WebRwanda.com

🔒
❌
There are new available articles, click to refresh the page.
Today — November 17th 2019UMUSEKE

Karongi: Umupolisi ‘afunzwe akurikanyweho’ gusambanya umunyeshuri ku gahato

By Jean Pierre Nizeyimana

Umupolisi warindiraga umutekano w’aho ibizamini bibitswe aravugwaho gusambanya umwe mu bakobwa biga muri Ecole Secondaire Gasenyi. Iki kigo giherereye mu kagari ka Byogo, Umurenge wa Mutuntu mu karere ka Karongi. Bivugwa ko nyuma y’uko bimenyekanye uriya mupolisi yatawe muri yombi n’Urwego rw’igihugu rw’ubugenzacyaha, RIB.

Umupolisi ukekwaho gusambanya umwana yaraye atawe muri yombi na RIB

Umukobwa uvugwaho gusambanywa ngo afite imyaka 17 y’amavuko kuko yavutse muri 2002.

Umuyobozi w’Akagari ka Byogo witwa Pelagie Nyiranzabahimana yabwiye Umuseke ko ubwo yari atashye nijoro ahagana saa moya yahuye n’imodoka ya RIB iherekejwe niya Polisi biva kuri kiriya kigo akibaza icyahabaye.

Ati: “Nageze muri Nyabahanga mu muhanda uzamuka ujya kuri icyo kigo mpura n’imodoka ya RIB iri kumwe na Polisi hari mu masaha ya nimugoroba ariko nta bintu namenye ku cyabaye ubu nibwo ngiye kubikurikirana.”

Umuvugizi wa RIB ku rwego rw’igihugu Marie Michelle Umuhoza yemeje ariya makuru avuga ko byamenyekanye mu ijoro ryakeye.

Umuhoza ati: “Nibyo ayo makuru yamenyekanye ejo kandi Urwego rw’igihugu rw’ubugenzacyaha rwafunguye idosiye kuri iki cyaha. Ubu iperereza twaritangiye kuri uriya mupolisi.”

Marie Michelle Umuhoza avuga ko ‘amakuru bahawe avuga ko uriya mupolisi yasambanyije umwana urimo ukora ikizamini.’

Ku rundi ruhande ariko Umuhoza avuga ko kiriya cyaha gifite indi nyito ariyo ‘gukoresha umuntu imibonano mpuzabitsina ku gahato’, uko ngo niko icyaha kitwa.

Umuvugizi wa RIB asaba Abanyarwanda bose kwirinda ibyaha kuko ntawe uri hejuru y’itegeko.

Ati: “ Ugira ngo ibyaha byose ntibikwiye kwamaganwa! Turasaba buri Munyarwanda wese kwirinda ibyaha kuko amategeko yo arahari kandi azubahirizwa.”

Minisiteri y’ubutabera iherutse kwandika kuri Twitter iti: Ihohoterwa rishingiye ku gitsina ni igikorwa cyose kigira ingaruka mbi ku muntu haba ku mubiri, mu mitekerereze, ku myanya ndangagitsina no ku mutungo. Ni icyaha gihanwa n’amategeko, by’umwihariko uwahohoteye umwana ashobora guhanishwa igifungo cya burundu.”

Minisiteri kandi yongeye kuburira abantu bose bumva ko bahishira uwakoze icyaha, ibibutsa ko kubikora nabyo bihanwa n’amategeko.

Tweet igira iti:  “Kugira amakuru y’icyaha cyakozwe ntuyatange birahanirwa; abahishira amakuru ku bahohoteye abana bahinduke batange amakuru. Abasambanya abana nabo iminsi yabo irabaze!Guhunga cyangwa gutanga ruswa mu buryo bumwe cyangwa ubundi ntibababuza gukurikirwanwa n’ubutabera.”

Perezida wa Repubulika Paul Kagame ubwo aheruka kugeza ijambo ku bagize Biro Politiki y’ Umuryango FPR Inkotanyi bari bateraniye mu ngoro yawo iri mu murenge wa Rusororo mu Karere ka Gasabo ku Italiki 14, Nzeri, 2019 yongeye kwamagana abahohotera abakobwa n’abagore, avuga ko ibyo bakora ubusanzwe ari amahano mu muco w’Abanyarwanda.

Icyo gihe yagize ati: ” Ariko ubundi iyo mico yo guhohotera abagore yavuye he? Ko atari iya Kinyarwanda! Mu muco wacu twubaha umuntu wese, twubaha umuntu mukuru, twubaha umwana…byagera ku mubyeyi ho bikaba akarusho…”

Umukuru w’igihugu icyo gihe yavuze ko kudakemura ikibazo cy’ihohotera bidindiza iterambere.

Perezida Kagame yabwiye abagize Biro Politiki ya FPR-Inkotanyi ko guhohotera umuntu uwo ariwe wese bitari mu muco w’Abanyarwanda, abasaba kubirwanya kuko bidindiza iterambere

Jean Pierre NIZEYIMANA

UMUSEKE.RW

Nizeyimana Mirafa yatowe nk’umukinnyi w’ukwezi muri Rayon Sports

By Jean Pierre Nizeyimana

Nizeyimana Mirafa ni we watangajwe nk’umukinnyi wahize abandi m’Ukwakira 2019 mu bihembo bitangwa na Fan club ya March Generation.

Nizeyimana Mirafa niwe wahembye nk’umukinnyi mwiza wa Rayon w’ukwezi

Buri kwezi Rayon Sports ihemba umukinnyi witwaye neza kurusha bagenzi be.  Kuri uyu wa Gatandatu tariki 16 Ugushyingo 2019, nibwo habaye Iki gikorwa ngarukakwezi cyo guhemba abakinnyi ba Rayon Sports cyatangijwe n’Itsinda ry’abafana ryitwa ‘March Generation’

Nizeyimana Mirafa ukina hagati mu kibuga muri Rayon Sports wegukanye iki gihembo bwa mbere mu gihe kiri hafi kungana n’umwaka  amaze akinira Rayon.

Yemeje ko ari igihembo gituma abakinnyi bakora cyane kugira ngo bagihabwe kandi bigatuma abakinnyi barushaho kuba inshuti n’ abafana babo.

Ati: “Ni ubwa mbere negukanye iki gihembo, abandi baragitwaraga nanjye bikantera imbaraga zo gukora cyane ngo nzagitware. Ndishimye kandi ndashimira abategura iki gikorwa kuko gitera imbaraga abakinnyi ndetse kigatuma bisanga mu bafana b’ikipe.”

Iradukunda Eric bakunda kwita Radou  akaba myugariro wa Rayon Sports ni we uheruka kwegukana iki gihembo naho Sarpong Michael akaba ari we wahembwe nk’umukinnyi w’umwaka.

Mirafa Nizeyimana( [email protected])

Jean Paul MUGABE

UMUSEKE.RW

Cameroon yakoze imyitozo i Kigali, ntibishimiye ikibuga ariko bizeye gutsinda Amavubi

By Ange Eric Hatangimana

Ku mugoroba wo kuri uyu wa Gatandatu tariki ya 16 Ugushyingo, 2019 mu kiganiro umutoza w’ikipe y’igihugu ya Cameroon, António Conceição yagiranye n’Umuseke nyuma y’imyitozo ya nyuma yabereye kuri Stade ya Kigali, yavuze ko agomba gutsinda Amavubi kuri iki cyumweru saa 18h00 kuko yize bihagije imikinire yayo, gusa ikibuga bazakiniraho yavuze ko ari kibi.

Kabuhariwe Choupo-Moting ukinira Paris Saint Germain mu Bufaransa yimenyereza ikibuga k’i Nyamirambo

António Conceição da Silva Oliveira ni uwo muri Portugal, akaba umutoza wa  Cameroon. Yatangaje ko afitiye abakinnyi be ikizere ko bazatsindira Amavubi i Kigali mu mukino wa kabiri mu itsinda bashaka itike mu mikino y’igikombe cya Africa.

Yagize ati: ”Amakuru make twabashije kubona ku ikipe y’u Rwanda ku mbunga nkoranyambaga n’ubwo adahagije, ni ikipe iba ishaka gutsinda cyane iyo ikinira ku kibuga cy’ubwatsi bw’ubukorano cyayo, ariko nizeye ubuhanga bw’abakinnyi banjye kandi mbafitiye ikizere ko tuzagira umukino mwiza by’umwihariko tugatsinda.”

Cameroon irakina uyu mikino byo kurangiza umuhango kuko ifite itike yo kuzakina igikombe cya Afrika kuko ari yo izakira iyi mikino.

Umukino wa Cameroon n’Amavubi uratangira saa 18h00 i Kigali, u Rwanda ruheruka gutsindirwa i Maputo 2-0, naho Cameroon yanganyije n’ibirwa bya Cape Verde 0-0.

António Conceição  yagize ati: “Bizatugora gukinirira kuri iki kibuga, ntabwo ari kiza pe. Ubwatsi bwacyo bw’ubukorano ni ubwa kera, gushaka itike muri iyi mikino y’igikombe cya Afrika ku kibuga nk’iki ntabwo byoroshye.”

Cameroon yakoze ku bikonyozi birimo kapiteni ukinira Paris Saint-Germain mu Bufaransa Jean-Eric Maxim Choupo-Moting ukina asatira izamu nka nomero 9 cyangwa agakina inyuma ya rutahizamu nka nomero 10.

António Conceição da Silva Oliveira umutoza wa Cameron ntiyishimiye ikibuza cya Stade ya Kigali

Jean-Eric Maxim Choupo-Moting ni umukinnyi ukomeye

Nyuma y’imyitozo ya nyuma ni ugutegereza uko ikipe ya Cameroon iza kwisobanura n’Amavubi

Amafoto: Kubwayo Adrien

Jean Paul MUGABE
UMUSEKE.RW

Muhanga: FPR ku rwego rw’Utugari ngo ntikora  biratuma ibibazo bibangamiye abaturage byiyongera

By Ange Eric Hatangimana

Mu nteko rusange y’Umuryango FPR-Inkotanyi kuri uyu wa Gatandatu, Abanyamuryango ku rwego rw’Akarere n’Intara y’Amajyepfo banenze abayobozi bayo ku rwego rw’Utugari kugira imikorere idahwitse ituma ibibazo bibangamiye Imibereho myiza y’abaturage bidakemuka.

Mutakwasuku Yvonne wabaye Mayor wa Muhanga ni umwe mu Banyamuryango ba FPR-Inkotanyi avuga ko hari Umusanzu w’ibikoresho baguze bigomba kunganira Ibitaro bya Kabgayi

Bashingiye ku ibarura ryakozwe muri Nzeli 2019, rigaragaza ko abaturage 478 bakeneye kubakirwa inzu mu gihe hubatswe izigera ku 126.

Aba banyamuryango banavuze ko hakiri abana 316 bafite ikibazo k’imirire mibi, n’umubare munini w’abadafite ubwiherero ndetse n’ababufite bukaba butujuje ibyangombwa.

Chairperson w’Umuryango FPR Inkotanyi ku rwego rw’Intara y’Amajyepfo, Vuganeza Aron avuga ko bahawe raporo ko Inzego z’Umuryango ku Tugari zidakora neza kuko ari zo zakabaye zifata iya mbere mu gukemura ibibazo bibangamiye imibereho y’abaturage.

Ati: “Turasaba izi Nzego ko zikubita agashyi zikanoza imikorere zita cyane ku bibazo by’abaturage.”

Uzanyamahoro Emmanuel ni Chairperson mu Kagari ka Ruhina, Umurenge wa Kiyumba yabwiye Umuseke ko hari bamwe  mu Banyamuryango bakeneye amahugurwa kuko iyo bahawe inyigisho z’Umuryango bibasigira ubumenyi ku mikorere yawo.

Ati: “Ubuhwituzi bugomba guhera no mu Midugudu kuko hari abasa n’abasinziriye batuzuza inshingano neza.”

