WebRwanda.com

🔒
❌
There are new available articles, click to refresh the page.
Yesterday — January 26th 2020Panorama

RDB registers over US$ 2.4 billion worth of investments in 2019

By Editor

The Rwanda Development Board (RDB) registered investments worth US$ 2.46 billion in 2019, an increase of 22.6 percent from the previous year. In 2018 RDB registered investments worth US$ 2.01 billion.

According to RDB, Energy and manufacturing accounted for 75 percent of all investments registered (45% and 30% respectively). Other sectors that attracted significant investments were construction, agriculture, services including ICT as well as mining.

35,715 jobs are expected to be created by the new investments with the manufacturing and construction sector expected to create 22,935 and 3,053 new jobs respectively. The government aims to create 214,000 new jobs every year from investments and other employment sources.

Joint ventures (local and foreign) contributed 44 percent of the investments registered whereas foreign direct investment represented 37 percent. 19 percent of investments were registered by locals.

The increase in joint ventures is attributed to two major investments registered in the energy sector: Rusizi III Energy (US$ 613 million) and Gas meth Energy (US$ 442 million).

In comparison, domestic investment registrations accounted for 51 percent, foreign investment registrations represented 48 pecrent and joint ventures accounted for 2 percent in 2018.

The top five projects registered in 2019 in terms of the size of investment were Rusizi III Energy (US$ 613 Million), Gasmeth Energy (US$ 442 Million), Ampersand (US$152Million), Remote Estate (US$ 145Million) and Nots Solar Lamps (US$72Million).

Other key investment projects registered during the year included Great Lakes Cement Ltd (an expansion of a local cement manufacturing factory in Musanze), Kenyan owned Mataba Farms Ltd (a mixed farming project), Mountain Ceramics Co. (a local ceramic products manufacturing), Elrumalya Rwanda Ltd (a renewable energy project), MJ Minerals and Petrol Ltd (a jewellery manufacturer), Fantastic Investment Group (a real estate firm) and Cheza Rwanda Games (an online gaming service).

Commenting on the 2019 investment registration figures, RDB Chief Executive Officer, Clare Akamanzi, said:

“After surpassing US$ 2 billion in investments registered for the first time in the country’s history in 2018, we continued our strong investment growth with over US$ 2.4 billion in 2019, our highest investment registration to date. This was up from about US$ 400 million registered in 2010.

This is a sign of continuous investor confidence in Rwanda by both local and foreign investors. The increased investment figures will help curb our balance of trade deficit by promoting the production of locally made goods for the local and regional market. Last year Rwanda exported goods worth US$ 1.021 billion, up from US$ 995 million in 2018. As a result, we have seen Rwanda’s Gross Domestic Product (GDP) grow by 11.9 percent in the third quarter of 2019 compared to the same quarter in 2018.

The increased investments registered by RDB are a direct result of the initiatives that leadership and the Government of Rwanda has put in place to continuously make Rwanda an attractive destination for investment. Rwanda remains the second easiest place to do business in Africa and 38th in the world”.

In terms of investor facilitation, RDB operates a One-Stop Centre, which provides information and services to guide investors through the key steps of starting a business such as registration, licenses, immigration, land, utilities, environmental clearances and tax services.

In addition, RDB offers aftercare services, to ensure that business projects are implemented free of avoidable impediments. RDB also introduced investor engagement platforms such as the’ Investor Open Day’ every week as well as a ‘CEO Forum’ four times a year where senior management meets and engages with business leaders.

Panorama Team

WDA yatanze ibitabo 400 bizafasha mu kuzamura ireme ry’uburezi mu mashuri y’imyuga n’ubumenyingiro

By Editor

Ku wa 24 mutarama 2020 ubwo WDA yamurikaga umuhango wo gutanga ibitabo 400 ku bayobozi b’ibigo by’amashuri y’imyuga n’ubumenyingiro, bigamije kwifashishwa mu kuzamura ireme ry’uburezi biyobora abo bigenewe.

Umuyobozi Mukuru w’Ikigo k’Igihugu gishinzwe guteza imbere ubumenyingiro n’imyigishirize y’imyuga mu Rwanda (WDA), Eng. Gatabazi Gaspard, asanga ibitabo byatanzwe ku mashuri y’imyuga n’ubumenyingiro (TVET) bitegerejweho umusaruro ukomeye mu kuzamura ireme ry’uburezi.

Eng. Gatabazi avuga ko ibyo bitabo birimo ibyo umuntu yakwifashisha byose kugira ngo arebe itegurwa n’ishyirwa mu bikorwa y’imyigishirize y’imyuga n’ubumenyingiro ko birimo gukorwa neza, asobanura ko ibintu bidashobora gukorwa neza hatabayeho icyo umuntu yareberaho cyangwa yakwifashisha.

Gatabazi agira ati: “Hari ukureba uburyo gutegura bimera, n’ugiye gukora igenzura ry’imyigishirize arakifashisha akamenya ko byakozwe neza. Ni igitabo kirimo byose n’ibyo duhugura, urugero WDA ihugura abakurikirana uburezi baba aba WDA, abakozi b’imirenge cyangwa ab’uturere. Iyi rero ni inyandiko bazajya bifashisha. Iki gitabo kirimo rero ibintu byose byifashishwa mu burezi yaba ibikoresho bifasha umwarimu kumenya uko ategura, bigafasha ukurikirana uwo mwarimu kumenya uko ategura kugira ngo dukomeze dukurikirane ireme ry’uburezi kandi bidufashe kumenya aho bipfira bikaba bizabafasha bikaba bizanabafasha gukurikirana babarimu baubahirizaga inshingano zabo.”

Eng. Gatabazi Gaspard, Umuyobozi Mukuru w’Ikigo k’Igihugu gishinzwe guteza imbere ubumenyingiro n’imyigishirize y’imyuga mu Rwanda (WDA).

Ni nayo mpamvu banahisemo guhugura abayobozi bashinzwe uburezi mu mirenge yose y’u Rwanda bakaba bamaze guhugurwa, bafite ibikoresho, ndetse avuga ko mu bitabo nk’ibyo 400 byamaze gukorwa bitaharara ahubwo bagomba guhita babiha abayobozi b’amashuri yose binyujijwe mu turere twose abayobozi b’amashuri baze babihasanga. Gusa n’ubwo ibyo bitabo byagenewe amashuri asanga binakwiye guhabwa abayobozi b’uburezi mu turere hiyongereyeho n’abandi bagera kuri 416 bo mu mirenge bose. Ni muri urwo rwego ashimangira ko bazakomeza kugenda basohora n’ibindi mu icapiro kugira ngo bihabwe n’abandi babikeneye.

Eng. Gatabazi kandi avuga ko WDA ifite intego yo gukomeza guhugura abantu batandukanye ku ikubitiro harimo n’abayobozi b’ayo mashuri y’imyuga n’ubumenyingiro kugeza ubu bakabakaba 4500 bakaba biteguye kuzahugura nabandi.

Eng. Gatabazi avuga ko mbere y’uko ibyo bitabo bikorwa hagaragaraga icyuho cyo kuba umwarimu wahuguwe usanga atandukanye cyane n’utarahuguwe, kuba ibyo bitabo bije ngo bigiye kongera agaciro mu itegurwa n’imiyigishirize ndetse no mu isuzuma kuko kugeza ubu WDA imaze guhugura abantu bangana na 50 ku ijana.

Asobanura ko icyo gitabo kitaje gusimbura amahugurwa ku wabashije kugikoresha, ko gikwiye kuza giherekeza amahugurwa bityo kigafasha cyane gushyira mu bikorwa uwamaze guhugurwa, nubwo yemeza neza ko uwakibonye atarahuguwe yakwihugura gake byibuze akaruta utarakibona.

Umuyobozi muri Ambasade y’u Budage Inga Klunder PreuB wari umushyitsi Mukuru yashimye WDA uburyo ikomeza gushyira mu bikorwa inshingano zayo, ishaka imfashanyigisho zitandukanye mu kuzamura ireme ry’uburezi harimo no gutegura ibitabo bigamije gufasha amashuri y’imyuga n’ubumenyingiro.

Klunder yakomeje yizeza ubufatanye n’inkunga WDA kugira ngo habeho gukomeza kubungabunga no guteza imbere amashuri ya TVT mu Rwanda kugira ngo zigire uruhare ruhagije mu kuzamura ubukungu bw’igihugu.

Ibikubiye muri ibyo bitabo byatekerejwe ku bufatanye bwa WDA, amashuri yayo, ariko ku buryo bw’amafaranga giterwa inkunga n’Ikigo k’Iterambere mpuzamahanga cy’Abanyakoreya (KOICA) hamwe na Leta y’u Budage. WDA ifite inshingano ikomeye yo gukurikirana ireme ry’uburezi mu mashuri y’imyuga n’ubumenyingiro.

WDA Yashimye kandi Guverinoma y’u Budage kubera inkunga ikomeye itahwemye gutera iki kigo muri gahunda zayo zo kuzamura ireme ry’uburezi mu mashuri y’imyuga n’ubumenyingiro.

WDA ifite gahunda yo kongera amashuri y’imyuga ku buryo mu mwaka wa 2024 ayo mashuri azaba yigwamo na 60 ku ijana by’abanyeshuri bose bo mu Rwanda.

