utubitse ahantu hakonje ( nko muri rΓ©frigΓ©rateur).

β€’ Hata karoti zawe zikate mo udu-cube duto cyane. Kata cΓ©leri mo uduce duto cyane, kurikizaho gukata za poireaux ( igice cyo hazi gisa n'umweru), ukatemo uduce dusa n'uruziga (rondelles), Hata bya birayi nyuma ubikate mo za cube.

Oza bya bihumyo byawe hanyuma ubikademo uduce (lamelles), usukeho wa mutobe w'indimu.

Uko potage y'ifi itekwa

β€’ Camutsa isafuriya ushiremo margarine,shyiramo bya bitunguru bya poireaux hamwe na za karoti ibigumishe ku ziko iminota icumi, Nyuma shyiramo bya bihumyo na celery ubirekereho iminota itanu ku kariro karinganiye. Aha washyiramo ka kumyu na Poivre.

β€’ Noneho ongeramo ibirayi, muri ya safuriya, ongeramo fumet de poisson na cidre brut none ucane iminota 10.

β€’ Fata ya mafi uyashyire muri iyo mvange,ukomeze ucane nyuma y'iminota ibiri ubonye bimaze guhwana ongeramo ya pincΓ©e de muscade kugirango birusheho guhumura neza, ugumishe ku muriro indi minota ibiri.

Nyuma y'iyi minota hafi mirongo itatu Potage yawe iba imaze gutungana neza noneho ukaba wayigaburira abantu bakuru, by'umwihariko ubutaha tukazababwira uko wategurira abana bato potage.

Niquita/ murukali

Ifi ikiribwa gifasha kongera iminsi yo kubaho

By Olexa

Ifi cyangwa se isamaki ni ingenzi cyane ku mubiri w'umuntu mu kuwuha impagarike n'ubugingo burambye, mu buzima ntawifuza gukenyuka, niyo mpamvu abahanga bavuga ko buri wese ubishoboye nibura yagafashe ku nyama y'Ifi kugirango yongerere umubiri we iminsi yo kubaho.

Abantu birira amafi cyane ngo baba bagabanya infu hagati ya 27 na 35%, kuko intungamubiri ziba mu mafi zirinda indwara zituruka ku mutima, nkuko bitangazwa mu ubushakashatsi bwakozwe na kaminuza yo muri Amerika yitwa Havard.

Ku bantu bafite imyaka 65 bafite umubiri ukunguhaye kuri aside yitwa β€œomega-3”, iboneka cyane mu mafi, ngo barambaho imyaka 2.2 kurusha abatayifite.

Ubushakashatsi bwakozwe mu gihe cy'imyaka 16 bukorerwa ku bantu bakuze bagera ku 2 700 baryaga amafi nibura gatatu mu cyumeru cyangwa bakoresha amavuta aturuka mu mafi kandi barengeje imyaka 65.

Ubu bushakashatsi bwerekanye ko abo bantu babayeho igihe kirekire kurusha abatayarya kuko intungamubiri zibamo zirinda imibiri yabo indwara zitandukanye zizahaza abakuze nk'umutima, impyiko, diyabete, indwara z'ubwonko, asima, n'izindi nyinshi.

Ibyiza byo kurya amafi cyokora ngo muri Amerika bo bamaze kubyumva, kuko kurya amafi byiyongereye ho 50% kuva muri 1980.

Abahanga bemeza ko mu Ubuyapani, igihugu gifite umubare munini w'abakuze ndetse kikagira n'ikizere cyo kuramba cyane ku bagituye mu mpamvu yabyo harimo kuba abatuye Ubuyapani mu ifunguro ryabo kenshi hataburamo amafi n'imboga.

Ibi kandi ngo ninako bimeze ku baturage baturiye inyanja zikorwamo uburobyi cyane henshi ku Isi nko mu Bugiriki (Greece) , abatuye mu birwa byo mu Butaliyani (Italy), abatuye Portugal, amajyepfo y'Ubufaransa, Uburengerazuba bwa Senegal, ubuasirazuba bwa Brazil, abatuye mu birwa bya Karayibe n'ahandi barya ifi cyane.

N'ubwo igihugu cyacu kidaturiye inyanja, ariko hari ababona amahirwe yo kwigondera ifi zo mu Rwabisemanyi, ku Gisagara, i Huye, i Karongi Rusizi na Rubavu ndetse n'ahandi hatandukanye, ariko yenda batari bazi ko usibye kuba ifunguro riryoshye ari n'umuti wo kuramba no kuramuka.

