WebRwanda.com

🔒
❌
There are new available articles, click to refresh the page.
Today — January 28th 2020Murakaza neza !

Umuntu wa 2 yaregeye indishyi mu rubanza rwa Sankara

By Nsanzimana Ernest

Nsabimana Callixte wiyise Sankara wigambye ibitero bitandukanye byagiye bigabwa mu gice cyegereye Pariki y'Igihugu ya Nyungwe, kuri uyu wa Kabiri yagejejwe imbere y'urukiko kuburana mu mizi ku byaha bigera kuri 16 aregwa.

Yagajejwe mu Rukiko Rukuru, mu rugereko ruburanisha ibyaha Mpuzamahanga n'ibyambukiranya imbibi ruri i Nyanza; yambaye imyenda isanzwe iranga abagororwa aherekejwe n'abacungagereza. Umutekano wari wakajijwe mu rukiko imbere no hanze yarwo.

Iburanisha ryatangiye ku 8:45; abacamanza bakigera mu rukiko hagaragaye uwitwa Yusuf Ndutiye wahise avuga ko aregera indishyi.

Hagaragajwe n'ibaruwa yandikiye urukiko asaba kuregera indishyi ndetse hemezwa ko yatanze n'igarama.

Urukiko rwamubwiye ko aba yicaye akaza guhabwa umwanya wo kugaragaza indishyi aregera nyuma.

Ubushinjacyaha bwakomereje aho bwari bugeze mu iburanisha riheruka ku wa 17 Mutarama 2020 aho bwari bwavuze ku byaha akurikiranweho.

Ubushinjacyaha bwavuze ko kuva mu Bugenzacyaha, Nsabimana yemeye ibyaha byose akurikiranyweho abisabira imbabazi kandi ko yagaragaje uruhare rw'abayobozi bari bafatanyije kuyobora MRCD barimo Rusesabagina Paul n'abandi.

Kuba rero ngo yaremeye ibyo byaha aregwa ngo ni impamvu ituma atsindwa urubanza.

Mu kugaragaza ibimenyetso haherewe ku cyaha cyo kurema umutwe w'ingabo. Ubushinjacyaha bwavuze ko yari Visi Perezida wa Kabiri w'ishyaka MRCD ari ryo ryabyaye umutwe witwara gisirikare wa FLN wagiye ugaba ibitero mu Rwanda bigahitana abantu bikangiza n'imitungo yabo.

Bwavuze ko kandi yagiye yumvikana ku maradiyo mpuzamahanga yigamba ibitero byagabwe mu gice giherereye hafi ya Pariki y'Igihugu ya Nyungwe.

Harimo itangazo ryo ku wa 18 Werurwe 2018 rishyiraho MRCD ryashyizweho umukono na Nsabimana Callixte nka Visi Perezida wa kabiri n'abandi barimo Rusesabagina nka Perezida.

Iryo tangazo ngo ryari rikubiyemo amahame agamije impinduramatwara mu Rwanda; rihamagarira Abanyarwanda bose kurishyigikira. Ubushinjacyaha bwagaragaje ko iryo tangazo ririho umukono wa Nsabimana kandi yabyemereye ubugenzacyaha.

Irindi tangazo ryo ku wa 15 Nyakanga 2018 naryo Nsabimana aregwa gushyiraho umukono ni irigamije kwangisha Abanyarwanda ubutegetsi buriho nk'aho rivuga ko ‘Leta y'u Rwanda yica abaturage kandi icuruza Jenoside'.

Ririmo kandi ko FLN izakoresha inzira y'amasasu mukuzana impinduramatwara mu Rwanda kuko ‘FPR yanze ko bikorwa mu nzira y'amahoro'.

Indi nyandiko ni iyo ku wa 30 Kanama 2018, Rusesabagina Paul yandikiye Umuryango mpuzamahanga urengera uburenganzira bwa muntu aho yagaragaje amagambo asebya Umukuru w'Igihugu Paul Kagame ko ahonyora uburenganzira bwa muntu. Ibi ngo bihuye n'ibyo Nsabimana wari Visi Perezida we yanditse mu itangazo ryo ku wa 15 Nyakanga 2018 agamije kwangisha Abanyarwanda ubutegetsi buriho.

Irindi tangazo ni iryo ku wa 19 Werurwe 2019 ryashyizweho umukono na Nsabimana Callixte ririmo ko ingabo abereye umuvugizi zafashe ibice bitandukanye by'igihugu birimo ibyo mu Majyepfo n'Iburengerazuba. Iryo tangazo ryagiraga inama Abanyarwanda yo kudakorera ingendo muri ibyo bice.

Irindi tangazo Nsabimana ashinjwa gushyira hanze no gusinyaho ni iryo ku wa 21 Werurwe 2019 rigamije kwangisha abanyarwanda ubutegetsi rivuga ko Ingabo z'Igihugu zikora ibikorwa byo kwica abaturage kugira ngo byitirirwe FLN. Ririmo kandi ko agace kegereye ishyamba rya Nyungwe n'imihanda yaho bitemerewe gukoreshwa kuko ari ‘akarere k'imirwano'.

Nsabimana wahoze ari umuvugizi w'umutwe witwara gisirikare wa FLN, yafatiwe muri Comores mu mwaka ushize ahita yoherezwa mu Rwanda. Yaje kuburana yunganiwe n'Umunyamategeko we Nkundabarashi Moise, wanamwunganiye kuva mu bugenzacyaha.

Aregwa ibyaha 16 birimo iremwa ry'umutwe w'ingabo ritemewe, icyaha cy'iterabobwoba ku nyungu za politiki, gukora no kugira uruhare mu bikorwa by'iterabwoba, gutanga amabwiriza mu gikorwa cy'iterabwoba, kuba mu mutwe w'iterabwoba, icyaha cyo kugambana no gushishikariza abandi gukora iterabwoba, ubwicanyi n'ubwinjiracyaha bw'ubwicanyi.

Aregwa kandi gufata bugwate, gukwiza amakuru atariyo cyangwa icengezamatwara rigamije kwangisha leta y'u Rwanda mu bihugu by'amahanga, guhakana Jenoside, kwiba yitwaje intwaro, gutwika, kugirana umubano na leta y'amahanga hagamijwe gushoza intambara, gukora cyangwa gukoresha impapuro mpimbano, gukubita no gukomeretsa ku bushake no gutanga, kwakira no gushishikariza kwakira ibikomoka ku iterabwoba.

Mu iburanisha ryaherukaga ku wa 17 Mutarama 2020; mu rukiko hagaragaye uwaregeye indishyi z'ibyangijwe n'ibikorwa by'umutwe Nsabimana yari abereye umuvugizi.

Uwo ni uwari Umunyamabanga Nshingwabikorwa w'Umurenge wa Nyabimata mu Karere ka Nyaruguru Nsengiyumva Vincent batwikiye imodoka bakanamukomeretsa mu ijoro ryo ku wa 19 rishyira 20 Kamena 2018, wagaragaye muri urwo rubanza ari kumwe n'umwunganira mu mategeko.

Igihe

U Rwanda ruratangira gukoresha 'drones' mu kurwanya Malaria

By Nsanzimana Ernest

Iki gikorwa cyo kurwanya imibu itera malaria hifashishijwe utudege tuzwi nka 'drones' kirahera mu bishanga byo mu murenge wa Jabana mu mujyi wa Kigali nk'uko abashinzwe ubuzima babivuga.

Ni inshuro ya mbere u Rwanda rwifashishije utu dukoresho mu kurwanya malaria, indwara ikiboneka mu turere twose tw'u Rwanda ndetse abantu miliyoni 3,9 bakayibasangamo muri 2018 - 2019.

Dr Aimable Mbituyumuremyi uyobora ishami rya malaria mu kigo cy'ubuzima cy'u Rwanda yabwiye BBC Gahuzamiryango ko ibi bigamije kunganira gahunda isanzwe yo kurwanya imibu mu nzu z'abaturage.

Ati: "Wasangaga hanze y'inzu aho imibu ituruka nta kintu cyakorwaga, cyane cyane mu bishanga aho imibu yororokera, ni uburyo bushya bwo kunganira ubusanzwe bwo gusanga imibu hanze itaragera mu nzu".

Imiti iri buterwe yitwa "Bacillus Thuringiensis Israelensis" (BTI), ni imiti ya Larvicide, ubwoko bwa insecticide yica imibu y'ingore itera malaria.

Iyi miti izajya inyanyagizwa mu bishanga n'utu tudege kugira ngo yice imibu, Dr Mbituyumuremyi avuga ko iyi gahunda izagenda igera no mu bindi bice byose by'igihugu bibanze ku higanje malaria.