Amashuri y’imyuga mu Rwanda ubu agera kuri 350, aho muri gahunda za WDA, ayo mashuri agiye kongerwa, buri murenge mu gihugu ukazubakwamo ishuri ry’imyuga, mu rwego rwo guteza imbere ayo mashuri kuko agira uruhare rukomeye mu guhanga imirimo.

Munezero Jeanne d’Arc

Bamwe mu bayoboke ba FDU Inkingi bahamijwe icyaha cy’ubugambanyi no kurema umutwe w’ingabo utemewe

By Editor

Urukiko Rukuru urugereko rwihariye rushinzwe kuburanisha ibyaha mpuzamahanga n’ibyambukiranya imipaka rukorera mu Karere ka Nyanza rwahamije ibyaha bamwe mu bayoboke b’ishyaka ritemewe mu Rwanda rya FDU-Inkingi abandi rubagira abere.

Saa yine n’iminota 20 za mu gitondo ku wa kane tariki ya 23 Mutarama 2020, ni bwo inteko iburanisha yinjiye mu cyumba cy’iburanisha mu rukiko rukuru urugereko rwihariye rushinzwe kuburanisha ibyaha mpuzamahanga n’ibyambukiranya imipaka rukorera mu Karere ka Nyanza.

Hari mu gikorwa cyo gupfundikira urubanza rwarezwemo abayoboke 11 b’ishyaka rya FDU Inkingi ritemewe mu Rwanda. Bose bashinjwaga ibyaha birimo ubugambanyi bugamije kugirira nabi ubutegetsi buriho no kurema umutwe w’ ingabo bitemewe n’amategeko. Abaregwa baje mu isoma ry’uru rubanza ni 8 muri 11.

Icyaha cyahereweho ni icy’ubugambanyi bugamije kugirira nabi ubutegetsi buriho. Aha urukiko rugendeye ku bimenyetso byagaragajwe n’ubushinjacyaha, rwavuze ko rushingiye ku bimenyetso by’ubugenzacyaha byavuye mu iperereza ryo kumviriza amatelefoni ndetse n’amajwi yakoreshwaga n’abaregwa hifashishijwe urubuga rwa Whatsapp, bamwe muri bo bahamwa n’icyaha cy’ubugambanyi.

Naho ku cyaha cyo kurema umutwe w’ingabo utemewe na Leta, aha urukiko rwagaragaje ko rwashingiye n’ubundi ku bimenyetso by’ubugenzacyaha bwumvirije abaregwa amatelefoni bakoreshaga, bakanguriraga abasore kwinjira mu mitwe y’ingabo cyane cyane ikorera mu mashyamba yo muri Repubulika Iharanira Demokarasi ya Kongo irwanya Leta y’u Rwanda nka FDLR n’iyindi ndetse bakabashakira amafaranga yifashishwaga mu ngendo, gushaka impapuro z’inzira, amafunguro n’ibindi.

Hari kandi kuba ishyaka FDU Inkingi ryarakoranaga bya hafi n’indi mitwe irimo FDLR, RNC, Amahoro PC, PS Imberakuri na PDP-Imanzi yose igize icyiswe P5, iki kikaba ikindi kimenyetso cyashingiweho n’urukiko mu gufata ibihano.

Inteko iburanisha ikurikije uburemere bw’ibyaha biregwa aba bayoboke b’ ishyaka FDU Inkingi, rukanakurikiza ibimenyetso byavuye mu iperereza ryakozwe n’ubugenzacyaha byanashingiweho n’ubushinjacyaha muri uru rubanza, rwakatiye igifungo cy’imyaka 12 Twagirayezu Fabien, ubushinjacyaha buvuga ko yari ku isonga ry’umugambi wo kugirira nabi ubutegetsi buriho n’uwo kurema umutwe utemewe, akaba ngo yari ashinzwe gushakisha abarwanyi bo kohereza ku rugamba.

Undi wakatiwe imyaka 12 ni Nsabiyaremye Gratien. Bombi bahamwe n’icyaha cy’ubugambanyi bugamije kugirira nabi ubutegetsi buriho no kurema umutwe w’ingabo utemewe.

Urukiko rwakatiye igifungo cy’imyaka 10 Twagirimana Boniface watorotse gereza akaburirwa irengero, ndetse iyo myaka rukaba ari yo rwakatiye na Mbarushimana Evode.

Urukiko kandi rwakatiye igifungo cy’imyaka irindwi Ndayishimiye Papias na Ufitamahoro Norbert nyuma yo guhamwa n’icyaha cyo kwemera kujya mu ngabo zitari ingabo zemewe n’igihugu.

Urukiko kandi rwakatiye ifungo cy’imyaka 2 n’ihazabu ingana n’ibihumbi 200 by’amafaranga y’u Rwanda, Kanyarukiko Athanase nyuma yo guhamwa n’icyaha cyo kumenyekanisha icyaha cy’ ubugome. Gusa urukiko rukurikije imyaka uyu Athanase yari amaze muri gereza hayise arekurwa.

Abagizwe abere n’urukiko ni Nkiko Ernest, Abayisenga Venant, Ntirutwa Theophile na Gasengayire Leonille wari umubitsi w’ ishyaka rya FDU Inkingi.

Urukiko rwasoje urubanza rwibutsa ko ubujurire butagomba kurenza iminsi 30 ku muburanyi utishimiye imikirize y’ urubanza.

Inkuru dukesha RBA yakozwe na Callixte KABERUKA

Mobile Employment Services reach Musanze District

By Editor

The first of many Mobile Employment Services provided countrywide through buses started today in Musanze District reaching out to over 200 youths.

The buses used by RDB (Rwanda Development Board), through its Chief Skills Office support the already existing Employment Service Centres located in Musanze, Kigali and Huye regions by reaching out to the unemployed in remote areas of the country.

This is in line with the government’s target to curb unemployment and create 1.5 million jobs by 2024.

They are equipped with laptops and printers, allowing people to search for jobs on RDB’s online job portal, kora.rw as well as receive career guidance from employment professionals.

Addressing the youth today, Gilbert Agaba from the Chief Skills Office at RDB said:

“This mobile centres for employment will enable the youth to understand the required skills needed on the labour market as we seek to increase employment opportunities. In addition, through this platform, information is packaged in such a way that both jobseekers and employers can find the right job matches.”

Panorama

La Tropicale Amisa Bongo: Areruya yatangiye kwigaragaza

By Editor

Agace ka Kane ka La Tropicale Amissa Bongo, ni ko gasumba utundi muri iri siganwa, kareshya na Kilometero 190,  bavaga ahitwa Lambaréné berekeza Mouila. Areruya Joseph yaje ku mwanya wa kabiri muri aka gace, anahemberwa kuba umukinnyi wahatanye kurusha abandi.

Nk’uko tubikesha umuseke.rw, muri uru rugendo, Kamzong Clovis na Areruya Joseph bagereye ku murongo rimwe bakoresheje amasaha ane iminota 34 n’amasegonda 42, ariko ifoto y’ikoranabuhanga ryabugenewe (Photo Finish) yerekana ko Kamzong yari imbere gato kurusha Areruya Joseph.

Umunya-Cameroon, Kamzong Clovis ni we wegukanye aka gace yaciye agahigo, aho ari we ukomoka muri iki gihugu wegukanye agace k’irushanwa mpuzamahanga ryo gusiganwa muri La Tropicale Amisa Bongo kuva ryatangira.

Muri aka gace ka kane, Nzafashwanayo Jean Claude yaje ku mwanya wa 22 asigwa iminota 4’13”, Mugisha Moise aza ku mwanya wa 32, Mugisha Samuel (48), Munyaneza Didier (61). Uhiriwe Byiza Renus yaje inyuma yabo gato.

Ku rutonde rusange, Tesfazion Natnael (Eritrea) arakomeza kuyobora kuko amaze gukoresha 14h59’51” akaba yizigamye amasegonda ane (4’’) hagati ye na Levasseur Jordan (Natura4Ever – Roubaix Lille Métropole) yo mu Bufaransa uri ku mwanya wa kabiri.

Nzafashwanayo Jean Claude ni we Munyarwanda uza hafi ku rutonde rusange kuko arushwa amasegonda 43” naho Munyaneza Didier aza inyuma ye gato.

Kuri uyu wa Gatanu tariki 24 Mutarama 2020, isiganwa rirakomeza aho abasiganwa bava Lambaréné bajya Bifoun ku ntera ya kilometero 82 (82 Km), intera nto muri iri siganwa.

Panorama

Nyarugenge: Yihaye ipeti rya Kapiteni mu basirikare barinda umukuru w’igihugu

By Editor

Umugabo witwa Innocent Nyirigira aherutse gufatwa na Polisi yiyita kuba umwe mu bagize Umutwe urinda Umukuru w’igihugu (abitwa abajepe -GP: Garde Présidentielle cyangwa Republican Guard mu cyongereza). Ibi yabikoze abeshya abapolisi ubwo imodoka ye yari igonzwe n’indi ahitwa kwa Rubangura mu mujyi wa Kigali.

Nk’uko tubikesha umuseke.rw, ku wa gatatu tariki ya 22 Mutarama 2020, Nyirigira yiyise kuriya agira ngo Polisi imurekure nyuma y’uko urugi rw’imodoka ye rugonzwe n’indi bakananirwa kumvikana, Polisi yahagera akababwira ko yihamagariye ishami rya Polisi rishinzwe umutekano wo mu muhanda (Traffic Police), abo bakwigendera. Bamubajije icyo akora avuga ko ari Kapiteni (Captain) mu basirikare barinda umukuru w’igihugu.