Uko bateka ifunguro rizwi kw'izina ry'IGISAFURIYA'

By Olexa

Ibikoresho :

Ibirayi ibiro 3kg
Ibitoke ibiro 2kg
Inkoko 1
Ibitunguru 4
Puwavuro 3
Sereli umufungo
Ifu y'ubunyobwa ikiro 1kg

Uko bikorwa :

Fata ibirayi
Ibitoke
Kata inkoko ibice (partie) 4 cyangwa nyinshi bitewe n'izo ushaka
Togosa inkoko mu mazi menshi
Shyiramo bya birayi n'ibitoke inyama zitarashya neza
Shyiramo
Ibitunguru
Puwavuro
Seleri
Canirana byose
Shyiramo sauce tomate +Inyanya
Nihabura iminota 5 cyangwa 10 ngo bishye
Karanga ifu y'ubunyobwa
Busukemo amazi ahoze
Vanga icyo gikoma na bya bitoke n'ibirayi
Canira gato nk'iminota itanu
Bigire isose nyinshi
Ntibikarangwa

Bikureho ubigabure

Murukali, Habaye ibirori byo kwizihiza imyaka itatu

By Olexa

Ibi birori byabereye muri Onomo Hotel byari bigamije gushimira abakozi kuri serivisi nziza kandi yihuse baha abakiliya. Byanitabiriwe na bamwe mu bakiriya babo, ndeste n'abacuruza ibyo bakora ku rubuga www.murukali.com (suppliers).

Ikindi cyiciro cy'abashimiwe n'umuyobozi w'ikigo Murukali Ltd, ni abagize Ihuriro ry'abacururiza kuri internet mu Rwanda, Ikigo BPN na Inkomoko bihugura ba rwiyemezamirimo batandukanye.

Muri ibi birori kandi hanatangajwe serivisi bashyize kuri poromosiyo, iyo ikaba ari umwihariko ku bageni, wo kuborohereza ibijyanye n'ibitwikururwa dore ko baba bananiwe bitewe n'indi myiteguro y'ubukwe bwabo.

Uko bikorwa bisaba gusura urubuga http://www.murukali.com ugafunguramo konti ugahitamo ipaki ushaka bitewe n'uko umufuka wawe uhagazo cyangwa se amikoro ugakanda ahanditse β€˜add to cart' ugahita ujya muri cart ukohereza Komande yawe bakabigutegurira bakabikuzanira aho ushaka mu gihe kitarenze amasaha atatu, usibye amafaranga yiyi paki wishyura babikugezaho kubuntu.

Ibi bikaba bizafasha abageni gutahana buri kimwe cyose ku buryo batajya babyuka bagira icyo batuma muri quartier, ni ipaki yateguwe bigendeye ku byo abanyarwanda bakunze guhaha mu bitwikururwa ndetse no kubaha umwanya uhagije wo gutegura ubukwe.

Mu muco nyarwanda ubusanzwe iyi serivisi yakorwa na ba nyirasenge b'umukobwa cyangwa se ababyeyi be, ariko ugasanga kubera ari igikorwa gikorwa ku munota wa nyuma wasangaga ubukwe bugera abantu bagifite akazi kenshi ndetse bamwe bo mu muryango hafi ntibabashe gutaha ubukwe bameze neza, kubera imvune bakuye mu kujya hirya no hino bahaha ibitwikururwa.

Urubuga murukali.com ni urubuga rushimwa na benshi bitewe n'ubwoko bw'ibicururizwaho ndetse n'uburyo bigiye bipangwa mu byiciro. Ruha kandi umwihariko Ibikorerwa mu Rwanda dore ko iyo urugiyeho ubona ahantu hihariye wasanga ibikorerwa mu Rwanda.

Inzira igoye mu myaka itatu

Murukali.com ni iguriro ryatangiye gukorera mu Rwanda, bafite intego yo gufasha abanyarwanda gukoresha igihe n'amafaranga byabo neza ndetse no gufasha abanyenganda n'abacuruzi kwihutisha ubucuruzi bwabo.

Ni iguriro ryatangiye mu bihe bigoye dore ko ubucuruzi bwo kuri internet bwari butaratangira kumenyekana mu Rwanda, gusa ntibyabaciye intege ahubwo byabaye umukoro wo gushyira imbaraga mu mitangire myiza ya serivisi.