Yavuze ko bagiye gukosora iyi myitwarire, ibifitiye abaturage akamaro bakaba ari byo bashyira imbere.

Chairperson Mushya watorewe kuyobora Umuryango FPR ku rwego rw’Akarere, Kayitare Jacqueline avuga ko ibi bibazo bibangamiye Imibereho y’abaturage bidahangayikishije Umuryango gusa, ahubwo ngo binahangayikishije Inzego zitandukanye z’Igihugu.

Akavuga ko bagiye kwegera izi Nzego kugira ngo bitarenze uyu mwaka wa 2019 ibibazo bizabe byarangiye.

Muri iyi nteko rusange y’Umuryango RPF-Inkotanyi bavuze ko Umurenge wa Nyamabuye, Shyogwe na  Mushishiro  ari yo ifite Umubare munini w’abana bafite ikibazo k’imirire mibi bakeneye kwitabwaho by’umwihariko.

Chairperson  Kayitare Jacqueline asimbuye kuri uyu mwanya Uwamariya Béatrice wari uwumazeho imyaka itatu, akaba yatowe ku bwiganze bw’amajwi 83%, hanatowe Komiseri ushinzwe Ubukungu mu rugaga rw’Urubyiruko rushamikiye kuri RPF Inkotanyi, Mukunzenkase Jean de Dieu watowe ku majwi 73%.

Uwa kabiri iburyo Chairperson ucyuye igihe Uwamariya Beatrice n’abandi Bayobozi ba FPR – Inkotanyi ku rwego rw’Intara n’Akarere ka Muhanga

Uzanyamahoro Emmanuel Chairperson w’Akagari ka Ruhina mu Murenge wa Kiyumba avuga ko bagiye gukosora iyi myitwarire ibavugwaho, bagashyira Imbere inyungu z’Abaturage.

Bamwe mu Banyamuryango ba FPR ku rwego rw’Akarere ka Muhanga.

MUHIZI ELISEE
UMUSEKE.RW/Muhanga.

Abifuza gutanga impano z’iminsi mikuru bashonje bahishiwe muri SMART DESIGN

By Ange Eric Hatangimana

Hari ubwo umuntu agirirwa ineza akifuza kugaragariza uwayimugiriye ko yanyuzwe amugenera impano. Ikigo cy’ubucuruzi SMART DESIGN gikomeje kugira umwihariko mu gutanga serivisi zo guhemba no gushimira abakoze neza muri ibi bihe umwaka uri mu mpera zawo.

Smart Design ni kabuhariwe mu kwandika ku macupa

Ubu buryo bukorwa hagendewe ku byifuzo by’umukiriya, agahabwa serivisi mu gihe gito kandi akanafashwa kuzatanga impano ye mu buryo bunoze.

Ku bifuza gushimira abantu muri izi mpera z’umwaka, SMART DESIGN iborohereza kubona ibihembo kugira ngo biture ineza bagiriwe, bakanabandikiraho amagambo aberanye n’ibyifuzo byabo.

Hari abakozi babyigiye bakora ibintu binyuranye byihariye kandi byujuje umwimerere birimo kwandika no gushyira ibirango ku kintu runaka, nk’igihembo, imyambaro, matase n’ibindi.

SMART DESIGN itanga serivisi zo kwandika ku mipira ijyanye n’iminsi mikuru itandukanye, ndetse no gushyira ibirango bimenyekanisha ibyo ukora ku bikoresho bitandukanye.

Iki kigo kandi kiributsa abakigana ko gifite imashini yandika ku macupa yifashishwa cyane mu gutwara amazi meza yo kunywa, amacupa abika ubushyuhe, udukoresho two gutwarwaho imfunguzo dukoze mu biti, ibirahure bitandukanye n’ibindi.

Imashine bakoresha ifite umwihariko wo kwandika ku mabuye ndetse ikanashushanya ishusho y’umuntu ku bikoresho bitandukanye mu buryo bunogeye ijisho.

Umuyobozi ushinzwe iyamamaza bikorwa muri SMART DESIGN, avuga ko ababagana bazahabwa izi serivisi zose iki kigo gitanga ku giciro kiza kandi kinogeye buri wese ku buryo utatahira amara masa wahageze.

Ibindi byinshi kuri Smart Design rebera hano http://smartdesign.rw/

Bandika ku bikoresha bitandukanye harimo na emballage

Ushaka gutungura umukunzi ukamuha impano bayikwandikiraho

Kwandika ku bihembo na byo Smart Design irabikora

NSHIMIYIMANA Dieudonné
UMUSEKE.RW

 Uburezi ku mwana muto ni kimwe mu bimufasha mu mikurire – Mme Freya De Clercq

By Ange Eric Hatangimana

Gasabo: Ku rusengero rwa Assembely Of God Kimihurura, abana barangije umwaka wa mbere w’inshuke, Mme Freya De Clercq wari uhagarariye Dr. Anita Asiimwe Umuhuzabikorwa wa Porogaramu y’Igihugu Mbonezamikurire y’abana bato, yavuze ko mu mikurire myiza y’umwana muto harimo n’ibijyanye n’uburezi.

Abayobozi b’ishuri bishimana n’abana mu munsi mukuru

Yashimye Pasitori Christine Gatabazi ko yashyizeho iri shuri, ngo ni umusanzu muri gahunda mbonezamikurire y’abana (ECD Progame).

Mme Freya yavuze ko kwita ku mikurire y’umwana muto harimo n’uburezi, avuga ko ababyeyi bagenda bumva gahoro gahoro gahunda yo gutangiza abana mu mashuri y’inshuke.

Ati “Aya mashuri agitangira abana bayigagamo bari 4100 ariko ubu bararenga 15 000, nk’igihugu turifuza ko mu kerekezo cya 2050, abana bose bazaba bajya gutangira amashuri abanza nibura barize amasuri y’inshuke ariko byose bizaturuka ku myumvire y’ababyeyi.”

Eliyeri Rugwizangoga uhagarariye ababyeyi muri New Generation Academy yavuze ko ari ba mbere bazanye abana ku ishuri kubera intumbero abayobozi b’ishuri bari bafite, ndetse n’abarezi babigishaga.

Ati “Hari ibikoresho bazanye bifasha abana kwiga, mbibonye mbona bijyanye n’ibyo umwana wange yakwiga kandi agafata. Umwaka umwe umwana wange amaze hano avuga neza Icyongereza, Igifaransa ndetse n’Ikinyarwanda, kandi afite imyaka itanu. Ni amahirwe akomeye cyane kurerera muri iri shuri.”

Mme Iribagiza Dyna uyobora New Generation Academy yabwiye Umuseke ko ari ishuri rimaze umwaka ritangiye kandi rikaba rifite indangagaciro za gikirisitu.

Ati “Rifite intego yo guha abana uburezi busanzwe ariko bakanahabwa indangagaciro za gikirisito, ibyo twigisha byose harimo n’isomo ry’iyobokamana.”

Yavuze ko bafite ikerekezo cyo kubaka uburezi bwuzuye ariko abana bakazakura bashobora kugaragaza Kristo mu buzima bwabo kandi bakaba abana bafite umutima ukunda igihugu.

Iribagiza Dyna yavuze ko bakira abana bato nubwo baba bataratangira ikiburamwaka, barakirwa ariko bagera igihe cyo gutangira bakigana n’abandi.

Umuyobozi w’iri shuri yakanguriye ababyeyi kuzana abana kuhiga abizeza ko bazahabwa ireme ry’uburezi bwuzuye.

Nomero ya Telefoni igendanwa +250 788 679 498 cyangwa  E-mail: [email protected] byagufasha kumenya andi makuru kuri ririya shuri riri muri Gasabo, ku muhanda KG28 Kimihurura.

Madam Fraya avuga mu izina ry’Umuyobozi wa Gahunda Mbonezamikurire mu bana, yasabye ababyeyi kwitabira amashuri y’inshuke

Abana barangije hariya ngo bafite ubumenyi mu kuvuga indimi z’amahanga

Pastor Gatabazi Jean umwe mu bagize igitekerezo cyo gushyiraho iri shuri

Abana bakina agakino k’ubuvanganzo (ikinamico) mu rwego rwo gushimisha abari hariya

Mme Fraya atanga seritifika ku bana barangije amashuri y’inshuke

Iribagiza Dyna uyobora iri shuri avuga ko ritanga uburezi buherekejwe n’indangagaciro za Gikiristu

[email protected] MAX Justin

Jean Paul NKUNDINEZA
UMUSEKE.RW

Mu mukino wabanjirijwe n’amagambo akomeye, Rayon Sports yatsinze Gasogi United 3-1

By Ange Eric Hatangimana

Ni umukino wa gicuti wabaye ku mugoroba wo kuri wa gatanu aho Rayon Sports yamurikaga umwambaro mushya izambara muri uyu mwaka w’imikino, mbere y’umukino Umuyobozi wa Gasogi United, KNC yari yavuze ko nta kabuza yandagaza Rayon Sports, imvugo yatandukanye umukino urangira Rayon itsinze 3-1.

Umukino w’ishyaka warangiye Rayon Sports ari yo itsinze

Ikipe y’Ubururu n’Umweru nk’uko abakunzi ba Rayon Sports biyita, yabanje gufata umwanya wo kwibuka abahoze ari abakinnyi bayo bitabye Imana mu bihe bitandukanye barimo NDIKUMANA Hamad Katawuti, HATEGEKIMANA Gangi, ZAPI Mora (Witabye Imana muri iki cyumweru).

Aba bakinnyi batatu bapfiriye ku itariki imwe n’ubwo imyaka itandukanye, bose bitabye Imana ku itariki ya 15 Ugushyingo.

ZAPI Mora na we yitabye Imana tariki 15/11/2019.

Rayon Sports yibutse n’umunyezamu wayo MUTUYIMANA Evarste na we witabye Imana muri NZERI 2017.

Nyuma yo kubibuka umukino waratangiye ku isaha ya Saa moya z’umugoroba umusifuzi yatangije umukino n’amateka wiswe Rayon Soports Day.

Gasogi United yatanze Rayon Sports kwinjira mu mukino mu minota ya mbere umukinnyi wa Gasogi witwa DUSABE Jean Claude yatsinze igitego cyaturutse ku umunyezamu wa Rayon Sports, witwa NSENGIYUMVA Emmanuel utari ahagaze neza biba 1-0.

Perezida wa Gasogi United, NKURIZA uzwi nka KNC yahise yiterera mu kirere, kuko mbere yari yavuze ko Rayon ayitsinda.

Ibyishimo bye n’abakunzi ba Gasogi byamaze igihe gito, BIZIMANA Yannick winjiye mu kibuga asimbuye bitunguranye kuko MUGISHA Gilbert yari agize imvune, yishyuye igitego.

UmunyaCote d’Ivoire uri mu igerageza muri Rayon Sports witwa, Drissa Dagnogo yatsinze igitego cya kabiri cya Rayon Sports igice cya mbere gihita kirangira.

Ikipe zombi zagiye kuruhuka Stade ririmba Murera nyuma y’uko Rayon Sports yari ifite 2-1.

Mu gice cya kabiri ikipe zombi zagarutse Rayon Sports ikomeza kotsa igitutu Gasogi United ku munota wa 51 myugariro RUGWIRO Herve yatereye ishoti rikomeye kure hafi imbere y’umurongo ugabanyamo ikibugamo kabiri, Rayon itsinda igitego cya gatatu, biba 3-1.

Rayon Sports yakomeje kotsa igitutu Gasogi United, ariko amahirwe menshi SEKAMANA Maxime yagiye ayahusha agera kuri atatu.

KNC yagiye avuga amagambo menshi mbere y’umukino bigatuma ushyuha cyane, ndetse benshi bari ku kibuga baje kureba uko ikipe ziza kwitwara, dore ko mu mukino wa Shampiyona Gasogi United yari yabashije kunganya na Rayon Sports.

