WebRwanda.com

🔒
❌
There are new available articles, click to refresh the page.
Before yesterdayThe Kigali Post

Abanyabrasil basabye imbabazi Brigitte Macron watutswe na perezida wabo

By KP

Abaturage b'igihugu cya Brazil bakomeje kugaragaza ko badashigikiye na gato umukuru w'igihugu cyabo, Perezida Jair Bolsonaro watutse umugore wa Perezida w'Ubufaransa Brigitte Macron.

Bakoresheje 'Hashtag' yitwa '#DisculpaBrigitte' bisobanuye ngo 'Mbabarira Brigitte' kuri Twitter, benshi mu baturage ba Brazil banditse ubutumwa busaba imbabazi banahamya ko batashimishijwe n'ibyo Perezida wabo yavuze.

Agereranyije n'umugore we, Perezida Bolsonaro asanga Brigitte asebya Macron

Urugero, ni umwe wafashe agace k'amashusho y'ijambo rya Macron ryo ku ya 26 Kanama, maze ashyiraho amagambo agira ati "Ndagusaba imbabazi Brigitte, ntewe isoni na perezida." Undi ati "Nsabye imbabazi kubw'amagambo mabi ya perezida w'igihugu cyanjye, ndetse nterwa isoni buri munsi no kuba ari we umpagarariye."

Bruno Gagliasso, umukinnyi wa filime w'icyamamare cyane muri Brazil na we yagize amagambo abwira Brigitte Macron, asaba imbabazi. "Dutewe isoni n'imyitwarire y'abaduhagarariye. Iriya si imyitwarire y'uhagarariye igihugu."

Bruno yanenze perezida we

Paulo Coelho, umwanditsi ukomeye wo muri Brazil na we yasabiye imbabazi abanyagihugu cye akoresheje amashusho yashyize kuri Twitter. "Ni amashusho ababaje yo gusaba imbabazi abafaransa. Ndavuga ugukabya kwa Bolsonaro ku Bufaransa, kuri perezida w'Ubufaransa ndetse n'umugore we. Mu gihe Amazonie irimo gushya, nta kindi bafite cyo kuvuga uretse gutukana, guhakana no kuvuga ibidafite umumaro kugira ngo bahunge inshingano zabo. Ni igihe cy'icuraburindi muri Brazil, bimeze nk'ijoro ry'igicuku… ndasaba imbabazi."

Paulo Coelho na we yasabye imbabazi

Abari hafi ya Madamu Brigitte Macron, bahamya ko ubu butumwa bwamugezeho ndetse ko bwamukoze ku mutima nk'uko Le Parisien ibitangaza.

Perezida Bolsonaro ukunze gukoresha cyane imbuga nkoranyambaga, yasubije ubutumwa bw'umuntu wasekaga uko Brigitte asa amugereranya n'umugore wa Bolsorano maze, mu gitekerezo yashyizeho asubiza aseka ati "Wiseba uwo musore. Ahahah"

Shania Twain yujuje imyaka 54. Dore amwe mu mateka y'ubuzima bugoye cyane yaciyemo

By Denise IRANZI

Amazina yiswe n'ababyeyi be akivuka ni Eilleen Regina Edwards. Yavukiye Ontario muri Canada ku ya 28 Kanama 1965, bivuze ko uyu munsi yujuje imyaka 53 y'amavuko. Yakunzwe na benshi mu ndirimbo ziganjemo izituje ziri mu njyana ya Country pop na Country Rock harimo nka Forever and for always, From this moment, When you kiss me n'izindi nyinshi.

Shania Twain yavutse ari umwana wa 2 wa Sharon Morrison w'umunyekanada na Edwards Clarence w'umunyamerika. Ababyeyi be batandukanye mu wa 1967, ubwo yari afite imyaka 2 gusa maze nyina ahita yimukira mu kandi gace kitwa Timmins ajyana n'abana be bombi maze aza gushakana n'undi mugabo witwa Jerry Twain ahita aba se w'aba bana ba Sharon.

Nubwo yaciye muri byinshi bimugore, Shania ni umwe mu bahanzi bakomeye ku isi

Shania afite inkomoko mu Bufaransa ugendeye ku bisekuruza by'abimukira baje muri Canada, binavugwa ko yaba afitanye isano na Celine Dion, Madona, Hillary Clinton n'ibindi byamamare bitandukanye.

Uyu muryango wo kwa se mushya, Jerry Twain ntiwari wifashije ndetse rimwe na rimwe baburaga n'ibyo kurya, bigera n'aho ku myaka 8 gusa atangira gukora mu tubari dutandukanye aririmba mu gicuku kugira ngo aze kubona amafaranga ajyana mu rugo ngo bahahe. Nubwo ibyo byari ibihe bimugoye ariko, Shania we yaje gusanga byaramubereye isomo rikomeye ryatumye akomera muri muzika, dore ko kugeza ubu ari we muhanzikazi wa 2 muri Canada wagurishije album nyinshi cyane nyuma ya Celine Dion uza ku isonga.

Shania na Celine Dion nibo baza ku isonga muri Canada

Yaravuze ati “Ikintu nkunda kindimo kurusha ibindi ni umuziki kandi byaramfashije. Hari ubwo nibwiraga nti ‘ibi ndabyanga'. Nangaga cyane kurara mu tubari hamwe n'abasinzi. Ariko nakundaga umuziki, bityo rero nabashije kubicamo”

Nyuma y'aka kazi yaje kujyana na se mu mashyamba gucuruza ibiti. Nubwo aka kazi kari kavunanye cyane ndetse n'umushahara wari muto cyane, Shania we yavuze ko yabyishimiraga kuko byamuhaye agahenge, akaruhuka ibyo mu mujyi nk'amavuta ahumura cyane, amasabune ahenze yo koga n'ibindi nk'ibyo ahubwo bakabaho mu buzima bworoshye kandi bubanogeye.

Ku itariki 1 Ugushyingo, 1987, nibwo inkuru mbi yatashye kwa Shania Twain ivuga ko se Jerry na nyina Sharon bose bahitanywe n'impanuka y'imodoka. Nyuma y'ibi byago Shania byabaye ngombwa ko yita kuri basaza be bato Mark na Darryl ndetse na murumuna we Carrie Ann (bavutse kuri Jerry), maze aba nyina w'aba bana, arabarera, yishyura ibyo bakeneye byose ndetse akanabahagararira mu nama z'ababyeyi ku ishuri. Aka gahinda gakomeye n'uyu muruho byabaye inganzo mu myaka myinshi aho yakoze indirimbo ‘God bless the Child'.

Yumve hano

Mu mwaka wa 1993 ku itariki ya 28 Ukuboza, Shania yarushinganye na Robert John Lange, wari producer (utunganya umuziki) baza kubyarana umwana w'umuhungu Eja D'Angelo ku ya 12 Kanama, 2001.

Baje gutandukana mu mwaka wa 2008 nyuma y'uko amuciye inyuma n'umunyamabanga we (secretaire). Ku isabukuru ye y'imyaka 44 y'amavuko (ku ya 28 Kanama 2009) , abicishije ku rubuga rwe yerekanye amashusho y'umukunzi we mushya Frédéric Thiebaul wari umugabo wa wa mukobwa wabateye gutana, barushinga ku bunani bw'umwaka wa 2011 mu birwa bya Caraibes.