Mu turere 30 twose tw'u Rwanda haboneka malaria, ariko by'umwihariko mu burasirazuba bw'u Rwanda no mu majyepfo hari uturere 15 gusa duturukamo malaria irenga 70% mu gihugu hose.

Dr Mbituyumuremyi avuga ko mu mwaka wa 2018 - 2019 abantu miliyoni 3,9 bagiye kwa muganga barwaye malaria.

Ati: "Ibi byerekana ko ari umubare ukiri hejuru, gusa igenda igabanuka kuko 2016 - 2017 twageze kuri miliyoni 4,8.

"Imibare y'abo malaria yica nayo igenda ihinduka kuko hagati ya 2016 na 2019 imibare yagabanutseho 60%, bavuye kuri 660 bagera kuri 260".

Umugore yapfiriye mu irushanwa ryo gutanguranwa kumara gato

By Nsanzimana Ernest

Uyu mugore yapfuye ubwo yari mu birori by'umunsi mukuru w'igihugu cya Australia nk'uko BBC yabitangaje.

Bivugwa ko icyo gicuri cyamufatiye muri iryo rushanwa muri hoteli ya Hervey Bay, Queensland, mu muhango wo kwizihiza umunsi mukuru wa Australia wabaye ku Cyumweru tariki 26 Mutarama 2020.

Abari muri iryo rushanwa bari bafashwe amashusho bari barya vuba vuba uwo mutsima wari usize shokora.

Bagerageje kumutabara mu kumuzanzamura akigwa hasi ahita ajyanwa kwa muganga ariko mu nyuma aza guhwera.

Ababyiboneye bavuze ko uwo mugore yari yatsindagiye mu kanwa imwe muri izo gato ubwo yahuraga n'icyo kibazo.

Video yagiye ahabona yerekana abateguye ibirori b'iyo hoteli bari gutera intege abarushanwa, bafite ibirahure by'amazi impande yabo mbere y'uko iryo bara rigwa.

Hoteli Beach House y'i Hervey Bay yashize ubutumwa kuri facebook ihoza umuryango hamwe n'abagenzi b'uwo mugore, ataravugwa izina kugeza ubu.

Bashimiye abatwara imbangukiragutabara kuko "banyarutse kandi bakabyitwaramo kinyamwuga mu gihe ayo mahano yariko araba".

Amahiganwa yo kurya arakunzwe cane muri Australia mu gihe c'umunsi mukuru wa Australia Day, umunsi w'akaruhuko wibutsa igihe abanyaburaya bashika muri Australia.

Abahiganwa kenshi baratsindira udushimwe iyo bariye keke nyinshi, imikate ya pies, imikate irimwo isosiso izwi nka hot dog canke ibindi bifungurwa, bafungura mu mwanya muto cane.

  • January 28th 2020 at 00:31

Gasabo: Aravugwaho kwica abasore bamubenze, ngo yakoze urutonde rwabo

By Nsanzimana Ernest

Mu kagali ka Rudashya mu murenge wa Ndera mu karere ka Gasabo haravugwa impfu z'urukurikirane z'abantu bapfa mu buryo budasobanutse, bikaba bivuga ko bashobora kuba barimo kuzira uburozi.

Abatuye muri ako gace bavuga ko mu byumweru bibiri gusa ngo hari hamaze gupfa abantu barindwi, barimo abasore batanu, umukobwa umwe n'umugore umwe.
Izo mpfu bavuga zidasobanutse ngo zirimo kwibasira urubyibyuruko cyane cyane urw'abasore.Aba baturage bavuga ko hari umukobwa ushobora kuba abyihishe inyuma kuko ngo uwanze gukundana nawe ngo ahita umuroga akamwica.

KIMONYO Martin utuye mudugudu wa Kinyaga mu kagari ka Rudashya avuga ko umuhungu we w'imyaka 26 nawe aherutse kwitaba Imana nyuma yuko uwo mukobwa amubwiye ko umuhungu we yamwanze.

Abatuye muri ako gace bavuga ko uwo mukobwa ukomeje kwibasira urubyiruko rw'abasore ngo yakoze urutonde rw'abasore bagera ku 10 ngo azahitana muri ubwo buryo. Ni ibintu urubyiruko ruvuga ko rwatewe ubwoba na byo kuko harimo n'abatagisohoka mu nzu.

Umunyamabanga nshingwabikorwa w'umurenge wa Ndera KAYIHURA Felix yatangarije TV na Radio One ko ayo makuru na we yamugezeho ndetse ngo afatanyije n'inzego zishinzwe umutekano barimo kureba uko babikurikirana.

‘Nabyaye abana babiri ndi umupadiri i Kabgayi'- Padiri Habyarimana washatse umugore [VIDEO]

By Nsanzimana Ernest

Tariki 25 Nyakanga 2000, Habyarimana Andre yahawe isakaramentu ry'ubusasaridoti, nyuma aba umupadiri muri Paruwasi gatolika ya Kinazi, Cyeza na Mushishiro. Yabaye Omoniye w'ibitaro bya Kabgayi. Muri 2009 yafashe icyemezo ava mu gipadiri ashaka umugore ubu afite abana batanu.

Amategeko ya kiliziya avuga ko iyo umuntu ahawe ubupadiri bikurikije amategeko aba padiri ubuzima bwe bwose. Niyo yabivamo akomeza kwitwa padiri.

Padiri Habyarimana yize imibare n'ubugenge mu ishuri ryisumbuye muri G.S Rambura(Gisenyi) nyuma asaba kujya kwigira kuba padiri muri seminari nkuru arabyemererwa kuko ababishinzwe bamushimye imyitwarire. Nyuma y'imyaka 9 ingingo yo kudashaka umugore yaramunaniye abivamo.

Aganira na UKWEZI yagize ati “Nakoze igipadiri imyaka igera nko ku 9 ariko nyuma imirimo w'ubupadiri numvise ntawushoboye kubera displine zimwe na zimwe nari narasezeranye ariko nasanze ntashoboye gukomeza, cyane cyane displine yo kubaho umuntu adashaka.”

Akomeza agira ati “Numvise inaniye cyane cyane ko nari maze kugira abantu babiri bambwira ko dufitanye abana babiri. Nkumva rero gukomeza kubwira abantu ngo ntibagasambane kandi nanjye nabikoze, hari n'ibimenyetso bivuga ko mfite umwana, ndavuga nti ikiza ni ukuba inyangamugayo nkabwiza abantu ukuri, nkemera inshingano”.

Padiri Habyarimana avuga ko mbere y'uko ava mu bupadiri abakirisitu bari babizi ko afite abana, ndetse ngo na Musenyeri Smaragde Mbonyintege uyobora diyosezi ya Kabgayi yabimuganirizagaho amwihanangiriza.

Umunsi umwe yagiye gusoma misa mu mibyizi, asoma ivanjiri Yezu avuga ngo ‘muharanire kunyura mu irembo rifunganye, ngo benshi bazaza imbere yanjye bavuga ngo twakikije abarwayi mu izina ryawe, twasomye misa, nzababwira nti nimumve imbere mwa nkozi z'ibibi mwe, nimugende sinigeze mbamenya'.

Padiri Habyarimana ati “Numvise arinjye Yezu abwiye. Uwo munsi mfata icyemezo, ndagenda mfata ibyanjye byose ngenda ntanabwiye musenyeri, namwandikiye message”.

Avuga ko Musenyeri yamwandikiye amusaba ko yasubira mu nshingano yari afite kuko yakoraga muri Soras, ntiyasubirayo, ubu akora muri Radiant Insurance company.

Ngo musenyeri bajya baganira akamusaba ko yagenda bakaganira akanyura mu nzira zigenwa na kiliziya zikurizwa n'umupadiri ushaka kuva muri uyu muhamagaro.

Amategeko ya Kiliziya ateganya ko uwo mupadiri yandikira Musenyeri avuga impamvu ashaka kuva mu murimo w'ubupadiri, Musenyeri akamutereraho kashe iyo baruwa ikoherezwa I Roma kwa Papa bagasuzuma niba koko akwiye kuva mu gipadiri bakazamusubiza bamwemerera cyangwa bamuhakanira.

Kugeza ubu Padiri Habyarimana amaze imyaka irenga 10 aretse gusoma misa, ntabwo arasezerana n'umugore we byemewe n'amategeko. Avuga ko akibitekerezaho kugira ngo arebe niba izi nshingano zo kwita ku muryango azishoboye.

