WebRwanda.com

🔒
❌
There are new available articles, click to refresh the page.
Before yesterdayMurakaza neza !

Yasutse Peterole ku mukunzi we asinziriye amutwika atitaye ku marira ye

By Nsanzimana Ernest

Gina Virgilio w' imyaka 32 yari yipfutse mu maso ubwo umucamanza yasomaga imyanzuro y' urukiko ku iyicwa rya Michael Gonzalez.

Iki cyaha cyakozwe tariki 7 Kamena 2012, ubwo Gonzalez yari yagize isabukuru y' imyaka 24. Uyu mukobwa yakoze urugendo rwa kilometero ajya kugura peterole.

Avuyeyo yasanze umukunzi we Gonzalez asinziriye asuka peterole ku ntebe z' imifariso yari aryamyemo no ku matapi yo mu nzu arangije inzu arayitwika ayisohokamo afungiranamo umukunzi we.

Anchorage Daily News yatangaje ko Gonzalez yakangutse avuga ngo harashyushye harashyushyuye mbere y' uko ashya agakongoka agapfa.

Mu iburanisha uyu mukobwa yasubije ubwenge ku gihe avuga ko ibyo yakoze yabitewe no gukoresha ibiyobyabwenge agaragaza agahinda atewe n' ibyo wakoze aho yavuze ati “Ntakibazo twari dufitanye nta n' icyo nakora ngo mugarure”

Musaza w' uyu mukobwa mu buhamya yatangiye mu rukiko yavuze ko imyitwarire ya mushikiwe yahindutse kuva yatangira gukoresha ibiyobyabwenge ubwo yari afite imyaka 20.

Umucamanza Wolverton yavuze ko ibyo uyu mukobwa yakoze ari icyaha cy' ubugome bw' indengakamere ati “Nicyo cyaha cy' ubugome mburanishije kuva natangira aka kazi”.

Uyu mukobwa yakatiwe gufungwa imyaka 99 harimo 39 y' igihano gisubitse bivuze ko uyu mukobwa azafungwa imyaka 60.

Mico The Best yasohoye indirimbo shya ahamya ko yabaye inkomere y'urukundo igihe kinini

By Muhizi Olivier

Umuhanzi Mico The Best ari mubahanzi bamaze igihe bakora umuziki hano mu Rwanda, muri iyi ndirimbo kandi Mico avuga ko amaze igihe kinini afite ibikomere by'urukundo .

Mukiganiro yagiranye na UKWEZI Mico yavuze ko iyi ndirimbo isohotse nyuma yiyo yise Twembi ngo yayishyize hanze nk'ikimenyetso uwakunze yakoresha yereka abarebera ku ruhande urukundo rwe bamushidikanyaho.

Mico ari mubahanzi niwe muhanzi nyarwanda wabashije gukorana indirimbo na Diamond wo muri Tanzania

Yavuze ko hari igihe umukobwa/umusore aba azwiho gutandukana n'uwo bakundanye bitewe n'amateka ye bamwe bagatekereza ko n'ubundi ibye bitazaramba.

Akomeza avuga ko hari igihe umusore/umukobwa afata icyemezo akava mu byo kujarajara akabyerekana ashyira hanze ‘Save The Date' ku mukobwa agakorerwa ibirori byo gusezera ubukumi ‘Bridal Shower' ku buryo abamushidikanyagaho babona ko yateye indi ntambwe.

Muri iyi ndirimbo kandi anaririmba avuga ko ntawe ukwiye gufata icyemezo mu rukundo ashingiye ku kuba yabibonye ku bandi bantu .

Mico azwiho kuririmba indirimbo z'urukundo kuva yatangira umuziki

Indirimbo save the date yakozwe na mu buryo bw'amajwi na Prosucer davydenko naho amashusho akorwa na bagenzi Bernard .

Umusarane wa zahabu wibwe mu Bwongereza ukomeje gufungisha abantu

By Nsanzimana Ernest

Ni umusarani w'ubugeni ukoze muri zahabu gusa ufite agaciro ka miliyoni 6 z'amapawundi (asaga miliyari esheshatu y'u Rwanda).

Wibwe mu kwezi gushize kwa cyenda mu nyubako yitwa Blenheim Palace iri Oxfordshire mu Bwongereza.

Abagabo batatu b'imyaka 34, 35 na 36 b'ahitwa Oxford batawe muri yombi bakekwaho kugira uruhare mu kwiba uyu musarani utangaje kandi w'agaciro.

Hari abagabo babiri bari bafashwe mbere bakekwaho ubu bujura.

Kompanyi ifite ubwishingizi bw'iyi nyubako yatangaje igihembo cy'amapawundi £100,000 ku wagarura cyangwa akagaragaza aho uyu musarani uri.

Uyu musarani bitaga 'America' wari mu bimurikwa by'umunyabugeni w'Umutaliyani Maurizio Cattelan, abawusuraga bakaba barashoboraga no kuwukoresha bikiza imyanda yo mu mubiri.

Polisi ivuga ko kwiba uyu musarani "byangije inzu bikanahateza umwuzure" kuko wari ushinze muri iyi nyubako.

Iyi nyubako yo mu kinyejana cya 18 iri mu hantu ndangamurage ku isi, aha ni naho havukiye Winston Churchill wabaye Minisitiri w'intebe w'Ubwongereza.

Mu kwezi kwa munani, umugabo witwa Edward Spencer - umuvandimwe wa Churchill - uyobora ahari iyi nyubako, yavuze ko yizeye neza umutekano w'iki gihangano.

Yagize ati: "Ntawe byakorohera kucyiba".

BBC

Umugiraneza yasohoye umutwe muri gare ya moshe agonga igiti arapfa

By Nsanzimana Ernest

Uyu mugore wari kumwe n' inshuti ze tariki 1 Ukuboza umwaka ushize wa 2018 bavuye guhaha ibya noheli iperereza ryagaragaje ko ubwo yasohoroga umutwe muri gare ya moshe mu maraso ye hari harimo alcool nyinshi.

Raporo y' ishami rishinzwe gukora iperereza ku mpanuka za gare ya moshe Rail Accident Investigation Branch igaragaza ko mu maraso ya Bethan Roper harimo miligarama 142 za ethanol kuri buri mililitiro 100 z' amaraso.