Urugendo rwe muri muzika

Shania Twain yatangiye umuziki neza mu 1984 ubwo yigaga kuririmba maze DJ Stan aramushima cyane maze amuhuza n'umuhanzi yakoreraga indirimbo icyo gihe witwaga Tim Denis maze amufasha mu ndirimbo ye, ahera ubwo azamuka kugeza ubwo abaye uwo tuzi uyu munsi wakoze indirimbo twishimira turi benshi.

Shania Twain ni umuhanzi unyura abakuru n'abato

Album ye ya mbere yakoze yayitiriye izina rye ‘Shania Twain' isohoka mu mwaka wa 1993 maze iba iya 67 ikunzwe muri Leta Zunze Ubumwe za Amerika ndetse n'iya 6 muri Canada mu njyana ya Country, nyuma yaho yakoze indi album yise ‘The Woman in Me' ari nayo ya mbere yarakoranyeho n'umugabo we wa mbere Robert John Mutt Lange, cyakora album yamumenyekanishije cyane ku ruhando mpuzamahanga ni iya gatatu yitwa Come on Over yasohoye mu 1997 dore ko ari album yagurishijwe kurusha izindi mu mateka y'abahanzikazi baririmba ku giti cyabo (solo) ndetse n'iya mbere yagurishisjwe mu mateka ya muzika ya Country.

Indirimbo Forever and For Always yakunzwe na benshi

Mu mwaka wa 2000, yashyize hanze iyitwa Impressions of a Woman, mu wa 2001 akora iyitwa Up, hamwe n'izindi zitandukanye zagiye zikundwa cyane.
Mu mwaka wa 2008 ubwo yari amaze gutandukana na Lange wari umugabo we, Shania yahise ahagarika ibitaramo n'izindi gahunda za muzika, maze mu ibaruwa yandikiye abafana be abasaba imbabazi ababwira ko akeneye kwiyomora ibikomere yari yatewe no gutandukana n'umugabo we ariko ko azagarukana indirimbo nziza.

Shania Twain

Mu mwaka wa 2011, nibwo yongeye kugaruka muri muzika, dore ko aribwo yari amaze no kurushinga. Yahise yongera gukora indirimbo nshya n'ibitaramo ndetse anagaragara mu kiganiro cya Oprah Winfrey cyari cyahawe izina rya "Why not? with Shania”

Mu rugendo rwe rurerure rwa muzika Shania yegukanye ibihembo byinshi cyane birimo BMI Songwriter Awards 39, Canadian Country Music Awards 26, Prix Juno130 12, Billboard Music Awards 9, Grammy Awards 5, American Music Awards 5, ACMAs 4, na CMAs 2.

Zari yise imbwa abakomeza kumuhatira gushyira Diamond abana be muri Tanzania

By Denise IRANZI

Zari Hassan wahoze ari umugore wa Diamond Platnumz banabyaranye abana 2, yiyamye abafana b'umuhanzi Diamond n'abandi bantu batandukanye badahwema kumusaba gusubiza abana 2 yabyaranye na Diamond muri Tanzania ngo babonane na se.

Uyu mugore usigaye aba muri Afurika y'Epfo, akoresheje amashusho yacishije kuri Instagram n'umujinya mwinshi yabwiye abakomeza kumusaba abana ko badakwiye na gato kwivanga mu buzima bwe n'umuryango we.

"Ubundi wowe urinde, wa mbwa we. Urashaka abana b'iki? Tumeze neza, tubayeho ubuzima bwiza, ibyiza ni uko wakwita kubikureba kandi ntutume ntangira kugira ibyo nkubwira kuko iyo bigeze ku bana banjye ndarwanda. Rero ceceka urebe ibikureba."

We n'abana yabyaranye na Diamond bibereyeho neza muri Afurika y'Epfo

Mu minsi ishize Zari yashinje Diamond kutita ku bana babyaranye, aho avuga ko amaze amezi 9 yose atazi amakuru y'abana be.

"Hashize amezi 9 tutavuganye. Ntiyigeze abona cyangwa ngo avugishe abana be mu mezi 9 yose ashize. Ibyo avuga ko hashize iminsi mike avugishije abana be ni ukubeshya. Nzi neza ko hashize igihe dutandukanye ni yo mpamvu ngomba gutangaza ukuri."

Diamond na Zari batandukanye mu mwaka wa 2018, nyuma y'uko Diamond yari amaze kubyarana na Hamisa Mobeto ndetse anashinjwa guca inyuma bikabije Zari.

Zari ari muri Afurika yEpfo aho arerera abana be 5 barimo 2 yabyaranye na Diamond n'abandi 3 yabyaranye n'umugabo we wa mbere Ivan Semwanga


Muri iyi minsi Diamond ari mu rukundo n'undi mukobwa, Tanasha na we bitegura kubyarana

Perezida Macron yihanije Perezida wa Brazil amushinja gutuka umugore we

By KP

Perezida w'Ubufaransa Emmanuel Macron yanenze Perezida Jair Bolsonaro wa Brazil kubera imvugo "mbi" yakoresheje avuga ku mugore we.

Umwe mu bashyigikiye Perezida wa Brazil yaneguye kuri Facebook Brigitte w'imyaka 66 akaba umugore wa Macron.

Ibyo yashyizeho kuri Facebook ni ifoto igereranya umugore wa Macron n'uwa Bolsonaro, Michelle w'imyaka 37.

Uyu yarengejeho amagambo agira ati: "Ubu noneho murumva impamvu Macron ari kubuza uburyo Bolsonaro?"

Perezida Bolsonaro w'imyaka 64 yanditse asubiza kuri ibi byanditse mu rurimi rw'Igiportugal ati: "Wisebya uwo mugabo (Macron), ha ha."

Perezida Bolsonaro yaninuye Perezida Macron n'umugore we Brigitte

Abajijwe ku byavuzwe na Bwana Bolsonaro, Perezida Macron yavuze ko ari "ibintu bibi cyane" kandi "bibabaje".

Mu kiganiro n'abanyamakuru kuri uyu wa mbere, Bwana Macron yagize ati: "Yavuze ibintu biteye isoni cyane ku mugore wanjye. Nubaha cyane abaturage ba Brazil kandi nizeye ko vuba bazabona perezida ushoboye akazi ke".

Perezida Macron w'imyaka 41 n'umugore we Brigitte w'imyaka 66 bakunze kwibasirwa kubera iryo tandukaniro mu myaka

Hashize iminsi hari uguhangana hagati y'aba bagabo gushingiye ku miriro iri gutwika ishyamba rya Amazone muri Brazil.

Bwana Macron ayoboye abagaya ubutegetsi bwa Brazil ko ntacyo buri gukora mu kuyizimya ndetse akaba yifuza ko hari icyo abategetsi bandi ku isi babikoraho.

Bwana Macron yavuze ko iyi miriro ari "ikibazo gihangayikishije isi", gusa Bwana Bolsonaro ibi yabyise "imitekerereze ya gikoroni".

Perezida Bolsonaro w'imyaka 64 n'umugore we Michelle w'imyaka 37 ikinyuranyo cy'imyaka yabo (27), ni cyo kinini

Perezida Bolsonaro azwiho kuvuga amagambo atari meza ku bagore, abirabura na ba nyamucye.

Rimwe mu magambo mabi cyane yavuze ni mu gihe yari ahanganye n'umugore uri mu bagize inteko witwa Maria do Rosario mu 2014.