Padiri Habyarimana avuga ko umupadiri uguma gusoma misa asambana cyangwa akora ibindi byaha nk'ubugambanyi asaza yicuza, mu gihe uwavuye mu bupadiri ashobora kubaho yishimye.

Inkuru irambuye y'amajwi n'amashusho

Abatarize uburezi bemerewe kongera gukora akazi k'ubwarimu

By Nsanzimana Ernest

Mu gihe abakoraga ubwarimu batarabwize bari bategereje ko Minisiteri y'uburezi igiye kubirukana, yasohoye itangazo risaba abayobozi b'uturere guhamagarira abatarize uburezi gusaba akazi k'ubwarimu.

Iyi nkuru yashimishije abize andi masomo atajyanye no kwigisha bavuga ko bizagabanya ikibazo cy'ibura ry'akazi.

Abandi basanga n'ubundi umuntu wize andi masomo aba ayumva cyane ku buryo yayigisha neza. Umwe mu baganiriye na RBA yagize ati “Wize phyisique,Biologie na Chimie, ukongeraho na Entrepreneurship ubyumva neza kuko ubyiga imyaka 3, mu gihe uri kubyiga mu mashuri nderabarezi abivangavanga n'ibindi byinshi”.

Abize mu mashuri nderabarezi bo bavuga ko guha akazi k'ubwarimu abatarize ubwarimu ari ikintu Leta ikwiye kwitondera kuko ngo kuba mwarimu bisaba kuba uzi uko bafata umunyeshuri kandi ngo byigirwa muri Psychlogie Pedagogique.

Ari abize ubwarimu n'abatarabwize icyo bahurizaho ni uko Leta yategurira abatarize uburezi amahugurwa kugira ngo bahugurwe ibijyanye no kwigisha mu gihe bazaba batsinze ibizami by'akazi k'ubwarimu.

Perezida wa Sendika y'abarimu mu Rwanda Vuguziga Sylvestre avuga ko kwemerera abatarize ubwarimu gukora aka kazi ari ikibazo ati “Bafite ubumenyi ariko ntibafite uburyo bwo kubutanga”.

Ibi bitangajwe mu gihe mu cyumweru gishize mu karere ka Huye habereye inama yiga ku burezi, ari naho Umunyamabanga wa Leta muri Minisiteri y'uburezi Dr Isaac Munyakazi yagaragarije ko abarangiza mu mashuri nderabarezi baherutse gukora ikizami cy'akazi hagatsinda mbarwa.

Mu burezi hasanzwemo abarimu 7654 batize uburezi, aba Minisiteri y'Uburezi yari yabahaye imyaka 3 ngo ibasezerere ariko igihe ntarengwa bagomba kuba basezerewe cyarangiranye n'umwaka ushize ntibasezererwa, ahubwo birangiye MINEDUC isabye abayobozi b'uturere guhamagarira abatarize uburezi gusaba akazi k'ubwarimu nabo bakazakora ibizami by'akazi.

Kugeze ubu mu mashuri abanza n'ayisumbuye mu Rwanda habarurwa abarimu barenga ibihumbi 70. Leta y'u Rwanda iherutse kongera 10% ku mushahara wa mwarimu ariko n'ubu abarimu baracyavuga ko bahembwa intica ntikize.

Umwe mu barimu baherutse kuganira na UKWEZI yavuze ko bitumvikana ukuntu umunyeshuri wiga muri Kaminuza ahabwa buruse y'ibihumbi 35 000, ku kwezi mwarimu agahembwa ibihumbi 44 000 ku kwezi kandi agomba kwishyurira abana be amafaranga y'ishuri, agakuramo icumbi ryo guturamo, igaburo'imyambaro...

Yagize ati “Nk'ubu kawunga igeze ku bihumbi 20, umuceri uragura ibihumbi 25, siniriwe mvuga ibyo kwambara. Urabona mwarimu yazagura ikibanza akubaka inzu?”.

Ingaruka 5 zigera ku muntu ufuhira umukunzi we agakabya

By Nsanzimana Ernest

1. Gutakarizwa icyizere

Ibi bitekerezo bitandukanye biza mu mutwe w'ufuhirwa bimutera kumva ari igitangaza ku buryo atangira no kwiyumva ko ashobora kuba adakwiranye n'uwo bakwiranye kuba amugiraho urwikekwe bene ako kageni. Gufuha bikaba imungu y'urukundo muri ubwo buryo.

Gusa nabwo nyuma yo kugaragaza ibi bibi byo gufuhira uwo ukunda,ngo uwo ukunda uramuhangayikira, uramugenzura, umwitaho, wumva uhorana amatsiko y'uko ari,aho ari,icyo ari gukora,ibi ni ibintu bisanzwe kandi byizana kuwo ukunda by'ukuri.Gufuha rero ngo ni ngombwa mu rukundo ariko nabwo umuntu akabigenzura kandi akagerageza kuganira na mugenzi we amwumvisha ko atari ukumufuhira kuko amwanze ahubwo ari ukumuhangayikira kuko amukunda cyane kandi yumva amuhorana mu nshingano ze.

2. Gufuha bigaragaza kwikunda no kwiyemera

Gufuhira bikabije umukunzi wawe kugeza ha handi wumva wamuyobora muri byose kugeza no mu bitekerezo, aho utazongera kumuha n'umwanya ngo akubwire icyo atekereza ku ngingo runaka , ugasigara ari wowe umubwira ngo kora iki, iki kireke, we atigeze abaza umutimanama we , bigaragaza ko wikunda birenze urugero cyangwa ko uri n'umwiyemezi ndetse n'umunyagitugu mu rukundo, akenshi binamuha iyo shusho mu buzima bwawe busanzwe bwo hanze y'urukundo.

3. Gufuha bitera kubeshyana no guhishana

Akenshi abantu babana n'ubumuga bwo gufuha mu rukundo bahora baharanira gutekerereza abakunzi babo no kubafatira ibyemezo kandi ibi bibangamira urukundo. Mu rukundo habaho kubahana ku mpande zose no kungurana ibitekerezo mu kuri.
Iyo ukundana n'umuntu umufuhira bikabije kugeza ubwo icyo amuubwiye cyose akimugayira bitewe n'uko atari we wakimubwirije kugikora bigera aho yumva agiye kuzajya yikorera gahunda ze atanakubwiye cyangwa se yanamubwira ntamubwize ukuri kuri gahunda ze cyangwa akanazimubwira yazirangije.
Aha kandi haziramo no guhishanya mu rukundo ,iyo mico idakwiye urukundo rw'ukuri kandi igenda itera abakundana kumva urukundo rubabihiye bikarangira banaruvuyemo.

4. Gufuha bitera gucana inyuma no kubenga

Ubangamirwaga no gufuhirwa iyo agize amahirwe agahura n'undi umukunda atamufuhira ahita areka wa wundi wamufuhiraga rimwe na rimwe atanamubwiye.

5. Gufuha birema indi shusho kuwo ukunda

Iyo umwe mu bakundana afuhira mugenzi we aba amutera kubihirwa mu rukundo. Niba umukunzi wawe agira aho ajya ukamugenzura bikabije ndetse ukumva byakubujije amahoro umenye ko we atabyizera nk'urukundo gusa ahubwo afite ibindi bitekerezo byinshi biziramo: Urugero, Ntanyizera, abona namuca inyuma, abona ndi mwiza cyane ku buryo atekereza ko abandi bamuntwara, azi ibyo ajya akora iyo aba yagiye ku buryo atekereza ko nanjye aribyo nakora

Gufuhira umukunzi wawe ugakabya ni uburwayi, Menya uko wabyirinda

By Nsanzimana Ernest

1. Kwizerana ; iyo ukundana n'umuntu ukaba umwiyumvamo by'ukuri kandi ukizera ko nawe agukunda by'ukuri,ntabwo wajya guhangayikishwa no kumufuhira umukekera n'ibyo udafitiye gihamya.Niyo mpamvu uba ugomba kwizera umukunzi wawe,bikagufasha kumva ko nta wundi areba utari wowe,ugahorana icyo cyizere,aho guhora umuhangayikiye.

2. Kwirinda kumva amabwire ; ntukwiye kumvirana ibyo abantu bakubwiye ngo ubisamire hejuru uhite wumva ko ari ukuri byose kuko ari kimwe mu byatuma uta umutwe ugatangira gufuhira umukunzi wawe,ahubwo ufata umwanya wo kubanza gutekereza neza ku byo bakubwira ukamenya niba ari ukuri,nibiba ngombwa ubimubaze witonze kandi wirinde ko byagusaza.