Iyi ngano y' umusemburo wari mu maraso ye ni mwinshi kuko mu bwongereza umuntu ufite miligarama 80 za ethanol kuri buri mililitiro 100 z' amaraso bamufata nk' uwasinze.

Urupfu rw' uyu mugore w' imyaka 28 mu Bwongereza hakorwa ibyapa bishyirwa kuri za gare ya moshe byanditseho ngo wisohora umwutwe mu idirishya Gare ya moshe iri kugenda'.

Adrien se wa Bethan avuga ko umukobwa we yari umuntu mwiza cyane kandi buryo bwose ku buryo bigoye ko bazamwibairwa.

Impanuka y' umuntu wasohoye umutwe muri gale ya moshe akagonga ishami yaherukaga muri 2009.

Bethan yakoreraga ikigo cy' abagiraneza kitwa ‘Welsh Refugee Council' yari yararangije muri muri kaminuza ya Cardiff Metropolitan University 2013.

Iyi kampani Bethan yakoragamo ifasha abantu bashaka ubuhungiro n' impunzi ikaba ikorera muri mu gihugu cya Wales mu magepfo y' Ubwongereza.




Gisagara: Icyumba cy' umukobwa cyagabanyije umubare w' abakobwa basibaga ishuri

By Nsanzimana Ernest

Icyumba cy' umukobwa ni inzu igomba kuba irimo ibikoresho by' isuku kugira ngo ifashe umukobwa uri mu mihango adasiba bitewe n' uko ari mu gihe cy' imihango.

Ubuyobozi bw' akarere ka Gisagara buvuga ko intego ari uko buri kigo cy' amashuri cyose kigira icyumba cy' umukobwa ndetse ngo banabishyize mu mihigo y' akarere.

Umukobwa wiga kuri G.S. Gishubi mu mwaka wa mbere yatangarije UKWEZI ko atagisiba kuko kuri iri shuri bubakiwe icyumba cyo kubafasha gukora isuku mu gihe bari mu mihango.

Yagize ati “Kiriya cyumba cyatugiriye akamaro kuko mbere najyaga mu kwezi ugasanga bimbujije kwiga, ngataha nkamara icyumweru cyose ariko aho iki cyumba cyaziye byarakemutse”.

Umukobwa ukuriye abandi muri iri shuri ngo niwe ushinzwe kwita kuri iki cyumba akamenya niba ibikoresho birimo bihagije.

Undi mukobwa wiga mu mwaka wa 2 muri iki kigo yagize ati “Icyumba cy' umukobwa icyo cyatumariye ni uko mbere iyo twajyaga mu kwezi byaduteraga isoni bigatuma tutaza kwiga ariko ubu kubera kiriya cyumba byatumye abakobwa basigaye bigira ikizere bakaza ku ishuri kiriya cyumba bakagikoresha”.

Aba bakobwa barasaba ko aho iki cyumba kitaragera Leta yabishyiramo imbaraga naho kikahagera kuko basanze gifite akamaro kanini.

Icyumba cy' umukobwa kigomba kiba gifite urumuri, kirimo igitanda na matora na kuvureri cyangwa ikiringiti, kirimo amazi meza, ubwogero, ikirori/indorerwamo, esuwime, amavuta yo kwisiga, isabune, n' ibikoresho by' isuku byo mu gihe cy' imihango (kotegisi), ijerekani y' amazi n' ibase yo kogeramo n' uburyo butuma amazi asohoka.


Icyumba cy' umukobwa cyo muri G.S. Gishubi

Umuyobozi ushinzwe Uburezi mu karere ka Gisagara Harelimana Alexis avuga ko icyumba cy' umukobwa bagishyize mu mihigo y' akarere aho buri shuri rigenerwa amafaranga ibihumbi bigera kuri 300 cyangwa 400 avuye mu ngengo y' imari y' akarere kugira ngo iki cyumba kitabweho.

Yagize ati “Buri shuri turiha ibihumbi 300 , 400 gutyo ku buryo rishobora kuhatunganya rikagura n' ibikoresho”

Iki cyumba gikomba kuba kitari ku karubanda ku buryo umwana w' umukobwa ugiyeyo abandi by' umwihariko abahungu batabimenya ko ari mu mihango.

Harelimana avuga ko kugeza ubu mu karere ka Gisagara amashuri yose yaba acumbira abanyeshuri n' afite uburezi bw' ibanze bw' imyaka 9 na 12 afite iki cyumba ati “kugeza ubu icyo turi guhangana nacyo ni ubuziranenge no kugira ngo icyo cyumba kibe cyujuje ibisabwa”.

Kugeza ubu ibigo by' amashuri bitaragira icyumba cy' umukobwa ni iby' amashuri abanza ariko nabyo ngo akarere kari gushaka uko nabyo byagira iki cyumba cyose kuko ibigo by' amashuri abanza bifite iki cyumba ari bike cyane.

Harelimana avuga ko ubukangurambaga bw' iki cyumba bwatumye imyumvire ihinduka haba ku barimu, abanyeshuri b' abahungu n' abakobwa bituma abakobwa badakomeza gusiba ishuri kubera imihango.

Ngo bituma n' ireme ry' uburezi ryiyongera ku bana b' abakobwa ati “Wasangaga umukobwa buri kwezi asiba nk' icyumweru ubu ntibikibaho. Ibyo rero bigatuma rya reme ry' uburezi ku mwana w' umukobwa ridasubira inyuma kubera atasibye amasomo kubera imihango”.

Mu karere ka Gisagara hari amashuri abanza 64, Nine na Twelve ni 29, amashuri acumbira abanyesuri ni 6 naho amashuri y' imyuga n' ubumenyi ngiro ni 7.

Nyamagabe: Meya yasuye rya shuri animateri aherutse gufatanwa umunyeshuri mu cyumba nijoro ati 'ni musigeho'

Ubu butumwa yabutanze ubwo yari yasuye abanyeshuri, abarezi n'abayobozi b'ibigo bya amashuri bya ES Kaduha na GS St Jean Bosco Kaduha kuwa 15/10/2019 agamije kuganira nabo no kubakangurira kwirinda guhohotera abana bashinzwe kurera ahubwo bakabaha uburere bwiza.

Ibi bije nyuma yaho animateur wo mu kigo cya GS St Jean Baptiste Kaduha afatanywe n'umwana w'umukobwa muri chambre mu masaha ya saa sita z'ijoro ariko bakaba barafashwe batararyamana (ataramusambanya).