Icyo gihe yabwiye uyu mugore ati: "Nta nubwo nagufata ku ngufu kuko utabikwiriye".

Bwana Bolsonaro kandi yigeze gutangaza abantu ubwo yavugaga ku mukobwa mu ruhame mu 2017. Yagize ati: "Mfite abana batanu. Nabyaye abahungu bane, maze ngeze ku wa gatanu ncika intege haza umukobwa".

BBC

Barinubira serivisi mbi z'ibyuma bitanga amafaranga bizwi nka ATM

By KP

Abakoresha ibyuma bitanga amafranga, bizwi nka ATM, barifuza ko hagira ibikosorwamo, nko gusaba amafaranga ntaboneke kandi ntanasubire kuri konti ya nyirayo ku buryo hari n'umaze amezi 7 yaraburiye irengero amafranga ye ubwo yakoreshaga icyuma cy'indi banki.

Abakoresha ibyuma byifashishwa mu kubitsa no kubikuza amafaranga, ATM, bavuga ko harimo bidatanga amafaranga kandi byayavanye kuri konti y'umukiriya mu gihe akoresheje ikarita y'indi banki, hagashira iminsi isaga 40 atarasubira kuri konti yavuyeho nkuko iyi nkuru dukesha RBA ibivuga.

Muhawenimana Antoinette wo mu karere ka Ngororero we avuga ko hashize amezi hafi 7 ahuye n'iki kibazo. Byamubayeho ku itariki 30 z'ukwezi kwa 1 uyu mwaka ubwo yashyiraga ikarita ye ya BK mu cyuma cya Banki y'Abaturage yifuza amafaranga ibihumbi 48.

Yagize ati "Kuri BK nagiyeyo ku itariki 2 z'ukwa 2 barambwira bati 'nyuma y'iminsi 45 uzaba wayabonye' ubwo rero kugeza ubu nkaba ntarayabona ariko buri gihe mpora mbaza BK kuko jye ndi umukiriya wa BK ntabwo mbaza populaire. Urumva nagiye mu bukererwe bwa minerval, kwaka amadeni ubukene byose. Nifuzaga kuyabona kuko byaba byiza kuko ndayakeneye n'ubu ariko ikindi kintu mfite muri gahunda ntabwo nzogera gukoresha ikarita kuri populaire ubwo narabizinutswe."

Guverineri w'Intara y'Amajyaruguru Gatabazi JMV na we asanga muri iyi mikorere harimo akarengane mu mitangire ya serivisi.

Yagize ati "Tuvuge niba amafaranga yawe ugomba kuyafata ntuyabone akwiye guhita ajya kuri banki yawe ako kanya kuko ushobora kuyakenera. Kubona amafaranga wayasabye, ntuyabone ku cyuma bakayasubirana akamara ukwezi utarayasubirana, hari ikintu washakaga gukora ako kanya ? ako karengane uba wagize kishyurwa gute? Kugusubiza amafaranga yawe gusa nyuma y'ukwezi nta kintu baguhaye cy'indishyi z'akababaro? Ntabwo ari byo kandi amakosa yaturutse kuri system yabo atari nawe wayateye."

Umuyobozi ushinzwe urwego rw'imari muri Banki Nkuru y'u Rwanda, Uwase Peace avuga ko iki ari ikibazo na bo barimo gushakira igisubizo.

Yagize ati "Aho tukibona ikibazo ni igihe uri umukiriya wa BK nk'urugero ugakoresha ATM tuvuge ya BPR icyo gihe ibyo bigo 2 bigomba kugira uburyo bivugana kugira ngo byizere ko amafaranga utayatwaye babone kuyagusubiza aho ni ho twabonaga harimo gutinda cyane ku iminsi 40 na 45. Aho ukabona ko abakiriya badafashwe neza. Mu ivugurura ry'itegeko twashyizemo ko ayo mafaranga agomba gusubizwa bitarenze byibuze iminsi 5."

Uretse gutinda gusubizwa amafaranga yakaswe na ATM y'indi banki, hari n'ababura amafaranga bakeneye ku byuma bya banki bakorana na zo, cyane cyane mu mpera z'icyumweru.

Uyu ni mukiriya byabayeho kuri iki cyumweru. Yagize ati "Nkaba nifuza ko imitangire ya serivisi bagerageza kuyinoza kuko hashize igihe iki kibazo gihari si muri BK gusa no muri Banque Populaire n'ahandi hantu hose uragenda ugasanga ibyuma byapfuye, hari n'abakubwira ngo ntibishoboka. Hari igihe uba urwaje umwana, cyangwa ari ikibazo ufite ugomba gucyemura ukagenda amajoro ariko ukanyura ahantu uva Kicukiro, Kimironko hehe... ukagera no mu mujyi ukabura umuntu n'umwe waguha serivisi."

Ikindi abakoresha amakarita bavuga ni amafaranga akatwa umuntu iyo agiye kuri ATM akabura serivisi yari akeneye yakwinjira muri banki bakamuca amafaranga menshi kuko nta sheki aba yitwaje.

Umuyobozi w'Ihuriro ry'Amabanki mu Rwanda, (Rwanda Bankers Association), Maurice Toroitich Kiprotich avuga ko ibibazo bitaho ari ibibazo rusange urwego rw'amabanki rufite na ho abakiriya bakaba bafite uburenganzira bwo kujya muri banki ibaha serivisi nziza.

Yagize ati "Kuri Rwanda Bankers Association tuba twifuza gukemura ibibazo bigari bireba urwego rwa banki, urugero niba ATM zidakora neza kubera ko ibigo by'itumanaho bitarimo gutanga imiyoboro myiza icyo twagikurikirana bitewe n'uko ari ikintu gifata urwego rw'amabanki rwose ariko niba ibigo by'itumanaho nta kibazo bifite akaba ari ikibazo cya banki imwe itarimo gukora akazi kayo neza ntabwo icyo gihe biba bireba RBA. Abanyamuryango b'ihuriro baravuga bati niba hari udakora neza ni amarushanwa umukirliya w'iyo banki azareba ingorane acamo ahindure banki. Ntabwo tujya tuvuga kuri banki ku giti cyayo ahubwo twita ku bibazo rusange mu mabanki

Mu Rwanda habarurwa ibyuma bya ATM bigera kuri 400, amabanki 16 n'ibigo by'imari biciriritse 470.

All-African Games: Mugisha Moïse yegukanye umudali w'Umuringa

By Nizeyimana Selemani

Umusore w'umunyarwanda Mugisha Moïse yahesheje ishema u Rwanda mu marushanwa nyafurika ya All-African Games ari kubera muri Maroc aho yegukanye umudari w'Umuringa (Bronze) nyuma yo kuza ku mwanya wa gatatu mu isigarwa ry'amagare ku muntu ku giti cye basiganwa n'ibihe.

Ni irushanwa ryabaye kuri uyu wa Mbere tariki ya 26 Kanama 2019 aho uyu mukinnyi afatanije na Areruya Joseph ari bo bari bahagarariye u Rwanda.

Mugisha Moise usanzwe akinira Skol Fly Cycling Club

Mugisha Moise yaje akurikira abanyafurika y'Epfo Ryan Gibbons wegukanye umwanya wa mbere akoresheje iminota 46, amasegonda 50 n'ibice 34, na Kent Warwick Main waje ku mwanya wa kabiri arushwa n'uwambere amasegonda 23.