Ikindi cyabafashije ni ugushyiraho igiciro no korohereza abakiliya mu buryo bwo kwishyura, aha hari kandi na bamwe baba bibwira ko kugura ibicuruzwa kuri internet nta deni ritangwa, ariko mu rwego rwo kurema icyizere mu bakiliya bagurira kuri iri guriro, iyo bamaze kukwizera baragukopa ukazajya wishyura igihe wabonye amafaranga.

Murukali, Habaye ibirori byo kwizihiza imyaka itatu

By Olexa

Ibi birori byabereye muri Onomo Hotel byari bigamije gushimira abakozi kuri serivisi nziza kandi yihuse baha abakiliya. Byanitabiriwe na bamwe mu bakiriya babo, ndeste n'abacuruza ibyo bakora ku rubuga www.murukali.com (suppliers).

Ikindi cyiciro cy'abashimiwe n'umuyobozi w'ikigo Murukali Ltd, ni abagize Ihuriro ry'abacururiza kuri internet mu Rwanda, Ikigo BPN na Inkomoko bihugura ba rwiyemezamirimo batandukanye.

Muri ibi birori kandi hanatangajwe serivisi bashyize kuri poromosiyo, iyo ikaba ari umwihariko ku bageni, wo kuborohereza ibijyanye n'ibitwikururwa dore ko baba bananiwe bitewe n'indi myiteguro y'ubukwe bwabo.

Uko bikorwa bisaba gusura urubuga http://www.murukali.com ugafunguramo konti ugahitamo ipaki ushaka bitewe n'uko umufuka wawe uhagazo cyangwa se amikoro ugakanda ahanditse β€˜add to cart' ugahita ujya muri cart ukohereza Komande yawe bakabigutegurira bakabikuzanira aho ushaka mu gihe kitarenze amasaha atatu, usibye amafaranga yiyi paki wishyura babikugezaho kubuntu.

Ibi bikaba bizafasha abageni gutahana buri kimwe cyose ku buryo batajya babyuka bagira icyo batuma muri quartier, ni ipaki yateguwe bigendeye ku byo abanyarwanda bakunze guhaha mu bitwikururwa ndetse no kubaha umwanya uhagije wo gutegura ubukwe.

Mu muco nyarwanda ubusanzwe iyi serivisi yakorwa na ba nyirasenge b'umukobwa cyangwa se ababyeyi be, ariko ugasanga kubera ari igikorwa gikorwa ku munota wa nyuma wasangaga ubukwe bugera abantu bagifite akazi kenshi ndetse bamwe bo mu muryango hafi ntibabashe gutaha ubukwe bameze neza, kubera imvune bakuye mu kujya hirya no hino bahaha ibitwikururwa.

Urubuga murukali.com ni urubuga rushimwa na benshi bitewe n'ubwoko bw'ibicururizwaho ndetse n'uburyo bigiye bipangwa mu byiciro. Ruha kandi umwihariko Ibikorerwa mu Rwanda dore ko iyo urugiyeho ubona ahantu hihariye wasanga ibikorerwa mu Rwanda.

Inzira igoye mu myaka itatu

Murukali.com ni iguriro ryatangiye gukorera mu Rwanda, bafite intego yo gufasha abanyarwanda gukoresha igihe n'amafaranga byabo neza ndetse no gufasha abanyenganda n'abacuruzi kwihutisha ubucuruzi bwabo.

Ni iguriro ryatangiye mu bihe bigoye dore ko ubucuruzi bwo kuri internet bwari butaratangira kumenyekana mu Rwanda, gusa ntibyabaciye intege ahubwo byabaye umukoro wo gushyira imbaraga mu mitangire myiza ya serivisi.

Ikindi cyabafashije ni ugushyiraho igiciro no korohereza abakiliya mu buryo bwo kwishyura, aha hari kandi na bamwe baba bibwira ko kugura ibicuruzwa kuri internet nta deni ritangwa, ariko mu rwego rwo kurema icyizere mu bakiliya bagurira kuri iri guriro, iyo bamaze kukwizera baragukopa ukazajya wishyura igihe wabonye amafaranga.