Uwo murezi yafashwe n'inzego z'umutekano (police, RDF na DASSO) hamwe na RIB ubu akaba acumbikiwe na RIB kuri ya police ya Kaduha.

Meya Uwamahoro yagize ati “Ibyabaye hano mu kigo cya GS St Jean Bosco Kaduha ni amahano, guca ayo amahano ni ukongera gutanga impanuro mu mashuri ubu bukangurambaga bugamije kwerekana ko nta muntu ukwiye kubishyigikira yaba umunyeshuri byabayeho cyangwa n'undi wese byabayeho ntabivuge turamusaba kugira ubutwari bwo kubivuga kugira ngo tubone uko tubyamagana”.

Yakomeje avuga abarezi nk' abantu barerera u Rwanda rw' ejo hazaza bakwiye kwamagana ikintu cyo gusambanya abanyeshuri.

Meya Uwamahoro yijeje Abanyarwanda ko abakora iki cyaha bose bazamenyekana kandi bagahanwa.

Avuga ko ubukangurambaga nk' ubwo bakoze buzatuma ababikora bazajya bamenyekana kuko abanyeshuri bazahindura imyumvire bakajya batanga amakuru y' abarezi bitwara nabi.

Yabwiye abarimu ati “Barimu iyo umubyeyi aguhaye umwana we ngo umurere akamugusigira ku ishuri aba akugirye ikizere gikomeye aba yizeye ko hari akarusho wazana mu burere n'uburezi by'uwo mwana nimusigeho kwangiza abana b'abakobwa mubashuka nimureke tubyamagane”.

Umuyobozi w'akarere yabwiye abo barimu n'abayobozi b'ikigo ko abanyeshuri bashinzwe kurera aribo bukungu bukomeye bw'igihugu bakaba ari nabo bayobozi b'ejo hazaza bityo bakaba bagomba kubarera neza bakabigisha indangagaciro nkuko babisabwa byaba ngombwa bakanongeraho akarusho.

Yabibukije ko umurezi nyawe aba agomba kurangwa n'imyitwarire ikwiye mubo ayobora kandi yanaboneyeho kubaha impanuro za perezida wa repubulika ko ibintu bwo guhohotera abakobwa n'abagore atari ibintu bw'I Rwanda nta ndangagaciro zibirimo bityo buri wese aba agomba kubigendera kure.

Inkuru bifitanye isano : Nyamagabe: Animateri yafatiwe mu cyuho yararanye n' umunyeshuri w' imyaka 17


Zari yibasiye sosiyete y' indege ahora yibirwamo nyuma yo kwibwa parufe ihenze

By Nsanzimana Ernest

Uyu mugore wiyita Boss Lady avuga ko iyi parufe yahawe nk' impano ku munsi w' isabukuru y' amavuko yibanywe na kositimu wari kwambara agiye mu nama.

Mu butumwa yashyize kuri Instagram yavuze ko atari ubwa mbere avuriye ibintu muri iyi sosieye ifite indege ziba ziriho idarapo rya Kenya.

Yagize ati “Kenya Airlines murantengushye cyane. Ngerageza kubabera umwana mwiza ariko muhora mumpemukira. Ubushize narabyirengagije ariko uyu munsi parufe zose nahawe n' inshuti I Dubai nk' impano ku munsi wange w' amavuko zabuze. Ndambara iki ngiye mu nama”.
Yakomeje avuga ko uretse ikibazo cyo kwibwa iyi sosiyete inakereza abagenzi itabamenyesheje.

Zari yakomeje yijujuta ati “Ndashaka ko Kenya Airlines munsuzibiza ibyange tugacana umubano mu mahoro”.

Kenya Airlines yanyuze kuri Twitter ibwira Zari ko irimo gukurikirana ikibazo cye imusaba kwihangana agategereza mu gihe bari kumushakira igisubizo.

Ntiharamenyekana niba abibye ibikoresho bya Zari Hassan ari abakozi ba Kenya Airlines cynagwa niba ari abagenzi bari kumwe mu ndege.

Nyabarongo yatwaye 3 bo mu muryango umwe umwana warokotse avuga uko byagenze

By Nsanzimana Ernest

Abana uyu mugezi watwaye ni NDAYITEGEREJE Matata w' imyaka 18 na IMANISHIMWE Vincent w' imyaka 15, umubyeyi wabo witwa NZEYIMANA Charles w' imyaka 48 yabonye aba bana uruzi rubatwaye abwira umwana wa 3 wari usigaye hakurya ku nkombe za Nyabarongo ku ruhande rwa Ruhango ati “Gumaho nawe rutagutwara reka ngemo mbatabare”.

Umunyamabanga Nshingwabikorwa w' Umurenge wa Murambi UWIMANA Phanuel yatangarije UKWEZI ko amakuru bahawe n' umwana warokotse iri sanganya ari uko uyu mugabo yagiyemo abana bakamufata akabura uko abatabara n' uko avamo.
Ati “…Baramufata bamurusha imbaraga abura uko yakwiyagambura uruzi ruramutwara nawe.”

Aba bantu barohamye tariki 14 mu masaha y' umugoroba. Aba bana batatu bari bavuye kurinda umuceri mu karere ka Ruhango batashye iwabo mu murenge wa Murambi mu karere ka Karongi nk' uko bisanzwe.

Ku munsi w' ejo tariki 15 Ukwakira 2019 , ubuyobozi bw' umurenge bwohereje abantu bagera kuri 50 ngo bage gushakisha abarohamye ntibagira n' umwe babona.

Aho aba baturage barohamye bari basanzwe bahambukira bavogagira amazi abagera hejuru y' urukenyerero. Bitewe n' imvura imaze iminsi igwa bagiye kuhambukira nk' ibisanzwe bazi ko ari hagufi basanga amazi yiyongereye ahita abatwara.

Gitifu Phanuel akomeza agira ati “Umurenge wa Murambi utugari dutatu twose dukora kuri Nyabarongo. Mu nteko z' abaturage twabamenyesheje icyo kibazo kiriho, dusaba n' abaturiye inkengero ngo badufashe gushakisha.”

Abaturage baturiye Nyabarongo basabwe kudakomeza kwambukira aho babonye hose bitwaje ko bahamenyereye ahubwo bagakoresha ibiraro biri kuri Nyabarongo.