Areruya Joseph usanzwe akina mu Bufaransa mu ikipe ya Delko Marseille Province, muri iri siganwa yabaye uwa karindwi akoresha iminota 49 n'amasegonda 14.

Umudari wa Mugisha wiyongereye ku yindi ibiri u Rwanda rwari rumaze kwegukana muri iri rushanwa harimo umudari w'umuringa wegukanywe n'ikipe y'abagabo ya Beach Volleyball n'undi nk'uwo wegukanywe n'ikipe y'igihugu y'Amagare mu gusiganwa n'ibihe nk'ikipe.

Tubibutse ko kuri uyu wa Kane tariki ya 29 Kanama ari bwo abasore b'u Rwanda bagizwe na Areruya Joseph, Munyaneza Didier, Nzafashwanayo Jean Claude na Mugisha Moïse bazasiganwa mu isiganwa ryo mu muhanda (Road Race) mu gihe bagenzi babo Hitimana Noël na Yankurije Marthe bahagariye u Rwanda mu mikino Ngororamubiri, barasiganwa ku maguru ku ntera ya metero ibihumbi 10, kuri uyu wa Kabiri no ku wa Kane.

Mashami Vincent yahamagaye abakinnyi 25 bitegura Seychelles -Urotonde

By KP

Kuri uyu wa Mbere tariki ya 26 Kanama 2019 umutoza w'ikipe y'igihugu Amavubi, Mashami Vincent agaragiwe n'abamwungirije yamurikiye itangazamakuru abakinnyi 25 bagomba gutangirana urugamba rwo gushaka itike yerekeza mu matsinda yo guhatanira kwerekeza mu gikombe cy'isi cya 2022 kizabera muri Qatar.

Amavubi agomba gukina n'Ibirwa bya Seychelles mu ijonjora ry'ibanze aho umukino wa mbere uzabera muri Seychelles ku ya 05 Nzeri 2019 naho uwokwishyura ubere i Kigali ku ya 10 uko kwezi.

Ikipe izaba yasezereye indi izahura n'izindi 13 nazo zizaba zasezereye izo bihanganye muri iri jonjora maze zisange andi makipe 26 yo ataranyuze muri iri jonjora kubera ko ahagaze neza, maze ahite aba amakipe 40 azagabanywa mu matsinda 10 y'amakipe atanu.

Ikipe zizaba iza mbere muri aya matsinda zizongera zitomborane bitewe nuko zihagaze ku rutonde ngarukakwezi rwa FIFA maze zihure mu mikino ibiri (ubanza n'uwo kwishyura) izagaragaza bidasubirwaho amakipe atanu azaserukira Afurika mu mikino ya nyuma y'igikombe cy'isi muri Qatar.

Tugarutse ku bakinnyi 25 Mashami Vincent yahamagaye bagomba gutangira umwiherero kuri uyu wa Kabiri harimo abakinnyi 10 basanzwe bakina hanze y'u Rwanda, abakinnyi 8 ba APR FC, bane ba Rayon Sports, babiri ba AS Kigali n'umwe wa Police FC.

Dore urutonde:

Abanyezamu: Rwabugiri Umar (APR FC), Kimenyi Yves (Rayon Sports), Ndayishimiye Eric (AS Kigali)

Ba myugariro: Rwatubyaye Abdul (Colorado Rapids, USA), Nirisarike Salomon (FC Tubize, U Bubiligi), Manzi Thierry (APR FC), Fitina Omborenga (APR FC), Imanishimwe Emmanuel (APR FC), Rutanga Eric (Rayon Sports), Bayisenge Emery (Saif Sporting Club, Bangladesh), Iradukunda Eric (Rayon Sports).

Abakina Hagati: Butera Andrew (APR FC), Muhire Kevin (Misr El Makkasa, Misiri), Mukunzi Yannick (Sandvikens IF, Suede), Niyonzima Olivier (APR FC), Bizimana Djihad (Waasland Beveren, Mu Bubligi), Niyonzima Haruna (AS Kigali) na Iranzi Jean Claude (Rayon Sports).

Ba rutahizamu: Kagere Meddie (Simba SC, Tanzania), Tuyisenge Jacques (Petro Atletico, Angola), Hakizimana Muhadjiri (Emirates Club, EAU), Mico Justin (Police FC), Sugira Ernest (APR FC), Manishimwe Djabel (APR FC) na Sibomana Patrick (Young Africans).

Scarlett Johansson ayoboye urutonde rw'abagore bakina filime binjije menshi muri 2019 (URUTONDE)

By Jolie Chadia

Urubuga rwa Forbes rwashyize ahagaragara urutonde rw'abakinnyi ba filime b'abagore binjije akayabo kurusha abandi muri uyu mwaka wa 2019, urutonde ruyobowe na Scarlett Johansson.

Scarlett wamamaye cyane muri filime ya 'Avengers' ayoboye uru rutonde inshuro 2 zikurikiranye.

1. Scarlett Johansson (miliyoni 56 z'amadolali ya Amerika )

2. Sofia Vergara (miliyoni 44,1 z'amadolali ya Amerika)

3. Reese Witherspoon (miliyoni 35 z'amadolali ya Amerika)

4. Nicole Kidman (miliyoni 34 z'amadolali ya Amerika)

5. Jennifer Aniston (miliyoni 28 z'amadolali ya Amerika)

6. Kaley Cuoco (miliyoni 25 z'amadolali ya Amerika)

7. Elisabeth Moss (miliyoni 24 z'amadolali ya Amerika)

8. Margot Robbie (miliyoni 23,5 z'amadolali ya Amerika millions)

9. Charlize Theron (miliyoni 23 z'amadolali ya Amerika)

10. Ellen Pompeo (miliyoni 22 z'amadolali ya Amerika)

  • August 26th 2019 at 10:20

Rayon Sports yasezerewe na Al Hilal itarenze umutaru muri CAF Champions League

By KP

Ikipe ya Rayon Sports yari ifite inzozi zo kuzagera kure mu mikino nyafurika zayoyotse nyuma yo kunganya 0-0 na Al Hilal mu mukino wo kwishyura wabereye i Kharthoum muri Sudani ku mugoroba wo kuri iki Cyumweru tariki ya 25 Kanama 2019.

Rayon sports yasezerewe kubera igitego cyo hanze yatsindiwe i Kigali aho umukino ubanza wari warangiye amakipe anganya 1-1.

Iyi kipe iheruka gutandukana n'umutoza Robertinho yatozwaga na Kayiranga Baptiste uherutse kugirwa umuyobozi mukuru wa tekinike.

Wari umukino ufunguye cyane cyane mu gice cya mbere aho amakipe yombi yasatiranaga ariko ab'inyuma bagaragarara neza.

  • August 26th 2019 at 09:57

Young Grace yibarutse umwana w'umukobwa

By Nizeyimana Selemani

Umuraperikazi Young Grace kuri ubu ari mu byishimo bikomeye nyuma yo kwibaruka umwana w'umukobwa yise 'Diamante'.

Abinyujije ku mbuga nkoranyambaga ze yavuze ko "mu rukerera rwo kuri uyu wa Gatandatu tariki ya 24 Kanama 2019 saa kumi n'iminota ine z'igitondo, usumba byose ampaye umwana mwiza w'umukobwa Diamante. Icyubahiro ni icyawe Mana."