Nyuma yo kumva ko avuga ko ari umujepe, abapolisi bamubajije icyo akora muri uriya mutwe, abasubiza ko akora mu ishami ry’abashinzwe amakuru (Intelligence staff) ariko akaba afite ipeti rya Kapiteni. Abapolisi bagize amakenga y’uko yaba yiyitirira urwego bamuta muri yombi. Icyo gihe bamujyanye ku biro bya polisi bya Nyarugenge, agezeyo ariruka ariko abapolisi n’abaturage baramufata.

Umuvugizi wa Polisi mu Mujyi wa Kigali, CIP Marie Goretti Umutesi, avuga ko aho kugira ngo umuntu yiyitirire Urwego rwemewe n’amategeko, yahitamo kurujyamo akarukorera mu buryo bwemewe.

Ati: “Kwiyitirira rw’umwuga wemewe n’amategeko ni icyaha gihanwa n’amategeko y’u Rwanda. Abantu bamenye ko serivisi zose ari ubuntu kandi buri wese ayemerewe nta kindi kintu kigendeweho.”

Yongeye gusaba abaturage ko bajya bagira amakenga babona cyangwa bakumva umuntu uvuga ko ashinzwe ibintu runaka bakaba babanza kubimubaza neza bakumva hari ibyo adasobanura neza bakaba bamushyikiriza urwego runaka rw’umutekano.

CIP Umutesi yabwiye Umuseke ko uriya mugabo avuga ko biriya yabikoraga kugira ngo uwo ariwe wese wumvise uwo yiyitiriraga kuba ahite amwihutishiriza serivisi.

Ngo yiyitaga afande kugira ngo abantu bamuhe serivisi zihuse, ntibamugore kandi afite inshingano ziremereye mu rwego rurinda Umukuru w’igihugu. Ubu yakorewe idosiye yashyikirijwe Urwego rw’ubugenzacyaha (RIB).

Ubwanditsi

Urubyiruko rw’abakorerabushake rwasabwe kuba umusemburo w’impinduka mu iterambere ry’igihugu

By Editor

Urubyiruko rw’abakorerabushake rugera ku 1500, ku wa 23 Mutarama 2020 rwateraniye i Rusororo mu karere ka Gasabo, mu cyumba cya Intare Conference Arena, mu ihuriro ngarukamwaka, basabwa kuba umusemburo w’impinduka mu iterambere ry’igihugu. Banasabwe kandi kutirara bagakomeza kurinda ubusugire bw’igihugu baharanira kurinda no kubungabunga iterambere igihugu cyagezeho.

Uru rubyiruko rw’abakorerabushake rwaturutse mu turere twose tw’igihugu no muri Kaminuza y’u Rwanda. Ku geza ubu mu gihugu hose habarirwa urubyiruko rwabakorerabushake mu kurwanya ibyaha rugera ku bihumbi 380. Iri huriro ngarukamwaka ni umwanya abayobozi b’urubyiruko rw’abakorerabushake bahura n’abayobozi bakuru b’igihugu bakaganira.

Iri huriro ry’umunsi umwe ryabaye ku nshuro ya kane, ryitabiriwe n’abayobozi batandukanye barimo Minisitiri w’umutekano mu gihugu, General Patrick Nyamvumba, Minisitiri w’ubutegetsi bw’igihugu Prof. Anastase Shyaka, Umunyamabanga wa Leta muri Minisiteri y’Urubyiruko n’Umuco Edouard Bamporiki, umuyobozi mukuru wa Polisi y’u Rwanda IGP Dan Munyuza, Umuhuzabikorwa w’urubyiruko rw’abakorerabushake ku rwego rw’igihugu Murenzi Abdallah n’abandi bayobozi batandukanye.

Atangiza iri huriro, Gen. Patrick Nyamvumba, yashimiye urubyiruko rw’abakorerabushake uburyo badahwema gufatanya na Polisi y’u Rwanda mu gukumira ibyaha batangira amakuru ku gihe kandi vuba, ndetse n’uruhare bagira mu kuzamura imibereho myiza y’abaturage.

Yababwiye ko u Rwanda kugeza ubu rufite umutekano ndetse n’ibyaha bigenda bigabanuka ku buryo bugaragara, ariko bisaba gukomeza gushyiramo imbaraga kugira ngo ibyiza byagezweho bitazasubira inyuma.

Urubyiruko rw’abakorerabushake mu gukumira ibyaha rugera ku 1500 rwateraniye mu ihuriro ngarukamwaka baganira n’abayobozi banyuranye (Ifoto/RNP)

Yagize ati: “Kuba dufite umutekano ntibivuze ko tugomba kwicara, turasabwa gucunga umutekano no gukumira ibyaha dushyize hamwe kugira ngo tutazasubira inyuma. Dufite inzego z’umutekano zifite ubushake n’ubushobozi ndetse namwe nk’urubyiruko mbaraga z’igihugu. Turasabwa rero gukomeza gukorera hamwe, dukomeze kubaka ubushobozi bw’igihugu dukumira ibyaha bitaraba.”

Yakomeje abwira urubyiruko ko u Rwanda rwabohowe n’abiganjemo urubyiruko kubera kurukunda no kurwitangira, abasaba kugera ikirenge mu cya bakuru babo, baharanira iterambere ry’igihugu.

Yagize ati: “Igihugu cyabohowe n’urubyiruko nkamwe. Urwo rubyiruko rwarangwaga n’umuco wo gukunda igihugu, kwitanga n’ubunyangamugayo. Niyo mpamvu urwo rubyiruko rugomba kutubera urugero kandi bikaba isoko y’umuco wo gukunda igihugu no kukitangira.”

Umunyamabanga wa leta muri Minisiteri y’urubyiruko n’umuco, Edouard Bamporiki yavuze ko urubyiruko arirwo musingi w’impinduka n’iterambere ry’igihugu kuko icyo rwiyemeje rugikora kandi rukakigeraho vuba.

Yagize ati: “Kuva na kera na kare urubyiruko nirwo igihugu cyubakiraho kuko ruba rufite imbaraga zo gukora. Murasabwa gukoresha imbaraga zanyu mu gihe cyanyu mukumira ibyaha muharanira umutekano kugira ngo ibikorwa byanyu bizage bihora byibukwa.”

Yibukije urubyiruko ko kuba intwari bihera mu bikorwa by’umuntu agenda akora byiza kandi akabikora atarindiriye imyaka runaka, abagaragariza ko ubwitange n’ubutwari urubyiruko rwabohoye igihugu rwagaragaje bakwiye kubyigiraho bakagera ikirenge mu cyabo bubaka igihugu. Ibyo bakora byose bakabikora bashingiye ku muco no gukurikiza inama nziza bagirwa n’abayobozi.

Iri huriro ry’urubyiruko rw’abakorerabushake ryasojwe na Minisitiri w’ubutegetsi bw’igihugu, Prof. Anastase Shyaka aho yashimye imikoranire myiza iri hagati ya Polisi y’u Rwanda n’uru rubyiruko rw’abakorerabushake ndetse n’ibyo bamaze kugeza ku banyarwanda, abasaba kutirara kuko urugendo rugikomeza.

Panorama

Nyagatare: Polisi yafashe uwacuruzaga amabuye y’agaciro mu buryo bwa magendu

By Editor

Polisi y’u Rwanda ikorera mu karere ka Nyagatare mu murenge wa Matimba yafashe uwitwa Habarurema Jean de Dieu w’imyaka 26, yafatanwe ibiro 28 by’amabuye y’agaciro yo mu bwoko bwa Gasegereti.

Umuvugizi wa Polisi mu ntara y’Iburasirazuba Chief Inspector of Police (CIP) Hamdun Twizeyimana avuga ko uyu musore yafashwe mu gitondo cyo ku itariki ya 22 Mutarama 2020, ubwo yari ateze imodoka itwara abagenzi mu buryo bwa rusange. Umuturage niwe wahise atanga amakuru arafatwa.

Yagize ati: “Umwe mu baturage ba hariya Kagitumba niwe waduhaye amakuru atubwira ko hari umugenzi uteze imodoka ufite amabuye y’agaciro mu gikapu. Habarurema yahise afatwa abapolisi basanga koko mu gikapu yari afite harimo umufuka urimo amabuye y’agaciro ibiro makumyabiri n’umunani.”

Habarurema amaze gufatwa yavuze ko ayo mabuye yari ayakuye mu gihugu cy’abaturanyi agiye kuyacuruza mu mujyi wa Kigali ahitwa mu Nzove. Yahise ashyikirizwa urwego rw’igihugu rw’ubugenzacyaha (RIB) kuri sitasiyo ya Matimba kugira ngo hakorwe iperereza ryimbitse.

CIP Twizeyimana yakomeje yibutsa abantu ko ubucuruzi bw’amabuye y’agaciro bukorwa mu buryo butemewe n’amategeko bigira ingaruka ku bukungu bw’igihugu ndetse akaba ari icyaha gihanwa n’amategeko, asaba ababikora n’ababitekereza kubireka.