Ati “Umwana warokotse watubwiye uko byagenze yabonye ibyo bibaye ajya kunyura ku kiraro kiri nko muri kilometero 3. Niyo zaba kilometero 20 wakwemerera ukazigenda aho kugira ngo ubure ubuzima”.

Abaturage barasabwa ko igihe bagira uwo babona muri aba batwawe na Nyabarongo babimenyesha ubuyobozi.

‘Nufata umugore nabi uzaba wiyambuye amaboko yo gutera imbere' Meya Rutaburingoga

By Nsanzimana Ernest

Hari mu birori by' umunsi mpuzamahanga w' umugore wo mu cyaro byizihirijwe mu murenge wa Gishubi kuri uyu wa 15 Ukwakira 2019.

Meya Rutaburingoga yavuze ko umugore agira uruhare rukomeye mu iterambere kuko ngo ‘umugore ni umutima w' urugo' kandi ‘Ukurusha umugore akurusha urugo'.

Umuyobozi w' Akarere ka Gisagara yavuze ko gufata nabi umugore ari ukwiyambura amaboko yo gutera imbere kuko abagore ari benshi. Mu karere ka Gisagara abagore ni 51%.

Yakomeje avuga ko umugabo utita ku mugore we aba yikururira ubukene. Yunzemo ati “Ntabwo twagira umuryango umeze neza, udafite umugore ufite agaciro kandi ushoboye. Abagabo nabagira inama ko nimufata nabi abagore ari ugusubiza inyuma urugo rwanyu. Umugore rero iyo mwumvikanye mugafata neza umuryango wanyu n' Imana irabasanga ariko dushwanye nta kintu na kimwe twageraho”.

Uwizeyimana Francoise, Umuhuzabikorwa w' Inama y'Igihugu y' Abagore mu karere ka Gisagara yavuze ko ubwitabire bw' abagabo mu minsi mikuru y' abagore bukiri hasi nubwo bugenda buzamuka.

Ati “Ikigaragara ntabwo abagabo muradushyigikira mu minsi mikuru yacu. Hakenewe ubukangurambaga ariko twashimye ko hari n' abahari ubundi mbere wasangaga ari abagore gusa”.

Uwizeyimana avuga ko hari abagabo bake bashyigikira abagore ndetse bakanabafasha mu bikorwa bahuriramo nk' abagore byo gukurungira amazu.

Mujyambere Simeon umwe mu bagabo bake bitabiriye umunsi mpuzamahanga w' umugore mu cyaro yavuze ko impamvu abagabo batitabiriye ari ikibazo cy' imyumvire.

Yabwiye Ukwezi ati “Uyu munsi mukuru hari bamwe mu bagabo bavuga ngo uyu munsi ni umunsi w' abagore, twe nta jambo tukigira. Nk' ubu hano nta bagabo benshi bahari barimo barihingira ngo uyu munsi ni umunsi w' abagore bo ntibibareba. Ubu nge waje baraza kumbwira ko ndi imburamukoro”.


Majyambere Simeon

Majyambere avuga ko kwitabira umunsi mukuru w' umugore wo mu cyaro nta gisebo kirimo asaba abagabo bagenzi be ko nabo ubutaha bazitabira.

Akarere ka Gisagara gatuwe n' abaturage ibihumbi 360 abagore ni 51%. Meya Rutaburingoga yavuze ko umwaka ushize abagore bitabiriye kwaka inguzanyo muri SACCO kurusha abagabo kuko bagurijwe miliyoni 161. Mu mwaka w' ingengo y' imari 2017/2018 abatse inguzanyo muri SACCO zo muri Gisagara ni 1742 barimo abagore 908 n' abagabo 834.

Kwizihiza umunsi w' umugore wo mu cyaro byahuriranye no gutaha ku mugaragaro ibikorwa birimo Irerero ryubatswe muri G.S. Gishubi n' isoko riciriritse rya Muganza.



Iyi ECD yatwaye miliyoni zirenga 100


Iri soko rya Muganza ryuzuye ritwaye miliyoni 50. Abaricururizamo ni abagore bahoze bacururiza mu muhanda

Uko Huye iteganya guhangana n' urwobo rwa Rwabayanga rukomeje gukura rusatira umugi

By Nsanzimana Ernest

Abaturage bavuga ko inkomoko y' iki cyobo ari amazi ava mu muhanda wa kaburimbo yahayobowe n' abakoze wwo muhanda.

Bamwe mu baturage bafite impungenge ko iki cyobo kidasibwe vuba gishobora kuzahitana ubuzima bw' abantu.

Nsabimfura ukorera mu Rwabayanga yatangarije UKWEZI ko iki cyobo gikura. Ati “Iki cyobo kirakura ntabwo ari gutya cyanganaga kigenda gikura kari gatoya none kimaze gukura cyane”.

Uyu mugabo ukoresha kenshi umuhanda unyura kuri iki cyobo avuga ko bafite impungenge ko iki cyobo gishobora kuzabateza impanuka.

Ati “Iki cyobo cyahungabanya umutekano. Abantu benshi cyane hari igihe banyura hano basinze, hari igihe yagenda akarenga umuhanda agahita agwamo”.

Nsabimfura asanga iki cyobo gikwiye gusibwa mu maguru mashya ndetse avuga ko nk' abaturage biteguye gutanga umusanzu wabo mu gihe haba hateguwe umuganda rusange wo kugisiba.


Nsabimfura umwe mu bakoresha kenshi umuhanda unyura hafi icyobo kiri mu Rwabayanga

Iki cyobo magingo aya gifite ubujyakuzimu bwa metero nka 40. Abaturage bavuga ko bakurikije ubujyakuzimu bw' iki cyobo hatabayeho ku gikurikirana cyasahitana abantu cyangwa kigasenya amazu.

Umwe mu baturage baganiriye n' itangazamakuru yagize ati “Ukurije ubujyakuzimu gifite, ugakurikiza n' amazi amanuka muri ariya mataje bivuze ngo igihe icyo ari cyose nariya mataje yagenda. Amazi yose amanuka mu mugi amanukira muri iki cyobo, kandi usibye n' ayo mazu y' abaturage n' epfo imyaka y' abaturage yararengewe kubera ayo mazi”.