3. Irinde kugaragaza uburakari ; niba hari ukuntu uri kwiyumvamo ifuhe cyangwa se ukaba ufite amakuru y'uko umukunzi wawe ashobora kuba aguca inyuma cyangwa afite undi bakundana,ntugakore ikosa ryo guhita umwereka uburakari bukabije kuko wafushye ahubwo ushobora kubimubaza wiyoroheje nta burakari umuzanyeho,ya ngeso yo kugaragaza ifuhe igenda ishira buhoro buhoro.

4. Ntukamugenzure cyane ; si byiza ko uhora ugenzura umukunzi wawe ngo wumve ko udatuje utamenye aho ari n'icyo ari gukora kuko hari bamwe usanga barashyizeho n' ingenza zitanga amakuru,kandi si byiza kuko hari n'abaguha amakuru yo kugira ngo babashwanishe bakakubwira ibibi gusa kugira ngo umurakarire.

5. Irinde ishyari ;iyo ukunda kugira ishyari ni naho gufuha bituruka ugasanga uhora wumva ko uvuganye n'umukunzi wawe wese badahuje igitsina baba baganira ibyo kuguca inyuma cyangwa ko ashaka kumugutwara,ugasanga ugirira ishyari umuntu wese bavuganye kandi akenshi uba wibeshya,kuko ntabwo umuntu yavugana n'abantu bamwe gusa,nawe ujye ubanza wirebeho

Nta mpamvu rero yo kugirira ifuhe rikabije umukunzi wawe kuko bishobora kuba intandaro yo gushwana cyangwa mugatandukana burundu, kubera gufuha kandi hari uburyo wabyirinda urukundo rugasagamba nubwo bamwe bajya bafuha bitwaje ko ngo uwo ukunda umufuhira,nyamara ntabwo biba ari ngombwa ko ukabya ugasanga umukunzi wawe waramuhahamuye.Nukurikiza izi nama tuguhaye uzagenda ubikira buhoro buhoro .

Inzobere mu mitekerereze ya muntu (Psychologie) ndetse no mu by'imikorere n'imihindagurikire ijyanye n'ibitsina (Sexologie) Albert Gakwaya, na we avuga ko gufuha ari ibintu bisanzwe, ariko hakaba n'igihe bigeraho bikaba indwara, kandi ko habaho ikintu gisanzwe bita gufuha ku bantu bose bakundana, cyangwa icyo ukunze ukumva wakigenzura.

Ati “Hakabaho no gufuha bihinduka indwara, bimwe umuntu abuza undi amahoro, bigaturuka ku kizere gikeya nyir'ugufuha yigiramo, bituma yumva atari ku rugero rwo kuba yaba ari kumwe na wawundi afuhira. Ibyo rero iyo bikabije bigeraho bikaba bibi, bikica umuryango, cyangwa umwe mu bagize umuryango akabera undi umutwaro.”

Akomeza asobanura ati “Ni uburwayi buturuka ku gufuha, bukunda kugirwa n'abantu bataye ikizere ubwabo. Hari ugufuha kurenze ku buryo bigira nyir'ubwite umurwayi wo mu mutwe, bikamutera kujya arota cyangwa yibwiriza ko mugenzi we hari ukundi kuntu bigenda ku ruhande batari kumwe.”

Albert Gakwaya avuga ko akenshi na kenshi biba ku muntu nawe udafite umutuzo ku bw'utuntu agira ku ruhande, nk'umuntu uca inyuma mugenzi we, noneho akaba afite ishusho mu mutwe y'uko abikora, akibagirwa y'uko ari we bibaho gusa, akibwira ko na wa mugenzi we akora nk'uko nguko.

Ati “Icyo gihe uko amubonye asuhuza undi, bihita bimwibutsa ka kajisho areba wa muntu we, ko na we ari ko abigenza. Atekereza ibyo we afite mu mutwe we, akabishyira ku wundi, bityo bikaba byanaba n' ubumuga. Icyo gihe mu rugo biba byatangiye kumera nabi. Iyo umuntu afushye, akenshi na kenshi, nta na rimwe biza byizanye ari ibisanzwe.”

Avuga kandi ko hari ibituruka ku ko umuntu yabayeho mu myaka ibiri ya mbere akivuka, ko hari igihe umwe mu babyeyi be yitwara nabi, ntafashe wabmwana kuzigiramo ikizere, noneho bikazatuma wabmuntu agira ikibazo gikomeye.

Agira inama ababyeyi ko mu gihe bonsa abana babo, bajya babaterura ku buryo babareba mu maso, bakabaganiriza, bakabitaho mu buryo bwose bashoboye, ku buryo nibagenda bakaza kugaruka, bongera kubikora, bityo bakarema ikizere mo umwana, akumva ko yizeye ko kugenda k'umubyeyi we bidatuma amutakaza burundu, ko ahubwo agaruka akiri uwe.

Abitandukanya na wa mubyeyi wonsa umwana yiruka, atamwitayeho, akagaruka atinze atanamwitayeho, akavuga ko uwo mwana akurana impamyi zo kumva ko ugiye wese amukunze, atari bugaruke, akumva ko uwo azaba afiteho uruhare wese azamurinda, kugirango atamuhomba nk'uko yabuze umubyeyi we.

Abayobozi b' abanyeshuri ba Kaminuza Gatorika y'u Rwanda(CUR) biyemeje kurandura imirire mibi

By Nsanzimana Ernest

Babitangarije mu muhango wo kwakira indahiro zabo wabereye ku kicaro gikuru cya Kaminuza Gatolika y'u Rwanda i Save mu karere ka Gisagara kuri uyu wa 26 Mutarama 2020.

Muri uyu muhango umuyobozi w'ishami rishinzwe imibereho y'abanyeshuri muri kaminuza Gatolika y'u Rwanda, Ulienne Murekeyisoni yashimiye abagize komite icyuye igihe.

Abagize iyi komite nshyashya ni 13 barimo Jean Claude Nyandwi, Ishimwe Rebecca, Nzayisenga Fabien, Kuradusenge Eugene Conscience, Sabagirirwa Berthilde, Manzi Moise, Ndacyayisenga Theogenne, Muvunyi Landry Frank, Niyigenda Silas, na Nishimwe Providence.

Umuyobozi wa komite icyuye igihe Sindayigaya Samuel yavuze ko bishimira ko, bagize uruhare mu iterambere ry'igihgu bakiri bato.

Yagize ati: ”Muri manda yacu twakoze byinshi, byose byari bigamije kuzamura imibereho myiza y'abaturage, kandi tuzakomeza no gufatanya na bagenzi bacu badusimbuye tubashyigire ku buryo ibyo tutagezeho bo bazabigeraho.”

Akomeza avuga ko ibyo ngo batagezeho, byatewe imbogamizi y'ubushobozi buke. Bimwe mu byo komite icyuye igihe yakoze harimo gutanga umusanzu no kwitabira gahunda za Leta batangira ubwisungane imiryango itishoboye isaga 20, guteza imbere imikino n'imyidagaduro, gukora ubuvugizi ku birebabana n'imyigire, kwakira intore mu zindi, n'ibindi.

Aganira n'ikinyamakuru Ukwezi.com umuyobozi wa komite nshyashya Niyigenda Silas yashimiye kaminuza Gatolika y'u Rwanda uburezi itanga, anavuga ko aho bagiye gushyira imbaraga ari mu kurwanya igwingira n'imirire mibi mu bana.
Ati “Abanyeshuri bose turabasaba gushyira hamwe kugira ngo tuzashobore kwesa imihigo twiyemeje. Mu by'ukuri muri kaminuza yacu , tuhagira ishami ry'ubuzima rusange n'imirire bityo nka twe muri komite yacu, turifuza ko ikijyanye n'imirire mibi n'igwingira mu bana bato mu murenge wa Save no mu karere ka Gisagara cyahinduka amateka.”


Umuyobozi mukuru wa Kaminuza Gatorika y'u Rwanda Msgr Jean Marie Vianney Gahizi

Umuyobozi mukuru wa Kaminuza Gatorika y'u Rwanda Msgr Jean Marie Vianney Gahizi yabwiye aba banyeshuri ko icyizere ari ikintu gikomeye bityo ko bakwiye guha agaciro abakibagiriye.

Yagize ati: ”Kuba mu ndahiro murahira harimo ko nimutatira igihango muzabihanirwa n'amategeko, si ikintu cyo kujejengekera, mugomba kuba abizerwa. Mwebwe muzirinde gutatira inshingano.”