Umunyezamu wari urindiye Rayon Sports yakoze ikosa kare cyane rihita rivamo igitego cya Gasogi

Gasogi United yishimira kuyobora umukino 1-0

Abafana bari bategereje kureba niba Gasogi United yungamo igatsinda, cyangwa Rayon Sports ikishyura

Abatoza ba Gasogi United na bo ntabari bazi igikurikiraho

KNC yabanje kwishima ariko nyuma birahinduka Gasogi United imaze kwishyurwa

Umuyobozi wa Rayon Sports watekereje uyu mukino yatashye yishimye nyuma yo gutsinda Gasogi United

[email protected] MAX Justin

Jean Paul NKUNDINEZA
UMUSEKE.RW    

U Rwanda rushaka amohoro, rukabana n’amahanga, rugahahirana na yo mu bwubahane – Kagame

By Ange Eric Hatangimana

Mu ishuri rya Gisirikare rya Gako, Perezida Paul Kagame yatanze ipeti rya Sous Lieutenant ku basore n’inkumi 320, yabasabye guharanira amahoro bakoresheje ubumenyi bahawe, akaba yavuze ko u Rwanda rushaka amahoro kandi rukabana neza n’amahanga, rugahahirana na yo mu bwubahane.

Perezida Paul Kagame atemberezwa mu masibo anyuranye ya ba Offisiye barangije amasomo yabo

Abasoje Kaminuza bamaze umwaka, bane bigiye mu mahanga, abandi bamaze imyaka ine biga amasomo ya gisirikare.

Perezida Paul Kagame kuri uyu wa gatandatu tariki 16 Ugushyingo yashimiye aba ba Offisiye basoje umurimo, avuga ko bakoze.

Ati “Abasoje amasomo amaze umwaka, n’abamaze imyaka ine, bose basabwe ubuhanga no kwitanga, umwete no kutarambirana, uko tubashimira namwe mwishimire ibyo mugezeho, bikwiye kububakamo imbaraga kugira ngo murusheho gukora byiza, gukora cyane, ndetse kugira ngo mu bihe biri imbere uko imirimo yiyongera niko namwe muzagenda mutera imbere, mufata inshingano zirenze izo mwanyuzemo mu myaka ishize.”

Perezida Kagame yavuze ko Ingabo z’u Rwanda zifite amateka yihariye, zifatanyije, n’abaturage ngo zifasha u Rwanda, kugira ngo rube ruri aho rugeze uyu munsi.

Ati “Izo ngabo zirinda ibyubakwa n’Abanyarwanda, ni zo ngabo ziriho, niwo murimo wa mbere, ingabo zikubaka kandi zikarinda n’amahoro n’umutekano, igihugu gikenera, ibihugu byose bikenera kugira ngo amajyambere n’ibindi bishobore kuboneka. Birumvikana ko buri wese agira uruhare, twese twafatanya, uruhare rukaba runini bikagaragara mu ntambwe igihugu kigatera imbere.”

Umukuru w’Igihugu yavuze ko byose bitagerwaho, ngo bisaba imyitwarire myiza mu buzima busanzwe no mu mwuga.

Ku mwuga w’igisirikare, Perezida Kagame yavuze ku bwiza bwawo, ko ari umwuga mwiza buri wese akwiye guhitamo.

Ati “Ndashimira mwe murangije amasomo mu byiciro bitandukanye kuba mwarahisemo uyu mwuga, ni umwagu ubamo gukorera igihugu, kukitangira, ni umwuga w’abashaka kubaka igihugu, ni umwuga ushimishije. Ni umwuga uha agaciro abawurimo bikanagera ku gihugu muri rusange.

Ni umwuga wo kurinda Abanyarwanda, bagatunga, bagatunganirwa, byose bisaba ubwitange, mwarabibonye mu masomo, mu mahugurwa mwabonye, mwarabihuguriwe, igisigaye ni ugushyira ubushake bwanyu mu bikorwa.”

Perezida Paul Kagame na we yavuze ko agiye guhitamo yahitamo kuba Umusirikare.

Yasabye abarangije kumva ko ikiruhuko bagiye guhabwa kitazaba icyo kwibera iwabo no mu muryango, ngo bitegure ko igihe byaba ngombwa bagahamagarirwa inshingano bahita bagenda.

Asoza ijambo rye, Perezida Kagame yakomoje ku mahoro ajyanye n’inshingano y’aba basirikare bashya no kurinda igihugu, avuga ko amahoro aharanirwa, ndetse asa n’utanga ubutumwa ku mwahanga ashotora u Rwanda.

Yagize ati “Ntekereza ko bidateye ubwoba, kuko mwe muba mu buzima mwateguriwe, n’ibibazo byahungabanya abandi mugira uko mubyifatamo, nange ngiye guhitamo nahitamo uyu mwuga n’abandi bifuza kuwuhitamo turabibahamagariye, turifuriza igihugu ibyiza, bizakomeze bibashingireho mwumve ko igihugu ari icyanyu, ari mwe mugitunganya mufatanyije n’abandi Banyarwanda, buri wese agatera imbere, tukabana,

Turifuza igihugu cy’amahoro, amahoro ntapfa kuboneka gutyo, abantu barayaharanira kandi hari uburyo mwateguwe, ntibizananirana kubyuzuza, tukabana n’abandi, n’amahanga tugahahirana, tukubahana, ibikwiye gukorwa murabizi, ariko iteka ntabwo ibintu bihora byera de, hari ubwo abantu babusanya, banduranya, ngira ngo ariko twateguriwe gukemura ibibazo nk’ibyo mu nzira itewe n’uko ibyo bibazo biba byaje. Mwahisemo inzira ikomeye ariko ibategurira ibyiza biri imbere.”

Yashimiye ababyeyi baretse abana babo bakajya mu gisirikare, abasaba no kuzabaherekeza no mu bindi bijyaye n’imirimo bagiye guhangana na byo.

UMUSEKE.RW

Episode 58: Papa Kevine yinjiye kwa Ganza inkuba zirakubita

By Martin NIYONKURU

Mu gihe nari ngiye kumubwira Kevine uwo ariwe, nkamubwira ko ariwe Mabuja, ko ari we watumye menya ko umwiza wo mu buto ari uwo mu nzozi ako kanya numvise ijwi ndarimenya, ryari irya Papa Kevine wavugaga atera intambwe,

Papa Kevine-“Ganza se arimo cyangwa?”

Narikanze cyane, Agasaro we ntabwo yari azi ibyo ari byo, ako kanya Papa Kevine yinjira mu bwatsi bwe yisanga.

Akidukubita amaso,

Papa Kevine-“Eeeh! Bite sha Ganza?”

Nahise mpaguruka mu byubahiro mugomba ngo ngereke ukuboko ku kundi musuhuze ariko ntiyari anyitayeho, yakomeje kureba cyane Agasaro,

Papa Kevine-“Uyu mukobwa se…bite muko?”

Agasaro-“Ni byiza”

Njyewe-“Papa Kevi! Uyu mukobwa….”

Papa Kevine yanshiye mu ijambo avugana igisa n’ umujinya cyane ambwira antonganya,

Papa Kevine-“Nikos ha Ganza! Washatse umugore?”

Njyewe-“Oya ntabwo nazanye umugore, namuzana se buriya ntimubimenye koko? Uyi ni….”

Papa Kevine-“Ni mushiki wawe?”

Njyewe-“Oya ni….”

Papa Kevine-“None niba atari mushiki wawe arakora iki aha aya masaha? Ok! Ndabafashe rero!”

Njyewe-“Ngo..ngo uradufashe?”

Agasaro-“Ariko narumiwe koko? Udufashe se tugira dute wa mugabo we? Ganza! Gute umuntu akuvogera mu nzu wishyura nawe ukabyemera”

Agasaro yavuze atyo mbura uko muzira amasiri ngo yicecekere ariko riranga rirasohoka, ubwoba bwaranyishe ngize ngo mvuge Agasaro arahaguruka andusha urusaku,

Agasaro-“Udufashe dukora iki? Niko udusanze dusambana?”

Papa Kevine-“Uranzi cyangwa?”

Agasaro-“Ntabwo nkuzi sinshaka no kukumenya urumva”

Muri ako kanya Papa Kevine yakubise urushyi agasaro arazengera ndamuramira, Afande ahita yisohokera aragenda.

Nabuze icyo nkora nicaza Agasaro wasutse amarira, ntangira kumwihanganisha muhoza ari nako akomeza kuvuga amagambo menshi, avuga nabi Papa Kevine…amaze gutuza,

Agasaro-“Urambonera kiriya kigabo ngo kirankubita? Ariko Ganza! Nawe ntabyawe umuntu w’ uumugabo baramuvogera bigeze aha ntanihagarareho?”

Njyewe-“Tuza nkubwire uriya muntu uwo ari we ariko….”

Agasaro-“Reka reka ntacyo umbwira Ganza! Wowe nushaka umugore bazajya bagusanga mu buriri bende umugore wawe ukanuye!”

Nakomeje kumusaba gutuza ngo mubwire ariko akomeza kumbwira buryo ki nta byanjye, naramwumvaga kuko byo iyo aba ari undi wundi twari kwambarana tugakizwa na mbuga.

Nyuma y’ akanya katari gato,

Njyewe-“Agasa! Rwose ihangane ariko ibibaye ni wowe ubiteye”

Agasaro-“Ni njyewe mbiteye gute se? Ariko Ganza! Ntabwo wifuza kuzagira umugore ukurwanira ishyaka nkanjye koko?”

Njyewe-“Yego ndamwifuza ariko nifuza uzarindwanira andangira ibiraka nkawe, anderera abana, mbese ahesha ishema umuryango”

Agasaro-“Hanyuma se abagusuzugura?”

Njyewe-“Agomba kububaha, erega kubaha abagusuzugura niyo ntwaro iranga intwari, birangira bakubashye bamwe bakanagutinya”

Nyuma y’ akanya gato Agasaro atuje,

Agasaro-“Hanyuma se uriya mugabo ninde?”

Njyewe-“Uriya se…uriya ni nyir’ amazu ducumbitsemo?”

Agasaro-“Yeee? Nyir’ amazu? None se mabuja?…wa mukobwa twasinyanye amasezerano y’ ubukode?”

Njyewe-“Uravuga Kevine se? Kevine ni umukobwa wuriya mugabo uvuye hano, urumva ko ari nkiwe kuko ibi byose ni iby’ umwana we”

Agasaro-“Mana yanjye! Ganza! Mbigize nte koko?”

Njyewe-“Humura…humura…”

Agasaro-“Oya Ganza! Ubu se koko…Mana yanjye!”

Njyewe-“Niyo mpamvu wabonye natuje nkubaha, Papa Kevine buriya ni umuntu ukwiye icyubahiro n’ ingenzi akaba umurinzi w’ umuteka dufite none aha”

Agasaro-“Yebaba data we? Uti?”

Njyewe-“Buriya Papa Kevine ni Afande…”

Agasaro noneho yabaye nkuhahamutse ndamufata ndamuhumuriza, bitinze aratuza, afata umwanzuro wo kwimuka ariko nkomeza kumusaba kutagenda kubw’ ibyari bibaye ahubwo tukazegera Papa Kevine tukamusaba imbabazi.

Yarabyemeye ndamuherekeza ajya kuryama, nanjye ndagaruka ndaryama kuko mu gitondo kari akazi.

Bwarakeye mfata inzira, mu muhanda nabonaga abantu bose bazindukanye imbaraga bajya gushaka amaramuko nkibuka akahise ubwo nabyukaga nicaye nitekerereza Kevine nkumva koko nari narabaye imbata y’ urukundo rwambuzaga gutekereza ibindi.

Byose byari ukubera Bob, nongeye kumufata nk’ umusore ufite ibitekerezo byiza byakura umuntu hamwe bikamugeza ahandi.

Nageze ku kazi nsanga ba basore bahasesekaye turagatangira, uwo munsi twatashye tukagereje haburaga undi mu byizi umwe gusa ngo tugasoze.