Undi ati “Abantu bashoboroza kuza bakareba nk' imvura yaguye nk' uku kigahita kibaridukana bakagenda”.

Abaganiriye n' itangazamakuru bavuga ko inkomoko y' iki cyobo ari amazi Abashinwa bakoze umuhanda bayoboye mu Rwabayanga.

Umuyobozi w' Akarere ka Huye Ange Sebutege avuga ko iki cyobo cya Rwabayanga kizatangira gutunganwa muri uyu mwaka w' ingengo y' imari 2019/20 ubwo hazaba hakorwa umuhanda unyura mu Rwabayanga witezweho kuzagabanya umubyigano w' imodoka mu mugi wa Huye.

Mu kiganiro aherutse kugirana n' abanyamakuru yagize ati “Dufite gahunda yo gukora uriya muhanda unyura mu Rwabayanga ugahinguka I Ngoma na kiriya cyobo kizakorwa".

Meya Sebutege avuga ko uyu muhanda gahunda yo kuwukora iri mu bikorwa bibanza birimo gutanga ingurane no gusura aho igikorwa kizabera.




Meya Sebutege avuga ko uyu muhanda ugiye gushyirwamo kaburimbo

Leta y' u Rwanda yahagaritse inama n' ubukangurambaga bikorwa mu masaha ya mu gitondo

By Nsanzimana Ernest

Itangazo ryashyizeho umukono Minisitiri w' ubutegetsi bw' igihugu Prof Shyaka Anastase rivuga ko impamvu inama n' ubukangurambaga byo mu masaha ya mu gitondo byahagaritswe ari uko bibuza abaturage gukora akazi kabo kandi bari mu gihe cy' ihinga.

RIB yaburiye abatuza batazi aho abana babo bari, ibabwira ko imaze kugarura abarenga 25 baragurishijwe

By Nsanzimana Ernest

RIB yabitangaje kuri uyu wa Mbere tariki 14 Ukwakira 2019 ubwo yari yegereje serivise zayo abaturage bo mu murenge wa Ruheru mu karere ka Nyaruguru.

Muri iyi gahunda ya RIB yo kwegereza serivise abaturage, ibashishikariza kwirinda ibyaha ikanakira abaturage bafite ibibazo by' akarengane.

Umuvugizi wa RIB Mbabazi Modeste yabwiye abaturage ko mu mwaka umwe n' amezi 6 RIB imaze ishyizweho imaze kugarura Abanyarwanda barenga 25 bari baracurujwe mu bihugu by' Abarabu.

RIB ivuga ko uretse aba 25 bari barageze hakurya y' i nyanja bakajya bagira amahirwe yo kubona itumanaho bakibwira u Rwanda Leta ikabagarura ngo hari abandi 80 bagiye bagarurirwa ku mipaka y' u Rwanda no ku kibuga cy' indege bagiye gucuruzwa.

Abaturage babwiye RIB ko batazi icyaha cyo gucuruza abantu icyo aricyo. Mbabazi ababaza niba bose bazi aho abana babo bari n' uko babayeyo, bamwe bemera ko hari abana bumva ko bari I Kigali ariko batazi uko babayeho.

RIB ivuga ko hari abantu bafata abana bakabarangira akazi mu migi itandukanye, hanyuma umukoresha w' abo bana akajya ahemba uwamwoherereje umukozi , umukozi bakamugenera intica ntikize. RIB yasobanuye ko iki nacyo ari icyaha cy' icuruzwa ry' abantu.

Yagize ati “Abana banyu mwese muzi aho baherereye? Abaturage bati ‘oya'. Ntabo mwabonye bagenda mukaba mwumva ngo bari I Kigali gusa ariko mutazi icyerekezo? Abaturage bati ‘barahari'. Ibyo nibyo nashakaga kumva none se umusonga mwahuye nawo mubabyara, kuki utabatuma kumenya aho baherereye? ('baraceceka')”.

RIB ivuga ko abacuruza abantu babizeza ubuzima bwiza, bakabashakira ibyangombwa bituma bajya I Burayi ariko bakababuza kugira uwo babibwira.

Ubu bucuruzi ngo bukorwa mu buryo bw' uruhererane, uwakuye umuntu mu cyaro yamugeza I Kigali akamuha undi, uwamukuye I Kigali yamugeza I Mombasa agasanga hariyo bagenzi be bagiye bakurwa hirya no hino mu bihugu bitandukanye.


Umuvugizi wa RIB Modeste Mbabazi aganira n' abaturage bo mu murenge wa Ruheru mu karere ka Nyaruguru

RIB ivuga ko iyo bamaze kugera I Mombasa bashakirwa amatike y' indege bakoherezwa mu bihugu by' Abarabu ntawe ugifite uburenganzira ntawe ugifite ibyangombwa bimuranga.

Kuri iki kigero ngo nibwo abantu batangira gucuruzwa byeruye nk' amatungo. Hakaza umushoramari ukeneye abacakara bo gukoresha yaba imirimo, yaba gukina filime z' urukozasoni, akareba muri abo bantu batanyijwe n' imiryango yabo agafatamo uwo yifuza akamugura amafaranga.

Bamwe muri aba bantu baba baguzwe ngo hari ubwo bakurwamo ingingo z' umubiri nk' impyiko n' umwijima bikagurishwa. Ngo umuntu uba waguze uwo muntu amukoresha icyo ashaka.

Irakoze Marthe nyuma yo kumva ikiganiro cyatanzwe na RIB yavuze ko nk' ababyeyi bagiye gufata umwanya wo kuba hafi y' abana babo cyane.

Yagize ati “Bijya bibaho abana bagata amashuri bakajya I Kigali bakagenda batabibwiye ababyeyi, ubwo twamenye ko bacuruzwa nk' ababyeyi tugomba gukora ibishoboka byose tukirinda ko abana bata amashuri bagatorongera”.

Nyirinshuti Leverien yavuze ko nk' ababyeyi gukurikirana ngo bamenye imibereho y' umwana wamaze kugera i Kigali bigoye.

Ati "Abana bajya I Kigali rero ava aha yabonye amafaranga yayakoreye mu cyayi ukazumva ngo yageze I Kigali. Impamvu tutabakurikirana rero, wava aha se ukirirwa uyerera Kigali utazi aho aharii”

Umuyobozi w' Ingabo mu karere ka Nyaruguru nawe yashimangiye ko ababyeyi badakwiye gutuza batazi aho abana babo bari kuko umwana wavuye iwabo akagenda ashobora kujya mu banzi b' igihugu agahinduka inyeshyamba.