Akomeza avuga ko ikemezo cy'ishimwe bahawe kidakwiye kubatera kwirara, gikwiye kubatera akanyabugabo banoza inshingano bahawe.

Kaminuza Gatolika y'u Rwanda yatangiye gutanga amasomo mu mwaka wa 2010, kuri ubu ikaba yigamo abanyeshuri basaga 1 500 bigira muri Campus ya Alex Kagame i Save muri Gisagara, na Campus iri ku i Taba mu karere ka Huye.

Ifite amashami atandukanye arimo: iyobokamana, ubuzima rusange n'imirire, ibaruramari n'ubucuruzi, uburezi, ivugurura mibereho, ikoranabuhanga n'iryo gukora muri laboratwari (Laboratwari).








Umunyamabanga Nshingwabikorwa w'umurenge wa Save Ntiyamira Davide nawe ari mu bitabiriye ibi birori

cheno 2020

By karangwa safari

Inzu igurishwa 8.000.000 Nyamata

By Sale

Inzu nziza irahantu heza mukabarere ka Bugesera aho bita kucyeru
kumusozi uri hakurya ya gare ya Nyamata
ifite ibyumba 4 na douche na toilette byo munzu
iri mukibanza gifite 20/30
iragurishwa miliyoni umunani zamanyarwanda(8.00.0000) negociable.

kubindi bisobanuro mwahamaga 0784247588

  • January 25th 2020 at 02:43
Yesterday — January 27th 2020Murakaza neza !

Abatarize uburezi bemerewe kongera gukora akazi k'ubwarimu

By Nsanzimana Ernest

Mu gihe abakoraga ubwarimu batarabwize bari bategereje ko Minisiteri y'uburezi igiye kubirukana, yasohoye itangazo risaba abayobozi b'uturere guhamagarira abatarize uburezi gusaba akazi k'ubwarimu.

Iyi nkuru yashimishije abize andi masomo atajyanye no kwigisha bavuga ko bizagabanya ikibazo cy'ibura ry'akazi.

Abandi basanga n'ubundi umuntu wize andi masomo aba ayumva cyane ku buryo yayigisha neza. Umwe mu baganiriye na RBA yagize ati “Wize phyisique,Biologie na Chimie, ukongeraho na Entrepreneurship ubyumva neza kuko ubyiga imyaka 3, mu gihe uri kubyiga mu mashuri nderabarezi abivangavanga n'ibindi byinshi”.

Abize mu mashuri nderabarezi bo bavuga ko guha akazi k'ubwarimu abatarize ubwarimu ari ikintu Leta ikwiye kwitondera kuko ngo kuba mwarimu bisaba kuba uzi uko bafata umunyeshuri kandi ngo byigirwa muri Psychlogie Pedagogique.

Ari abize ubwarimu n'abatarabwize icyo bahurizaho ni uko Leta yategurira abatarize uburezi amahugurwa kugira ngo bahugurwe ibijyanye no kwigisha mu gihe bazaba batsinze ibizami by'akazi k'ubwarimu.

Perezida wa Sendika y'abarimu mu Rwanda Vuguziga Sylvestre avuga ko kwemerera abatarize ubwarimu gukora aka kazi ari ikibazo ati “Bafite ubumenyi ariko ntibafite uburyo bwo kubutanga”.

Ibi bitangajwe mu gihe mu cyumweru gishize mu karere ka Huye habereye inama yiga ku burezi, ari naho Umunyamabanga wa Leta muri Minisiteri y'uburezi Dr Isaac Munyakazi yagaragarije ko abarangiza mu mashuri nderabarezi baherutse gukora ikizami cy'akazi hagatsinda mbarwa.

Mu burezi hasanzwemo abarimu 7654 batize uburezi, aba Minisiteri y'Uburezi yari yabahaye imyaka 3 ngo ibasezerere ariko igihe ntarengwa bagomba kuba basezerewe cyarangiranye n'umwaka ushize ntibasezererwa, ahubwo birangiye MINEDUC isabye abayobozi b'uturere guhamagarira abatarize uburezi gusaba akazi k'ubwarimu nabo bakazakora ibizami by'akazi.

Kugeze ubu mu mashuri abanza n'ayisumbuye mu Rwanda habarurwa abarimu barenga ibihumbi 70. Leta y'u Rwanda iherutse kongera 10% ku mushahara wa mwarimu ariko n'ubu abarimu baracyavuga ko bahembwa intica ntikize.

Umwe mu barimu baherutse kuganira na UKWEZI yavuze ko bitunmvikana ukuntu umunyeshuri wiga muri Kaminuza ahabwa buruse y'ibihumbi 35 000, ku kwezi mwarimu agahembwa ibihumbi 44 000 ku kwezi kandi agomba kwishyira abana be amafaranga y'ishuri, agacuramo icumbi ryo guturamo, igaburo n'imyambaro.

Yagize ati “Nk'ubu kawunga igeze ku bihumbi 20, umuceri uragura ibihumbi 25, siniriwe mvuga ibyo kwambara. Urabona mwarimu yazagura ikibanza akuba inzu?”.

Ingaruka 5 zigera ku muntu ufuhira umukunzi we agakabya

By Nsanzimana Ernest

1. Gutakarizwa icyizere

Ibi bitekerezo bitandukanye biza mu mutwe w'ufuhirwa bimutera kumva ari igitangaza ku buryo atangira no kwiyumva ko ashobora kuba adakwiranye n'uwo bakwiranye kuba amugiraho urwikekwe bene ako kageni. Gufuha bikaba imungu y'urukundo muri ubwo buryo.

Gusa nabwo nyuma yo kugaragaza ibi bibi byo gufuhira uwo ukunda,ngo uwo ukunda uramuhangayikira, uramugenzura, umwitaho, wumva uhorana amatsiko y'uko ari,aho ari,icyo ari gukora,ibi ni ibintu bisanzwe kandi byizana kuwo ukunda by'ukuri.Gufuha rero ngo ni ngombwa mu rukundo ariko nabwo umuntu akabigenzura kandi akagerageza kuganira na mugenzi we amwumvisha ko atari ukumufuhira kuko amwanze ahubwo ari ukumuhangayikira kuko amukunda cyane kandi yumva amuhorana mu nshingano ze.

2. Gufuha bigaragaza kwikunda no kwiyemera

Gufuhira bikabije umukunzi wawe kugeza ha handi wumva wamuyobora muri byose kugeza no mu bitekerezo, aho utazongera kumuha n'umwanya ngo akubwire icyo atekereza ku ngingo runaka , ugasigara ari wowe umubwira ngo kora iki, iki kireke, we atigeze abaza umutimanama we , bigaragaza ko wikunda birenze urugero cyangwa ko uri n'umwiyemezi ndetse n'umunyagitugu mu rukundo, akenshi binamuha iyo shusho mu buzima bwawe busanzwe bwo hanze y'urukundo.

3. Gufuha bitera kubeshyana no guhishana

Akenshi abantu babana n'ubumuga bwo gufuha mu rukundo bahora baharanira gutekerereza abakunzi babo no kubafatira ibyemezo kandi ibi bibangamira urukundo. Mu rukundo habaho kubahana ku mpande zose no kungurana ibitekerezo mu kuri.
Iyo ukundana n'umuntu umufuhira bikabije kugeza ubwo icyo amuubwiye cyose akimugayira bitewe n'uko atari we wakimubwirije kugikora bigera aho yumva agiye kuzajya yikorera gahunda ze atanakubwiye cyangwa se yanamubwira ntamubwize ukuri kuri gahunda ze cyangwa akanazimubwira yazirangije.
Aha kandi haziramo no guhishanya mu rukundo ,iyo mico idakwiye urukundo rw'ukuri kandi igenda itera abakundana kumva urukundo rubabihiye bikarangira banaruvuyemo.

4. Gufuha bitera gucana inyuma no kubenga

Ubangamirwaga no gufuhirwa iyo agize amahirwe agahura n'undi umukunda atamufuhira ahita areka wa wundi wamufuhiraga rimwe na rimwe atanamubwiye.