Ati: “Ubucuruzi bw’amabuye y’agaciro bwa magendu butuma haba igihombo ku bucuruzi bw’aya mabuye bwemewe n’amategeko. Bariya ba magendu bayacuruza ku giciro gito kuko baba batatanze imisoro ku gihugu, bikagira ingaruka ku bukungu bw’igihugu ndetse no kubashoramari babaje baje gukorera ubwo bucuruzi mu Rwanda.”

Yashimiye umuturage watanze amakuru ndetse asaba n’abandi banyarwanda kujya bihutira gutanga amakuru hakiri kare kugira ngo hakumirwe ubwo bucuruzi butemewe.

Ingingo ya 54 mu itegeko no 58 ryo ku wa 13/08/2018 rigenga ubucukuzi bw’amabuye y’agaciro na kariyeri rivuga ko:  Gukora ibikorwa by’ubucukuzi bw’amabuye y’agaciro cyangwa kariyeri nta ruhushya umuntu wese ushakashaka, ucukura, utunganya, ucuruza amabuye y’agaciro cyangwa kariyeri nta ruhushya, aba akoze icyaha.

Iyo abihamijwe n’urukiko, ahanishwa igifungo kitari munsi y’amezi abiri (2) ariko kitarenze amezi atandatu (6) n’ihazabu y’amafaranga y’u Rwanda atari munsi ya miliyoni imwe (1.000.000 Frw) ariko atarenze miliyoni eshanu (5.000.000 Frw) cyangwa kimwe gusa muri ibyo bihano. Urukiko rutegeka kandi ubunyagwe bw’amabuye y’agaciro cyangwa kariyeri byafatiriwe biri mu bubiko, bicuruzwa cyangwa bitunganywa nta ruhushya.

Panorama

Nyamagabe: Hafashwe uwa kabiri mu bashakishwa bakekwaho gutobora inzu bakiba

By Editor

Polisi y’u Rwanda ikorera mu karere ka Nyamagabe mu murenge wa Kitabi ku bufatanye n’urwego rw’igihugu rw’ubugenzacyaha (RIB), bafashe uwari ukurikiranyweho gutobora inzu z’abaturage akiba ibintu bitandukanye.

Nk’uko tubikesha Polisi y’u Rwanda, uwitwa Ngezenubwo Hassan w’imyaka 32 yafashwe ku Cyumweru tariki ya 19 Mutarama 2020, afatirwa mu kagari ka Mujuga mu murenge wa Kitabi mu karere ka Nyamagabe. Yafashwe biturutse ku makuru yari amaze iminsi atangwa n’abaturage batandukanye bavuga ko atobora amazu akabiba.

Umuvugizi wa Polisi mu ntara y’Amajyepfo, Chief Inspector of Police (CIP) Sylvestre Twajamahoro, avuga ko uyu muntu yari asanzwe abarizwa mu gatsiko k’amabandi amaze igihe kinini agenda atobora inzu z’abaturage akiba ibintu bitandukanye.

Yagize ati:  “Hari agatsiko k’amabandi agera muri atanu, mu kwezi gushize twafashe umwe muribo akaba ariwe wagiye atubwira bagenzi be bakorana. Uyu musore twamufashe biturutse ku bibazo bitandukanye twagiye twakira byatanzwe n’abaturage bavuga ko yagiye atobora amazu muri uwo murenge wa Kitabi ari naho yari atuye.”

Akomeza avuga ko kuva aho bafatiye uwa mbere akabaha amakuru y’abo bakoranaga, ubu bamaze gufata n’uwa kabiri kandi igikorwa cyo gufata n’abandi batatu bagize iri tsinda gikomeje.

Ngezenubwo Hassan ni umwe mu bibye ku wa 03 Kanama 2019 kwa Mukarubayiza Aloysie, umwarimukazi utuye mu murenge wa Ruramba, Akarere ka Nyaruguru batoboye inzu batwara ibintu bitandukanye byari mu nzu.

Nanone ku wa 29 Ugushyingo 2019 yari mu itsinda ry’abibye kwa Mukarukundo Jeannette utuye mu murenge wa Kibirizi, mu kagari ka Ruhunga, batoboye inzu batwara televiziyo nini (flat Screen), Radio n’ibindi bikoresho byo mu nzu.

CIP Twajamahoro yasabye abafatanyabikorwa ba Polisi mu kurwanya ibyaha guhora bakangurira abaturage buri wese kuba ijisho rya mugenzi we kugira ngo barusheho kwicungira umutekano.

Yibukije abaturage kujya bihutira gutanga amakuru mu gihe bibwe kugira ngo ibyo bibwe bikurikiranwe hakiri kare bibe byabasha no kuboneka.

Yagize ati: “Igihe cyose muhuye n’ikibazo cyo kwibwa mujye mwihutira kubimenyesha Polisi n’izindi nzego zibegereye. Kuko bituma abanyabyaha bafatwa ndetse n’ibyo bibye bikaba byaboneka bigasubizwa bene byo.”

Uyu musore kuri ubu afungiye kuri sitasiyo ya Polisi ya Tare akurikiranwa n’Urwego rw’igihugu rushinzwe ubugenzacyaha (RIB) ku byaha acyekwaho.

Itegeko Nº68/2018 ryo ku wa 30/08/2018 rivuga igihano ku cyaha cyo kwiba mu ngingo yaryo ya 166 ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 Frw) ariko atarenze miliyoni ebyiri (2.000.000 Frw), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ubwanditsi

Ngoma: Umugabo afunzwe akurikiranweho gushaka gutanga ruswa ngo afungurirwe sebukwe

By Editor

Ku mugoroba wo ku wa 19 Mutarama, Polisi ikorera mu murenge wa Rukira mu karere ka Ngoma, yafashe umugabo witwa Habumugisha Slyvestre w’imyaka 41. Bivugwa ko yageragezaga gutanga ruswa ingana n’amafaranga ibihumbi ijana (100,000frw), kugira ngo afungurirwe sebukwe.

Nk’uko bitangazwa na Polisi ikorera mu murenge wa Rukira ivuga ko tariki ya 17 Mutarama 2020, yakoze umukwabu w’abakora bakanacuruza inzoga zitemewe ndetse n’ibiyobyabwenge, ifatiramo umugabo witwa Mutabazi Jeremie afite kanyanga litiro imwe n’igice (1,5L). Yahise ashyikirizwa Urwego rw’ubugenzacyaha rukorera kuri sitasiyo ya Rukira.

Umuvugizi wa Polisi mu ntara y’Iburasirazuba, Chief Inspector of Police (CIP) Hamdun Twizeyimana, avuga ko ku mugoroba wa tariki ya 19 Mutarama aribwo Habumugisha yazanye aya mafaranga agerageza kuyaha ushinzwe umutekano ngo amufasha ku mufungurira uyu sebukwe Mutabazi.

Yagize ati: “Yaje mu masaha ya nimugoroba atumaho umwe mu bashinzwe inzego z’umutekano ukorera muri uwo murenge bahurira mu kabari, amubwira ko amuha ruswa y’ibihumbi ijana akamufasha gufungura sebukwe Mutabazi ukurikiranyweho icyaha cyo gukoresha ikiyobyabwenge cya kanyanga.”

CIP Twizeyimana akomeza avuga ko uyu ushinzwe umutekano akimara kubona ko Habumugisha yamuhamagarije muri ako kabari kugira ngo amuhe iyo ruswa, yahise ahamagara Polisi ihita iza iramufata imushyikiriza urwego rw’igihugu rw’ubugenzacyaha -RIB, rukorera kuri sitasiyo ya Rukira ngo akurikiranwe kuri icyo cyaha.

Umuvugizi wa Polisi mu ntara y’Iburasirazuba yibukije abaturage ko ruswa ari umwanzi w’iterambere kuko ingaruka zayo zigera kuri buri wese, bityo ko kuyirwanya no kuyikumira bisaba uruhare rwa buri wese.

Yagize ati: “Ruswa aho yashinze imizi abaturage bamwe baraharenganira kuko badahabwa serivisi nk’uko bikwiye, akenshi serivisi bagaherewe igihe kandi k’ubuntu bibasaba ko babanza kuzigura, ibi ugasanga bidindije iterambere ryaba iry’umuntu ku giti cye n’iry’igihugu muri rusange.”

Yavuze ko ruswa ari icyaha gihanwa n’amategeko bityo ko buri wese akwiye kuyirwanya no kuyikumira atungira urutoki Polisi n’izindi nzego uwo ariwe wese ayicyetseho.

Itegeko no 54/2018 ryo kuwa 13/08/2018 rirwanya ruswa ingingo yaryo ya 4 ivuga ko umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose.  Iyo abihamijwe n’urukiko, ahanishwa igifungo kirenze imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’indonke yatse cyangwa yakiriye.

Ubwanditsi

Before yesterdayPanorama

Bamwe mu bayoboke ba FDU Inkingi bahamijwe icyaha cy’ubugambanyi no kurema umutwe w’ingabo utemewe

By Editor

Urukiko Rukuru urugereko rwihariye rushinzwe kuburanisha ibyaha mpuzamahanga n’ibyambukiranya imipaka rukorera mu Karere ka Nyanza rwahamije ibyaha bamwe mu bayoboke b’ishyaka ritemewe mu Rwanda rya FDU-Inkingi abandi rubagira abere.

Saa yine n’iminota 20 za mu gitondo ku wa kane tariki ya 23 Mutarama 2020, ni bwo inteko iburanisha yinjiye mu cyumba cy’iburanisha mu rukiko rukuru urugereko rwihariye rushinzwe kuburanisha ibyaha mpuzamahanga n’ibyambukiranya imipaka rukorera mu Karere ka Nyanza.