Umuyobozi w' ingabo yashimye abaturage bo muri aka karere barimo uherutse kubona umwana we agarutse yari yaramubuze agahita amenyesha ubuyobozi ngo bumufashe kubaza umwana we aho yabaga kuko yakekaga ko uwo mwana avuye mu nyeshyamba muri Kongo.

Mu bindi byaha abaturage bakanguriwe kugendera kure harimo guha abana inzoga, gusambanya abana batarageza ku myaka 18, ubuharike no guhoza ku nkenke abo bashakanye n' icyaha cy' ubwambuzi bushukana.

RIB yasabye abaturage ko bagomba kwirinda gutanga amafaranga batarabanza gusobanukirwa neza impamvu bagiye gutanga ayo mafaranga.

Iyi gahunda ya RIB yo kwegereza abaturage serivise z' ubugenzacyaha RIB yayitangiye tariki 2 Ukwakira imaze gukorwa mu Ntara y' Iburasirazuba, Amajyaruguru ubu igeze mu Ntara y' Amagepfo izakomereza mu Ntara y' Iburengerazuba.



Muri iyi gahunda yo kwegereza abaturage serivise za RIB , izi modoka zikoresha nka sitasiyo ya RIB abaturage bakinjiramo bagatanga ibirego n' ibibazo

Dr Muvunyi yasimbujwe ku buyobozi bw' Inama y' Igihugu y' Amashuri Makuru

By Nsanzimana Ernest

Muhizi yasimbuye Dr Muvunyi Emmanuel wari umaze imyaka ibiri n' amezi 5 agizwe umuyobozi wa HEC kuko yagiye kuri uyu mwanya muri Mata 2017.

Muhizi Kageruka Benjamin yakoraga mu Kigo cy' Igihugu cy'uburezi mu Rwanda ashinzwe ireme ry'Uburezi.

Yanabaye Umuyobozi ushinzwe ibibazo by'Abanyeshuri muri Kaminuza y'u Rwanda, Ishami rya Huye mu 2014. Minisiteri y' Uburezi ntabwo yatangaje impamvu zatumye hakorwa izi mpinduka muri HEC.

Umukecuru yahubutse muri kajugujugu, abasirikare bitabajwe nyuma y' umuyaga umaze guhitana abarenga 30

By Nsanzimana Ernest

Uyu muyaga uvanze n' imvura yibasiye Ubuyapani ku wa Gatandatu umaze guhitana abantu 35 abari 17 baburiwe irengero cy' uko byatangajwe na Japantimes.

Mu ntara ya Nagano iri rwagati mu Buyapani, amazi y'imyuzure yagose gariyamoshi zizwi cyane zo mu Buyapani za 'bullet trains' ('zisongoye nk'isasu'), mu gihe indege za kajugujugu ziri 'kuroba' abaturage bari mu gihirahiro ku bisenge by'inzu.

Abasirikare bagera ku 27,000 n'abandi bakora mu bikorwa by'ubutabazi ni bo bagabwe muri ibyo bikorwa by'ubutabazi, nkuko abategetsi babivuga.

Minisitiri w'intebe Shinzo Abe yavuze ko "leta izakora uko ishoboye kose", asezeranya ko izindi ngabo nazo zizagabwa muri ibi bikorwa by'ubutabazi nibiba ngombwa.

Umukecuru yahanutse muri kajugujugu

Kuri iki cyumweru, iyi nkubi y'umuyaga yari yacishije macye iba nk'ivuye ku butaka.
Mu mujyi wa Kawagoe uri mu majyaruguru y'Ubuyapani, abakora ibikorwa by'ubutabazi bakoresheje ubwato mu gufasha abaturage bari baheze mu nzu y'abageze mu zabukuru.

Hafi ingo 150,000 zo mu gace k'umujyi wa Tokyo ubu nta muriro w'amashanyarazi n'amazi zifite. Ingendo za gariyamoshi n'iz'indege zahagaritswe kubera ubwoba ko iyi nkubi y'umuyaga ya Hagibis igiye gusubira.

Abapfuye benshi barenzweho n'ubutaka bw'imisozi yahirimye cyangwa batwarwa n'amazi y'imyuzure.

Umukecuru umwe ugeze mu kigero cy'imyaka ya za 70 yapfuye ubwo yahubukaga by'impanuka muri kajugujugu yari iri kumutabara, nkuko bitangazwa n'ibiro ntaramakuru by' Abanyamerika Associated Press.

Iyi mvura yanibasiye imyaka mu mirima ndetse n'ubuhunikiro bw'imyaka burengerwa n'imyuzure.
Umuhinzi umwe wo mu mujyi wa Higashimatsuyama, mu majyaruguru ya Tokyo, yabwiye ibiro ntaramakuru AFP ati: "Nta na rimwe twigeze tugira umwuzure nk'uyu mbere".

Mu kwezi kumwe gusa gushize, indi nkubi y'umuyaga yiswe 'Typhoon Faxai' yangije ibice bimwe by'Ubuyapani, yangiza ingo 30,000, nyinshi muri zo zikaba zitari zanasanwa.


BBC

Umuhanzi Igor Mabano yakoze impanuka, Twaganiriye n' ababonye uko byagenze [AMAFOTO]

By Nsanzimana Ernest

Iyi mpanuka yabereye mu murenge wa Kinazi mu karere ka Huye nko muri metero 200 uvuye ahitwa kuri Arrete mu karere ka Huye. Hari saa kumi z' umugoroba.

Ubwo umunyamakuru wa UKWEZI yageraga aho iyi mpanuka yabereye hari hashize iminota mike iyi mpanuka ibaye. Ababonye iyi mpanuka bavuga ko yatewe n' uko imodoka ifite purake RAE 301B ari nayo Igor Mabano yarimo yashatse kunyura ku modoka ebyiri icyarimwe igata umuhanda.

Izo modoka yashatse kunyuraho harimo ikamyo ifite purake RAB 263B n' ivatiri y' umutuku yari imbere yayo.