5. Gufuha birema indi shusho kuwo ukunda

Iyo umwe mu bakundana afuhira mugenzi we aba amutera kubihirwa mu rukundo. Niba umukunzi wawe agira aho ajya ukamugenzura bikabije ndetse ukumva byakubujije amahoro umenye ko we atabyizera nk'urukundo gusa ahubwo afite ibindi bitekerezo byinshi biziramo: Urugero, Ntanyizera, abona namuca inyuma, abona ndi mwiza cyane ku buryo atekereza ko abandi bamuntwara, azi ibyo ajya akora iyo aba yagiye ku buryo atekereza ko nanjye aribyo nakora

Gufuhira umukunzi wawe ugakabya ni uburwayi, Menya uko wabyirinda

By Nsanzimana Ernest

1. Kwizerana ; iyo ukundana n'umuntu ukaba umwiyumvamo by'ukuri kandi ukizera ko nawe agukunda by'ukuri,ntabwo wajya guhangayikishwa no kumufuhira umukekera n'ibyo udafitiye gihamya.Niyo mpamvu uba ugomba kwizera umukunzi wawe,bikagufasha kumva ko nta wundi areba utari wowe,ugahorana icyo cyizere,aho guhora umuhangayikiye.

2. Kwirinda kumva amabwire ; ntukwiye kumvirana ibyo abantu bakubwiye ngo ubisamire hejuru uhite wumva ko ari ukuri byose kuko ari kimwe mu byatuma uta umutwe ugatangira gufuhira umukunzi wawe,ahubwo ufata umwanya wo kubanza gutekereza neza ku byo bakubwira ukamenya niba ari ukuri,nibiba ngombwa ubimubaze witonze kandi wirinde ko byagusaza.

3. Irinde kugaragaza uburakari ; niba hari ukuntu uri kwiyumvamo ifuhe cyangwa se ukaba ufite amakuru y'uko umukunzi wawe ashobora kuba aguca inyuma cyangwa afite undi bakundana,ntugakore ikosa ryo guhita umwereka uburakari bukabije kuko wafushye ahubwo ushobora kubimubaza wiyoroheje nta burakari umuzanyeho,ya ngeso yo kugaragaza ifuhe igenda ishira buhoro buhoro.

4. Ntukamugenzure cyane ; si byiza ko uhora ugenzura umukunzi wawe ngo wumve ko udatuje utamenye aho ari n'icyo ari gukora kuko hari bamwe usanga barashyizeho n' ingenza zitanga amakuru,kandi si byiza kuko hari n'abaguha amakuru yo kugira ngo babashwanishe bakakubwira ibibi gusa kugira ngo umurakarire.

5. Irinde ishyari ;iyo ukunda kugira ishyari ni naho gufuha bituruka ugasanga uhora wumva ko uvuganye n'umukunzi wawe wese badahuje igitsina baba baganira ibyo kuguca inyuma cyangwa ko ashaka kumugutwara,ugasanga ugirira ishyari umuntu wese bavuganye kandi akenshi uba wibeshya,kuko ntabwo umuntu yavugana n'abantu bamwe gusa,nawe ujye ubanza wirebeho

Nta mpamvu rero yo kugirira ifuhe rikabije umukunzi wawe kuko bishobora kuba intandaro yo gushwana cyangwa mugatandukana burundu, kubera gufuha kandi hari uburyo wabyirinda urukundo rugasagamba nubwo bamwe bajya bafuha bitwaje ko ngo uwo ukunda umufuhira,nyamara ntabwo biba ari ngombwa ko ukabya ugasanga umukunzi wawe waramuhahamuye.Nukurikiza izi nama tuguhaye uzagenda ubikira buhoro buhoro .

Inzobere mu mitekerereze ya muntu (Psychologie) ndetse no mu by'imikorere n'imihindagurikire ijyanye n'ibitsina (Sexologie) Albert Gakwaya, na we avuga ko gufuha ari ibintu bisanzwe, ariko hakaba n'igihe bigeraho bikaba indwara, kandi ko habaho ikintu gisanzwe bita gufuha ku bantu bose bakundana, cyangwa icyo ukunze ukumva wakigenzura.

Ati “Hakabaho no gufuha bihinduka indwara, bimwe umuntu abuza undi amahoro, bigaturuka ku kizere gikeya nyir'ugufuha yigiramo, bituma yumva atari ku rugero rwo kuba yaba ari kumwe na wawundi afuhira. Ibyo rero iyo bikabije bigeraho bikaba bibi, bikica umuryango, cyangwa umwe mu bagize umuryango akabera undi umutwaro.”

Akomeza asobanura ati “Ni uburwayi buturuka ku gufuha, bukunda kugirwa n'abantu bataye ikizere ubwabo. Hari ugufuha kurenze ku buryo bigira nyir'ubwite umurwayi wo mu mutwe, bikamutera kujya arota cyangwa yibwiriza ko mugenzi we hari ukundi kuntu bigenda ku ruhande batari kumwe.”

Albert Gakwaya avuga ko akenshi na kenshi biba ku muntu nawe udafite umutuzo ku bw'utuntu agira ku ruhande, nk'umuntu uca inyuma mugenzi we, noneho akaba afite ishusho mu mutwe y'uko abikora, akibagirwa y'uko ari we bibaho gusa, akibwira ko na wa mugenzi we akora nk'uko nguko.

Ati “Icyo gihe uko amubonye asuhuza undi, bihita bimwibutsa ka kajisho areba wa muntu we, ko na we ari ko abigenza. Atekereza ibyo we afite mu mutwe we, akabishyira ku wundi, bityo bikaba byanaba n' ubumuga. Icyo gihe mu rugo biba byatangiye kumera nabi. Iyo umuntu afushye, akenshi na kenshi, nta na rimwe biza byizanye ari ibisanzwe.”

Avuga kandi ko hari ibituruka ku ko umuntu yabayeho mu myaka ibiri ya mbere akivuka, ko hari igihe umwe mu babyeyi be yitwara nabi, ntafashe wabmwana kuzigiramo ikizere, noneho bikazatuma wabmuntu agira ikibazo gikomeye.

Agira inama ababyeyi ko mu gihe bonsa abana babo, bajya babaterura ku buryo babareba mu maso, bakabaganiriza, bakabitaho mu buryo bwose bashoboye, ku buryo nibagenda bakaza kugaruka, bongera kubikora, bityo bakarema ikizere mo umwana, akumva ko yizeye ko kugenda k'umubyeyi we bidatuma amutakaza burundu, ko ahubwo agaruka akiri uwe.

Abitandukanya na wa mubyeyi wonsa umwana yiruka, atamwitayeho, akagaruka atinze atanamwitayeho, akavuga ko uwo mwana akurana impamyi zo kumva ko ugiye wese amukunze, atari bugaruke, akumva ko uwo azaba afiteho uruhare wese azamurinda, kugirango atamuhomba nk'uko yabuze umubyeyi we.

Abayobozi b' abanyeshuri ba Kaminuza Gatorika y'u Rwanda(CUR) biyemeje kurandura imirire mibi

By Nsanzimana Ernest

Babitangarije mu muhango wo kwakira indahiro zabo wabereye ku kicaro gikuru cya Kaminuza Gatolika y'u Rwanda i Save mu karere ka Gisagara kuri uyu wa 26 Mutarama 2020.

Muri uyu muhango umuyobozi w'ishami rishinzwe imibereho y'abanyeshuri muri kaminuza Gatolika y'u Rwanda, Ulienne Murekeyisoni yashimiye abagize komite icyuye igihe.

Abagize iyi komite nshyashya ni 13 barimo Jean Claude Nyandwi, Ishimwe Rebecca, Nzayisenga Fabien, Kuradusenge Eugene Conscience, Sabagirirwa Berthilde, Manzi Moise, Ndacyayisenga Theogenne, Muvunyi Landry Frank, Niyigenda Silas, na Nishimwe Providence.

Umuyobozi wa komite icyuye igihe Sindayigaya Samuel yavuze ko bishimira ko, bagize uruhare mu iterambere ry'igihgu bakiri bato.

Yagize ati: ”Muri manda yacu twakoze byinshi, byose byari bigamije kuzamura imibereho myiza y'abaturage, kandi tuzakomeza no gufatanya na bagenzi bacu badusimbuye tubashyigire ku buryo ibyo tutagezeho bo bazabigeraho.”

Akomeza avuga ko ibyo ngo batagezeho, byatewe imbogamizi y'ubushobozi buke. Bimwe mu byo komite icyuye igihe yakoze harimo gutanga umusanzu no kwitabira gahunda za Leta batangira ubwisungane imiryango itishoboye isaga 20, guteza imbere imikino n'imyidagaduro, gukora ubuvugizi ku birebabana n'imyigire, kwakira intore mu zindi, n'ibindi.