Hari mu gikorwa cyo gupfundikira urubanza rwarezwemo abayoboke 11 b’ishyaka rya FDU Inkingi ritemewe mu Rwanda. Bose bashinjwaga ibyaha birimo ubugambanyi bugamije kugirira nabi ubutegetsi buriho no kurema umutwe w’ ingabo bitemewe n’amategeko. Abaregwa baje mu isoma ry’uru rubanza ni 8 muri 11.

Icyaha cyahereweho ni icy’ubugambanyi bugamije kugirira nabi ubutegetsi buriho. Aha urukiko rugendeye ku bimenyetso byagaragajwe n’ubushinjacyaha, rwavuze ko rushingiye ku bimenyetso by’ubugenzacyaha byavuye mu iperereza ryo kumviriza amatelefoni ndetse n’amajwi yakoreshwaga n’abaregwa hifashishijwe urubuga rwa Whatsapp, bamwe muri bo bahamwa n’icyaha cy’ubugambanyi.

Naho ku cyaha cyo kurema umutwe w’ingabo utemewe na Leta, aha urukiko rwagaragaje ko rwashingiye n’ubundi ku bimenyetso by’ubugenzacyaha bwumvirije abaregwa amatelefoni bakoreshaga, bakanguriraga abasore kwinjira mu mitwe y’ingabo cyane cyane ikorera mu mashyamba yo muri Repubulika Iharanira Demokarasi ya Kongo irwanya Leta y’u Rwanda nka FDLR n’iyindi ndetse bakabashakira amafaranga yifashishwaga mu ngendo, gushaka impapuro z’inzira, amafunguro n’ibindi.

Hari kandi kuba ishyaka FDU Inkingi ryarakoranaga bya hafi n’indi mitwe irimo FDLR, RNC, Amahoro PC, PS Imberakuri na PDP-Imanzi yose igize icyiswe P5, iki kikaba ikindi kimenyetso cyashingiweho n’urukiko mu gufata ibihano.

Inteko iburanisha ikurikije uburemere bw’ibyaha biregwa aba bayoboke b’ ishyaka FDU Inkingi, rukanakurikiza ibimenyetso byavuye mu iperereza ryakozwe n’ubugenzacyaha byanashingiweho n’ubushinjacyaha muri uru rubanza, rwakatiye igifungo cy’imyaka 12 Twagirayezu Fabien, ubushinjacyaha buvuga ko yari ku isonga ry’umugambi wo kugirira nabi ubutegetsi buriho n’uwo kurema umutwe utemewe, akaba ngo yari ashinzwe gushakisha abarwanyi bo kohereza ku rugamba.

Undi wakatiwe imyaka 12 ni Nsabiyaremye Gratien. Bombi bahamwe n’icyaha cy’ubugambanyi bugamije kugirira nabi ubutegetsi buriho no kurema umutwe w’ingabo utemewe.

Urukiko rwakatiye igifungo cy’imyaka 10 Twagirimana Boniface watorotse gereza akaburirwa irengero, ndetse iyo myaka rukaba ari yo rwakatiye na Mbarushimana Evode.

Urukiko kandi rwakatiye igifungo cy’imyaka irindwi Ndayishimiye Papias na Ufitamahoro Norbert nyuma yo guhamwa n’icyaha cyo kwemera kujya mu ngabo zitari ingabo zemewe n’igihugu.

Urukiko kandi rwakatiye ifungo cy’imyaka 2 n’ihazabu ingana n’ibihumbi 200 by’amafaranga y’u Rwanda, Kanyarukiko Athanase nyuma yo guhamwa n’icyaha cyo kumenyekanisha icyaha cy’ ubugome. Gusa urukiko rukurikije imyaka uyu Athanase yari amaze muri gereza hayise arekurwa.

Abagizwe abere n’urukiko ni Nkiko Ernest, Abayisenga Venant, Ntirutwa Theophile na Gasengayire Leonille wari umubitsi w’ ishyaka rya FDU Inkingi.

Urukiko rwasoje urubanza rwibutsa ko ubujurire butagomba kurenza iminsi 30 ku muburanyi utishimiye imikirize y’ urubanza.

Inkuru dukesha RBA yakozwe na Callixte KABERUKA

Mobile Employment Services reach Musanze District

By Editor

The first of many Mobile Employment Services provided countrywide through buses started today in Musanze District reaching out to over 200 youths.

The buses used by RDB (Rwanda Development Board), through its Chief Skills Office support the already existing Employment Service Centres located in Musanze, Kigali and Huye regions by reaching out to the unemployed in remote areas of the country.

This is in line with the government’s target to curb unemployment and create 1.5 million jobs by 2024.

They are equipped with laptops and printers, allowing people to search for jobs on RDB’s online job portal, kora.rw as well as receive career guidance from employment professionals.

Addressing the youth today, Gilbert Agaba from the Chief Skills Office at RDB said:

“This mobile centres for employment will enable the youth to understand the required skills needed on the labour market as we seek to increase employment opportunities. In addition, through this platform, information is packaged in such a way that both jobseekers and employers can find the right job matches.”

Panorama

La Tropicale Amisa Bongo: Areruya yatangiye kwigaragaza

By Editor

Agace ka Kane ka La Tropicale Amissa Bongo, ni ko gasumba utundi muri iri siganwa, kareshya na Kilometero 190,  bavaga ahitwa Lambaréné berekeza Mouila. Areruya Joseph yaje ku mwanya wa kabiri muri aka gace, anahemberwa kuba umukinnyi wahatanye kurusha abandi.

Nk’uko tubikesha umuseke.rw, muri uru rugendo, Kamzong Clovis na Areruya Joseph bagereye ku murongo rimwe bakoresheje amasaha ane iminota 34 n’amasegonda 42, ariko ifoto y’ikoranabuhanga ryabugenewe (Photo Finish) yerekana ko Kamzong yari imbere gato kurusha Areruya Joseph.

Umunya-Cameroon, Kamzong Clovis ni we wegukanye aka gace yaciye agahigo, aho ari we ukomoka muri iki gihugu wegukanye agace k’irushanwa mpuzamahanga ryo gusiganwa muri La Tropicale Amisa Bongo kuva ryatangira.

Muri aka gace ka kane, Nzafashwanayo Jean Claude yaje ku mwanya wa 22 asigwa iminota 4’13”, Mugisha Moise aza ku mwanya wa 32, Mugisha Samuel (48), Munyaneza Didier (61). Uhiriwe Byiza Renus yaje inyuma yabo gato.

Ku rutonde rusange, Tesfazion Natnael (Eritrea) arakomeza kuyobora kuko amaze gukoresha 14h59’51” akaba yizigamye amasegonda ane (4’’) hagati ye na Levasseur Jordan (Natura4Ever – Roubaix Lille Métropole) yo mu Bufaransa uri ku mwanya wa kabiri.

Nzafashwanayo Jean Claude ni we Munyarwanda uza hafi ku rutonde rusange kuko arushwa amasegonda 43” naho Munyaneza Didier aza inyuma ye gato.

Kuri uyu wa Gatanu tariki 24 Mutarama 2020, isiganwa rirakomeza aho abasiganwa bava Lambaréné bajya Bifoun ku ntera ya kilometero 82 (82 Km), intera nto muri iri siganwa.

Panorama

Nyarugenge: Yihaye ipeti rya Kapiteni mu basirikare barinda umukuru w’igihugu

By Editor

Umugabo witwa Innocent Nyirigira aherutse gufatwa na Polisi yiyita kuba umwe mu bagize Umutwe urinda Umukuru w’igihugu (abitwa abajepe -GP: Garde Présidentielle cyangwa Republican Guard mu cyongereza). Ibi yabikoze abeshya abapolisi ubwo imodoka ye yari igonzwe n’indi ahitwa kwa Rubangura mu mujyi wa Kigali.

Nk’uko tubikesha umuseke.rw, ku wa gatatu tariki ya 22 Mutarama 2020, Nyirigira yiyise kuriya agira ngo Polisi imurekure nyuma y’uko urugi rw’imodoka ye rugonzwe n’indi bakananirwa kumvikana, Polisi yahagera akababwira ko yihamagariye ishami rya Polisi rishinzwe umutekano wo mu muhanda (Traffic Police), abo bakwigendera. Bamubajije icyo akora avuga ko ari Kapiteni (Captain) mu basirikare barinda umukuru w’igihugu.

Nyuma yo kumva ko avuga ko ari umujepe, abapolisi bamubajije icyo akora muri uriya mutwe, abasubiza ko akora mu ishami ry’abashinzwe amakuru (Intelligence staff) ariko akaba afite ipeti rya Kapiteni. Abapolisi bagize amakenga y’uko yaba yiyitirira urwego bamuta muri yombi. Icyo gihe bamujyanye ku biro bya polisi bya Nyarugenge, agezeyo ariruka ariko abapolisi n’abaturage baramufata.

Umuvugizi wa Polisi mu Mujyi wa Kigali, CIP Marie Goretti Umutesi, avuga ko aho kugira ngo umuntu yiyitirire Urwego rwemewe n’amategeko, yahitamo kurujyamo akarukorera mu buryo bwemewe.