Ibanga ry'Umugore Ukundwakazwa

By Olexa

Abagore benshi ntibamenya ko kumenya guteka neza ari kimwe mu byabongerera gukundwa n'abagabo babo. nyamara kumenya guteka neza kimwe mu bituma abagabo bishimira abagore babo ku buryo no kurya hanze rimwe na rimwe biba ikizira kuri bo bumva ibiryo bitatetswe n'abagore babo batabirya.

1.Ni uburyo bwiza bwo kwigarurira umutima w'umugabo

Imibonanano mpuzabitsina ntago ihagije kugira ngo umugabo agukunde kurushaho, ahubwo biba byiza iyo hiyongereyeho kumwereka ko umukunze ukita ku ifunguro rye. Akenshi usanga ibi bizirikanwa cyane n'abagore bakuze, ariko ngo iyo umugabo afashe ifunguro ryateguwe n'umugore we urukundo ruriyongera.

2.Bimwereka ko umwubaha kandi umwitayeho

Umugabo afata umugore ushobora kumutekera nk'umuntu umwubashye cyane, ibi bigatuma ngo umukobwa udashobora guteka afatwa nk'utararezwe neza ndetse atanashobora kwita ku muryango we, mu gihe ushobora guteka aba afatwa nk'ushobora kuba umubyeyi.

3.Ifunguro ryateguwe n'umugore rimuhumurira ukwaryo

Ifunguro ryose ryateguwe n'umugore, Umugabo rimugwa neza kabone niyo ryaba ritihariye, umugabo afungura yimva anezerewe kuko aba azirikana ko umugore we yafashe umwanya akarimutegurira, ikindi kandi akenshi rigira impumuro yaryo, ibi bikanatuma umugabo yumva ko ifunguro ryatetswe n'umugore we rifite impumuro yihariye.

4.Bituma umugabo yishimira kuba mu rugo

Uburyo bwiza bwo gutuma umugabo akunda kwicara mu rugo rwe no kumugaburira ifunguro ryiza birimo. N'ubwo kandi ngo yaba ari hanze, ibi bituma yihutira gutaha mu gihe yibutse ko ifunguro umugore yamuteguriye rimutegereje ndetse bigatuma adakunda kurya hanze nko mu tubari, kuko azi neza ko nagera iwe ahasanga ifunguro ryiza rimutegereje.

Burya kandi ngo umugabo ukunda urugo ruhora rumufata nk'umushyitsi murugo. yahagera bakamwakiriza amazimano icyo kunywa cyangwa irindi funguro ryoroshye.

Janet/murukali

Uburyo bwiza bwo kwitegura abashyitsi

By Olexa

"Abashyitsi ni umugisha" iyo ni imvugo ikunzwe kuvugwa n'abakirisitu ariko muri rusange urugo ni urugendwa. kwitegura abashyitsi ni kimwe bintu byiza ariko bitewe nuburyo byakozwemo ugasanga nyuma yo kubakira mugize crise(ubukene) bityo bikaba byatera bamwe kutishimira kwakira abashyitsi.
tugiye kubagezaho uko wakwakira abashyitsi kandi ntibihungabanye ingengo y'imari y'igihe runaka mwateganyije.

1. Kugira gahunda

nimba uri umuntu ukunze gusurwa nibyiza ko nimba hari abantu runaka bazagusura bajya gakumenyesha umunsi n'isaha bazagusuriraho bityo nawe ukabasha kubitegura neza.

2. Kwitegura
umunsi n'isaha abashyizi bazagusuriraho wageze. ushobora kugena kimba uri bubakirize ibyo kunywa gusa cg kunywa no kurya. umenya icyo abashyitsi bawe bakunze kunwa no kurya. umenya umubare wabo bantu, umenya uburyo baribwicaramo nimba biri bigusabe gukodesha intebe ukongera izo ufite cg atari ngombwa, ukamenya uza kubakira(kubabaza icyo bafata) kumenya uzabategurira amafunguro(mu gikoni), kumenya uzabaha ikaze nibyiza iyo bikozwe na nyiri urugo.