Aganira n'ikinyamakuru Ukwezi.com umuyobozi wa komite nshyashya Niyigenda Silas yashimiye kaminuza Gatolika y'u Rwanda uburezi itanga, anavuga ko aho bagiye gushyira imbaraga ari mu kurwanya igwingira n'imirire mibi mu bana.
Ati “Abanyeshuri bose turabasaba gushyira hamwe kugira ngo tuzashobore kwesa imihigo twiyemeje. Mu by'ukuri muri kaminuza yacu , tuhagira ishami ry'ubuzima rusange n'imirire bityo nka twe muri komite yacu, turifuza ko ikijyanye n'imirire mibi n'igwingira mu bana bato mu murenge wa Save no mu karere ka Gisagara cyahinduka amateka.”


Umuyobozi mukuru wa Kaminuza Gatorika y'u Rwanda Msgr Jean Marie Vianney Gahizi

Umuyobozi mukuru wa Kaminuza Gatorika y'u Rwanda Msgr Jean Marie Vianney Gahizi yabwiye aba banyeshuri ko icyizere ari ikintu gikomeye bityo ko bakwiye guha agaciro abakibagiriye.

Yagize ati: ”Kuba mu ndahiro murahira harimo ko nimutatira igihango muzabihanirwa n'amategeko, si ikintu cyo kujejengekera, mugomba kuba abizerwa. Mwebwe muzirinde gutatira inshingano.”

Akomeza avuga ko ikemezo cy'ishimwe bahawe kidakwiye kubatera kwirara, gikwiye kubatera akanyabugabo banoza inshingano bahawe.

Kaminuza Gatolika y'u Rwanda yatangiye gutanga amasomo mu mwaka wa 2010, kuri ubu ikaba yigamo abanyeshuri basaga 1 500 bigira muri Campus ya Alex Kagame i Save muri Gisagara, na Campus iri ku i Taba mu karere ka Huye.

Ifite amashami atandukanye arimo: iyobokamana, ubuzima rusange n'imirire, ibaruramari n'ubucuruzi, uburezi, ivugurura mibereho, ikoranabuhanga n'iryo gukora muri laboratwari (Laboratwari).








Umunyamabanga Nshingwabikorwa w'umurenge wa Save Ntiyamira Davide nawe ari mu bitabiriye ibi birori

cheno 2020

By karangwa safari

Inzu igurishwa 8.000.000 Nyamata

By Sale

Inzu nziza irahantu heza mukabarere ka Bugesera aho bita kucyeru
kumusozi uri hakurya ya gare ya Nyamata
ifite ibyumba 4 na douche na toilette byo munzu
iri mukibanza gifite 20/30
iragurishwa miliyoni umunani zamanyarwanda(8.00.0000) negociable.

kubindi bisobanuro mwahamaga 0784247588

  • January 25th 2020 at 02:43

Abashakashatsi basanga inka z'inyarwanda zizimye u Rwanda rwaba ruhombye

By Nsanzimana Ernest

Inka z'inyarwanda by'umwihariko inyambo zifite umwihariko wo kugira amahembe manini avamo ibikoresho birimo inkongoro, amasahane,amaherena n' ibindi. Uretse amahembe kandi izi nka zifite ngo zifite uruhu rukomeye ku buryo igikoresho kibambishijwe uruhu rwazo kiba gikomeye ugereranyije n' ikibambishijwe uruhu rw'inka za kizungu.

Ibi byemeza na Gwaneza Emmanuel, Perezida wa koperative y' abanyabukorikori ikorera mu karere ka Huye.

Muri iki gihe Abanyarwanda bashishikajwe no korora inka za kizungu kuko arizo zitanga umukamo mwinshi, ndetse zikaba zigura amafaranga menshi ugereranyije n'inyarwanda. Ibi bituma hari abakekwa ko inka z'inyarwanda zishobora kuzacika buru mu myaka iri imbere.

Gwaneza avuga gucikwa nk'inka z'inyarwanda zaba ari igihombo kuko zifite ibizikomokaho bifite ubwiza buruta ibw'inka z'inzugu.

Agira ati “Gucika kw'inka z'inyarwanda byateza igikombo kubera ko uretse n'ibyo by'ibikoresho biva ku bizikomokaho, bakubwira ko amata y'inka za kizungu ataryoha kimwe n'ay'inka z'inyarwanda…za nka zacu za kera zisa n'izifite umwimerere w'ubwiza muri zo ubwazo”.

Uyu munyabukorikori avuga ko mu gihe Abanyarwanda bakomera ku nka z'amahembe bakanga ko zizimira mu gihe kiri imbere zazagira agaciro kenshi cyane kuko zaba zisigaye ari umwihariko w'u Rwanda.

Avuga ko mu ihembe rimwe havamo ibyo bita sous-verre, isahane, n'amaherena. Sous-verre ni ibikombe bimeze nk'ibirahure banywesha ariko bikoze mu ihembe, sous-verre imwe igura ibihumbi 15. Isahane iva mu ihembwe igura ibuhimbi 10, bivuze ko amahembe y'inka yonyine ashobora kuvamo ibihumbi birenga 40.

Gwaneza avuga ko muri iki gihe amahembe yabuze agakeka ko byaba ari ikimenyetso cy' uko inka z'inyarwanda zatangiye gucika.

Rutabagisha Gaspard, umuhinzi mworozi wo mu karere ka Huye ukora ifumbire yifashishije uruvangavange n'amayezi n'ibindi bisigazwa bikomoka ku matungo avuga ko inka za Kinyarwanda zidakwiye gucika.

Avuga ko inka za Kinyarwanda ari inka zoroshye kuzorora agereranyije n'inka z'inzugu. Ngo mu gihe Leta y'u Rwanda ishaka koroza umuturage udafite ubushobozi buhambaye bwo korora yajya ahabwa inka y'inyarwanda kuko hari igihe ahabwa inzungu ikicwa n'umukeno igapfa kandi uwo muturage yashoboraga guhabwa inka y'inyarwanda ikamugirira akamaro.

Ati “Inka y'inyarwanda igira imbaraga zo kurwanya irwara zinyuranye. Urebye mu mirire inyarwanda irya bikeya ikanyurwa ariko inzungu irya byinshi utishoboye ntabibone ikazogobya ikazira inzara igapfa”.

Musirikare Amandin umukozi ushinzwe ibikorwa na gahunda mu kigo cy' igihugu cy'ubushakashatsi no guteza imbere inganda NIRDA avuga ko bafite gahunda bise ‘a cow in a car' inka mu modoka, iyi gahunda igamije kongerera umusaruro ibikomoka ku nka.

Agaragaza ko inka y'inzungu ifite akamaro bitewe n'icyo umuntu ayishakamo n'inyarwanda ikagira akamaro bitewe n'icyo umuntu ayishakaho.

Ati “Ucuruza amata agira dividend n'ucuruza uruhu agira dividend izo entreprise zombi iyo zunguka ku buryo bungana nta kibazo kirimo. Noneho iyo zisaba bikeya biva hanze byungukira n' ubukungu bw'igihugu”.

Musirikare avuga inka y'inyarwanda niba koko igira inyama iryoshye cyane bishoboka ko yagira agaciro muri hoteli na resitora hakabaho igiciro cy'inyama y'inka y'inyarwanda n'igiciro cy'inka y'inzungu.
Akomeza avuga ko mu byo ubushakashatsi bugaragaza ko bishobora kubyazwa mu bikomoka ku nka harimo kole (iva mu binure), gelatin, iva mu ruhu rw'inka (akantu gafobagana gakorwamo ibinini ushyira ku zuba bigashonga).

NIRDA iri gushaka abantu bafite imishinga yo guteza imbere ibikomoka ku nka ngo ibafashe kuyishyira mu bikorwa.

Mu gihe byagaragara ko hari imishinga ikeneye kubyaza umusaruro ibikomoka ku nka za Kinyarwanda ku buryo uzorora akabona inyungu nyinshi birumvikana ko izi nka zasubirana agaciro zahonye.

Inzoka zirakekwaho kuba inkomoko y'icyorezo ‘Koronavirusi' kiri guhagarika urujya n'uruza mu Isi

By Nsanzimana Ernest

Izi nzoka zo mu bwoko bwa ‘Krait' ziboneka cyane rwagati mu gihugu cy' Ubushinwa no mu majyepfo ashyira iburasirazuba bw'umugabane wa Asia.

Mu mujyi wa Wuhan uhereye rwagati mu gihugu cy'Ubushinwa niho iyi ndwara yagaragaye bwa mbere mu mpera za 2019. Iyo ndwara abagenzi bakomeje kuyikongeza mu bihugu bitandukanye birimo na Leta zunze ubumwe za Amerika. Ibi byatumye ibihugu birimo n'u Rwanda bigira abaturage babyo inama yo kwitwararika ingendo zerekeza mu bihugu byo gace Ubushinwa buherereyemo.