Ati: “Kwiyitirira rw’umwuga wemewe n’amategeko ni icyaha gihanwa n’amategeko y’u Rwanda. Abantu bamenye ko serivisi zose ari ubuntu kandi buri wese ayemerewe nta kindi kintu kigendeweho.”

Yongeye gusaba abaturage ko bajya bagira amakenga babona cyangwa bakumva umuntu uvuga ko ashinzwe ibintu runaka bakaba babanza kubimubaza neza bakumva hari ibyo adasobanura neza bakaba bamushyikiriza urwego runaka rw’umutekano.

CIP Umutesi yabwiye Umuseke ko uriya mugabo avuga ko biriya yabikoraga kugira ngo uwo ariwe wese wumvise uwo yiyitiriraga kuba ahite amwihutishiriza serivisi.

Ngo yiyitaga afande kugira ngo abantu bamuhe serivisi zihuse, ntibamugore kandi afite inshingano ziremereye mu rwego rurinda Umukuru w’igihugu. Ubu yakorewe idosiye yashyikirijwe Urwego rw’ubugenzacyaha (RIB).

Ubwanditsi

Urubyiruko rw’abakorerabushake rwasabwe kuba umusemburo w’impinduka mu iterambere ry’igihugu

By Editor

Urubyiruko rw’abakorerabushake rugera ku 1500, ku wa 23 Mutarama 2020 rwateraniye i Rusororo mu karere ka Gasabo, mu cyumba cya Intare Conference Arena, mu ihuriro ngarukamwaka, basabwa kuba umusemburo w’impinduka mu iterambere ry’igihugu. Banasabwe kandi kutirara bagakomeza kurinda ubusugire bw’igihugu baharanira kurinda no kubungabunga iterambere igihugu cyagezeho.

Uru rubyiruko rw’abakorerabushake rwaturutse mu turere twose tw’igihugu no muri Kaminuza y’u Rwanda. Ku geza ubu mu gihugu hose habarirwa urubyiruko rwabakorerabushake mu kurwanya ibyaha rugera ku bihumbi 380. Iri huriro ngarukamwaka ni umwanya abayobozi b’urubyiruko rw’abakorerabushake bahura n’abayobozi bakuru b’igihugu bakaganira.

Iri huriro ry’umunsi umwe ryabaye ku nshuro ya kane, ryitabiriwe n’abayobozi batandukanye barimo Minisitiri w’umutekano mu gihugu, General Patrick Nyamvumba, Minisitiri w’ubutegetsi bw’igihugu Prof. Anastase Shyaka, Umunyamabanga wa Leta muri Minisiteri y’Urubyiruko n’Umuco Edouard Bamporiki, umuyobozi mukuru wa Polisi y’u Rwanda IGP Dan Munyuza, Umuhuzabikorwa w’urubyiruko rw’abakorerabushake ku rwego rw’igihugu Murenzi Abdallah n’abandi bayobozi batandukanye.

Atangiza iri huriro, Gen. Patrick Nyamvumba, yashimiye urubyiruko rw’abakorerabushake uburyo badahwema gufatanya na Polisi y’u Rwanda mu gukumira ibyaha batangira amakuru ku gihe kandi vuba, ndetse n’uruhare bagira mu kuzamura imibereho myiza y’abaturage.

Yababwiye ko u Rwanda kugeza ubu rufite umutekano ndetse n’ibyaha bigenda bigabanuka ku buryo bugaragara, ariko bisaba gukomeza gushyiramo imbaraga kugira ngo ibyiza byagezweho bitazasubira inyuma.

Urubyiruko rw’abakorerabushake mu gukumira ibyaha rugera ku 1500 rwateraniye mu ihuriro ngarukamwaka baganira n’abayobozi banyuranye (Ifoto/RNP)

Yagize ati: “Kuba dufite umutekano ntibivuze ko tugomba kwicara, turasabwa gucunga umutekano no gukumira ibyaha dushyize hamwe kugira ngo tutazasubira inyuma. Dufite inzego z’umutekano zifite ubushake n’ubushobozi ndetse namwe nk’urubyiruko mbaraga z’igihugu. Turasabwa rero gukomeza gukorera hamwe, dukomeze kubaka ubushobozi bw’igihugu dukumira ibyaha bitaraba.”

Yakomeje abwira urubyiruko ko u Rwanda rwabohowe n’abiganjemo urubyiruko kubera kurukunda no kurwitangira, abasaba kugera ikirenge mu cya bakuru babo, baharanira iterambere ry’igihugu.

Yagize ati: “Igihugu cyabohowe n’urubyiruko nkamwe. Urwo rubyiruko rwarangwaga n’umuco wo gukunda igihugu, kwitanga n’ubunyangamugayo. Niyo mpamvu urwo rubyiruko rugomba kutubera urugero kandi bikaba isoko y’umuco wo gukunda igihugu no kukitangira.”

Umunyamabanga wa leta muri Minisiteri y’urubyiruko n’umuco, Edouard Bamporiki yavuze ko urubyiruko arirwo musingi w’impinduka n’iterambere ry’igihugu kuko icyo rwiyemeje rugikora kandi rukakigeraho vuba.

Yagize ati: “Kuva na kera na kare urubyiruko nirwo igihugu cyubakiraho kuko ruba rufite imbaraga zo gukora. Murasabwa gukoresha imbaraga zanyu mu gihe cyanyu mukumira ibyaha muharanira umutekano kugira ngo ibikorwa byanyu bizage bihora byibukwa.”

Yibukije urubyiruko ko kuba intwari bihera mu bikorwa by’umuntu agenda akora byiza kandi akabikora atarindiriye imyaka runaka, abagaragariza ko ubwitange n’ubutwari urubyiruko rwabohoye igihugu rwagaragaje bakwiye kubyigiraho bakagera ikirenge mu cyabo bubaka igihugu. Ibyo bakora byose bakabikora bashingiye ku muco no gukurikiza inama nziza bagirwa n’abayobozi.

Iri huriro ry’urubyiruko rw’abakorerabushake ryasojwe na Minisitiri w’ubutegetsi bw’igihugu, Prof. Anastase Shyaka aho yashimye imikoranire myiza iri hagati ya Polisi y’u Rwanda n’uru rubyiruko rw’abakorerabushake ndetse n’ibyo bamaze kugeza ku banyarwanda, abasaba kutirara kuko urugendo rugikomeza.

Panorama

Nyagatare: Polisi yafashe uwacuruzaga amabuye y’agaciro mu buryo bwa magendu

By Editor

Polisi y’u Rwanda ikorera mu karere ka Nyagatare mu murenge wa Matimba yafashe uwitwa Habarurema Jean de Dieu w’imyaka 26, yafatanwe ibiro 28 by’amabuye y’agaciro yo mu bwoko bwa Gasegereti.

Umuvugizi wa Polisi mu ntara y’Iburasirazuba Chief Inspector of Police (CIP) Hamdun Twizeyimana avuga ko uyu musore yafashwe mu gitondo cyo ku itariki ya 22 Mutarama 2020, ubwo yari ateze imodoka itwara abagenzi mu buryo bwa rusange. Umuturage niwe wahise atanga amakuru arafatwa.

Yagize ati: “Umwe mu baturage ba hariya Kagitumba niwe waduhaye amakuru atubwira ko hari umugenzi uteze imodoka ufite amabuye y’agaciro mu gikapu. Habarurema yahise afatwa abapolisi basanga koko mu gikapu yari afite harimo umufuka urimo amabuye y’agaciro ibiro makumyabiri n’umunani.”

Habarurema amaze gufatwa yavuze ko ayo mabuye yari ayakuye mu gihugu cy’abaturanyi agiye kuyacuruza mu mujyi wa Kigali ahitwa mu Nzove. Yahise ashyikirizwa urwego rw’igihugu rw’ubugenzacyaha (RIB) kuri sitasiyo ya Matimba kugira ngo hakorwe iperereza ryimbitse.

CIP Twizeyimana yakomeje yibutsa abantu ko ubucuruzi bw’amabuye y’agaciro bukorwa mu buryo butemewe n’amategeko bigira ingaruka ku bukungu bw’igihugu ndetse akaba ari icyaha gihanwa n’amategeko, asaba ababikora n’ababitekereza kubireka.

Ati: “Ubucuruzi bw’amabuye y’agaciro bwa magendu butuma haba igihombo ku bucuruzi bw’aya mabuye bwemewe n’amategeko. Bariya ba magendu bayacuruza ku giciro gito kuko baba batatanze imisoro ku gihugu, bikagira ingaruka ku bukungu bw’igihugu ndetse no kubashoramari babaje baje gukorera ubwo bucuruzi mu Rwanda.”

Yashimiye umuturage watanze amakuru ndetse asaba n’abandi banyarwanda kujya bihutira gutanga amakuru hakiri kare kugira ngo hakumirwe ubwo bucuruzi butemewe.

Ingingo ya 54 mu itegeko no 58 ryo ku wa 13/08/2018 rigenga ubucukuzi bw’amabuye y’agaciro na kariyeri rivuga ko:  Gukora ibikorwa by’ubucukuzi bw’amabuye y’agaciro cyangwa kariyeri nta ruhushya umuntu wese ushakashaka, ucukura, utunganya, ucuruza amabuye y’agaciro cyangwa kariyeri nta ruhushya, aba akoze icyaha.