Yakomeje ati "Naguhaye ikaze mfura yanjye, nzagukunda, nzagutetesha, nzagutonesha, ntacyo uzamburana iryo ni isezerano nguhaye! Ndagukunda."

Young Grace yari aherutse gushyira hanze amafoto ari ku kiyaga cya Kivu

Uyu mwana, Young Grace yamubyaranye na Rwabuhihi Hubert uzwi nka Piqué bahoze bakundana ndetse biteguraga kurushinga dore ko yari yaramwambitse impeta ariko baza gutandukana mu mezi make ashize.

Young Grace yabyariye i Rubavu aho akomoka. Mu kwezi gushize yashyize hanze indirimbo yitwa 'Diamante' yahimbiye uyu mwana.

Niyonkwe!!!

  • August 25th 2019 at 06:46

Young Grace yibarutse umwana w'umukobwa

By Nizeyimana Selemani

Umuraperikazi Young Grace kuri ubu ari mu byishimo bikomeye nyuma yo kwibaruka umwana w'umukobwa yise 'Diamante'.

Abinyujije ku mbuga nkoranyambaga ze yavuze ko "mu rukerera rwo kuri uyu wa Gatandatu tariki ya 24 Kanama 2019 saa kumi n'iminota ine z'igitondo, usumba byose ampaye umwana mwiza w'umukobwa Diamante. Icyubahiro ni icyawe Mana."

Yakomeje ati "Naguhaye ikaze mfura yanjye, nzagukunda, nzagutetesha, nzagutonesha, ntacyo uzamburana iryo ni isezerano nguhaye! Ndagukunda."

Young Grace yari aherutse gushyira hanze amafoto ari ku kiyaga cya Kivu

Uyu mwana, Young Grace yamubyaranye na Rwabuhihi Hubert uzwi nka Piqué bahoze bakundana ndetse biteguraga kurushinga dore ko yari yaramwambitse impeta ariko baza gutandukana mu mezi make ashize.

Young Grace yabyariye i Rubavu aho akomoka. Mu kwezi gushize yashyize hanze indirimbo yitwa 'Diamante' yahimbiye uyu mwana.

Niyonkwe!!!

CAF Confederation Cup: AS Kigali yatsindiye KMC i Dar es Salaam irayisezerera

By KP

Ikipe ya AS Kigali yitwaye neza cyane mu mukino wo kwishyura wa CAF confederation Cup isezerera KMC y'i Dar es Salaam muri Tanzaniya iyitsindiye iwayo ibitego 2-1 maze ikatisha itike iyerekeza mu ijonjora rya kabiri.

Ni umukino wagiye gutangira AS Kigali idahabwa amahirwe nyuma y'uko umukino ubanza wari wabereye i Kigali yari yananiwe kureba mu izamu, umukino ukarangira amakipe yombi aguye miswi 0-0.

Gusa ku izuba rikaze ry'o muri Tanzaniya abasore b'umutoza Eric Nshimiyimana binjiye neza muri uyu mukino maze ku munota wa 30 Kalisa Rachid iyi yikpe yaguze muri Kiyovu Sports afungura amazamu mu gihe Nsabimana Eric Zidane yaje guterekamo igitego cya kabiri ku munota wa 63 naho igitego cy'impozamarira cya KMC cyatsinzwe na Ndikumana Yusuf kuri penaliti ku munota wa 86.

MU ijonjora rikurikira AS Kigali ishobora guhura na Proline FC yo muri Uganda yo yatsinze umukino ubanza ikipe ya Masters Security ibitego 3-0 ariko hakaba hategerejwe umukino wo kwishyura kuri uyu wa Gatandatu.

Nouvelle-Zelande: Ifoto ya Perezida w'Inteko Ishinga Amategeko aha amata uruhinja mu ngoro yatangariwe

By Nizeyimana Selemani

Perezida w'Inteko Ishinga Amategeko y'igihugu cya Nouvelle-Zelande, Trevor Mallard yakoze agashya ubwo yari ayoboye imirimo y'inama y'abagize iyi nteko maze abikomatanya no kugaburira uruhinja.

Ni ibintu byatangariwe cyane nyuma yaho Trevor Mallard asangije abamukurikira kuri Twitter ifoto ya ari guha inkongoro y'amata uru ruhinja rw'umudepite witwa Tāmati Coffey wo mu ishaka ry'abakozi rya Waiariki, watangaje ivuka ry'uyu mwana wiswe Tūtānekai Smith-Coffey mu kwezi gushize kwa Nyakanga.

Uyu mwana yabyawe n'umugore wari wahawe ikiraka cyo kumutwita (mère porteuse), uyu mudepite Tāmati Coffey akaba amuhuriyeho na Tim Smith basanzwe babana bahuje igitsina ari nawe watanze intanga.

Ubwo yatangazaga iyi nkuru yo kwibaruka, Coffey yavuze ko we n'uyu mugabo babana "barenzwe n'igitangaza cy'ubuzima kandi umugore wari ubatwitiye umwana yaruhutse neza"

Ku wa Gatatu w'iki Cyumweru tariki ya 21 Kanama 2019 ni bwo Coffey yitabiriye ku nshuro ya mbere imirimo y'inama y'abagize Inteko Ishinga Amategeko, nyuma yo kurangiza ikiruhuko cy'ababyeyi (congé de paternité) aho yazanye uru ruhinja rwe.

Ubwo bari hagati mu nama ni bwo Perezida w'Inteko Mallard usanzwe ari se w'abana batatu, yafashe inshingano atari asanganywe zo kwita kuri uru ruhinja rwa mugenzi we abifatanya no gukomeza kuyobora imirimo y'inama y'abadepite.

Mu ifoto yasangije abamukurikira, Trevor Mallard yavuze ko "ubusanzwe intebe ya Perezida w'Inteko ikoreshwa gusa n'abayobozi, ariko uyu munsi umunyacyubahiro (VIP) yaje turayifatanya", yaboneyeho gushumira Coffey na Tim ku bw'umunyamuryango mushya bungutse.

Ubutumwa Trevor Mallard yaherekesheje iyi foto

Abandi badepite barimo Gareth Hughes nabo bashyize kuri twitter ifoto ya Coffey ateruye uru ruhinja mu ngoro y'inteko Ishinga Amategeko bavuga ko byari ibintu byiza cyane kubona uyu mwana mu Nteko.

Ku ruhande rwa Coffey ubwo yaganiraga na M. Newshub yavuze ko yiyumva nk'ushyigikiwe cyane na bagenzi be b'abadepite.

Coffey abaye umudepite wa nyuma uheruka kuzana ubwana mu Ngoro Ishinga Amategeko nyuma y'abandi banyepolitike batandukanye ku isi bagiye babikora.

Jo Swinson, umuyobozi wa Lib Dem nawe yitabiriye ibiganiro mpaka ari kumwe n'umwana we mu 2018 mu gihe mu 2017 umusenateri w'umunya-Ositaraliyakazi, Larissa Waters nawe yonkereje umwana mu Nteko, aba akaba ari bamwe mu bavuzwe cyane.

Muri Nzeri umwaka ushize nabwo Minisitiri w'Intebe wa Nouvelle-Zélande, Jacinda Ardern yakoze amateka ubwo yajyanaga umwana we ku cyicaro cya Loni i New York.