Ikinyamakuru Financial Times kizwiho gukora inkuru z'ubukungu cyatangaje ko iyi ndwara yatumye Ubushinwa bushira mu gato imijyi yabwo 11 ituwe n'abaturage miliyoni 36 mu rwego rwo kwirinda ikwirakwira ry'iki cyorezo.

Ibi ngo bishobora gukoma mu nkokora ubukungu bw'iki gihugu n'ubusanzwe bwari bwatangiye gucumbagira kuko mu mwaka wa 2019 bwiyongereye ku muvuduko muto ku kigero kitari cyarigeze kibaho mu myaka 29 ishize.

Inzobere mu buvuzi zo mu Bushinwa zapimye ibipimo zafashe kubarwaye iki cyorezo basanga koronavirusi iri kwica abantu muri iyi minsi ifitanye isano n'indi nkayo yishe amagana y'abantu mu gace Ubushinwa buherereyemo mu myaka 17 ishize. Kuri iyi nshuro, iki cyorezo, Ishami ry' Umuryango w'abibumbye ryita ku buzima OMS ryakise ‘2019-nCOV.

CNN yatangaje ko abashakashatsi bagereranyije iyi virusi iri gutera iyi ndwara na virusi zisanzwe ziba mu nyamaswa zirimo inyoni,inzoka, marmots, hedgehogs, manis, uducurama n'abantu basanga ifitanye isano rinini na virusi iba mu nzoka.

Mu mujyi wa Wuhan aho iki cyorezo cyagaragaye bwa mbere, inzoka ziri mu bicuruzwa mu isoko ry'inyama z'inyamaswa zo mu mazi ‘seafood'.

Abashakashatsi batekereza ko iyi virusi itera koronovirusi yaba yarahoze mu ducurama, inzoka zikarya uducurama, abantu bakarya inzoka iyo virusi ikagera mu bantu gutyo.

Igisa ni ikigiteye urujijo ngo ni uburyo iyi virusi ishobora kwihanganira kuba mu mibiri y'izi nyamaswa uko ari eshatu zirimo izigira amaraso ashyushye n' izigira akonje.

Kugeza mu ijoro ryo kuri uyu wa Kane tariki 23 Mutarama abari bamaze guhitana na koronavirusi ni 25, abo byemejwe bidasubirwaho ko bayanduye ni 830, abayikekwaho bari 1 072.

Nyaruguru: Uruganda rw'icyayi rwa Mata rugiye guha abakozi barwo Smartphones za miliyoni 43 [AMAFOTO]

By Nsanzimana Ernest

Byatangajwe kuri uyu wa Gatanu tariki 23 Mutarama 2020,ubwo abahinzi b'icyayi n'abakozi b'uru ruganda bifurizanyaga umwaka mushya muhire wa 2020.

Umuyobozi Mukuru wa Mata Tea Company Kanyesigye Emmanuel yavuze ko izi telefone zizahabwa abakozi b' indashyikirwa mu rwego rwo gutera abakozi kongera ishyaka mu kazi.

Yagize ati “Gahunda yo guha abantu amatelefone ya smartphones, ni gahunda yatangijwe na Nyakubahwa Perezida wa Repubulika y'u Rwanda. Iyo gahunda natwe twarayitabiriye,turateganya mu cyumweru gitaha cyangwa mu minsi ya vuba, kuba twabanza guha icyiciro cya mbere abantu bagera kuri 252, hanyuma icyiciro cya kabiri kukazaha abantu bagera kuri 97”.


Umuyobozi Mukuru wa Mata Tea Company Kanyesigye Emmanuel

Izi telefone za Maraphone ni telefone zikorerwa mu Rwanda. Zirimo izigura ibihumbi 170 n'izigura ibihumbi 125. Bivuze ko uru ruganda rwemeye kurekura miliyoni zirenga 43 kugira ngo rugurire abakozi barwo telefone 349.

Kanyesigye yavuze ko abakozi bose bakorera uruganda byagorana kubona terefone zibakwiriye ariyo mpamvu bazaziha abakozi b'indashyikirwa.

Ati “Tuzaziha abantu bagerageje kwitwara neza b'intangarugero. Umuntu warushije abandi kuki utamuha iyo telefone se? Umuntu w'indashyikirwa mu bintu bimwe warushije abandi, wabonye umusaruro mwinshi wakoze cyane, abo ngabo nibo tuzajya dutoranya ariko nanone ari muri ya politiki yo kugira ngo dutere n'abandi ishyari ryiza ryo gukora cyane”.

Uruganda rwa Mata Tea Company rusanzwe ruha abakozi barwo ibihembo birimo matela, n'amatungo arimo ihene n'inka mu rwego rwo kubashimira uruhare rwabo mu kuruteza imbere.

Rwanda Connect ni gahunda igamije guteza imbere ikoranabuhanga mu Banyarwanda yatangijwe na Perezida Paul Kagame.

Mu mpera za 2019, Perezida Kagame yavuze ko hari hamaze kuboneka telefone ibihumbi 34.

Mata Tea Company ikeneye abakozi baba abafite amashuri n'abatayafite

Uruganda Mata Tea Company rufite abakozi 280 bahoraho n'abakozi 2000 ba nyakabyizi. Kanyesigye yavuze ko uru ruganda rukeneye abakozi bo gusoroma icyayi kuko abo rufite badahagije.

Gusoroma icyayi ni akazi kadasaba amashuri kandi gafite amafaranga nk'uko byemezwa na Uwimana Cassien umaze imyaka ine asoroma icyayi.


Uwimana Cassien

Uyu mugabo ukomoka mu karere ka Nyamagabe avuga ko yatangiye gusoroma icyayi muri 2015, uruganda rubahemba amafaranga 21 ku kilo. Aya mafaranga magingo aya yariyongere agera kuri 40 ku kilo.

Uwimana avuga ko iyo akoze impuzandengo asanga ku kwezi ahembwa ibihumbi biri hejuru ya 90 kuko mu kwezi asoroma toni 2 z'amababi.

Ingabire Claudine umaze imyaka ibiri mu kazi ko gusoroma icyayi avuga ko ku munsi asoroma ibilo 50 by'amababi y'icyayi ndetse ko aka kazi kamaze kumugeza kuri byinshi atari kugeraho iyo akomeza guhingira amafaranga 600 ku munsi.

Mu byo uyu mugore w'abana babiri ukomoka mu murenge wa Kitabi mu karere ka Nyamagabe avuga ko yagezeho abikesha gusoroma icyayi harimo ikibanza cy'ibihumbi 200 n'amabati 15.

Umuyobozi wungirije w'akarere ka Nyaruguru ushinzwe iterambere ry'ubukungu Gashema Janvier yavuze ko uruganda rwa Mata Tea Company rufite akamaro kanini mu iterambere ry'aka karere kuko ku mwaka rusohora amafaranga aganga na miliyari n'ibihumbi 600 ajya mu baturage.

Ati “Abantu bahinga icyayi ntawe utajyana umwana ku ishuri, ntawe utagira ubwisungane mu kwivuza, ntawe urarana n'amatungo kuko aba afite amafaranga yo kubaka ikiraro”.


Visi Meya Gashema Janvier

Gashema yasabye abahinzi b'icyayi kukitaho kugira ngo umusaruro w'amababi y'icyayi uve kuri toni 8 kuri hegitari wiyongere.

Kuri ubu ku cyayi cy'uruganda umusaruro w'amababi y'icyayi ni toni 10 kuri hegitari mu gihe mu mirima y'abaturage ari toni 8 kuri hegitari.

2020, uruganda rwihaye intego yo kongera umusaruro ukagera kuri toni 12 kuri hegitari. Umuyobozi mukuru warwo Kanyesigye avuga ko no ku bahinzi kongera umusaruro wacyo bishoboka. Ngo icyo bisaba ni ugukurikiza amabwiriza bagakatira icyayi ku gihe, bagashyiramo ifumbire ku gihe kandi bakajya bagisarura kitarasaza.

Mu mwaka ushize umusaruro w'icyayi wariyongereye uva kuri toni 2 200 000 ugera kuri toni 2 500 000. Muri uyu mwaka wa 2020 uru ruganda rwihaye intego yo kongera umusaruro w'amababi y'icyayi ukagera kuri toni 2 800 000.

[AMAFOTO]













Umuyobozi wa KOTENYA Munezero Clementine


Umuyobozi w'ingabo mu karere ka Nyaruguru yavuze ko umutekano muri aka karere wifashe neza








Inkuru bifitanye isano Nyaruguru: Icyo Uruganda rw' icyayi rwa Mata rumariye akarere

❌