3. Ingengo y'imari
nibyiza kwicara hamwe ugashyira kuruhande amafaranga wateganyije yo kwakira abashyitsi bitewe nuko wabiteguye, ukirinda gukoresha y'amafaranga mubindi bintu bitagenewe icyo gikorwa(kwakira abashyitsi). Ushobora kwandika kugapapuro ibyo wumva uzakoresha byose, nujya kubihaha ntutandukira ngo ugure byinshi kuko ngo nibisigara uzabikoresha, wirinda kugura igikoresho runaka ngo nuko ufute abashyitsi
urg:ushobora gushaka kugura urufunguzo rwa fanta rushyashya kd harurwo usanganwe ngo nuko ufite abashyitsi kd itwo tuntu duto ugura nitwo turi butume yamafaranga wateguye aba make ukaba wakoresha nayo wizigamiye kd wenda iyo abashyitsi bataza ntabyo wari kugura kuko haribyo usanganwe.
nimba uri buteke andika ibyo uri bukoreshe byose uteka ubigure uko wabyanditse nimba wiyiziho ingeso yo kugenda ugura icyo ubonye cyose, cyangwa wumva unaniwe kugirango bataza kukwiba wicare iwawe uhahire kuri internet babikuzanire.

  • September 6th 2018 at 07:30

Uko Wategura Salade y'Amagi n'Imiteja

By Olexa

Ibikoresho :

Inyanya 4
Amagi 4
Imiteja garama 150
Boite ya thon ifite garama 160
Ibikoresho bya vinaigrette
Akayiko 1 ka vinaigre
Akayiko 1 ka moutarde
Akayiko 1 k'amavuta
Akayiko 1 k'amazi
Umunyu na poivre

Uko bikorwa :

Togosa amagi mu mazi amaremo iminota 10, amaze gushya uyakuremo uyashyire mu mazi akonje
Mu gihe amagi ari ku ziko kuri rindi ziko togosa imiteja nayo imare iminota 10
Ba utunganya thon uyipfundura ariko uri no gukata inyanya
Fata ya magi uyatonore ugende uyakatamo kabiri
Mu gikoresho ukoreramo salade, shyiramo imiteja , inyanya n'amagi

Uko utegura vinaigrette :

Fata agasorori uvange umunyu na vinaigre
Ongeramo moutarde, amazi n'amavuta uvangishe ikanya ubundi ushyiremo poivre
Kugira ngo bigire ibara ryiza ushobora kongeramo akayiko 1 ka fromage. Shyira vinaigrette kuri ya salade.

Akamaro k'iyi salade ku mubiri wacu

Imboga zose zifite ibara ry'icyatsi ziba zikungahaye ku byo bita fibres na vitamines bifasha umubiri wacu kwirinda indwara. Amagi nayo ni ibyubaka umubiri . Ku bana n'abakuru , iyi salade ifasha mu kurwanya indwara ziterwa n'imirire mibi.

Uburyo watekamo isombe

By Olexa

Ibikoresho

1kg cy'isombe
Β½ cy'Umufungo wa puwaro ntoya (zirahumura)
Puwavro 1 nini
umufungo wa sereri
Ibitunguru 2 by'umutuku
Utuce 10 twa tungurusumu
ΒΌ kg y'amavuta y'amamesa
Inyama z'Imifupa Β½ kg
Onja 2
Gout 2
Maggi y'isombe
ΒΌ kg cg ibiyiko 3 binini by' Ifu y'ubunyobwa
Umunyu
Amazi 4l

Isombe ni ifunguro riva mu bibabi by'imyumbati, bikiri bitoto nyuma bigasekurwa neza. Aha, hari abahitamo kuyisekurana n'ibirungo ikenera byose. Iryo funguro rikenera amamesa, igitunguru, ifu y'ubunyobwa cyangwa iy'ibihwagari.

Nyuma yo gusukura isombe, kuyisekura no kuyishyira mu nkono, hakurikiraho kuyirengeza amazi. Yamara gucanirwa nk'amasaha abiri igashyirwamo amamesa n' umunyu kugirango ishye vuba washyiramo umunyu wa Gikukuru, hagakurikiraho gucanira ku kariro gacye, kongeramo ifu y'ubunyobwa no gukomeza gucaniriza umuriro mucye kugeza bihiye. Byose birangiye, ni byiza kuyigabura ishyushye.
ibuka gushyiramo ubunyobwa nyuma igihe isombe isa nkiyahiye kugirango itaza gushirira hasi.

Isombe ishobora gutekanwa n'inyama cyangwa imifupa. Isombe igomba gutekwa idapfundikiye kugira ntirure.

Isombe n'ifunguro ryiza kubabyeyi babyaye, abakuze bavugako yongera amashereka igafuma no munda.

Twarangiza tubifuriza kuryoherwa n'isombe ifunguro rya Kinyarwanda.

Kaneza Jolie/ murukali

❌