Iyo abihamijwe n’urukiko, ahanishwa igifungo kitari munsi y’amezi abiri (2) ariko kitarenze amezi atandatu (6) n’ihazabu y’amafaranga y’u Rwanda atari munsi ya miliyoni imwe (1.000.000 Frw) ariko atarenze miliyoni eshanu (5.000.000 Frw) cyangwa kimwe gusa muri ibyo bihano. Urukiko rutegeka kandi ubunyagwe bw’amabuye y’agaciro cyangwa kariyeri byafatiriwe biri mu bubiko, bicuruzwa cyangwa bitunganywa nta ruhushya.

Panorama

Nyamagabe: Hafashwe uwa kabiri mu bashakishwa bakekwaho gutobora inzu bakiba

By Editor

Polisi y’u Rwanda ikorera mu karere ka Nyamagabe mu murenge wa Kitabi ku bufatanye n’urwego rw’igihugu rw’ubugenzacyaha (RIB), bafashe uwari ukurikiranyweho gutobora inzu z’abaturage akiba ibintu bitandukanye.

Nk’uko tubikesha Polisi y’u Rwanda, uwitwa Ngezenubwo Hassan w’imyaka 32 yafashwe ku Cyumweru tariki ya 19 Mutarama 2020, afatirwa mu kagari ka Mujuga mu murenge wa Kitabi mu karere ka Nyamagabe. Yafashwe biturutse ku makuru yari amaze iminsi atangwa n’abaturage batandukanye bavuga ko atobora amazu akabiba.

Umuvugizi wa Polisi mu ntara y’Amajyepfo, Chief Inspector of Police (CIP) Sylvestre Twajamahoro, avuga ko uyu muntu yari asanzwe abarizwa mu gatsiko k’amabandi amaze igihe kinini agenda atobora inzu z’abaturage akiba ibintu bitandukanye.

Yagize ati:  “Hari agatsiko k’amabandi agera muri atanu, mu kwezi gushize twafashe umwe muribo akaba ariwe wagiye atubwira bagenzi be bakorana. Uyu musore twamufashe biturutse ku bibazo bitandukanye twagiye twakira byatanzwe n’abaturage bavuga ko yagiye atobora amazu muri uwo murenge wa Kitabi ari naho yari atuye.”

Akomeza avuga ko kuva aho bafatiye uwa mbere akabaha amakuru y’abo bakoranaga, ubu bamaze gufata n’uwa kabiri kandi igikorwa cyo gufata n’abandi batatu bagize iri tsinda gikomeje.

Ngezenubwo Hassan ni umwe mu bibye ku wa 03 Kanama 2019 kwa Mukarubayiza Aloysie, umwarimukazi utuye mu murenge wa Ruramba, Akarere ka Nyaruguru batoboye inzu batwara ibintu bitandukanye byari mu nzu.

Nanone ku wa 29 Ugushyingo 2019 yari mu itsinda ry’abibye kwa Mukarukundo Jeannette utuye mu murenge wa Kibirizi, mu kagari ka Ruhunga, batoboye inzu batwara televiziyo nini (flat Screen), Radio n’ibindi bikoresho byo mu nzu.

CIP Twajamahoro yasabye abafatanyabikorwa ba Polisi mu kurwanya ibyaha guhora bakangurira abaturage buri wese kuba ijisho rya mugenzi we kugira ngo barusheho kwicungira umutekano.

Yibukije abaturage kujya bihutira gutanga amakuru mu gihe bibwe kugira ngo ibyo bibwe bikurikiranwe hakiri kare bibe byabasha no kuboneka.

Yagize ati: “Igihe cyose muhuye n’ikibazo cyo kwibwa mujye mwihutira kubimenyesha Polisi n’izindi nzego zibegereye. Kuko bituma abanyabyaha bafatwa ndetse n’ibyo bibye bikaba byaboneka bigasubizwa bene byo.”

Uyu musore kuri ubu afungiye kuri sitasiyo ya Polisi ya Tare akurikiranwa n’Urwego rw’igihugu rushinzwe ubugenzacyaha (RIB) ku byaha acyekwaho.

Itegeko Nº68/2018 ryo ku wa 30/08/2018 rivuga igihano ku cyaha cyo kwiba mu ngingo yaryo ya 166 ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2), ihazabu y’amafaranga y’u Rwanda atari munsi ya miliyoni imwe (1.000.000 Frw) ariko atarenze miliyoni ebyiri (2.000.000 Frw), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ubwanditsi

Ngoma: Umugabo afunzwe akurikiranweho gushaka gutanga ruswa ngo afungurirwe sebukwe

By Editor

Ku mugoroba wo ku wa 19 Mutarama, Polisi ikorera mu murenge wa Rukira mu karere ka Ngoma, yafashe umugabo witwa Habumugisha Slyvestre w’imyaka 41. Bivugwa ko yageragezaga gutanga ruswa ingana n’amafaranga ibihumbi ijana (100,000frw), kugira ngo afungurirwe sebukwe.

Nk’uko bitangazwa na Polisi ikorera mu murenge wa Rukira ivuga ko tariki ya 17 Mutarama 2020, yakoze umukwabu w’abakora bakanacuruza inzoga zitemewe ndetse n’ibiyobyabwenge, ifatiramo umugabo witwa Mutabazi Jeremie afite kanyanga litiro imwe n’igice (1,5L). Yahise ashyikirizwa Urwego rw’ubugenzacyaha rukorera kuri sitasiyo ya Rukira.

Umuvugizi wa Polisi mu ntara y’Iburasirazuba, Chief Inspector of Police (CIP) Hamdun Twizeyimana, avuga ko ku mugoroba wa tariki ya 19 Mutarama aribwo Habumugisha yazanye aya mafaranga agerageza kuyaha ushinzwe umutekano ngo amufasha ku mufungurira uyu sebukwe Mutabazi.

Yagize ati: “Yaje mu masaha ya nimugoroba atumaho umwe mu bashinzwe inzego z’umutekano ukorera muri uwo murenge bahurira mu kabari, amubwira ko amuha ruswa y’ibihumbi ijana akamufasha gufungura sebukwe Mutabazi ukurikiranyweho icyaha cyo gukoresha ikiyobyabwenge cya kanyanga.”

CIP Twizeyimana akomeza avuga ko uyu ushinzwe umutekano akimara kubona ko Habumugisha yamuhamagarije muri ako kabari kugira ngo amuhe iyo ruswa, yahise ahamagara Polisi ihita iza iramufata imushyikiriza urwego rw’igihugu rw’ubugenzacyaha -RIB, rukorera kuri sitasiyo ya Rukira ngo akurikiranwe kuri icyo cyaha.

Umuvugizi wa Polisi mu ntara y’Iburasirazuba yibukije abaturage ko ruswa ari umwanzi w’iterambere kuko ingaruka zayo zigera kuri buri wese, bityo ko kuyirwanya no kuyikumira bisaba uruhare rwa buri wese.

Yagize ati: “Ruswa aho yashinze imizi abaturage bamwe baraharenganira kuko badahabwa serivisi nk’uko bikwiye, akenshi serivisi bagaherewe igihe kandi k’ubuntu bibasaba ko babanza kuzigura, ibi ugasanga bidindije iterambere ryaba iry’umuntu ku giti cye n’iry’igihugu muri rusange.”

Yavuze ko ruswa ari icyaha gihanwa n’amategeko bityo ko buri wese akwiye kuyirwanya no kuyikumira atungira urutoki Polisi n’izindi nzego uwo ariwe wese ayicyetseho.

Itegeko no 54/2018 ryo kuwa 13/08/2018 rirwanya ruswa ingingo yaryo ya 4 ivuga ko umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose.  Iyo abihamijwe n’urukiko, ahanishwa igifungo kirenze imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’indonke yatse cyangwa yakiriye.

Ubwanditsi

RDB registers over US$ 2.4 billion worth of investments in 2019

By Editor

The Rwanda Development Board (RDB) registered investments worth US$ 2.46 billion in 2019, an increase of 22.6 percent from the previous year. In 2018 RDB registered investments worth US$ 2.01 billion.

According to RDB, Energy and manufacturing accounted for 75 percent of all investments registered (45% and 30% respectively). Other sectors that attracted significant investments were construction, agriculture, services including ICT as well as mining.

35,715 jobs are expected to be created by the new investments with the manufacturing and construction sector expected to create 22,935 and 3,053 new jobs respectively. The government aims to create 214,000 new jobs every year from investments and other employment sources.

Joint ventures (local and foreign) contributed 44 percent of the investments registered whereas foreign direct investment represented 37 percent. 19 percent of investments were registered by locals.

The increase in joint ventures is attributed to two major investments registered in the energy sector: Rusizi III Energy (US$ 613 million) and Gas meth Energy (US$ 442 million).

In comparison, domestic investment registrations accounted for 51 percent, foreign investment registrations represented 48 pecrent and joint ventures accounted for 2 percent in 2018.

The top five projects registered in 2019 in terms of the size of investment were Rusizi III Energy (US$ 613 Million), Gasmeth Energy (US$ 442 Million), Ampersand (US$152Million), Remote Estate (US$ 145Million) and Nots Solar Lamps (US$72Million).

Other key investment projects registered during the year included Great Lakes Cement Ltd (an expansion of a local cement manufacturing factory in Musanze), Kenyan owned Mataba Farms Ltd (a mixed farming project), Mountain Ceramics Co. (a local ceramic products manufacturing), Elrumalya Rwanda Ltd (a renewable energy project), MJ Minerals and Petrol Ltd (a jewellery manufacturer), Fantastic Investment Group (a real estate firm) and Cheza Rwanda Games (an online gaming service).