Umunsi wakurikiyeho twaragasoje ndetse DG ansinyira sheik, mpemba abakozi nshyira no kuri konti ya Mwezi ayo twari twumvikanye.

Umunsi wakurikiyeho nagiye ku isoko ndarangura…nako ngura imyenda myiza, n’ ibindi bitandukanye nk’ umusore ikofi ye yasetse birumvikana.

Ku mugoroba wuwo munsi natashye hakiri kare nditunganya, mpamagara Bob…numvaga nshaka kumushimira nkamumurikira ibyo nagezeho kubera inama yangiriye.

Nafashe telephone nshyira ku gutwi anyitaba vuba,

Bob-“Aaaah! Ganza! Bite bite?”

Njyewe-“Ni sawa kabisa! Amakuru se ko twaburanye wangu?”

Bob-“Hhhh! Eeeh! Nta rundi rwango ni ukwihugiraho kabisa, ni hatali kweli”

Njyewe-“None se wakavuyemo ra cyangwa?”

Bob-“Eeeh! Ushaka kunyicaza se?”

Njyewe-“Hhhh! Ndabizi ntabwo wansuzugura, uri hehe se?”

Bob-“Ndi hahandi twahuriye cya gihe, mbe ndifashe se?”

Njyewe-“Aaah! Waretse se tukajya ahandi ko ari byo byiza?”

Bob-“Oya wana reka tugasomere hano niho heza, wowe ariko wagiye wihagararaho, wowe banguka nibiba ngombwa wenda turimuka”

Njyewe-“Ok! Ndaje mpagusange twimuke ntacyo”

Nakupye telephone ntekereza gato impamvu ntifuzaga kujya aho Bob yari ari…kwa Kevine, numvaga ntifuza ko Kevine yakongera kuhansanga muri make nari nsigaye mutinya.

Nta kundi nafashe urugendo ngo njye kureba Bob twicare mushimire ko yahaye amaso yanjye guhumuka, nagezeyo mpamagara Bob ambwira aho yari yicaye mu gihe narimo mpashaka namubonye ari kundembuza ngenda musanga,

Bob-“Aaaah! Salama mwana wangu?”

Njyewe-“Hhhh! Ndakubona! Ariko buriya wambara nabi ryari?”

Bob-“Hhhh! Nta na rimwe njyewe! Wapi kabisa buriya niyo naba ndi guhinga nakwambara style zanjye, ngomba kwiyitaho erega nkiriho, n’ indege irashya”

Njyewe-“Oya nibyo kabisa ahubwo ugomba nanjye kujya umbwira style zigezweho sinzasigare inyuma”

Bob-“Hhhhh! Wowe uzakomeze unyumvire gusa uzaba umbwira, reka twiyicarire hariya hagaragara niho heza”

Njyewe-“Eeeh! Ko ntajya mbikunda se Bob? Ntabwo nkunda kwicara ahantu abantu bose bandeba, burya si ngombwa kwereka buri wese ko ufite ubushobozi bukuzana ahantu nkahangaha”

Bob yarasetse cyane, arongera araseka nibaza ikintu kimusekeje bene ako kageni, ako kanya arambwira,

Bob-“Ganza! Ubundi wowe wari ukwiye kuba umustar gute ko aribyo byansetsaga? Ubundi iyo wabonye agafaranga wicara aho bose bakureba ugatamira bakabona ko uri umusore koko! Ahubwo tugende twicare aho ahita akubona”

Njyewe-“Inde se kandi?”

Bob-“Kevine!”

Njyewe-“Bob! Niyo mpamvu nangaga kukubwira ngo tuze hano, ntabwo mpa numva nshaka guhura na Kevine, nsigaye mutunya nawe ubyumve, umuntu wangushije mu rukundo akangira imbata yarwo yamara kunyanga akanyereka ko byose bishoboka abaye mabuja?”

Bob-“Hhhhh! Ariko uzi ko nta byawe Ganza? Ngaho waje ukicara aho akureba, akabona ko nubwo yakwanze ntacyo bikubwiye ndetse wagafashe nawe ngo….

Njyewe-“Oya kandi Bob! Nubwo namera ukundi nte ntabwo nakinisha kwirya no kwirarira kuri Kevine kuko ntacyo mfite murusha”

Bob-“Ok! Tugende noneho tuhicare ataricyo kitujyanye nta kibazo…..nta kibazo, rwose natebyaga, Hhhhh!”

Njyewe-“Ariko reka ntacyo tugende dusome kamwe ubundi twimuke”

Bob-“Nabyo ntacyo bitwaye”

Twaragiye twaka icyo kunywa kuri kontwari aho buri umwe wese yatubonaga tumaze gushira inyota dutangira kuganira,

Njyewe-“Naho ubundi Bob! Natekereje kuguhamagara ngo uze twicare twinegure kuko inama wangiriye zatumye mba uyu ndiwe ubu, ubu ndakora nkabona agafaranga, nagombaga kuza nkakugurira nkagushimira”

Bob-“Ntiwumva se! Kora aha uri umuntu w’ umugabo! Buriya rero nawe wabonye inzira ugomba gukomezamo, ugomba gukomeza kugendera kuri uwo murongo, ukirengagiza ibintu byo kwishyiramo Kevine n’ ibiki, mwibagirwe wowe wikomereze urugendo ushake amafaranga”

Njyewe-“Ariko se Bob! Ko mba numva unyangisha Kevine cyane ubundi cya gihe munyiheza mukajya kuganira yarabigusabye cyangwa?”

Bob-“Numvaga agusenya ambwira ukuntu nta byawe ariko nyine kuko ndi umuntu w’ umugabo nageragezaga kukurengera ariko numvise adashaka kubyuma kabisa”

Njyewe-“Eeeh! None se basi wumvise antekerezaho iki?”

Bob-“Umva kandi…nubwo uba umbeshya ngo wamwikuyemo aracyakurimo? Ushaka gusubira aho wavuye? Hmm! Reka nkwihorere”

Muri ako kanya Bob yandengeje amaso mbona aramwenyuye ndetse ahita ahaguruka mu guhindukira nakubise amaso Kevine ndikanga,

Bob yahise ahaguruka agenda amusanganira aba aramuhobeye cyane, mu gukomeza kubitegereza bongorerana utugambo nahise mbona Papa Kevine aturutse mu wundi muryango ari kumwe n’ umukozi umwe, nabonaga yambaye neza nkaho ari umuyobozi w’ abandi bakozi…niyo koko yagendaga amwereka asa numusobanurira sinzi uko Papa Kevine yakebutse hirya gato abona Kevine yagwatiriwe na Bob………………………………………

Ntuzacikwe na Episode ya 59 ku wa mbere mu gitondo

 

Kigali: Hatangijwe ikoranabuhanga ryo gufasha abana gusoma ibitabo mu Kinyarwanda

By Jean Pierre Nizeyimana

Kuri uyu wa Gatanu abagize umuryango wiswe NABU batangije ikoranabuhanga rizafasha abana gusoma ibitabo mu Kinyarwanda bikunganira ibitabo bisanzwe. Ni uburyo bw’ikoranabuhanga(app) bise nabu.org bukorana n’ibyuma by’ikoranabuhanga nka Tablet na telefoni zigezweho.

Abana bazajya basomera ku byuma by’ikoranabuhanga kugira ngo bongere ubumenyi

Inzego z’uburezi zivuga ko mu Rwanda hakiri ikibazo cy’ibitabo bike kandi ngo nibihari byanditse mu ndimi z’amahanga bityo bikagora abana kubisoma.

Tanyella Evans uhagarariye umushinga witwa NABU ku isi avuga ko bazanye ririya koranabuhanga kugira ngo bafashe abana b’u Rwanda kujya babona ibitabo bivuga ku buzima bw’igihugu n’ibindi bitabagoye.

Ati: “ Muri iki gihe abana bakeneye uburyo bwo gusoma butabagoye kandi butuma bagira ubumenyi bakeneye bitabaye ngombwa ko bajya mu masomero asanzwe.”

Avuga ko ikiza cyabyo ari uko ubumenyi bwanditse buzaba bwanditse mu Kinyarwanda bityo abana bagakura baruzi neza, barutekererezamo.

Umuyobozi mu kigo cy’igihugu cy’uburezi ushinzwe integanyanyigisho Joan Murungi yashimye uyu mushinga ariko asaba ababyeyi kuzajya baba hafi abana babo kugira ngo babashishikarize gusoma ibintu bibafitiye akamaro kurusha ibindi.

Murungi ati: “ Ni byiza ko abana bahawe uburyo bwo gusoma bitabagoye ariko nanone ababyeyi bazakomeze kubaba hafi kugira ngo basome ibibafitiye akamaro kurushaho.”

Avuga ko gusomera ku byuma by’ikoranabuhanga bizorohera abana b’u Rwanda kuko muri iki gihe abanyarwanda batunze telefoni zigezweho bagenda biyongera.

Kugeza ubu ririya koranabuhanga ryitwa nabu.org ryatangijwe mu Rwanda, Haïti na Repubulika ya Demukarasi ya Kongo.

Kugeza ubu abantu basoma bakoreshe iriya app bagera ku 34039, ariko abasoma ku munsi bari hagati ya 30 000 n’ibihumbi 4000 barengaho bake.

Inyandiko zigenewe abana zandikwa n’abantu basanzwe bandika bisanzwe bari mu ihuriro ryitwa Rwanda Publishers Association ariko nyuma abo muri nabu.org bagafasha mu kubishyira mu ikoranabuhanga.

Amos uyobora NABU ku rwego rw’igihugu atanga ikiganiro akanatangiza iriya gahunda ku mugaragaro

Peace Kwizera nawe akora muri NABU

Dr Irenee Ndayambaje uyobora REB akaba yari ahagarariye Minisitiri w’uburezi muri kiriya gikorwa

 

Abana bahawe ibyuma by’ikoranabuhanga bibafasha gusoma

Umuyobozi w’agateganyo w’Isomero rusange rya Kigali

Tanyella Evans uyobora NABU ku rwego rw’isi

Ni igikorwa cyarimo abafite aho bahuriye no kwandika, gusoma no gukwiza ibitabo mu rubyiruko

Jean Pierre NIZEYIMANA

UMUSEKE.RW

 

 

Yesterday — November 16th 2019UMUSEKE

Episode 58: Papa Kevine yinjiye kwa Ganza inkuba zirakubita

By Martin NIYONKURU

Mu gihe nari ngiye kumubwira Kevine uwo ariwe, nkamubwira ko ariwe Mabuja, ko ari we watumye menya ko umwiza wo mu buto ari uwo mu nzozi ako kanya numvise ijwi ndarimenya, ryari irya Papa Kevine wavugaga atera intambwe,

Papa Kevine-“Ganza se arimo cyangwa?”

Narikanze cyane, Agasaro we ntabwo yari azi ibyo ari byo, ako kanya Papa Kevine yinjira mu bwatsi bwe yisanga.

Akidukubita amaso,

Papa Kevine-“Eeeh! Bite sha Ganza?”

Nahise mpaguruka mu byubahiro mugomba ngo ngereke ukuboko ku kundi musuhuze ariko ntiyari anyitayeho, yakomeje kureba cyane Agasaro,

Papa Kevine-“Uyu mukobwa se…bite muko?”

Agasaro-“Ni byiza”

Njyewe-“Papa Kevi! Uyu mukobwa….”

Papa Kevine yanshiye mu ijambo avugana igisa n’ umujinya cyane ambwira antonganya,

Papa Kevine-“Nikos ha Ganza! Washatse umugore?”

Njyewe-“Oya ntabwo nazanye umugore, namuzana se buriya ntimubimenye koko? Uyi ni….”

Papa Kevine-“Ni mushiki wawe?”

Njyewe-“Oya ni….”

Papa Kevine-“None niba atari mushiki wawe arakora iki aha aya masaha? Ok! Ndabafashe rero!”