Umugabo wabonye iyi mpanuka yagize ati “Muri uko kudepasa yashutswe n' iki kiziba agira ngo hose nihagufi ageze imbere ahita ahura n' uyu mugunguzi bituma imodoka yibirindura”.


Igor Mabano waririmbye Urakunzwe na Dear Mashuka

Umugore umwe mu babonye mu babonye iyi mpanuka aganira na UKWEZI yagize ati “Ibintu ni amahoro icyumweru kitubereye cyiza ubwo nta mirambo iteruwe hano Imana ishimwe”.

Ahantu iyi mpanuka yabereye ni mu muhanda mwiza

Hari amakuru avuga ko umusheferi wari utwaye ikamyo yimye inzira umushoferi wa Jeep yataye umuhanda ikanyura mu kiziba gusa aya makuru ntavugwaho rumwe n' ababonye iyi mpanuka.

Igor Mabano yabwiye Inyarwanda ko ko yakoze impanuka ava gusura mushiki we ku ishuri wari wabatijwe ndetse wanahawe isakaramentu ryo gukomezwa.

Igor Mabano imodoka yari atwaye yibaranguye inshuro zirenze eshatu. Ntabwo yakomeretse mu buryo bukomeye. Ati “Ntabwo nababaye cyane! N'abantu twari turi kumwe bose bakomeretse ariko ntawagize ikibazo gikomeye cyane ku buryo yajya mu bitaro.”

Umunyamakuru wa UKWEZI yageze ahabereye impanuka ikamyo ivugwaho ko yimanye inzira igihari. Iyi kamyo ntabwo yari izimije kandi umushoferi wayo ntiyarayirimo. Igor Avuga ko iyi kamyo ikimara kumukoresha impanuka umushoferi wayo yahise avamo arahunga.

Abapolisi babiri bari kuri Arrete bahise bajya aho iyi mpanuka yabereye batangira iperereza ku cyayiteye.







‘Kugaragaza ko umugore akomeye singombwa kumwerekana akubita abagabo' Angelina Jolie

By Nsanzimana Ernest

Uyu mukinnyi wa filime wo muri Amerika - ukina no muri filime Maleficent: Mistress of Evil - yanavuze ko abakinnyi ba filime b'abagore badakwiye kugaragazwa nk'abantu bafite imbaraga z'umubiri kugira ngo bakunde baboneke ko bakomeye.

Aganira n'abanyamakuru mu imurika ry'iyo filime, Jolie yagize ati: "Ntekereza ko, kenshi cyane, iyo hari kubarwa inkuru igira iti, 'uyu ni umugore ukomeye', agomba kuba akubita umugabo, cyangwa agomba kumera nk'umugabo, cyangwa agomba kumera nkaho adacyeneye umugabo".

Akomoza ku byo akina muri iyo filime ndetse no kuri Princess Aurora ukinwa na Elle Fanning, Jolie yagize ati: "Twembi ducyeneye cyane kandi dukunda ndetse tukigira ku bagabo. Rero ntekereza ko ari n'ubutumwa bw'ingenzi ku bakobwa bakiri bato, gutahura ububasha bwabo, ariko bakubaha ndetse bakanigira ku bagabo bari hafi yabo".

Yongeyeho ati: "Dufite abagore bakomeye, ariko ikintu kitari cyo muri filime kandi gikwiye gukurwamo nanone ni umugore".Tugaragaza abagore b'ingeri zitandukanye, hagati yacu, ariko nanone dufite abagabo badasanzwe muri filime, kandi rwose iyo ngingo ndashaka kuyishimangira".

Filime Maleficent: Mistress of Evil - ikomeza inkuru ya filime Maleficent yo mu mwaka wa 2014 - izasohoka mu Bwongereza mu mpera y'uku kwezi kwa cumi.
Irimo abandi bakinnyi nka Ed Skrein, Chiwetel Ejiofor na Michelle Pfeiffer.
Ku wa gatatu w'iki cyumweru nibwo iyi filime yamuritswe mu murwa mukuru London.

Dr Muvunyi yasimbujwe ku buyobozi bw' Inama y' Igihugu y' Amashuri Makuru

By Nsanzimana Ernest

Muhizi yasimbuye Dr Muvunyi Emmanuel wari umaze imyaka ibiri n' amezi 5 agizwe umuyobozi wa HEC kuko yagiye kuri uyu mwanya muri Mata 2017.

Muhizi Kageruka Benjamin yakoraga mu Kigo cy' Igihugu cy'uburezi mu Rwanda ashinzwe ireme ry'Uburezi.

Yanabaye Umuyobozi ushinzwe ibibazo by'Abanyeshuri muri Kaminuza y'u Rwanda, Ishami rya Huye mu 2014. Minisiteri y' Uburezi ntabwo yatangaje impamvu zatumye hakorwa izi mpinduka muri HEC.

Zari yibasiye sosiyete y' indege ahora yibirwamo nyuma yo kwibwa parufe ihenze

By Nsanzimana Ernest

Uyu mugore wiyita Boss Lady avuga ko iyi parufe yahawe nk' impano ku munsi w' isabukuru y' amavuko yibanywe na kositimu wari kwambara agiye mu nama.

Mu butumwa yashyize kuri Instagram yavuze ko atari ubwa mbere avuriye ibintu muri iyi sosieye ifite indege ziba ziriho idarapo rya Kenya.

Yagize ati “Kenya Airlines murantengushye cyane. Ngerageza kubabera umwana mwiza ariko muhora mumpemukira. Ubushize narabyirengagije ariko uyu munsi parufe zose nahawe n' inshuti I Dubai nk' impano ku munsi wange w' amavuko zabuze. Ndambara iki ngiye mu nama”.
Yakomeje avuga ko uretse ikibazo cyo kwibwa iyi sosiyete inakereza abagenzi itabamenyesheje.

Zari yakomeje yijujuta ati “Ndashaka ko Kenya Airlines munsuzibiza ibyange tugacana umubano mu mahoro”.

Kenya Airlines yanyuze kuri Twitter ibwira Zari ko irimo gukurikirana ikibazo cye imusaba kwihangana agategereza mu gihe bari kumushakira igisubizo.

Ntiharamenyekana niba abibye ibikoresho bya Zari Hassan ari abakozi ba Kenya Airlines cynagwa niba ari abagenzi bari kumwe mu ndege.