Commenting on the 2019 investment registration figures, RDB Chief Executive Officer, Clare Akamanzi, said:

“After surpassing US$ 2 billion in investments registered for the first time in the country’s history in 2018, we continued our strong investment growth with over US$ 2.4 billion in 2019, our highest investment registration to date. This was up from about US$ 400 million registered in 2010.

This is a sign of continuous investor confidence in Rwanda by both local and foreign investors. The increased investment figures will help curb our balance of trade deficit by promoting the production of locally made goods for the local and regional market. Last year Rwanda exported goods worth US$ 1.021 billion, up from US$ 995 million in 2018. As a result, we have seen Rwanda’s Gross Domestic Product (GDP) grow by 11.9 percent in the third quarter of 2019 compared to the same quarter in 2018.

The increased investments registered by RDB are a direct result of the initiatives that leadership and the Government of Rwanda has put in place to continuously make Rwanda an attractive destination for investment. Rwanda remains the second easiest place to do business in Africa and 38th in the world”.

In terms of investor facilitation, RDB operates a One-Stop Centre, which provides information and services to guide investors through the key steps of starting a business such as registration, licenses, immigration, land, utilities, environmental clearances and tax services.

In addition, RDB offers aftercare services, to ensure that business projects are implemented free of avoidable impediments. RDB also introduced investor engagement platforms such as the’ Investor Open Day’ every week as well as a ‘CEO Forum’ four times a year where senior management meets and engages with business leaders.

Panorama Team

Abanyarwanda baributswa ko gukingirwa Ebola bitabuza gukomeza kuyirinda

By Editor

U Rwanda ni kimwe mu bihugu bikomeje kurwanya ko icyorezo cya Ebola yagera mu gihugu gituranyi cya Repubulika ya Demokarasi ya Congo (DRC), kuko hashyizweho ingamba nyinshi zitandukanye mu rwego rwo gukumira no kwirinda icyo cyorezo.

Uwinjiye wese ku mupaka uhuza ibihugu byombi abanza gupimwa ubushyuhe, uwo basanze nta kibazo afite yerekwa aho akomeza ajya gukaraba intoki. Ibi abaturage baturiye umupaka w’u Rwanda na DRC mu karere ka Rubavu ubona basa n’abamaze kugira umuco.

Nyuma yo gupimwa umuriro bakaraba intoki ahantu habiteganyirijwe.

Umulisa Marie Michèle, umuyobozi mukuru wa Rinda Ubuzima akaba ashinzwe ubukangurambaga, yavuze bakoze ubukangurambaga bahereye hasi bikaba byarabafashije kuko byatumye abakoresha uriya mupaka bitabira cyane, kuko ku munsi bakira abantu basaga 200, kandi bafite ubushobozi bwo kwakira ababagana bose.

Yakomeje avuga ko abanyarwanda bakoresha umupaka wa Petite Barriere, cyane cyane abafite ubumuga, bitabiriye kwikingiza ku gipimo kiri hejuru ya 97 ku ijana. Asaba abasigaye na bo kwihutira gufata urukingo rwa Ebola, kandi bakibuka ko bagomba guhabwa inking ebyiri.

Akomeza avuga ko n’ubwo urukingo ruhari, abanyarwanda badakwiye kwirara ngo bibagirwe zimwe mu ngamba zisanzwe zikoreshwa zo kwirinda nko gukaraba intoki ndetse no kureka kujya bakora ku kintu babonye cyose kuko biri mu byatuma bandura.

Agira ati “Twakwibutsa abantu ko bakomeza ingamba zafashwe mu kurwanya Ebola. Bibuke kandi ko bagomba guhabwa inkingo ebyiri. Abantu bose bagomba kwikingiza uretse abagore batwite n’abana bari munsi y’imyaka ibiri. Birinde ibihuha kuko uru rukingo nta ngaruka rugira kandi n’usanzwe afata indi miti arayikomeza nta ngaruka bimugiraho.”

Umuyobozi w’ibitaro bikuru bya Gisenyi Dr Kanyankole William avuga ko iyo bagiye gukingira umuntu hari ibyo bitaho, bitandukanye n’izo mpuha zari mu baturage. Avuga ko uwo bagiye gukingira babanza kureba uko ubuzima bwe buhagaze.

Ati “Twebwe twereka abaturage ubwiza bw’urukingo ubishaka akabikora, utabishaka ni uburenganzira bwe…Ntabwo twe tureba dushingiye ku muntu kubera indi miti afata n’ikibazo afite mu buzima. Ubundi umuntu ashobora kuba afite imiti y’indwara arwaye nk’iyo ya diyabete ariko ntibimubuza gufata uru rukingo. Abaganga turabanza tugashishoza tukareba ko n’ubundi afite imbaraga z’umubiri. Ikibazo si indwara arwaye, ahubwo ni uko umubiri we umeze mu gihe ashaka gufata urukingo.”

Akomeza atanga ingero z’uburwayi bushobora kubuza umuntu gufata uru rukingo, ati “Umuntu ufite amaraso make, ufata imiti ikomeye nk’iya kanseri dushobora kumubuza gufata urukingo. Ariko tumaze kubona ko afite ibibazo by’amagara; ko umubiri we ufite imbaraga nkeya.”

Dr Kanyankole avuga ko uru rukingo rumaze guhabwa abantu basaga ibihumbi 8, i Rubavu hamaze gukingirirwa abasaga ibihumbi 6. Hakaba hari gahunda yo gukingira abantu bagera ku bihumbi 200 mu gihugu hose.

Iranzi Aimé Jackson, umaze ukwezi kurenga akingiwe, avuga ko urukingo nta kibazo na kimwe rwamuteye. Agira ati “Mbere y’uko nikingiza hari ibihuha bivuga ko ukingiwe amara iminsi nta cyo abasha gukora, afite umuriro, mbese atameze neza. Jyewe rero si ko nabibonye kuko bankingiye nk’uyu munsi bukeye nigira mu kazi kanjye nk’uko bisanzwe, nta kintu nigeze mpindukaho nanabashe gutera akabariro kandi akamara ibyumweru bitatu ntacyo akora ariko njywe kuva ndufashe ntabyo nabonye kubwibyo ababivuga aba baeshya ntihazagire ureka kurufata.”

Ati “nibwo nahisemo kwikingiza nyuma yokumenyako babashya kubera ko akazi nkora kansaba kwambuka kenshi njya muri Kongo, bityo sinzagire ikibazo cyo kwandura Ebola. Ndashishikariza n’abandi kwikingiza kuko urukingo nta cyo rutwara umuntu, ahubwo ari ingabo ibarinda kwandura bakikomereza imirimo yabo batuje”.

Uwamahire Vénantie, na we wari umaze kwikingiza avuga ko yabanje gutinya kubera abababeshyaga. Ati “Kuva maze kwikingiza ni nk’aho mfite ubwishingizi bw’uko ntazandura Ebola. Abavuga ko batinya urukingo nababwira ngo babyikuremo kuko ntacyo rutwaye. Ikindi ni uko umuntu anagize ikibazo runaka ahita ajya kwa muganga bakamufasha. Nta mpungenge biteye rero!”

Abafite ubumuga bakora ubucuruzi bwambukiranya imipaka bafashe iya mbere mu kwikingiza

Bamwe mu bafite ubumuga baganiriye n’Ikinyamakuru Panorama, bavuga ko bafashe iya mbere mu kwikingiza n’ubwo hari ikibazo gikomeye kuribo kugira ngo babone uko bakaraba intoki, bityo na bo bakwiye kuzirikanwa ntizagire ucikanwa kubera ubumuga afite.

Abafite ubumuga bakora ubucuruzi bwambukiranya imipaka bifashishije amagare.

Kagesera Faustin uvuga ko nubwo bafite ubumuga bishimirako babapimye ndese hafi ya bose. Ati “ikindi ni uko twabwiwe ko uru rukingo rudahagije, dukwiye gukomeza umuco wo gukaraba intoki. Birakwiye ko batworohereza bagashyiraho aho duparika amagare tukabona uko dukaraba neza. Biba ngomba ko abadusunika aribo batuzanira amazi yo gukaraba kandi twagombye kwikarabisha ubwacu.”

We na bagenzi basaba ko na bo bazirikanwa ku burenganzira bwabo, aho abantu banyura bakaraba ndetse n’ibindi bikorwa by’amasuku hakagurwa. By’umwihariko ibikorwa byorohereza abafite ubumuga bikitabwaho ku mpamvu z’umutekano wabo n’uburenganzira bwabo.

U Rwanda rwahawe inkingo za Ebola ibihumbi 200, kugeza ubu muri Rubavu na Rusizi hakaba hamaze gukingirwa abantu basaga ibihumbi umunani kandi igikorwa kirakomeje.

Hashyizweho abakangurambaga b’umurinzi mu midugudu yose mu karere ka Rubavu bituma benshi biyemeza kujya kwikingiza cyane ko ngo buri munyarwanda wese yemerewe uru rukingo.

Kugeza tariki 13 Mutarama 2020, muri Repubulika ya Demokarasi ya Kongo abemejwe ko barwaye Ebola ni 3406, muri bo 2236 ikaba yarabahitanye.

Munezero Jeanne d’Arc

❌