Njyewe-“Ngo..ngo uradufashe?”

Agasaro-“Ariko narumiwe koko? Udufashe se tugira dute wa mugabo we? Ganza! Gute umuntu akuvogera mu nzu wishyura nawe ukabyemera”

Agasaro yavuze atyo mbura uko muzira amasiri ngo yicecekere ariko riranga rirasohoka, ubwoba bwaranyishe ngize ngo mvuge Agasaro arahaguruka andusha urusaku,

Agasaro-“Udufashe dukora iki? Niko udusanze dusambana?”

Papa Kevine-“Uranzi cyangwa?”

Agasaro-“Ntabwo nkuzi sinshaka no kukumenya urumva”

Muri ako kanya Papa Kevine yakubise urushyi agasaro arazengera ndamuramira, Afande ahita yisohokera aragenda.

Nabuze icyo nkora nicaza Agasaro wasutse amarira, ntangira kumwihanganisha muhoza ari nako akomeza kuvuga amagambo menshi, avuga nabi Papa Kevine…amaze gutuza,

Agasaro-“Urambonera kiriya kigabo ngo kirankubita? Ariko Ganza! Nawe ntabyawe umuntu w’ uumugabo baramuvogera bigeze aha ntanihagarareho?”

Njyewe-“Tuza nkubwire uriya muntu uwo ari we ariko….”

Agasaro-“Reka reka ntacyo umbwira Ganza! Wowe nushaka umugore bazajya bagusanga mu buriri bende umugore wawe ukanuye!”

Nakomeje kumusaba gutuza ngo mubwire ariko akomeza kumbwira buryo ki nta byanjye, naramwumvaga kuko byo iyo aba ari undi wundi twari kwambarana tugakizwa na mbuga.

Nyuma y’ akanya katari gato,

Njyewe-“Agasa! Rwose ihangane ariko ibibaye ni wowe ubiteye”

Agasaro-“Ni njyewe mbiteye gute se? Ariko Ganza! Ntabwo wifuza kuzagira umugore ukurwanira ishyaka nkanjye koko?”

Njyewe-“Yego ndamwifuza ariko nifuza uzarindwanira andangira ibiraka nkawe, anderera abana, mbese ahesha ishema umuryango”

Agasaro-“Hanyuma se abagusuzugura?”

Njyewe-“Agomba kububaha, erega kubaha abagusuzugura niyo ntwaro iranga intwari, birangira bakubashye bamwe bakanagutinya”

Nyuma y’ akanya gato Agasaro atuje,

Agasaro-“Hanyuma se uriya mugabo ninde?”

Njyewe-“Uriya se…uriya ni nyir’ amazu ducumbitsemo?”

Agasaro-“Yeee? Nyir’ amazu? None se mabuja?…wa mukobwa twasinyanye amasezerano y’ ubukode?”

Njyewe-“Uravuga Kevine se? Kevine ni umukobwa wuriya mugabo uvuye hano, urumva ko ari nkiwe kuko ibi byose ni iby’ umwana we”

Agasaro-“Mana yanjye! Ganza! Mbigize nte koko?”

Njyewe-“Humura…humura…”

Agasaro-“Oya Ganza! Ubu se koko…Mana yanjye!”

Njyewe-“Niyo mpamvu wabonye natuje nkubaha, Papa Kevine buriya ni umuntu ukwiye icyubahiro n’ ingenzi akaba umurinzi w’ umuteka dufite none aha”

Agasaro-“Yebaba data we? Uti?”

Njyewe-“Buriya Papa Kevine ni Afande…”

Agasaro noneho yabaye nkuhahamutse ndamufata ndamuhumuriza, bitinze aratuza, afata umwanzuro wo kwimuka ariko nkomeza kumusaba kutagenda kubw’ ibyari bibaye ahubwo tukazegera Papa Kevine tukamusaba imbabazi.

Yarabyemeye ndamuherekeza ajya kuryama, nanjye ndagaruka ndaryama kuko mu gitondo kari akazi.

Bwarakeye mfata inzira, mu muhanda nabonaga abantu bose bazindukanye imbaraga bajya gushaka amaramuko nkibuka akahise ubwo nabyukaga nicaye nitekerereza Kevine nkumva koko nari narabaye imbata y’ urukundo rwambuzaga gutekereza ibindi.

Byose byari ukubera Bob, nongeye kumufata nk’ umusore ufite ibitekerezo byiza byakura umuntu hamwe bikamugeza ahandi.

Nageze ku kazi nsanga ba basore bahasesekaye turagatangira, uwo munsi twatashye tukagereje haburaga undi mu byizi umwe gusa ngo tugasoze.

Umunsi wakurikiyeho twaragasoje ndetse DG ansinyira sheik, mpemba abakozi nshyira no kuri konti ya Mwezi ayo twari twumvikanye.

Umunsi wakurikiyeho nagiye ku isoko ndarangura…nako ngura imyenda myiza, n’ ibindi bitandukanye nk’ umusore ikofi ye yasetse birumvikana.

Ku mugoroba wuwo munsi natashye hakiri kare nditunganya, mpamagara Bob…numvaga nshaka kumushimira nkamumurikira ibyo nagezeho kubera inama yangiriye.

Nafashe telephone nshyira ku gutwi anyitaba vuba,

Bob-“Aaaah! Ganza! Bite bite?”

Njyewe-“Ni sawa kabisa! Amakuru se ko twaburanye wangu?”

Bob-“Hhhh! Eeeh! Nta rundi rwango ni ukwihugiraho kabisa, ni hatali kweli”

Njyewe-“None se wakavuyemo ra cyangwa?”

Bob-“Eeeh! Ushaka kunyicaza se?”

Njyewe-“Hhhh! Ndabizi ntabwo wansuzugura, uri hehe se?”

Bob-“Ndi hahandi twahuriye cya gihe, mbe ndifashe se?”

Njyewe-“Aaah! Waretse se tukajya ahandi ko ari byo byiza?”

Bob-“Oya wana reka tugasomere hano niho heza, wowe ariko wagiye wihagararaho, wowe banguka nibiba ngombwa wenda turimuka”

Njyewe-“Ok! Ndaje mpagusange twimuke ntacyo”

Nakupye telephone ntekereza gato impamvu ntifuzaga kujya aho Bob yari ari…kwa Kevine, numvaga ntifuza ko Kevine yakongera kuhansanga muri make nari nsigaye mutinya.

Nta kundi nafashe urugendo ngo njye kureba Bob twicare mushimire ko yahaye amaso yanjye guhumuka, nagezeyo mpamagara Bob ambwira aho yari yicaye mu gihe narimo mpashaka namubonye ari kundembuza ngenda musanga,

Bob-“Aaaah! Salama mwana wangu?”

Njyewe-“Hhhh! Ndakubona! Ariko buriya wambara nabi ryari?”

Bob-“Hhhh! Nta na rimwe njyewe! Wapi kabisa buriya niyo naba ndi guhinga nakwambara style zanjye, ngomba kwiyitaho erega nkiriho, n’ indege irashya”

Njyewe-“Oya nibyo kabisa ahubwo ugomba nanjye kujya umbwira style zigezweho sinzasigare inyuma”

Bob-“Hhhhh! Wowe uzakomeze unyumvire gusa uzaba umbwira, reka twiyicarire hariya hagaragara niho heza”

Njyewe-“Eeeh! Ko ntajya mbikunda se Bob? Ntabwo nkunda kwicara ahantu abantu bose bandeba, burya si ngombwa kwereka buri wese ko ufite ubushobozi bukuzana ahantu nkahangaha”

Bob yarasetse cyane, arongera araseka nibaza ikintu kimusekeje bene ako kageni, ako kanya arambwira,

Bob-“Ganza! Ubundi wowe wari ukwiye kuba umustar gute ko aribyo byansetsaga? Ubundi iyo wabonye agafaranga wicara aho bose bakureba ugatamira bakabona ko uri umusore koko! Ahubwo tugende twicare aho ahita akubona”

Njyewe-“Inde se kandi?”

Bob-“Kevine!”

Njyewe-“Bob! Niyo mpamvu nangaga kukubwira ngo tuze hano, ntabwo mpa numva nshaka guhura na Kevine, nsigaye mutunya nawe ubyumve, umuntu wangushije mu rukundo akangira imbata yarwo yamara kunyanga akanyereka ko byose bishoboka abaye mabuja?”

Bob-“Hhhhh! Ariko uzi ko nta byawe Ganza? Ngaho waje ukicara aho akureba, akabona ko nubwo yakwanze ntacyo bikubwiye ndetse wagafashe nawe ngo….

Njyewe-“Oya kandi Bob! Nubwo namera ukundi nte ntabwo nakinisha kwirya no kwirarira kuri Kevine kuko ntacyo mfite murusha”

Bob-“Ok! Tugende noneho tuhicare ataricyo kitujyanye nta kibazo…..nta kibazo, rwose natebyaga, Hhhhh!”

Njyewe-“Ariko reka ntacyo tugende dusome kamwe ubundi twimuke”

Bob-“Nabyo ntacyo bitwaye”

Twaragiye twaka icyo kunywa kuri kontwari aho buri umwe wese yatubonaga tumaze gushira inyota dutangira kuganira,

Njyewe-“Naho ubundi Bob! Natekereje kuguhamagara ngo uze twicare twinegure kuko inama wangiriye zatumye mba uyu ndiwe ubu, ubu ndakora nkabona agafaranga, nagombaga kuza nkakugurira nkagushimira”

Bob-“Ntiwumva se! Kora aha uri umuntu w’ umugabo! Buriya rero nawe wabonye inzira ugomba gukomezamo, ugomba gukomeza kugendera kuri uwo murongo, ukirengagiza ibintu byo kwishyiramo Kevine n’ ibiki, mwibagirwe wowe wikomereze urugendo ushake amafaranga”

Njyewe-“Ariko se Bob! Ko mba numva unyangisha Kevine cyane ubundi cya gihe munyiheza mukajya kuganira yarabigusabye cyangwa?”

Bob-“Numvaga agusenya ambwira ukuntu nta byawe ariko nyine kuko ndi umuntu w’ umugabo nageragezaga kukurengera ariko numvise adashaka kubyuma kabisa”

Njyewe-“Eeeh! None se basi wumvise antekerezaho iki?”

Bob-“Umva kandi…nubwo uba umbeshya ngo wamwikuyemo aracyakurimo? Ushaka gusubira aho wavuye? Hmm! Reka nkwihorere”

Muri ako kanya Bob yandengeje amaso mbona aramwenyuye ndetse ahita ahaguruka mu guhindukira nakubise amaso Kevine ndikanga,

Bob yahise ahaguruka agenda amusanganira aba aramuhobeye cyane, mu gukomeza kubitegereza bongorerana utugambo nahise mbona Papa Kevine aturutse mu wundi muryango ari kumwe n’ umukozi umwe, nabonaga yambaye neza nkaho ari umuyobozi w’ abandi bakozi…niyo koko yagendaga amwereka asa numusobanurira sinzi uko Papa Kevine yakebutse hirya gato abona Kevine yagwatiriwe na Bob………………………………………

Ntuzacikwe na Episode ya 59 ku wa mbere mu gitondo

 

Kigali: Hatangijwe ikoranabuhanga ryo gufasha abana gusoma ibitabo mu Kinyarwanda

By Jean Pierre Nizeyimana

Kuri uyu wa Gatanu abagize umuryango wiswe NABU batangije ikoranabuhanga rizafasha abana gusoma ibitabo mu Kinyarwanda bikunganira ibitabo bisanzwe. Ni uburyo bw’ikoranabuhanga(app) bise nabu.org bukorana n’ibyuma by’ikoranabuhanga nka Tablet na telefoni zigezweho.

Abana bazajya basomera ku byuma by’ikoranabuhanga kugira ngo bongere ubumenyi

Inzego z’uburezi zivuga ko mu Rwanda hakiri ikibazo cy’ibitabo bike kandi ngo nibihari byanditse mu ndimi z’amahanga bityo bikagora abana kubisoma.