Nyabarongo yatwaye 3 bo mu muryango umwe umwana warokotse avuga uko byagenze

By Nsanzimana Ernest

Abana uyu mugezi watwaye ni NDAYITEGEREJE Matata w' imyaka 18 na IMANISHIMWE Vincent w' imyaka 15, umubyeyi wabo witwa NZEYIMANA Charles w' imyaka 48 yabonye aba bana uruzi rubatwaye abwira umwana wa 3 wari usigaye hakurya ku nkombe za Nyabarongo ku ruhande rwa Ruhango ati “Gumaho nawe rutagutwara reka ngemo mbatabare”.

Umunyamabanga Nshingwabikorwa w' Umurenge wa Murambi UWIMANA Phanuel yatangarije UKWEZI ko amakuru bahawe n' umwana warokotse iri sanganya ari uko uyu mugabo yagiyemo abana bakamufata akabura uko abatabara n' uko avamo.
Ati “…Baramufata bamurusha imbaraga abura uko yakwiyagambura uruzi ruramutwara nawe.”

Aba bantu barohamye tariki 14 mu masaha y' umugoroba. Aba bana batatu bari bavuye kurinda umuceri mu karere ka Ruhango batashye iwabo mu murenge wa Murambi mu karere ka Karongi nk' uko bisanzwe.

Ku munsi w' ejo tariki 15 Ukwakira 2019 , ubuyobozi bw' umurenge bwohereje abantu bagera kuri 50 ngo bage gushakisha abarohamye ntibagira n' umwe babona.

Aho aba baturage barohamye bari basanzwe bahambukira bavogagira amazi abagera hejuru y' urukenyerero. Bitewe n' imvura imaze iminsi igwa bagiye kuhambukira nk' ibisanzwe bazi ko ari hagufi basanga amazi yiyongereye ahita abatwara.

Gitifu Phanuel akomeza agira ati “Umurenge wa Murambi utugari dutatu twose dukora kuri Nyabarongo. Mu nteko z' abaturage twabamenyesheje icyo kibazo kiriho, dusaba n' abaturiye inkengero ngo badufashe gushakisha.”

Abaturage baturiye Nyabarongo basabwe kudakomeza kwambukira aho babonye hose bitwaje ko bahamenyereye ahubwo bagakoresha ibiraro biri kuri Nyabarongo.

Ati “Umwana warokotse watubwiye uko byagenze yabonye ibyo bibaye ajya kunyura ku kiraro kiri nko muri kilometero 3. Niyo zaba kilometero 20 wakwemerera ukazigenda aho kugira ngo ubure ubuzima”.

Abaturage barasabwa ko igihe bagira uwo babona muri aba batwawe na Nyabarongo babimenyesha ubuyobozi.

‘Nufata umugore nabi uzaba wiyambuye amaboko yo gutera imbere' Meya Rutaburingoga

By Nsanzimana Ernest

Hari mu birori by' umunsi mpuzamahanga w' umugore wo mu cyaro byizihirijwe mu murenge wa Gishubi kuri uyu wa 15 Ukwakira 2019.

Meya Rutaburingoga yavuze ko umugore agira uruhare rukomeye mu iterambere kuko ngo ‘umugore ni umutima w' urugo' kandi ‘Ukurusha umugore akurusha urugo'.

Umuyobozi w' Akarere ka Gisagara yavuze ko gufata nabi umugore ari ukwiyambura amaboko yo gutera imbere kuko abagore ari benshi. Mu karere ka Gisagara abagore ni 51%.

Yakomeje avuga ko umugabo utita ku mugore we aba yikururira ubukene. Yunzemo ati “Ntabwo twagira umuryango umeze neza, udafite umugore ufite agaciro kandi ushoboye. Abagabo nabagira inama ko nimufata nabi abagore ari ugusubiza inyuma urugo rwanyu. Umugore rero iyo mwumvikanye mugafata neza umuryango wanyu n' Imana irabasanga ariko dushwanye nta kintu na kimwe twageraho”.

Uwizeyimana Francoise, Umuhuzabikorwa w' Inama y'Igihugu y' Abagore mu karere ka Gisagara yavuze ko ubwitabire bw' abagabo mu minsi mikuru y' abagore bukiri hasi nubwo bugenda buzamuka.

Ati “Ikigaragara ntabwo abagabo muradushyigikira mu minsi mikuru yacu. Hakenewe ubukangurambaga ariko twashimye ko hari n' abahari ubundi mbere wasangaga ari abagore gusa”.

Uwizeyimana avuga ko hari abagabo bake bashyigikira abagore ndetse bakanabafasha mu bikorwa bahuriramo nk' abagore byo gukurungira amazu.

Mujyambere Simeon umwe mu bagabo bake bitabiriye umunsi mpuzamahanga w' umugore mu cyaro yavuze ko impamvu abagabo batitabiriye ari ikibazo cy' imyumvire.

Yabwiye Ukwezi ati “Uyu munsi mukuru hari bamwe mu bagabo bavuga ngo uyu munsi ni umunsi w' abagore, twe nta jambo tukigira. Nk' ubu hano nta bagabo benshi bahari barimo barihingira ngo uyu munsi ni umunsi w' abagore bo ntibibareba. Ubu nge waje baraza kumbwira ko ndi imburamukoro”.


Majyambere Simeon

Majyambere avuga ko kwitabira umunsi mukuru w' umugore wo mu cyaro nta gisebo kirimo asaba abagabo bagenzi be ko nabo ubutaha bazitabira.

Akarere ka Gisagara gatuwe n' abaturage ibihumbi 360 abagore ni 51%. Meya Rutaburingoga yavuze ko umwaka ushize abagore bitabiriye kwaka inguzanyo muri SACCO kurusha abagabo kuko bagurijwe miliyoni 161. Mu mwaka w' ingengo y' imari 2017/2018 abatse inguzanyo muri SACCO zo muri Gisagara ni 1742 barimo abagore 908 n' abagabo 834.

Kwizihiza umunsi w' umugore wo mu cyaro byahuriranye no gutaha ku mugaragaro ibikorwa birimo Irerero ryubatswe muri G.S. Gishubi n' isoko riciriritse rya Muganza.



Iyi ECD yatwaye miliyoni zirenga 100


Iri soko rya Muganza ryuzuye ritwaye miliyoni 50. Abaricururizamo ni abagore bahoze bacururiza mu muhanda

❌