Ubwo Minisitiri w'Intebe wa Nouvelle-Zelande yari agiye kugeza ijambo rye ku bitabiriye Inama rusange ya Loni, aha umugabo babana Clarke Gayford yari ateruye uruhinja rwabo

Source:BBC Afrique

Cristiano Ronaldo arateganya kuzatumira Messi bagasangira ifunguro

By Nizeyimana Selemani

Muri iki cyumweru turi kugana ku musozo, kabuhariwe Cristiano Ronaldo yahishuye uburyo yemera kandi akubaha mukeba we w'ibihe byose muri ruhago, Lionel Messi avuga ko ihangana ryabo ryababereye ingirakamaro mu myaka yose ishize bahigana ubutwari mu kibuga.

Ni mu kiganiro cyatambukijwe na televiziyo yo muri Portugal yitwa TVI ku wa Gatatu tariki 21 Kanama 2019.

"Nemera cyane urwego yakinnyeho kugeza ubu ndetse no kuruhande rwe yavuze ko yababajwe no kuba naravuye muri shampiyona yo muri Esipanye kuko ni ihangana yishimiraga", Cristiano Ronaldo aganira n'iyi shene ya televiziyo avuga kuri Messi.

Uyu munya-Portugal yakomeje agira ati "Ni ubukeba bwiza buba muri ruhago ariko ntabwo ari umwihariko. Michael Jordan yari afite abakeba muri basket, Ayrton Senna na Alain Prost bari abakeba bakomeye muri Formule 1, ikintu kimwe gihuriweho hagati y'ihangana rikomeye muri siporo ni uko nta rwango", a ajouté l'attaquant de la Juventus Turin.

Ku bwa CR7 ngo kugira umukinnyi bahangana nka Messi byamufashije guhozaho no guhora ashaka kurenga urwego umwaka ku wundi.

"Ntabwo nshidikanya na gato ko Messi yangize umukinnyi mwiza cyane kandi nawe bimeze gutyo (…) iyo negukanye ibikombe bigomba kumurya kandi nanjye ni gutyo iyo yatsinze", ibyahamijwe n'uyu mugabo wibitseho ibihembo by'imipira ine y'azahabu (Ballon d'or).

Cristiano Ronaldo bashobora kuzasangira amafunguro mu bihe biri imbere

Abajijwe ku mubano we na Messi hanze y'ikibuga, Cristiano Ronaldo yavuze ko uyu kabuhariwe mugenzi we bahuje agahigo ko gutwara Ballon d'or enye, babana mu bwubahane.

Yagize ati "Mfite imibanire ya kinyamwuga myiza hamwe na Messi kuko ubu hashize imyaka 15 dusangira ibihe bimwe (…) nta na rimwe turasangira ku meza, ariko se kuki bitabaho mu bihe biri imbere?! Nta kibazo na kimwe byantera kubikora."

Tubibutse ko Cristiano Ronaldo na Lionel Messi bongeye kwisanga muri batatu beza bazahatanira igihembo cya UEFA cy'umukinnyi wabaye indashyikirwa mu mwaka w'imikino ushize aho bari kumwe na myugariro w'umuholande Virgil Van Dijk ukinira Liverpool. Ibi bihembo bikaba bizatangirwa i Monaco ku ya 29 Kanama 2019 ubwo hazaba haba tombola y'amatsinda ya UEFA Champions League.

Umugabo arashinjwa kurunguruka abagore barenga 550 i Madrid

By KP

Umugabo yatawe muri yombi mu murwa mukuru Madrid wa Espanye acyekwaho gufata videwo mu ibanga abagore barenga 550 abarunguruka mu myanya yabo y'ibanga, akayashyira ku rubuga rwa internet.

Bivugwa ko uyu mugabo ukomoka muri Colombia w'imyaka 53, yafataga izo videwo kuri telefone ye igendanwa yayihishe mu gikapu cyo mu mugongo.

Polisi ivuga ko nyuma yahise ashyira videwo zigera kuri 283 ku mbuga za internet z'urukozasoni, zikarebwa n'abantu babarirwa muri za miliyoni.

Benshi muri abo bagore 555 aregwa gufata videwo - bamwe muri bo ntibarageza imyaka y'ubukure - bivugwa ko yabafashe videwo bari mu gice cy'ingendo zo munsi y'ubutaka ('metro') muri uwo mujyi.

Uyu mugabo ashinjwa kurunguruka abagore buri munsi guhera ku mpeshyi y'umwaka ushize ubwo yatangiraga gushyira izo videwo ku mbuga za internet.

Bivugwa ko yajyaga akora mu maguriro ('supermarkets'), rimwe na rimwe akabanza no kwibwira abo yafataga izo videwo agamije kubona uburyo bwiza bwo gufata videwo.

Polisi ivuga ko yari imaze igihe igenzura ibikorwa by'uyu mugabo ucyekwa, iza kumuta muri yombi ubwo yarimo afata videwo y'umugore wari uri muri 'metro'.

Polisi yatangaje videwo ku rubuga nkoranyambaga rwa Twitter ivuga ko uyu ucyekwaho icyaha "ari umwe mu babangamiye bikomeye ubuzima bwite bw'abagore".

Ubwo polisi yajyaga gusaka aho aba, ivuga ko yahasanze mudasobwa igendanwa na 'hard drives' ('disques durs') ziriho videwo zibarirwa mu magana.

Polisi ivuga ko urubuga rwe bwite rwa internet rwiyandikishijweho abantu 3,519.

Uyu ucyekwa ubu ari mu maboko ya polisi.

Muri Espanye, kurunguruka bifatwa nk'ihohotera rishingiye ku gitsina ndetse abo bihamye bashobora gufungwa.

Kurunguruka biherutse gushyirwa mu byaha bihanwa n'amategeko mu Bwongereza no muri 'Wales' ('Pays de Galles'), nyuma y'ubukangurambaga bwakozwe n'impirimbanyi y'umwanditsi Gina Martin.

Inkuru ya BBC

Angola: Ingingo zikubiye mu masezerano yashyizweho umukono na Perezida Kagame na Museveni

By Nizeyimana Selemani

Kuri uyu wa Gatatu tariki ya 21 Kanama 2019 I Luanda muri Angola ni bwo Perezida w'u Rwanda, Paul Kagame na mugenzi we wa Uganda, Yuweri Kaguta Museveni bashyize umukono ku masezerano bemeranijweho agamije kuzahura umubano w'ibihugu byombi umaze igihe utifashe neza.

Ni amasezerano yasinyiwe imbere y'abahuza b'ibi bihugu barimo Perezida wa Angola, João Lourenço n'uwa Repubulika Iharanira Demokarasi ya Congo, Félix Tshisekedi ndetse bari banatumiye Perezida Denis Sassou Nguesso wa Congo Brazzaville.

Ubwo basinyaga aya masezerano, Perezida wa Uganda, Yoweri Kaguta Museveni n'uwu Rwanda Perezida Paul Kagame, bahagarariwe na Perezida wa Angola Perezida, João Lourenço (wicaye hagati)

Aya masezerano y'ubufatanye n'umutekano agizwe n'ingingo 10 zigamije gukuraho ibibazo byari bimaze iminsi bivugwa mu mubano w'ibihugu byombi.