Tanyella Evans uhagarariye umushinga witwa NABU ku isi avuga ko bazanye ririya koranabuhanga kugira ngo bafashe abana b’u Rwanda kujya babona ibitabo bivuga ku buzima bw’igihugu n’ibindi bitabagoye.

Ati: “ Muri iki gihe abana bakeneye uburyo bwo gusoma butabagoye kandi butuma bagira ubumenyi bakeneye bitabaye ngombwa ko bajya mu masomero asanzwe.”

Avuga ko ikiza cyabyo ari uko ubumenyi bwanditse buzaba bwanditse mu Kinyarwanda bityo abana bagakura baruzi neza, barutekererezamo.

Umuyobozi mu kigo cy’igihugu cy’uburezi ushinzwe integanyanyigisho Joan Murungi yashimye uyu mushinga ariko asaba ababyeyi kuzajya baba hafi abana babo kugira ngo babashishikarize gusoma ibintu bibafitiye akamaro kurusha ibindi.

Murungi ati: “ Ni byiza ko abana bahawe uburyo bwo gusoma bitabagoye ariko nanone ababyeyi bazakomeze kubaba hafi kugira ngo basome ibibafitiye akamaro kurushaho.”

Avuga ko gusomera ku byuma by’ikoranabuhanga bizorohera abana b’u Rwanda kuko muri iki gihe abanyarwanda batunze telefoni zigezweho bagenda biyongera.

Kugeza ubu ririya koranabuhanga ryitwa nabu.org ryatangijwe mu Rwanda, Haïti na Repubulika ya Demukarasi ya Kongo.

Kugeza ubu abantu basoma bakoreshe iriya app bagera ku 34039, ariko abasoma ku munsi bari hagati ya 30 000 n’ibihumbi 4000 barengaho bake.

Inyandiko zigenewe abana zandikwa n’abantu basanzwe bandika bisanzwe bari mu ihuriro ryitwa Rwanda Publishers Association ariko nyuma abo muri nabu.org bagafasha mu kubishyira mu ikoranabuhanga.

Abitabiriye inama yatangarijwemo iriya app

Jean Pierre NIZEYIMANA

UMUSEKE.RW

 

 

Basketball: Amakipe 8 ni yo azahatana mu irushanwa ry’Agaciro Basketball Tournament 2019

By Ange Eric Hatangimana

Kigali – Kuva tariki ya 22-29 Ugushyingo 2019 muri Kigali Arena na Stade nto ya Remera hazabera imikino yo guhatanira igikombe k’irushanwa Agaciro Basketball Tournament 2019.

umukino witezwemo guhangana hagati ya REG BBC na PATRIOTS BBC

Iri rushanwa rigiye kuba ku nshuro ya mbere mu mateka ya Basketball yo mu Rwanda, ririmo amakipe umunani. Muri aya makipe harimo ane y’abagabo n’andi ane yo mu kiciro cy’abagore.

Mu bagabo harimo; Patriots BBC, REG BBC, Espoir BBC na APR BBC.  Aya akaba ari na yo makipe akomeye mu gihugu kuri ubu.

Ikipe z’abagore ni APR BBC, THE Hoops BBC, RP-IPRC Huye WBBC na Ubumwe BBC.

Ni imikino igiye kuba mbere y’uko Kigali Arena izakinirwamo imikino y’amajonjora ya kabiri azatanga itike yo kwerekeza mu mikino ya mbere ya Basketball African League igiye kubaho bwa mbere mu mwaka utaha wa 2020.

Iri rushanwa ry’Agaciro Basketball Tournament 2019 rizafasha Patriots ihagarariye u Rwanda muri Basketball African League (BAL) kwitegura.

Patriots iri mu itsinda rikomeye ririmo amakipe ya City Oilers yo muri Uganda nubwo bayitsinze mu ijonjora ry’ibanze bagafata umwanya wa mbere i Dar Es Salaam.

Harimo Kenya Ports Authority, Ferroviario de Maputo yo muri Mozambique, GNBC yo muri Madagascar na UNZA Pacers yo muri Zambia.

Ni irushanwa ryitezwemo guhanga cyane kwa REG BBC na Patriots BBC, nyuma y’uko Patriots itsinze REG BBC ku mukino wa nyuma mu irushanwa rya Legacy Tournament 2019, amanota 68-59 ku mukino wa nyuma wabereye muri Kigali Arena.

Imikino y’amajonjora y’Agaciro Basketball Tournament izatangira ku wa Gatanu tariki 22 Ugushyingo 2019 kugeza ku wa  gatanu tariki ya 28 Ugushyingo 2019 ubwo hazaba hakinirwa umwanya wa gatatu muri cyiciro, imikino izabere muri sitade nto ya Remera.

Umukino wa nyuma mu bagore ndetse no mu bagabo bizakinirwa muri Kigali Arena tariki 29 Ugushyingo 2019.

Jean Paul MUGABE
UMUSEKE.RW

BNR: Ibiciro byazamutse kuri 2,4%…Izamuka rya GDP ryavuye ku 8,4% riba 12,2%

By Martin NIYONKURU

Ubuyobozi bwa Banki Nkuru y’u Rwanda buratangaza ko izamuka ry’umusaruro mbumbe w’igihugu (GDP) wiyongereye kuri 12,2% mu gihembwe cya kabiri cya 2019 rivuye ku 8,4% ryari ririho mu gihembwe cya mbere. Naho izamuka ry’ibiciro ku masoko ryo rikaba rihagaze kuri 2,4% mu gihembwe cya gatatu cya 2019.

Mu kiganiro n’abanyamakuru uyu munsi

Guverineri wa Banki Nkuru y’u Rwanda (BNR), John Rwangombwa avuga ko iri zamuka ry’ibiciro ku masoko rikomeje kuba rito ugereranyije n’ibipimo fatizo bisanzwe ari 5%.

Avuga kandi ko iri zamuka ridakanganye kuko ryiyongereyeho 0,4% kuko mu bihe nk’ibi, ni ukuvuga uko ryari rihagaze mu gihembwe cya gatatu cy’umwaka wa 2018 ryari riri kuri 1,8%.

Ati “Izamuka ry’ibiciro riracyari hamwe kandi riri hasi ikindi kandi riracyari munsi y’igipimo fatizo byacu kandi twizeye ko rizakomeza kuba munsi yabyo.”

Guverineri John Rwangombwa avuga ko BNR iteganya izamuka ry’ibiciro rizakura rikava kuri 1,4% ryari ririho muri 2018 rihakera kuri 2,3% muri uyu mwaka wose wa 2019 naho muri 2020 rikegera kuri 5%.

Umuyobozi ushinzwe Ubukungu muri BNR, Prof Kigabo Thomas avuga ko iri zamuka ry’ibiciro rishingiye ku bintu nka bitatu birimo kuba ishoramari ririho rikorwa mu Rwanda kandi rigasaba ko hari ibicuruzwa byinshi n’ibikoresho bituruka hanze.

Avuga kandi ko ibi bikorwa bisaba ko habaho ikiguzi cyo kuvunjisha amafaranga y’u Rwanda bikarangira habayeho izamuka ry’ibiciro.

Prof Kigabo uvuga ko ibi ari byiza ku bukungu bw’igihugu, agira ati “Ibi byose byotsa igitutu isoko kuko kwinjiza ibi bicuruzwa, abanyarwanda bakenera amadolari kugira ngo batumize ibikoresho byifashishwa mu gutunganya ibicuruzwa.”

BNR kand igaragaza ibicuruzwa bitumizwa hanze bikiri hejuru kuko byiyongereyeho 14,5% mu gihe ibiva mu gihugu byiyongereyeho 3,% gusa.

Iyi Banki nkuru y’u Rwanda ikavuga ko iri zamuka ry’ibitumizwa hanze rikomeje gutuma habaho n’izamuka ry’ikinyuranyo k’ibicuruzwa biva hanze n’ibisohoka ubu ryazamutse kuri 24,2%.

Gusa ikizeza ko ibi bitanga ikizere kuko ibitumizwa hanze ibyinshi ni ibiri gukoreshwa mu ishoramari ku buryo bizatuma agaciro k’ifaranga ry’u Rwanda rifite ku idorari kazamuka kakagabanukaho 4,2% [bivuze ko icyo gihe ifaranga ry’u Rwanda rizaba rigize agaciro kisumbuyeho].

 

Izamuka rya GDP ryavuye ku 8,4% riba 12,2%  

BNR kandi igaragaza ko inguzanyo zakwa Banki zikomeje kwiyongera kuko mu mezi ikenda ya mbere y’uyu mwaka wa 2019, inguzanyo zatanzwe zazamutse kuri 41,1%. Iyi banki ikavuga ko ibi byaturutse ku korohereza abantu guhabwa inguzanyo.

Mu bihembwe bitatu bya mbere bya 2019 ikinyuranyo cy’amafaranga Banki ziguriza abantu cyavuye kuri 17,07% kigera kuri 16,47% naho ikinyuranyo cy’amafaranga abantu babitsa cyo cyavuye kuri 7,61% kiba 7,59%.

Guverineri Rwangombwa ati “Ibi bigaragaza umusaruro mwiza kuko ikinyuranyo k’inguzanyo n’amafaranga babitsa kigeze ku 8,88% mu bihembwe bya mbere bitatu bya 2019 kivuye kuri 10,33 mu bihe nk’ibi by’umwaka wa 2018.”

BNR yagaragaje ko mu gihembwe cya kabiri cy’uyu mwaka wa 2019 umusaruro mbumbe w’igihugu wakuze kuri 12,2% uvuye ku 8,4% wari wazamutseho mu gihembwe cya mbere cya 2019 bikaba byitezwe ko uyu mwaka uzazamuka ku 8,5% no ku 8,1% muri 2020.

Martin NIYONKURU
UMUSEKE.RW

Amafoto: Amavubi yatangiye imikino nyafrica ‘anyagirwa’

By Jean Pierre Nizeyimana

Umukino waraye ubereye i Maputo muri Mozambique warangiye Ikipe y’igihugu y’u Rwanda itsinzwe ibitego bibiri ku busa. Ni umukino byagaragaye ko ikipe ya Mozambique yarushije cyane iy’u Rwanda. 

Umuzamu w’u Rwanda Yves Kimenyi nta ko atagize

Hari bamwe bavuga ko iyo ataza kuba iriwe uri mu izamu u Rwanda rwari butsindwe byinshi

Umukinnyi wa Mozambique yacenze abakinnyi babiri b’Amavubi baragwa…

Am

Mashami ati: ” Mwongeremo agatege bahungu banjye”

Kevin Muhire ari kuvurwa n’umuganga w’Amavubi

Kimenyi umuzamu bamwe bavuga ko ari we w’umuhanga wa mbere mu Rwanda

Abakinnyi ba Mozambique bishimira ibitego batsinze amavubi

Umusifuzi aha gasopo bamwe mu bakinnyi bakiniraga abandi nabi

[email protected]

UMUSEKE.RW

Hari abantu bacu batazaboneka mu nama y’i Kampala, twasabye ko isubikwa- Nduhungirehe

By Jean Pierre Nizeyimana

Umunyamabanga wa Leta muri Minisiteri y’Ububanyi n’Amahanga, Amb. Olivier Nduhungirehe yabwiye Umuseke ko u Rwanda rutazitabira inama yari iteganyijwe kubera muri Uganda taliki 18 Ugushyingo, 2019 kubera ko hari zimwe mu ntumwa zarwo zizaba ziri mu kandi kazi kareba igihugu.

Ndungirehe avuga ko u Rwanda rutazitabira kubera ko hari intumwa zarwo zizaba ziri mu zindi nshingano

Avuga ko babimenyesheje Minisiteri y’Ububanyi n’Amahanga ya Uganda ku wa Kane mu gitondo, ariko ngo nta gisubizo u Rwanda rurahabwa.

Iyi ni inshuro ya kabiri iyi nama isubitswe kuko taliki 16 Ukwakira, 2019 nibwo yagombaga kuba ariko Uganda ivuga ko itayitumiza kandi hari intumwa zo muri Angola na DRC zari zabamenyesheje ko zitazayitabira.

Minisitiri w’Ububanyi n’Amahanga wa Uganda, Sam Kutesa aherutse kubwira abanyamakuru ko Uganda ifite ubushake bw’uko iriya nama iba ariko iza gukomwa mu nkokora n’uko bariya bayobozi bo muri Angola na Repubulika ya Demukarasi ya Kongo batabonetse.

Icyo gihe yaboneyeho kuvuga ko inama yimuriwe ku wa Mbere taliki 18 Ugushyingo, 2019. Nyuma yo kumenyeshwa iyi taliki, mu nkuru ya mbere twabagejejeho Amb. Nduhungirehe Olivier yari yabwiye Umuseke ko u Rwanda rwiteguye kuyitabira.

Amb. Nduhungirehe Olivier kuri uyu wa gatanu yabwiye Umuseke na none ko byabaye ngombwa ko u Rwanda rumenyesha Uganda ko ishaka indi taliki ibiganiro bizaberaho kuko, ku wa mbere tariki 18 Ugushyingo 2019 bitakorohera abagize itsinda ry’u Rwanda kuboneka bose kuko hari indi mirimo ikomeye bazaba barimo mu gihugu.

Ati: “Impamvu twasabye ko bayigiza imbere ni uko hari bamwe mu bagize ‘delegation’ yacu batazayitabira kubera izindi nshingano bafite. Niyo mpamvu twasabye Uganda ko ishaka indi taliki twakumvikanaho inama ikazaterana.”

Avuga ko icyo u Rwanda rwifuza ari uko ikibazo cyabonerwa umuti bityo akavuga ko igihe cyose Uganda izabamenyeshereza italiki yemeje bazayitabira.

Jean Pierre NIZEYIMANA
UMUSEKE.RW

Hari gutoranywa abana bafite impano mu mikino ngo boroherezwe kuyizamura

By Martin NIYONKURU

Ishyirahamwe ry’umukino w’Intoki mu Rwanda (FERWAHAND) ku bufatanye n’ishyirahamwe rya siporo yo mu mashuri mu Rwanda (FRSS) batangiye igikorwa cyo kuzenguruka uturere 16 ngo batoranye abana bafite impano muri uyu mukino kugira ngo bafashwe kuyizamura. Ni gahunda iri gukorwa mu mikino itandukanye isanzwe ikunzwe.

Abana berekanye ibyo bazi kugira ngo batoranyemo abafite impano

Ni muri gahunda iri gukorwa n’andi mashyirahamwe y’imwe mu mikino ikunzwe (Football, Volleyball, Handball na Basketball) yo gushaka abana bafite ubuhanga muri iyi mikino kugira ngo bazamurwe.

Mu mukino wa Handball, ejo hashize hatoranyijwe abo mu karere ka Nyarugenge mu gikorwa cyabereye ku kibuga cya Kimisagara kitabiriwe n’abana baturutse mu mirenge ya Gitega, Muhima na Kimisagara.

Hanatoranyijwe abana bo mu karere ka Gicumbi, uyu munsi iyi gahunda ikaba iri bukomereze mu karere ka Bugesera mu gihe mu tundi turere bamaze kubatoranya turimo Nyanza, Ruhango, Karongi, Rusizi, Nyamasheke, Rubavu, Musanze, Burera na Gakenke.

IP Ntabanganyimana Antoine usanzwe ari umutoza wa Police Handball Club, akaba yari ari muri iki gikorwa cyo gutoranya abana bafite impano mu mukino wa Handball, avuga ko abana bazatoranywa bazashyikirizwa Minisiteri y’Uburezi kugira ngo bashyirwe mu mashuri azaborohereza kuzamura impano zabo.

Ati “Abana boroherezwe uburyo bwo gukomeza gukina umukino wa Handball, Ni na ko bigenda no mu yindi mikino yatoranyijwe”.

Muri Basketball bateganya ko iyi gahunda itangirira mu karere ka Rubavu kuri uyu wa Gatanu ikaba izakorwa na Moise Mutokambali usanzwe ari inzobere mu bijyanye no kuvumbura abana bafite impano kuri uyu mukino.

Abana bakoze imyitozo biyerekana kugira ngo batoranyemo abarusha abandi

Ejo ku Kimisagara hatoranyijwe abo muri Handball

Haje abagera muri 50

Hatoranyijwemo abashoboye cyane

IP Ntabanganyimana Antoine usanzwe ari umutoza wa Police Handball Club ubwo yafataga imyirondoro y’abana

Photos © Mihigo Saddam

Jean Paul MUGABE
UMUSEKE.RW

Abashinjura Fabien Neretse bavuga ko ‘yari umuntu mwiza’ wabubakiye ishuri

By Jean Pierre Nizeyimana

Abatangabuhamya bashinjura Neretse uri kuburanira i Brussels mu Bubiligi kuri uyu wa Kane taliki 14, Ugushyingo, 2019 babwiye urukiko ko aho yari atuye yari umuntu mwiza, wabagejeje ku majyambere, ‘bakemeza ko nta Mututsi yagiriye nabi.’ Hari ku munsi wa gatanu w’uru rubanza rwatangiye kuburanwa mu mizi mu Rukiko rwa Rubanda rw’i Brussels.

Abamushinjura bavuga ko yari umutu mwiza wabahaga akazi

Bemeza ko kubera ko yari umuntu wishoboye, ngo yabahaga akazi, akicisha bugufi kandi akabana na buri wese.

Ubu buhamya abamushinjura babutanze nyuma y’ubundi bwari bumaze gutangwa n’Abacamanza bane bakoreye iperereza aho Fabien Neretse yahoze atuye i Nyamirambo hafi y’aho bita Tapis Rouge.

Iri perereza ngo barifatanyije n’abandi bantu ikenda ritangira muri 2002 rirangira muri 2015.

Ririya tsinda ryaganiriye n’abashinja Fabien Neretse kwica bamwe mu baturanyi be, harimo abo mu muryango wa SISSI, uwa Gakwaya n’uwa Bucyana n’umugore we Claire Beckers w’Umubiligikazi ndetse n’umwana wabo.

Abakoze iperereza bageze n’i Mataba mu Karere ka Gakenke aho Neretse akomoka.

Umugore umwe mu bakoze iperereza yavuze ko byabagoye kugera Mataba kubera imiterere y’aho igizwe n’imisozi miremire.

Yifashishije amafoto yeretse abari mu Rukiko uko hateye, yerekana aho ishuri rya ACEDI Mataba riherereye.

We na bagenzi be babwiye Urukiko ko abatangabuhamya babahaye amakuru bemeza ko kuri kiriya kigo ari ho Interahamwe  zajyaga gufatira ifunguro.

Berekanye kandi igiti kiri hagati y’ishuri rya ACEDI Mataba na Kiliziya (ni ifoto yafashwe mu 2009) bagasobanura ko icyo giti gitemye kirambitse hasi, ari cyo  abarindaga ishuri rya ACEDI Mataba bigiragaho kurasa.

Baganiriye kandi n’abatangabuhamya bashinja Neretse kugira uruhare mu iyicwa rya Mpendwanzi Joseph, Anastase Nzamwita n’abandi.

Nyuma yo kumva abakoze iperereza, abatangabuhamya babajijwe kuri uyu wa gatanu baratangira kuvuga ibyo bazi, bamwe bakaba bari butangire ubuhamya mu rukiko, abandi babutange hifashishijwe ikoranabuhanga.

Mu batangabuhamya babajijwe, ubushinjacyaha buvuga ko hari abapfuye kuva iperereza ryatangira mu 2002 ariko hazasomwa ubuhamya basize batanze bukabikwa.

Urubanza ruregwamo Fabien Neretse rwatangiye ku wa kane taliki ya 7/11/2019 mu Bubiligi. Yunganirwa n’Abanyamategeko Babiri.

Iburanisha ryabaye tariki 8 Ugushyingo 2019, Fabien Neretse yemeye ko ku ishuri rye abazamu baho bari bafite imbunda eshatu mu gihe cya Jenoside yakorewe Abatutsi, ariko avuga ko atari we wazitanze.

UMUSEKE.RW

Episode 57: Kwa Ntwari…, Annie – “Akebo kajya iwamugarura agomba kubyishyura”

By Ange Eric Hatangimana

Nageze kwa Ntwari bidatinze ndakomanga, ndongera ndakomanga ariko nkumva urusaku imbere, nkomeza gukomanga nyuma y’ umwanya utari muto Annie niwe wankinguriye, arakaye cyane, afite umujinya w’ umuranduranzuzi,

Njyewe-“Uuuh? Annie! Bite?”

Annie-“Injira Ganza! Inzira cyangwa nkinge”

Njyewe-“Ngo iki? Annie! Ni wowe unyakira utyo kwa mukuru wanjye?”

Annie-“Ganza! Wintinza ku muryango injira cyangwa ngukingirane”

Muri ako kanya nacishije make, burya iyo ubona umuntu avuga cyane adashaka kukumva uzicecekere kuko azaba adashaka kukumva, wiruhurira ubusa, tuza umwereke ko uri kumwumva kandi cyane.

Narinjiye ajye imbere ngihinguka mu rugo natunguwe kubona umwana w’ umuhungu ufite nk’ imyaka irindwi apfukamye ateruye amabuye abiri aho itara ryamumurikaga neza.

Narikanze cyane mbaza Annie vuba,

Njyewe-“Annie! Ibi niki mbona? Uyu mwana ni uwa hehe? Ibi ni wowe wamutegetse kubikora koko?”

Annie yaracecetse yicara aho yikomereza koza ibyombo,

Annie-“Ibyo ntabwo bikureba Ganza, mwihorere icyo yakoze ntukizi, mureke ari mu bihano”

Njyewe-“None se nuwa he? Yibye se?”

Annie-“Ibyo ni ibyanjye Ganza! Ninjye Ntwari na Ange baba basize ku rugo, ni njyewe rero uzi icyo ndi kubikorera”

Nongeye gucisha make, natekereje ko wenda wa mugani uwo mwana yaba ari nk’ umuturanyi akaba yakoze amakosa atuma Annie ahitamo kumuhana muri ubwo buryo.

Nicaye ku ntebe yari iri aho hafi nkomeza kumwitegereza ariko binyanga mu nda mbwira Annie,

Njyewe-“Ariko Annie! Ko twakuranye dukurikiranye, ko twasangiye umuruho n’ umuhangayiko kuki wahanisha umwana igihano nkiki? Aka kanya wibagiwe ibitebo byatuvunaga igikanu tutari mu bihano none upfukamishije umwana umwikoreje amabuye ngo uri kumuhana?”

Annie-“Ganza! Mbabarira ntiwongere kunyibutsa akahise?”

Njyewe-“Ndabibona nyine ntushaka kwibuka ko umwana ari nkundi, inkoni ivuna igufa itavura ingeso, ko umwana wundi abishya inkonda, ko ntawe ugirira impuhwe uwo atabyaye”

Annie yahise ahaguruka vuba,

Annie-“Ariko Ganza uratinyuka ukambwira uko nta soni? Icyo utazi niki? Wibagiwe masenge Mutoni?”

Njyewe-“Mwibagirwa nte se kandi ndi kukubuza kugira nkuko yagize?”

Annie-“Agomba kubyishyura nyine, mureke abyishyure byose ni nyina, mureke! Nakomeze aririre inka ya nyangara”

Njyewe-“Ntibishoboka! Ushatse kumbwira ko uyu mwana ari uwa masenge Mutoni wapfukamishije hano ukamwikoreza amabuye?”