Dore izo ngingo uko zakabaye:

1. Impande zombi ziyemeje:

a) Kubaha ubusugire bwa buri wese n'ubw'igihugu cy'igituranyi.

b) Guhagarika ibikorwa bigamije guhungabanya urundi ruhande n'ibihugu by'ibituranyi ndetse n'ibyo gutera inkunga, guha imyitozo no kwinjiza abarwanyi mu mitwe igamije guhungabanya umutekano.

c) Kurinda no kubaha uburenganzira n'ubwisanzure bw'abaturage b'urundi ruhande batuye cyangwa banyura ku butaka bw'icyo gihugu, mu buryo bwemewe n'amategeko yacyo.

d) Gusubukura bwangu ibikorwa byambukiranya imipaka hagati y'ibihugu byombi birimo urujya n'uruza rw'abantu n'ibintu, hagamijwe iterambere n'imibereho myiza y'abaturage babyo.

e) Guteza imbere, bijyanye n'imitekerereze iganisha ku ishema rya Afurika n'ukwihuza kw'akarere, imikoranire iboneye mu ngeri zirimo politiki, umutekano, ingabo, ubucuruzi, umuco, ishoramari, binyuze mu gushyigikirana.

f) Gushyiraho Komisiyo ihuriweho n'impande zombi igamije gushyira mu bikorwa ibikubiye muri aya masezerano y'imikoranire; ikuriwe na ba Minisitiri b'Ububanyi n'Amahanga kandi irimo abaminisitiri bashinzwe umutekano n'abakuriye inzego z'ubutasi mu bihugu byombi.

g) Kumenyesha buri gihe abagize uruhare mu gufasha mu biganiro byaganishije kuri aya masezerano ibijyanye n'ishyirwa mu bikorwa ryayo.

2. Mu gusinya aya masezerano, buri ruhande ruzi neza ko ruzabibazwa mu gihe habayeho kutayubahiriza.

3. Ukutumvikana ku bijyanye no gushyira mu bikorwa aya masezerano, kuzakemurwa n'ibiganiro hagati y'impande zombi cyangwa binyuze mu bufasha bw'abafashije mu biganiro biyashyiraho.

4. Aya masezerano aratangira gushyirwa mu bikorwa akimara gushyirwaho umukono.

Uhereye ibumoso: Perezida Denis Sassou Nguesso, Yuweri Museveni, João Lourenço, Kagame Paul na Félix Tshisekedi

Perezida Paul Kagame na Museveni hamwe n'umuhuza wabo João Lourenço basuhuzanya nyuma yo gushyira umukono kuri aya masezerano

Perezida Kagame na Museveni bumvikanye kurangiza ibibazo

By KP

Perezida Paul Kagame w'u Rwanda na Yoweri Museveni wa Uganda uyu munsi basinye amasezerano yo kurangiza ibibazo bimaze igihe hagati y'ibihugu byombi.

Aya masezerano y'ubwumvikane bayasinyiye muri Angola hari abategetsi batatu; Perezida João Lourenço wa Angola, Felix Tshisekedi wa DR Congo na Sassou Nguesso wa repubulika ya Congo.

Bamaze kuyasinya, Perezida Kagame yabwiye abanyamakuru ati: "Tugiye gukemura ibi bibazo byose".

Abategetsi b'u Rwanda bashinja aba Uganda gufunga abaturage mu buryo butemewe n'amategeko no guhohotera abanyarwanda muri Uganda.

Ibi byatumye u Rwanda rubuza abaturage barwo kujya muri Uganda baciye ku mipaka yo ku butaka, bigira ingaruka ku buzima bw'abatari bacye n'imiryango yabo.

Uganda ishinja u Rwanda ibikorwa by'ubutasi ku butaka bwayo, ndetse ikavuga ko bamwe mu bafatwa ari abakekwaho ibi bikorwa.

Ubushyamirane bw'ibihugu byombi bwagize ingaruka mbi ku mibereho y'abaturage n'ubuhahirane hagati y'ibihugu byombi.

Ubu bwumvikane bwa Bwana Kagame na Museveni bwagezweho nyuma y'ibikorwa byo kunga impande zombi byakozwe na Angola ifatanyije na DR Congo kuva mu kwezi gushize.

Mu byo bumvikanye uyu munsi, harimo "gusubukura mu gihe cya vuba gishoboka ibikorwa byambukiranya imipaka hagati y'ibihugu byombi", harimo urujya n'uruza rw'abantu n'ibintu.

Perezida Kagame yabwiye abanyamakuru ko "atekereza ko bidakomeye cyane kurangiza byinshi mu bibazo bafitanye" ngo nubwo byafata igihe kinini kuko n'iyi ari intambwe ikomeye.

Bwana Kagame na Bwana Museveni mu masezerano yabo bumvikanye gushyira imbere ibiganiro mu kurangiza ikibazo cyose hagati y'ibi bihugu, nk'uko ibiro ntaramakuru Angop bibivuga.

Aba bategetsi kandi biyemeje kuzahura ibikorwa by'ihuriro ryitwa ICGLR rihuje ibihugu byo muri aka karere rigamije guhashya imitwe yitwaje intwaro ivugwa cyane cyane mu burasirazuba bwa DR Congo.

Ibiro bya perezida w'u Rwanda bivuga ko Perezida Kagame yashimiye byimazeyo umuhate wabo "mu kubafasha kubona ibisubizo hagati y'u Rwanda na Uganda".

Inkuru ya BBC

  • August 21st 2019 at 11:17

Bamwe mu banyeshuri bafata ifunguro ku ishuri bavuga ko badahaga

By KP

Mu bigo bimwe abanyeshuri bahabwa ifunguro ryo ku manywa muri gahunda ya school feeding bavuga ko ritabahaza, kuko aba ari rike, ngo bitewe n'umubare w'ababa bishyuye amafaranga nk'uko ubuyobozi bubisobanura. Nyamara Minisiteri y'Uburezi ivuga ko amafaranga atari yo yonyine akenewe muri iyi gahunda.

Mu gihe cyo gufata ifunguro rya ku manywa abanyeshuri bo kuri Groupe Scolaire Ntarabana mu Karere ka Rulindo usanga baribyiganiraho; ahanini biturutse ku buke bwaryo aho buri wese aba avuga ko ritamugeraho cyangwa akabona intica ntikize.

Umwe muri bo yagize ati ''Iyo twariye ntiduhage turiga ntidufate cyane nko ku gicamunsi n'iyo umwarimu arimo ntitwiga tuba dusinzira.”

Undi yagize ati “Kubisaranganya ntibiba byoroshye akabase kamwe gasangirwa n`abantu icumi nawe urabyumva ko umuntu atahaga.

Undi mwana w'umukobwa avuga ko kuba hari amufunguro adahagije bibagiraho ingaruka.

Ati “Ni ukujya kwicara mu ishuri ugasinziriramo kuko uba wumva nta morali ufite rwose iyo ibiryo bibaye bikeya amasomo ntiwabasha kuyafata kuko uba utariye ngo uhage bituviramo gutsindwa''

Umuyobozi ushinzwe amasomo muri iri shuri Havugimana Celestin avuga ko ku banyeshuri 246 bafite biga mu mashuri yisumbuye ari na bo barebwa n'iyi gahunda; 1/4 byabo kuva iki gihembwe cyatangira ari bo bishyuriwe amafaranga yo gufata ifunguro rya saa sita.

Ibi rero ngo bituma basaranganya ifunguro n'abatarishyurirwa.

Yagize ati ''Niba 3/4 bahari kandi bataratanga amafaranga uko bikwiriye ngo duhahire rimwe ibiryo bibonekere rimwe abana bararya ariko bakarya bidahagije kuko baba batetse bikeya urumva ko ari ikibazo gikomeye biragorana guhahira abanyeshuri amafaranga ataboneste n'abonetse ntabonekere igihe ni umutwaro ku kigo kandi nticyabyishoboza cyonyine.''

Umunyamabanga wa Leta muri minisiteri y'Uburezi ushinzwe amashuri abanza n`ayisumbuye, Dr Isaac Munyakazi; avuga ko ababyeyi badohotse kuri iyi gahunda ntibakomeza kuyigira iyabo.

Yagize ati “Twashyizeho amabwiriza atuma iyi gahunda isobanuka tuvuga ko inshingano ya mbere ari iy'umubyeyi aho abadafite amafaranga ariko bahinga dusaba ko bavunja ibihingwa bikenerwa mu gutegura ifunguro ry'abana mu mafaranga bakabizana udafite amafaranga ntanagire ibyo bihingwa ariko afite imbaraga ashobora kuza agatanga umubyizi ariko na we akumva ko hari icyo akoze kugira ngo umwana we afatire ifunguro ku ishuri. Nkaba rero nasabaga ko iyi gahunda yumvikana neza abayobozi b'amashuri ntihagire umwana uvutswa uburenganzira kubera ko atatanze amafaranga y'ifunguro."

Ahakunze kugaragara ikibazo cy'abana badafatira ifunguro rya kumanywa aho biga n'abarifata ntiribahaze; ni ku mashuri yo muri gahunda y'uburezi bw`ibanze bw'imyaka 9 na 12.

Inkuru dukesha RBA

Kicukiro: Abajura babiri barashwe bagerageza kurwanya Polisi barapfa

By KP

Abajura babiri barimo uwari uri kumwe n'abacukuraga inzu y'umukecuru w'imyaka 78 mu Murenge wa Masaka n'undi wageragezaga kwambura mudasobwa umugenzi mu Murenge wa Gatenga mu Karere ka Kicukiro barashwe barapfa.

Amakuru agera kuri IGIHE dukesha iyi nkuru avuga ko mu ijoro ryo kuri uyu wa Kabiri aribwo mu mudugudu wa Murambi, Akagari ka Cyimo, Umurenge wa Masaka abajura batatu batahuwe n'abaturage bacukura inzu y'umukecuru witwa Françoise Kankindi w'imyaka 78.

Abaturage bahise babavugiriza induru, abapolisi bari bacunze umutekano bahageze abo bajura babasumira bashaka kubatera ibyuma bacukuzaga n'imipanga, Polisi irasamo umwe abandi bariruka.

Muri iryo jiro kandi nibwo undi mujura yageragezaga kwambura umugenzi mu mudugudu wa Murambi, Akagari ka Nyanza, Umurenge wa Gatenga mu Karere ka Kicukiro yarashwe arapfa nyuma yo kwiruka, yahagarikwa na Polisi akabyanga.

Umuvugizi wa Polisi mu Mujyi wa Kigali, CIP Umutesi Marie Goretti, yemereye IGIHE ko abo bajura barashwe mu masaha y'igicuku bagapfa.

Ati “Ab'i Masaka bari bafite ibyuma [ama fer à beton] n'imihoro bacukuzaga inzu, baza biruka bashaka kurwana, umwe abangura icyuma nibwo bamurashe abandi bariruka. Uwo mu Gatenga we yanize umuturage amukubita hasi hanyuma ariruka bamusaba guhagarara aranga.”

Yasobanuye ko bombi nta byangombwa bari bafite ariko bari mu kigero cy'imyaka 25 na 30, imirambo yabo yajyanywe ku bitaro by'Akarere ka Gasabo biherereye Kacyiru.

CIP Umutesi yaburiye abantu bose bibwira ko bazabeshwaho n'iby'abandi ko bitazabahira, abasaba kubireka bagakura amaboko mu mifuka bakishakira ibyabo, anasaba abagerageza kurwanya inzego z'umutekano kubicikaho.

  • August 21st 2019 at 05:11

Nagambanye na basaza banjye ngo twice umugabo wanjye kuko yancaga inyuma

By KP

Umugore witwa Shanita na basaza be babiri umwe witwa Olivier undi akitwa Francois beretswe itangazamakuru kuri uyu wa Kabiri nyuma yo gufatwa na RIB bakurikiranyweho ubufatanyacyaha mu kwica Callixte Ndahimana wari umugabo wa Shanita.

Shanita avuga ko mugabo we yamucaga inyuma cyane biza kumutera umutima mubi wo kumwicisha afatanyije na basaza be.

Uyu mugore na Ndahimana bari bafitanye abana babiri, avuga ko umugabo we yakundaga indaya cyane ndetse ngo ubwo yapangaga umugambi wo kumwica na bwo yari azivuyemo.

Ngo we na basaza be babiri bamwishe ku Cyumweru mu gitondo kandi ngo yari yaraye mu ndaya ataha bukeye.

Ati: “Umugabo wange yari yarananiye ajya mu bagore kenshi kandi nkamusaba ko yabireka ntanyumve. Mu minsi ishize na bwo namufashe asambana n'umukozi wacu wo mu rugo.

Uyu mugore ukiri muto avuga ko umugabo we Callixte Ndahimana hari n'undi mugore yari yarubakiye inzu akajya ajyayo.

Abanyamakuru bamubajije uko byaje kugenda kugira ngo ategure umugambi wo kumwica, undi avuga ko yamuganirizaga ku by'ubusambanyi bwe amusaba kubureka undi akinangira.

Nyuma ngo uyu mugore yaje kubiganirizaho basaza be bemeranya na we ko bazamufasha ‘gukora icyo ari cyo cyose ikibazo kigakemuka.'

Ati: “Nabazaga umugabo na we akambwira ko amfitiye umugambi utari mwiza. Mufatira gahunda itari nziza. Nabonaga nta heza hange ni uko bintera umutima mubi.”

Ngo yegereye basaza be bategura umugambi. Musaza we mukuru witwa Francois (uyu asanzwe ari umushoferi) avuga ko mushiki wabo yabasabye kuza bakarangiza cya kibazo.

Ngo hari ku Cyumweru. Murumuna we muto yarinjiye afata uwo mugabo amupfukisha umusego mu maso undi ashatse kubarwanya mukuru we (Francois) amutera icyuma mu ijosi.

Nyuma yo kwica Callixte Ndahimana bamushyize mu modoka bayisohora mu gipangu bayisiga hanze barayikinga barigendera.

Umuvugizi wa RIB ku rwego rw'igihugu Modeste Mbabazi avuga ko amakuru akimenyekana bahise batangira iperereza baza kubona ibimenyetso bibaganisha kuri bariya bantu.

Kuri uyu wa Mbere nibwo bafashwe. Mbabazi asaba abashakanye n'abandi Banyarwanda muri rusange kwirinda amakimbirane yavamo inzangano ziganisha ku gukora ibyaha, ugize icyo apfa n'undi bakiyunga mu miryango cyangwa ahandi aho kugira ngo bicane.

Uyu mugabo avuga ko ari we witerete icyuma mu ijosi nyakwigendera

Uyu yiyemereye ko ariwe watwaye umurambo wa nyakwigendera mu modoka bamaze kumutera icyuma

Bose ubu bari mu maboko ya RIB ejo ikazabashyikiriza ubushinjacyaha

Inkuru y'Umuseke

  • August 21st 2019 at 04:38
❌