Annie-“Niwe nyine! Akebo kajya iwamugarura kiriya cyane kigomba kubyishyura””

Nkimara kumva ibyo Annie yari amaze kumbwira nagize umujinya mpaguruka uba ngenda nsanga wa mwana.

Annie nawe yaturutse hirya duhurira hagati mu gushaka kumbuza mukubita inkubara ntabishaka yikubita hasi,

Annie-“Ayiweee! Yesu yesu wee! Ndavunitse…”

Nagize ubwoba Annie ataka, ntangira kumubaza aho avunitse nkomeza kumwinginga mwegura ariko nawe akomeza kwigagaza anataka cyane ako kanya umuriro uhita ubura.

Mu gihe nari nkinginga Annie ngo ahaguruke umuriro waragaruts, ukigaruka  twumvise umuntu ukomanga cyane ku irembo, Ntwari ahita ahamagara cyane,

Ntwari-“Annie! Annie!”

Annie yahise ahaguruka vuba,

Annie-“Ngoho se nigihaguruke! Kibeshye kibivuge ndakereka”

Yahise ajya gukingura, wa mwana w’ umuhungu wihanaguraga ku mavi ndetse n’ amarira ku maso yacumbagiye ajya mu gikari, ako kanya Ntwari ahinguka aho ari kumwe na Ange umugore we wari uberewe no guheka,

Ntwari-“Eeeh! Ganza! Uri hano se nawe? Nanjye nari nibajine umuntu uri gukina na Annie basakuza bigeze hariya”

Narijijishije, burya ukuri ni ikintu gikomeye, ntabwo kwihutirwa kuvugwa kuko si bose bapfa kukwemera, hari abaguhakana bakuzi, hari abanga kukwemera kandi batakuzi, ariko igihe iyo kigeze kuraseruka, ntiguce mu ziko ngo gushye.

Njyewe-“Eeeh! Ni njyewe da! Nari nanyarutse ngo nze mbagereho mbasuhuze, nsigaye mpuze buriya mboneka gake ngira ngo narabikubwiye”

Ntwari-“Eeeh! Natwe nibwo tukiza na madame, ubundi aya masaha niyo dukunze gutahiraho, ariko Annie we aba ari hano nta kibazo…ahubwo se ko yaguhejeje hanze bite?”

Njyewe-“Oya ntabwo nari kumusiga hanze ngo njye kwicara mu nzu, nigumiye hano ngo ndebe uko akora uturimo”

Ntwari-“Eeeh! Noneho waza tukaba twibereye mu nzu ukambwira n’ amakuru neza yahoo usigaye uhugiye”

Twinjiye mu nzu twicara muri salon dutangira kuganira, yewe baranzimanira tuganirira kuri kacyayi, kwa kundi bizaa…

Njyewe-“Niko se Ntwari, uriya mwana nabonye hano ngo ni uwa masenge Mutoni?”

Ntwari-“Yego nuwe”

Njyewe-“Uuh? None se asigaye aba hano gute? Naherutse Annie yanga kurara hano akaza kurara iwanjye, ngo masenge yari yaje aha”

Ntwari-“Ahha! Ganza! Mbese ukuntu byagenze, koko masenge Mutini yazanywe hano na madame bahuriye kwa muganga….ntabwo nabikunze ndetse naranamutonganyije cyane gusa kubera we nemera kumucumbikira ijoro rimwe gusa”

Njyewe-“Yego ndakumva”

Ntwari-“Hanyuma rero mu gitondo agiye kugenda madame aransegura ansaba ko masenge twamuruhura byibura tukamufasha kurera umwana umwe muri babiri afite dore ko yaje buriya yambaye imyenda icitse, amaga n’ imyate byose…mbese byo yari ateye agahinda”

Njyewe-“Uravuga masenge se cyangwa?”

Ntwari-“Yewe! Bose bari bateye agahinda, keretse iyo uza kubirebera nuko nta gahinda masenge yantera, yagateye madame”

Njyewe-“Hanyuma se waje kwemera”

Ntwari-“Ganza! Naremeye ariko uriya mwana ntihazagire umumbaza, Ange n’ impuhwe ze yaranyobeye,nemeye ntemeye, ariko uribuka nyina sha Ganza? Urabyibuka cyangwa waribagiwe?”

Njyewe-“Ndabyibuka byose Ntwari, ariko se niba waremeye kumufata ngo abe hano byaba bimaze iki kurutwa nuko yari kuruhira ahandi ngo azakuvuge nabi nkuko natwe tuvuga nyina nabi?”

Ntwari-“Ganza! Ibyo simbizi! Nashakake azamvuge nabi, nuko nanze kwisenyera ngo nshwane n’ umugore ugira impuhwe nkiza Yesu wacaga ahantu hose afasha abashonje akabatuburira imigati, mu makwe ngaho divayi akabaha, byabujije kumwigarika bakamubamba se? Hmmm! Ibyo bindekere sha Ganza, nta nama wowe wangira uri bucura nkaba imfura”

Muri ako kanya nararuciye ndarumira, ibyo kurya byari bihiye bategura ameza, tumaze gusangira narebye gusezera ariko mba ndetse.

Najyaga nibaza igihe kiza umuntu yasezera amaze kurya ngo abo bari kumwe batamugucishamo ijisho ariko kwa Ntwari narisangaga, nahise nsezera,

Njyewe-“Ndahaze reka nyaruke njye kuryama ejo ndazinduka”

Annie-“Ugize Imana ntuburaye, umaze kurya se wabuzwa niki guhita ugenda?”

Ntwari-“Hhhhh! Ariko mwebwe muhora mushondana? Abana bakurikirana njyewe baransetsa, Ganza! Nta kibazo rwose wanyaruka wa mugani ejo ni akazi, ntabwo uri nka Annie wirirwa aha”

Ntwari yavuze atyo mbona Annie arahindutse ariko nanga kubimwereka ndabasezera nta wiriwe amperekeza.

Nageze ku muhanda mfata aka moto kangeza neza neza aho namanukiraga ngana ku icumbi, bwari bwije nasanze abantu bose baryamye nanjye ndaryama, mu gitondo kare kare nahamagawe n’ umuntu wari ugiye kumpa ikiraka, amaguru nyabangira ingata.

Nari namurangiye aho dukorera, nkigerayo natunguwe cyane  nuwo nabonye…ya DG, uwo namenye kubera Agasaro.

Namuhereje ikiganza aracyakira,

Njyewe-“Eeeh! Kalibu Boss! Ni mwebwe?”

DG-“None se usanzwe unzi sha?”

Namenye ko ahari wenda ashobora kuba yaranyibagiwe, burya kwijijisha ni nko kubeshya ntumenya uko bije,

Njyewe-“Hhhhhh! Abakiriya buriya barasa, nabonaga usa nuwatuguriye ubushize niyo mpamvu”

DG-“Rero umuntu waraye ampaye nimero yawe yitwa Agasaro…ndakeka utamuzi ariko yambwiye ko uzi ibintu byo gusiga amarange kandi ndashaka gusiga inzu yanjye mfite ubukwe bw’ umwana wanjye vuba”

Njyewe-“Eeeh! Nta kibazo rwose murisanga, amarange arahari abayasiga barahari, mbese urebye ikibura ni ukutubwira amarangi ushaka tukumvikana”

Njye na DG umugabo washeshaga akanguwe nabonaga ko nta tinya kumuca agatubutse akakampa twarumvikanye, ndetse ahamagara indi modoka ipakira ibikoresho, ba basore banjye bari bahageze tujya gushaka  igeno ry’ umunsi.

Twagezeyo antambagiza hose uko abishaka, twambarira urugamba, uwo munsi twatashye bwije kandi mu gitondo kare twagombaga kugaruka.

Nka saa mbiri nageze mu rugo mfata amazi njya muri douche nditunganya neza, ubundi ntangira gushaka icyo ndarira.

Mu gihe nari maze gukaraba intoki ngo mburye numvise umuntu ukomanze, yari Agasaro.

Agikuraho redeau,

Njyewe-“Eeeh! Agasa! Kalibu! Kalibu urisanga rwose dore ntabwo wavutse mu nzara usanze bihiye karaba dusangire”

Muri ako kanya numvaga navuga ibyo mbonye byose kugira ngo nsabe imbabazi Agasaro twari twashwanye dupfuye ko namubwiye ko ibyo akora bisa n’ ubujura, numvaga nabuze aho mpera ngo mushimire ko yandangiye akazi yirengagije ibindi.

Agasaro-“Urakoze Ganza”

Yarinjiye nk’ ibisanzwe yari yambaye neza cyane, imyenda isa ya sport, yari aberewe no kurebwa kuko yari afite indoro yuje ubwuzu, uw’ abandi yari yacururutse aza kundeba.

Natangiye kwicira urubanza muri ako kanya ko ntafashe iya mbere ngo nshake uburyo twiyunga ubuzima bukomeze maze ntangira gusaba imbabazi ariko ahita ambwira,

Agasaro-“Ganza! Ibyo byarangiye humura, kandi wakoze cyane gutuma nongera kwitekerezaho, hanyuma se umuntu nahaye nimero yawe yaguhamagaye?”

Njyewe-“Yampamagaye rwose, ntabwo nzi uko nagushimira, wandangiye akazi karyoshye”

Agasaro-“Oooh! Ni byiza”

Njyewe-“Hanyuma se sha karaba tuburye butarahora, uragira ngo tuburye bwabaye capati?”

Agasaro-“Hhhh! Humura irire Ganza! Maze kurya mukanya nuko ndebye kuryama ntakubajije uko ikiraka cyagenze”

Njyewe-“Oooh! Agasa! Uri umwana mwiza pe, ndumva ahubwo ari njyewe mwana mubi wagutekerejeho nabi…”

Agasaro-“Oya Ganza! Humura…ahubwo bonne apetit”

Njyewe-“Nabikunda izo ntoki zawe zinteye apetit, tukajya dusimburana gukata iyi gateau…uuuh nako ubugari”

Agasaro yasetse ahaguruka ndamutanga musukira amazi, dutangira kurya tuganira, byari byiza mu maso yuwari kutubona twe tutamubona.

Twasoje kurya bitunaniye kubera amagambo menshi yatumaga tubyihorera, Agasaro arandurura dukaraba intoki,

Agasaro-“Ganza! Urakoze, ndumva uzi guteka umugore uzashaka nazaba atabizi azaseba”

Njyewe-“Hhhhh! Ubuzi ute se ko ntamufite?”

Agasaro yapfutse ku munwa,

Agasaro-“Wa mugani we? Aba hehe se? Cyangwa reka ndeke kwihuta uzamunyereka da!”

Njyewe-“Hhhhh! Nzamukwereka umunsi nateye ivi nkamwambika ikiruta impeta arirwo rukundo, buriya naza nabatari wowe bazabimenya”

Agasaro-“Ushatse kuvuga iki Ganza?”

Njyewe-“Icara…tambuka wicare hano impande yanjye, nibishoboka nkagufata mu biganza, ukandeba iyo ndoro yawe yoroshya umutima wanjye, nakubarira ibyanjye niba wizeye neza kutanyumvira ubusa, no kugira icyo ukora”

Agasaro yarahagurutse aza impande yanjye mufata mu biganza isura ijya mu yindi maze nitsa umutimaa…..

Njyewe-“Agasa! Nakundanye n’ umukobwa twamenyanye mu buto…..”

Natangiye kubarira inkuru yanjye Agasaro, yanteze amatwi ndetse atera inkingi itama gusa ntabwo namubwiye mbere Kevine uwo ari we.

Mu gihe nari ngiye kumubwira Kevine uwo ariwe, nkamubwira ko ariwe Mabuja, ko ari we watumye menya ko umwiza wo mu buto ari uwo mu nzozi ako kanya numvise ijwi ndarimenya, ryari irya Papa Kevine wavugaga atera intambwe,

Papa Kevine-“Ganza se arimo cyangwa?…………………………………

Ntuzacikwe na Episode ya 58 ejo mu gitondo

❌